Bride Flees the Wedding Mandap: वरमाळा घालतानाच प्रियकर आल्यावर वधू मंचावरून पळून गेली. तिने नवरदेवाला सोडून त्याच्या गळ्यात हार घातला. ही घटना मध्य प्रदेशातील छिंदवाडामधील उमरेठमध्ये घडली. नवरदेवाच्या कुटुंबीयांनी मंगळवारी पोलीस ठाण्यात तक्रार दाखल केली. वधू मंचावरून पळून जात असल्याचा एक व्हिडिओ देखील समोर आला आहे. भलवी कुटुंबातील नवरदेव, परासियाहून मुजावर गावी आला होता. वरातीचे स्वागत करण्यात आले, फटाक्यांची आतषबाजी झाली आणि त्यानंतर पाहुणे खाण्याच्या स्टॉल्सकडे गेले.
वरमाळा सोहळ्याची तयारी सुरू असतानाच...
दरम्यान, नवरदेव मंचावर आला. वरमाळा सोहळ्याची तयारी सुरू झाली. थोड्याच वेळात, वधूदेखील मंचावर आली. तिने हातात वरमाळा घेऊन आजूबाजूला पाहिलेआणि मग मंचावरून पळून गेली. ती मंडपात असलेल्या तिच्या प्रियकरापर्यंत पोहोचली आणि त्याच्या गळ्यात हार घालून त्याला मिठी मारली.
कुटुंबातील सदस्यांनी प्रियकराला मारहाण केली
यामुळे उपस्थित असलेल्या सर्वांना धक्का बसला. वधूच्या कुटुंबीयांनी प्रियकराला पकडून मारहाण केली. त्याला मंडपातून हाकलून देण्यात आले. त्यानंतर वऱ्हाडी आणि वधूच्या कुटुंबीयांमध्ये वाद निर्माण झाला, ज्यामुळे दोन्ही पक्षांमध्ये तुंबळ हाणामारी झाली.
वराने लग्न करण्यास नकार दिला
असे वृत्त आहे की, वधू दोन वर्षांपासून प्रेमप्रकरणात गुंतली होती. तिच्या कुटुंबीयांना कल्पना होती. कौटुंबिक दबावामुळे ती लग्नासाठी तयार झाली, पण लग्नाच्या दिवशी आपल्या प्रियकराला पाहिल्यावर तिने आपला विचार बदलला. सध्या वधू आपल्या कुटुंबीयांसोबत घरी आहे.दागिने, अंगठी आणि मोबाईल फोन परत घेतले. वराच्या बाजूने सामाजिक प्रतिष्ठा आणि आर्थिक नुकसानीचे कारण दिले. वधूच्या बाजूने दागिने, अंगठी आणि मोबाईल फोन परत घेण्यात आले. सध्या पोलीस या प्रकरणाचा तपास करत आहेत.
इतर महत्त्वाच्या बातम्या