Yavatmal Accident News: यात्रेत आकाश पाळण्यात बसली, महिलेचे केस बेरिंगमध्ये अडकून खेचले गेले अन् डोक्याची चामडी... यवतमाळमधील अंगावर काटा आणणारी घटना

Yavatmal Crime: खळबळजनक! लग्नाचे आमिष दाखवून धर्मांतर, पिडीतेच्या कुटूंबियांची पोलीस ठाण्यात तक्रार; तिघांविरुद्ध गुन्हा दाखल; यवतमाळच्या दिग्रसमधील घटना

निलेश फाळके — Tue, 27 Oct 2026 13:06:13 +0530

Yavatmal Digras Crime News : यवतमाळच्या दिग्रसमधून एक खळबळजनक बातमी समोर आली आहे. युवतीला लग्नाचे आमिष दाखवून धर्मांतर (Religious conversion) केल्याची धक्कादायक घटना या ठिकाणी उघडकीस आलीय. या प्रकरणी पीडितेच्या आईच्या तक्रारीवरून (Yavatmal Crime News) दिग्रस पोलिस ठाण्यात (Digras Police Station) तिघाजणांविरुद्ध महाराष्ट्र धर्मस्वातंत्र्य कायदा व इतर कलमांतर्गत गुन्हा दाखल करण्यात आलाय. दरम्यान, पीडित युवतीच्या आईने दिलेल्या तक्रारीवरून (Digras Crime News) शेख समीर शेख नूर (30), त्याचे वडील शेख नूर (55), रा. मोतीनगर, दिग्रस व मित्र शेख बिलाल (29), रा. चांदनगर, दिग्रस यांनी मदत केल्याचे निष्पन्न झाल्याने त्यांच्यावरही दिग्रस पोलीस ठाण्यात गुन्हा दाखल करण्यात आला. (Yavatmal Digras Crime News)

Digras Crime News: लग्नाचे आमिष दाखवून धर्मांतर घडवून आणल्याचा आरोप; तिघांविरुद्ध गुन्हा दाखल

मिळालेल्या माहितीनुसार, पीडित युवती ही 29 सप्टेंबरला सकाळी कॉलेजचे हॉल तिकीट आणण्यासाठी जात असल्याचे सांगून घराबाहेर पडली होती. मात्र बराच वेळनंतरही ती परतच आली नाही. ती परत न आल्याने दुसऱ्या दिवशी मुलगी बेपत्ता झाल्याची तक्रार कुटूंबियांनि दिग्रस पोलीस ठाण्यात दिली. अशातच 8 ऑक्टोबरला शेख समीर शेख नूर याने युवतीचे धर्मांतर करून तिच्याशी लग्न केल्याची माहिती पीडितेच्या आईला मिळाली. यात लग्नाचे आमिष दाखवून धर्मांतर घडवून आणल्याचा आरोप तक्रारीत करण्यात आला. त्यावरून तिघांविरुद्ध दिग्रस पोलिसांनी महाराष्ट्र धर्मस्वातंत्र्य कायदा 2026 च्या विविध कलमांन्वये गुन्हा दाखल केला असून पुढील तपास सुरू असल्याची माहिती अप्पर पोलीस अधीक्षक अशोक थोरात यांनी दिलीय.

Chandrapur Crime: घरकुल यादीत घोळ केल्याप्रकरणी माजी सरपंचावर गुन्हा दाखल

घरकुल यादीत घोळ केल्याप्रकरणी एका माजी सरपंचावर चंद्रपूर जिल्ह्यातील मूल पोलीस स्टेशनमध्ये गुन्हा दाखल करण्यात आलाय. सोनी देशमुख असं या माजी सरपंचाचं नाव असून ते मूल तालुक्यातील चांदापूर येथील माजी सरपंच आहेत. याप्रकरणी चांदापूरच्याच माजी उपसरपंचाकडून जिल्हा परिषदेच्या मुख्य कार्यकारी अधिकाऱ्यांकडे तक्रार करण्यात आली होती. या तक्रारीच्या चौकशीअंती आरोप सिद्ध झाल्याने पंचायत विस्तार अधिकाऱ्याच्या तक्रारीवरून हा गुन्हा दाखल करण्यात आलाय.

इतर महत्वाच्या बातम्या

Pune Police Security: पुणे पोलीस आयुक्तालयाचा मोठा निर्णय; विद्यानंद बापटांसह 'या' व्यक्तींचे पोलीस संरक्षण काढलं, तर फरार राणा सूर्यवंशी अन् लक्ष्मण हाकेंचं संरक्षण 'जैसे थे'

Wardha News : ना देखभाल, ना डागडुजी, कविटगावच्या बंधाऱ्याची 54 कवाडेही चोरीली; वर्धा-यवतमाळसाठी जीवनदायीनी ठरलेल्या कविटगावची कोल्हापूरी विरासत कोरडीठाक!

एकनाथ चौधरी — Wed, 21 Oct 2026 11:49:53 +0530

Wardha Drought News : वर्धा आणि यवतमाळ जिल्ह्यासाठी जीवनदायीनी ठरलेल्या वर्धा नदीवर देवळी तालुक्यातील कविटगाव येथे तीस वर्षांपूर्वी कोल्हापुरी (Kavitgaon) बंधारा बांधण्यात आला. दोन्ही जिल्ह्यातील शेतकरी आणि गावाकऱ्यांसाठी हा बंधारा वरदान ठरलाय. पण गेल्या दोन वर्षांपूर्वी या चौपन्न गेट असलेल्या या बांधऱ्याच्या गेटवरील फळ्या चोरीला गेल्याय. लघु पाटबंधारे विभागाने याचा शोधच घेतला नाही, सोबतच देखभाल देखील न केल्याचा आरोप ग्रामस्थांचा आहे. आज दुष्काळ परिस्थितीत मात्र सर्वात मोठा असलेला हा बंधारा पाणी अडून राहिले नसल्याने कोरडाठाक आहे. याच बंधाऱ्यात वेळीच पाणी अडविले गेले असते तर आजच्या दुष्काळ परिस्थितीत वर्धा, यवतमाळ जिल्ह्यासाठी जीवनदायीनी ठरलेल्या बंधाऱ्याचं पाणी वरदान आणि फायद्याचे ठरले असते, अशी संतप्त प्रतिक्रिया सध्या शेतकरी वर्गातून उमटत आहे.

Wardha Drought News : बांधाऱ्याच्या 54 गेट मधील फळ्या चोरीला, पूर्वजांची विरासत कोरडीठाक!

वर्धा जिल्ह्यातील देवळी तालुक्यातील कविटगाव हे जिल्ह्याच्या शेवटच्या टोकावरचे गाव आहे. विहिरीच्या पाणी पातळीत या बांधाऱ्यामुळे वाढ होते. दुसऱ्या बाजूला यवतमाळ जिल्ह्यातील गावे आहे. ज्यावेळी येथे पाणीटंचाई तीव्र होती. त्यावेळी तत्कालीन मुख्यमंत्री सुधाकरराव नाईक यांच्याकडून या कोल्हापुरी बांधऱ्याची निर्मिती करण्यात आली होती. आजघडीला हा बंधारा तटस्थपने नदीच्या पात्रात सुस्थितीत उभा आहे. पण गेल्या दोन वर्षात या बांधाऱ्याच्या 54 गेट मधील फळ्या चोरीला गेल्या. पूर्वजांची विरासत असलेल्या बंधाऱ्यात पाणी अडविले नसल्याने येत्या उन्हाळ्यात विहिरी आणि बोअरवेलच्या पाणी पातळीत घट होईल, असा अंदाज येथील गावकऱ्यांचा आहे.

Wardha News : देखभाल व दुरुस्तीची जबाबदारी असलेल्या विभागाने याकडे दुर्लक्ष केले असल्याचा आरोप

दरम्यान, लघु पाटबंधारे विभागाकडे हा कोल्हापुरी बंधारा येतो. देखभाल व दुरुस्तीची जबाबदारी असलेल्या विभागाने याकडे दुर्लक्ष केले असल्याचा आरोप होत आहे. लघु पाटबंधारे विभागाच्या कनिष्ठ अभियंत्यांनी येथे भेट देऊन वास्तव परिस्थिती पाहिली पाहिजे. त्यानुसार अहवाल तयार करून दुष्काळ परिस्थितीत कमी पडणारा बंधारा पूर्ववत केला पाहिजे, अशी मागणी आता जोर धरू लागली आहे.

Washim News: पैनगंगा नदीवरील 11 बॅरेजमध्ये सध्या केवळ 12 टक्के जलसाठा

वाशिम आणि हिंगोली जिल्ह्याच्या सीमेवर असलेल्या पैनगंगा नदीवरील 11 बॅरेजमध्ये सध्या केवळ 12 टक्के जलसाठा शिल्लक आहे. या बॅरेजची एकूण साठवण क्षमता 33.26 दशलक्ष घनमीटर असताना, प्रत्यक्षात मात्र, 4.94 दशलक्ष घनमीटर पाणी उपलब्ध आहे. वाशिम जिल्ह्यातील शेतकऱ्यांना पाणी उपशावर निर्बंध घालण्यात आले असताना, हिंगोली जिल्ह्यातील काही भागांत मात्र पाणी उपसा सुरू असल्याचा दावा वाशिम जिल्ह्यातील शेतकऱ्यांकडून केला जात आहे. त्यामुळे दोन्ही जिल्ह्यांत समान निर्बंध लागू करून हिंगोली जिल्ह्यातूनही पाणी उपसा बंद करण्याचे आदेश तातडीने जारी करण्या संदर्भात हिंगोली जिल्हा प्रशासनाला सूचना करावा, अशी मागणी वाशिम जिल्ह्यातील शेतकऱ्यांनी केली आहे. आधीच दुष्काळामुळे पाण्याचे संकट गंभीर झाले असताना, उर्वरित जलसाठा टिकवून ठेवण्यासाठी प्रशासन काय निर्णय घेणार, याकडे शेतकऱ्यांचे लक्ष लागले आहे.

दांडिया खेळणाऱ्या महिलांवर दुचाकीचा हेडलाइट चमकावल्याचा संशय, टोळक्यांनी हटकणाऱ्यालाच संपवलं; दसऱ्याच्या दिवशी जळगाव रक्तरंजित थरारानं हादरलं!

Yavatmal District Bank Election: यवतमाळ जिल्हा मध्यवर्ती बँकेवर महायुतीचा दणदणीत विजय; काँग्रेसच्या 25 वर्षांच्या सत्तेला सुरंग, शिंदेंसेना ठरली युतीत 'मोठा भाऊ'

निलेश फाळके — Tue, 13 Oct 2026 12:16:22 +0530

Yavatmal Bank Election 2026 : यवतमाळ जिल्हा मध्यवर्ती सहकारी बँकेच्या निवडणुकीत (Yavatmal DCC Bank Election 2026) महायुतीने मागील 25 वर्षाची काँग्रेसच्या सत्ता उलटवित बँकेवर वर्चस्व प्रस्थापित केले. या विजयात प्रथमच सर्वाधीक संचालक शिंदेंसेनेचे निवडून आले असून शिवसेनेनं दणदणीत विजय मिळवला आहे. सोबतच महायुतीत आपले वजन देखील वाढवल्याची चर्चा आहे. परिणामी पालकमंत्री संजय राठोड यांच्या नेतृत्वाला या निकालाने मोठं बळ मिळाले आहे. दरम्यान या निवडणुकीत बळीराजा सहकार पॅनलचे एकूण 16 संचालक निवडून आले असून महाविकास आघाडीचे शेतकरी सहकार पॅनलचे 9 संचालक निवडून आले. या बँकेवर आता पालकमंत्री संजय राठोड यांचे निर्विवाद वर्चस्व असून काँग्रेसची सत्ता उलटून लावत महायुतीने विजयी झेंडा रोवला आहे.

उमरखेड तालुका गटात एकूण 52 मते, ईश्वरचिठ्ठीचा निर्णय, राम देवसरकर यांचा विजय

दरम्यान, उमरखेड तालुका गटात एकूण 52 मते होती. यापैकी एक मत बाद ठरले, तर एक मत अपक्ष उमेदवार अंकुश देवसरकर यांना मिळाले. महाविकास आघाडीचे राम देवसरकर यांना 25 आणि महायुतीचे माजी आमदार प्रकाश पाटील देवसरकर यांना 25 अशी समान मते मिळाली. यावर प्रकाश पाटील यांनी आक्षेप घेत फेरमतमोजणी मागितली. यातही दोघांची समान मते कायम राहिली. शेवटी निवडणूक निर्णय अधिकारी अर्चना माळवी यांनी ईश्वरचिठ्ठीचा निर्णय घेतला. यात राम देवसरकर यांचा विजय झालाय.

Yavatmal DCC Bank Election 2026: महायुती आणि महाविकास आघाडीची प्रतिष्ठेच्या निवडणुकीत शिंदेंसेना ठरली निर्णयक

शेतकऱ्यांची बँक म्हणून जिल्हा मध्यवर्ती सहकारी बँकेची निवडणूक महाविकास आघाडी व महायुतीने चांगलीच प्रतिष्ठेची केली होती. बँकेवर आपलाच झेंडा फडकावा, यासाठी युती व आघाडीने जागा वाटपापासून ते प्रचारापर्यंत रणनिती आखली होती. काही गटात अपक्षांनीही उडी घेतली होती. तर 25 संचालक असलेल्या या बँकेत 2 खासदार संजय देशमुख आणि विजय जाधव अविरोध झाल्याने 23 संचालक पदासाठी तब्बल 58 उमेदवार निवडणूक रिंगणात होते. यासाठी जिल्ह्यातील 16 मतदान केंद्रावर 1272 मतदार मतदानाची प्रक्रिया पार पडली. महायुतीचे पालकमंत्री संजय राठोड, खासदार संजय देशमुख आणि महाविकास आघाडीत आमदार बाळासाहेब मांगुलकर, माजी मंत्री प्रा. वसंत पुरके माजीराज्य मंत्री माणिकराव ठाकरे यांची प्रतिष्ठा पणाला लागली होती. अखेर यात महायुतीने मागील 25 वर्षाची काँग्रेसच्या सत्ता उलटवित बँकेवर वर्चस्व प्रस्थापित केले. या विजयात प्रथमच सर्वाधीक संचालक शिंदेंसेनेचे निवडून आले असून शिवसेनेनं दणदणीत विजय मिळवला आहे.

इतर महत्वाच्या बातम्या

Girish Vyas: आधी पक्षाच्या कार्यप्रणालीवर आगपाखड, आता मुख्यमंत्र्यांच्या शिष्टाईनंतर गिरीश व्यासांची सावरासावर; म्हणाले, पक्ष नेतृत्त्वाला अनेकदा कटू निर्णय घ्यावेच लागतात

Drought 2026: विदर्भात दुष्काळाचं संकट गडद! दुष्काळाच्या पार्श्वभूमीवर वाशिम जिल्हाधिकाऱ्यांचा मोठा निर्णय, पाणी उपस्यावर बंदीचे आदेश, तर यवतमाळ जिल्ह्याबाहेर चारा वाहतुकीस बंदी

मनोज जयस्वाल, एबीपी माझा — Sat, 3 Oct 2026 08:45:00 +0530

Vidarbha Drought Crisis : वाशिम जिल्ह्यात धरण प्रकल्पात अवघा 39 टक्के जलसाठा असून दुष्काळात संभाव्य पाणीटंचाई टाळण्यासाठी प्रशासनाने आता या संदर्भात एक मोठा निर्णय घेतला आहे. जिल्ह्यातील तलावातून पाणी उपस्यावर बंदीचे आदेश वाशिमचे जिल्हाधिकारी योगेश कुंभेजकर (Washim District Collector) यांनी दिली आहे. वाशिम जिल्ह्यात यंदा कमी पाऊस बरसल्याने जिल्ह्यातील सर्वच तलाव, धरणप्रकल्पात केवळ 39 टक्के इतका जलसाठा उपलब्ध आहे. दुष्काळाच्या (Washim Drought Crisis) पार्श्वभूमीवर तलावातील पाणी उपशावर बंदीचे जिल्हाधिकाऱ्यांनी आदेश दिले आहे. दुष्काळात संभाव्य पाणीटंचाई टाळण्यासाठी प्रशासनामार्फत हा मोठा निर्णय घेण्यात आल्याची माहिती आहे. (Washim Drought Crisis News)

Washim News: तलावांच्या संरक्षणाची जबाबदारी आता ग्रामपंचायत स्तरावर निश्चित; पथकाद्वारे पाणी उपस्यावर नजर

दरम्यान, वाशिम जिल्हा परिषदे अंतर्गत 419 तलावांतून पाणी उपसा बंदीचे आदेश देण्यात आले आहे. पाणी उपशाचे वैध परवानेही तात्पुरत्या कालावधीसाठी रद्द करण्यात आले आहे. तर परवाना असतानाही उपसा केल्यास अवैध उपसा मानला जाणार असल्याची माहिती आहे. तर पंप, मोटर, इंजिन, पाइपलाइनद्वारे होणाऱ्या उपशावर प्रशासनाची करडी नजर असून गाव पातळीवर पथक द्वारे पाणी उपस्यावर नजर ठेवली जाणार आहे. पिण्याचे पाणी, जनावरे आणि अत्यावश्यक गरजांसाठी तलावातील पाणी राखीव असून अवैध पाणी उपसा आढळल्यास तात्काळ वरिष्ठ अधिकाऱ्यांना माहिती देण्याच्या सूचना देण्यात आल्या आहे. तसेच तलावांच्या संरक्षणाची जबाबदारी आता ग्रामपंचायत स्तरावर निश्चित करण्यात आली आहे. परिणामी ग्रामसेवक, जलसुरक्षकांकडून तलावांची नियमित पाहणी करण्याचे आदेश वाशिम जिल्हाधिकारी योगेश कुंभेजकर यांनी दिले आहे.

Yavatmal News : जिल्ह्याबाहेर चारा वाहतुकीस पूर्णपणे बंदी जिल्हाधिकारी विकास मीना यांचे आदेश जारी

यवतमाळ जिल्ह्यात दुष्काळी परिस्थिती निर्माण झाली आहे. खरीप हंगामातील पिकांचे नुकसान झाल्याने जिल्ह्यात पशुधनासाठी आवश्यक असणाऱ्या चाऱ्याची मोठी टंचाई निर्माण होण्याची शक्यता आहे. त्यामुळे जिल्हाधिकारी विकास मीना यांनी गुरांचा हिरवा व वाळलेला चारा, गवत किंवा वैरण जिल्ह्याबाहेर अन्यत्र विक्री व वाहतुकीस निर्यात करण्यास तात्काळ पूर्ण बंदी घालण्यात आली आहे. असे आढळल्यास फौजदारी गुन्हे दाखल करण्यात येणार आहे. हा आदेश 1 ऑक्टोबरपासून पुढील आदेशापर्यंत जिल्हा कार्यक्षेत्रात अंमलात आणल्या जाणार आहे. आदेशाची त्वरीत अंमलबजावणी करण्याचे निर्देश जिल्हाधिकारी विकास मीना यांनी दिले आहे.

Bhandara : विनापरवानगी मुख्यालय सोडणाऱ्या अधिकारी आणि कर्मचाऱ्यांवर फौजदारी कारवाई होणार! भंडारा जिल्हाधिकाऱ्यांचे आदेश

दुष्काळग्रस्त परिस्थिती व पाणी टंचाईच्या पार्श्वभूमीवर महसूल, कृषी, ग्रामविकास, नगरविकास, भूमी अभिलेख, पशु संवर्धन, जलसंपदा, जलसंधारण आणि महावितरणसह विविध प्रमुख विभागांच्या अधिकाऱ्यांना पूर्वपरवानगीशिवाय मुख्यालय नं सोडण्याचे निर्देश भंडारा जिल्हाधिकारी सावन कुमार यांनी दिले आहेत. विनापरवानगी मुख्यालय सोडणाऱ्या अधिकारी आणि कर्मचाऱ्यांवर थेट फौजदारी स्वरूपाची कारवाई करण्याचे निर्देश जिल्हाधिकाऱ्यांनी दिले आहेत. वैद्यकीय आणीबाणी वगळता इतर कोणत्याही प्रकारच्या रजेचे अधिकार आता केवळ जिल्हाधिकाऱ्यांकडं राहतील. विनापरवानगी गैरहजर राहणाऱ्यांवर महाराष्ट्र नागरी सेवा नियमांनुसार शिस्तभंगाची कारवाई आणि आपत्ती व्यवस्थापन कायद्यांतर्गत फौजदारी गुन्हे दाखल केले जाणार आहेत. शेतकऱ्यांच्या व ग्रामस्थांच्या समस्या तात्काळ जागेवरचं सोडवून नागरिकांना दिलासा देण्याचे जिल्हाधिकारी सावन कुमार यांचे प्रशासनाला आदेश आहेत. मागील अनेक वर्षांपासून केवळ कागदोपत्री मुख्यालयात राहणारे आणि तालुका किंवा जिल्हास्तरावरून अप-डाऊन करणारे हे अधिकारी आणि कर्मचारी खरोखरचं आता मुख्यालयात राहतात काय? याकडं प्रशासनाची करडी नजर राहणार आहे.

इतर महत्वाच्या बातम्या

Akola Drought 2026: दुष्काळाचा आणखी एक बळी! अकोल्यात 26 वर्षीय युवा शेतकऱ्यानं विहिरीत स्वतःला झोकून दिलं, दुष्काळ जाहीर झाल्यानंतर सहा दिवसात चार शेतकऱ्यांनी जीवन संपवलं

Akola Drought 2026: दुष्काळाचा आणखी एक बळी! अकोल्यात 26 वर्षीय युवा शेतकऱ्यानं विहिरीत स्वतःला झोकून दिलं, दुष्काळ जाहीर झाल्यानंतर सहा दिवसात चार शेतकऱ्यांनी जीवन संपवलं

उमेश अलोणे, एबीपी माझा — Sat, 3 Oct 2026 07:52:48 +0530

Maharashtra Drought 2026 अकोला : महाराष्ट्रात दुष्काळाची दाहकता दिवसागणिक वाढत असतानाच वाढत्या तापमानाचा थेट परिणाम आता राज्यातील मोठ्या धरणांसह (Dams) इतर जलसाठ्यावर होताना दिसत आहे. तर दुसरीकडे मोठ्या मेहनतीने उभी केलेली पिकं पावसाअभावी सुकून गेल्यानं बळीराजा मोठ्या अडचणीत सापडला आहे. दरम्यान, अकोला (Akola) जिल्ह्यात दुष्काळ (Drought 2026) जाहीर झाल्यानंतर सहा दिवसात शेतकऱ्याची चौथी आत्महत्या झाल्याची दुर्दैवी घटना घडली आहे. सुकोडा गावातील 26 वर्षीय युवा शेतकरी संतोष नेमाडे यांनी आत्महत्या करत जीवन संपवलं आहे. गावालगतच्या विहिरीत उडी मारून केली युवा शेतकरी संतोष नेमाडे यांनी आत्महत्या करत जीवन संपवलं आहे. (Akola Drought 2026)

Maharashtra Drought 2026 : सहा दिवसात पश्चिम विदर्भात आत्तापर्यंत जवळपास 15 पेक्षा अधिक शेतकऱ्यांच्या आत्महत्या

मिळालेल्या माहितीनुसार, पाऊस न झाल्याने शेतातील परिस्थितीमूळे सुकोडा गावातील 26 वर्षीय युवा शेतकरी संतोष नेमाडे तणावात होते. गेल्या सहा दिवसातील जिल्ह्यातील शेतकऱ्याची ही चौथी आत्महत्या असल्याने सर्वत्र मोठी खळबळ उडाली आहे. याआधी बार्शीटाकळी तालुक्यातील सिंदखेड मोरेश्वर, मुर्तीजापुर तालुक्यातील गाजीपुर, आणि तेल्हारा तालुक्यातील खापरखेड येथील तीन शेतकऱ्यांच्या आत्महत्या झाल्या आहेत. तर गेल्या सहा दिवसात पश्चिम विदर्भात आत्तापर्यंत जवळपास 15 पेक्षा अधिक शेतकऱ्यांच्या आत्महत्या झाल्याची माहिती आहे. त्यामुळे दुष्काळाची झळ दिवसागणिक वाढत असताना आता याच दुष्काळाचं भीषण वास्तव आता समोर आलं आहे.

Yavatmal: दुष्काळ जाहीर, प्रत्यक्षात मदत कधी? संपूर्ण गावकऱ्यांचे उपवास आंदोलन

यवतमाळ जिल्ह्यात शासनाने दुष्काळ जाहीर केला. मात्र प्रत्यक्षात मदत कधी मिळेल, यासाठी यवतमाळच्या नेर तालुक्यातील ब्राह्मणवाडा पश्चिम या गावातील ग्रामस्थांनी एक दिवसाचा उपवासाचे शस्त्र उगारले आहे. हेक्टरी 50 हजार रुपये मदत तात्काळ करण्यात यावी, अशी मागणी होत आहे. या मागणीसाठी या गावात पाच दिवसापासून आमरण उपोषण करीत असलेले शेतकरी धनंजय वानखडे यांना आजूबाजूच्या खानापूर, खळना, खरडगाव, दोनद, पांढरी, सावरगाव, शिरसगाव या गावातील शेतकऱ्यांचाही पाठिंबा मिळत आहे.

अशातच आता संपूर्ण गावकरी उपवास ठेवून शासनाचा निषेध नोंदवित आहे. शेतकऱ्यांना 2020-21 मधील गारपिटीमुळे झालेल्या नुकसानीचा विमा मंजूर होऊन देखील अद्यापपर्यंत विम्याची रक्कम मिळालेली नाही. गेल्या वर्षीचा पिक विमा एकाही शेतकऱ्याला मिळाला नाही. त्यामुळे सरकारने दुष्काळ जाहीर करणे सोबतच तात्काळ शेतकऱ्यांच्या खात्यात हेक्टरी 50 हजार रुपयांची मदत द्यावी, अशी मागणी धनंजय वानखेडे यांचे सह गावकऱ्यांनी केली आहे.

इतर महत्वाच्या बातम्या

Ujani and Jayakwadi Dam: उन्हाचा तडाखा वाढला अन् धरणांचं पाणी कमी होऊ लागलं! उजनी-जायकवाडीच्या बाष्पीभवनाने चिंता वाढवली

Vasantrao Purke: रात्रीच्या वेळेला कोजागिरीला येताय की पिक पाहणीला? माजी शिक्षणमंत्र्याची चंद्रशेखर बावनकुळेंवर बोचरी टीका

निलेश फाळके — Sun, 27 Sep 2026 14:16:22 +0530

Vasantrao Purke on Chandrashekhar Bawankule: महसूल मंत्री चंद्रशेखर बावनकुळे (Chandrashekhar Bawankule) आज (27 सप्टेंबर) सायंकाळी 6 वाजता कळंब तालुक्यातील नार्सापूर येथे पीक पाहणीसाठी येत असताना, माजी शिक्षणमंत्री वसंतराव पुरके (Vasantrao Purke) यांनी त्यांच्या दौऱ्यावर जोरदार टीका केली आहे. नुकसानग्रस्त शेतातील पीक पाहणीसाठी येत आहे की, कोजागिरी पौर्णिमा साजरी करायला? असा प्रश्न त्यांनी उपस्थित केला. शेतकऱ्यांना सरसकट कर्जमाफी, नुकसानभरपाई, नवीन कर्ज, पुनर्गठन आणि अखंड वीजपुरवठ्याचे प्रश्न अद्याप प्रलंबित असल्याचे त्यांनी म्हटले. पहिले शेतकऱ्यांच्या खात्यात पैसे टाका, खोटे बोलणे बंद करा," असा थेट हल्लाबोल पुरकेंनी सरकारवर चढवला. (Former Education Minister Vasantrao Purke on Chandrashekhar Bawankule)

राज्याचे महसूलमंत्री तथा दुष्काळ निवारण मंत्रिमंडळ उपसमितीचे अध्यक्ष चंद्रशेखर बावनकुळे आज वर्धा, यवतमाळच्या दुष्काळी दौऱ्यावर आहेत. दुपारी 4:30 वाजता वर्धा जिल्ह्याच्या रत्नापूर येथे ते पाहणीसाठी येणार आहे. तर सायंकाळी 6:00 वाजता यवतमाळ जिल्ह्याळ्यातील नर्सापूर येथे पीक पाहणीसाठी येत असताना, माजी शिक्षणमंत्री वसंतराव पुरके यांनी चंद्रशेखर बावनकुळे यांच्या दौऱ्यावर जोरदार टीका केली आहे.

Buldhana : कोरड्या दुष्काळाचा जीआर फसवा; बुलढाण्यात शिवसेना उबाठा आक्रमक, शासन निर्णयाची केली होळी

राज्य सरकारने कोरड्या दुष्काळासंदर्भात काढलेला जीआर शेतकऱ्यांची फसवणूक करणारा असून, त्यातून शेतकऱ्यांना कोणताही दिलासा मिळणार नसल्याचा आरोप करत बुलढाण्यात शिवसेना उद्धव बाळासाहेब ठाकरे पक्षाने आक्रमक आंदोलन केले. उबाठाच्या प्रवक्त्या जयश्री शेळके यांच्या नेतृत्वात कार्यकर्त्यांनी कोरड्या दुष्काळाच्या जीआरची होळी करत सरकारविरोधात जोरदार घोषणाबाजी केली. दुष्काळामुळे शेतकरी संकटात असताना सरकारकडून ठोस मदत मिळत नसल्याचा आरोप आंदोलनकर्त्यांनी केला. यावेळी आंदोलन आक्रमक झाल्याने पोलिसांनी जयश्री शेळके यांच्यासह आंदोलनकर्त्यांना ताब्यात घेतले. या आंदोलनामुळे बुलढाण्यातील राजकीय वातावरण तापले आहे.

Gondia: दुष्काळ घोषणेनंतर गोंदिया जिल्ह्यातील शेतकऱ्यांमध्ये तीव्र रोष; संपूर्ण जिल्हा दुष्काळग्रस्त घोषित करण्याची मागणी

महाराष्ट्र शासनाने नुकतीच राज्यातील विविध भागांत दुष्काळाची अधिकृत घोषणा केली आहे. मात्र, या घोषणेनंतर गोंदिया जिल्ह्यातील शेतकरी संप्तप्त झाला आहे. संपूर्ण गोंदिया जिल्ह्यातून मागणी होत असतानाही शासनाने गोंदिया जिल्ह्यातील केवळ एकाच 'तिरोडा' तालुक्याला दुष्काळग्रस्त घोषित केले असून, उर्वरित सर्व तालुके यातून वगळल्यामुळे शेतकऱ्यांमध्ये शासनाविरोधात प्रचंड असंतोष निर्माण झाला आहे.

गोंदिया जिल्ह्यात पाऊस चांगला झाला असला तरी धान पिकावर मावा आणि तुडतुडा या रोगांचा व किडींचा मोठा प्रादुर्भाव झाला आहे. डोळ्यांदेखत हाताशी आलेले धानाचे पीक या रोगांमुळे पूर्णपणे उद्ध्वस्त झाले असून शेतकऱ्यांचे नुकसान झाले आहे. पिकांवर झालेला रोगांचा हल्ला आणि झालेली नासाडी पाहता केवळ एकाच तालुक्याला मदत देणे म्हणजे उर्वरित जिल्ह्यातील शेतकऱ्यांच्या जखमेवर मीठ चोळण्यासारखे आहे, असा आरोप शेतकरी करत आहेत. केवळ एका तालुक्याला दुष्काळग्रस्त घोषित करून शासनाने इतर तालुक्यांतील शेतकऱ्यांवर घोर अन्याय केला आहे, अशी भावना शेतकऱ्यांनी व्यक्त केली आहे.

महाराष्ट्रात SIR मधून देशातील सर्वाधिक मतदारांच्या नावावर फुली, तरी सुद्धा ठाकरे बंधूंच्या निवडणूक आयोगविरोधातील विराट मोर्चासाठी महाविकास आघाडीत एकमत नाही? कोण काय म्हणाले??

Yavatmal News: वेल्डिंगदरम्यान भीषण स्फोट, उपचारादरम्यान आणखी दोघांचा दुर्दैवी अंत; मृतांचा आकडा पोहचला चारवर; यवतमाळ जिल्ह्यातील उमरखेड हादरलं!

निलेश फाळके — Sun, 27 Sep 2026 11:06:21 +0530

Yavatmal Umarkhed Cylinder Blast News: यवतमाळ जिल्ह्यातील उमरखेड येथे झालेल्या स्फोटात आणखी दोघांचा उपचारादरम्यान मृत्यू झाला आहे. परिणामी आता मृतांचा आकडा चारवर पोहचहला आहे. उमरखेड (Umarkhed Cylinder Blast News) येथे बैलबाजार भरणाऱ्या ग्राउंडसमोर ब्लास्टिंग करणाऱ्या ट्रॅक्टरचे वेल्डिंग सुरू असताना सिलेंडरचा अचानक भीषण स्फोट झाला होता. या दुर्घटनेत दोघांचा जागीच मृत्यू झाला होता. तर पाच जण गंभीर जखमी झाले होते. जखमींना नांदेडसह उमरखेड येथील रुग्णालयात उपचारासाठी दाखल करण्यात आले होते. घटनेची माहिती मिळताच पोलीस घटनास्थळी दाखल झाले असून पुढील तपास सुरू करण्यात आला होता. अशातच ब्लास्टिंगच्या ट्रॅक्टर वेल्डिंग करताना झालेल्या भीषण स्फोटात मृतकांची संख्या चारवर पोहचली आहे. (Cylinder Blast News)

मिळालेल्या माहितीनुसार, घटनास्थळी अविनाश बेले, साजेब खान अनिस खान या दोघांचा मृत्यू झाला होता. तर नांदेड येथे उपचारादरम्यान वैभव बोक्से, शेख जावेद शेख बाबू यांचा मृत्यू झाला आहे. यवतमाळच्या उमरखेड-ढाणकी रस्त्यावर ब्लास्टिंगच्या ट्रॅक्टरला वेल्डिंग करतांना स्फोट झाल्याची घटना काल (26 सप्टेंबर) घडली होती. घटनेत आधी दोघांचा मृत्यू झाला होता, तर पाच जण गंभीर जखमी झाले होते. गंभीर जखमींना नांदेड येथे उपचारासाठी हलविण्यात आले होते. उपचार सुरू असताना आता मृतांची व्याप्ती वाढली आहे. या अपघातात आणखी दोघांचा मृत्यू झाला असून आता या घटनेत तब्बल चार जणांचा मृत्यू झाला आहे.

इतर महत्वाच्या बातम्या

Ganesh Visarjan 2026: बाप्पाच्या विसर्जनाला गेला अन परतलाच नाही, चिमुकल्याचं पितृछत्र हरपलं; नाशिकमध्ये 23 वर्षीय संदीपचा खाणीत बुडून अंत

Dr.Ashok Uike: शंभर टक्के अनुदान मिळवणाऱ्या आदिवासी आश्रामशाळांच्या कारभारांचा थर्ड पार्टी ऑडिट होणार; आदिवासी विकास मंत्र्यांची घोषणा; काँग्रेसवर गंभीर आरोप

निलेश फाळके — Wed, 23 Sep 2026 15:01:36 +0530

Ashok Uike on Abhijeet Dipke: आदिवासी विकास विभागाच्या राज्यात 558 अनुदानित आश्रमशाळा असून, अशा आश्रम शाळांचे थर्ड पार्टी ऑडिट सुरू केल्या जाणार आहे. यातील 80 टक्क्यांपेक्षा जास्त आश्रमशाळा काँग्रेस नेत्यांच्या संबंधित असल्याचा आरोप आदिवासी विकासमंत्री डॉ. अशोक उईके यांनी केला आहे. कॉकरोच जनता पार्टीचे (Cockroach Janta Party) संस्थापक अभिजीत दिपके (Abhijeet Dipke) यांनी आदिवासी विद्यार्थी केंद्रबिंदू मानून 'आदिवासी स्कूल सुधारो' हे अभियान सुरू केलं आहे. याचि सुरवात विदर्भातून झाली आहे. यावेळी दिपके यांनी काँग्रेस (Congress) नेते आणि पदाधिकाऱ्यांच्या शाळेत जाऊन वास्तव पाहिले, विद्यार्थ्यांशी सवांद साधला, तर हे अभियान सार्थकी ठरेल. त्यामुळे आदिवासी विकास मंत्री अशोक उईके (Dr.Ashok Uike) यांनी अभिजित दिपके यांना या शाळा पाहण्याचे आवाहन केले आहे.

Dr.Ashok Uike on Abhijeet Dipke: ....तर तुम्ही 100 टक्के राजकारण करत आहात

काँग्रेस पदाधिकाऱ्यांच्या आश्रमशाळा वगळून तुम्ही पाहणी केली, तर तुम्ही 100 टक्के राजकारण करत आहात, असा आरोप होईल. त्यामुळे 100 टक्के अनुदानावर असेल्या आश्रमशाळांचं थर्ड पार्टी ॲाडीट आदिवासी विभागाकडून सुरु झाले आहे. या ॲाडीटमुळे संस्थाचालक काँग्रेसचे नेते आणि पदाधिकारी अडचणीत येण्याची शक्यता आहे. असेही आदिवासी विकासमंत्री डॉ. अशोक उईके म्हणाले.

Abhijeet Dipke: दोन वर्षात 590 आदिवासी विद्यार्थ्यांचा मृत्यू; दुर्गम भागातील शाळांमधील असुविधावरून अभिजीत दीपके यांचा आरोप

कॉकरोज जनता पार्टीचे संस्थापक अभिजीत दिपके दोन दिवस गडचिरोली दौऱ्यावर होते. यावेळी त्यांनी एटापल्ली तालुक्यातील डुम्मे, कोसा आलेंगा आणि पायडी या गावातील जिल्हा परिषद शाळांना भेटी देत तेथील व्यवस्थेची पाहणी केली. आदिवासी, दुर्गम भाग म्हणून शासनाचे नेहमीच दुर्लक्ष झाले असून गडचिरोली सारख्या घटना मुंबई, पुण्यात घडल्या असतात तर हंगामा झाला असता. गेल्या दोन वर्षात 590 आदिवासी विद्यार्थ्यांचा विविध कारणामुळे मृत्यू झाला आहे. शाळांमध्ये मूलभूत सुविधा पुरवण्याकडे शासन दुर्लक्ष करत असून आदिवासी विद्यार्थ्यांच्या मृत्यूची किंमत दोन लाख रुपये ठरवून मोकळे होत आहे, असा आरोप दीपक यांनी केला आहे. दरम्यान आज ते भामरागड तालुक्यातील ताडगाव जिल्हा परिषद शाळेला भेटी देणार असून गावकरी आणि सफाई कामगारांही ते चर्चा करणार आहेत.

Abhijeet Dipke: मला सांगायला लाज वाटते की मी...

दरम्यान, अभिजीत दिपके यांनी दुर्गम भागातील सरी आदिवासी आश्रम शाळेला भेट दिली असून, अक्कलकुवा तालुक्यातील सरी आश्रम शाळेचे अवस्था पाहून अभिजीत दिपके यांनी संताप व्यक्त केलाय. मला सांगायला लाज वाटते की मी गेल्या 26 वर्षानंतर नंदुरबारमध्ये परतलो आहे. 25 वर्षानंतर देखील दुर्गम भागाची परिस्थिती तशीच आहे. मी नंदुरबार मध्येच वाढलेलो आहे, मी जेव्हा वाढलो त्यावेळेस ही लाईट नव्हती, अंधारच होता आणि आजही अंधारच आहे. आश्रम शाळांमध्ये वेळेवर वीज नाही, विद्यार्थ्यांना पाणी मिळत नसल्याने अभिजीत दिपके संतापले. यावेळी त्यांनी प्रशासनावर रोष व्यक्त केला.

इतर महत्वाच्या बातम्या

Uddhav Thackeray: पक्ष फोडणाऱ्या, चोरणाऱ्या टोळीचा मुख्य सूत्रधार ज्ञानेश कुमारांसह त्यांच्या म्होरक्यांना जेलमध्ये टाकलं पाहिजे; SIR प्रक्रिया रद्द करा, उद्धव ठाकरेंचा हल्लाबोल

Raj Thackeray On Sahil Wakode: IIT बॉम्बेमधील विद्यार्थी साहिल वाकोडेने जीवन संपवलं; राज ठाकरेंनी नेमकं कारण सांगितलं, म्हणाले, तुमच्यात मनभेद होतील आणि फूट पडेल...

वेदांत नेब — Wed, 23 Sep 2026 10:13:17 +0530

Raj Thackeray On Sahil Wakode: मुंबई येथे आयआयटीच्या द्वितीय वर्षात शिकणाऱ्या यवतमाळच्या साहिल वाकोडे (Sahil Wakode) या विद्यार्थ्याने गळफास लावून 18 सप्टेंबर रोजी आत्महत्या केली. सदर घटनेनंतर एकच खळबळ उडाली आहे. परीक्षेदरम्यान मोबाइलचा वापर केल्याचा आरोप झाल्यानंतर या विद्यार्थ्याने हे टोकाचे पाऊल उचलल्याचं बोललं जात आहे. या सगळ्या प्रकरणावर आता मनसेप्रमुख राज ठाकरे (Raj Thackeray) यांनी प्रतिक्रिया दिली आहे. साहिल वाकोडे याचा मृत्यू दुर्दैवी आहे. जे घडलं ते या शिक्षण व्यवस्थेतील आपणच निर्माण केलेल्या दोषांमुळे घडलं. यावर काम करणं हीच साहिल वाकोडे आणि त्याच्यासारख्या अनेकांनी ज्यांनी ताण सहन न होऊन स्वतःचा जीव दिला आहे त्यांना श्रद्धांजली ठरेल, असं राज ठाकरे सोशल मीडियावर पोस्ट करत म्हणाले. (Raj Thackeray On Sahil Wakode)

आयआयटी मुंबईमध्ये साहिल वाकोडे या वीस वर्षांच्या विद्यार्थ्याने आत्महत्या केल्याची अत्यंत दुर्दैवी घटना घडली. परीक्षेदरम्यान त्याने मोबाईल आणि चॅटजीपीटीचा वापर केल्याचा आरोप आयआयटी प्रशासनाने सुरुवातीला केला. हा आरोप तपास पूर्ण होण्याआधी जाहीर करणं अयोग्य होतं, हे मान्य करत प्रशासनाने नंतर माफीही मागितली. दुसरीकडे साहिलच्या कुटुंबीयांनी जातीय छळाचे आरोप केले आहेत. त्या आरोपांवर गुन्हा दाखल झाला असून तपास सुरू आहे. प्राध्यापकांनीही आपली बाजू मांडली आहे. या सगळ्या प्रकरणात एक तरुण मुलगा आपल्यातून गेला, त्याला थेट आत्महत्येचा मार्गच का स्वीकारावासा वाटला यावर कोणीच बोलताना दिसत नाही, असं राज ठाकरे म्हणाले. तसेच एखादा विद्यार्थी परीक्षेत गैरप्रकार करत असेल, तर त्याला रोखणं आणि त्याच्यावर नियमानुसार कारवाई करणं हे प्राध्यापकांचं कर्तव्यच आहे. पण आरोप सिद्ध होण्याआधी मृत विद्यार्थ्याला गुन्हेगार ठरवणं योग्य नाही. त्याचप्रमाणे जातीय छळाचा आरोप झाला म्हणून चौकशी पूर्ण होण्याआधी प्राध्यापकांना दोषी ठरवणंही योग्य नाही. पण या सगळ्याचा कुठेच विचार होत नाही. कारण या विषयांत आता 'जात' हा मुद्दा पुढे आणून, एका वीस वर्षांच्या मुलाला एका प्रसंगानंतर आपल्या आयुष्याचे सगळे मार्ग संपले आहेत, असं का वाटलं असेल? यावर बोलायचं नाहीये. विचार करायचा नाहीय, असं राज ठाकरेंनी सांगितलं.

स्पर्धा परीक्षा जीवघेण्या होत चालल्या आहेत- राज ठाकरे (Raj Thackeray On Sahil Wakode)

मी अनेकदा माझ्या भाषणांमध्ये सांगितलं आहे की 2000 सालानंतर महाराष्ट्रात जात इतकी फोफावली आहे की आपल्या शेजारी शाळेत बसणारा विद्यार्थी कुठल्या जातीचा आहे हे सांगू लागलेत, वर्षानुवर्षे एकत्र डबा खाणारे ऑफिसमधले कर्मचारी जातीच्या नजरेतून एक दुसऱ्यांकडे पहायला लागलेत. आणि हे इतकं विषारी होत चाललं आहे की हे आता आयआयटीपर्यंत पोहचलं आहे. पंडित नेहरूंनी आयआयटीचं वर्णन आधुनिक भारताची मंदिरं असं केलं होतं त्या आयआयटीत विद्यार्थ्यांची आत्महत्या झाली, एक सहकारी आपल्यातून गेला यापेक्षा हे सगळं जातीतून घडलं हा पैलू पुढे यावा, यासारखं दुर्दैव नाही. मुळात आयआयटी असो की त्याच्या आधीच्या कुठल्याही स्पर्धा परीक्षा असोत या जीवघेण्या होत चालल्या आहेत. काही शे सीट्ससाठी लाखो विद्यार्थी बसतात, त्यातून निवड झाली की अभ्यासाचं ओझं, मग कॅम्पस सिलेक्शनमध्ये काय होईल याचा ताण. त्यात आयआयटी असो की आयआयएम असो पूर्वीसारखे कॅम्पस निवडीत उत्तम पगार मिळत नाही. बरं हे नैराश्य फक्त आयआयटी विद्यार्थ्यांनाच आहे असं नाही तर ते सर्वत्र आहे. अगदी कॉमर्स, आर्टस् शाखेच्या विद्यार्थ्यांपासून ते डॉक्टर्स, इंजिनिअर्सपर्यंत सगळ्यांना याचा ताण आहे. या नैराश्यातून साहिलने आत्महत्या केली. त्यामुळे या एकूणच पूर्णपणे मोडकळीस आलेल्या शिक्षण व्यवस्थेला प्रश्न विचारून ते बदलायचं? का आत्महत्या केलेल्या विद्यार्थ्याची आणि त्याला जाब विचारणाऱ्याची जात काढत बसायची, असं मत राज ठाकरेंनी व्यक्त केलं.

असल्या भानगडीत कोणीच पडू नका- राज ठाकरे (Raj Thackeray On Sahil Wakode)

प्रश्न हे सरकार का ते सरकार नाहीच आहे. गेल्या 30-40 वर्षांत शिक्षणाचं बाजारीकरण करण्याच्या नादात आपण पूर्ण भारतीय शिक्षण व्यवस्थेचं अपरिमित नुकसान केलं आहे. त्यात आमूलाग्र बदल आणले पाहिजेत. याची सुरुवात नुकत्याच झालेल्या जेन झी आंदोलनातून होत आहे असं वाटत असताना हा प्रकार पुढे आला. माझी विद्यार्थ्यांना विनंती आहे की तुमच्या आंदोलनाला देशभरातून प्रतिसाद मिळाला कारण तुमचा मुद्दा हा व्यवस्थेतील दोषांवर उपाय हवा यासाठी होता. तुमचं आंदोलन हे याच मार्गाने पुढे चालू राहायला हवं. कारण तसं राहिलं तर सरकारला अनेक प्रश्नांना उत्तरं द्यावी लागतील, काही कृती पण करावी लागेल. आणि सरकारला हे करायचं आहे का ? असेल तर आनंदच आहे आणि नसेल तर जात धर्म ही अमोघ अस्त्र त्यांच्याकडे आहेतच. एकदा जात धर्म आणला की विषय भरकटवायला सोपा होतो. असल्या भानगडीत कोणीच पडू नका, असं राज ठाकरे म्हणाले.

आयआयटी मुंबईमध्ये साहिल वाकोडे या वीस वर्षांच्या विद्यार्थ्याने आत्महत्या केल्याची अत्यंत दुर्दैवी घटना घडली. परीक्षेदरम्यान त्याने मोबाईल आणि चॅटजीपीटीचा वापर केल्याचा आरोप आयआयटी प्रशासनाने सुरुवातीला केला. हा आरोप तपास पूर्ण होण्याआधी जाहीर करणं अयोग्य होतं, हे मान्य करत…
— Raj Thackeray (@RajThackeray) September 23, 2026

जे घडलं ते या शिक्षण व्यवस्थेतील आपणच निर्माण केलेल्या दोषांमुळे घडलं- राज ठाकरे (Raj Thackeray On Sahil Wakode)

आयआयटी मुंबईतील विद्यार्थ्यांनी कौन्सिलिंगची व्यवस्था, चोवीस तास सायकिऍट्रिस्टची उपलब्धता, तक्रार केली तर ती खरंच सोडवली जात आहे यातली पारदर्शकता आणि विद्यार्थ्यांनी शिस्त मोडली तर त्याच्यावर कारवाई करताना तो खचणार नाही अशी व्यवस्था या मागण्या केल्या आहेत. त्यांच्या आंदोलनाची खरी दिशा हीच असली पाहिजे. शिक्षणव्यवस्थेतील दोष दुरुस्त करण्यासाठीच हे आंदोलन पुढे गेलं, तर सरकार आणि प्रशासनाला त्यावर उत्तरं द्यावी लागतील आणि कृतीही करावी लागेल. सत्तेचं राजकारण करण्यात स्वारस्य असणाऱ्यांना जात हा विषय आवडीचा असतो, विद्यार्थ्यांनी त्यात अडकू नये, उलट असल्या राजकारण्यांना त्यांची लायकी दाखवावी. आपल्या सरकारी यंत्रणेतील दोषांवर कोणीही बोलू अथवा आंदोलनं करू नये (कारण पुन्हा केंद्रीय शिक्षण खात यात अडकत , ज्या खात्याच्या मंत्र्याचा आत्ताच राजीनामा मागण्याचं आंदोलन झालं) म्हणून जात धर्माचं शस्त्र वापरून त्यात तुम्हाला अडकवून मूळ विषयापासून तुमचं लक्ष भरकटवायचं हेच सध्या सुरू आहे असं दिसतंय. आयआयटीच काय किंवा कुठल्याही कॅम्पसवरती हे मुद्दे होऊन तुमच्यात मनभेद होतील आणि फूट पडेल असं काही करू नका. साहिल वाकोडे याचा मृत्यू दुर्दैवी आहे. जे घडलं ते या शिक्षण व्यवस्थेतील आपणच निर्माण केलेल्या दोषांमुळे घडलं. यावर काम करणं हीच साहिल वाकोडे आणि त्याच्यासारख्या अनेकांनी ज्यांनी ताण सहन न होऊन स्वतःचा जीव दिला आहे त्यांना श्रद्धांजली ठरेल, असं राज ठाकरे म्हणाले.

राज्यासह देश-विदेशातील महत्वाच्या घडामोडी, VIDEO:

Yavatmal Accident News: यात्रेत आकाश पाळण्यात बसली, महिलेचे केस बेरिंगमध्ये अडकून खेचले गेले अन् डोक्याची चामडी... यवतमाळमधील अंगावर काटा आणणारी घटना

निलेश फाळके — Sat, 12 Sep 2026 10:19:57 +0530

यवतमाळ: महागाव तालुक्यातील फुलसावंगी येथील पुणेश्वर मंदिराच्या पायथ्याशी भरलेल्या तान्हा पोळ्याच्या यात्रेत एक काळीज पिळवटून टाकणारी (Yavatmal News) घटना घडली आहे. यात्रेतील आकाश पाळण्यात (Yavatmal News) बसलेल्या एका महिलेचे केस पाळण्याच्या बेरिंगमध्ये अडकल्याने त्यांच्या केसांसह डोक्याची चामडीच उपटून निघाली. या भीषण अपघातात महिला गंभीर जखमी झाली आहे.(Yavatmal News)

यवतमाळच्या महागाव तालुक्यातील फुलसावंगी येथील पुणेश्वर मंदिराच्या पायथ्याशी आयोजित करण्यात आलेल्या तांन्हा पोळ्याच्या वेळी ही घटना घडली. यात्रेत आकाश पाळण्यात बसलेल्या महिलेचे केस पाळण्याच्या बेरिंगमध्ये अडकल्याने केसांसह डोक्याची चामडी निघाल्याची घटना घडली. बाली मारोती टाळीकोटे या आकाश पाळण्यात बसल्या होत्या. पाळणा सुरू असताना अचानक त्यांचे केस बेरिंगमध्ये अडकले. पाळणा सुरू असल्याने काही क्षणांतच केस जोराने ओढले गेले आणि त्यांच्या डोक्याला गंभीर दुखापत झाली. घटना लक्षात येताच नागरिकांच्या मदतीने तातडीने पाळणा थांबविला. जखमी महिलेला पाळण्यातून बाहेर काढून त्वरित उपचारासाठी पुसद येथील खासगी रुग्णालयात दाखल करण्यात आले.(Yavatmal News)

Yavatmal News: नेमकी घटना काय?

बाली मारोती टाळीकोटे असे अपघातात गंभीर जखमी झालेल्या महिलेचे नाव आहे. त्या तान्हा पोळ्याच्या निमित्ताने आयोजित यात्रेत फिरण्यासाठी आल्या होत्या. यात्रेचा आनंद घेण्यासाठी त्या आकाश पाळण्यात बसल्या असता, पाळणा वेगाने फिरत असताना अचानक त्यांचे केस पाळण्याच्या फिरत्या बेरिंगमध्ये अडकले. पाळण्याचा वेग जास्त असल्याने काही क्षणांतच केस जोराने ओढले गेले आणि त्यांच्या डोक्याची चामडी उपटली जाऊन त्यांना अत्यंत गंभीर दुखापत झाली.(Yavatmal News)

Yavatmal News: नागरिकांची तत्परता आणि उपचार

हा प्रकार उपस्थितांच्या लक्षात येताच यात्रेतील नागरिकांनी तात्काळ आरडाओरड करत पाळणा थांबवला. नागरिकांच्या मदतीने जखमी बाली टाळीकोटे यांना पाळण्यातून सुरक्षित बाहेर काढण्यात आले. डोक्याला गंभीर दुखापत झाल्यामुळे त्यांना तातडीने उपचारासाठी पुसद येथील खासगी रुग्णालयात दाखल करण्यात आले आहे. या घटनेमुळे यात्रेतील आनंदाच्या वातावरणावर विरजण पडले असून नागरिकांमधून हळहळ व्यक्त केली जात आहे.

स्पर्धा परीक्षा जीवघेण्या होत चालल्या आहेत- राज ठाकरे (Raj Thackeray On Sahil Wakode)

असल्या भानगडीत कोणीच पडू नका- राज ठाकरे (Raj Thackeray On Sahil Wakode)

जे घडलं ते या शिक्षण व्यवस्थेतील आपणच निर्माण केलेल्या दोषांमुळे घडलं- राज ठाकरे (Raj Thackeray On Sahil Wakode)

राज्यासह देश-विदेशातील महत्वाच्या घडामोडी, VIDEO:

संबंधित बातमी:

Yavatmal News: नेमकी घटना काय?

Yavatmal News: नागरिकांची तत्परता आणि उपचार