US attacks on iran: अमेरिका-इस्रायलकडून हत्येचा धोका; इराणचे सर्वोच्च नेते अयातुल्ला खामेनींचा मोठा निर्णय, तीन उत्तराधिकारी निवडले
US attacks on Iran: अमेरिकेने इराणवर हवाई हल्ला केल्याने आता मध्यपूर्वेत युद्धाला तोंड फुटण्याची भीती आहे. इस्रायलकडून सातत्याने इराणी लष्करातील बड्या अधिकाऱ्यांना ठार मारले जात आहे.
Iran Ali Khamenei: इराण इस्रायल युद्ध भडकलं असतानाच इराणचे सर्वोच्च नेते अयातुल्ला अली खामेनी यांनी एक मोठा निर्णय घेतला आहे. इस्रायलकडून हत्येचा धोका लक्षात घेऊन खामेनी (Ali Khamenei) यांनी आपले तीन उत्तराधिकारी निवडल्याचे समजते. अलीरेजा अराफी अली असगर हेजाजी, हासिम हुसैनी बुशहरी, अली अकबर वेलायती अशी त्यांची नावं आहेत. विशेष म्हणजे यात खामेनी यांचा मुलगा मुजतबा खामेनी यांचं नाव नाही. इस्रायलच्या हल्ल्यामुळे खामेनी यांची तीन दशकांपासूनची सत्ता धोक्यात आल्याचं मानलं जातंय. खामेनी सध्या एका सुरक्षित बंकरमध्ये लपल्याची माहिती आहे. (Iran Israel War news)
तर दुसरीकडे इस्रायलकडून सातत्याने इराणी लष्करातील बड्या अधिकाऱ्यांना ठार मारले जात आहे. नुकताच इस्रायलने इराणवर पुन्हा मोठा हल्ला केला. त्यात 2023 मध्ये इस्रायलवर हमासनं केलेल्या हल्ल्याचा मास्टरमाईंड सईद इजादीला ठार केल्याचा दावा इस्रायलनं केला आहे. इस्रायलवर हल्ल्यासाठी इजादीनंच हमासला फंडिग केल्याचं आणि हत्यार पुरवल्याचं इस्रायलचं म्हणणं आहे. हल्ल्यात इराणच्या आणखी एका अणुशास्त्रज्ञालाही ठार केल्याचं इस्रायलनं सांगितले होते. 13 जूनपासून इस्रायलने 11 इराणी अणुशास्त्रज्ञांना ठार मारले. इस्रायल आणि इराणमधील सुरू असलेल्या संघर्षाचा आज ९ वा दिवस आहे.
US air strikes on Iran: अमेरिकेचा इराणच्या अणू केंद्रांवर हल्ला
इराण आणि इस्रायल यांच्यातील युद्धात आता अमेरिकेने उडी घेतली आहे. अमेरिकेच्या विमानांनी काहीवेळापूर्वीच इराणमधील तीन महत्त्वाच्या अणुकेंद्रांवर हल्ला केला. यामुळे मध्यपूर्वेत मोठ्या युद्धाला तोंड फुटण्याची शक्यता आहे. अमेरिकेनंतर आता रशियाने या युद्धात उडी घेतल्यास या युद्धाल जागतिक स्वरुप प्राप्त होईल. अमेरिकेचे राष्ट्राध्यक्ष डोनाल्ड ट्रम्प यांनी ट्विट करुन इराणवरील हल्ल्याची माहिती दिली आहे. त्यानुसार अमेरिकेच्या लढाऊ विमानांनी फोर्डो,नातांझ,एसफहान या तीन आण्विक तळांवर हल्ले केले. अमेरिकेच्या हल्ल्यात इराणचा फोर्डो आण्विक तळ पूर्णपणे उद्ध्वस्त झाला आहे. आमची विमानं हल्ला करुन सहीसलामत माघारी परतली आहेत. आता शांततेची वेळ आहे, इराणनं युद्ध थांबवावं, असे डोनाल्ड ट्रम्प यांनी ट्विटमध्ये म्हटले आहे.
आणखी वाचा
महत्त्वाच्या बातम्या
