Al-Qaeda Threat : ...तर आम्ही आमच्या मुलांच्या शरीरावर स्फोटके बांधू, अल-कायद्याच्या धमकीपत्रात खळबळजनक विधान

Al-Qaeda Threat : पत्रात दहशतवादी संघटनेने म्हटले आहे की, भाजपच्या प्रवक्त्यांनी टीव्हीवर इस्लाम आणि प्रेषित मोहम्मद यांचा अपमान केला आहे.

Al-Qaeda Threat : भाजप नेत्यांकडून प्रेषित पैगंबर मोहम्मद यांच्यावर केलेल्या वक्तव्यावरून दहशतवादी संघटना अल-कायदाने (Al-Qaeda) भारतात आत्मघाती हल्ला करण्याची धमकी दिली आहे. याबाबत तसे पत्र आले आहे, या पत्रात दहशतवादी संघटनेने म्हटले आहे की, भाजपच्या प्रवक्त्यांनी टीव्हीवर इस्लाम आणि प्रेषित मोहम्मद यांचा अपमान केला आहे. त्यामुळे अल कायदा गुजरात, यूपी, बॉम्बे आणि दिल्लीत आत्मघातकी हल्ला करणार आहे. 6 जून रोजी आलेल्या धमकीच्या पत्रात AQIS ने इशारा दिला होता की, भगव्या दहशतवाद्यांनी आता अंत होण्याची वाट पाहा.

...तर आम्ही आमच्या मुलांच्या शरीरावर स्फोटके बांधू - Al-Qaeda

अल कायदा दहशतवादी संघटनेच्या पत्रात असं म्हटलंय की, आमच्या पैगंबराचा अपमान करणार्‍यांना आम्ही मारून टाकू, आमच्या प्रेषिताचा अपमान करणार्‍यांना उडवण्यासाठी आमच्या शरीरावर तसेच आमच्या मुलांच्या शरीरावर स्फोटके बांधू, या चुकीसाठी कोणतीही माफी, कोणतीही शांतता आणि सुरक्षितता त्यांना वाचवू शकणार नाही. 

"जगभरातील मुस्लिमांच्या हृदयात जखमा"
भाजपच्या प्रवक्त्या नुपूर शर्मा यांनी पैगंबर आणि त्यांच्या पत्नीवर वादग्रस्त वक्तव्य केले होते. यावर कारवाई करत भाजपने शर्मा यांची पक्षातून हकालपट्टी केली आहे. दुसरीकडे, इथे प्रत्येक धर्माचा पूर्ण आदर केला जातो, असे भारत सरकारने स्पष्ट केले आहे. दहशतवादी संघटनेने म्हटले आहे की, भाजप नेत्याने एका भारतीय टीव्ही चॅनेलवर पैगंबर आणि त्यांच्या पत्नीचा "अपमान आणि बदनामी" केली. या पत्रात दावा करण्यात आला आहे की जगभरातील मुस्लिमांच्या हृदयात जखमा झाल्या आहेत, तसेच ते आता सूडाच्या भावनांनी भरलेले आहेत.

नुपूर शर्मांच्या वादग्रस्त वक्तव्य प्रकरणात अल कायदाची उडी
भाजपने नवीन कुमार जिंदाल यांची पक्षातून हकालपट्टी केली. नवीन कुमार जिंदाल हे दिल्ली भाजपचे मीडिया प्रमुख होते. नुपूर शर्मा 27 मे रोजी एका खासगी वाहिनीच्या चर्चेत सहभागी झाल्यापासून हे प्रकरण सुरू झाले. यादरम्यान ज्ञानवापी मशिदीच्या वादावर चर्चा होत होती. पैगंबर मोहम्मद यांच्यावर केलेल्या वक्तव्यानंतर वाद निर्माण झाला होता. यादरम्यान नुपूर शर्माने प्रेषित मोहम्मद यांच्यावर काही कथित टिप्पणी केली होती. यानंतर नुपूर यांचा व्हिडिओ व्हायरल झाला. त्यांच्यावर पैगंबरांचा अपमान केल्याचा आरोप केला. यानंतर देशभरात भाजपविरोधात जोरदार निदर्शने झाली आणि नुपूर शर्माच्या अटकेची मागणीही जोर धरू लागली.

आखाती देशांमध्येही संताप

प्रेषित मोहम्मद यांच्याबद्दल भाजप नेत्यांनी केलेल्या वक्तव्यावर मुस्लिम देशांमध्ये प्रचंड नाराजी आहे. या टिप्पण्यांबाबत अनेक आखाती देशांनी अधिकृतपणे भारताकडे निषेध नोंदवला आहे. दुसरीकडे, कुवेत, कतार आणि इराणने रविवारी भारतीय राजदूतांना बोलावले होते. आखाती देशातील महत्त्वाच्या देशांनी या टिप्पण्यांचा निषेध करत तीव्र आक्षेप नोंदवला आहे.

बारावी बोर्डाचा निकाल; एबीपी माझावर पाहता येणार, कसा पाहाल? 

यंदा तुम्हाला 'ABP Majha'च्या वेबसाईटवर तुमचा निकाल पाहता येणार आहे. एबीपी माझाची अधिकृत वेबसाईट marathi.abplive.com  वर बारावीचे विद्यार्थी झटपट आपला निकाल पाहू शकणार आहेत. एबीपी माझाच्या वेबसाईटवर निकाल पाहण्यासाठी mh12.abpmajha.com या लिंकवर क्लिक करा.

इतर महत्वाच्या बातम्या