ATS Action: उच्चशिक्षितांभोवती दहशतवाद्यांचं जाळं, ATSच्या छापेमारीत मोठं दहशतवादी कनेक्शन उघड; अहिल्यानगरसह यवतमाळमधील छाप्याची संभाव्य कारणं काय?

Yavatmal Crime: सहा महिन्यात तब्बल 34 आदिवासी मुली बेपत्ता; यवतमाळ भाजप जिल्ह्याध्यक्षाच्या आरोपांची मंत्री अशोक उईकेंकडून दखल, पोलीस अधीक्षकांना चौकशीचे आदेश

निलेश फाळके — Sun, 19 Apr 2026 14:20:27 +0530

Yavatmal Crime News: यवतमाळ जिल्ह्यातील राळेगाव तालुक्यात सहा महिन्यात तब्बल 34 आदिवासी मुली गायब झाल्याचे पुढे आले आहे. त्यात त्यांची मानवी तस्करी (Yavatmal Crime News) केली जात असल्याची धक्कादायक प्रकार समोर आला आहे. यात एक मुलगी आणि तिचा प्रियकर यांच्यातील संभाषणाची कथित ऑडिओ क्लिप (Audio Clip) समोर आली आहे. त्यात कशा पध्दतीने मानवी तस्करी (Crime News)केली जाते, हे सांगितलं जातं आहे. या प्रकरणात मुख्य आरोपी हा राळेगावमधील मजहर कुरेशी असल्याचा दावा करण्यात आला आहे.

दरम्यान, यवतमाळच्या राळेगावमध्ये आदिवासी मुलींची तस्करी होत असल्याचा गंभीर आरोप भाजपचे जिल्हाध्यक्ष प्रफुल्ल चव्हाण यांनी केला आहे. अल्पवयीन मुलींना परराज्यात विकले जात असल्याचा गंभीर आरोप करत देह व्यापार, मानवी तस्करी यांसारखे गंभीर प्रकार सुरू असल्याचा अतिशय धक्कादायक दावा प्रफुल चव्हाण यांनी केला आहे. अशातच, चव्हाण यांच्या आरोपांची आदिवासी विकास मंत्र्यांकडून दखल घेण्यात आली असून मंत्री डॉ. अशोक उईकेंनी (Ashok Uike) या प्रकरणी अप्पर पोलीस अधीक्षकांची भेट घेतलीय.

Ashok Uike : आदिवासी विकास मंत्र्यांकडून दखल, अप्पर पोलीस अधीक्षकांची भेट

मंत्री डॉ. अशोक उईके यांनी पोलीस अधीक्षक अशोक थोरातांना या प्रकरणी तपासाच्या सूचना दिल्या आहेत. मात्र आदिवासी मंत्र्यांच्या तक्रारीनंतरही अजून या प्रकरणी गुन्हा दाखल न झाल्याने आश्चर्य व्यक्त केलं जात आहे. मंत्री अशोक उईकेंची उपविभागीय अधिकारी बन्सल यांच्याशीही या प्रकरणी चर्चा झाली असून या प्रकरणात जातीने लक्ष घाला, वेगानं तपास करा, अशा उपविभागीय अधिकाऱ्यांना सूचना देण्यात आल्या आहे. त्यामुळे या प्रकरणात आता नेमकी काय कारवाई केली जाते, आणि तपासाअंती नेमकी काय माहिती समोर येतं हे पाहणं महत्वाचे ठरणार आहे.

Yavatmal Crime भाजप जिल्हाध्यक्ष प्रफुल्ल चव्हाण यांच्याकडून गंभीर आरोप, गृह विभागकडे दिली माहिती

दरम्यान, या प्रकरणातील संशयित आरोपीला पोलिसांनी चौकशीसाठी ताब्यात घेतले होते. मात्र पोलिसांनी त्याला सोडून दिले आहे. त्यांनतर तो तेलंगणामध्ये पळून जात असताना त्याला पुन्हा पकडले गेले. यात पोलिसांनी आरोपीला मदत करणाऱ्या पोलिसांना तपासापासून दूर ठेवावे, तसेच त्याच्यावर निलंबनाची कारवाई करावी, अशी मागणी करण्यात आली होती. यात आदिवासी मुलींना त्याच्या पालकांना पैश्याचे आमिष देऊन अश्या पध्दतीने फूस लावली जात आहे. ही गंभीर बाब आहे. आम्ही गृह विभागकडे याबाबत माहीती दिली आहे. राज्य सरकार सुद्धा गंभीर आहे. यात लवजिहाद, धर्मांतर असा अँगल असू शकतो, याचे चौकशी करण्यात यावी, अशी मागणी भाजप जिल्हाध्यक्ष प्रफुल्ल चव्हाण यांच्याकडून करण्यात आली आहे.

Yavatmal Crime News: या प्रकरणातील कथित ऑडिओ क्लिपमधील संवाद काय?

मुलगा - काय म्हणता.

मुलगी - पोरीचं काम घेऊन चालली मी पुण्याले.

मुलगा - अच्छा..अच्छा

मुलगी - एकटी नाही, तर काय दहा जण नेणार का?...शुभम मामा, आहे.. पोरी काढणारा.

मुलगा - शुभम मामा कोण... कुठला आहे?

मुलगी - आपल्याच गावातला आहे. फुकटनगरचा..

मुलगा - ते कल्याणी आत्या काम करते काम..

मुलगी - हो

मुलगा - तिने काम सोडलं?

मुलगी - नाही

मुलगा - आपल्या गावात दिसते ती घराजवळ.. कल्याणी आत्या

मुलगी - मोबाईलवर काम करते

मुलगा - अच्छा... असं आहे का?

मुलगी - तिला जेल झाली होती या कामसाठी, तेव्हापासून मोबाईलवर काम करते. तीच निल झालं कि जाईल ती आता..

मुलगा - तीच नवरा?

मुलगी - बाप कल्याणी आत्याचा लग्न करून दिल होतं.. ते निघाली होती..

मुलगा - मजहर कुरेशी

मुलगी - हो, त्याचं दिल होत करून. खतरनाक काम आहे..

मुलगा - मदन कुरेशी हे काम करते

मुलगी - हो, ते कुरेशी करते काम, पैसा लय आहे पण बद्दूव्वा लागते..

मुलगा - तुला काय वाटे चागलं काम आहे का?

मुलगी- मला चागलं नाही वाटत, सांगत आहे.. पैसा भेटेत पण बद्दूव्वा लागते..

मुलगा - अच्छा मग तिघ चौघे आहे, पोरी काढण्यात आणि विकण्यात..

मुलगी - बापरे तिघ, तिघ चौघे नाही, लई जण आहे.. यात काम करते रॅकेट आहे.. पूनम अत्या आहे. किती जण आहे सांगू शकत नाही..

मुलगा - बापरे......

मेन कोण आहे...

मुलगी - यात मेन कोण नाही..यात काम लावणारे मेन आहे...

इतर महत्वाच्या बातम्या

Vijay Wadettiwar on Navneet Rana: 'नवनीत राणा जातीय विष पसरवणारी विषवल्ली', विजय वडेट्टीवारांची बोचरी टीका, 'हिरवे साप' म्हणत राणांचा पलटवार

Yavatmal : मटण अर्धवट शिजल्याचा पतीला राग, अपमान सहन न झाल्याने पत्नीने संपवल जीवन

निलेश फाळके — Sat, 18 Apr 2026 17:39:15 +0530

यवतमाळ : आर्णी तालुक्यातील बोरगाव येथे एका निष्पाप गृहिणीचा बळी गेला आहे. केवळ 'मटण नीट शिजले नाही' या शुल्लक कारणावरून झालेल्या वादाने एका हसत्याखेळत्या संसाराची राखरांगोळी झाली. घरी जेवायला आलेल्या मित्रासमोर पतीने केलेला अपमान सहन न झाल्याने पत्नीने विष प्राशन करून जीवन संपवलं. चेतना मनोज जाधव असे मृत महिलेचे नाव आहे. या प्रकरणी पतीवर गुन्हा दाखल करण्यात आला असून पोलीस तपास सुरू आहे.

चेतनाचा पती मनोज जाधव याने एका मित्राला जेवणासाठी घरी बोलावले होते. 'मटणाची भाजी बेतशीर आणि चांगली कर,' अशी सूचना त्याने पत्नीला दिली होती. अंगणात जेवणाचा बेत रंगला होता, पण पाहुण्यासमोरच मनोजचा पारा चढला. मटण व्यवस्थित शिजले नसल्याच्या कारणावरून त्याने पत्नीशी जोरदार वाद घालण्यास सुरुवात केली. हा वाद केवळ स्वयंपाकापुरता मर्यादित राहिला नाही, तर त्यात मनोजच्या जुन्या संशयी स्वभावाचा आणि व्यसनाचा तडका लागला.

Yavatmal Crime : अपमान सहन न झाल्यामुळे टोकाचं पाऊल

मनोज हा दारूच्या आहारी गेला होता. यापूर्वीही 2015 मध्ये त्याच्यावर कौटुंबिक छळाचा गुन्हा दाखल झाला होता. 2017 मध्ये 'पुन्हा सुखाने संसार करू' या अटीवर चेतनाने त्याला माफ केले होते. मात्र, बुधवारी झालेल्या अपमानाचा घाव चेतना हिच्या मनाला इतका खोल लागला की, तिने टोकाचे पाऊल उचलले. भरल्या ताटावरून उठून ती आत गेली आणि तिने विषारी औषध प्राशन केले. बाहेर येऊन जेव्हा तिने पतीला ही बाब सांगितली, तेव्हा एकच खळबळ उडाली.

ही घटना घडल्यानंतर चेतनाला तातडीने आर्णी येथील ग्रामीण रुग्णालयात नेण्यात आले, पण नियतीला काही वेगळेच मान्य होते. डॉक्टरांनी तपासून तिला मृत घोषित केले.

चेतनाचे मामा मनोहर राठोड, रा. देवगाव यांच्या तक्रारीवरून पोलिसांनी चेतनाचा पती मनोज जाधव याच्यावर आत्महत्येस प्रवृत्त केल्याप्रकरणी गुन्हा नोंद करून त्यास अटक केली. चेतनाच्या मृत्यूनंतर आर्णी ग्रामीण रुग्णालयात नातेवाईकांनी केलेली गर्दी आणि त्यांचा आक्रोश काळजाला पिळवटून टाकणारा होता. आता सर्वांचे लक्ष शवविच्छेदन अहवालाकडे लागले असून, पोलीस उपनिरीक्षक पल्लवी निनगूरकर या प्रकरणाचा अधिक तपास करत आहे.

ही बातमी वाचा:

Nashik Crime News: तरुणीच्या गळ्यातील तुळशीमाळ अन् हातात बांधलेला दोरा काढला, मानेवर लव्ह बाईट, नाशिकमधील आणखी एक हादरवणारी कहाणी

Earthquake Parbhani and Nanded: मोठी बातमी: परभणी, नांदेड भूकंपाच्या धक्क्यांनी हादरलं, घरावरचे पत्रे हलले, नागरिकांमध्ये घबराट

एबीपी माझा वेब टीम — Sat, 11 Apr 2026 09:34:51 +0530

Earthquake Parbhani and Nanded: राज्यातील विदर्भ आणि मराठवाड्यातून एक मोठी बातमी समोर आली आहे. परभणी, (Parbhani) नांदेड (Nanded) हिंगोली (Hingoli), वाशिमसह यवतमाळमध्ये भूकंपाचे सौम्य धक्के (earthquake) बसल्याची माहिती आहे. तर काही ठिकाणी भूकंपाची तीव्रता जास्त असल्याने घरांच्या भितींना तडे गेले असून घरावरील पत्रे हलल्याचीही घटना घडली आहे. अचानक सौम्य धक्के जाणवल्याने नागरिकांमध्ये भीतीच वातावरण पसरलं असून अंदाजे 8 वाजून 46 मिनिटांनी हा धक्का जाणवल्याची प्राथमिक माहिती आहे.

Hingoli Earthquake : घरामध्ये ठेवलेली भांडी आणि वस्तू जमिनीवर कोसळून पडले, अनेकांच्या घराला तडे

हिंगोली जिल्ह्यांमध्ये आज सकाळी आठ वाजून 47 मिनिटांच्या सुमारास भूकंपाचे सौम्य धक्के जाणवले आहेत. हिंगोली जिल्ह्यांमध्ये दरवेळेस भूकंपाचे धक्के जाणवत असतात. मात्र यावेळेसचा भूकंपाचा धक्का हा मोठ्या प्रमाणात असल्याचं नागरिक सांगत आहेत. भूकंपाचा धक्का जाणवल्यानंतर अनेक गावातील घरामध्ये ठेवलेली भांडी आणि वस्तू जमिनीवर कोसळून पडले आहेत. तर अनेकांच्या घराला तडे गेल्याची सुद्धा प्राथमिक माहिती समोर आली आहे. हा भूकंपाचा धक्का हिंगोली जिल्ह्यासह नांदेड, परभणी या जिल्ह्यांना सुद्धा मोठ्या प्रमाणात जाणवलेला आहे.

Earthquake News : 4.7 रिश्टर स्केलच्या भूकंपाची नोंद

हिंगोली जिल्ह्यातील संपूर्ण गावांना या भूकंपाच्या धक्के जाणवल्याची माहिती असून अद्याप पर्यंत कोणतीही जीवित हानी झाल्याची माहिती समोर आली नाही. मात्र भूकंपानंतर भयभीत झालेले नागरिक तत्काळ घराच्या बाहेर आले होते. तरी नागरिकांनी घाबरून जाऊ नये, असा आव्हान प्रशासनाच्या वतीने करण्यात आलेला आहे. या भूकंपाचे अद्याप प्रशासन स्तरावर कोणतीही नोंद झाली नसली तरी प्रशासनाच्या वतीने या भूकंपाचा आढावा घेण्याचा प्रयत्न केला जातोय. भूकंपाचे केंद्रबिंदू पांगरा शिंदे गाव भूकंपाची नोंद झाली असून 4.7 रिश्टर स्केलचा हा भूकंप झाला आहे.

Hingoli Earthquake : भूकंपाचा केंद्रबिंदू हिंगोली जिल्ह्यात असल्याची माहिती

दुसरीकडे, नांदेडमध्ये देखील भूकंपाचे सौम्य धक्के जाणवले आहे. शहरातील सिडको, वजीराबाद, आनंद नगर, तरोडा सांगावी भागात हे धक्के प्रकर्षाने जाणवले आहेत. मिलेल्या माहितीनुसार, 4.7 रिस्टर स्केलचा हा भूकंप असल्याची माहिती आहे. वसमत येथील पांगरा शिंदे येथे 10 किमी खोलीवर भुकंपाचे केंद्र असून भूकंपाचा केंद्रबिंदू हिंगोली जिल्ह्यात असल्याची माहिती आहे. तर तिकडे, यवतमाळ जिल्ह्यातील पुसद तालुक्यात शेबाळपिंपरी भागात भूकंपाचे सौम्य धक्के जाणवले आहे. 8 वाजून 45 मिनिटाने हा धक्का जाणवला आहे.

इतर महत्वाच्या बातम्या

Samruddhi Mahamarg Accident: समृद्धी महामार्गावर नेक्सॉन, इनोव्हा, औरा कारचा विचित्र अपघात, मदतीला धावलेल्या कर्मचाऱ्यांनाही दुखापत, दोन गंभीर, पाच जखमी

Yavatmal News : पोलीस वेल्फेअर असोसिएशनच्या पंपावरच कायद्याचे उल्लंघन; डबे अन् कॅनमधून सर्रास पेट्रोलचं वितरण; अफवांमुळे यवतमाळच्या मारेगावात लांबचं लांब रांगा

निलेश फाळके — Wed, 25 Mar 2026 14:38:45 +0530

Yavatmal News : पोलीस वेल्फेअर असोसिएशनच्या पंपावरच कायद्याचे उल्लंघन; डबे अन् कॅनमधून सर्रास पेट्रोलचं वितरण; अफवांमुळे यवतमाळच्या मारेगावात लांबचं लांब रांगा

Yavatmal Crime: हृदयद्रावक! जुन्या वादातून सात वर्षीय चिमुकलीला निर्दयपणे संपवलं; शेजारचा घरात पोत्यात मृतदेह..; यवतमाळ जिल्ह्यातील दारव्हा हादरलं

निलेश फाळके — Sun, 22 Mar 2026 14:57:34 +0530

Yavatmal Crime News : जुन्या वादातून एका सात वर्षीय चिमुकलीची हत्या (Yavatmal Crime) करण्यात आल्याची हृदयद्रावक घटना यवतमाळच्या दारव्हा (Darwha Crime) तालुक्यातील बोथ गावात घडल्याचे उघडकीस आलंय. पोलीस तपासात घरा शेजारीच राहणाऱ्या जाधव कुटुंबियातील सदस्यांनी तिचे अपहरण करून हत्या (Crime) केल्याचे समोर आले आहे. तसेच चिमुकलीच्या नाकातील सोन्याचा दागिना गहाळ झाल्याचे यावेळी दिसून आले. त्या दिशेने पोलीस तपास करीत असल्याची माहिती अप्पर पोलीस अधीक्षक अशोक थोरात यांनी दिली. तसेच या प्रकरणात असलेल्या चार जणांवर हत्येचा गुन्हा दाखल केला आहे. मात्र या घटनेनं यवतमाळ जिल्ह्यातील दारव्हा हादरलं आहे.

Yavatmal Crime News : शेजारचेच निघाले मारेकरी, घराची झाडाझडतीत पोत्यात मृतदेह आढळला

मिळालेल्या माहितीनुसार, घटनेतील मृत चिमुकली 20 मार्चपासून घरून बेपत्ता झाल्याची तक्रार तिच्या कुटुंबीयांनी दारव्हा पोलिसात दाखल केली होती. त्यावरून 21 मार्चला जिल्हा पोलीस अधीक्षक हे पथकासह बोथ गावात दाखल झाले आणि त्यांनी गावात शोध मोहीम सुरू केली. दरम्यान यावेळी चिमुकलीच्या घराशेजारी राहणाऱ्या कैलास जाधव यांची चौकशी केली असता त्यांनी उडवा उडवीची उत्तरे दिली. त्यावरून पोलिसांना संशय आल्याने त्यांनी त्यांच्या घराची झाडाझडती घेतली असता चिमुकलीचा मृतदेह एका पोत्यात घरामध्ये आढळून आला. त्यावेळी पोलिसांनी कैलास जाधव यांना ताब्यात घेऊन चौकशी केली असता त्यांनीच हत्या केल्याची कबुली दिली. त्यावरून पोलिसांनी कैलास विलास जाधव, माला विलास जाधव, सोनी विलास जाधव, रंजना सोनू जाधव, यांच्यावर हत्येचा गुन्हा दाखल केला असून पुढील तपास सुरू आहे. मात्र या घटनेनं परिसरात मोठी खळबळ उडाली आहे.

Akola Crime : अकोल्यात बेपत्ता 11 वर्षीय मुलाचा मृतदेह डॉ. पंजाबराव देशमुख कृषी विद्यापीठाच्याच्या नाल्यात आढळला

अकोल्यात चार दिवसांपासून बेपत्ता असलेल्या 11 वर्षीय मुलाचा मृतदेह आज सकाळी आढळून आल्याने खळबळ उडाली आहे. तर सर्वज्ञ निलेश निंबाळकर असे मृत मुलाचे नाव असून त्याचा मृतदेह पंजाबराव देशमुख कृषी विद्यापीठ परिसरातील नाल्यात आढळून आला आहे. तर 19 मार्च रोजी घरातून बाहेर पडलेल्या सर्वज्ञचा शोध कुटुंबीय आणि पोलिसांकडून सुरू होता. तर एमआयडीसी पोलिस ठाण्यात तक्रार दाखल केल्यानंतर शोधमोहीम राबवण्यात येत होती. दरम्यान आज सकाळी त्याचा मृतदेह आढळून आल्याने परिसरात हळहळ व्यक्त केली जात असून, मृत्यूचे नेमके कारण अद्याप स्पष्ट झालेले नाही. तर पुढील तपास MIDC पोलीस करत आहे.

इतर महत्वाच्या बातम्या

Rupali Thombre: सर्व 'कडू सत्य' अजितदादांना माहित होते; रुपाली चाकणकरांचा राजीनामा आधीच मागितलेला पण तटकरेंनी...; रूपाली ठोंबरेंचे खळबळजनक दावे

Yavatmal News: नेम चुकला, माकडाला मारलेला डार्ट नागरिकाला लागला, पुढे काय घडलं?; यवतमाळमधील घटनेची राज्यभर चर्चा

निलेश फाळके — Wed, 18 Mar 2026 08:38:00 +0530

Yavatmal News: यवतमाळच्या उमरखेड तालुक्यातील भवानी या गावात पिसाळलेल्या माकडाचा (Monkey) बंदोबस्त करण्यासाठी आलेल्या वनविभागाच्या पथकाकडून एक मोठी चूक झाली. माकडाला बेशुद्ध करण्यासाठी मारलेला डार्ट चुकून एका नागरिकाला लागल्याने एकच खळबळ उडाली. यानंतर सदर नागरिकाला तात्काळ आरोग्य केंद्रात दाखल करण्यात आले. (Yavatmal News)

नेमकं काय घडलं? (Yavatmal News)

गेल्या काही दिवसांपासून भवानी येथे एका पिसाळलेल्या माकडाने उच्छाद मांडला होता. या माकडाला जेरबंद करण्यासाठी वनविभागाच्या पथकाला पाचारण करण्यात आले होते. जेव्हा रेस्क्यू ऑपरेशन सुरू झाले, तेव्हा माकडाला बेशुद्ध करण्यासाठी शूटरने निशाणा धरला. मात्र, माकडाच्या अचानक झालेल्या हालचालीमुळे शूटरचा अचूक निशाणा चुकला आणि ट्रॅन्क्विलायझर गनमधून सुटलेले इंजेक्शन (डार्ट) थेट गर्दीत उभे असलेल्या सदानंद खराटे यांना जाऊन लागले.

इंजेक्शन लागताच सदानंद खराटे जखमी- (Yavatmal News)

इंजेक्शन लागताच खराटे जखमी झाले. वनविभागाच्या या चुकीच्या कारवाईमुळे उपस्थित नागरिकांनी संताप व्यक्त केला जात आहे. जखमी सदानंद खराटे यांना तातडीने कोरटा येथील प्राथमिक आरोग्य केंद्रात दाखल करण्यात आले. सध्या त्यांची प्रकृती स्थिर असल्याचे वैद्यकीय सूत्रांनी सांगितले आहे.

राज्यासह देश-विदेशातील महत्वाच्या घडामोडी, VIDEO:

Yavatmal Crime News: अनैतिक संबंधासाठी विवाहितेवर दबाव; संतापलेल्या पती-पत्नीने डोळ्यात मिरची पूड टाकली अन् धारदार शस्त्रानं युवकाला संपवलं; यवतमाळ घटनेनं हादरलं

निलेश फाळके — Tue, 17 Mar 2026 11:22:18 +0530

Yavatmal Crime News: यवतमाळ (Yavatmal) जिल्ह्यातील लाडखेड पोलीस ठाणे हद्दीत घडलेल्या युवकाच्या खून प्रकरणाचा पोलिसांनी अवघ्या 24 तासांत उलगडा करत पती-पत्नीला अटक केली आहे. एकतर्फी अनैतिक संबंधातून सुरू झालेल्या वादातून ही हत्या झाल्याचे तपासात निष्पन्न झाले आहे.

नेर मार्गावरील लासीना-वाघापूर शेतशिवार परिसरात गॅस गोदामाजवळ 15 मार्च रोजी सकाळी एका अनोळखी युवकाचा मृतदेह आढळून आला होता. मृतदेहावर चाकूने वार केल्याच्या खुणा तसेच दगडाने ठेचल्याचे स्पष्ट दिसत होते. याशिवाय डोळ्यांत तिखट टाकण्यात आल्याचेही प्राथमिक तपासात समोर आले होते. या घटनेमुळे परिसरात खळबळ उडाली होती. तपासादरम्यान मृताची ओळख आतिश सुभाषराव देशमुख (वय 36, रा. गोविंद नगर, यवतमाळ) अशी पटली. याप्रकरणी मृताचे काका पंजाबराव मारोतराव देशमुख यांच्या तक्रारीवरून लाडखेड पोलीस ठाण्यात अज्ञात आरोपीविरुद्ध भारतीय न्याय संहिता कलम 103(1) अंतर्गत खुनाचा गुन्हा दाखल करण्यात आला.

Yavatmal Crime News: पती-पत्नीवर संशय बळावला

गुन्ह्याचे गांभीर्य लक्षात घेऊन पोलीस अधीक्षकांनी स्थानिक गुन्हे शाखेला तातडीने तपासाचे आदेश दिले. पोलिसांनी तांत्रिक तपास, मोबाईल कॉल डिटेल्स आणि शेवटच्या संपर्काच्या आधारे तपासाची सूत्रे पुढे नेली. या तपासात अंकुश नागोराव खोडे (वय 43) आणि त्यांची पत्नी रुपाली अंकुश खोडे (वय 38, रा. दांडेकर लेआउट, यवतमाळ) यांच्यावर संशय बळावला.

Yavatmal Crime News: चौकशी केली असता गुन्ह्याची कबुली

दोघांना ताब्यात घेऊन कसून चौकशी केली असता त्यांनी गुन्ह्याची कबुली दिली. तपासात समोर आले की, मृतक आतिश देशमुख याचे रुपाली खोडे हिच्याशी पूर्वी संबंध होते. मात्र नंतर संबंध तुटल्यानंतरही आतिश तिला वारंवार संपर्क करत होता. तो तिच्यावर पुन्हा संबंध ठेवण्यासाठी दबाव टाकत होता, तसेच तिच्या पतीला जिवे मारण्याच्या धमक्या देत होता.

Yavatmal Crime News: दोन्ही आरोपींना पोलिसांकडून अटक

या सततच्या त्रासाला कंटाळून पती-पत्नीने संगनमत करून 14 मार्च रोजी आतिशला वाघापूर शेतशिवारात बोलावले. तेथे त्याच्यावर चाकूने वार करण्यात आले आणि दगडाने ठेचून त्याची हत्या करण्यात आली. गुन्हा लपवण्यासाठी डोळ्यांत तिखट टाकण्याचाही प्रयत्न करण्यात आल्याचे समोर आले आहे. या प्रकरणात पोलिसांनी दोन्ही आरोपींना अटक केली असून पुढील तपास सुरू आहे. या घटनेमुळे परिसरात भीतीचे वातावरण निर्माण झाले असून, वैयक्तिक वादातून गुन्हेगारीकडे वळण्याच्या प्रवृत्तीबाबत पुन्हा एकदा चिंतेची बाब समोर आली आहे.

आणखी वाचा

Nashik Crime News: हळदीच्या कार्यक्रमात रक्तरंजित थरार, नाचताना धक्का लागल्याने सटकली, तडीपार गुंडावर मित्रांचाच हल्ला; नाशिकमधील खळबळजनक घटना

सूर्य कोपला! विदर्भात उष्णतेची लाट, कोणत्या जिल्ह्यात किती तापमानाची नोंद, जाणून घ्या सविस्तर माहिती

अभिषेक मुठाळ — Thu, 12 Mar 2026 19:58:54 +0530

Maharashtra Weather News : दिवसेंदिवस राज्यात उन्हाचा चटका वाढत असल्याचं चित्र पाहायला मिळत आहे. वाढत्या उन्हाचा लोकांना मोठा त्रास होत आहे. राज्याच्या अनेक भागात तापमानाचा पारा 40 अंशाच्या पुढे गेला आहे. अनेक ठिकाणी उष्णतेची लाट नोंदवण्यात आली आहे. या वाढत्या तापमानाच्या पार्श्वभूमीवर नागरिकांनी योग्य ती काळजी घ्यावी, असं आवाहन प्रशासनाच्या वतीनं करण्यात आऐलं आहे. कोणत्या जिल्ह्यात किती तापमानाची नोंद झाली? कुठे उष्णतेची लाट निर्माण झाली? याबाबतची सविस्तर माहिती पाहुयात.

'या' जिल्ह्यात उष्णतेची लाट

आज राज्यात तापमानात मोठी वाढ झाली आहे. तापमानाचा पारा 40 अंशाच्या पुढे गेला आहे. आज अमरावती, अकोला, ब्रह्मपुरी आणि यवतमाळमध्ये उष्णतेची लाट नोंदवण्यात आली आहे.

कोणत्या जिल्ह्यात किती तापमान?

नागपूर - 39
अकोला - 42
अमरावती - 42.2
ब्रह्मपुरी - 40.8
चंद्रपूर - 40.2
वर्धा - 40.2
वाशिम - 40.2
यवतमाळ - 40
बुलढाणा - 39.5
गडचिरोली - 39.4
जळगाव - 40.1
पुणे - 38.1
परभणी - 39.8
सांताक्रुज - 33.1
बीड - 38.5
नाशिक - 38.5
कोल्हापूर - 37.1
सातारा - 37.5
सोलापूर - 39.1
संभाजीनगर - 39.8
मालेगाव - 39.6
सांगली - 38
नवी मुंबई - 39
नंदुरबार - 41

नाशिकमध्ये यंदाच्या मोसमातील सर्वाधिक तापमानाची नोंद झाली आहे. नाशिकचा पारा 38.5 अंशावर गेला आहे, कमाल आणि किमान तापमानात मोठी तफावत आहे. किमान तपमान 16. 8 अंश सेल्सिअस आहे. राज्यात उन्हाचा चटका वाढत आहे. तापमानात वाढ झाल्याने दुपारी उकाडाही जाणवत आहे. कोकणात उष्ण आणि दमट हवामान होते. तर राज्यातील उन्हाचा चटका वाढण्याचा अंदाज हवामान विभागाने वर्तवला होता. त्यानुसार तापमानात वाढ होत असल्याचं चित्र दिसत आहे. कोकणातील मुंबई, ठाणे, पालघर, रायगड, रत्नागिरी जिल्ह्यात उष्ण आणि दमट हवामान होते. उद्याही पालघर, ठाणे आणि रायगड जिल्ह्यात उष्ण आणि दमट हवामानाचा अंदाज देण्यात आला आहे. तापमानात वाढ झाल्याने राज्यातील बहुतांशी भागात उन्हाचा चटकाही वाढत आहे.

तापमाना वाढल्यानं शाळांच्या वेळात बदल

होळीचा सण पार पडला की उन्हाची तीव्रता जाणवायला सुरुवात होते, असे ज्येष्ठ नागरिक आणि वयोवृद्ध सांगत असतात. त्याचनुसार आता उन्हाच्या झळा बसायला सुरुवात झाली असून मार्च महिन्याच्या दुसऱ्याच आठवड्यात अनेक जिल्ह्यात सूर्य कोपल्याचं दिसून येतं. विदर्भाने तापमानाने चाळीसी पार केली असून पुणे, सोलापूरातही तापमानाचा पार चढला आहे. एकीकडे 10 वी, 12 वीच्या विद्यार्थ्यांच्या परीक्षा संपल्या असून शालेय (School) विद्यार्थ्यांच्या परीक्षांना सुरुवात होत आहे. त्याच पार्श्वभूमीवर विदर्भातील उन्हाचा पारा लक्षात घेता, बुलढाण्यातील अधिकाऱ्यांनी महत्त्वाचा निर्णय घेतला आहे. त्यानुसार, आता जिल्हा परिषदेच्या शाळा सकाळच्या सत्रात भरवण्यात येणार आहेत.

उन्हाच्या तडाख्यापासून बवाच आणि विद्यार्थ्यांच्या आरोग्याच्या दृष्टीने जिल्हा बुलढाणा परिषदेच्या मुख्य कार्यपालन अधिकाऱ्यांनी शाळेच्या वेळेसंदर्भात आदेश काढले आहेत. विदर्भात उन्हाचा तडाखा वाढतच असून बुलढाणा जिल्ह्याचे तापमान ही वाढतच आहे. जिल्ह्याचे तापमान 39 डिग्री सेल्सिअसवर पोहोचले असून या तापमानाचा परिणाम आता जिल्हा परिषद शाळेवरही होत आहे. विद्यार्थ्यांना तापमानाचा कोणताही त्रास होऊ नये, म्हणून बुलढाणा जिल्हा परिषदेच्या शाळा सकाळच्या सत्रात भरवण्याचे आदेश जिल्हा परिषदेच्या मुख्य कार्यपालन अधिकाऱ्यांनी दिले आहेत.

खासदार संजय देशमुखांच्या कारला अपघात, सुदैवाने बचावले, टिप्परच्या धडकेत वाहनाचं मोठं नुकसान

निलेश फाळके — Thu, 26 Feb 2026 22:24:34 +0530

Yavatmal Accident : यवतमाळ जिल्ह्यात यवतमाळ-वाशिम मतदारसंघाचे शिवसेना ठाकरे गटाचे खासदार खासदार संजय देशमुख यांच्या वाहनाचा अपघात झाल्याची घटना घडली आहे. संजय देशमुख यांच्या वाहनाला अपघात हा साखरा गावाजवळ झाला. टिप्परने त्यांच्या वाहनाला धडक दिल्याने हा अपघात घडला आहे. एका कार्यक्रमातून परत येताना दिग्रस रोडवरील साखरा गावाजवळ टिप्परने त्यांच्या वाहनाला दिली जोरदार धडक दिली.

सुदैवाने खासदार संजय देशमुख हे सुखरूप असून त्यांना किरकोळ दुखापत

या अपघातात खासदारांच्या वाहनाचे झाले नुकसान झाले आहे. मात्र, सुदैवाने खासदार संजय देशमुख हे सुखरूप असून त्यांना किरकोळ दुखापत झाली असल्याची माहिती मिळाली आहे. अपघातानंतर त्यांनी दिग्रस येथील मात्रे हॉस्पिटलमध्ये पूर्व तपासणी केली आहे. डॉक्टरांनी किरकोळ दुखापत असल्याचे सांगितल्याची माहिती मिळाली आहे. संजय देशमुख यांच्या वाहनाला अपघात हा साखरा गावाजवळ झाला. टिप्परने त्यांच्या वाहनाला धडक दिल्याने हा अपघात झाला आहे.

भिवंडीतील अंजूर फाटा परिसरात भीषण अपघात, अपघातात दुचाकीस्वाराचा जागीच मृत्यू

भिवंडीतील अंजूर फाटा परिसरात हायवा डंपरने दुचाकीस्वाराला चिरडल्याची घटना घडली आहे. या अपघातात दुचाकीस्वाराचा जागीच मृत्यू झाला आहे. भार्गव पाटील (वय 24 रा. खारबाव) असे अपघातात मृत झालेल्या तरुणाचे नाव आहे. दरम्यान अपघाताचा संपूर्ण प्रकार सीसीटीव्ही कॅमेरात कैद झाली आहे. तसेच अपघातानंतर नारपोली पोलिसांनी पंचनामा करीत मृतदेह शवविच्छेदना करिता शहरातील शासकीय स्व.इंदिरा गांधी रुग्णालयात पाठवण्यात आला आहे.

वाहन चालकाच्या विरोधात नारपोली पोलिस ठाण्यात गुन्हा दाखल करण्याची प्रक्रिया सुरु

नेहमीप्रमाणे भार्गव कामावरून आपल्या घरी जात असताना रस्त्यावर अचानक भरधाव डंपरने धडक दिल्याने दुचाकीसह भार्गव थेट डंपरच्या खाली पडल्याने टायर खाली येऊन चिरडला गेला. ज्यामुळं त्याचा जागीच मृत्यू झाल्याचे धक्कादाय घटना घडली आहे. या घटनेमुळं परिसरात हळहळ व्यक्त केली जात आहे. या घटनेनंतर स्थानिकांनी घटनेची माहिती नारकोली पोलिसांना दिली मात्र पोलीस घटनास्थळी दाखल होत पंचनामा करून मृतदेह शव विच्छेदनासाठी शासकीय रुग्णालयात पाठवण्यात आला आहे. तर वाहन चालकाच्या विरोधात नारपोली पोलिस ठाण्यात गुन्हा दाखल करण्याची प्रक्रिया सुरु आहे. या अपघाताची घटना सीसीटीव्हीत कैद झाली असून पोलीस अधिक तपास करत आहेत.

महत्वाच्या बातम्या:

भिवंडीत भीषण अपघात! डंपरच्या धडकेत दुचाकीस्वाराचा दुर्दैवी मृत्यू, घटना सीसीटीव्हीत कैद

ATS Action: उच्चशिक्षितांभोवती दहशतवाद्यांचं जाळं, ATSच्या छापेमारीत मोठं दहशतवादी कनेक्शन उघड; अहिल्यानगरसह यवतमाळमधील छाप्याची संभाव्य कारणं काय?

उमेश अलोने, एबीपी माझा — Thu, 19 Feb 2026 14:09:34 +0530

Maharashtra ATS Action: राज्यात दहशतवाद विरोधी पथकाने (ATS Action) यवतमाळच्या पुसद, उमरखेड आणि अहिल्यानगरमध्ये असे 21 ठिकाणी छापेमारी करत मोठी कारवाई केली आहे. 14 फेब्रुवारीच्या मध्यरात्रीपासून सुरू करण्यात आलेल्या या कारवाईत एटीएसने अनेक धक्कादायक बाबी उघड केल्या आहेत. ज्या संशयीतांच्या घरांवर छापे टाकले ते सर्व तरुण अतिउच्च शिक्षित आहे. तर हे तरुण देशभरातील काही 'टेररिस्ट मॉड्युल'च्या संपर्कात (Terrorist Organization) आल्याचीही माहिती आहे. गेल्या सहा महिन्यापासून या तरुणांच्या संशयास्पद कारवायांकडे एटीएसचे लक्ष होतं.

Maharashtra ATS Action: तरुणांचा इंटरेस्ट पाहून ब्रेनवॉशिंग, पैसा, खेळाची संधी, नोकरी अशी आमिष

अशातच या संशयाच्या आधारावर एटीएसने छापा टाकत मोठी कारवाई केली आहे. तर हे तरुण आकार घेत असलेल्या 'टेररिस्ट मॉड्युल'मधील 'की पर्सन'. यांच्या माध्यमातून मुस्लिम तरुणांची दहशतवादी संघटनांमध्ये मोठ्या भरतीची योजना आखात होते. यवतमाळमध्ये 14 आणि अहिल्यानगरमध्ये सात ठिकाणी पथकांनी कारवाई केली होती. प्रत्येक पथकाच्या कारवाईत वेगवेगळी निरीक्षणे नोंदवली गेलीत. प्रत्येक ठिकाणी वेगवेगळ्या तरुणांचा इंटरेस्ट पाहून त्या पद्धतीने त्यांचं ब्रेन वॉशिंग होत असल्याची माहिती तपासात पुढे आली आहे. पैसा, खेळाची संधी, नोकरी अशी वेगवेगळी आमिष दिली गेल्याचीही माहिती आहे. या छाप्यानंतर अद्यापही कुणाला अटक करण्यात आलेली नाही. मात्र, या छाप्यानंतर मिळालेल्या माहितीमधून एक मोठं दहशतवादी कनेक्शन उघड करण्यात एटीएसला यश आलं आहे. तर अहिल्यानगरसह यवतमाळमधील छाप्यची संभाव्य कारणं काय? हे जाणून घेऊ.

Maharashtra ATS : अहिल्यानगरसह यवतमाळमधील छाप्याची संभाव्य कारणं काय?

-हिंदू-मुस्लिम दंगली झालेली गावे 'Soft Target' म्हणून 'टेररिस्ट मॉड्युल' तयार करण्यासाठीची प्रयोगशाळा करण्याचा अतिरेकी संघटनांचा मानस.

- या गावांमधील उच्चशिक्षित आणि अतिउच्च शिक्षित तरुणांवर दहशतवादी संघटनांचा डोळा.

- पुसद शहरात 2009 आणि 2014 मध्ये झाल्या होत्या मोठ्या दंगली.

- पुसदमध्ये 2009 मध्ये रामनवमीच्या दिवशी झाली होती दंगल.

- तर 2014 मध्ये झाली होती दुसरी मोठी दंगल.

- 2014 च्या दंगलीचे लोन शेजारच्या उमरखेड मध्ये पसरले होते.

- पुसद आणि उमरखेड हे दोन्ही तालुके आणि गाव मराठवाड्याच्या सीमेला लागून.

- मराठवाड्यातही जालना, छत्रपती संभाजीनगर येथे टेररिस्ट नेक्सस.

- छापा मारण्यात आलेला अहिल्यानगरमधील मुकुंद नगर भागा पूर्णतः मुस्लिम बहुल.

- मुकुंदनगर भाग लष्कराच्या प्रशिक्षण तळाला अगदी लागून.

- गेल्या काही काळात नगरमध्ये आमदार संग्राम जगताप यांच्या माध्यमातून सुरू असलेल्या हिंदुत्ववादी चळवळीमुळे अस्वस्थ असलेल्या मुस्लिम तरुणांना गळाला लावण्याचे प्रयत्न.

- अहिल्यानगरमधील तरूणाईच्या माध्यमातून छत्रपती सभाजीनगर, पुणे, नाशिक भागात नेटवर्क उभारण्याचा डाव.

Maharashtra ATS Action: फुटबॉल क्लबच्या नावाखाली युवकांचे ब्रेनवॉशिंग, युवकांना केरळ आणि बंगालमधील कट्टरतावादी छावण्यांमध्ये धाडलं?; ATSच्या छापेमारी धक्कादायक वास्तव उघड