Shani Sade Sati : शनीच्या साडेसातीचे काय असतात परिणाम? साडेसातीपासून वाचण्यासाठी करा 'हे' उपाय

Shani Sade Sati : शनि कोणत्याही लोकांच्या जन्म राशीच्या बाराव्या, पहिल्या किंवा दुसऱ्या चरणात प्रवेश करतो त्याला शनिची साडेसाती म्हणतात. शनिच्या साडेसातीचे तीन चरण असतात.

Shani Sade Sati

शनीची साडेसाती ही ज्योतिष शास्त्रामध्ये सर्वात महत्त्वाचा तसेच आव्हानात्मक काळ मानला जातो. शनिची साडेसाती ज्या राशींवर असते त्या राशीच्या लोकांना वाईट परिणामांचा सामना करावा लागू शकतो.

पण या काळात घाबरायची गरज नसते. शनीला न्यायदेवता तसेच कर्मफळदात म्हणतात. शनी सगळ्यांच्या कर्माचा हिशोब ठेवतो आणि त्यानुसार प्रत्येकाला कर्माचे फळ देतो. शनी कोणत्याही लोकांच्या जन्म राशीच्या बाराव्या, पहिल्या किंवा दुसऱ्या चरणात प्रवेश करतो त्याला शनीची साडेसाती म्हणतात. साडेसातीचे तीन चरण असतात.

पहिला चरण : पहिला चरण खूप कष्टदायक असतो. यामध्ये व्यक्तीच्या, कौटुंबिक, मानसिक, भावनिक परिस्थितीवर परिणाम करतो.

दुसरं चरण : या चरणामध्ये, आरोग्य, नाती, तुमचे करिअर आणि आर्थिक स्थितीवर परिणाम होतो.

तिसरं चरण : या चरणामध्ये परिस्थिती एवढी गंभीर नसते. पण आरोग्य आणि परिवाराशी संबंधित मुद्दे गंभीर असू शकतात. पण, साडेसातीच्या अँटी कर्माचे फळ नक्की मिळेल.

Continues below advertisement

साडेसातीच्या काळात तुम्हाला कठीण परिस्थितीला सामोरे तर जावे लागेलच, पण घाबरून जाण्यासारखं काही नाही. या काळात साडेसातीचा परिणाम कमी करण्यासाठी काही उपायसुद्धा आहेत.

सगळ्यात महत्त्वाचं म्हणजे शनीची साडेसातीचा प्रभाव कमी करण्यासाठी स्वतः शनीची पूजा करावी. शास्त्रानुसार या काळात शनी मंदिरात जाऊन 'ॐ शं शनैश्चराय नमः' या मंत्राचा 108 वेळा जप करावा.

ज्योतिषींच्या मार्गदर्शनाने नीलम मोतीचा वापर करावा. नीलम मोती शनी ग्रहाशी संबंधित आहे. जो दागिन्यांच्या रूपात घातल्याने शनीचा आशीर्वाद मिळतो.

शनिवार हा शनिचा वार असल्या कारणाने शनिवारी मांसाहार किंवा मद्यपानापासून दूर राहावे. ज्योतिष शास्त्रानुसार, हे उपाय केल्यास शनीच्या साडेसातीचा परिणाम कमी करता येतो.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)