Gold Rate : गुड न्यूज, सोने आणि चांदीच्या दरात घसरण कायम, 22 कॅरेट सोन्याचे दर 1 लाख 30 हजारांच्या खाली आले, जाणून घ्या लेटेस्ट दर

Gold Rate : 16 जुलै रोजी भारतात सोने दरात किरकोळ घसरण पाहायला मिळाली. चांदीच्या दरात देखील घसरण झाल्याचं दिसून आलं आहे.

सोने दरात घसरण

नवी दिल्ली : सोने आणि चांदीच्या दरात घसरण पाहायला मिळाली. सराफा बाजारात सोन्याचा दर 20 रुपयांनी कमी झाल्याचं दिसून आलं. तर, बुलियन मार्केटमध्ये 24 कॅरेट सोन्याचा एका तोळ्याचा दर 1 लाख 41 हजार 180 रुपयांवर आला. दुसरीकडे 22 कॅरेट सोन्याचा दर 1 लाख 29 हजार 320 रुपयांवर पोहोचला आहे. सोने खरेदी करणाऱ्यांना दरातील घसरणीमुळं दिलासा मिळाला आहे.

इंडिया बुलियन्स ज्वेलर्स असोसिएशनकडून दिवसातून दोन वेळा सोने आणि चांदीचे दर जारी केले जातात. 15 जुलै रोजी 24 कॅरेट सोन्याचा दर 141908 रुपयांवर होता, त्यामध्ये आज किरकोळ घसरण झाली. 16 जुलै म्हणजे आज सोन्याचा दर 141713 रुपयांवर आला आहे. आज सोन्याच्या दरात 195 रुपयांची घसरण झाली आहे.

22 कॅरेट सोन्याचा दर काल 129988 रुपये 10 ग्रॅम इतका होता. आज त्यात घसरण होऊन तो 129809 रुपयांवर आला आहे. म्हणजे सोने दरात 179 रुपयांची घसरण झाली आहे.

चांदीच्या दरात देखील किरकोळ घसरण झाल्याचं दिसून आलं. बुधवारी चांदीचा दर 219711 रुपयांवर होता, आज तो 218485 रुपयांवर आला आहे. म्हणजेच एक किलो चांदीच्या दरात 1226 रुपयांची घसरण झाली आहे.

अमेरिका आणि इराण यांच्यातील संघर्ष पुन्हा सुरु झाल्यानं क्रूड ऑईलचे दर वाढले आहेत. याशिवाय महागाईचं संकट देखील वाढल्याचं पाहायला मिळतं आहे. कच्चा तेलाचे दर सातत्यानं वाढल्यास महागाई वाढू शकते. या सर्वांचा परिणाम म्हणून सोने आणि चांदीच्या दरात घसरण झाल्याचं दिसून येते.

Continues below advertisement