Gold Rate: सोने दरात सलग दुसऱ्या दिवशी वाढ, चांदी 2 लाख 40 हजारांवर, सोने चांदीचे लेटेस्ट दर जाणून घ्या

Gold Rate : सोने आणि चांदीच्या दरात मोठी वाढ होत असल्याचं पाहायला मिळतंय. राष्ट्रीय राजधानी नवी दिल्लीत सोन्याचे दर सलग दुसऱ्या दिवशी वाढले.

सोने दरात वाढ

नवी दिल्ली : राजधानी नवी दिल्लीत सराफा बाजारात शुक्रवारी सोन्याच्या दरात तेजी दिसून आली. नवी दिल्लीत सोन्याच्या दरात 14000 रुपयांची वाढ झाली आहे, त्यामुळं एक तोळे सोन्याचा दर 1.61 लाख रुपयांवर पोहोचला आहे. स्थानिक व्यावसायिकांनुसार 24 कॅरेट सोन्याचा गुरुवारचा दर 159500 रुपये तोळा होता. त्यामध्ये 1400 रुपयांची वाढ झाली आहे. सोन्याचा एक तोळ्याचा दर सर्व करांसहीत 1 लाख 60 हजार 900 रुपयांवर पोहोचला आहे.

नवी दिल्लीत चांदीचे दर 2 लाख 40 हजार 500 रुपयांवर स्थिरावले आहेत. व्यावसायिकांनी दिलेल्या माहितीनुसार सोन्याच्या दरातील वाढ देशांतर्गत सराफा बाजारात सोने खरेदी वाढल्यानं दर वाढले आहेत. तर, गुंतवणूकदार आर्थिक निर्णय घेण्यापूर्वी सतर्कता बाळगत आहेत. अमेरिकन फेड रिझर्व्हकडून जाहीर होणारे व्याज दर आणि त्याचा सोन्याच्या दरावर परिणाम होऊ शकतो, म्हणून गुंतवणूकदार सावध आहेत.

मोतीलाल ओसवाल फायनान्शिअल सर्व्हिसेस लि.मधील संपत्ती मॅनेजमेंट विभागाचे रिसर्च हेड सिद्धार्थ खेमका यांनी देशांतर्गत बाजारात चांदीचा दर जानेवारीच्या चार लाख रुपयांच्या एक किलो दराच्या तुलनेत 40 टक्क्यांनी कमी होत 2 लाख 30 हजार ते 2 लाख 40 हजारांवर आले आहेत.

चांदीमध्ये गुंतवणुकीची मागणी कमी झाली आहे. चांदीची मागणी कमी झाली असली तरी डीलरकडे उपलब्ध असलेल्या स्टॉकमुळं त्यांची चिंता वाढली आहे. जर मागणी वाढली नाही तर भारतीय डीलर्सकडे 2000 टन चांदीच्या ऑर्डरच्या स्टॉकचा भार वाढून त्याबाबत चिंता निर्माण होऊ शकते.

जागतिक पातळीवर हाजीर सोन्याच्या दरात किरकोळ घसरण झाली आहे. हाजीर सोन्याचा दर 4465.34 डॉलर प्रति औंस होता. चांदीच्या दरात देखील घसरण झाली आहे, चांदीचा दर 66.72 डॉलर प्रति औंसवर पोहोचले आहेत.

एचडीएफसी सिक्यूरिटीजमधील वरिष्ठ विश्लेषक सौमिल गांधी यांनी म्हटलं व्यापारी सध्या सतर्कतेची भूमिका घेत आहे. अपेक्षेपेक्षा कमजोर आकडे आल्यास डॉलरमध्ये आणखी घसरण झाल्यास सोन्याच्या दरांना आधार मिळू शकतो. गैर कृषि पेरोल रिपोर्टमध्ये चांगली आकडेवारी आल्यास फेड रिझर्व्हकडून कठोक भूमिका घेत व्याज दर वाढवले जाऊ शकतात.