Buldhana : उल्कानगरी लोणारमध्ये नगर परिषदेने संतश्रेष्ठाच्या दिंडीचा खेळ मांडीयेला, काढली हास्यास्पद दिंडी; पाहा PHOTOS

Buldhana : उल्कानगरी लोणारमध्ये मुख्यमंत्र्यांच्या आदेशाचं पालन व्यवस्थित केलं नाही. फक्त वरिष्ठांना दाखवण्यासाठी देखावा केला.फक्त दोनशे फुटापर्यंत मिरवणूक काढून व्हिडिओ शूट केला.

Buldhana

संतश्रेष्ठ श्री. ज्ञानेश्वर महाराज यांचे सन 2025 हे वर्ष सप्तशतकोत्तर सुवर्णमहोत्सवी (750) जयंती वर्ष आहे. "गोकुळ अष्टमी" म्हणजे 15 ऑगस्ट रोजी संतश्रेष्ठ श्री. ज्ञानदेवांची 750 वी जयंती होती.

यनिमित्त मुख्यमंत्री देवेंद्र फडणवीस यांनी दिनांक 28 जुलै 2025 रोजी दिलेल्या स्पष्ट निर्देशानुसार संतश्रेष्ठ श्री. ज्ञानेश्वर महाराज यांचे सप्तशतकोत्तर सुवर्णमहोत्सवी (750) जयंतीवर्षानिमित्त 15 ऑगस्ट रोजी राज्यातील प्रत्येक नगर आणि शहरांमध्ये महानगरपालिका,नगरपालिका, नगरपरिषदा यांनी सायंकाळी 5 ते 7 या वेळेत संतश्रेष्ठ श्री. ज्ञानेश्वर महाराजांची प्रतिमा/मूर्तीची, पालखीतून मिरवणूक काढून हा उत्सव साजरा करावा.

असा स्पष्ट आदेश मुख्यमंत्र्यांचा असताना मात्र लोणार नगर परिषद प्रशासनाने शॉर्टकट अवलंबून फक्त वरिष्ठांना दाखविण्यासाठी नगरपालिकेपासून काही अंतरावर डोक्यावर खुर्ची घेऊन मिरवणूक काढण्याचा थातुरमातुर देखावा केला.

जेव्हा की सरकारचे आदेश होते की संपूर्ण गावातून पालखीतून मिरवणूक काढून उत्सव साजरा करावा. या मिरवणूक वेळेस दस्तुरखुद्द स्वतः मुख्याधिकारी तथा प्रशासक विभा वराडे गैरहजर होत्या.

तर बोटावर मोजण्या इतकाच नगरपालिकेचा कर्मचारी वर्ग हजर होता. तर यातील कर्मचारी चक्क हसताना दिसत आहे.

जर नगर पालिकेला खरोखर दिंडी काढायची असती तर त्यांच्याकडे नगरपालिका कर्मचारी, नगरपालिका शाळेचे शिक्षक, नगर पालिका शाळा विध्यार्थी, गावातील प्रतिष्ठित, भजणी मंडळ जमा करून श्री संत ज्ञानेश्वर महाराज यांची 750 वी जयंती उल्का नगरीत इतेहासिक साजरी झाली असती पण तसे केले नाही.

यामुळे आता खुद्द मुख्यमंत्र्यांच्या आदेशाचीच खिल्ली उडविल्याच समोर आलं आहे. यावर आता प्रशासन काय करावी करेल ते बघणे महत्वाचं असेल.