Washim News: दुष्काळाची झळ! बांधावरचा दुष्काळ थेट शेतकऱ्यांच्या गोठ्यापर्यंत; उत्पनापेक्षा खर्च अधिक, दूध उत्पादक शेतकऱ्यांवर म्हशी विकण्याची वेळ

Washim Farmer Protest: वाशीममध्ये समृद्धी महामार्गावर ठाकरेंच्या शिवसेनेचा एल्गार! प्रचंड गर्दीने रस्ता व्यापून गेला, नितीन देशमुख पोलिसांच्या ताब्यात; परिसराला छावणीचे स्वरूप

उमेश अलोणे, एबीपी माझा — Fri, 30 Oct 2026 14:35:22 +0530

Washim Farmer Protest: वाशीममध्ये समृद्धी महामार्गावर ठाकरेंच्या शिवसेनेचा एल्गार! प्रचंड गर्दीने रस्ता व्यापून गेला, नितीन देशमुख पोलिसांच्या ताब्यात; परिसराला छावणीचे स्वरूप

Washim Crime News: प्रियकराशी लग्न करण्यासाठी आजीच्याच दागिन्यांवर डल्ला; एका महिन्यांनंतर वाशिममधील नातीसह तरुणाला पिंपरी-चिंचवडमधून अटक

मनोज जयस्वाल, एबीपी माझा — Mon, 19 Oct 2026 11:12:31 +0530

Washim Crime News: वाशिमच्या पिंपळगाव इजारा गावात एका नातीने चक्क आपल्याच आजीच्या दोन लाख रुपयांच्या दागिन्यांवर हात साफ केल्याची धक्कादायक घटना घडली आहे. एका महिन्यापूर्वी घडलेल्या या घटनेनंतर प्रियकरासोबत फरार (Washim Crime News) झालेल्या नात नंदिनी रामेश्वर राठोड आणि तिच्या प्रियकर रामेश्वर राठोडला आसेगाव पोलिसांनी पिंपरी-चिंचवड (Pimpri Chinchwad) येथून अखेर अटक केलीय. त्यांच्याकडून चांदीचे दागिने, सोन्याची अंगठी आणि रोख रक्कम असा एकूण 1 लाख 46 हजार 290 रुपयांचा मुद्देमाल जप्त करण्यात आलाय. दरम्यान रामेश्वर राठोड यांच्याशी लग्न करण्याचा उद्देशाने नंदिनीने आजी यमुनाबाई चव्हाण यांच्या दागिन्यांवर हात साफ करत प्रियकराबरोबर हात साफ केला होता.

आजीचे दागिने चोरणाऱ्या नातीसह प्रियकराला पुण्यातून अटक

दरम्यान, घटनेची माहिती कळताच कुटुंबीयांनी आसेगाव पोलीस स्टेशन गाठत पोलिसांकडे तक्रार नोंदवली. परिणामी पोलिसांनी प्रकरणाचे गांभीर्य ओळखत तपास सुरू करण्यात आला. यामध्ये चोरीतील काही दागिने अनसिंग येथील सराफाकडे विकल्याची माहिती पोलिसांनी मिळाली असता पोलिसांनी तांत्रिक पद्धतीने शोध घेत अखेर पिंपरी-चिंचवडच्या म्हाळुंगे एमआयडीसी परिसरातील सावरदरी येथून नंदिनी आणि रामेश्वर या दोघा प्रेमी युगुलाला ताब्यात घेतलं. यावेळी आरोपींकडून अनसिंग येथील सराफाकडे विकलेले 30 तोळे चांदीचे दागिने, अन्य 32 तोळे चांदी आणि चांदी विकून मिळालेल्या पैशांतून खरेदी केलेली सोन्याची अंगठी आणि रोख असा असा एकूण 1 लाख 46 हजार 290 रुपयांचा मुद्देमाल जप्त करण्यात आलाय.

Washim: वाशिमच्या बळीराजाची भंडाऱ्यात निराशा! 300 किमी प्रवास अन् झेंडूला अवघा 5 रुपये दर

"सोयाबीन गेलं, तूर हातातून गेली...आणि अखेर दसऱ्याच्या तोंडावर झेंडूची फुलं विकून चार पैसे गाठीशी बांधू पाहणाऱ्या वाशिमच्या बळीराजाच्या नशिबी पुन्हा एकदा निराशाचं आली आहे. तब्बल 300 पेक्षा अधिक किलोमीटरचा टप्पा पार करून भंडाऱ्याच्या मार्केटमध्ये पोहोचलेल्या वाशिमच्या एका शेतकऱ्याला झेंडूच्या फुलांना अवघा 5 रुपये प्रति किलो असा तुटपुंजा दर मिळालाय. या अत्यल्प दरामुळं शेतीचा खर्च तर लांबचं, पण, वाशिमवरून भंडाऱ्यापर्यंत झेंडूची फुल आणण्यासाठी झालेला वाहनाचा खर्चही निघालेला नाही. वाशिम जिल्ह्यातील मंगरूळपीर तालुक्यातील घनश्याम भगत यांनी आपल्या 2 एकर शेतात मोठ्या आशेनं फुलशेती फुलवली. अगोदरचं निसर्गाच्या अवकृपेमुळं सोयाबीन आणि तुरीचं पीक हातचे गेले होते. त्यामुळे दसऱ्याच्या सणाला झेंडूच्या फुलांच्या विक्रीतून किमान शेतीचा खर्च निघेल, हीच एकमेव अपेक्षा त्यांना होती. चांगला भाव मिळेल या आशेने घनश्याम भगत यांनी 300 किलोमीटरचा प्रवास करत आपले झेंडू भंडाऱ्याच्या बाजारपेठेत विकायला आणले.

मात्र, भंडाऱ्यात पाऊल ठेवताच त्यांच्या आशेवर पाणी फेरलं गेलं. वाशिमवरून भंडाऱ्यात फुल विक्रीसाठी आणलेल्या दोन वाहनासाठी 48 हजारांचं वाहन भाडं खर्च आलं. आणि फुल विक्रीतून त्यांना मिळाले केवळ 30 हजार रुपये त्यामुळं 18 हजारांचा तोटा या शेतकऱ्याला सहन करावा लागलाय. शासन आणि प्रशासन अशा संकटग्रस्त फुल बागायतदारांना काही दिलासा देणार का, हाच मोठा प्रश्न आता उपस्थित होत आहे. दुष्काळाच्या दुष्टचक्रात अडकलेल्या या शेतकऱ्यानं ABP माझा जवळ त्यांनी व्यथा मांडली आहे.

इतर महत्वाच्या बातम्या

Nana Patole: देवेंद्र फडणवीस हे महाराष्ट्राच्या इतिहासातील सर्वात अकार्यक्षम गृहमंत्री, टायगर श्रॉफवरील हल्लावरून नाना पटोलेंचा हल्लाबोल; म्हणाले, महाराष्ट्र कधीच विसरणार नाही!

Washim Crime News: किरकोळ कौटुंबिक वादानं संतापाचं टोक गाठलं; पतीनं पत्नीला संपवलं, वाशिमचं रिसोड शहर हादरलं!

मनोज जयस्वाल, एबीपी माझा — Sun, 18 Oct 2026 15:00:37 +0530

Washim Crime News : वाशिम जिल्ह्यातील रिसोड शहरातून एक खळबळजनक बातमी समोर आली आहे. हिंगोली मार्गावरील छत्रपती संभाजीनगर भागात पत्नीमध्ये झालेल्या वादातून पतीने पत्नीची धारदार शस्त्राने वार करून हत्या (Washim Crime News) केल्याची घटना समोर आलीय. मृतक महिलेचं नाव कल्पना योगेश ढवळे (वय अंदाजे 35 वर्षे) असून या घटनेनंतर परिसरात एकच खळबळ उडालीय. मिळालेल्या माहितीनुसार, सकाळी सात वाजेच्या दरम्यान कल्पना आणि योगेश यांच्यात किरकोळ वाद झालाय. पुढे शाब्दिक वादात पतीला राग अनावर झाल्याने त्याने पत्नीवर धारदार शस्त्राने वार (Crime News) केला. यामध्ये कल्पना गंभीर जखमी झाल्या. दरम्यान, जखमी अवस्थेत कल्पनाला रिसोड येथील ग्रामीण रुग्णालयात दाखल करण्यात आले असता उपचारादरम्यान त्यांचा मृत्यू झालाय. या घटनेनंतर आरोपी पती योगेश फरार झाला होता. मात्र वेळेत पोलिसांनी तपासाचे चक्र गतिमान करत त्याला ताब्यात घेतलं आणि अटक केलीय. सध्या पोलीस या घटनेचा अधिक तपास करत आहे.(Washim Crime News)

दरम्यान, आरोपी पती योगेश ढवळे हा मूळचा वाशिम येथील काळेफैलचा असल्याचे कळत असून तो गेल्या काही वर्षापासून परभणी येथे स्थायिक झाला होता. आरोपी योगेश ढवळे हा एका खाजगी कंपनीमध्ये नोकरीला असून मागील पंधरा दिवसापूर्वी रिसोड शहरातील छत्रपती संभाजी नगर येथे एका घरात भाड्याने राहायला आला होता. दरम्यान अशातच ही घटना घडली असून सध्या रिसोड पोलीस या घटनेचा अधिक तपास करत आहे.

Akola News: सात दिवसांत दुसऱ्यांदा ‘ऑपरेशन जीवन रक्षा’; आरपीएफ जवानाच्या तत्परतेने वाचला दुसऱ्या प्रवाशाचा जीव

अकोला रेल्वे स्थानकावरून सुटणाऱ्या प्रेरणा एक्स्प्रेसमधून उतरण्याच्या प्रयत्नात असलेली 55 वर्षीय महिला चालत्या गाडी आणि प्लॅटफॉर्मच्या फटीत पडता पडता बचावलीय. आरपीएफच्या महिला सहायक उपनिरीक्षक सोनल इंगळे यांनी प्रसंगावधान राखत महिलेला सुरक्षितपणे बाहेर खेचलेय. 17 ऑक्टोबरला घडलेल्या या घटनेत महिलेला किरकोळ खरचटलेय. संगीता खत्री असे या महिलेचे नाव असून, त्या अकोल्यातील रहिवासी आहेत. ट्रेन क्रमांक 22138 प्रेरणा एक्स्प्रेसमधून प्रवासी उतरण्याचा प्रयत्न करत असताना त्यांचा तोल गेलाय. प्लॅटफॉर्म क्रमांक एकवर कर्तव्यावर असलेल्या सोनल इंगले यांनी तातडीने धाव घेत त्यांचे प्राण वाचवलेय.

विशेष म्हणजे, अवघ्या सात दिवसांपूर्वी, 10 ऑक्टोबर रोजीही सोनल इंगले यांनी नवजीवन एक्स्प्रेसमध्ये चढताना पडणाऱ्या एका दिव्यांग वृद्ध प्रवाशाचे प्राण वाचवले होतेय. आठवडाभरात दोन प्रवाशांना जीवघेण्या संकटातून वाचवणाऱ्या सोनल इंगळे यांच्या धाडसाचे आणि कर्तव्यतत्परतेचे कौतुक होतेय.

Kolkata Tragedy : आईला मरताना पाहिलं, कोलकाता दुर्घटनेत सोनू पाल यानं जे भयावह दृश्य पाहिलं ते सांगितलं, मृतांची संख्या 19 वर

Washim News: सततची नापिकी, वाढता कर्जाचा डोंगर अन् त्यात दुष्काळाचं भीषण चक्र; बळीराज्याच्या संयमाचा बांध फुटला, विष प्राशन करून जीवन संपवलं, वाशिमच बोर्डी हादरलं!

मनोज जयस्वाल, एबीपी माझा — Sun, 18 Oct 2026 13:04:15 +0530

Washim News: सततची नापिकी, वाढता कर्जाचा डोंगर आणि त्यातच उद्भवलेल्या दुष्काळाच्या (Drought) भीषण चक्रात अडकलेल्या अन् हताश झालेल्या आणखी एका शेतकऱ्याने (Farmer) विष पिऊन आपले जीवन संपवल्याची अत्यंत हृदयद्रावक घटना वाशिममध्ये (Washim News) घडली आहे. सततची नापिकी आणि कर्जबाजारील कंटाळून वाशिम जिल्ह्यातील बोर्डी गावातील 46 वर्षे शेतकऱ्यांनी विष प्राशन करून आपले जीवन यात्रा संपली आहे. पावसाअभावी खरीप पिकाचा अत्यल्प आलेलं उत्पन्न झाल्याने बँकेच आणि खाजगी घेतले कर्ज कसे फेडावं, या विवंचनेत बोर्डी गावातील विठ्ठल मुकिंदा चव्हाण यांनी विष प्राशन करून आपलं जीवन संपवल्याची घटना उजेडात आली आहे. (Washim Farmer News)

Washim News: घराचा एकमेव आधार गमावल्याने कुटुंब मोठ्या अडचणीत

मिळालेल्या माहितीनुसार, विठ्ठल चव्हाण यांच्याकडे अवघी दोन एकर शेती होती. यंदा या दोन एकरांतून केवळ तीन क्विंटल सोयाबीनचं उत्पादन झालं. आधीच नापिकीमुळे आर्थिक संकटाचा सामना करत असलेल्या चव्हाण यांच्यावर जिल्हा मध्यवर्ती बँकेचं 60 ते 65 हजार रुपयांचं कर्ज होतं. याशिवाय काही खाजगी कर्जाचाही बोजा होता. त्यामुळे कर्जाची परतफेड आणि प्रपंच कसा चालवावा? या विवंचनेत चव्हाण यांनी टोकाचे पाऊल उचलत जीवनयात्रा संपवली आहे. दरम्यान, विठ्ठल चव्हाण हे कुटुंबाला आधार होते. मात्र, घराचा एकमेव आधार गमावल्याने कुटुंब मोठ्या अडचणीत आलंय. त्यांच्या पश्चात दोन मुलं आणि एक विवाहित मुलगी असा परिवार आहे. या दुर्दैवी घटनेने परिसरात मोठी खळबळ उडाली असून स्थानिकांकडून हळहळ व्यक्त केली जात आहे.

Buldhana News: बुलढाण्यात दुष्काळाची दाहकता वाढतीच; पाच एकरांची पेरूची बाग जगवण्यासाठी शेतकऱ्याची धडपड

बुलढाणा जिल्ह्यात पावसाअभावी खरीप पिकांच मोठ नुकसान झाल असतानाच आता फळबागांवरही संकट ओढवल आहे. अनेक ठिकाणी पावसाअभावी फळबागा सुकू लागल्या असून चिखली तालुक्यातील हातणी येथील शेतकरी गोपाल जाधव यांची पाच एकरांवरील पेरूची बाग पाण्याअभावी सुकण्याच्या मार्गावर आहे. तर उन्हामुळे पेरूची गळती होत असून नुकसान होत आहे. त्यांच्या 70 फूट खोल विहिरीतील पाणीसाठाही कमी होत असल्याने बाग वाचवण्यासाठी त्यांना आता बोअरवेलचा आधार घ्यावा लागत आहे. मोठ्या कष्टाने आणि भविष्याची स्वप्ने उराशी बाळगून गोपाल जाधव यांनी पाच एकरांवर पेरूची बाग फुलवली. मात्र, पावसाने दडी मारल्याने ही बाग आता सुकण्याच्या मार्गावर आहे. विहिरीतील पाणी आटत असल्याने बाग जगवण्याचे मोठ आव्हान त्यांच्यासमोर उभ ठाकल आहे. आधीच खरीप पिकांचे नुकसान, त्यात फळबाग वाचवण्यासाठी वाढता खर्च.अशा दुहेरी संकटात हा शेतकरी सापडला आहे.

Buldhana News: पेरूची बाग म्हणजे केवळ शेती नव्हे, तर एका युवा शेतकऱ्याच्या भविष्याची आशा

बाग वाचवण्यासाठी त्यांची धडपड सुरू असून, पाऊस कधी पडणार, हे सांगता येत नाही. युवा शेतकरी गोपाल जाधव पाच एकरांची पेरूची बाग म्हणजे केवळ शेती नव्हे, तर एका युवा शेतकऱ्याच्या भविष्याची आशा आहे. मात्र, पाण्याअभावी बाग संकटात सापडली आहे.

Ratnagiri Crime News: जवळच्या मित्राला अन् मैत्रिणीला मेसेज पाठवला; मध्यरात्री दोघं घरी आले, शोध घेतला पण..., घराजवळच बांधकामाच्या ठिकाणी आढळला मृतदेह, नेमकं काय घडलं?

Aaple Sarkar: मोठी बातमी! राज्यभरातील आपले सरकार पोर्टल 21 ऑक्टोबरपर्यंत राहणार बंद, नेमकं कारण काय?

मनोज जयस्वाल, एबीपी माझा — Fri, 16 Oct 2026 13:18:29 +0530

Aaple Sarkar Seva Temporary Closed : राज्य सरकारच्या वतीने ऑनलाइन पद्धतीने चालवण्यात जाणारी आपले सरकारसह इतर ही ऑनलाईन सेवा आज ( दि.16 ऑक्टोबर ) सायंकाळी 4 वाजता पासून 21 ऑक्टोबरपर्यंत बंद राहणार असल्याची माहिती आहे. यात आपले सरकार पोर्टलसह (Aaple Sarkar Seva) विविध शासकीय ऑनलाइन सेवांचे कामकाज बंद राहणार आहेत. मिळालेल्या माहितीनुसार, संबंधित सॉफ्टवेअरचे व्हर्जन 1 वरून व्हर्जन 2.0 मध्ये अद्ययावतीकरण करण्यात येणार असल्याने ही सुविधा तात्पुरती बंद ठेवण्यात येणार असल्याची माहिती आहे. त्यामुळे या कालावधीत शासकीय ऑनलाइन कामांसाठी नागरिकांना प्रतीक्षा करावी लागू शकते. (Aaple Sarkar Seva Temporary Closed)

दरम्यान, या अपडेशनमुळे ऑनलाइन सेवांमध्ये येणारे तांत्रिक अडथळे दूर होऊन नागरिकांना अधिक सुलभ आणि योग्य सेवा मिळेल, असा दावा केला जात आहे. मात्र आज ( दि.16 ऑक्टोबर ) सायंकाळी 4 वाजता पासून 21 ऑक्टोबरपर्यंत ही सेवा खंडित राहणार असून नागरिकांनी त्याची नोंद घेण्याचं आवाहन प्रशासनकडून करण्यात आले आहे.

Devendra Fadnavis : सर्व विभागांनी प्रलंबित कामांचा आढावा घेऊन निश्चित मुदतीत कामे पूर्ण करा

दरम्यान, राज्यातील नागरिकांना शासकीय सेवा अधिक जलद, सुलभ आणि पारदर्शक पद्धतीने ऑनलाइन उपलब्ध करून देण्यासाठी महाराष्ट्र शासनाने डिजिटल सेवा वितरणावर भर दिला आहे. डिजिटल सेवा प्लॅटफॉर्म निर्धारित वेळेत सुरू करण्यासाठी मुख्यमंत्र्यांनी कालबद्ध नियोजनावर भर दिला. सर्व विभागांनी प्रलंबित कामांचा आढावा घेऊन निश्चित मुदतीत कामे पूर्ण करावीत, असे निर्देश मुखमंत्री देवेंद्र फडणवीस यांच्याकडून देण्यात आले आहे. उच्चाधिकार समितीने एखादा विषय मंजूर केल्यानंतर संबंधित विभागांनी तीन दिवसांत शासन निर्णयाची प्रक्रिया पूर्ण करावी, असेही मुख्यमंत्री म्हणाले. विकास प्रक्रियेदरम्यान आवश्यकतांमध्ये वारंवार बदल टाळावेत आणि विभागांच्या तांत्रिक अडचणींचे नियमितपणे निराकरण करण्यासाठी निश्चित कार्यपद्धती तयार करावी, अशी सूचनाही त्यांनी केली.

केवळ तांत्रिक कामे पूर्ण करणे म्हणजे डिजिटल प्लॅटफॉर्मचे यश नव्हे, तर नागरिकांना सेवा वापरताना प्रत्यक्षात किती सोय होते, हे महत्त्वाचे आहे, असे मुख्यमंत्री देवेंद्र फडणवीस यांनी सांगितले. नागरिकांना शासकीय सेवा सहजपणे मिळतात का, अर्ज प्रक्रिया सुलभ आहे का आणि सेवा वेळेत पूर्ण होते का, याबाबत सकारात्मक अभिप्राय मिळणे आवश्यक आहे. नागरिकांचा अनुभव सुधारण्यावर संबंधित विभागांनी विशेष लक्ष द्यावे, असेही त्यांनी स्पष्ट केले.

Aaple Sarkar Seva : 30 नोव्हेंबरपर्यंत बाह्य पोर्टल्सचे एकत्रीकरण

विविध विभागांची बाह्य पोर्टल्स ‘आपले सरकार’ आणि ‘मैत्री’ या प्लॅटफॉर्मशी 30 नोव्हेंबरपर्यंत जोडण्याचे उद्दिष्ट निश्चित करण्यात आले आहे. उच्चाधिकार समितीने मंजूर केलेल्या राज्य शासन ते नागरिक आणि राज्य शासन ते व्यवसाय या श्रेणीतील सेवांचा विकास आणि एकात्मीकरणही याच कालावधीत पूर्ण करण्याचे नियोजन आहे. याशिवाय, वापरकर्ता स्वीकार चाचणी, क्षेत्रीय चाचणी, अधिकाऱ्यांचे प्रशिक्षण, वापरकर्ता पुस्तिका तयार करणे आणि नागरिकांमध्ये जनजागृती करणे ही कामे 15 डिसेंबरपर्यंत पूर्ण करण्याचे निर्देश देण्यात आले आहेत.

इतर महत्वाच्या बातम्या

Washim Bike Accident: तपोवन फाट्यावर दोन दुचाकी समोरासमोर धडकल्या; 2 शिक्षकांसह 3 जणांचा मृत्यू, वाशिममधील घटना

मनोज जयस्वाल, एबीपी माझा — Wed, 14 Oct 2026 14:22:39 +0530

Washim Bike Accident: तपोवन फाट्यावर दोन दुचाकी समोरासमोर धडकल्या; 2 शिक्षकांसह 3 जणांचा मृत्यू, वाशिममधील घटना

बॉम्ब शोधक पथकातील कर्तव्यनिष्ठ श्वान स्टेफीचं निधन, शेवटचा निरोप देताना पोलिसाच्या डोळ्यात अश्रू

मनोज जयस्वाल, एबीपी माझा — Tue, 13 Oct 2026 23:55:38 +0530

Washim : वाशिम पोलीसा अनेक क्लिष्ट प्रकरणाचा शोध लावण्यात महत्वाची भूमिका पार पाडणाऱ्या बॉम्ब शोधक व नाशक पथकातील श्वान (डॉग स्कॉड) स्टेफीचं निधन झालं आहे. 11 ऑक्टोबर रोजी स्टेफीने अखेरचा श्वास घेतला. 10 जुलै 2027 रोजी जन्मलेल्या स्टेफीने आपल्या सेवाकाळात उल्लेखनीय कामगिरी केली होती. याच कार्याची दखल घेत 2023मध्ये तिच्या कामगिरीसाठी पोलीस दलाला सिल्वर मेडल देऊन गौरविण्यात आलं होतं. दरम्यान, श्वान (डॉग स्कॉड ) स्टेफीचे निधन झाल्यानं पोलिसांच्या डोळ्यात पाणी आल्याचं पाहायला मिळालं.

स्टेफीच्या निधनाने वाशिमच्या बॉम्ब शोधक व नाशक पथकातील एका कर्तव्यनिष्ठ सहकाऱ्याला निरोप

श्वान स्टेफीच्या प्रशिक्षण आणि कर्तव्य बजावण्यात हँडलर शरद वाटाणे आणि किशोर डौलसे यांनी महत्त्वाची भूमिका बजावली. स्टेफीच्या निधनाने वाशिमच्या बॉम्ब शोधक व नाशक पथकातील एका कर्तव्यनिष्ठ सहकाऱ्याला निरोप देण्यात आला आहे. तिच्या निधनाने वाशिमच्या बॉम्ब शोधक व नाशक पथकातील अधिकारी आणि कर्मचाऱ्यांमध्ये हळहळ व्यक्त केली जात आहे.

पुस नदी पुलावर अपघातात, दोन जण ठार

पुसद-दिग्रस मार्गावरील पुस नदीच्या पुलावर ट्रकच्या मागील चाकात येऊन स्कुटी वरील दोघांचा मृत्यू विठाळा वार्ड परिसरातील नदीच्या मोठ्या पुलावर ट्रकच्या मागील चाकात येऊन स्कुटी युसुफ शहा चांद शहा (55), यादव काळूराम टारफे (रा. निगणुर) अपघात झाला. ट्रक क्रमांक एमएच 37 टी 0818 याने स्कुटी क्रमांक एमएच 29 ए 5132 हे स्कुटी वरून पुसद मध्ये येत असताना समोर चाललेल्या ट्रकच्या मागील चाकात येऊन एक जण जागेवरच दगावला तर दुसरा पुसद ग्रामीण रुग्णालयात नेत असताना रस्त्यात त्याचा सुद्धा मृत्यू झाला. एकाचा घटनास्थळीच मृत्यू झाला, तर दुसरा ग्रामीण रुग्णालयात नेत असताना मृत्यू झाला. अतिशय वर्दळीच्या ठिकाणी पूस नदीच्या नवीन पुलावर हा अपघात झाल्याने त्या ठिकाणी हजारो नागरिकांनी धाव घेतली व त्यातील जिवंत असलेल्या एका व्यक्तीला वाचवण्याचा प्रयत्न केला परंतु ग्रामीण रुग्णालयात नेत असताना रस्त्यात त्याचा सुद्धा मृत्यू झाला

अपघातानंतर ट्रकचालक घटनास्थळावरून फरार झाल्याची प्राथमिक माहिती

दरम्यान, ट्रकखाली अडकलेला मृतदेह बाहेर काढण्याची कार्यवाही करण्यात आली. अपघातानंतर ट्रकचालक घटनास्थळावरून फरार झाल्याची प्राथमिक माहिती आहे. या प्रकरणी अपघाताचे नेमके कारण, चालकाचा शोध आणि पुढील कायदेशीर कारवाई पोलीस निरीक्षक गजेंद्र क्षीरसागर यांच्या मार्गदर्शनात पुसद शहर पोलीस करीत आहे.

Chemical Fertilizer Price Hike: दुष्काळात महागाईची झळ, रासायनिक खतांच्या दरात पुन्हा एकदा वाढ; बळीराजा दुबार संकटात

मनोज जयस्वाल, एबीपी माझा — Mon, 12 Oct 2026 06:50:47 +0530

Chemical Fertilizer Price Hike वाशिम : राज्यभरात सध्या दुष्काळाचं (Maharashtra Drought) सावट घोंगावत असल्याने बळीराजा मोठ्या संकटात सापडलं आहे. एकीकडे अस्मानी संकट उभं ठाकलं असताना आता रासायनिक खतांच्या दरात पुन्हा एकदा वाढ (Chemical Fertilizer Price Hike)झाली आहे. वाशिममध्ये (Washim News) ऐन रब्बी हंगामात दरवाढीचा फटका बसल्याने शेतकऱ्यांचे आर्थिक गणित बिघडण्याची शक्यता आहे. आधीच महागाई आणि दुष्काळाच्या (Drought) झळा सोसणाऱ्या शेतकऱ्याचं आर्थिक बजेट त्यामुळे कोलमडणार असून उत्पादन खर्च वाढल्याने शेती कशी परवडणार? असा प्रश्न निर्माण होतोय.

कोणत्या खताचे दर किती रुपयांनी वाढले? (Chemical Fertilizer Price Hike)

दरम्यान, अनुदानित डीएपी आणि युरियाच्या दरात वाढ झालेली नाही. मात्र, इतर खतांच्या दरवाढीमुळे रब्बी हंगामातील शेतीचा खर्च वाढण्याची शक्यता आहे.

Chemical Fertilizer Price Hike : रासायनिक खतांचे नवे आणि दर

20:20:0:13

मार्च 2026 मध्ये ₹1,550,

जुना दर ₹1,850, नवा दर ₹2,250 प्रति बॅग.

10:26:26 — मार्चमध्ये ₹1,850, जुना दर ₹2,150, नवा दर ₹2,500 प्रति बॅग.

15:15:15 — मार्चमध्ये ₹1,650, जुना दर ₹2,025, नवा दर ₹2,250 प्रति बॅग.

Bhandara: भंडाऱ्यात शासकीय धान गोडाऊनमधील तांदळाची चोरी; पवनी पोलिसांनी केली धान व्यापाऱ्यासह 5 आरोपींना अटक

शासकीय गोडाऊन मधून तांदूळ चोरी केल्याचं प्रकरण भंडाऱ्याच्या पवनी तालुक्यातील आमगाव इथं उघडकीस आली. याप्रकरणी पवनी पोलिसांनी एका धान व्यापाऱ्यासह 5 जणांना अटक केली आहे. विशेष म्हणजे, मागील आठवड्यात भंडाऱ्याच्या साकोली येथील धान गोडाऊन मधून 361 कट्टे तांदूळ चोरी केल्याचं झाल्याच्या प्रकरणी 11 जणांना अटक केली आहे. त्यानंतर आता पवनी तालुक्यातील आमगाव इथलं हे प्रकरण उघडकीस आल्यानं प्रशासनात मोठी खळबळ उडाली आहे. याप्रकरणी पवनी पोलिसांनी चोरी केलेले 72 धान तांदूळ कट्टे पिकअप वाहनासह ताब्यात घेतले आहे. अटक करण्यात आलेल्यांमध्ये धान व्यापारी नंदकिशोर कावळे (43), मोहित वाघमारे (20), रुपेश शेंडे (38), विलास शेंडे (33), वैभव मुंडले (23) यांचा समावेश आहे. या प्रकरणात मोठ्या प्रमाणात आणखी तांदूळ चोरी झाली आहे का? किंवा चोरीच्या प्रकरणात आणखी मोठ्या प्रमाणात आरोपींचा सहमावेश आहे का? या दृष्टीनं आता पवनी पोलीस तपास करीत आहे.

हेही वाचा :

Gokul Election : सहा महिने भांडले, आता गळ्यात गळे घातले, सतेज पाटलांचा महायुतीला टोला, म्हणाले शिट्टी वाजवा त्यांचा तमाशा संपवा

Vidarbha Drought: पश्चिम विदर्भात 'पाणीबाणी! अकोल्यात तब्बल दहा दिवसातून, तर वाशिम, बुलढाण्यात एकदा नळाला पाणी; काटेपूर्णा धरणात अवघा 18. 42 टक्के पाणीसाठा

उमेश अलोणे, एबीपी माझा — Tue, 6 Oct 2026 07:41:49 +0530

Western Vidarbha Drought: राज्यभरात सध्या दुष्काळाचं (Drought) भीषण वास्तव बघयला मिळत आहे. तर आगामी काळात या दुष्काळाची दाहकता अधिक वाढण्याची भीती देखील व्यक्त केली जात आहे. अशातच पश्चिम विदर्भात देखील दुष्काळाची (Drought)तीव्रता आता शेताच्या बांधापासून थेट घराच्या दारापर्यंत पोहोचलीये. पिकं करपली, चारा संपला आणि आता पिण्याच्या पाण्यासाठीही नागरिकांना ताटकळत बसावं लागतंय. कुठे आठवडाभराने, कुठे दहा दिवसांनी, तर अकोलेकरांना आता 10 दिवसांतून एकदाच पाणी मिळणारेय. धरणांमधला पाणीसाठा झपाट्याने घटतोय आणि पश्चिम विदर्भाच्या दुष्काळाची (Western Vidarbha Drought) भीषणता समोर येतीये. परिणामी, पिण्याच्या थेंबभर पाण्यासाठी सुरू झालेल्या संघर्षाच्या नांदीची चाहूल अकोलाकरांसह पश्चिम विदर्भातील नागरिकांना बघायला मिळते आहे.

एकीकडे शेतात उभं पीक पाण्याअभावी करपलं आणि आता घरातल्या नळालाही पाण्याची प्रतीक्षाच असल्याचे चित्र आहे. पश्चिम विदर्भात पावसाने पाठ फिरवल्यानंतर पिण्याच्या पाण्याचं संकट दिवसेंदिवस गडद होताना दिसतंय. अकोल्यात परिस्थिती किती गंभीर आहे, याचा अंदाज काटेपूर्णा धरणाच्या (Katepurna Dam) पाणीसाठ्यावरून येतोय. धरणात सध्या अवघा 18. 42 टक्के पाणीसाठा शिल्लक आहे. मागच्या वर्षी याच काळात हा साठा तब्बल 97.15 टक्के होता. त्यामुळे सध्या शहराला सात दिवसात एकदा मिळणारं पाणी आता तब्बल दहाव्या दिवशी मिळणारेय.

Katepurna Dam : दुष्काळाची झळ, काटेपूर्णा धरणात सध्या अवघा 18. 42 टक्के पाणीसाठा

मागील वर्षी — 97.15%

यंदा — 18.42%

पाणीपुरवठा प्रस्तावित अंतर : शहर — 10 दिवस

हद्दवाढ भाग — 11 दिवस

काटेपूर्णा धरणावर केवळ अकोला शहराचीच तहान अवलंबून नाहीय, तर अकोला, मूर्तिजापूर, एमआयडीसीसह जवळपास 60 गावांनाही याच जलस्रोताचा आधार आहे. म्हणून धरणातला प्रत्येक दिवसाचा घटणारा साठा, हा भविष्यातील पाण्याच्या संकटाची धोक्याची घंटा ठरतोय.

Akola Drought: पाणीबाणी! घरातील महिलाही घागर घेऊन नळाकडे डोळे लावून बसल्या

दरम्यान, पाणीबाणीचं संकट केवळ अकोल्यापुरतंच मर्यादित नाही. तर बुलढाणा, वाशिम, अमरावती आणि यवतमाळमध्येही पाणीटंचाईची तीव्रता वाढताना दिसतेय. कुठे आठवडाभराने नळाला पाणी येतंय, तर कुठे त्याहून अधिक प्रतीक्षा करावी लागतेय. गावानंतर आता शहरातही पिण्याच्या पाण्यासाठी टँकर, विहिरी आणि उपलब्ध जलस्रोतांवर अवलंबून राहण्याची वेळ आलीये. दुष्काळात शेतकरी पिकासाठी आभाळाकडे पाहतोय. पण आता घरातील महिलाही घागर घेऊन नळाकडे डोळे लावून बसल्या आहेत. पाण्याची एक घागर म्हणजे आता फक्त पाणी नाही, तर ती आहे घर चालवण्याची धडपड. मुलांची तहान भागवण्याची चिंता आणि उद्याच्या दिवसाची भीती.

Western Vidarbha Drought: पश्चिम विदर्भातील जिल्ह्याच्या ठिकाणी किती दिवसांनी पाणीपुरवठा होतो?

अमरावती : 1 दिवसाआड

अकोला : 10 दिवसांतून एकदा

बुलढाणा : 8 दिवसांतून एकदा

यवतमाळ : 3 दिवसांतून एकदा

वाशिम: 8 दिवसांतून एकदा

पश्चिम विदर्भातील धरणसाठा (%) (Dam Water Storage in Western Vidarbha)

- यवतमाळ — 65%

-बुलढाणा — 57%

-अमरावती — 52. 96%

-अकोला — 47.66%

-वाशिम — 39.88%

पश्चिम विदर्भात यंदा पावसाने दगा दिलाय, शेती गेली, चारा गेला आणि आता पाण्याचीही परीक्षा सुरू झालीये. शेतातला दुष्काळ आता घराघरात उतरतोय. आणि सर्वात मोठा सवाल हा आहे की, पावसाची प्रतीक्षा किती दिवस? आणि पाण्याची प्रतीक्षा किती दिवस? पश्चिम विदर्भाच्या तहानेचा हा आक्रोश प्रशासनाच्या नियोजनाची आता कसोटी पाहतोय.

इतर महत्वाच्या बातम्या

Buldhana Crime: बुलढाणा हादरलं! दोन गटातील किरकोळ वादानं संतापाचं टोक गाठलं; तुंबळ हाणामारीत शिंदेसेनेच्या विद्यमान नगरसेवकासह राष्ट्रवादीच्या कार्यकर्त्याचाही मृत्यू

Washim News: दुष्काळाची झळ! बांधावरचा दुष्काळ थेट शेतकऱ्यांच्या गोठ्यापर्यंत; उत्पनापेक्षा खर्च अधिक, दूध उत्पादक शेतकऱ्यांवर म्हशी विकण्याची वेळ

उमेश अलोणे, एबीपी माझा — Sun, 4 Oct 2026 07:42:18 +0530

Washim News वाशिम: दुष्काळाचा (Drought) फटका आता केवळ शेतातील पिकांनाच नाही, तर शेतकऱ्यांच्या जोडधंद्यालाही बसू लागलाय. पाणीटंचाई आणि चारा टंचाईमुळे दूध उत्पादक शेतकरी आर्थिक संकटात सापडले आहे. चारा आणि ढेपीचे वाढते दर, त्यात घटणारं दूध उत्पादन, यामुळे डेअरी व्यवसायाचं (Milk Production Business) गणितच बिघडलंय. वाशिमच्या मंगरूळपीर तालुक्यातील शेंदूरजना मोरे गावातील 'सुनंदाई डेअरी फार्म'चे संचालक शरद मोरे यांच्याकडे तब्बल 50 म्हशी आहेत. मात्र, सध्या केवळ 15 म्हशी नियमित दूध देत आहेत. एका म्हशीला दररोज सुमारे 6 किलो ढेप लागते आणि ढेपीचा दर तब्बल 45 रुपये किलो आहे. दूध विक्रीतून दिवसाला सुमारे 12 हजार रुपये उत्पन्न मिळतंय. मात्र जनावरांच्या खाद्याचा आणि देखभालीचा खर्च 19 ते 20 हजारांवर जातो. म्हणजेच रोजचा खर्च उत्पन्नापेक्षा तब्बल 7 ते 8 हजार रुपयांनी अधिक असल्याचे निदर्शनात आले आहे. त्यामुळे आगामी काळात जनावरं जगवायची कशी, असा प्रश्न आता बळीराज्यापुढे आहे.

राज्यातील मोठ्या भागात दुष्काळ (Drought) सदृश्य स्थिती निर्माण झाली असून त्याचा थेट फटका आता शेतकऱ्यांना बसतो आहे. मोठ्या कष्टानं पिकवलेली पिकं पाण्याअभावी करपून गेली आहे. तर दुष्काळाचं सावट आगामी काळात अधिक तीव्र होण्याची शक्यता आहे. एकंदरीत या सर्व पार्श्वभूमीवर येणाऱ्या काही महिन्यात भीषण चारा टंचाई (Fodder Shortage) होण्याचीही शक्यता आहे. वर्षानुवर्षे पोसलेले जनावरे या संकटात कशी जगवायची असा प्रश्न शेतकऱ्यांसमोर उभा ठाकला आहे. तर उत्पनापेक्षा खर्च अधिक येत असल्याने गुजराण करायची कशी हा मोठा प्रश्न दूध उत्पादक शेतकऱ्यांसमोर उभा राहिलाय.

Washim Drought: दुष्काळाचा खरीपसह रब्बी पिकांवर परिणाम, शेतमालाच्या किमतीत वाढ

राज्यात कमी पावसाचे परिणाम आता शेतमालावर दिसत आहेत. कमी पाऊस बरसल्याने खरीपसह रब्बी पिकांवर परिणाम झालाय. भूगर्भातील जलसाठा आणि धरणप्रकल्पात जलसाठा न वाढल्याने रब्बी पिकांना सिंचनाकरिता पाणी मिळनार नसल्याने उत्पन्नात घट होणार असल्याचे चित्र आहे. अशातच बाजार समितीमध्ये विक्रीसाठी आलेल्या जुन्या तूरच्या किंमतीवर मोठा परिणाम झाल्याचे पाहवयास मिळत आहे. वाशिम बाजार समितीमध्ये तुरीला किमान 8760 ते कमाल 9551 प्रति क्विंटल दर मिळतोय. वाढत्या दरामुळे येत्या काळात तूर डाळीच्या किमतीत परिणाम होऊन दर अधिक वाढणार असल्याचंबोलल्या जातंय.

Drought Effect on Milk Production : उत्पनापेक्षा खर्च अधिक, काय सांगते आकडेवारी

उत्पन्न — ₹12, 000 / दिवस

खर्च — ₹19, 000 ते ₹20, 000 / दिवस

तूट — ₹7,000 ते ₹8,000 / दिवस

इतर महत्वाच्या बातम्या

Dharashiv News: घरातील सोनं विकून शेती केली, पदरी निराशा; 35 वर्षीय शेतकऱ्याने जीवन संपवलं; संतप्त नातेवाईकांनी बॉडी थेट जिल्हाधिकारी कार्यालयात आणली; धाराशिवमधील घटना