Israel Vs Iran War: अमेरिकेच्या B-2 बॉम्बर्सने एन्ट्री, लेबॅनॉनची इराणच्या बाजूनं उडी; मध्य पूर्वेमधील युद्धात दुसऱ्या दिवशी काय काय घडलं?, A टू Z माहिती
Israel Vs Iran War: सलग दुसऱ्या दिवशी इराणवर अमेरिका आणि इस्रायलचा संयुक्त हल्ला सुरूच राहिला. इराणची राजधानी तेहरानसह अनेक शहरांवर मोठे हल्ले करण्यात आले.
Israel Vs Iran War: सलग दुसऱ्या दिवशी इराणवर अमेरिका आणि इस्रायलचा संयुक्त हल्ला (Israel Vs Iran War) सुरूच राहिला. इराणची राजधानी तेहरानसह अनेक शहरांवर मोठे हल्ले करण्यात आले. प्रामुख्याने संरक्षण दलांनी इराणच्या तीसहून अधिक सैन्य ठिकाणांना टार्गेट केलं. गेल्या 24 तासांत इस्त्रायल-अमेरिकेकडून इराणवर तब्बल 1,200 हून अधिक बॉम्ब हल्ले केले. या हल्ल्यात इराणच्या तेहरान शहरामध्ये सर्वाधिक नुकसान झालं.
अमेरिका आणि इस्त्रायलने इराणवर केलेल्या हल्ल्यात आतापर्यंत 216 लोकांचा मृत्यू झाला तर 747 लोक जखमी झाले आहेत. तर इराणविरुद्धच्या कारवाईत अमेरिकेच्या तीन सैनिकांचा मृत्यू झाला आहे. पुढील काळात हल्ले आणखी तीव्र करणार असल्याचा इशारा इस्त्रायलने दिलाय. या युद्धामुळे केवळ इस्रायल आणि इराणच नव्हे, तर संपूर्ण पश्चिम आशियामध्ये तणाव वाढू शकतो. सरकारी इमारती, लष्करी तळ आणि गुप्तचर विभागाची कार्यालये इस्रायलच्या निशाण्यावर आहेत. राजधानीत अनेक रस्ते बंद करण्यात आले असून लष्करी हालचाली वाढल्याचे दिसून येत आहे.
युद्धात काल काय काय घडलं? (Israel Vs Iran War)
- खामेनेईसह 48 नेत्यांना ठार केल्याचा डोनाल्ड ट्रम्प यांचा दावा
- इराणवर बी-2 बॉम्बर्सने 2 हजार बॉम्ब टाकल्याची ट्रम्प यांची माहिती
- इराणची 9 जहाजेही नष्ट केली - डोनाल्ड ट्रम्प
- इराणच्या सैन्यानं शरण यावं अन्यथा मृत्यू निश्चित-ट्रम्प
- इराणविरुद्धचा संघर्ष अजून चार आठवडे चालेल-ट्रम्प
- अमेरिकन जवानांच्या मृत्युचा बदला घेऊ अशी ट्रम्प यांची धमकी
- इराणच्या प्रत्युत्तरात इस्रायलमध्ये 9 जवान ठार, तीन अमेरिकन जवान
- जगभर कच्चे तेल महागले, प्रति बॅरेल किंमत 72 डॉलरवरुन 90 डॉलरवर
- जगभरात 2 हजार विमाने रद्द, भारतातली 350 विमाने रद्द
- लेबॅनॉनची इराणच्या बाजूनं युद्धात उडी, इस्रायलवर हल्ला
- पाकमध्ये अमेरिकन वकिलातीत घुसणाऱ्या 22 आंदोलकांचा मृत्यू
- पाकिस्तानात अमेरिकेविरोधातील आंदोलनात 200 जखमी
- पंतप्रधान नरेंद्र मोदींची इस्रायलच्या नेतान्याहूंशी बातचित, चिंता व्यक्त
- इराणमध्ये 1 हजार ठिकाणी हल्ले केल्याची अमेरिकन लष्कराची माहिती
- अमेरिकेच्या हल्ल्यात आतापर्यंत 165 ठार अशी इराणी मिडीयाची माहिती
- इस्रायलकडून युद्धासाठी आणखी 1 लाख सैनिक तैनात
इराणवरील हल्ल्याचे कारण काय? (what reason for the war between Iran and Israel)
2025 मध्ये इराण-इस्त्रायल युद्ध आणि इराण समर्थित गटांशी झालेल्या संघर्षांमुळे इस्त्रायच्या नेत्यांनी जानेवारीमध्ये इराणला वारंवार इशारा दिला होता की, ते त्यांच्या अण्वस्त्र कार्यक्रम आणि क्षेपणास्त्र क्षमतांचा अनियंत्रित विस्तार करू देणार नाहीत. परंतु, इराणने अशा कोणत्याही गोष्टींना जुमानले नाही. इराणने आपला संवेदनशील अण्वस्त्र कार्यक्रम आणि क्षेपणास्त्र संबंधित प्रक्रिया सुरूच ठेवल्या. अनेकदा इशारे देऊनही इराण थांबत नाही, असे दिसताच इस्रायल आणि अमेरिकेने इराणची राजधानी तेहरानवर हल्ला चढवला, ज्यामुळे मध्य पूर्वेत पुन्हा एकदा तणाव निर्माण झाल्याचे पाहायला मिळत आहे.
युद्ध अधिक भडकल्यास, पुरवठा साखळी विस्कळीत होण्याची शक्यता- (Israel Vs Iran War)
इराण हा जगातील प्रमुख तेल उत्पादक देशांपैकी एक आहे. युद्ध अधिक भडकल्यास, पुरवठा साखळी विस्कळीत होऊ शकते. याचा परिणाम कच्च्या तेलाच्या किमतीवर होऊन, त्यात मोठ्या प्रमाणावर वाढ होऊ शकते. जर हा संघर्ष अधिक चिघळला, तर कच्च्या तेलाच्या वाढत्या किमतीचा भारतीय अर्थव्यवस्थेवर नकारात्मक परिणाम दिसू शकतो. जर किमतीत मोठी वाढ झाली तर पेट्रोल आणि डिझेलच्या दरातही वाढ होऊ शकते. तसेच, येणाऱ्या काही आठवड्यांत बाजारात मोठी अस्थिरता आणि चढ-उतार पाहायला मिळतील, असाही अंदाज तज्ज्ञ व्यक्त करत आहेत. दुसरी गोष्ट म्हणजे सोने आणि चांदी महाग होतील. युद्धामुळे जागतिक बाजारपेठेत अनिश्चितता निर्माण होते. गुंतवणूकदार पैसे शेअर बाजारातून काढून सोने आणि चांदीमध्ये गुंतवतात. यामुळे सोने आणि चांदीच्या किंमती ऐतिहासिक पातळीवर जाऊ शकतात.
अमेरिकेच्या लष्कराकडून इराणवरील हल्ल्याचा नवा व्हिडीओ जारी, VIDEO:
संबंधित बातमी:
महत्त्वाच्या बातम्या
