युरोपियन महासंघाने इस्रायलसोबतचे सर्व व्यापारी करार तातडीने स्थगित करावेत, नेतान्याहूंकडून मानवी जीवन, आंतरराष्ट्रीय कायद्यांचा अनादर असह्य, गुन्हेगारी कृत्यांसाठी सूट नको; स्पेनच्या पंतप्रधानांचा सडकून प्रहार
Spanish PM Pedro Sanchez on Netanyahu : युरोपियन युनियनने इस्रायलसोबतचे सर्व व्यापारी करार तातडीने स्थगित करावेत. अशा गुन्हेगारी कृत्यांना शिक्षा व्हायलाच हवी," असेही सांचेझ यांनी स्पष्ट केले.
Spanish PM Pedro Sanchez on Netanyahu: स्पेनचे पंतप्रधान पेड्रो सांचेझ यांनी इस्रायलचे पंतप्रधान बेंजामिन नेतन्याहू यांच्यावर लेबनॉनमधील सुरू असलेल्या लष्करी कारवाईवरून सडकून प्रहार केला आहे. नेतन्याहू यांचे "मानवी आयुष्य आणि आंतरराष्ट्रीय कायद्याबद्दलचे दुर्लक्ष आता असहाय्य झाले आहे," असे सांचेझ यांनी म्हटले आहे. अमेरिका आणि इराण यांच्यात जो तात्पुरता युद्धविराम (Ceasefire) झाला आहे, त्यामध्ये लेबनॉनचाही समावेश करण्यात यावा, अशी मागणी सांचेझ यांनी केली. इस्रायलकडून होणाऱ्या आंतरराष्ट्रीय कायद्याच्या उल्लंघनाचा जगाने निषेध करावा, असे त्यांनी सांगितले. "युरोपियन युनियनने इस्रायलसोबतचे सर्व व्यापारी करार (Association Agreement) तातडीने स्थगित करावेत. अशा गुन्हेगारी कृत्यांना शिक्षा व्हायलाच हवी," असेही सांचेझ यांनी स्पष्ट केले.
जीवन आणि आंतरराष्ट्रीय कायद्याबद्दलचा अनादर असह्य
अमेरिकेचे राष्ट्राध्यक्ष डोनाल्ड ट्रम्प आणि बेंजामिन नेतन्याहू यांनीही लेबनॉनचा या करारात समावेश नसल्याचे जाहीर केले आहे. अमेरिकेने हिजबुल्ला विरोधातील इस्रायलच्या कारवाईला पाठिंबा दिला आहे. सांचेझ म्हणाले की, नेतान्याहू यांचा “जीवन आणि आंतरराष्ट्रीय कायद्याबद्दलचा अनादर असह्य आहे” आणि अमेरिका व इराण यांच्यातील युद्धविराम करारात लेबनॉनचा समावेश करण्याची मागणी केली. सांचेझ यांनी आंतरराष्ट्रीय समुदायाला इस्रायली पंतप्रधानांनी केलेल्या आंतरराष्ट्रीय कायद्याच्या उल्लंघनाचा निषेध करण्याचे आवाहनही केले आहे. दरम्यान, ब्रिटनने सुद्धा मेरिका व इराण यांच्यातील युद्धविराम करारात लेबनॉनचा समावेश करण्याची मागणी केली आहे.
गुन्हेगारी कृत्यांसाठी कोणालाही सूट मिळता कामा नये
"नेतान्याहू यांनी आक्रमण सुरू झाल्यापासून लेबनॉनवर सर्वात कठोर हल्ला चढवला आहे. त्यांचा जीवन आणि आंतरराष्ट्रीय कायद्याबद्दलचा अनादर असह्य आहे. आता स्पष्टपणे बोलण्याची वेळ आली आहे: लेबनॉनचा युद्धविरामात समावेश झालाच पाहिजे. आंतरराष्ट्रीय समुदायाने आंतरराष्ट्रीय कायद्याच्या या नव्या उल्लंघनाचा निषेध केला पाहिजे. युरोपियन युनियनने इस्रायलसोबतचा आपला असोसिएशन करार निलंबित केला पाहिजे. आणि या गुन्हेगारी कृत्यांसाठी कोणालाही सूट मिळता कामा नये," असे स्पॅनिश पंतप्रधानांनी म्हटलं आहे.
इस्रायल जाणीवपूर्वक युद्धविरामात अडथळे आणत आहे
दरम्यान, इराणने आरोप केला आहे की, इस्रायल जाणीवपूर्वक या युद्धविरामात अडथळे आणत आहे. लेबनॉनवर जर असेच हल्ले सुरू राहिले, तर हा करार मोडीत निघू शकतो आणि 'हॉर्मुझची सामुद्रधुनी' (Strait of Hormuz) परिसरात पुन्हा तणाव निर्माण होऊ शकतो, असा इशारा इराणने दिला आहे. दुसरीकडे, अमेरिकेने मात्र लेबनॉनला या युद्धविरामात समाविष्ट करण्यास नकार दिला आहे. व्हाईट हाऊसच्या प्रेस सचिव कॅरोलिन लीविट यांनी स्पष्ट केले की, "हा युद्धविराम लेबनॉनसाठी नाही आणि हे सर्व संबंधित पक्षांना कळवण्यात आले आहे."
इतर महत्वाच्या बातम्या
महत्त्वाच्या बातम्या
