Istanbul Earthquake : तुर्कीमधील इस्तंबूल (Istanbul Earthquake) येथे 6.2 रिश्टर स्केल तीव्रतेचा भूकंप झाला. त्याचे केंद्र इस्तंबूलजवळील मारमारा समुद्रात होते. तुर्कीचे मंत्री अली येरलिकाया म्हणाले की, 51 भूकंपानंतरचे धक्के देखील जाणवले. अद्याप कोणाचाही मृत्यू झाल्याचे वृत्त नाही, परंतु भीतीमुळे अनेक लोकांनी इमारतीवरून उड्या मारल्या, ज्यामुळे 151 लोक जखमी झाले. जर्मन रिसर्च सेंटर फॉर जिओसायन्सेसनेही भूकंपाची पुष्टी केली आणि सांगितले की भूकंपाचे केंद्र जमिनीपासून 10 किलोमीटर खोलीवर होते. शहर आणि परिसरात जोरदार भूकंपाचे धक्के जाणवले. भूकंप इतका शक्तिशाली होता की त्याचे धक्के 440 किमी अंतरावर असलेल्या राजधानी अंकारामध्येही जाणवले. सिलिवरी जिल्ह्यातील ज्या भागात हा भूकंप झाला तो भाग भूकंपीय गतिविधीसाठी ओळखला जातो.

एका तासात तीन मोठे भूकंप

  • पहिला भूकंप : 3.9 तीव्रतेचा, सिलिवरी जिल्ह्याच्या किनाऱ्याजवळ स्थानिक वेळेनुसार 12:13 वाजता झाला.
  • दुसरा भूकंप : स्थानिक वेळेनुसार 12: 49 वाजता त्याच भागात 6.2 तीव्रतेचा भूकंप झाला.
  • तिसरा भूकंप : इस्तंबूलच्या ब्युकेकमेसे जिल्ह्यात स्थानिक वेळेनुसार 12:51 वाजता 4.4 तीव्रतेचा भूकंप झाला.

लोकांना नुकसान झालेल्या इमारतींमध्ये जाऊ नका असा इशारा देण्यात आला होता

भूकंपामुळे नुकसान झालेल्या इमारतींमध्ये जाऊ नका असा इशारा इस्तंबूल अधिकाऱ्यांनी लोकांना दिला आहे. गरज नसल्यास गाडी चालवू नका किंवा मोबाईल फोन वापरू नका. आपत्ती व्यवस्थापन पथके लवकरच नुकसानीचे मूल्यांकन करतील.

लोक म्हणाल, तुर्कीमध्ये राहणे म्हणजे भूकंपांसह जगणे

स्थानिक माध्यमांच्या वृत्तानुसार, गेल्या सहा वर्षांत इस्तंबूलच्या या भागात इतके शक्तिशाली भूकंपाचे धक्के जाणवले नाहीत. लोक म्हणतात की अचानक इमारती हादरायला लागल्या, त्यानंतर आम्ही आमची घरे सोडून बाहेर पळत सुटलो. तुर्कस्तानमध्ये राहणे म्हणजे भूकंपांसह जगणे.

दोन वर्षांपूर्वी भूकंपात 53 हजार लोकांचा मृत्यू झाला होता

दोन वर्षांपूर्वी तुर्की आणि सीरियामध्ये झालेल्या भूकंपात 60 हजार लोकांचा मृत्यू झाला होता, तर 75 हजारांहून अधिक लोक जखमी झाले होते. तुर्कीमध्ये 53 हजारांहून अधिक लोकांचा मृत्यू झाला, तर 35 हजारांहून अधिक लोक जखमी झाले.

तुर्की तीन मोठ्या टेक्टोनिक प्लेट्समध्ये अडकले आहे 

तुर्कस्तानमध्ये नेहमीच भूकंपाचा धोका असतो, हे समजून घेण्यासाठी आपल्याला पृथ्वीची रचना का समजून घ्यावी लागते. खरं तर, पृथ्वी मोठ्या टेक्टोनिक प्लेट्सवर वसलेली आहे. त्याखाली द्रवरूप लावा आहे. या प्लेट्स सतत तरंगत राहतात आणि कधीकधी एकमेकांवर आदळतात. बऱ्याच वेळा टक्कर झाल्यामुळे प्लेट्सचे कोपरे वाकतात आणि जास्त दाबामुळे या प्लेट्स तुटू लागतात. अशा परिस्थितीत, खालून येणारी ऊर्जा बाहेर पडण्याचा मार्ग शोधते आणि या गोंधळानंतर भूकंप होतो. तुर्कीयेचा बहुतांश भाग अ‍ॅनाटोलियन टेक्टोनिक प्लेटवर आहे. ही प्लेट युरेशियन, आफ्रिकन आणि अरबी प्लेट्समध्ये अडकली आहे. जेव्हा आफ्रिकन आणि अरबी प्लेट्स हलतात तेव्हा तुर्कीये सँडविचसारखे अडकते. यामुळे पृथ्वीच्या आतून ऊर्जा बाहेर पडते आणि भूकंप होतात.

इतर महत्वाच्या बातम्या