कुवेत विमानतळावर झालेल्या इराणी हल्ल्यात भारतीय नागरिक ठार; 63 जखमी, अनेकांची प्रकृती गंभीर; ड्रोन हल्ल्यात अमेरिकन बेस सुद्धा टार्गेट

यापूर्वी, यूएस सेंट्रल कमांडने (CENTCOM) माहिती दिली होती की, इराणने कुवेतमध्ये तैनात असलेल्या अमेरिकी सैनिकांवर वारंवार ड्रोन हल्ले केले होते. तथापि, सर्व हल्ले अयशस्वी ठरले.

Iran war live update

Source : Facebook

Iran War Live Update: कुवेत आंतरराष्ट्रीय विमानतळावर झालेल्या इराणी ड्रोन हल्ल्यात एका भारतीय नागरिकाचा मृत्यू झाला आणि 63 जण जखमी झाले. त्यापैकी अनेकांची प्रकृती गंभीर आहे. कुवेतमधील भारतीय दूतावासाने या घटनेबद्दल शोक व्यक्त केला आहे. कुवेतच्या आरोग्य मंत्रालयाच्या माहितीनुसार, अनेक जण डोक्याला आणि शरीराला गंभीर जखमा झाल्या आहेत. या घटनेनंतर, घटनास्थळी 25 रुग्णवाहिका पाठवण्यात आल्या आणि जखमींना रुग्णालयात दाखल करण्यात आले.

या हल्ल्यामुळे विमानतळाच्या टर्मिनल 1 चे मोठे नुकसान झाले. यानंतर, सुरक्षेच्या कारणास्तव विमानतळावरील वाहतूक तात्पुरती थांबवण्यात आली. यापूर्वी, यूएस सेंट्रल कमांडने (CENTCOM) माहिती दिली होती की, इराणने कुवेतमध्ये तैनात असलेल्या अमेरिकी सैनिकांवर वारंवार ड्रोन हल्ले केले होते. तथापि, सर्व हल्ले अयशस्वी ठरले.

ट्रम्प यांनी फोनवर नेतान्याहू यांना शिवीगाळ केल्याचे कबूल केले

अमेरिकेचे अध्यक्ष ट्रम्प यांनी पंतप्रधान बेंजामिन नेतान्याहू यांच्याशी फोनवर बोलताना त्यांना 'वेडा माणूस' म्हटले होते, हे कबूल केले आहे. तथापि, त्यांनी असेही म्हटले की ते नेतान्याहू यांचा आदर करतात आणि त्यांचे त्यांच्याशी खूप चांगले संबंध आहेत. एका पॉडकास्टमध्ये ट्रम्प म्हणाले, "इस्रायलने लेबनॉनवर केलेल्या हल्ल्यामुळे मी नाराज आहे. मला बिबी (नेतान्याहू) खूप आवडतात आणि मी त्यांच्यासोबत खूप चांगल्या प्रकारे काम करतो." नेतान्याहू यांच्याबद्दल ट्रम्प यांनी केलेल्या अपमानास्पद वक्तव्याची बातमी सोमवारी 'ॲक्सिऑस'ने (Axios) सर्वप्रथम प्रसिद्ध केली. इस्रायली अधिकाऱ्यांनी नंतर हे वृत्त फेटाळून लावले.

गेल्या 24 तासांतील 4 प्रमुख घडामोडी

इराणचा अमेरिकेच्या लष्करी तळांवर हल्ला

इराणने लायबेरियन ध्वज असलेल्या जहाजावर क्षेपणास्त्रे डागल्याचा दावा केला आहे. तसेच त्यांनी कुवेत आणि बहरीनच्या दिशेने क्षेपणास्त्रे आणि ड्रोन डागले. इराणने म्हटले आहे की, त्यांनी अमेरिकेचे हवाई तळ, हेलिकॉप्टर तळ आणि बहरीनमधील अमेरिकेच्या नौदलाच्या पाचव्या ताफ्याच्या मुख्यालयाला लक्ष्य केले.

इराणी तेलवाहू जहाजांवर हल्ला

अमेरिकेच्या लष्कराने इराणच्या खारग बेटावरील बंदराकडे जाणाऱ्या बोत्सवाना ध्वज असलेल्या तेलवाहू जहाजावर हेलफायर क्षेपणास्त्राने हल्ला केला. यापूर्वी, अमेरिकेने होर्मुझच्या सामुद्रधुनीजवळ असलेल्या केशम बेटावरील इराणी लष्करी नियंत्रण केंद्राला लक्ष्य केले होते.

ट्रम्प यांनी नेतान्याहूंना फटकारले

लेबनॉनमधील इस्रायली हल्ल्यांवरून ट्रम्प यांनी नेतान्याहूंना फोनवरून फटकारले. वृत्तानुसार, ते म्हणाले, "मी नसतो तर, तुम्ही तुरुंगात असता."

इस्रायली हल्ले तीव्र

लेबनॉनमध्ये इस्रायली हल्ले सुरूच आहेत. नबातीहसह अनेक भागांवर हवाई हल्ले झाले, तर हिजबुल्लाहनेही ड्रोन आणि क्षेपणास्त्र हल्ले केले.

इतर महत्वाच्या बातम्या