Diwali 2025 : दिवाळीची साफसफाई करताना विसरू नका 'या' 5 गोष्टी; घरातील सकारात्मकता टिकून राहील

Diwali 2025 : दिवाळी सुरु होण्यापूर्वी लोक घराची साफसफाई करतात. साफसफाई फक्त धूळ झाडण्यासाठी नाही, तर नकारात्मक उर्जा दूर करण्यासाठीही केली जाते.

Diwali 2025

दिवाळी हा हिंदू धर्मातला असा एक महत्त्वाचा सण आहे जो संपूर्ण भारतभर साजरा केला जातो. लोक अगदी आनंदात आणि उत्साहात दिवाळी साजरी करतात.

दिवाळीत अंधाराला दूर करून सकारात्मक ऊर्जा निर्माण करण्यासाठी कोणत्या 5 गोष्टी लक्षात ठेवल्या तर घर आनंदी राहील? जाणून घेऊयात..

घरातल्या तुटक्या वस्तू नकारात्मक उर्जा साठवतात. जुनं घड्याळ, फुटलेली मूर्ती किंवा तुटलेली भांडी 'या' वस्तू लक्ष्मीचा प्रवाह थांबवतात. यामुळे घरात तुटलेल्या वस्तू ठेऊ नका, स्वच्छ वस्तूच ठेवा.

मुखद्वारातून घरात ऊर्जा येते. दरवाज्याजवळ स्वच्छता ठेवा, रांगोळी काढा आणि सुगंधी दीप लावा. रोज दरवाज्याजवळ पाणी शिंपडून थोडं हळद-कुंकू लावा.

कपाटं आणि स्टोअररूममध्ये सर्वाधिक स्थिर ऊर्जा साठते. जुने कपडे, अनावश्यक फाईल्स, वापरात नसलेल्या वस्तू दूर करा. प्रत्येक कपाटात थोडं कापूर ठेवा. हे केल्याने वातावरण शुद्ध होतं.

पूजाघर म्हणजे घराचं आध्यात्मिक केंद्र. ते स्वच्छ, सुवासिक आणि दिव्य ठेवा. जुन्या अगरबत्त्या, वापरलेली फुलं किंवा धूळ साठणार नाही याची काळजी घ्या. रोज सकाळी घरामध्ये बेलपत्र किंवा तुळशीच्या पानाने थोडं गोमूत्र शिंपडा.

सुगंधी मेणबत्त्या, दिवा आणि नैसर्गिक अगरबत्त्या वातावरणात शांती आणि आनंद निर्माण करतात. दररोज संध्याकाळी एका कोपऱ्यात तुपाचा दिवा लावल्याने घरातील ऊर्जा वाढते.

घरात तुटलेला आरसा ठेऊ नका कारण खिडक्या आणि आरसे हे घरात प्रकाश आणि सकारात्मक ऊर्जा परावर्तित करतात. धूळ, डाग आणि घाण यामुळे प्रकाश अडतो. लिंबू आणि पाण्याने पुसल्यास आरसे नैसर्गिकरीत्या चमकतात.

तुळस, मनी प्लांट, किंवा बांबू सारख्या झाडांमुळे घरात ताज ऑक्सिजन आणि सकारात्मक भावना येतात. पूर्व किंवा उत्तर दिशेला झाडं ठेवा हे दिशात्मक ऊर्जेसाठी शुभ मानलं जातं.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)