सोन्याचांदीचा घसरता ट्रेंड पाहून खरेदीला जाताय? आधी 24 अन् 22 कॅरेटचा दर चेक करा, मुंबई-पुण्यात...

मागील काही दिवसांपासून सोन्याच्या दरात सातत्याने नरमाई पाहायला मिळत आहे. कुठे काय भाव आहे? १० ग्रॅममागे किती पैसे दयावे लागतायत? वाचा

Gold Rate Today

काही दिवसांपूर्वी लाखांचा टप्पा उलांडून पुढे गेलेल्या सोन्याच्या भावात गेल्या 7 दिवसांपासून घसरण सुरू आहे .

सोन्याचा हाच घसरता ट्रेंड जुलै महिन्याच्या सुरुवातीलाही दिसून येतोय . एक जुलैला 24 कॅरेट सोन्याचा 10 ग्रॅम मागे दर हा 97,410 होता . आज 2 जुलै रोजी हा दर 97,330 एवढा झाला आहे .

एक जुलै रोजी चांदीचा प्रति किलो दर एक लाख 7 हजार 700 रुपये एवढा झाला होता . आज (2 जुलै) रोजी चांदी एक लाख 6 हजार 500 रुपयांवर पोहोचली आहे .

22 कॅरेट सोन्यासाठी आज मुंबईच्या सराफा बाजारात 10 ग्रॅम मागे 89 हजार 219 रुपये खरेदीदारांना मोजावे लागत आहेत .तर 18 कॅरेट सोनं 72 हजार 998 रुपयांवर गेलंय .

पुणे, नागपूर, ठाणे,नाशिक अशा बहुतांश शहरांमध्ये 24 कॅरेट सोन्यासाठी 97 हजार 280 (प्रति 10 ग्रॅम ) रुपये मोजावे लागत आहे .

डॉलर निर्देशांकातली घसरण,महागाईतील घट, आर्थिक आणि भूराजकीय तणावात घट, किरण इजराइल मधील तणाव कमी होणे अशी अनेक कारणे या सोन्याच्या घसरणे मागे सांगितली जात आहेत .

गेल्या दहा दिवसांपासून सोने आणि चांदीच्या दरात सातत्याने घसरण दिसून आली आहे. हे दर दररोजच्या आधारावर ठरवले जातात आणि यामागे अनेक घटक जबाबदार असतात.

उदा. डॉलरच्या तुलनेत रुपयाचे मूल्य, क्रूड ऑईलचे दर, इम्पोर्ट ड्युटी आणि आंतरराष्ट्रीय बाजारातील घडामोडी यांचा थेट परिणाम सोन्याच्या दरावर होतो.