Shravan 2026 : श्रावणात 12 ज्योतिर्लिंगांना भेट देताय? पण, ही ज्योतिर्लिंग नेमकी प्रकट कशी झाली? वाचा 12 ज्योतिर्लिंगांचं धार्मिक महत्त्व

Shravan 2026 : भारताच्या पवित्र भूमीवर 12 ज्योतिर्लिंगे आहेत. ही फक्त मंदिर आणि भक्तीचं स्थान नसून त्याच्या मागची धार्मिक शद्धेचे प्रतिक आहे.

Shravan 2026

सोमनाथ - चंद्राला पुन्हा तेज देणारा गुजरातच्या सोमनाथमध्ये दक्षाच्या शापामुळे आपला प्रकाश गमावलेल्या चंद्रदेवाला पुनः तेज प्राप्त करून देण्यासाठी शंकर भगवान सोमनाथ ज्योतिर्लिंग रूपात प्रकट झाले.

मल्लिकार्जुन - कार्तिकेयासाठी निवास आंध्र प्रदेशातील मल्लिकार्जुन येथे कार्तिकेयाला मनवण्यासाठी आणि त्याच्या जवळ राहण्यासाठी भगवान शंकर आणि देवी पार्वती मल्लिकार्जुन ज्योतिर्लिंग रुपात त्या पर्वतावर राहिले.

महाकालेश्वर - दुष्टांचा संहार करणारा उज्जैनच्या महाकालेश्वर येथे भक्तांचे रक्षण करण्यासाठी आणि राक्षस दूषणाचा वध करण्यासाठी शिव महाकाल रुपात प्रकट झाले.

ओंकारेश्वर - विंध्य पर्वताची तपस्या मध्य प्रदेशातील ओंकारेश्वर येथे विंध्य पर्वताच्या कठोर तपस्येने प्रसन्न होऊन शिव ओंकारेश्वर ज्योतिर्लिंग रूपात प्रकट झाले.

केदारनाथ - पांडवांना पापमुक्त करणारा उत्तराखंडच्या केदारनाथमध्ये महाभारत युद्धाच्या पापांमधून पांडवांना मुक्त करण्यासाठी आणि त्यांच्या तपस्येने प्रसन्न होऊन शंकर केदारनाथ ज्योतिर्लिंग रुपात प्रकट झाले.

Continues below advertisement

भीमाशंकर - भक्तांचे रक्षण करणारा महाराष्ट्रातील भीमाशंकर येथे राक्षस भीमाचा वध करून भक्तांचे रक्षण करण्यासाठी भगवान शंकर भीमाशंकर ज्योतिर्लिंग रुपात प्रकट झाले.

काशी विश्वनाथ - मोक्ष देणारा वाराणसीच्या काशी विश्वनाथमध्ये आपल्या भक्तांना मोक्ष प्रदान करण्यासाठी महादेव विश्वनाथ रुपात स्थापित झाले.

त्र्यंबकेश्वर - गंगा अवतरण महाराष्ट्रातील त्र्यंबकेश्वर येथे ऋषी गौतमांच्या तपस्येने प्रसन्न होऊन आणि गंगा नदीला पृथ्वीवर आणण्यासाठी भगवान शंकर त्र्यंबकेश्वर ज्योतिर्लिंग रुपात प्रकट झाले.

वैद्यनाथ - रावणाचे उपचार करणारा झारखंडच्या वैद्यनाथमध्ये रावणाच्या कठोर तपस्येला प्रसन्न होऊन आणि त्याच्या जखमांवर उपचार करण्यासाठी महादेव वैद्यनाथ ज्योतिर्लिंग रुपात प्रकट झाले.

नागेश्वर - सुप्रियाची रक्षा गुजरातच्या नागेश्वर येथे भक्त सुप्रियचे रक्षण करण्यासाठी आणि दारुक राक्षसाचा संहार करण्यासाठी भगवान शंकर नागेश्वर ज्योतिर्लिंग रुपात प्रकट झाले.

रामेश्वरम - श्रीरामांची पूजा तामिळनाडूच्या रामेश्वरममध्ये रावणवधापूर्वी श्रीरामाने शंकराची पूजा करण्यासाठी हे ज्योतिर्लिंग स्थापित केले.

घृष्णेश्वर - घुश्माची अटूट भक्ती महाराष्ट्रातील घृष्णेश्वर येथे भक्त घुश्माच्या अतूट भक्तीने प्रसन्न होऊन आणि तिच्या मृत पुत्राला पुन्हा जिवंत करण्यासाठी शिव घृष्णेश्वर ज्योतिर्लिंग रुपात प्रकट झाले.