Gold Silver Rate: सोने चांदीच्या दरवाढीच्या वेगाला ब्रेक, आठवड्याच्या पहिल्याच दिवशी ग्राहकांना दिलासा, जाणून घ्या नवे दर

Gold Silver Rate : जानेवारी महिन्यात सोने आणि चांदीच्या दरानं उच्चांक गाठला होता. त्या तुलनेत सध्या सोने आणि चांदीचे दर कमी आहेत.

सोने चांदीच्या दरवाढीच्या वेगाला ब्रेक

सराफा बाजारात सोने आणि चांदीच्या दरात थोडे बदल पाहायला मिळाले आहेत.24 कॅरेट सोन्याच्या दरात 16 रुपयांची वाढ झाली. 24 कॅरेट सोन्याचा एका तोळ्याचा दर 151495 रुपये झाला आहे. दुसरीकडे चांदीच्या दरात 278 रुपयांची वाढ झाली असून एक किलो चांदीचा दर 244103 रुपयांवर पोहोचला आहे.

इंडियन बुलियन ज्वेलर्स असोसिएशनच्या दरांनुसार सराफा बाजारात सोन्याच्या दरानं जानेवारी महिन्यात उच्चांक गाठला होता. त्यावेळी एक तोळे सोन्याचा दर 176121 रुपयांवर पोहोचला होता. त्या तुलनेत सध्या सोनं 24624 रुपयांनी स्वस्त झालं आहे.

चांदीच्या दरात गेल्या वर्षभरात मोठी वाढ पाहायला मिळाली होती. चांदीच्या दरानं एमसीएक्सवर चार लाखांचा टप्पा पार केला होता. सराफा बाजारात चांदीच्या दरानं पावणे तीन लाखांचा टप्पा ओलांडला होता. त्या तुलनेत सध्या चांदी 141830 रुपयांनी स्वस्त झाली आहे.

आयबीजेएच्या दरांनुसार 22 कॅरेट सोन्याच्या एका तोळ्याच्या दरात 14 रुपयांची वाढ होऊन ते 138769 रुपयांवर पोहोचलं आहे. दुसरीकडे 18 कॅरेट सोन्याचा एका तोळ्याचा दर 113621 रुपये इतका आहे. आयबीजेएकडून जारी करण्यात आलेले दर जीएसटी शिवायचे असतात. सोने आणि चांदीवर 3 टक्के जीएसटी आकरला जातो.

23 कॅरेट सोन्याच्या दर देखील स्थिरावले असल्याचं पाहायला मिळतं. 23 कॅरेट सोन्याचा एका तोळ्याचा दर 16 रुपयांनी वाढून 150888 रुपयांवर पोहोचले आहेत. तर, 14 कॅरेट सोन्याचा एका तोळ्याचा दर 88625 रुपयांवर पोहोचला आहे.

बाजार जाणकारांच्या मते येत्या काळात सोने आणि चांदीच्या दरात येत्या काही दिवसांमध्ये वेगवान घडामोडी पाहायला मिळू शकतात. अमेरिका आणि इराण यांच्यातील चर्चा आणि येत्या 29 एप्रिलला होणाऱ्या अमेरिकेतली फेडरल ओपन मार्केट कमिटीची बैठक महत्त्वाची मानली जातेय. जेरोम पॉवेल यांची ती अखेरची बैठक ठरण्याची शक्यता आहे. या घडामोडींचा सोने आणि चांदीच्या दरावर परिणाम होऊ शकतो.