Kedarnath Yatra 2026 : हर हर महादेवाचा जयघोष, हजारो भाविकांची संख्या आणि भक्तिमय वातावरणात केदारनाथचे दरवाजे भाविकांसाठी खुले, पाहा PHOTOS

Kedarnath Yatra 2026 : केदारनाथ धामची यात्रा धार्मिक दृष्टीने महत्त्वाची मानली जाते. 12 ज्योतिर्लिंगांपैकी हे एक महत्त्वाचं ज्योतिर्लिंग आहे.

Kedarnath Yatra 2026

केदारनाथ धामचे दरवाजे आज म्हणजेच बुधवारी 22 एप्रिल 2026 रोजी सकाळी 8 वाजता भाविकांसाठी खुले करण्यात आले आहेत. दरवाजे उघडताच सर्वत्र हर हर महादेव असा जयघोष झाला आणि संपूर्ण वातावरण शिवमय झालं.

चारधाम यात्रेपैकी एक आणि प्रमुख असणाऱ्या केदारनाथ धामचे सर्वात आधी दर्शन घेण्यासाठी हजारोंच्या संख्येने भाविक येथे पोहोचले आहेत. यावेळी उत्तराखंडचे मुख्यमंत्री पुष्कर सिंहसुद्धा उपस्थित होते.

केदारनाथ धामची यात्रा धार्मिक आणि आध्यात्मिक दृष्टीने फार महत्त्वाची मानली जाते. केदारनाथ धाम उत्तराखंडच्या रुद्रप्रयाग मधील मंदाकिनी नदीच्या किनारी स्थित आहे. 12 ज्योतिर्लिंगांपैकी हे एक महत्त्वाचं आणि सर्वोच्च ज्योतिर्लिंग आहे.

मान्यतेनुसार, केदारनाथची यात्रा केल्यास पापांपासून मुक्ती मिळते, आध्यात्मिक शुद्धी आणि मोक्षप्राप्ती मिळते. याच कारणामुळे दरवर्षी लाखोंच्या संख्येने भक्त या पवित्र आणि आध्यात्मिक यात्रेचा हिस्सा बनतात.

केदारनाथ धामची यात्रा 22 एप्रिल 2026 पासून सुरु होणार आहे ते पुढच्या 6 महिन्यांपर्यंत असणार आहे. जर तुम्हाला केदारनाथला जायचं असेल तर त्यासाठी तुम्हाला आधी रजिस्ट्रेशन करावं लागतं. तसेच, यामध्ये 55 वयापेक्षा अधिक असलेल्या लोकांना मेडिकल चेकअप करणं गरजेचं आहे.

केदारनाथ धामचे दरवाजे उघडल्यानंतर आता उद्या 23 एप्रिलच्या ब्रह्ममुहूर्तात सकाळी 6 वाजून 15 मिनिटांनी बद्रीनाथ मंदिराचे कपाट भक्तांसाठी खुलं करण्यात येणार आहे. तर, गंगोत्री आणि यमुनोत्री धामचे दरवाजे 19 एप्रिल रोजी म्हणजेच अक्षय्य तृतीयेच्या दिवशी खुले करण्यात आले आहेत.