Ganesh Chaturthi 2026 : हरतालिका आणि गणेश चतुर्थी एकाच दिवशी, आधी हरतालिकेची पूजा की गणपतीची स्थापना करायची? वाचा A to Z माहिती

Ganesh Chaturthi 2026 : यंदा 14 सप्टेंबर रोजी हरतालिका आणि गणेश चतुर्थी एकाच दिवशी आहे. त्यामुळे अनेक महिलांना आधी हरतालिकेचं व्रत करायचं की गणपतीची स्थापना असा प्रश्न निर्माण झाला आहे.

Ganesh Chaturthi 2026

14 सप्टेंबर 2026 रोजी सूर्योदयाची वेळ भाद्रपद शुक्ल तृतीया आहे. जी सकाळी 7 वाजून 06 मिनिटांनी समाप्त होणार आहे. तर, गणेश चतुर्थी तिथी त्यानंतर सुरु होणार आहे.

आधी कोणाची पूजा करावी? - हरतालिकेची पूजा सकाळ व्यतिरिक्त रात्रीच्या वेळी चार प्रहरींमध्ये देखील होते. कारण तृतीया तिथी सकाळी लवकर समाप्त होतेय त्यामुळे हरतालिकेचा उपवास करणाऱ्या महिलांनी भगवान शंकर आणि देवी पार्वतीच्या नावाचा जप करावा तसेच पूजा करावी. त्यानंतर तुम्ही गणपतीची स्थापना करु शकता.

हरतालिकेच्या पूजेची वेळ काय आहे? - पंचांगानुसार, 14 सप्टेंबर रोजी सकाळी 6 वाजून 05 मिनिटांपासून ते 7 वाजून 06 वाजेपर्यंत हरतालिकेच्या पूजेचा शुभ मुहूर्त आहे. बाकी शहरांनुसार काही मिनिटांचं अंतर असू शकतं.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)

ज्या महिला हरतालिकेच्या दिवशी रात्रीच्या वेळी चार प्रहरींमध्ये भगवान शंकर आणि देवी पार्वतीची पूजा करतात. त्या सकाळी एक वेळी पूजा करुन रात्री आपल्या पद्धतीने पूजन करु शकतात. या उपवासात रात्री जागरण केली जाते.

हरतालिकेच्या पूजेत रात्रीच्या जागरणाचा संबंध देवी पार्वतीशी जोडण्यात आला आहे. मान्यतेनुसार, देवी पार्वतीने भगवान शंकराला पती म्हणून मिळवण्यासाठी कठोर तप केला होता. तसेच, रात्रभर जागरण करुन पूजा केली होती. त्यामुळेच या दिवशी रात्रभर जागरण करुन भजन-कीर्तन तसेच, शिवपूजन करण्याची परंपरा आहे.