Gold Price Today: गुड न्यूज, एका आठवड्यात 24 कॅरेट सोने दरात 4690 रुपयांची घसरण, चांदी 15000 रुपयांनी स्वस्त, जाणून घ्या नवे दर

Gold Price Today नवी दिल्ली: सोने आणि चांदीच्या दरात शुक्रवारी घसरण पाहायला मिळाली होती. आठवड्याचा विचार केला असता सोने दरात घसरण झाली आहे.

सोने चांदीच्या दरात आठवड्यात मोठी घसरण

नवी दिल्ली : सोने आणि चांदीच्या दरांबाबत आठवड्यांच्या कालावधीचा विचार केल्यास नुकत्याच संपलेल्या आठवड्यात देखील सोन्याच्या दरात घसरण झाली आहे. या आठवड्यात 24 कॅरेट सोन्याच्या दरात 4690 रुपयांची घसरण झाली आहे. तर, 22 कॅरेट सोन्याचा दर 4300 रुपयांनी कमी झाला आहे.

रविवार म्हणजे आज नवी दिल्लीत 24 कॅरेट सोन्याचा एका तोळ्याचा दर 155910 रुपयांवर आहे. आंतरराष्ट्रीय बाजारात हाजिर सोन्याचा दर 4470.79 डॉलर प्रति औंस इतका आहे. नवी दिल्लीत 24 कॅरेट सोन्याचा दर 155910 रुपये प्रति तोळा असून 22 कॅरेट सोन्याचा दर 140150 रुपये 10 ग्रॅम इतका आहे.

मुंबई आणि कोलकाता येथे सोन्याचा दर सारखाच आहे. 22 कॅरेट सोन्याचा एका तोळ्याचा दर 1 लाख 40 हजार रुपये इतका आहे. तर, 24 कॅरेट सोन्याचा एका तोळ्याचा दर 152730 रुपये इतका आहे. दिल्ली च्या तुलनेत मुंबई आणि कोलकाता येथे सोने स्वस्त आहे.

चेन्नईत 24 कॅरेट सोन्याचा एका तोळ्याचा दर 154910 रुपये इतका आहे. 22 कॅरेट 142000 रुपये एक तोळा आहे. पुणे आणि बंगळुरुत 24 कॅरेट सोन्याचा दर 152730 रुपये तोळा तर 22 कॅरेट सोन्याचा दर 1 लाख 40 हजार रुपये आहे.

चांदीच्या दरात एका आठवड्यात एक किलोचा दर 15 हजार रुपयांनी कमी झाला आहे. 7 जूनला चांदीचा एक किलोचा दर 265000 रुपये आहे. आंतरराष्ट्रीय बाजारात चांदीचा एका किलोचा दर 72.89 डॉलर प्रति औंस इतका आहे. शुक्रवारी चांदीच्या दरात 5000 रुपयांची घसरण झाली आहे.