Dance Video Viral : जगभरात बॉलिवूडचा (Bollywood) चाहतावर्ग आहे. शिवाय बॉलिवूडच्या गाण्यांचं वेड देशासह जगभरात आहे. बॉलिवूडच्या गाण्यांचा जगभरात चाहते आहेत. बॉलिवूड गाण्यांवर अगदी भारतीय असो वा परदेशी कुणीही नाचल्याशिवाय शांत बसू शकत नाही. लग्न समारंभामध्ये हिंदी किंवा पंजाबी गाण्यांवर नाचण्याची मजा काही वेगळीच असते. याचं वेड केवळ भारतातच नाही तर जगभरात आहे. अनेक वेळी परदेशी लोक बॉलिवूड गाण्यांची मजा घेत त्यावर भन्नाट डान्स करताना पाहायला मिळतात.
सोशल मीडियावर दररोज अनेक व्हिडीओ समोर येतात, जे नेटकऱ्यांचा खूप पसंतीस उतरतात. सध्या असाच एक व्हिडीओ सोशल मीडियावरमध्ये चर्चेत आहे. ज्यामध्ये एक परदेशी डान्स ग्रुप भारतीय गाण्यावर जबरदस्त डान्स करताना दिसत आहे.
हा डान्सचा व्हिडीओ तुम्हालाही भुरळ पाडेल
सध्या व्हायरल होत असलेला हा व्हिडीओ पाहून तुम्हाला दिसेल की हा लग्नाच्या रिसेप्शनमधील व्हिडीओ आहे. यामध्ये नॉर्वेचा एक डान्स ग्रुप त्यांच्या अप्रतिम डान्स मूव्हज दाखवत आहे. बॉलिवूड गाण्यावरील त्याचा डान्स पाहून त्यांचा आनंद त्यांच्या चेहऱ्यावर स्पष्ट दिसून येत आहे. त्याच्या डान्स स्टेप्सचं सर्वांनाच वेड लागलं आहे.
व्हायरल व्हिडीओमध्ये, डान्स ग्रुपमधील सर्व लोक सूट-बूट घातलेले आणि सनग्लासेस घातले आहेत. कतरिना कैफ आणि सिद्धार्थ मल्होत्रा यांच्या 'बार बार देखो' या चित्रपटातील 'काला चष्मा' गाण्यावर हा ग्रुप जबरदस्त डान्स करताना दिसत आहे.
व्हिडीओला आठ लाखांहून अधिक व्ह्यूज
इन्स्टाग्रामवर yasintatby नावाच्या अकाउंटवरून हा व्हिडीओ पोस्ट करण्यात आला आहे. हा व्हिडीओ आतापर्यंत 80 लाखांहून अधिक लोकांनी पाहिला आहे. तर या व्हिडीओला 10 लाखांहून अधिक लोकांनी लाईक केलं आहे. शिवाय लोक या व्हिडीओवर कमेंट करून आपली प्रतिक्रिया देत आहेत.