Washington Donald Trump Attack : अमेरिकेची राजधानी वॉशिंग्टन डीसी येथील वॉशिंग्टन हिल्टन हॉटेलमध्ये आयोजित व्हाइट हाऊस कॉरेस्पोंडेंट्स डिनरदरम्यान गोळीबाराची धक्कादायक घटना घडली. या हल्ल्यात राष्ट्राध्यक्ष डोनाल्ड ट्रम्प यांना लक्ष्य करण्यात आल्याची माहिती समोर आली असून कार्यक्रमात एकच गोंधळ उडाला. घटनेनंतर सीक्रेट सर्व्हिसच्या एजंटांनी तात्काळ हालचाल करत ट्रम्प यांना सुरक्षित स्थळी हलवले. काही वेळातच संशयिताला ताब्यात घेण्यात आल्याची माहिती अधिकाऱ्यांकडून देण्यात आली.
Washington Shooting : नेमकं काय घडलं?
अमेरिकेच्या वॉशिंग्टन हिल्टनमध्ये 'व्हाईट हाऊस करस्पाँडेंट्स डिनर'साठी डोनाल्ड ट्रम्प आणि त्यांच्या पत्नी मेलानिया उपस्थित होते... राष्ट्राध्यक्ष डोनाल्ड ट्रम्प यांच्या उपस्थितीत डिनर कार्यक्रम सुरु होता.. अचानक ट्रम्प यांच्या अगदी समोर गोळीबार झाला... बँक्वेट हॉलमध्ये एकामागोमाग एक गोळ्यांचा आवाज येऊ लागला... ट्रम्प यांच्या सुरक्षा रक्षकांनी तातडीनं ट्रम्प यांना घेराव घातला आणि त्यांना सुरक्षित बाहेर काढलं.. शिवाय उपराष्ट्राध्यक्ष जे.डी.व्हान्स यांच्यासह एफबीआयचे संचालक काश पटेल यांच्यासह वरिष्ठ सरकारी अधिकाऱ्यांना खोलीतून तातडीनं बाहेर काढण्यात आलं..यानंतर ट्रम्प यांनी ट्रुथ सोशलवर संशयित हल्लेखोराचा फोटो शेअर केला
Shooting Timeline : हल्ल्याची संपूर्ण टाइमलाइन
रात्री 8:35 वाजता : पहिल्या गोळीबाराचा आवाज
राष्ट्राध्यक्ष ट्रम्प भाषण सुरू करण्याच्या तयारीत असतानाच अचानक गोळीबार झाला. हॉलमधील उपस्थितांना तात्काळ जमिनीवर लेटण्याच्या सूचना देण्यात आल्या.
Rescue Operation : व्हीआयपींची सुरक्षित सुटका
गोळीबार सुरू होताच सीक्रेट सर्व्हिसने डोनाल्ड ट्रम्प, मेलानिया ट्रम्प, उपराष्ट्राध्यक्ष जेडी वेंस आणि इतर मान्यवरांना सुरक्षित बाहेर काढले. एजंटांच्या तत्परतेमुळे मोठा अनर्थ टळला.
Accused Arrest : संशयित अटकेत
घटनेनंतर काही वेळातच कायदा अंमलबजावणी यंत्रणांनी संशयिताला अटक केली. त्याच्याकडून शस्त्रसाठाही जप्त करण्यात आला आहे.
Trump Reaction : ट्रम्प यांची पहिली प्रतिक्रिया
रात्री 9:17 वाजता ट्रम्प यांनी ‘ट्रुथ सोशल’वर पोस्ट करत सीक्रेट सर्व्हिसच्या धाडसाचं कौतुक केलं आणि आरोपी अटकेत असल्याची पुष्टी केली. त्यानंतर त्यांनी आपत्कालीन पत्रकार परिषद जाहीर केली.
Investigation Update : तपास सुरू, गंभीर गुन्हे दाखल
एफबीआयने या घटनेचा तपास सुरू केला असून आरोपीवर विविध गंभीर कलमांखाली गुन्हे दाखल करण्यात आले आहेत.
Security Concern : सुरक्षेवर पुन्हा प्रश्नचिन्ह
या घटनेनंतर अमेरिकेतील उच्चस्तरीय सुरक्षा व्यवस्थेवर पुन्हा प्रश्नचिन्ह उपस्थित झाले आहे. मोठ्या कार्यक्रमांमध्ये सुरक्षा अधिक कडक करण्याची गरज व्यक्त केली जात आहे.
ही बातमी वाचा: