Samruddhi Mahamarg Accident : इंजिनिअरिंगच्या ॲडमिशनसाठी संपूर्ण परिवार पुण्याला गेला; मुलगी तिथेच राहिली, घरी परतताना अपघात, आई वडिलांसह दुसऱ्या मुलीचा होरपळून मृत्यू, पाच जणांचा दुर्दैवी अंत

Samruddhi Mahamarg Accident: दुर्गादेवीची मूर्ती घेऊन परतत होते, मागून कंटेनरने जोरदार धडक दिली अन्...; 7 जणांचा दुर्दैवी अंत, समृद्धी महामार्गावर नेमकं काय घडलं?

एकनाथ चौधरी — Fri, 2 Oct 2026 09:09:10 +0530

Samruddhi Mahamarg Accident: नवरात्रौत्सवाच्या (Navratri Festival) तोंडावर अमरावती जिल्ह्यातून मन हेलावून टाकणारी घटना समोर आली आहे. धामणगाव पोलीस ठाण्याच्या हद्दीत समृद्धी महामार्गावर (Samruddhi Mahamarg) दुर्गामातेची मूर्ती घेऊन परतणाऱ्या कार्यकर्त्यांच्या वाहनाचा भीषण अपघात (Accident) झाला. शेगाव येथून दुर्गामूर्ती घेऊन वर्ध्याकडे परतणाऱ्या बोलेरो पिकअपला मागून ट्रकने जोरदार धडक दिल्याने झालेल्या या दुर्घटनेत 7 जणांचा मृत्यू झाला असून 12 जण गंभीर जखमी झाले आहेत.

हा अपघात धामणगाव पोलीस ठाण्याच्या हद्दीत समृद्धी महामार्गावरील चॅनल क्रमांक 97 परिसरात झाल्याची प्राथमिक माहिती आहे. मध्यरात्रीच्या सुमारास ही दुर्घटना घडली. अपघाताची माहिती मिळताच पोलीस (Police) आणि स्थानिक नागरिकांनी घटनास्थळी धाव घेतली. जखमींना तातडीने रुग्णालयात हलवण्यात आले.

Samruddhi Mahamarg Accident: दुर्गामातेची मूर्ती घेऊन शेगावहून परतत होते

मिळालेल्या माहितीनुसार, वर्ध्यातील सोमनाथ लेआउट, सिंदी मेघे परिसरातील नवदुर्गा पूजा उत्सव समितीचे कार्यकर्ते दरवर्षीप्रमाणे यंदाही दुर्गामातेची मूर्ती आणण्यासाठी शेगाव येथे गेले होते. त्यांनी दुर्गामातेची उंच मूर्ती घेतली आणि बोलेरो पिकअप वाहनातून वर्ध्याकडे परतीचा प्रवास सुरू केला. नवरात्रौत्सवासाठी मोठ्या उत्साहात तयारी सुरू असतानाच हा प्रवास दुर्दैवी ठरला. समृद्धी महामार्गाने वर्ध्याच्या दिशेने येत असताना धामणगावजवळ त्यांच्या वाहनाला मागून ट्रकने धडक दिली. धडक एवढी जोरदार होती की, पिकअप वाहनाचे मोठे नुकसान झाले आणि वाहनातील कार्यकर्ते गंभीर जखमी झाले.

Samruddhi Mahamarg Accident: नेमका कसा झाला अपघात?

प्राथमिक माहितीनुसार, दुर्गामातेची मूर्ती बोलेरो पिकअपमधून आणली जात होती. कार्यकर्तेही या वाहनासोबत प्रवास करत होते. धामणगाव परिसरातील चॅनल 97 जवळ त्यांच्या वाहनाला मागून आलेल्या ट्रकने जोरदार धडक दिली. या धडकेत पिकअप वाहनाचा चक्काचूर झाला. काही कार्यकर्ते वाहनातून बाहेर फेकले गेल्याची माहिती असून अनेक जण गंभीर जखमी झाले. अपघाताची तीव्रता मोठी असल्याने मदतकार्य तातडीने सुरू करण्यात आले. घटनास्थळी पोहोचलेल्या पोलिसांनी जखमींना बाहेर काढून रुग्णालयात दाखल करण्यासाठी मदत केली.

Samruddhi Mahamarg Accident: 7 जणांचा मृत्यू, 12 जण गंभीर जखमी

या भीषण अपघातात आतापर्यंत 7 जणांचा मृत्यू झाल्याची माहिती समोर आली आहे. तर 12 जण गंभीर जखमी झाले आहेत. जखमींना सुरुवातीला धामणगाव ग्रामीण रुग्णालयात दाखल करण्यात आले. त्यानंतर प्रकृती गंभीर असलेल्या जखमींना पुढील उपचारांसाठी वर्ध्यातील वैद्यकीय रुग्णालयात हलवण्यात आले आहे.

Samruddhi Mahamarg Accident: नवरात्रौत्सवाच्या तोंडावर शोककळा

दरवर्षीप्रमाणे यंदाही नवरात्रौत्सवासाठी दुर्गामातेची मूर्ती आणण्याची तयारी या मंडळाकडून सुरू होती. मात्र, देवीची मूर्ती घेऊन परतत असतानाच झालेल्या या भीषण दुर्घटनेने उत्सवाच्या आनंदावर दुःखाचे सावट आले आहे. एका बाजूला नवरात्रौत्सवाच्या स्वागताची तयारी सुरू असताना दुसऱ्या बाजूला मंडळातील कार्यकर्त्यांच्या मृत्यूमुळे वर्धा आणि परिसरात शोक व्यक्त केला जात आहे.

आणखी वाचा

Diveagar beach Tragedy Raigad: दिवेआगर समुद्रकिनाऱ्यावर काळजाचा थरकाप उडवणारं दृश्य, विद्यार्थ्यांचे सात मृतदेह, पोलिसांनी सीपीआर ट्रिटमेंट दिली पण....

Samruddhi Mahamarg Accident: समृद्धी महामार्गावर भीषण अपघात; नवरात्रौत्सवासाठी दुर्गादेवीची मूर्ती आणायला गेलेल्या तरुणांवर काळाचा घाला, सात जणांचा मृत्यू,18 जण जखमी

एकनाथ चौधरी — Fri, 2 Oct 2026 07:24:12 +0530

Samruddhi Mahamarg Accident : अमरावती जिल्ह्याच्या धामणगावमधून एक मोठी बातमी समोर आली आहे. समृद्धी महामार्गावर भीषण अपघाताची (Samruddhi Mahamarg Accident News) घटना घडली आहे. नवरात्रौत्सवासाठी (Navratri Festival) दुर्गादेवीची मूर्ती आणायला गेलेल्या तरुणांवर काळानं झडप घातली आहे. या दुर्दैवी अपघातात सात जणांचा मृत्यू झाल्याची माहिती आहे. तर बारा जण जखमी झाल्याचं कळतंय. रात्री एकच्या सुमारास हा अपघात झालाय. रोडवर मूर्तीसह तरुण कार्यकर्ते चालत असताना दुसऱ्या वाहनाने धडक दिली असल्याची माहिती आहे. नवरात्रौत्सवाच्या तोंडावर घडलेल्या या दुर्दैवी घटनेनं वर्धा हादरलं असून परिसरात हळहळ व्यक्त केली जात आहे. (Dhamangaon Accident News)

Dhamangaon Accident News: नवरात्रौत्सवासाठी दुर्गादेवीची मूर्ती आणायला गेलेल्या तरुणांवर काळाचा घाला,

अमरावती जिल्ह्याच्या धामणगाव पोलीस स्टेशन हद्दीत असलेल्या समृद्धी महामार्गावर टाटाएस गाडीचा भीषण अपघात झालाय. शेगाव येथून दुर्गा देवीची उंच मूर्ती नवरात्रौत्सवासाठी आणली जात असताना दुर्गा माता मंडळातील तरुण सदस्यांचा हा भीषण अपघात झालाय. या अपघातात बारा जण गंभीर जखमी झाले असून सात जणांचा यात दुर्दैवी मृत्यू झाला असल्याची घटना घडली आहे. मध्यरात्री एक वाजताच्या सुमारात ही घटना घडल्याच्या प्राथमिक माहिती आहे.

मिळालेल्या माहितीनुसार, वर्ध्याच्या सिंदी मेघे परिसरात राहणारे सर्व असून जखमींना वर्ध्याच्या सावंगी रुग्णालयात दाखल करण्यात आले आहे. यात बारा गंभीर जखमी, तर पाच किरकोळ जखमी झाल्याची माहिती आहे. दरवर्षी सिंदी मेघे येथील दुर्गा माता मंडळाचे सदस्य देवीची मूर्ती शेगाव येथून आणतात. यावेळी देखील शेगाव येथून मूर्ती आणण्याकरिता हे मंडळ शेगाव येथे गेले होते. शेगाव येथून समृद्धी महामर्गाने मूर्ती घेऊन परत येत असताना हा अपघात घडला आहे. या घटनेनं सिंदी मेघे परिसरात शोक पसरला असून मंडळातील सदस्यांचा असा दुर्दैवी मृत्यू झाल्याने हळहळ व्यक्त होत आहे.

नेमका कसा झाला अपघात? (Samruddhi Mahamarg Dhamangaon Accident News)

मिळालेल्या माहितीनुसार, समृद्धी महामार्गाने बोलेरो पीक अप गाडीने शेगाव येथून मूर्ती आणली जात होती. दरम्यान धामणगाव जवळ रात्रीच्या सुमारास बोलेरो गाडीला कंटेनरने मागावून धडक दिली. परिणामी मूर्ती असलेली बोलेरो पीक अप गाडीला जोरदार धडक बसली. तर मूर्तीसोबत चारणारे मंडळाचे सदस्य या अपघातात चिरडले गेले, तर काही गंभीररित्या जखमी झाले आहे.

दरम्यान, घटनेची माहिती मिळताच पोलिसांसह धामणगाव नगराध्यक्ष अर्चना रोठे, अमरावती जिल्ह्याचे पोलीस अधीक्षक निकेतन कदम , विशेष पोलीस महानिरीक्षक महेश पाटील घटनास्थळी आणि नंतर रुग्णालयात जाऊन परिस्थितीची पाहणी केली. सध्या अपघाताच्या घटनेची संपूर्ण चौकशी पोलीस करीत आहे. समृद्धी महामार्गावर चॅनल 97 जवळ ही घटना घडल्याची माहिती आहे. जखमींना तातडीने धामणगाव ग्रामीण रुग्णालयात हलविले असून त्यांच्यावर सध्या उपचार सुरु आहेत. दरम्यान, मृतकांमध्ये घनश्याम पाटील, ओम गावंडे, सचिन बादमनवार, प्रवीण बकाने, दत्ता कुळसंगे आणि इतर दोन असे सात जणांचा समावेश आहे. नवदुर्गा पूजा उत्सव समिती सोमनाथी लेआउट सावंगी मेघे वर्धा येथील हे मंडळ असल्याची माहिती आहे.

इतर महत्वाच्या बातम्या

Buldhana News: अंगावर विषारी केमिकल उडाल्याने कामगाराचा मृत्यू; मलकापूर औद्योगिक क्षेत्रातील बॅन्जो केम कंपनीतील धक्कादायक घटना, कामगारांच्या सुरक्षेवर प्रश्नचिन्ह

Wardha Crime News : नातेवाईकांकडून परतताना उशीर झाला; ऑटो चालकाने तरुणीला बस डेपोमध्ये सोडण्याच्या बहाण्याने बाहेर नेलं, दोघांनी नको ते केलं, नंतर 4-5 जण आले अन्..., वर्ध्यात संतापजनक घटना

सूरज ओझा — Fri, 25 Sep 2026 10:58:07 +0530

वर्धा: महाराष्ट्रातील वर्धा येथून एक अत्यंत धक्कादायक आणि संतापजनक घटना समोर आली आहे. येथे एका १९ वर्षीय तरुणीवर सामूहिक अत्याचार (Wardha Crime News) करण्यात आल्याची घटना घडली आहे. या प्रकरणी रेल्वे पोलिसांनी तातडीने कारवाई करत ऑटो चालकांसह ५ जणांना अटक केली आहे. (Wardha Crime News)

Wardha Crime News : नेमकी घटना काय?

मिळालेल्या माहितीनुसार, पीडित तरुणी चंद्रपूर येथे तिच्या नातेवाईकांकडे गेली होती. तेथून परत येत असताना ती आधी सेवाग्राम आणि त्यानंतर वर्धा स्थानकावर पोहोचली. मात्र, ती वर्ध्यात पोहोचली तोपर्यंत खूप उशीर झाला होता. पीडितेने दिलेल्या माहितीनुसार, ही घटना २४ तारखेच्या मध्यरात्री २ ते ३ वाजण्याच्या सुमारास घडली. तरुणी स्थानकावर असताना एका ऑटो चालकाने तिला बस डेपोमध्ये सोडण्याच्या बहाण्याने बाहेर नेले. त्यानंतर तिथे उपस्थित असलेल्या दोन जणांनी तिच्यावर अत्याचार केला. (Wardha Crime News)

Wardha Crime News : दुसऱ्यांदाही तरुणीला बनवले शिकार

या घटनेनंतर पीडित तरुणी कसाबसा धीर धरून पुन्हा स्थानकावर पोहोचली. मात्र, काही वेळातच काही जण पुन्हा आले आणि तिला जबरदस्तीने परत घेऊन गेले. यावेळी पहिल्यांदा अत्याचार करणारे आरोपीही त्यांच्यासोबत होते. पीडितेच्या दाव्यानुसार, तिच्यावर एकूण ५ ते ६ जणांनी सामूहिक अत्याचार केला.

Wardha Crime News : पोलिसांची कारवाई आणि ५ आरोपींना अटक

या भयानक प्रकारानंतर पीडितेने तात्काळ पोलिसांत (Wardha Crime News) तक्रार दाखल केली. तक्रारीच्या आधारे पोलिसांनी गुन्हा दाखल करून तपास सुरू केला. या घटनेबाबत माहिती देताना रेल्वे पोलीस अधीक्षक (SP) मंगेश शिंदे यांनी सांगितले की, पीडितेच्या तक्रारीवरून आणि तिने केलेल्या ओळखीच्या आधारे पोलिसांनी त्वरित कारवाई करत ५ आरोपींना अटक केली आहे. अटक करण्यात आलेल्यांमध्ये काही ऑटो चालक आणि त्यांच्या मित्रांचा (Wardha Crime News) समावेश आहे. पीडितेने ज्या आरोपींची ओळख पटवली होती त्या सर्वांना अटक करण्यात आली असून, पोलीस या संपूर्ण प्रकरणाचा पुढील सखोल तपास करत आहेत. (Wardha Crime News)

पीडित कुटुंबीयांसाठी 6 दिवसांपासून खासदाराचे उपोषण, रोहित पवार भेटीला; मृतदेहावर अद्यापही अंत्यसंस्कार नाहीत

एकनाथ चौधरी — Tue, 15 Sep 2026 17:03:24 +0530

वर्धा : जिल्ह्यातील रायपूर इथं वाघाच्या (Tiger) हल्ल्यात शेतकरी भगवान धुर्वे यांचा मृत्यू झाल्याची दुर्दैवी घटना घडली. या घटनेनंतर धुर्वे यांच्या कुटुंबीयांना प्रशासनाविरुद्ध आंदोलनाचा पवित्रा घेतला असून स्वत: खासदार कल्याण काळे हेही गेल्या 6 दिवसांपासून आंदोलनात सहभागी झाले आहेत. भगवान धुर्वे यांच्या मृत्यूनंतर सुरू झालेलं ठिय्या आंदोलन (Wardha) आता अधिकच आक्रमक झालं. विशेष म्हणजे, गेल्या सहा दिवसांपासून भगवान धुर्वे यांच्या मृतदेहावर अंत्यसंस्कार करण्यात आले नाहीत. कुटुंबीयांना मदत आणि इतर मागण्यांसाठी खासदार अमर काळे कुटुंबीयांसह सहा दिवसांपासून आंदोलनाला बसले आहेत. त्यामुळे, आज आमदार रोहित पवार (Rohit Pawar) यांनी आंदोलनस्थळी भेट दिली.

वर्ध्यातील पीडित कुटुंबीयांच्या या आंदोलनाला पाठिंबा देण्यासाठी आमदार रोहित पवार वर्ध्यामध्ये दाखल झाले. त्यांच्या उपस्थितीमुळे आंदोलनाला आणखी बळ मिळालं आहे. रोहित पवार यांच्यासह खासदार अमर काळे, जिल्हाध्यक्ष अतुल वांदिले, काँग्रेसचे उदय मेघे आणि ग्रामस्थ देखील मोठ्या संख्येने आंदोलनात सहभागी झाले आहेत. गेल्या सहा दिवसांपासून जिल्हा प्रशासन आणि आंदोलनकर्त्यांमध्ये मागण्यांवरून चर्चा आणि वाटाघाटी सुरू होत्या. मात्र, या वाटाघाटींना अपेक्षित तोडगा न निघाल्यानं आंदोलन आता आक्रमक झालंय.

वाघाच्या हल्ल्यात मृत्यू झालेल्या पीडित कुटुंबाला नियमानुसार मदत तसेच गाव स्तरावर सुधारणा करण्यासाठी प्रशासनाकडून पावले उचलली असल्याची माहिती जिल्हाधिकारी वान्मती. सी. यांनी आज पत्रकार परिषदेत दिली होती. ग्रामस्तरावर असलेली समिती, स्थानिक नागरिक, आणि नातेवाईक तसेच सामाजिक संघटना यांच्याशी संवाद साधून गावकऱ्यांच्या मागण्या शासनापर्यंत पोहचविल्या आहेत. वन विभागाकडून कुटुंबातील एकाला कंत्राटी वाहनचालक अथवा वनमजूर म्हणून घेण्याचे आश्वासनही देण्यात आले आहे. सर्व गावकरी आणि नातेवाईक यांच्याशी सतत पाठपुरावा करत संवाद सुरु आहे. राष्ट्रीय मानवाधिकार आयोगाच्या मार्गदर्शक सूचनानुसार पुढील योग्य ती कारवाई करण्यात येणार असल्याचेही जिल्हाधिकारी वान्मती सी यांनी म्हटले होते. मात्र, अद्यापही आंदोलनावर तोडगा निघाला नाही. सर्वोच्च न्यायालयाच्या 1989 च्या परमानंद काठरा विरुद्ध युनियन ऑफ इंडिया या खटल्यातील निर्णयाचा आधार घेत मानवी जीवन सन्मान आणि योग्य वागणुकीचा अधिकार हा केवळ जिवंत व्यक्ती पुरता मर्यादित नसून तो मृतकालाही लागू आहे. या सूचनाबाबत गावाकऱ्यांना सूचित करण्यात आले आहे. अंत्यविधी लवकर करून घेण्याचे देखील आवाहन प्रशासनाकडून करण्यात आले आहे.

पत्रकार परिषदेत दिली माहिती

दरम्यान, दोन दिवसांपूर्वी वर्धा जिल्हाधिकारी कार्यालयात पत्रकार परिषद घेण्यात आली, त्यावेळी जिल्हाधिकारी वान्मती सी यांनी माहिती दिली होती, तसेच मृतदेहावर लवकर अंत्यसंस्कार करावेत, अशी विनंती देखील त्यांनी ग्रामस्थांना केली होती. यावेळी, जिल्हा पोलिस अधीक्षक सौरभ कुमार अग्रवाल, बोर अभयारण्याचे उपसंचालक मंगेश ठेंगडी, उपविभागीय अधिकारी कुश मोटवाणी उपस्थित होते.

हेही वाचा

Manoj Jarange: गणेशोत्सवामुळे मुंबईत परवानगी नाहीच; जरांगे पाटलांना मुंबईच्या वेशीवरच अडवले जाण्याची शक्यता

Vidarbha Rain Deficit Issue: पावसाची हुलकावणी; बळीराजाच्या डोळ्यात पाणी; विदर्भात तब्बल 58 टक्के पावसाची तूट; संत्र्यासह धान पिकांना मोठा फटका

तुषार कोहळे — Fri, 4 Sep 2026 08:30:31 +0530

Vidarbha Rain विदर्भाच्या दृष्टीने संपूर्ण आगस्ट महिना हा दुष्काळी महिना ठरला आहे. एकट्या आगस्ट महिण्यात विदर्भात पावसाची तूट (Vidarbha Rain Deficit) हि 58 टक्के नोंदविली गेली. संत्रा पट्टा म्हणून ओळखल्या जाणाऱ्या नागपूर जिल्ह्यत हि तूट 71 टक्के व अमरावती जिल्यात 82 टक्के आहे. त्याचा परिणाम संत्रा पिकावर पडला आहे. मुबलक पाऊस न झाल्यामुळे संत्र्याची (Orange Crops) मोठ्या प्रमाणात गळ सुरु झाली आहे. मागच्या दोन आठवड्या 25 ते 30 टक्के झाडावरचा बहर गळून पडला आहे. भविष्यत पाऊस आला नाही तर हि गळ 80 टक्क्यांपर्यंत जाण्याची भीती शेतकऱ्यांना आहे. त्यातच एक महिण्यापासून असलेले सलगचे ढगाळ वातावरण त्यामुळे संत्रा पिकाला बुरशीजन्य रोगाची लागण झाल्याने हि गळ वेगाने होत आहे.

Vidarbha Rain Deficit Issue: दुष्काळी आगस्ट महिना; विदर्भात तब्बल 58 टक्के पावसाची तूट

या वर्षीचा आगस्ट महिना अक्षरशः दुष्कळी महिना ठरला आहे. परिणामी त्याचा परिणाम पिकांवर आणि जलसाठ्यावर झाल्याचे दिसून येतंय. 1 ते 31 ऑगस्ट 2026 या कालावधीत विदर्भात केवळ 125.5 मिमी पाऊस नोंदविण्यात आला. या कालावधीत विदर्भाची सरासरी पर्जन्यमानाची अपेक्षा 297.1 मिमी होती. त्यामुळे ऑगस्टमध्ये विदर्भात तब्बल 58 टक्के पावसाची तूट नोंदविण्यात आली आहे. ऑगस्टमधील पावसाची सर्वाधिक तूट अकोला जिल्ह्यात 84 टक्के असून, तेथे केवळ 33.5 मिमी पाऊस झालाय. अमरावतीत 46.4 मिमी पावसासह 82 टक्के, तर यवतमाळमध्ये 54.1 मिमी पावसासह 78 टक्के तूट राहिलीय.

नागपूर जिल्ह्यातही ऑगस्टमध्ये पावसाची मोठी कमतरता; केवळ 83.6 मिमी पाऊस

नागपूर जिल्ह्यातही ऑगस्टमध्ये पावसाची मोठी कमतरता राहिली. जिल्ह्यात केवळ 83.6 मिमी पाऊस झाला असून, सरासरी 286.4 मिमीच्या तुलनेत 71 टक्के तूट नोंदविण्यात आली. वर्धा जिल्ह्यात 65.5 मिमी पाऊस झाला असून तूट 73 टक्के, तर वाशिममध्ये 62.6 मिमी पावसासह 71 टक्के तूट राहिली आहे. चंद्रपूरमध्ये 159 मिमी पाऊस झाला असून तूट 55 टक्के, बुलढाण्यात 76.1 मिमी पावसासह 61 टक्के, तर भंडाऱ्यात 207 मिमी पाऊस झाला असून तूट 43 टक्के आहे. तुलनेने गडचिरोली आणि गोंदिया जिल्ह्यांत ऑगस्टमधील पावसाची स्थिती काहीशी चांगली राहिली. गडचिरोलीत 293.6 मिमी पाऊस झाला असून तूट 32 टक्के, तर गोंदियात 295 मिमी पाऊस झाला असून तूट 28 टक्के आहे.

पश्चिम विदर्भासह उर्वरित जिल्ह्यात पिकांची अंत्यत दयनीय अवस्था, विदर्भातील धरणांमध्ये सुमारे 62 टक्के जलसाठा

यामुळे पश्चिम विदर्भासह उर्वरित पिकांची अंत्यत दयनीय अवस्था आहे. संत्रा, उडीद, मुंग, काही भागात कपाशी, सोयाबीन पीक नामशेष होण्याच्या मार्गावर आहे. 3 सप्टेंबर 2026 रोजी विदर्भातील धरणांमध्ये सुमारे 62 टक्के जलसाठा शिल्लक आहे. नागपूर विभागातील धरणांचा जलसाठा 63.06 टक्के, तर अमरावती विभागातील धरणांमध्ये 63.04 टक्के पाणीसाठा आहे.

Gondia: ढगाळ वातावरणाचा धान पिकाला फटका; रोगकिडींचा प्रादुर्भाव वाढला

गोंदिया जिल्ह्यात गेल्या आठवडाभरापासून ढगाळ वातावरण आणि अधूनमधून सुरू असलेल्या पावसामुळे धान पिकावर रोगकिडींचा प्रादुर्भाव वाढला आहे. रोगकिडींमुळे धानाच्या रोपांचे नुकसान होण्याची शक्यता असल्याने शेतकऱ्यांची चिंता वाढली आहे. रोगकिडींचा प्रादुर्भाव आटोक्यात आणण्यासाठी शेतकरी शेतात कीटकनाशकांची फवारणी करताना दिसून येत आहेत. परिणामी, हातातोंडाशी आलेले धानाचे पीक खोडकीडीमुळे वाया जाऊ नये, यासाठी शेतकऱ्यांची धडपड सुरू आहे.

इतर महत्वाच्या बातम्या

DJ Ban: 'फक्त हिंदूंच्याच सणांच्या वेळेला DJ बंदी का?' आमदार प्रवीण दटकेंचा सवाल, तर संदीप जोशी म्हणाले, 'त्यांनी शेण खाल्ले म्हणून...; नागपूरात DJ बंदीवरून भाजपमध्येच वेगवेगळे सूर

धक्कादायक! पुलगावच्या कावड यात्रेत मोठी दुर्घटना, कावड खाली कोसळल्यानं चिमुकल्याचा जागीच मृत्यू

एकनाथ चौधरी — Mon, 24 Aug 2026 16:52:24 +0530

Wardha : वर्धा जिल्ह्यात धक्कादायक घटना घडली आहे. पुलगाव येथे कावड यात्रेत मोठी दुर्घटना घडली आहे. कावडचा ढाचा पडल्याने एका पाच वर्षीय मुलाचा मृत्यू झाल्याची घटना घडली आहे. अधिराज रवी पाटील असं मृत चिमुकल्याचं नाव आहे. पुलगांवच्या राम मंदिरा जवळ ही घटना घडली आहे. या घटनेनंतर हळहळ व्यक्त केली जात आहे.

कावड यात्रा निघण्यापूर्वीच ही घटना घडली

दरम्यान, पुलगाव येथे शिवशंकर कावड यात्रा समितीच्या वतीनं आयोजन करण्यात आले होते. राम मंदिर येथून निघणार कावड यात्रा निघणार होती. कावड यात्रा निघण्यापूर्वीच ही घटना घडली आहे. कावड स्टॅन्डवर असताना ती अचानक खाली पडल्यानं यामध्ये दबून चिमुकल्याचा मृत्यू झाला आहे. कावडच्या बनविलेल्या ढाचाच्या मागील बाजूस चिमुकला दबला होता. दरम्यान, चिमुकल्याला तात्काळ रुग्णालयात नेले असता डॉक्टरांनी मृत घोषित केले. दरम्यान, या घटनेनंतर हळहळ व्यक्त केली जात आहे. कावड डीजेच्या आवाजात निघत असताना ही घटना घडली आहे. पूलगांव पोलीस घटनास्थळी दाखल झाले आहेत.

अहिल्यानगरच्या जामखेड शहरात नागेश्वर यात्रोत्सवानिमित्त आयोजित आनंद मेळाव्यात काळजाचा ठोका चुकवणारी घडली घटना घडली. हवेत गिरक्या घेणाऱ्या पाळण्यातून एक तरुणी खाली कोसळली. ही संपूर्ण घटना मोबाईल कॅमेरात कैद झाली आहे. पाळण्यातील एका खुर्चीची लोखंडी सुरक्षा कडी अचानक उघडल्याने भीषण अपघात घडला. संबंधित तरुणीला तातडीने शासकीय रुग्णालयात दाखल केले असून तिची प्रकृती स्थिर असल्याची माहिती आहे. पाळणा हवेत वेगाने फिरत असतानाच सुरक्षा कडी उघडली आणि तरुणी खाली कोसळली. पाळणा सुरू करण्यापूर्वी सुरक्षेबाबत तपासणी झाली होती का? असा गंभीर सवाल उपस्थित होत आहे. सुरक्षेतील एका चुकीमुळे तरुणीच्या जीवावर बेतण्याची वेळ आल्याने नागरिकांमध्ये संताप पाहायला मिळत आहे. आनंद मेळाव्यातील झोपाळ्यांच्या सुरक्षेची प्रशासनाकडून तपासणी होणार का? हे पाहणं महत्वाचे ठरणार आहे.

जळगाव जिल्ह्यातील धरणगाव तालुक्यात धक्कादायक घटना, 54 वर्षीय व्यक्तीचा विहिरीत बुडून मृत्यू

जळगाव जिल्ह्यातील धरणगाव तालुक्यात देखील धक्कादायक गटना घडली आहे. धरणागाव तालुक्यातील पिंपळे खुर्द शिवारात 54 वर्षीय व्यक्तीचा विहिरीत बुडून मृत्यू झाल्याची घटना घडली आहे. वासुदेव भालेराव पाटील असे मृत व्यक्तीचे नाव आहे. पिंपळे खुर्द शिवारातील तब्बल 80 फूट खोल विहिरीत वासुदेव पाटील पडल्याची माहिती मिळताच जळगाव महापालिकेच्या अग्निशमन दलाला पाचारण करण्यात आले. अग्निशमन दलाच्या जवानांनी रात्री उशिरापर्यंत विहिरीत शोधमोहीम राबवत तब्बल पाच तासांच्या अथक प्रयत्नांनंतर अग्निशमन दलाच्या कर्मचाऱ्यांनी वासुदेव पाटील यांचा मृतदेह विहिरीतून बाहेर काढला. या घटनेमुळे परिसरात हळहळ व्यक्त केली जात आहे.

Wardha Crime News: प्रेमसंबंधात पतीचा अडसर; पत्नीनं प्रियकरासह तिघांच्या मदतीनं नवऱ्याला संपवलं, मृतदेह शेतात फेकला अन्... चक्रावणारी माहिती समोर

एकनाथ चौधरी — Wed, 19 Aug 2026 10:31:56 +0530

वर्धा : वर्ध्यातून एक धक्कादायक बातमी समोर आली आहे. प्रेमसंबंधात अडसर ठरणाऱ्या पतीची पत्नीने (Wardha Crime News) प्रियकर व त्याच्या तीन सहकाऱ्यांच्या साथीने गळा आवळून हत्या केल्याची घटना वर्ध्याच्या शेकापूर बाई येथे घडली आहे. हिंगणघाट तालुक्यातील शेकापूर बाई येथे 42 वर्षीय संतोष पांडुरंग कैकाडे याची हत्या (Wardha Crime News) करण्यात आली आहे. पत्नीचे शुभम कैकाडे याच्याशी प्रेम संबंध (Wardha Crime News) असल्याची माहिती पोलिसांनी दिली असून पती संतोष पांडुरंग कैकाडे हा अडथळा ठरत होता. पत्नी सपना हिने शुभम कैकाडे आणि त्याच्या साथीदारासोबत मिळून संतोष याची गळा आवळून हत्या केली. त्यानंतर घटना कुणाच्याही लक्षात येऊ नये म्हणून गावाजवळील शेतात मृतदेह फेकून देण्यात आला. वडनेर पोलिसांनी या प्रकरणी हत्येचा गुन्हा नोंद करून आरोपी सपना कैकाडे, शुभम कैकाडे, सचिन बसूने, प्रशांत करपे या चौघांना अटक केली आहे.(Wardha Crime News)

Wardha Crime News : मृतदेह गावालगतच्या शेतात फेकून दिला होता

अनैतिक संबंधात अडसर ठरणाऱ्या पतीचा पत्नीनेच आपल्या प्रियकराच्या मदतीने गळा आवळून खून केल्याची धक्कादायक घटना समोर आली आहे. हत्या केल्यानंतर आरोपींनी मृतदेह गावालगतच्या शेतात फेकून दिला होता. ही घटना मंगळवारी, १८ ऑगस्ट रोजी उघडकीस आली असून यामुळे परिसरात एकच खळबळ उडाली आहे. संतोष पांडुरंग कैकाडे (वय ४२) असे खून झालेल्या दुर्दैवी पतीचे नाव आहे. वडनेर पोलिस ठाण्याच्या हद्दीतील शेकापूर (बाई) येथे ही घटना घडली.(Wardha Crime News)

Wardha Crime News : नेमकी घटना काय?

एका वृत्तसंस्थेने दिलेल्या माहितीनुसार, मृत संतोष कैकाडे यांची पत्नीचे शुभम कैकाडे याच्यासोबत प्रेमसंबंध होते. १६ ऑगस्टच्या रात्री संतोष कैकाडे हे भजनाचा कार्यक्रम संपवून घरी परत आले. त्यावेळी पत्नी आणि शुभम हे दोघेही घरी नको त्या अवस्थेत आढळून आले. हे प्रकरण उघडकीस आल्याने आणि अनैतिक संबंधात पती अडसर ठरत असल्याने, पत्नी आणि शुभम यांनी मिळून संतोष यांचा गळा आवळून खून केला. त्यानंतर आपल्या दोन मित्रांच्या मदतीने संतोष यांचा मृतदेह गावाजवळील शेतात फेकून पुरावा नष्ट करण्याचा प्रयत्न केला.

Wardha Crime News : अशी उघडकीस आली घटना

गेल्या तीन दिवसांपासून संतोष कैकाडे हे गावात कुठेच दिसत नसल्यामुळे गावकऱ्यांना संशय आला होता. दरम्यान, मंगळवारी खुद्द पत्नीनेच संतोष यांचा मृतदेह गावाबाहेरील शेतात असल्याचे गावकऱ्यांना सांगितले. त्यानंतर गावकऱ्यांनी शेताकडे धाव घेतली आणि हा सर्व प्रकार उघडकीस आला.

Wardha Accident News: स्वातंत्र्यदिनाच्या दिवशी हिंगणघाटमध्ये भीषण अपघात, ट्रॅव्हल्सची दुचाकीला जोरदार धडक, तीन शाळकरी मुलींचा दुर्दैवी अंत

एकनाथ चौधरी — Sat, 15 Aug 2026 11:50:41 +0530

Wardha Accident News: स्वातंत्र्यदिनाच्या (Independence Day) दिवशी हिंगणघाट शहरात काळजाचा ठोका चुकवणारी दुर्दैवी घटना घडली. आंबेडकर शाळेजवळ (Ambedkar School) ट्रॅव्हल्सने (Travels Bus) दुचाकीला (Two-Wheeler) मागून जोरदार धडक दिल्याने दुचाकीवरील तीन शाळकरी मुलींचा दुर्दैवी मृत्यू झाल्याची घटना समोर आली आहे. या घटनेने संपूर्ण हिंगणघाट (Hinganghat) शहरात हळहळ व्यक्त होत आहे.

याबाबत मिळालेल्या माहितीनुसार, आज 15 ऑगस्ट रोजी तिन्ही शाळकरी मुली दुचाकीवरून जात होत्या. याचवेळी आंबेडकर शाळेजवळ त्यांच्या दुचाकीला ट्रॅव्हल्सने मागून जोरदार धडक दिली. ही धडक इतकी भीषण होती की, दुचाकीवरील तिन्ही मुली गंभीर जखमी झाल्या. अपघातानंतर परिसरात एकच खळबळ उडाली. स्थानिक नागरिकांनी घटनास्थळी धाव घेतली. गंभीर जखमी झालेल्या मुलींना उपचारासाठी रुग्णालयात नेण्यात आले. मात्र, उपचारादरम्यान तिन्ही मुलींचा मृत्यू झाल्याची माहिती समोर आली आहे.

Wardha Accident News: हिंगणघाट शहरात हळहळ

या भीषण अपघातात मृत्यू झालेल्या मुलींमध्ये समृद्धी रुपक धामसे (वय 15, संत गोमाजी वॉर्ड, हिंगणघाट), आरुही राजू चवरे (वय 17) आणि मिसबा जावेद शेख (वय 17, संत चोखोबा वॉर्ड) यांचा समावेश आहे. स्वातंत्र्यदिनाच्या दिवशी शाळकरी मुलींचा अशाप्रकारे दुर्दैवी मृत्यू झाल्याने त्यांच्या कुटुंबीयांवर दुःखाचा डोंगर कोसळला आहे. तिन्ही मुलींच्या मृत्यूची बातमी समोर येताच हिंगणघाट शहरात हळहळ व्यक्त करण्यात येत आहे.

Wardha Accident News: ट्रॅव्हल्सच्या धडकेने दुचाकीवरील मुलींचा मृत्यू

तिन्ही मुली एकाच दुचाकीवरून प्रवास करत असताना ट्रॅव्हल्सने त्यांच्या दुचाकीला मागून धडक दिल्याचे सांगण्यात येत आहे. धडकेनंतर तिन्ही मुली रस्त्यावर कोसळल्या आणि गंभीर जखमी होऊन त्यांचा दुर्दैवी मृत्यू झाला. अपघात नेमका कशामुळे झाला, ट्रॅव्हल्सचा वेग किती होता आणि चालकाचे वाहनावरील नियंत्रण का सुटले, याबाबत अधिकृत माहिती अद्याप समोर आलेली नाही. या अपघाताचा पुढील तपास संबंधित पोलीस करत आहेत.

राज्य आणि देश-विदेशातील महत्त्वाच्या बातम्या; पाहा व्हिडीओ

इतर महत्त्वाच्या बातम्या

ATM Scam : पंढरपूर अर्बन बँकेतील 3 कोटींचा ATM फ्रॉड, दोन्ही आरोपींची निर्दोष मुक्तता; मग पैसे कोणी चोरले? गूढ कायम

Nashik Crime News: आमदार हिरामण खोसकरांच्या मुलाची शिवसेना तालुकाप्रमुखाला जिवे मारण्याची धमकी, ऑडिओ क्लिप व्हायरल; महायुतीतील वाद चव्हाट्यावर

Samruddhi Mahamarg Accident : मुलीच्या इंजिनिअरिंगच्या ॲडमिशनसाठी परिवार पुण्याला गेला; मुलगी तिथेच राहिली, परतताना ट्रकनं कारला धडक दिली, तिघे होरपळले, दोन्ही ड्रायव्हरसह 5 जणांचा मृ्त्यू अपघाताची A टू Z माहिती समोर

एकनाथ चौधरी — Mon, 20 Jul 2026 14:13:12 +0530

वर्धा: समृद्धी महामार्गावर वर्ध्याजवळील (Samruddhi Mahamarg Accident) विरुळ भागात एक अत्यंत भीषण आणि दुर्दैवी अपघात घडला आहे. आयशर ट्रक आणि स्विफ्ट डिझायर कार यांच्यात झालेल्या जोरदार धडकेनंतर कारने पेट घेतला. या दुर्घटनेत कारमधील चालकासह एकाच कुटुंबातील तिघांचा जागीच होरपळून मृत्यू झाला, तर धडक देणाऱ्या आयशर ट्रकच्या चालकाचाही यात मृत्यू झाला आहे. या अपघातात एकूण ५ जणांना आपला जीव गमवावा लागला आहे.(Samruddhi Mahamarg Accident)

Samruddhi Mahamarg Accident : मुलीच्या ॲडमिशनचा आनंद क्षणार्धात मावळला

मिळालेल्या माहितीनुसार, मृत पावलेले कारमधील चौघेही वर्धा जिल्ह्यातील सालोड हिरापूर येथील रहिवासी होते. कुटुंबातील जुळ्या मुलींपैकी एका मुलीच्या इंजिनिअरिंग प्रवेशासाठी (ॲडमिशन) हे कुटुंब पुण्याला गेले होते. प्रवेश प्रक्रिया पूर्ण झाल्यानंतर ॲडमिशन घेतलेली मुलगी पुण्यातच थांबली, तर आई-वडील, दुसरी मुलगी आणि चालक कारने वर्ध्याकडे परत येत होते. मात्र, वाटेतच काळाने त्यांच्यावर घाला घातला. जुळ्या बहिणींपैकी एका बहिणीचा या अपघातात दुर्दैवी मृत्यू झाला आहे. या घटनेमुळे सालोड गावावर शोककळा पसरली असून सर्वत्र हळहळ व्यक्त केली जात आहे.(Samruddhi Mahamarg Accident)

Samruddhi Mahamarg Accident : अपघात कसा घडला?

अपघाताच्या काही वेळापूर्वी घटनास्थळाजवळ एथेनॉलचा एक टँकर उलटला होता. सुरक्षेचा उपाय म्हणून पोलिसांनी महामार्गाची एक बाजू बंद करून एकेरी वाहतूक (Single lane traffic) सुरू केली होती. एकेरी वाहतूक सुरू असताना मागून येणाऱ्या भरधाव मालवाहू आयशर ट्रक चालकाचे वाहनावरील नियंत्रण सुटले आणि तो थेट पुढे असलेल्या कारवर जाऊन आदळला. धडक इतकी भीषण होती की अपघातानंतर कारने क्षणात पेट घेतला. कारमधील प्रवाशांना बाहेर पडण्याची साधी संधीही मिळाली नाही आणि आतच होरपळून चौघांचा करुण अंत झाला. घटनेची माहिती मिळताच पुलगाव पोलीस आणि स्थानिक प्रशासनाने घटनास्थळी धाव घेऊन मदतकार्य राबवले. पोलीस या प्रकरणाचा पुढील तपास करत आहेत.

Samruddhi Mahamarg Accident : पोलिसांनी काय दिली माहिती?

वर्धा पोलिस अधीक्षक, सौरभकुमार अग्रवाल, यांनी माहिती देताना सांगितलं की, "काल रात्री पुलगाव पोलीस स्टेशन हद्दीमध्ये समृद्धी महामार्गावर एक एथेनॉलचा टँकर पलटी झाला होता. तो नागपूरवरून नागपूरवरून येत होता. त्यामुळे त्या बाजूची जी रहदारी व्यवस्था आहे ती विस्कळीत झाली होती. दुसऱ्या बाजूने टप्प्याटप्प्याने दोन्ही बाजूची रहदारी सोडणे सुरू होते. त्यादरम्यान एक कारला मागून आयशर ट्रकने धडक दिली, त्यामध्ये टोटल सहा लोकांचा मृत्यू झाला अशी प्राथमिक माहिती आमच्याकडे आहे. त्यामध्ये कारमध्ये चार सवार होते आणि ट्रकचे दोन सवार मृत्युमुखी झाले अशी माहिती आहे. सध्या ते एथेनॉलचा टँकर पलटी झाला त्याला काढण्यासाठी पाठपुरावा सुरू आहे. लवकरात लवकर दोन्ही बाजूची व्यवस्था सुरळीत होईल. जे आतापर्यंत माहिती आहे ते चार जे कारमधील मृतक आहेत ते सालोडचे राहणारे आहेत आणि जे बाकी जे ट्रकचे आहेत ते इतर राज्याचे आहेत अशी माहिती मिळतेय."

Samruddhi Mahamarg Accident : मन हेलावून टाकणारी घटना - उपमुख्यमंत्री सुनेत्रा पवार

वर्धा जिल्ह्यातील विरुळ गावाजवळ समृद्धी महामार्गावर झालेली भीषण दुर्घटना अत्यंत वेदनादायी आहे. या अपघातात निष्पाप नागरिकांना आपला जीव गमवावा लागल्याची घटना मन हेलावून टाकणारी आहे. या दुःखद घटनेची माहिती मिळताच प्रशासनाने तातडीनं मदत व बचावकार्य हाती घेतले असून, जखमींना आवश्यक ते उपचार मिळावेत तसंच बाधित कुटुंबांना सर्वतोपरी मदत उपलब्ध करून देण्यासाठी राज्य शासन कटिबद्ध आहे. या दुर्घटनेत मृत्युमुखी पडलेल्या सर्वांना भावपूर्ण श्रद्धांजली अर्पण करते. त्यांच्या कुटुंबीयांच्या दुःखात आम्ही सहभागी आहोत.

Samruddhi Mahamarg Accident : इंजिनिअरिंगच्या ॲडमिशनसाठी संपूर्ण परिवार पुण्याला गेला; मुलगी तिथेच राहिली, घरी परतताना अपघात, आई वडिलांसह दुसऱ्या मुलीचा होरपळून मृत्यू, पाच जणांचा दुर्दैवी अंत

एकनाथ चौधरी — Mon, 20 Jul 2026 10:46:44 +0530

वर्धा : वर्ध्याच्या समृध्दी महामार्गावरील (Samruddhi Mahamarg Accident) विरुळ जवळ हा दुर्दैवी अपघात झाला. चालकासह एकाच कुटुंबातील तिघाचा होरपळून मृत्यू झाला आहे. तर ज्या टेम्पोने धडक दिली त्याच्याही ड्रायव्हरचा मृत्यू झाला आहे. मृतकात वर्ध्याच्या सालोड हिरापूर येथील परिवाराचा समावेश असल्याची माहिती समोर आली आहे. पुणे येथून एका मुलीचा कॉलेजमध्ये प्रवेश घेऊन परतताना या परिवारात अपघात (Samruddhi Mahamarg Accident) झाला, कॉलेजमध्ये प्रवेश घेतलेली मुलगी पुण्यातच राहिली आणि दुसऱ्या मुलीसह आईवडील घरी परतत असताना अपघातात मृत्यू झाला आहे. जुळ्या बहिणीतील एका बहिणीचा मृत्यू झाल्याची माहिती आहे. सालोड गावात या अपघाताने हळहळ व्यक्त होत आहे.(Samruddhi Mahamarg Accident)

तर मिळालेल्या माहितीनुसार, "समृद्धी महामार्गावरती ज्या ठिकाणी विरूळ या भागात अपघात झाला त्याठिकाणी गाडीतील सामान अन् गाडीचे पार्ट अस्ताव्यस्त पडलेले दिसून आले, ते विदारक दृश्य पाहून सर्वांनी हळहळ व्यक्त केली. रात्रीच्या दरम्यान अपघात झाला, अपघातामध्ये पुण्यावरून येणारी स्विफ्ट डिझायर कार या कारमधील मृत्यू झालेले आई-वडील आणि मुलगी आणि चालक हे सालोड हिरापूर येथील राहणारे आहेत, ते वर्ध्याला परतत होते. मुलीच्या इंजिनिअरिंग प्रवेशासाठी हे पुण्याला गेलेले होते आणि दोन मुली सोबत गेलेल्या होत्या, दोन मुलींपैकी एका मुलीची जी अ‍ॅडमिशन झाली ती मुलगी पुण्यातच राहिली आणि घरी परत येत असताना हा भीषण असा अपघात झाला. या अपघातामध्ये आई-वडील आणि मुलगी यांचा जागीच होरपळून मृत्यू झाला, कारने पेट घेतला होता. कारच ड्रायव्हरचा सुद्धा यामध्ये जागीच मृत्यू झाल्याची घटना घडली आहे.

यानंतर ज्या मालवाहू वाहनाने धडक दिली होती, त्या वाहनाचा चालक सुद्धा या अपघातामध्ये ठार झालेला आहे, तर एक क्लिनर गंभीर जखमी आहे, त्याला उपचारासाठी रुग्णालयात दाखल करण्यात आलेलं आहे. मोठ्या प्रमाणात या ठिकाणी वाहतूक विस्कळीत झाली आणि या मालवाहू ट्रकलासुद्धा भीषण अपघात झाला होता आणि इथेनॉल सांडल्यामुळे या ठिकाणी वाहनं थांबवून ठेवण्यात आली, कुठल्याही प्रकारची अनुचित घटना घडू नये यासाठीचा प्रयत्न पोलीस प्रशासनाने केला आणि विशेषतः या ठिकाणी घटनास्थळी पुलगाव पोलीस यासोबतच वर्धा पोलीस पोहोचलं आणि परिस्थिती नियंत्रणात आणण्याचा प्रयत्न केला. परंतु या भीषण अपघातामध्ये आई-वडील आणि मुलीचा जीव गेलेला आहे, सोबतच जो स्विफ्ट डिझायरचा चालक होता त्याचासुद्धा या ठिकाणी मृत्यू झाला आहे. एकूण पाच जणांचा मृत्यू या घटनेत झाला आहे.

समृद्धी महामार्गावर भीषण अपघाताची घटना घडली आहे. वर्ध्याच्या (Wardha) विरुळ जवळ रात्रीच्या सुमारास हा भीषण अपघात (Accident) झाला असून यात पाच जणांचा जागीच दुर्दैवी मृत्यू (Wardha Samruddhi Mahamarg Accident) झाल्याची माहिती आहे. तर एक जण गंभीर जखमी झाला आहे. प्राथमिक माहितीनुसार, मालवाहू वाहनाने कारला मागून जोरदार धडक दिल्याने ही भीषण अपघाताची घटना घडली आहे. तर ही धडक इतकी भीषण होती की अपघातानंतर कारने क्षणार्धात पेट घेतला. या आगीत कारमधील चार जणांचा आगीत होरपळून मृत्यू झाल्याची माहिती आहे. तर मालवाहू वाहनातील एकाचा मृत्यू तर एक जण गंभीर जखमी असल्याचीही माहिती आहे.(Samruddhi Mahamarg Accident)

अपघातातील मृतकाची समोर आलेली नावे

राजेश आनंद टिपले 50
पत्नी सुषमा राजेश टिपले 45
जानव्ही राजेश टिपले 16
टँकर ड्रायव्हर - अंकुश लक्ष्मण राऊत 31

Samruddhi Mahamarg Accident : टेम्पोच्या धडकेने कार पेटली, चार जणांचा मृत्यू

दरम्यान, इथेनॉल घेऊन जाणारा टँकर पलटी झालेला असल्याने दुसऱ्या बाजूने वाहतूक सुरू असताना हा अपघात घडला असल्याचे समोर आलं आहे. तर रात्रीच्या सुमारास समोरील वाहनाचा अंदाज न आल्याने हा अपघात झाल्याचा अंदाज आहे. तर अपघातानंतर समृद्धी महामार्ग काही काळ वाहतुकीसाठी बंद करण्यात आला. तर एका बाजूची वाहतूक टप्प्याटप्प्याने सुरू करण्यात आलीय. घटनेची माहिती मिळतच महामार्ग पोलीस, पुलगाव पोलीस घटनास्थळी दाखल झाले. त्यानंतर त्यांनी जखमींना रुग्णालायात दाखल केले. सध्या पोलीस या प्रकरणाचा अधिक तपास करत आहे. मात्र या अपघातनंतर समृद्धी महामार्ग आणि त्यावरील अपघात पुन्हा एकादा चर्चेत आला आहे.

Wardha Samruddhi Mahamarg Accident : अपघात कसा घडला?

हा अपघात वर्धा जिल्ह्याच्या हद्दीत समृद्धी महामार्गावर घडला. इथेनॉल घेऊन जाणाऱ्या एका ट्रकचा आधीच अपघात झाला होता आणि तो महामार्गावर उभा होता, त्यामुळे प्रशासनाला वाहतूक वळवावी लागली. त्याचवेळी, पुण्याहून वर्ध्याकडे जाणारी एक कार भरधाव वेगाने त्या ट्रकला धडकली. धडक इतकी जोरदार होती की दोन्ही वाहनांना तात्काळ आग लागली. ट्रकचालक आणि क्लिनर यांना बाहेर पडण्याची संधी मिळाली नाही, तर कारमधील चार प्रवासी आत अडकले आणि त्यांचा जागीच मृत्यू झाला.

प्राथमिक माहितीनुसार, कारमधील चारही जण वर्धा जिल्ह्यातील सालोड गावचे रहिवासी होते. मृतांमध्ये दोन जुळ्या बहिणींचा समावेश होता, ज्या रुग्णालयात दाखल होण्यासाठी पुण्याला गेल्या होत्या, परंतु परत येताना या भीषण अपघाताला बळी पडल्या. घटनेची माहिती मिळताच महामार्ग पोलीस आणि अग्निशमन दलाची पथके घटनास्थळी दाखल झाली. अपघात इतका भीषण होता की मृतदेह बाहेर काढण्यासाठी कार तोडावी लागली.