Ram Navami 2025: रामनवमीच्या उत्सवामुळे चैतन्याची लाट; शिर्डी, शेगावमध्ये रामजन्माच्या सोहळ्यासाठी भाविकांची अलोट गर्दी

Ram Navami 2025: आज राम नवमी.. राम जन्माचा हा सोहळा राज्यासह देशभरात साजरा होतोय. शिर्डी, शेगावमध्ये प्रभू राम जन्माच्या सोहळ्यासाठी भाविकांची अलोट गर्दी दिसून येतेय.

Ram Navami 2025 festival brings a wave of spirituality Devotees throng Shirdi Shegaon for Ram janma celebrations marathi news

राम नवमीनिमित्त शिर्डीमध्ये तीन दिवसीय रामनवमी उत्सव साजरा केला जातो. साई बाबांनी शिर्डीत सुरू केलेल्या रामनवमी उत्सवाचे 114 वे वर्ष आहे.

राम नवमीनिमित्त शिर्डी, शेगावमध्ये दिवसभरात विविध धार्मिक कार्यक्रमांचे आयोजन, अनेक भाविक आज दर्शन घेण्यासाठी येत आहेत.

राम नवमीनिमित्त शिर्डीतील साई मंदिर आज दर्शनासाठी रात्रभर खुले राहणार आहे. शिर्डीत आजच्या काकड आरती नंतर साईबाबांची प्रतिमा, पोथी आणि विणा मिरवणुकीने उत्सवाला सुरुवात करण्यात आली.

आज प्रभू रामचंद्र यांचा जन्मोत्सव सोहळा देशभरात मोठ्या उत्साहत साजरा करण्यात येत आहे. शेगाव येथील संत गजानन महाराज मंदिरात 131 वा जन्मोत्सव सोहळा साजरा करण्यात येत आहे.

राम नवमीनिमित्त देशभरातून लाखो भाविक आणि शेकडो दिंड्या शेगावात दाखल झाल्या असून आज सकाळपासूनच मोठ्या आनंदात भाविक संत गजानन महाराज आणि प्रभू रामचंद्र यांचे दर्शन घेत आहेत.

जवळपास दीड लाख भाविक सध्या शेगावात असून मंदिर प्रशासनाने सोहळा साजरा करण्यासाठी मोठी तयारी केली आहे.

दिवसभर विविध धार्मिक कार्यक्रमांनी राम जन्मोत्सव शेगाव येथे साजरा होणार असून दुपारी बारा वाजता प्रमुख सोहळा साजरा होणार आहे.

image 8

image 11

राम नवमीनिमित्त नाशिकच्या काळाराम मंदिरामध्ये रामनवमी निमित्ताने दर्शनसाठी मोठी गर्दी पाहायला मिळतेय. गुढीपाडव्यापासून काळाराम मंदिरात चैत्रोत्सव सुरू झाला आहे. नाशिकच्या ऐतिहासिक काळाराम मंदिरात रामनवमीचा उत्साह दिसतोय.

नाशिकच्या काळाराम मंदिर परिसरात पोलिसांचा चोख बंदोबस्त आहे. पहाटेपासूनच मंदिर भाविकांसाठी दर्शनासाठी खुले करण्यात आले आहे. मंदिर प्रशासनाकडून भाविकांच्या गर्दीचा अंदाज बघता चोख व्यवस्था करण्यात आलीय.