Guru Uday 2025 : तब्बल 12 वर्षांनंतर आला सोन्याचा दिवस, गुरुचा मिथुन राशीत उदय; 'या' राशी जगतील राजासारखं जीवन

Guru Uday 2025 : ज्योतिष शास्त्रानुसार, देवगुरु ग्रह बृहस्पती हा सुख-समृद्धीचा कारक ग्रह मानला जातो.सध्या गुरु मिथुन राशीत अस्ताच्या स्थितीत विराजमान आहे.

Guru Uday 2025

वैदिक ज्योतिष शास्त्रानुसार, आज म्हणजेच 9 जुलै 2025 रोजी गुरु ग्रहाचा उदय झाला आहे. गुरु ग्रहाच्या उदयामुळे काही राशींना चांगलाच लाभ मिळू शकतो. यातील भाग्यवान राशी नेमक्या कोणत्या आहेत ते जाणून घेऊयात.

ज्योतिष शास्त्रानुसार, देवगुरु ग्रह बृहस्पती हा सुख-समृद्धीचा कारक ग्रह मानला जातो.सध्या गुरु मिथुन राशीत अस्ताच्या स्थिती विराजमान आहे. मात्र, आज 9 जुलै 2025 रोजी याच राशीत गुरु ग्रहाचा उदय झाला आहे.

वैदिक ज्योतिष शास्त्रानुसार, आज पहाटे 4 वाजून 44 मिनिटांनी गुरु ग्रहाचा उदय झाला आहे. गुरु ग्रहाच्या उदयाने सर्व 12 राशींवर याचा परिणाम होणार आहे. यातील भाग्यवान राशी जाणून घेऊयात.

मिथुन राशीतच गुरुचा उदय झाल्यामुळे या राशीला चांगला लाभ मिळेल. या काळात तुमची आर्थिक समस्यांपासून सुटका होईल. तसेच, नवीन गोष्टीची सुरुवात करण्यासाठी तुम्ही उत्साही असाल.

मेष राशीच्या लोकांसाठी गुरु ग्रहाचा उदय फार लाभदायी ठरणार आहे. या राशीच्या साहस आणि पराक्रमात वाढ झालेली दिसेल. या काळात तुमची अनेक दिवसांपासून रखडलेली कामे तुम्हाला पूर्ण करता येतील.

धनु राशीसाठी आजचा दिवस फार सकारात्मक असणार आहे. या राशीच्या सप्तम चरणात गुरुचा उदय होणार आहे. त्यामुळे तुमची आर्थिक स्थिती चांगली असणार आहे.

मीन राशीसाठी हा काळ उत्तम असणार आहे. या राशीच्या लोकांवर गुरु ग्रहाची विशेष कृपा असेल. त्यामुळे तुमच्या पदोन्नतीत चांगली वाढ झालेली दिसणार आहे. व्यवसायाचा विस्तार देखील वाढलेला दिसेल.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)