Washim HSC Exam 2026 : धक्कादायक! बारावी परीक्षेदरम्यान सामूहिक कॉपीचा प्रकार; वाशिममध्ये तब्बल 581 विद्यार्थ्यांवर एकाच वेळी कारवाई, 50 हून अधिक कर्मचाऱ्यांवर कारवाईचे संकेत

धक्कादायक! पिकअपची दुचाकीला जोरादार धडक, एकाच कुटुंबातील तीन जणांचा जागीच मृत्यू, वाशिम मंगरुळपीर महामार्गावरील घटना

मनोज जयस्वाल, एबीपी माझा — Thu, 23 Apr 2026 19:43:21 +0530

Washim Accident News : वाशिम जिल्ह्यात भीषण अपघाताची धक्कादायक घटना घडली आहे. वाशिम मंगरुळपीर महामार्गावर पारडी टकमोर गावाजवळ आंबे वाहून नेणाऱ्या पिकअप वाहनाने दुचाकीला जोरदार धडक दिल्याने भीषण अपघात झाला आहे. या अपघातात दुचाकीवरील तीन जणांचा जागीच मृत्यू झाला आहे.

वाशिम मंगरुळपीर महामार्गावर भीषण अपघाताची घटना

वाशिम मंगरुळपीर महामार्गावर भीषण अपघाताची घटना घडली आहे. या अपघातात तीन जणांचा जागीच मृत्यू झाला आहे. पीकअप वाहनाने दुचाकीला धडक दिल्यानं हा अपघात झाला आहे. अपघात इतका भीषण होता की अपघातनंतर पिकअप वाहन रस्त्यालगत असलेल्या शेतात खाली पलटी झाला आहे. पिकअप वाहनात या धडकेत वारा देपुळ गावातील एकाच कुटंबातील तीन जण जागीच ठार झाले आहेत. या घटनेमुळं परिसरात हळहळ व्यक्त केली जात आहे.

जळगाव जिल्ह्यातही भीषण अपघाताची घटना, पती पत्नीचा जागीच मृत्यू

जळगाव जिल्ह्यातही भीषण अपघाताची घटना घडली आहे. या अपघातात पती पत्नीचा मृत्यू झाला आहे. जामनेर-महामार्गावर तोरणाळा येथील स्मशानभूमी जवळ एक भीषण अपघात घडला आहे. या अपघातात दुचाकीवरील पती-पत्नीचा जागीच मृत्यू झाला असून त्यांच्या सोबत असलेली एक वर्षाची चिमुकली मुलगी सुदैवाने बचावली आहे. मिळालेल्या माहितीनुसार, गोपाल वासुदेव खडके (वय 50) आणि सोनाली गोपाल खडके (वय 45, रा. सातबारा) हे दुचाकीवरून घरी परतत असताना नियंत्रण सुटल्याने त्यांच्या दुचाकीने समोरील ट्रॅक्टरला मागून जोरदार धडक दिली. अपघात इतका भीषण होता की दोघांचाही जागीच मृत्यू झाला. घटनेची माहिती मिळताच स्थानिक ग्रामस्थांनी घटनास्थळी धाव घेतली. पोलिसांनी तत्काळ पंचनामा करून मृतदेह पुढील तपासणीसाठी पाठवले आहेत. या दुर्दैवी घटनेमुळे परिसरात हळहळ व्यक्त केली जात असून खडके कुटुंबावर दुःखाचा डोंगर कोसळला आहे.

गोंदिया जिल्ह्यातील तिरोडा येथे भरधाव टिप्परने माय-लेकाला चिरडले, भीषण अपघातात दोघांचा जागीच मृत्यू

गोंदियाच्या तिरोडा शहरातील सुकडी नाका परिसरात आज सायंकाळी एका भरधाव वेगाने येणाऱ्या टिप्परने मोटारसायकलला मागून जोरदार धडक दिली. ज्यामध्ये माय-लेकाचा जागीच मृत्यू झाला आहे. या घटनेमुळे संपूर्ण परिसरात शोककळा पसरली आहे. काटी-बिरसोला येथील रहिवासी असलेले चौधरी कुटुंब मोटारसायकलने प्रवास करत असताना सुकडी नाका परिसरात पाठीमागून येणाऱ्या भरधाव टिप्परने त्यांच्या दुचाकीला जोरात धडक दिली. ही धडक इतकी भीषण होती की, दुचाकीवर स्वार असलेल्या हंसलता चौधरी (वय 35) आणि त्यांचा 9 वर्षांचा मुलगा तन्मय चौधरी हे दोघेही चिरडले गेले आणि त्यांचा जागीच मृत्यू झाला. मोटारसायकल चालक कामस धर्मदास चौधरी हे या अपघातात जखमी झाले असून त्यांची प्रकृती सध्या स्थिर असल्याचे सांगण्यात येत आहे.

अपघात घडल्यानंतर आरोपी टिप्पर चालक आपल्या वाहनासह घटनास्थळावरून फरार झाला. घटनेची माहिती मिळताच तिरोडा पोलिसांनी तातडीने धाव घेत मृतदेहांचा पंचनामा केला आणि ते उत्तरीय तपासणीसाठी पाठवले.

Washim Accident News: समृद्धी महामार्गावर भीषण अपघात; अज्ञात वाहनाच्या धडकेत कारमधील पती गंभीर तर पत्नी जखमी, दीड वर्षाचा चिमुरडा सुखरूप बचावला

मनोज जयस्वाल, एबीपी माझा — Sun, 12 Apr 2026 14:47:21 +0530

Washim Accident News: समृद्धी महामार्गावर भीषण अपघात; अज्ञात वाहनाच्या धडकेत कारमधील पती गंभीर तर पत्नी जखमी, दीड वर्षाचा चिमुरडा सुखरूप बचावला

Gold: सराफ व्यापाऱ्यास सोनं-चांदीची बनावट नाणी दिली, 30 लाखांना गंडा; आरोपींचा असा झाला उलगडा

मनोज जयस्वाल, एबीपी माझा — Wed, 8 Apr 2026 14:01:59 +0530

Gold: सराफ व्यापाऱ्यास सोनं-चांदीची बनावट नाणी दिली, 30 लाखांना गंडा; आरोपींचा असा झाला उलगडा

मतदार पडताळणी मॅपिंगसाठी आलेल्या BLO कर्मचाऱ्यावर हल्ला; लाथा-बुक्क्यांनी मारहाण करत धूम ठोकली, शोध सुरू

मनोज जयस्वाल, एबीपी माझा — Fri, 3 Apr 2026 18:46:14 +0530

वाशिम : राज्य निवडणूक आयोगाकडून मतदार (Voting) पडताळणीचं काम जोमाने सुरू आहे. त्यासाठी, प्रशासनातील कर्मचारी कामाला लागले असून बीएलओद्वारे ही प्रक्रिया पुढे जात आहे. मात्र, मतदारांची प्रत्यक्ष पुनर्पडताळणी करणाऱ्या बीएलओवर रिसोड शहरात काही जणांकडून हल्ला करण्यात आल्याची धक्कादायक घटना घडली आहे. वाशिम (Washim) जिल्ह्याच्या रिसोड शहरात मतदार प्रत्यक्ष पुर्नपडताळणी मॅपिंगच्या कामासाठी गेलेल्या बीएलओवर हल्ल्याची घटना समोर आली. या घटनेमुळे निवडणूक कामकाजाच्या पडताळणीबाबत कर्मचाऱ्यांच्या सुरक्षेचा प्रश्न उपस्थित झाला आहे.

रिसोड शहरात 2002 आणि 2024 च्या पुनर्मतदानाची प्रत्यक्ष पडताळणी मॅपिंगसाठी गेलेल्या बीएलओ नवनाथ मुंढे यांच्यावर तीन अज्ञात व्यक्तींनी हल्ला केला. हल्ला करतांना लाथा-बुक्क्यांनी मारहाण करण्यात आली. मात्र, हल्ल्याचं कारण अद्याप अस्पष्ट असून जखमी मुंढेना रुग्णालयात दाखल करण्यात आलं आहे. गंभीर अवस्थेत तातडीने वाशिम जिल्हा सामान्य रुग्णालयात दाखल करण्यात आलं असून सध्या ते उपचार घेत आहेत. या घटनेनंतर मतदार पडताळणी करणाऱ्या कर्मचाऱ्यांमध्ये खळबळ उडाली असून, हल्लेखोरांविरोधात कठोर कारवाई करण्याची मागणी होत आहे. पोलिसांनी घटनेचा तपास सुरू केला, मात्र अद्याप आरोपींचा शोध घेतला जात आहे, कुणालाही अटक करण्यात आली नाही.

वाशिम जिल्ह्यात सलग दिसऱ्या दिवशी अवकाळी

दरम्यान, वाशिम जिल्ह्यात सलग तिसऱ्या दिवशी विजेच्या कडकटासह, वादळी वाऱ्यासह अवकाळी पावसाने हजेरी लावली असून आज गारपिटही झाल्याचं चित्र पाहावयास मिळालं. वाशिम शहरात जवळपास 45 मिनिटं पावसाच्या सरी बरसल्या, पावसाने रस्त्यावर पाणी साचल्याचं चित्र पाहावयास मिळालं. तर, कारंजा तालुक्यातील जाम्ब गाव परिसरात गारांचा पाऊस पडला. यासह जिल्ह्यात अनेक भागात गारपीट झाल्याची माहिती आहे. त्यामुळे बीजवाई कांदा उत्पादक,आणि हळद उत्पादक शेतकऱ्यांचं नुकसान होण्याची शक्यता निर्माण झाली आहे.

हेही वाचा

संजय राऊत दिलदार, भावुक झाला शिल्पकार; खिशातून 500 चं बंडल काढत बैलजोडी घेतली, खटाखट नोटा मोजल्या

Pune Unseasonal Rain: पुण्यात जोरदार पाऊस, पिंपरी-चिंचवडलाही सरींनी झोडपलं, हवामान खात्याकडून राज्यात गारपिटीचा अंदाज

नाजीम मुल्ला, एबीपी माझा, पिंपरी चिंचवड — Mon, 30 Mar 2026 16:04:16 +0530

Pune Unseasonal Rain: राज्याच्या विविध भागात हवामान विभागाने (IMD) वर्तवलेल्या अंदाजानुसार अवकाळी पावसाने जोरदार हजेरी लावली आहे. पुणे शहर, पिंपरी-चिंचवड आणि विदर्भातील वाशिम जिल्ह्यात दुपारी अचानक आलेल्या पावसामुळे नागरिकांची मोठी तारांबळ उडाली. या पावसामुळे वातावरणात काही काळ गारवा निर्माण झाला असला, तरी शेती पिकांचे मोठे नुकसान होण्याची भीती व्यक्त केली जात आहे.

Pune Unseasonal Rain: पुणे शहर आणि पिंपरी-चिंचवडमध्ये जोरदार पाऊस

पुणे शहरात सकाळपासूनच ढगाळ वातावरण होते. दुपारच्या सुमारास बाणेर, शिवाजीनगर, पुणे स्टेशन, हडपसर आणि लोणी काळभोर परिसरात पावसाने जोरदार बॅटिंग केली. बाणेर भागात पावसाचा जोर अधिक असल्याने सखल भागात पाणी साचले होते. पिंपरी-चिंचवड शहरातही पावसाने अर्धा तास अक्षरशः झोडपून काढले. सकाळपासून सूर्य आणि ढगांचा लपंडाव सुरू होता, मात्र दुपारी अचानक आलेल्या पावसामुळे कामावर निघालेल्या चाकरमान्यांची आणि पादचाऱ्यांची चांगलीच धावपळ झाली. हवामान खात्याने पुढील दोन-तीन दिवस पावसाचा अंदाज वर्तवला असून, आजच्या पावसानंतर उष्णतेपासून काहीसा दिलासा मिळाला आहे.

Washim Unseasonal Rain: वाशिममध्ये पिकांचे नुकसान; शेतकरी चिंतेत

विदर्भातील वाशिम जिल्ह्यातही अवकाळी पावसाने हजेरी लावली आहे. विशेषतः रिसोड तालुक्यातील काही भागात पावसाच्या सरी कोसळल्या. अवेळी आलेल्या या पावसामुळे शेतकरी पुन्हा एकदा अडचणीत सापडला आहे. या पावसामुळे बीजवाई कांदा, आंबा आणि फळबागांसह भाजीपाला पिकांचे मोठे नुकसान होण्याची शक्यता निर्माण झाली आहे. कापणीला आलेल्या पिकांना या पावसाचा मोठा फटका बसणार असल्याने बळीराजा हवालदिल झाला आहे.

Weather Update: हवामान विभागाचा अंदाज

हवामान विभागाच्या अंदाजानुसार, 30 मार्च ते 4 एप्रिलदरम्यान राज्यातील हवामानात लक्षणीय बदल होण्याची शक्यता आहे. खानदेश, मराठवाडा, पश्चिम विदर्भ तसेच मध्य महाराष्ट्रातील घाट परिसरात दुपारनंतर मेघगर्जनेसह पाऊस, ताशी 30 ते 50 किमी वेगाने जोरदार वादळी वारे आणि काही ठिकाणी गारपीट होण्याचा अंदाज व्यक्त करण्यात आला आहे. विशेष म्हणजे, 1 एप्रिलपासून पावसाची तीव्रता आणखी वाढण्याची शक्यता आहे. त्यामुळे शेतकऱ्यांनी आवश्यक ती काळजी घ्यावी, असे आवाहन करण्यात आले आहे.

इतर महत्त्वाच्या बातम्या

Ashok Kharat Case Nashik Crime News: औषधाची बाटली, विविध खडे जप्त, पीडित महिलांचे लाईव्ह स्क्रिनिंग; अशोक खरातच्या केबिनमध्ये SIT ने काय काय केलं?

Ashok Kharat Case: मोठी बातमी : नीलम गोऱ्हेही अशोक खरातच्या भक्त, नाशिकच्या 5 स्टार हॉटेलमध्ये भेट, तृप्ती देसाईंच्या दाव्याने खळबळ

नादखुळा... जिल्हा परिषद विद्यार्थ्याची 'नवोदय'साठी निवड; गावातून वाजत-गाजत मिरवणूक, मुलींची लेझीम

मनोज जयस्वाल, एबीपी माझा — Sat, 21 Mar 2026 17:53:52 +0530

नादखुळा... जिल्हा परिषद विद्यार्थ्याची 'नवोदय'साठी निवड; गावातून वाजत-गाजत मिरवणूक, मुलींची लेझीम

धक्कादायक! चालकाचं नियंत्रण सुटल्यानं वाहनानं महिलेला उडवलं, दोन मुली थोडक्यात बचावल्या, घटना CCTV मध्ये कैद

मनोज जयस्वाल, एबीपी माझा — Fri, 13 Mar 2026 18:48:16 +0530

Washim Accident News : वाशिमच्या लाखी इथं भीषण अपघात झाल्याची घटना घडली आहे. बोलेरो पीकअप वरील नियंत्रण सुटल्यानं एका महिलेला उडवले आहे. तर दोन मुली थोडक्यात बचावल्या आहेत. या संपूर्ण घटनेचा थरार सीसीटीव्हीत कैद झाला आहे. दरम्यान, मिळालेल्या माहितीनुसार, बोलेरो पिकअपचा चालक दारुच्या नशेत गाडी चालवत होता अशी माहिती मिळाली आहे.

भीषण अपघाताचा प्रसंग सीसीटीव्ही कॅमेऱ्यात कैद

वाशिमच्या लाखी इथ भरधाव वेगाने येणाऱ्या बोलेरो पिकअप गाडीचे नियंत्रण सुटल्याने रस्त्याच्या कडेला बसलेल्या एका महिलेला धडक देत त्या महिलेला उडवल्याची घटना घडली आहे. दरम्यान, त्याच महिलेच्या बाजूला असलेल्या दोन मुली पैकी एक मुलगी थोडक्यात बचावली आहे. या भीषण अपघाताचा प्रसंग एका सीसीटीव्ही कॅमेऱ्यात कैद झाला आहे. बोलेरो पिकअपचा चालक दारुच्या नशेत गाडी चालवत होता अशी माहिती मिळत आहे. अपघातानंतर परिसरात काही काळ गोंधळाचे वातावरण निर्माण झाले होते. स्थानिक नागरिकांनी तात्काळ धाव घेऊन जखमी महिलेला उपचारासाठी रुग्णालयात पाठवले. तर दोन शाळकरी मुली सुदैवाने या अपघातातून बचावल्या आहेत.

नाशिकच्या पुणे रोडवर शिंदे टोल नाक्यावर एसटी महामंडळाच्या बसला भीषण आग

नाशिकच्या पुणे रोडवर शिंदे टोल नाक्यावर एसटी महामंडळाच्या बसला आग लागल्याची घटना घडली आहे. शहरातील शिंदे टोल नाका परिसरात बसला आग लागल्याने खळबळ उडाली आहे. बसमध्ये 16 प्रवासी होते. मात्र आगीची माहिती मिळताच बस ड्रायव्हरने सर्व प्रवाशांना खाली उतरवले. ड्रायव्हरच्या दक्षतेमुळं मोठा अनर्थ टळला आहे. आग कशामुळे लागली याचे कारण अद्याप अस्पष्ट आहे. सोलापूर-नाशिक बसमध्ये 15 प्रवासी होते. सगळे प्रवाशी सुखरुप असल्याची माहिती मिळाली आहे. तर ही बस जळून खाक झाली आहे.

रायगड जिल्ह्यात भीषण अपघात, 21 जणांना घेऊन जाणारा पिकअप पलटी, एकाचा मृत्यू

रायगड जिल्ह्यातील अलिबाग तालुक्यात भीषण रस्ते अपघाताची घटना समोर आली आहे. नमाज अदा करण्यासाठी जात असताना 21 जणांना घेऊन जाणारा पिकअप टेम्पो पलटी झाल्यामुळे एक जण जागीच मृत्यूमुखी पडला, तर 20 जण जखमी झाल्याची माहिती मिळत आहे. हा अपघात अलिबाग तालुक्यातील बोरघर पुलाजवळ घडला असून त्यामुळे परिसरात एकच खळबळ उडाली.

Alibag Accident News : वाहनावरील नियंत्रण सुटल्याने अपघात

मिळालेल्या माहितीनुसार, गेल कंपनीमध्ये काम करणारे काही कामगार नमाज अदा करण्यासाठी अलिबाग तालुक्यातील रामराज येथे जात होते. यावेळी त्यांना घेऊन जाणारा पिकअप टेम्पो अचानक चालकाचं नियंत्रण सुटल्यामुळं रस्त्यावर पलटी झाला. या वाहनात एकूण 21 जण प्रवास करत असल्याची माहिती समोर आली आहे.

धक्कादायक! बेपत्ता युवकाचा विहिरीत आढळला मृतदेह, वाशिम जिल्ह्यात खळबळ, पोलीस घटनास्थळी दाखल

मनोज जयस्वाल, एबीपी माझा — Fri, 6 Mar 2026 18:22:04 +0530

Washim News : वाशिम जिल्ह्यात धक्कादायक घटना घडली आहे. बेपत्ता युवकाचा एका विहिरीत मृतदेह आढळल्यानं खळबळ उडाली आहे. दुर्गेश माहोरे असं या 32 वर्षीय युवकाचं नाव आहे. वाशिमच्या कारंजा शहरातील खाटीकपुरा परिसरातील हा रहवासी होता. शहरालगतच्या विहिरीत मृतदेह आढळून आला आहे. दरम्यान, या मृत्यूबाबत अद्याप अधिकची माहिती मिळाली नाही. पोलीस या प्रकरणी पुढील तपास करत आहेत.

घटनेची माहिती मिळताच पोलिसांनी घटनास्थळी धाव घेतली

दुर्गेश माहोरे काल पासून बेपत्ता होता. कुटुंबियांने शोधाशोध केली असता दुर्गेश आढळून न आल्याने आज शोध सुरू असताना आज दुपारी शहराजवळ परिसरातील विहिरीत त्यांचा मृतदेह एका व्यक्तीला आढळून आला. घटनेची माहिती मिळताच पोलिसांनी घटनास्थळी धाव घेतली. मृतदेह बाहेर काढून पुढील तपासासाठी उपजिल्हा रुग्णालयात आणण्यात आला. या प्रकरणी शहर पोलिसांनी आकस्मिक मृत्यूची नोंद घेतली असून पुढील तपास पोलीस करीत आहेत. मृत्यूचे नेमके कारण मात्र कळू शकले नाही.

2 दिवसांपासून बेपत्ता असलेल्या तरुणाचा इटियाडोह जलाशयात मृतदेह आढळला, धुळवडीच्या दिवसापासून तरुण होता बेपत्ता

वाशिम जिल्ह्यातनंतर गोंदिया जिल्ह्यात देखील धक्कादायक गटना घडली आहे. जिल्ह्यातील अर्जुनी मोरगाव तालुक्यातील बोंडगावदेवी येथील एक युवक धुळवडीच्या दिवशी गावात मित्रांसोबत मौजमजा करून घरी पोहोचला नव्हता. त्यानंतर तब्बल दोन दिवसांनी त्या तरुणाचा मृतदेह तिबेट कॅम्प जवळील इटियाडोह जलाशयात आढळला आहे. या घटनेनं गोंदिया जिल्ह्यात मोठी खळबळ उडाली आहे. आशिष मेश्राम (वय 23) रा. बोंडगावदेवी असे मृतदेह आढळलेल्या तरुणाचे नाव आहे. आशिष हा मित्रासोबत धुळवडीच्या दिवशी मौजमजा करीत असताना गावातील अनेकांनी पाहिले होते. मात्र मंगळवारी रात्री उशिरापर्यंत आशिष घरी परतला नाही. त्यामुळं त्याच्या कुटुंबीयांनी त्याचा शोध घेतला. पण त्याचा पत्ता लागला नाही. दुसऱ्या दिवशी वडील जितेंद्र व मोठा भाऊ प्रशिक नातेवाईकाकडे शोध घेतला. पण दुसऱ्या दिवशी देखील त्याचा पत्ता लागला नाही. त्यानंतर आशिषच्या वडिलांनी गुरुवारी स्थानिक पोलिस स्टेशन येथे मुलगा बेपत्ता असल्याची तक्रार दाखल केली होती. त्यानंतर पोलिसांनी आशिषची शोधाशोध सुरु केली होती. तब्बल दोन दिवसांनतरइटियाडोह जलाशयात तिबेट कॅम्प जवळ आशिषचा मृतदेह आढळून आला आहे.

महत्वाच्या बातम्या:

Mumbai Crime News: दादागिरी करतो म्हणून आठवीतील मुलांनी आपल्याच मित्राला संपवलं, नंतर मृतदेह तलावात फेकला अन्...; घटनेनं भांडुपमध्ये खळबळ

SSC HSC Exam Copy: दहावी-बारावीच्या परीक्षेत कॉपी, 22 शिक्षक, कर्मचाऱ्यांवर निलंबनाची कारवाई, शिक्षण विभागाचा महत्त्वाचा निर्णय

मनोज जयस्वाल, एबीपी माझा — Fri, 6 Mar 2026 07:51:43 +0530

Washim HSC Exam Mass Copying Case : वाशिम जिल्ह्यात 10वी आणि12वीच्या परीक्षेदरम्यान झालेल्या कॉपी (Board Exam Copy) प्रकारांबाबत दोषी शिक्षक व शिक्षकेत्तर कर्मचाऱ्यांवर कठोर कारवाई करण्यात अली आहे. या प्रकरणात आतापर्यंत 22 जणांना निलंबित करण्यात आले आहे, अशी माहिती वाशिम जिल्हा परिषदेच्या शिक्षणाधिकारी (माध्य.) मंगल धुपे यांनी दिली आहे. कॉपी प्रकरणी शिक्षण आयुक्त यांनी शिक्षणाधिकारी (माध्यमिक) यांना दूरध्वनीद्वारे परीक्षा काळात गैरप्रकार करणाऱ्या मुख्याध्यापक, शिक्षक आणि शिक्षकेत्तर कर्मचाऱ्यांवर तात्काळ निलंबनाची कारवाई करण्याचे निर्देश दिले होते. (Washim HSC Exam 2026)

Washim HSC Exam 2026 : एकूण 51 गुन्हे नोंद, 22 कर्मचाऱ्यांना संबंधित संस्थांनी केले निलंबित

दरम्यान, कॉपी प्रकरणी पत्राद्वारेही संबंधित कर्मचाऱ्यांवर निलंबनाची कारवाई करण्याबाबत सूचना देण्यात आल्या होत्या. त्यानुसार जिल्ह्यात गुन्हे नोंद असलेल्या 51 शिक्षक व कर्मचाऱ्यांवर कारवाई करण्यासाठी संबंधित शिक्षण संस्थांना कळविण्यात आले होते. त्यापैकी . मैनागिरी महाराज विद्यालय जुमडा येथील 10 अनुदानित पदावरील शिक्षक व शिक्षकेत्तर, तसेच 7 स्वयंअर्थसहायित तत्वावरील शिक्षकांना संस्थेकडून निलंबित करण्यात आलेय. तर मातोश्री बहुउद्देशीय शिक्षण प्रसारक मंडळ, मांगवाडी अंतर्गत माऊली विद्यालय, मोहजा येथील 5 स्वयंअर्थसहायित शाळेतील शिक्षकांनाही निलंबित करण्यात आले आहे. दुसरीकडे, वाशिम जिल्ह्यातील एकूण 51 गुन्हे नोंद असलेल्या कर्मचाऱ्यांपैकी 22 कर्मचाऱ्यांना संबंधित संस्थांनी निलंबित केले असून उर्वरित प्रकरणांबाबत पुढील कार्यवाही सुरू असल्याचेही माहिती माध्यमिक शिक्षणाधिकारी मंगल धुपे-गायकवाड यांनी दिली आहे.

वाशिम जिल्ह्यातील कॉपी प्रकरणे उघडकीस आलेली केंद्रे

मानोरा तालुका – रुई

वाघामय देवी आदिवासी ज्युनिअर कॉलेज – १७ विद्यार्थी पकडले

शेंदुरजना आढाव

अप्पास्वामी ज्युनिअर कॉलेज – २ विद्यार्थी

किन्हिराजा

वसंतराव नाईक ज्युनिअर कॉलेज – १ विद्यार्थी

रिसोड तालुका – मांडवा

ज्ञानेश्वर विद्यालय व ज्युनिअर कॉलेज – २१ विद्यार्थी

बाबासाहेब धाबेकर ज्युनिअर कॉलेज – ३ विद्यार्थी

विद्यार्थ्यांवर कारवाईसोबतच परीक्षा केंद्र प्रमुख आणि पर्यवेक्षकांच्या भूमिकेवरही प्रशासनाने बोट ठेवलं आहे.

आगामी पेपरमध्ये आणखी कडक तपासणी होणार असल्याचे संकेत देण्यात आले आहेत.

Beed News: पेपरचे चिट दगडात गुंडाळून विद्यार्थ्यांना कॉपीचा पुरवठा; गेवराईतील पाडळशिंगी परीक्षा केंद्रावरील प्रकार समोर

बीडच्या गेवराईतील पाडळसिंगी परीक्षा केंद्रावर सुरू असलेल्या कॉपी पुरवठ्याचा एक व्हिडिओ समाज माध्यमावर व्हायरल होतोय. यंदाच्या बारावी परीक्षा कॉपी मुक्त व्हाव्या याकरिता जिल्हाधिकाऱ्यांनी विशेष पावलं उचलली. परंतु पहिल्याच दिवशी कॉपीमुक्त अभियानाला हरताळ फासण्यात आले. गेवराई तालुक्यातील पाडळशिंगी येथे एका परीक्षा केंद्रावर विद्यार्थ्यांना नातेवाईकांकडून कॉपी पुरवण्याचा व्हिडिओ समोर आला. पेपरचे चीट एका दगडात गुंडाळून खिडकीद्वारे फेकण्याचा प्रकार यातून दिसत आहे. दोन दिवसांपूर्वीच कॉपी पुरवठा प्रकरणात 17 जणांवर गुन्हे दाखल झाले आहेत. मात्र तरी देखील बीडच्या ग्रामीण भागात हे प्रकार थांबण्याचे नाव घेत नाही.

इतर महत्वाच्या बातम्या

दादाविना अर्थ नसलेला अर्थसंकल्प, संपूर्ण राज्याला त्यांची उणीव जाणवेल, अर्थसंकल्पापूर्वी मिटकरींची भावूक प्रतिक्रिया

Washim HSC Exam 2026 : धक्कादायक! बारावी परीक्षेदरम्यान सामूहिक कॉपीचा प्रकार; वाशिममध्ये तब्बल 581 विद्यार्थ्यांवर एकाच वेळी कारवाई, 50 हून अधिक कर्मचाऱ्यांवर कारवाईचे संकेत

मनोज जयस्वाल, एबीपी माझा — Tue, 17 Feb 2026 10:18:57 +0530

Washim HSC Exam Mass Copying Case : वाशिमच्या टो येथील मैनागिरी विद्यालयात बारावीच्या परीक्षेदरम्यान सामूहिक कॉपीचे प्रकार समोर आला आहे. या प्रकरणी शिक्षण विभागाकडून तब्बल 581 विद्यार्थ्यांवर एकाच वेळी कारवाई करण्यात आली आहे. भौतिकशास्त्र विषयाच्या पेपर दरम्यान विद्यार्थ्यांकडून हा सामूहिक कॉपीचा (Board Exam Copy) प्रकार घडलाय. प्राथमिक शिक्षणाधिकारी संजय ससाणे यांच्या भरारी पथकाने अचानक धाड टाकत ही मोठी कारवाई केली आहे. (Washim HSC Exam 2026)

HSC Exam 2026 : केंद्र संचालकासह 50 हून अधिक कर्मचाऱ्यांवर कारवाई होण्याचे संकेत

दरम्यान, आतापर्यंतची जिल्ह्यातील हि सर्वात मोठी कारवाई असल्याचं बोललं जात आहे. तर शिक्षण विभागाने कारवाई संदर्भातील अहवाल वाशिमच्या जिल्हाधिकाऱ्याकडे पाठवला आहे. त्यामुळे आत या प्रकरणी केंद्र संचालक, सहाय्यक केंद्र संचालक आणि पर्यवेक्षकांसह 50 हून अधिक कर्मचाऱ्यांवर कारवाई होण्याचे संकेत आहे.

Washim News : वाशिम जिल्ह्यातील कॉपी प्रकरणात दोषी शिक्षक कारवाईच्या रडारवर (Washim HSC Exam 2026)

वाशिम जिल्ह्यात बोर्डच्या बारावी परीक्षेत कॉपी प्रकार घडल्याच्या सातत्याने घटना समोर आल्या आहेत. कॉपी बहाद्दर विद्यार्थ्यांवर कारवाई झाल्यानंतर आता थेट शिक्षकच कारवाईच्या रडारवर आले आहेत. वाशिम जिल्ह्यात विविध परीक्षा केंद्रांवर विद्यार्थ्यांकडून कॉपी होत असल्याचे प्रकार उघड झाल्यानंतर प्रशासनाने जबाबदारांवर कारवाईची प्रक्रिया सुरू केलीय. जिल्हाधिकारी योगेश कुंभेजकर यांनी अमरावती येथील उपशिक्षण संचालकांना पत्र पाठवत 5 केंद्र संचालक, 2 सहायक केंद्र संचालक आणि 14 पर्यवेक्षक अशा एकूण 21 कर्मचाऱ्यांवर कारवाईची शिफारस केली आहे. बारावीच्या इंग्रजीच्या पहिल्या पेपरपासून कॉपी मुक्त अभियान अंतर्गत भरारी पथकांनी धाडी टाकताच अनेक केंद्रांवरील कारवाई केल्याने परीक्षा व्यवस्थापनातील त्रुटी स्पष्ट झाल्या आहत.

वाशिम जिल्ह्यातील कॉपी प्रकरणे उघडकीस आलेली केंद्रे

मानोरा तालुका – रुई

वाघामय देवी आदिवासी ज्युनिअर कॉलेज – १७ विद्यार्थी पकडले

शेंदुरजना आढाव

अप्पास्वामी ज्युनिअर कॉलेज – २ विद्यार्थी

किन्हिराजा

वसंतराव नाईक ज्युनिअर कॉलेज – १ विद्यार्थी

रिसोड तालुका – मांडवा

ज्ञानेश्वर विद्यालय व ज्युनिअर कॉलेज – २१ विद्यार्थी

बाबासाहेब धाबेकर ज्युनिअर कॉलेज – ३ विद्यार्थी

आगामी पेपरमध्ये आणखी कडक तपासणी होणार असल्याचे संकेत देण्यात आले आहेत.

इतर महत्वाच्या बातम्या

Sunetra Pawar: अजितदादांच्या निधनादिवशीच मंत्रालयात सह्यांचा सपाटा, सुनेत्रा पवारांकडून चौकशीचे आदेश; म्हणाल्या, शाळांना चुकीच्या पद्धतीने...