Video: कुवेतमध्ये अमेरिकेचं F-15 फायटर जेट कोसळलं, पायलटला जिवंत पकडलं; अमेरिकन दुतावासावरही इराणी ड्रोन हल्ला
US jet crash in Kuwait: इराण-इस्रायल युद्धादरम्यान, कुवेतमधून एक महत्त्वाची बातमी आली आहे. कुवेतमध्ये एक अमेरिकन एफ-15 लढाऊ विमान कोसळले आहे
US jet crash in Kuwait: इराण-इस्रायल युद्धादरम्यान, कुवेतमधून एक महत्त्वाची बातमी आली आहे. कुवेतमध्ये एक अमेरिकन एफ-15 लढाऊ विमान कोसळले आहे. अहवालानुसार या लढाऊ विमानाला क्षेपणास्त्राने लक्ष्य केले गेले. स्वतःला वाचवण्यासाठी पायलट पॅराशूटने बाहेर पडला असून तो सुरक्षित असल्याची माहिती समोर आली आहे. एकीकडे अमेरिकन एफ-15 विमान पडल्याचा दावा इराणने केला आहे. तर दुसरीकडे अमेरिकन किंवा कुवेती अधिकाऱ्यांकडून याबाबत स्पष्टीकरण देण्यात आलेले नाही. मात्र, विमान कोसळल्याचा व्हिडीओ सध्या सोशल मिडीयावर जोरदार व्हायरल होत आहे.
US jet crash in Kuwait: एफ-15 लढाऊ विमान पाडल्याचा इराणचा दावा
इराणने दावा केला आहे की, त्यांनी एक F-15 Eagle फायटर जेट पाडले आहे. इराणी माध्यमे आणि सोशल मीडियावर शेअर करण्यात आलेल्या व्हिडिओंमध्ये एक F-15 जेट गोल फिरत खाली कोसळताना दिसत असून त्याच्या मागील बाजूस आग लागलेली दिसते. माध्यमांच्या अहवालानुसार, अमेरिका आणि इस्रायलसोबतचा संघर्ष तिसऱ्या दिवशी पोहोचला असताना इराणने सोमवारी हा दावा केला. हा परिसर सध्या पूर्णपणे युद्धाच्या छायेत असून रशिया-युक्रेन युद्धानंतरचा हा जगातील दुसरा मोठा लष्करी संघर्ष मानला जात आहे.
JUST IN: 🇺🇸 US F-15 fighter jet crashes in Kuwait. pic.twitter.com/NiR7jJNhHH
— BRICS News (@BRICSinfo) March 2, 2026
Iran drone attack on US embassy: अमेरिकन दुतावासावरही इराणी ड्रोन हल्ला
कुवेतमधील अमेरिकन दुतावासावरही इराणने ड्रोन हल्ला केल्याची माहिती समोर येत आहे. अमेरिकन दुतावास परिसरातून धूर निघत असल्याचे फोटो व्हायरल झाले आहेत. रॉयटर्सच्या माहितीनुसार, गेल्या काही तासांत आखाती देशांमध्ये एअर रेड सायरन वाजत होते. इराणने अमेरिकन तळ आणि त्यांच्या सहयोगी देशांतील ठिकाणांना लक्ष्य केल्याचा दावा केला आहे. कुवेत, बहरीन आणि यूएईच्या हवाई हद्दीत क्षेपणास्त्रे आणि ड्रोन उडवण्यात आल्याची माहिती समोर येत आहे.
Israel, America, Iran conflict: इस्रायल, अमेरिका, इराण संघर्षाची पार्श्वभूमी
अमेरिका आणि इराण यांच्यातील सध्याचा संघर्ष इराणी भूमीवर अमेरिकेने आणि इस्रायलने केलेल्या संयुक्त लष्करी हल्ल्यांनंतर भडकला. तेहरानच्या क्षेपणास्त्र आणि लष्करी पायाभूत सुविधांना लक्ष्य करत हे हल्ले करण्यात आले. प्रारंभीच्या कारवाईत इराणचे सर्वोच्च नेते अयातुल्ला अली खामेनी यांच्यासह वरिष्ठ नेतृत्व ठार झाल्याचे सांगितले जाते. त्यानंतर तेहरानकडून आखाती देशांमधील अमेरिकन तळ, प्रादेशिक राजधानी आणि सहयोगी सैन्य दलांवर मोठ्या प्रमाणात ड्रोन व क्षेपणास्त्र हल्ले करण्यात आले. इराणच्या प्रत्युत्तरात्मक कारवायांचा विस्तार अनेक देशांपर्यंत झाला असून कुवेत, बहरीन आणि संयुक्त अरब अमिरातीच्या हवाई क्षेत्रात क्षेपणास्त्रे आणि ड्रोन हल्ले करण्यात आल्याची माहिती आहे. या घडामोडींमुळे काही देशांनी आपले हवाई क्षेत्र तात्पुरते बंद केले असून लष्करी तसेच नागरी जीवितहानी झाल्याचे वृत्त आहे. वाढत्या तणावाच्या पार्श्वभूमीवर अमेरिकन सैन्यानेही नौदल कारवायांसह प्रतिहल्ले केले आहेत.
आणखी वाचा
महत्त्वाच्या बातम्या
