Iran Minab School Attack : इस्त्रायलचा इराणमधील मुलींच्या शाळेवर बॉम्बचा वर्षाव, 85 विद्यार्थिनींचा जागेवरच मृत्यू
Israel Attack On Minab School Iran : अमेरिका आणि इस्त्रायलने इराणवर संयुक्त हल्ला केल्यानंतर आता इराणनेही त्याला प्रत्युत्तर दिलं आहे. इराणने आठ अरब देशांवर क्षेपणास्त्रांचा हल्ला केल्याची माहिती आहे.
Iran Israel Conflict War Update : इस्त्रायल आणि इराण संघर्षाला आता भयंकर स्वरुप आलं असून त्यामध्ये निष्पापांचा बळी जात आहे. दक्षिण इराणमधील मिनाब जिल्ह्यातील मुलींच्या प्राथमिक शाळेवर झालेल्या भीषण हवाई हल्ल्याने एकच खळबळ उडाल्याचं चित्र आहे. अमेरिका-इस्रायलच्या संयुक्त कारवाईदरम्यान शनिवारी झालेल्या या बॉम्बहल्ल्यात शाळेत शिकणाऱ्या 85 विद्यार्थिनींचा मृत्यू झाला. मृतांचा आकडा अजून वाढण्याची भीती व्यक्त केली जात आहे.
इस्त्रायल्या या हल्ल्यात शाळेची दोन मजली इमारत मोठ्या प्रमाणात उद्ध्वस्त झाली आहे. इमारतीचा मोठा भाग कोसळला असून एका बाजूला भीषण आग लागल्याची घटना घडली. हल्ल्याच्या वेळी शेकडो विद्यार्थिनी शाळेत उपस्थित होत्या, अशी माहिती स्थानिक सूत्रांनी दिली आहे. या घटनेचे दोन व्हिडीओ समोर आले असून एका व्हिडीओत शाळेची उद्ध्वस्त इमारत आणि परिसरात जमलेली मोठी गर्दी दिसत आहे, तर दुसऱ्या व्हिडीओत मृत विद्यार्थिनींच्या शाळेच्या बॅग दिसत आहेत.
The United States of America and Israel has just bombed a school full of students in Iran.
— Mohamad Safa (@mhdksafa) February 28, 2026
~40 students killed and 48 injured.
This violates Article 52 of Additional Protocol (I) Geneva Conventions, but international law clearly doesn’t apply to the U.S. and Israel. pic.twitter.com/nGUodgf9DZ
Abbas Araghchi Reaction : परराष्ट्रमंत्री अब्बास अराघची यांची संतप्त प्रतिक्रिया
इराणचे परराष्ट्रमंत्री अब्बास अराघची यांनी सोशल मीडियावर पोस्ट करत या घटनेचा तीव्र शब्दांत निषेध केला. 'दक्षिण इराणमधील मुलींच्या प्राथमिक शाळेवर दिवसाढवळ्या बॉम्बहल्ला करण्यात आला, जेव्हा ती शाळा विद्यार्थिनींनी खचाखच भरलेली होती. यामध्ये निष्पाप मुलींची हत्या करण्यात आली. इराणी जनतेविरुद्धचे हे अपराध दुर्लक्षित केले जाणार नाहीत' असं त्यांनी म्हटलं आहे.
The destroyed building is a primary school for girls in the south of Iran. It was bombed in broad daylight, when packed with young pupils.
— Seyed Abbas Araghchi (@araghchi) February 28, 2026
Dozens of innocent children have been murdered at this site alone.
These crimes against the Iranian People will not go unanswered. pic.twitter.com/AVqiuolgWm
Minab School Attack Iran : शाजारे तैय्यबेह प्राथमिक शाळेवर हल्ला
हल्ला झालेल्या शाळेचे नाव ‘शाजारे तैय्यबेह एलिमेंटरी स्कूल’ असं असून ही मुलींची प्राथमिक शाळा आहे. इस्त्रायल आणि अमेरिकेच्या संयुक्त हवाई कारवाईदरम्यान या शाळेवरही बॉम्बफेक करण्यात आल्याचा दावा करण्यात आला आहे. या हल्ल्यात शिक्षणासाठी आलेल्या 85 विद्यार्थिनींना आपला जीव गमवावा लागला.
President Masoud Pezeshkian Statement : राष्ट्राध्यक्ष मसूद पेजेशकियान यांचे विधान
इराणचे राष्ट्राध्यक्ष मसूद पेजेशकियान यांनी या घटनेला 'हृदयविदारक शोकांतिका; असं संबोधलं आहे. त्यांनी म्हटलं की, “या भ्याड हल्ल्यात निष्पाप विद्यार्थिनींच्या मृत्यूमुळे संपूर्ण इराणी राष्ट्र आणि जगभरातील स्वातंत्र्यप्रेमी नागरिकांच्या हृदयाला वेदना झाल्या आहेत. हा अमानवी कृत्य आमच्या ऐतिहासिक स्मृतीतून कधीही पुसला जाणार नाही.”
Relief Appeal Minab School Attack : बचाव पथकांना राष्ट्राध्यक्षांचे आवाहन
राष्ट्राध्यक्षांनी पुढे सर्व बचाव व वैद्यकीय पथकांना आवाहन केले आहे की, जखमी विद्यार्थिनींच्या उपचारासाठी सर्व उपलब्ध साधने तत्काळ वापरावीत. तसेच शोकाकुल कुटुंबीयांना तातडीने मदत देण्याला प्राधान्य द्यावे, असे निर्देश त्यांनी दिले आहेत.
ही बातमी वाचा:
महत्त्वाच्या बातम्या
