US Iran War: डोनाल्ड ट्रम्प यांचा डबल गेम, पहिल्यांदा म्हणाले इराण युद्ध संपणार आणि लगेचच आखाती देशात 10 हजार जवान पाठवले
अमेरिकेचे अध्यक्ष डोनाल्ड ट्रम्प यांनी एकीकडे इराण सोबतचा संघर्ष संपण्याच्या स्थितीत पोहोचल्याचं म्हटलंय आहे. दुसरीकडे आखातात सैन्य वाढवलं आहे.
US Iran War न्यूयॉर्क : अमेरिकेचे अध्यक्ष डोनाल्ड ट्रम्प यांनी एकीकडे इराण सोबतचा संघर्ष संपण्याच्या स्थितीत पोहोचल्याचं म्हटलंय आहे. दुसरीकडे आखातात सैन्य वाढवलं आहे. अमेरिकेच्या प्रशासनानं आखातात अतिरिक्त 10 हजार सैन्य पाठवण्याचा निर्णय घेतला आहे. पेंटॉगॉनच्या नुसार या सैनिकांमध्ये जवळपास 6000 जवान USS George H.W. Bush द्वारे तैनात केले जातील. तर 4200 जवान बॉक्सर एम्फिबियस रेडी ग्रुप आणि 11 व्या मरीन एक्सपेडिशनरी यूनिटसह पोहोचतील. याशिवाय आखातात जवळपास पहिल्यापासून तैनात 50 हजार अमेरिकन सैनिकांसह नव्या काही तुकड्या जोडून अमेरिका लष्करी ताकद मजबूत करण्याचा प्रयत्न करत आहे.
एयरक्राफ्ट कॅरिअर्स तैनात
अमेरिकेने त्यांच्या नौदलाची ताकद देखील वाढवली आहे. USS Abraham Lincoln, USS Gerald R. Ford आणि USS George H.W. Bush या सारख्या तीन मोठ्या एअरक्राफ्ट कॅरिअर्स खाडी जवळ तैनात केल्या असून कोणत्याही वेळी ऑपरेशनसाठी सज्ज आहेत.
अमेरिकेचं हे पाऊल चर्चेत आहे. कारण अमेरिकेनं होर्मुझच्या सामुद्रधुनीची नाकेबंदी केल्यानं तणाव वाढला आहे. इराणच्या यूरेनियम संवर्धनासंदर्भात कोणतंही ठोस सहमती झालेली नाही. 22 एप्रिलच्या डेडलाईनपर्यंत कोणताही निर्णय झाला नाही तर काय होईल सांगता येत नाहीत, मात्र सध्या सुरु आहेत. ट्रम्प एकीकडे युद्ध लवकर असं सांगत आहेत. दुसरीकडे त्यांनी पुढील दोन दिवसात जगाला आश्चर्यचकित करणाऱ्या गोष्टी पाहायला मिळतील, असं म्हटलं आहे. ट्रम्प यांच्या दुहेरी भूमिकेमुळं स्थिती जटील झाली आहे.
नेमके संकेत काय?
अमेरिकेचे अध्यक्ष डोनाल्ड ट्रम्प एकीकडे चर्चा सुरु ठेवणार असल्याचं म्हणत आहेत. दुसरीकडे आखातात लष्करी ताकद वाढवत आहेत. इराणसोबत चर्चा सुरु असतानाच अमेरिका आणि इस्त्रायलनं त्यांच्यावर हल्ले केले होते. त्यामुळं आखाती देशांमध्ये सध्या स्थिती संवेदनशील बनली आहे. शांततेची आशा आणि मोठ्या संघर्षाची भीती देखील कायम आहे.
महत्त्वाच्या बातम्या
