अक्षय तृतीयाच्या पूर्वसंध्येला सोन्याच्या दराला चकाकी; चांदीनेही भाव खाल्ला, 1 तोळं सोन्याचा लेटेस्ट दर किती?

Gold Prices Rise Again: अक्षय तृतीयाआधी सोन्याच्या दरात वाढ झाली असल्याची माहिती समोर आली आहे.

Todays Gold Rate

Todays Gold Rate: अमेरिका- इस्त्रायल आणि इराणमधील युद्धजन्य स्थितीदरम्यान सोनं - चांदीच्या दरात काही प्रमाणात घसरण पाहायला मिळाली. ऐन लग्नसराईच्या तोंडावर सोन्याचे भाव कमी झाल्याने खरेदीदारांना दिलासा मिळाला होता. दरम्यान, सोन्याच्या दरात पुन्हा वाढ होत असल्याचं पाहायला मिळत आहे.

अक्षय तृतीया या सणाच्या तोंडावर सोन्याचा भाव कडाडला आहे. तसेच चांदीच्या दरातही वाढ झाली असल्याचं पाहायला मिळत आहे. सुवर्णनगरीत अर्थात जळगावमध्ये सोन्याच्या दरात आज वाढ झाली असल्याची नोंद झाली आहे.

अक्षय तृतीया या सणाच्या शुभ मुहूर्तावर बरेच जण सोनं खरेदी करतात. पण आज सोन्याच्या दरात वाढ झाली असल्याची माहिती आहे.

सोन्याच्या दरात 1,100 रुपयांची वाढ झाली आहे. तर, चांदीच्या दरात तब्बल 7 हजारांची वाढ झाली आहे. त्यामुळे ग्राहकांच्या खिशाला झळ बसणार एवढं मात्र नक्की.

1 तोळं सोन्याचा दर (GST सह) 1 लाख 57 हजार 384 रुपयांवर पोहोचला आहे. तर, 1 तोळं सोन्याचा भाव (GST शिवाय) 1 लाख 52 हजार 800 रुपये इतके आहे. 10 तोळं सोनं खरेदीसाठी आपल्याला 15,73,840 रुपये मोजावे लागतील.

Continues below advertisement

सोन्यासह चांदीच्या दरातही वाढ झाली आहे. 1 किलो चांदी खरेदीसाठी आपल्याला (GST सह) 2 लाख 97 हजार 800 रुपये मोजावे लागतील. (GST शिवाय) 1 किलो चांदी खरेदीसाठी आपल्याला 2, 60,000 रुपये मोजावे लागतील.

गुड रिटर्न्स रिपोर्ट्सनुसार, मुंबईत 24 कॅरेट 1 तोळं सोनं खरेदीसाठी आपल्याला 1,55,780 रुपये मोजावे लागतील. तर, 24 कॅरेट 10 तोळं सोनं खरेदीसाठी आपल्याला 15, 57,800 रुपये मोजावे लागतील.

22 कॅरेट 1 तोळं खरेदीसाठी आपल्याला 1,42,800 रुपये मोजावे लागतील. तर, 22 कॅरेट 10 तोळं सोनं खरेदीसाठी आपल्याला 14,28,000 रुपये मोजावे लागतील.