Gold-Silver Rate: गुड न्यूज, सोन्याच्या दरात मोठी घसरण, चांदीच्या दरातील तेजी ओसरली, जाणून घ्या मुंबई, नवी दिल्लीतील दर

Gold-Silver Rate: सोने आणि चादीच्या चांदीच्या दरात मोठी घसरण काल पाहायला मिळाली होती. आज चांदीचा एक किलोचा दर 2 लाख 74 हजार ते 2 लाख 79 हजारांदरम्यान पाहायला मिळाला आहे.

सोने चांदीच्या दरात घसरण

Gold-Silver Price Today on June 6: भारतीय सर्राफा बाजारात गेल्या काही दिवसांपासून सोने आणि चांदीच्या दरात मोठी घसरण पाहायला मिळाली आहे. अमेरिकेतली रोजगाराचे मजबूत आकडे आणि डॉलर मजबूत झाल्यानं जागतिक पातळीवर नफावसूली झाल्यानं मल्टी कमोडिटी एक्सचेंजवर काल सोने आणि चांदीच्या दरात घसरण झाली.

शनिवारी आणि रविवारी आयबीजेए आणि एमसीएक्सकडून दर जाहीर केले जात नाहीत. शुक्रवारी आयबीजेए आणि मल्टी कमोडिटी एक्सचेंजवर सोन्याच्या दरात 1600 ते 1850 रुपयांची घसरण झाली. चांदीच्या दरात देखील काल दिवसभरात 4000 ते 5800 रुपयांची घसरण झाली.

राजधानी नवी दिल्लीत 24 कॅरेट सोन्याचा एका तोळ्याचा दर 1 लाख 55 हजार 870 रुपये असून 22 कॅरेट सोन्याचा दर 142890 रुपये इतका आहे. मुंबई आणि कोलकाता येथे 24 कॅरेट सोन्याचा दर 1 लाख 55 हजार 720 रुपये असून 22 कॅरेट सोन्याचा दर 142740 रुपये इतका आहे. नवी दिल्ली, मुंबई आणि कोलकाता च्या तुलनेत चेन्नईत सोन्याचे दर अधिक आहेत. चेन्नईतील 24 कॅरेट सोन्याचा दर 157950 रुपये तर 22 कॅरेट सोन्याचा एका तोळ्याचा दर 144290 रुपये इतका आहे.

भारतात चांदीचे सरासरी दर 274900 रुपये किलो ते 279900 रुपयांदरम्यान आहे. नवी दिल्लीत चांदीचा एक किलोचा दर 279900 रुपये असतील. मुंबई आणि कोलकाता येथे चांदीचा एक किलोचा दर 2 लाख 75 हजार रुपये आहे. चेन्नईत एक किलो चांदीचा दर 2 लाख 80 हजार रुपये इतका आहे.

अमेरिकनं फेड रिझर्व्ह नजीकच्या काळात व्याज दरात कपात करण्याची शक्यता कमी असणं,अमेरिकेतील रोजगारचे मजबूत आकडेवारी या कारणांमुळं गुंतवणूकदार सोन्यातून पैसे काढून घेत आहेत.जागतिक बाजारात सोन्याचे दर 4450 डॉलर प्रति औंस असून चांदीचा दर 73 डॉलर प्रति औंसवर आले आहेत. त्यामुळं भारतात दर घसरले.