जागतिक पर्यटनस्थळ आणि थायलंडची राजधानी असलेल्या बँकॉकमध्ये (Bankok) शुक्रवारी 7.7 रिश्टर स्केल तीव्रतेचा शक्तीशाली भूकंप (Earthquake) झाला. या शक्तीशाली भूकंपात अनेक स्कॅयरॅपर इमारती जमीनदोस्त झाल्या असून पत्त्याच्या घरासारख्या या इमारती कोसळल्याचं पाहायला मिळालं आहे. येथील भूकंपाचे फोटो आणि व्हिडिओ काळाजात धस्स करणारे आहेत. अब्जावधी रुपयांची मालमत्ता या भूकंपात नष्ट झाली असून आत्तापर्यंत 144 नागरिकांचा जीव गेल्याची माहिती समोर आली आहे. येथील सरकारी एमआरटीव्ही यासंदर्भातने टेलिग्राम मेसेजिंग अॅपवरुन माहिती देत, भूकंपाच्या दुर्घटनेत 144 नागरिक मृत्युमुखी पडल्याचे सांगितले आहे. या भीषण भूकंपाच्या दुर्घटनेत 736 जण जखमी झाल्याची माहिती आहे. दरम्यान, बीबीसीच्या वृत्तानुसार, जर्मनीच्या GFZ भूगर्भशास्त्र केंद्राने सांगितले की, हा भूकंप दुपारी 10 किलोमीटर खोलीवर झाला. त्यामुळे जिवितहानी आणि वित्तहानी मोठ्या प्रमाणात होण्याची शक्यता आहे. GFZ भूगर्भशास्त्र केंद्रानुसार, भूकंपाचा केंद्रबिंदू शेजारच्या म्यानमारमध्ये होता.
बँकॉकमध्ये स्थानिक वेळेनुसार दुपारी दीडच्या सुमारास भूकंपाचा धक्का बसल्यानंतर इमारतींमध्ये अलार्म वाजू लागला. त्यानंतर दाट लोकवस्तीतील उंच इमारती आणि हॉटेलमधून लोकांना बाहेर फेकण्यात आले. भूकंप इतका जोरदार होता की उंच इमारतींमधील जलतरण तलावातील पाणी थरथरू लागले आणि लाटा उसळतानाचे व्हिडिओ समोर आले आहेत. भूकंपाचे केंद्र म्यानमारच्या मोनीवा शहराच्या पूर्वेस सुमारे 50 किलोमीटर (30 मैल) होते. म्यानमारमध्ये भूकंपामुळे मोठं नुकसान झालं असून 144 नागरिक मृत्यूमुखी पडल्याची माहिती समोर आली आहे. दरम्यान, पंतप्रधान नरेंद्र मोदींनीही या भूकंपाच्या घटनेवर शोक व्यक्त केला आहे.
बँकॉकमध्ये इमारत कोसळली
भूकंपामुळे बँकॉकमध्ये निर्माणाधीन एक गगनचुंबी इमारत कोसळली. अहवालानुसार, ही इमारत भूकंपाचे धक्के सहन करू शकली नाही आणि ती कोसळली. याशिवाय भूकंपानंतर अनेक व्हिडिओ व्हायरल होत आहेत, ज्यामध्ये लोकांमध्ये घबराट पसरलेली स्पष्टपणे पाहायला मिळते.
सागिंग जवळ भूकंपाचा केंद्रबिंदू
भूगर्भशास्त्रज्ञांच्या म्हणण्यानुसार, भूकंपाचा केंद्रबिंदू म्यानमारच्या दक्षिणेकडील किनारपट्टीवरील सागिंगजवळ होता. जर्मनीच्या GFZ भूगर्भशास्त्र केंद्र आणि भूवैज्ञानिक सर्वेक्षणानुसार, दुपारी झालेल्या भूकंपाची खोली 10 किलोमीटर (6.2 मैल) होती, ज्यामुळे जोरदार हादरे बसले. 7.7 रिश्टर स्केलच्या या भूकंपाच्या दोन तास आधी दोन्ही देशांमध्ये हलके धक्केही जाणवले होते.