मोठी बातमी : श्रीकांत शिंदेंविरुद्ध लढलेल्या ठाकरेंच्या वैशाली दरेकरांनी पद सोडलं, राजीनामा पत्रात म्हणाल्या...

ठाण्यात राष्ट्रवादीच्या अजित पवार गटाला खिंडार, युवक अध्यक्षांसह शेकडो कार्यकर्त्यांचा शरद पवारांच्या राष्ट्रवादीत प्रवेश

हितेश पांचाळ — Wed, 5 Aug 2026 22:36:31 +0530

ठाणे : राष्ट्रवादी काँग्रेसच्या अजित पवार गटाला ठाण्यात जोरदार खिंडार पडले आहे. राष्ट्रवादी युवक काँग्रेसचे ठाणे युवक अध्यक्ष विरु वाघमारे यांच्यासह शेकडो कार्यकर्त्यांनी डॉ. .जितेंद्र आव्हाड आणि मनोज प्रधान यांचे नेतृत्व मान्य करीत राष्ट्रवादी काँग्रेस-शरदचंद्र पवार पक्षात प्रवेश केला आहे. दरम्यान, भटकलेले पक्षी पुन्हा आपल्याच घरट्यात परतात; तसेच विरु वाघमारे आणि हेमंत वाणी हे दोघे घरी परतले आहेत. विशेष म्हणजे, विरुला त्याच्या आईनेच परत पाठवल्याचे जितेंद्र आव्हाड यांनी सांगितले.

शरदचंद्र पवार पक्षात प्रवेश करत जितेंद्र आव्हाड यांना वाढदिवसाची भेट दिली

राष्ट्रवादी काँग्रेस- अजित पवार गटाचे ठाणे शहर युवक अध्यक्ष विरु वाघमारे हे राष्ट्रवादीच्या विभागणीनंतर अजित पवार गटात गेले होते. तर, हेमंत वाणी यांनीही अजित पवार गटाची वाट धरली होती. मात्र, ठाणे शहरातील राष्ट्रवादी (अजित पवार) चे नेतृत्व कार्यकर्त्यांना योग्य तो सन्मान देत नसल्याचा आरोप करत युवक अध्यक्ष विरु वाघमारे, सरचिटणीस हेमंत वाणी यांनी बुधवारी सायंकाळी राष्ट्रवादी काँग्रेस-शरदचंद्र पवार पक्षात प्रवेश करत जितेंद्र आव्हाड यांना वाढदिवसाची भेट दिली. या प्रसंगी जिल्हाध्यक्ष मनोज प्रधान आणि युवक अध्यक्ष तथा गटनेते अभिजीत पवार यांनी या सर्व कार्यकर्त्यांचे पक्षात स्वागत केले.

डॉ. जितेंद्र आव्हाड हे सर्वसमावेशक नेतृत्व

डॉ. जितेंद्र आव्हाड हे सर्वसमावेशक नेतृत्व आहे. शिवाय जिल्हाध्यक्ष मनोज प्रधान आणि युवक अध्यक्ष अभिजित पवार हे कार्यकर्त्यांना सोबत घेऊन चालणारे असल्याने आम्ही स्वगृही परतत आहोत. अखेरीस निजामाच्या तावडीतून सुटका झाली, असे विरु वाघमारे यांनी सांगितले. दरम्यान, गेल्या अनेक दिवसांपासून राष्ट्रवादी काँग्रेस अजित पवार पक्षातून अनेक कार्यकर्ते शरद पवार गटात प्रवेश करणार असल्याच्या चर्चा सुरु होत्या. आज अखेर राष्ट्रवादी काँग्रेस अजित पवार गटाला खिंडार पडले आहे. राष्ट्रवादी युवक काँग्रेसचे ठाणे युवक अध्यक्ष विरु वाघमारे यांच्यासह शेकडो कार्यकर्त्यांनी डॉ. .जितेंद्र आव्हाड आणि मनोज प्रधान यांचे नेतृत्व मान्य करीत राष्ट्रवादी काँग्रेस-शरदचंद्र पवार पक्षात प्रवेश केला आहे. भटकलेले पक्षी पुन्हा आपल्याच घरट्यात परतात; तसेच विरु वाघमारे आणि हेमंत वाणी हे दोघे घरी परतले आहेत अशी प्रतिक्रिया जितेंद्र आव्हाड यांनी दिली आहे. राष्ट्रवादी काँग्रेसच्या अजित पवार गटातील कार्यकर्त्यांनी राष्ट्रवादी काँग्रेस-शरदचंद्र पवार पक्षात प्रवेश केल्यानं पवारांच्या राष्ट्रावादीची ठाण्यात ताकत वाढणार आहे.

धक्कादायक! 21 व्या मजल्यावरुन तोल जाऊन खाली पडल्यानं वृद्ध महिलेचा मृत्यू, ठाण्यातील माजीवाडा परिसरातील घटना

हितेश पांचाळ — Wed, 5 Aug 2026 20:13:34 +0530

Thane : ठाण्यातील (Thane) माजीवाडा इथं धक्कादायक घटना घडली आहे. येथील वसंत लॉन्स 'सवाना टॉवर' या 23 मजली इमारतीच्या 21 व्या मजल्यावरून तोल जाऊन खाली पडल्याने कुमुधा रमेश शेट्टी (77) या वृद्ध महिलेचा दुर्दैवी मृत्यू झाला आहे. ही घटना बुधवारी दुपारी 3 वाजून 45 मिनीटांच्या सुमारास घडली आहे.

वर्तक नगर पोलीस पुढील तपास करत आहेत

आपत्ती व्यवस्थापन कक्षाकडून मिळालेल्या माहितीनुसार, गॅलरीत उभ्या असलेल्या कुमुधा शेट्टी यांचा अचानक तोल गेल्याने त्या इमारतीच्या दुसऱ्या मजल्यावरील पोडियमच्या सज्जावर येऊन पडल्या. घटनेची माहिती मिळताच वर्तक नगर पोलीस, अग्निशमन दल आणि आपत्ती व्यवस्थापन कक्षाच्या कर्मचाऱ्यांनी हायड्रोलिक, रेस्क्यू वाहनांसह घटनास्थळी धाव घेतली. जवानांनी सज्जावरून मृतदेह बाहेर काढून पोलिसांच्या ताब्यात दिला. पोलिसांनी मृतदेह शवविच्छेदनासाठी ठाणे जिल्हा शासकीय रुग्णालयात पाठवला असून वर्तक नगर पोलीस पुढील तपास करत आहेत.

ठाण्यात वागळे इस्टेटमध्ये घराची भिंत कोसळली; सुदैवाने जीवितहानी नाही

ठाण्यातील वागळे इस्टेट येथील अंबिका नगर क्रमांक १ मधील एका चाळीतील घराची भिंत बुधवारी दुपारी कोसळली. या दुर्घटनेत सुदैवाने कोणालाही दुखापत झालेली नाही.स्थानिक भालचंद्र पष्टे यांच्या तळ अधिक एक मजली घराची भिंत दुपारी १ च्या सुमारास अचानक ढासळली. माहिती मिळताच आपत्ती व्यवस्थापन, अग्निशमन दल आणि पालिका अधिकाऱ्यांनी घटनास्थळी धाव घेत काम सुरू केले. सुरक्षेचा उपाय म्हणून परिसराचा वीजपुरवठा खंडित करून धोकादायक भाग हटवण्याचे काम जेसीबीच्या साहाय्याने करण्यात आले. खबरदारी म्हणून बाधित कुटुंबाची तात्पुरती सोय नातेवाइकांकडे करण्यात आली आहे.

कोरची-कुरखेडा राष्ट्रीय महामार्गावरील बेडगाव घाटात बुधवारी भीषण अपघात, एक जण गंभीर जखमी

कोरची-कुरखेडा राष्ट्रीय महामार्गावरील बेडगाव घाटात बुधवारी भीषण अपघात घडला. छत्तीसगडहून कुरखेडाकडे येणाऱ्या मालवाहू ट्रकचा ब्रेक निकामी झाल्याने चालकाचे वाहनावरील नियंत्रण सुटले आणि समोरून येणाऱ्या SUV कारला जोरदार धडक दिली. धडकेची तीव्रता इतकी प्रचंड होती की कारचा अक्षरशः चुराडा झाला. अपघातानंतर स्थानिक नागरिकांनी तत्काळ मदतीसाठी धाव घेत सर्व प्रवाशांना सुरक्षित बाहेर काढले. या अपघातात आणखी दुसरी कारही दुर्घटनाग्रस्त झाली, तर ट्रक रस्त्याच्या कडेला उलटला. सुदैवाने एवढ्या भीषण अपघातात कोणतीही जीवितहानी झाली नाही. मात्र, कारमधील माणिक मेश्राम यांच्या डोक्याला गंभीर दुखापत झाली असून, त्यांच्यावर कुरखेडा उपजिल्हा रुग्णालयात उपचार सुरू आहेत.

Siddhivinayak Mandir : मोठी बातमी! सिद्धिविनायक मंदिरातील कथित देणगी घोटाळा प्रकरणी एकनाथ शिंदेंकडून सखोल चौकशीचे आदेश; दोषी आढळ्यास कारवाईचा बडगा!

अक्षय भाटकर, एबीपी माझा — Wed, 5 Aug 2026 09:52:12 +0530

Eknath Shinde मुंबई : मुंबईतील प्रसिद्ध श्री सिद्धिविनायक मंदिरातील (Siddhivinayak Ganapati Mandir) कथित देणगी घोटाळा प्रकरणात एक महत्त्वाची घडामोड समोर आली आहे. राज्याचे उपमुख्यमंत्री एकनाथ शिंदे (Eknath Shinde) यांनी मंदिरात गेल्या पाच वर्षांत प्राप्त झालेल्या रोख देणग्या, दागिने तसेच इतर मौल्यवान वस्तूंचे विशेष लेखापरीक्षण (ऑडिट) करण्याचे आदेश दिले आहेत. मंदिरात आलेल्या देणग्यांची नोंद, आर्थिक व्यवहार, दागिन्यांचा हिशेब आणि त्यांच्या व्यवस्थापनाची सखोल तपासणी या ऑडिटद्वारे केली जाणार असल्याची माहिती आहे.

दरम्यान, या लेखापरीक्षणाचा अहवाल आल्यानंतर संबंधित बाबींवर पुढील निर्णय घेतला जाणार असून, अनियमितता आढळल्यास संबंधितांवर आवश्यक ती कारवाई करण्यात येणार असल्याची माहिती सूत्रांनी दिली आहे. मंदिर न्यासाचे अध्यक्ष सदा सरवणकर यांनी काल (4 ऑगस्ट) एकनाथ शिंदे यांची भेट घेतली होती. या भेटीनंतर उपमुख्यमंत्री एकनाथ शिंदे यांनी मंदिरातच्या चौकशीचे निर्देश दिले आहे.

Siddhivinayak Ganapati Mandir: देणगी घोटाळा प्रकरणात सखोल चौकशीचे आदेश; दोषी आढळ्यास कारवाईचा बडगा!

दरम्यान, श्री सिद्धिविनायक मंदिर न्यासाचे अध्यक्ष सदा सरवणकर यांनी काल (मंगळवार) मंत्रायलात उपमुख्यमंत्री एकनाथ शिंदे यांची भेट घेतली होती. जवळ जवळ 20 मिनटे या दोघांची भेटीदरम्यान चर्चा झाली. या भेटीनंतर मंदिरातील कथित देणगी घोटाळा प्रकरणात महत्त्वाची घडामोड समोर आली आहे. यावेळी अतिरिक्त मुख्य सचिव असीम गुप्त यांना या संदर्भात आदेश देण्यात आले आहे. मंदिरात गेल्या पाच वर्षांत प्राप्त झालेल्या रोख देणग्या, दागिने तसेच इतर मौल्यवान वस्तूंचे विशेष लेखापरीक्षण (ऑडिट) करण्याचे आदेश दिले आहेत. यात मंदिराच्या आर्थिक व्यवहार आणि व्यवस्थापनाची सखोल चौकशी होणार आहे. तसेच यात गैरप्रकार आणि अनियमितता आढळ्यास संबंधितांवर कारवाई केली जाईल, असं सूत्र सांगतायत. पाच वर्षातील देणग्या आणि मौल्यवान वस्तूंचे यामध्ये ऑडिट होणार आहे. अतिरिक्त मुख्य सचिव यांना या संदर्भात अहवाल देण्याचे निर्देश देण्यात आले.

Siddhivinayak Ganapati Mandir: देणग्या, दागिने, इतर मौल्यवान वस्तूंचे विशेष लेखापरीक्षण करण्याचे आदेश

दरम्यान, या संपूर्ण लेखापरीक्षणांमध्ये मंदिरात गेल्या पाच वर्षांत किती देणगी, मौल्यवान दागिने आणि इतर वस्तू देणगी स्वरूपात प्राप्त झाली, त्याचबरोबर किती आर्थिक व्यवहार झालेले आहेत, त्या सगळ्याचा हिशोब देण्यास सांगितलेला आहे. या प्रकरणात व्यवस्थापनाची सखोल तपासणी देखील केली जाणार आहे. कारण गेल्या पाच वर्षांमध्ये ज्याप्रमाणे देणगी आल्या त्यात कुठे अनियमितता आहे का? जर आर्थिक अपहार झाला असेल तर नेमका कोणत्या क्षेत्रात झालेला आहे आणि जे आरोप करण्यात येत आहेत त्यात खरंच तथ्य आहे का? या सर्व बाबींवर या चौकशीत भर देणार येणार असल्याची माहिती आहे.

इतर महत्वाच्या बातम्या

KDMC Hospital Health: चिमुरड्याला इंजेक्शन दिलं अन् डॉक्टरांनी सुई कमरेतच ठेवली; केडीएमसीच्या रुग्णालयातील धक्कादायक प्रकार

सुरेश काटे — Wed, 5 Aug 2026 08:18:08 +0530

KDMC Hospital Doctor: कल्याणमधील केडीएमसीच्या रुक्मिणीबाई रुग्णालयातील धक्कादायक निष्काळजीपणाचा प्रकार समोर आला आहे. भटक्या कुत्र्याने चावा घेतलेल्या अडीच वर्षांच्या चिमुकल्याला रेबीजचे इंजेक्शन देताना सुई (Injection needle) त्याच्या कमरेत अडकून राहिली. मुलाला त्रास सुरू झाल्यानंतर एक्स-रेमध्ये हा प्रकार उघड झाला. अखेर खासगी रुग्णालयात शस्त्रक्रिया करून सुई बाहेर काढण्यात आली असून या प्रकरणी चौकशीचे आदेश देण्यात आले आहेत. यानिमित्ताने सरकारी आणि पालिकेच्या रुग्णालयातील भोंगळ कारभाराचा मुद्दा पुन्हा एकदा ऐरणीवर आला आहे. (Health news)

कावेश पांडे चिमुरडा हा कल्याण पूर्व येथील काका ढाबा परिसरात वास्तव्याला आहे. कल्याण पूर्वेतील अडीच वर्षीय कावेश पांडे याला भटक्या कुत्र्याने चावा घेतल्यानंतर उपचारासाठी रुक्मिणीबाई रुग्णालयात दाखल करण्यात आले होते. मात्र, रेबीजचे इंजेक्शन दिल्यानंतर सुई शरीरातच राहिल्याचा आरोप कुटुंबीयांनी केला आहे. मुलाला त्रास सुरु झाल्यानंतर काढलेल्या एक्स-रेमध्ये सुई कमरेत अडकून असल्याचे समोर आले. त्यानंतर खासगी रुग्णालयात शस्त्रक्रिया करून सुई बाहेर काढण्यात आली. या घटनेमुळे रुग्णालयाच्या कारभारावर प्रश्नचिन्ह निर्माण झाले असून नातेवाईकांनी दोषींवर कठोर कारवाईची मागणी केली आहे. दरम्यान, मुख्य आरोग्य अधिकारी डॉ. दीपा शुक्ला यांनी चौकशीचे आदेश दिले असून इंटर्न डॉक्टरांचा सहभाग होता का, याचाही तपास केला जाणार असल्याचे सांगितले आहे.

कावेशची आई काजल पांडे यांनी प्रसारमाध्यमांशी बोलताना रुग्णालय प्रशासनाच्या निष्काळजीपणाचा पाढा वाचला. आम्ही कावेशला इंजेक्शन देण्यासाठी घेऊन गेलो होतो. इंजेक्शन घेऊन झाल्यावर मुलाच्या कमरेतून सुई बाहेर आली नसल्याचे आम्ही डॉक्टरांना सांगितले. मात्र, डॉक्टरांनी सुई इकडे तिकडे पडली असेल, असे थातुरमातूर उत्तर दिले. तुम्ही मुलाला घरी घेऊन जा. परंतु, प्रत्यक्षात डॉक्टरांनी कावेशला इंजेक्शन देताना सुई इतक्या जोरात कमरेत खुपसली होती की, पूर्ण सुई त्याच्या कमरेत अडकून राहिली. फक्त इंजेक्शनची सिरींज बाहेर आली. मात्र, घरी गेल्यानंतर कावेशला प्रचंड वेदना होऊ लागल्या. त्यामुळे कावेशचे आई-वडील त्याला घेऊन सायन रुग्णालयात गेले. त्याठिकाणीही रुग्णालयाने त्यांना उडवाउडवीची उत्तरे दिली. अखेर कावेशला एका खासगी रुग्णालयात दाखल करण्यात आले. याठिकाणी त्याच्यावर शस्त्रक्रिया करुन त्याच्या कमरेतील सुई बाहेर काढण्यात आली. मात्र, या धक्कादायक घटनेमुळे कल्याण-डोंबिवली परिसरातील आरोग्य व्यवस्थेचे विदारक चित्र समोर आले आहे.

आणखी वाचा

Nagpur Crime: सहा महिन्यांच्या गर्भवतीचा गर्भातील बाळासह संशयास्पद मृत्यू, नातेवाइकांचा खासगी रुग्णालय प्रशासनावर गंभीर आरोप; नागपुरातील खळबळजनक प्रकार

Thane : तुमच्या मुलाला खड्डा दिसला नाही का? पोलिसांचा मृत TDRF जवानाच्या कुटुंबीयांना प्रश्न; मनसेचे अविनाश जाधव संतापले

हितेश पांचाळ — Tue, 4 Aug 2026 18:42:27 +0530

ठाणे : दुसऱ्यांचे जीव वाचवणारे ठाण्यातील TDRF जवान विकास गोरे यांचा ठाण्यातील खड्ड्यांनी जीव घेतला. मात्र त्यावरून पोलिसांचे असंवेदनशील वक्तव्य समोर आलं असून गोरे कुटुंबाला मनस्ताप सहन करावा लागला. तुमच्या मुलाला रस्त्यावरचा खड्डा दिसला नाही का? असा प्रश्न एका पोलीस अधिकाऱ्याने गोरे कुटुंबीयांना विचारला. त्यावर मनसेचे नेते अविनाश जाधव चांगलेच संतापल्याचं दिसून आलं. एखाद्या अधिकाऱ्याच्या मुलाच्या बाबतीत असं काही घडल्याशिवाय त्यांना जाग येणार नाही, अशी प्रतिक्रिया त्यांनी दिली.

शहापूर तालुक्यातील भारंगी नदीच्या पुलाजवळ खड्ड्यात दुचाकी आदळून झालेल्या अपघातात ठाणे TDRF पथकातील जवान विकास लहू गोरे (वय 31) यांचा दुर्दैवी मृत्यू झाला. या घटनेने पुन्हा एकदा प्रशासनाचा भोंगळ कारभार समोर आला असून त्यात सर्वसामान्यांचा बळी जात असल्याने सर्वत्र संतापाची लाट उसळली आहे. त्यातच एका पोलीस अधिकाऱ्याने गोरे कुटुंबीयांना 'तुमच्या मुलाला रस्त्यावरचा खड्डा दिसला नाही का?' असा प्रश्न विचारला.

Avinash Jadhav MNS : अविनाश जाधव यांचे प्रत्युत्तर

पोलीस अधिकाऱ्याच्या असंवेदनशील वक्तव्यावर अविनाश जाधव म्हणाले की, " त्याला रस्त्यावरचा पुढे येणारा खड्डा दिसायला तो काय ज्योतिषी होता का? दुःखात असताना त्याच्या कुटुंबांला हा प्रश्न विचारणे हे चुकीचे आहे. ज्याने कोणी असा प्रश्न विचारला आहे त्याने एक दिवस आमच्या सोबत यावं, रस्त्यावर बाईक चालून दाखवावे. समोरचे खड्डे कसे अचानक येतात ते आम्ही त्याला दाखवून देतो. अशा प्रकारचं वक्तव्य करून त्या कुटुंबाचे मनोधैर्य तोडण्याचं काम पोलिसांनी कृपया करू नये.

Thane TDRF Jawan Death : ठेकेदारावर गुन्हा दाखल करण्याची मागणी

ठाणे महापालिकेतील नेत्यांना किंवा अधिकाऱ्यांना लोकांशी काही घेणं देणं नाही. कुणी मेलं किंवा कुणाला काही झालं तर यांना काही फरक पडत नाही, असं अविनाश जाधव म्हणाले, ते म्हणाले की, "ज्यांच्यामुळे खड्डे होतात, ज्यांनी करोडो रुपये खड्डे भरण्यासाठी सरकारकडून घेतले आहेत त्यांच्यावर गुन्हा दाखल होणे गरजेचे आहे. त्या ठेकेदारावर गुन्हा दाखल व्हावा. मी स्वतः उद्या त्याच्या विरोधात पोलीस स्टेशनमध्ये गुन्हा दाखल करण्यासाठी जाणार आहे."

अविनाश जाधव म्हणाले की, "प्रशासनाला वाटतं की एखादा माणूस गेल्यानंतर दोन दिवस बोंबाबोंब होते, नंतर लोक विसरून जातात. मनसे मात्र यापुढे या सगळ्या गोष्टींचा पाठपुरावा करेल. एखाद्या अधिकाऱ्यांच्या मुलाबाबत अशी गोष्ट घडत नाही तोपर्यंत यांचे डोळे उघडणार नाहीत. माझी देवाकडे प्रार्थना आहे की अधिकाऱ्यांचे डोळे उघडावेत आणि कोणाचाही बळी अशा खड्ड्यांमध्ये जाऊ नये."

Thane Bhiwandi Accident : खड्ड्यांच्या नावाखाली कोट्यवधी खातात

ठाणे महापालिकेच्या अधिकाऱ्यांवर आणि सत्ताधाऱ्यांवर टीका करताना अविनाश जाधव म्हणाले की, "नालेसफाई असो वा खड्ड्यांच्या बाबतीत असो, कोट्यवधी रुपयांचे टेंडर काढले जाते. अधिकाऱ्यांचा आणि राजकीय नेत्यांचा हा व्यवसाय आहे. प्रत्येक पावसाळ्यामध्ये खड्डे बुजवण्यासाठी टेंडर काढणं आणि त्यातून पैसे कमावणे हा त्यांचा धंदा आहे आणि म्हणूनच रस्त्यांची परिस्थिती जैसे थे आहे. घोडबंदर रोडचे खड्डे दुरुस्त व्हावे यासाठी कितीतरी आंदोलन झाली, मात्र परिस्थिती जैसे थे आहे. खड्डे कायमस्वरूपी बुजले तर यांचं पोट कसं भरेल? यांचं पगारावर पोट चालत नाही यांचे कमिशन वर पोट चालतं. जोपर्यंत या अधिकाऱ्यांना आपण झोडत नाहीत तोपर्यंत त्यांना अक्कल येणार नाही."

ही बातमी वाचा:

दोन वर्षांपूर्वी लग्न, 2 जुळ्या मुली; ठाण्यातील मृत TDRF जवानाच्या कुटुंबीयांचा आक्रोश, ठाणे महापौरांकडून आश्वासन

तरणाबांड मुलगा जिवानीशी गेला, ठेकेदारावर गुन्हा दाखल करण्याची कुटुंबीयांची मागणी; पोलिसांची पीडित काकालाच धमकी

अनिल वर्मा, एबीपी माझा — Tue, 4 Aug 2026 16:20:57 +0530

ठाणे : जिल्ह्याच्या भिवंडी येथे नाशिक महामार्गावरील खड्ड्यात बुलेट आदळल्याने ठाणे येथील टीडीआरएफ जवान विकास गोरे यांचा दुर्दैवी मृत्यू झाला. या मृत्युनंतर सर्वत्र हळहळ आणि संतापही व्यक्त झाल्याचं पाहायला मिळालं. विरोधकांनी देखील खड्ड्यामुळे होणारे अपघात (Accident) आणि सर्वसामान्य नागरिकांच्या जीवघेण्या प्रवासावरुन सरकारला लक्ष्य केलं. मात्र, पोलीस प्रशासनाला भिवंडीतील या दुर्घटनेचं गांभीर्य आहे की नाही, असा प्रश्न उपस्थित झाला आहे. भिवंडीतील टीडीआरएफ जवानाच्या अपघातानंतर संबंधित ठेकेदारांवर कारवाईची मागणी करण्यासाठी कुटुंबीयांनी शहापूर पोलीस ठाण्यात धाव घेतली. मात्र, पोलिसांनी (Police) पीडित कुटुंबीयांनाच सुनावल्याचा धक्कादायक प्रकार समोर आला आहे.

आपल्या मुलाच्या मृत्यूचं दु:ख घेऊन गोरे कुटुंबीय आज पोलीस ठाण्यात गेले होते. याप्रकरणी, संबंधित ठेकेदारावर गुन्हा दाखल करण्याची मागणी त्यांच्याकडून करण्यात आली. मात्र, "तुमच्या मुलालाच खड्डा दिसला नाही का?" असा उलट सवाल पोलिसांनी नातेवाईकांना केला. तक्रार नोंदविण्याऐवजी मृत जवानावरच गुन्हा दाखल करण्याची भाषा पोलिसांनी केल्याचा दावा पीडित कुटुंबीयांकडून केला जात आहे. ठेकेदारांवर गुन्हा दाखल व्हावा म्हणून गेलो होतो, मात्र पोलिसांनी उलट आम्हालाच सुनावले, असे विकासच्या काकांनी म्हटलं आहे. तर, याबाबत पोलिसांनी देखील स्पष्टीकरण दिलंय.

नाशिक रोडवर काल सकाळी अपघाताची घटना घडलेली आहे, खड्ड्यामुळे हा अपघात घडला अशी तक्रार दाखल झालेली आहे. मयत व्यक्तीच्या भावाची मी भेट घेतली, पोलीस ठाण्यात मी त्यांच्याशी बोललो. नियमानुसार एडीआर (एफआयआर) दाखल केलेला आहे, त्याची चौकशी तपासाप्रमाणे सुरू आहे, अशी प्रतिक्रिया डी.वाय.एस.पी विशाल नागरगोजे यांनी दिली. तसेच, खड्ड्यामुळे अपघात झालेला असं निष्पन्न झालं तर ठेकेदार आणि संबंधित जबाबदार अधिकारी असतील त्यांच्यावरती गुन्हा दाखल करणार आहे. एमएसआरडीसी आणि नॅशनल हायवेचे इंजिनियर यांच्याशी बोलणं झालेलं आहे, त्यांच्याबरोबर बैठक देखील आयोजित केलेली आहे. खड्डे देखील तात्काळ गतिमानाने बुजवण्याच्या सूचना आम्ही दिलेल्या आहेत. जी घटना घडली, त्यानंतर तात्काळ शहापूर पोलीस स्टेशन आणि मी घटनास्थळी भेट दिलेली आहे. योग्य पुरावे फोटोग्राफ, व्हिडिओग्राफ आमच्याकडे आहेत, कुठलाही पुरावा नष्ट झालेला नाही, असेही नागरगोजे यांनी स्पष्ट केले. तसेच, मृत व्यक्तीच्या नातेवाईकांना कोणी असं बोललं असेल तर त्याची चौकशी करून योग्य ती कारवाई करू, असेही त्यांनी स्पष्ट केले.

पोलिसांची चौकशी करू - नागरगोजे

दरम्यान, याप्रकरणी काल एडीआर दाखल केलेला आहे पंचनामा पोस्टमार्टम करून साक्षीदारांची जबब घेण्याचं काम सुरू आहे. नागरिकांना आमचा आव्हान आहे की, ती घटना कोणी पाहिली असेल तर प्रत्यक्षदर्शीनी येऊन आपला जवाब नोंदवावा, असे आवाहन देखील पोलिसांनी केलं आहे.

हेही वाचा

तानाजी सावंत अन् मोटेंचे समर्थक भिडले; धाराशिवमध्ये महायुतीत राडा, शिवसेना-राष्ट्रवादी भिडले, 10 गाड्या फोडल्या

Thane Crime News: ‘रिंकू कुठे आहे? त्याला आज संपवून टाकतो’; हातात चॉपर घेऊन हॉटेलमध्ये धुडगूस, ठाण्यातील धक्कादायक घटना

अक्षय भाटकर, एबीपी माझा, मुंबई — Tue, 4 Aug 2026 15:44:21 +0530

Thane Crime News: ठाणे (Thane) रेल्वे स्थानक (Railway Station) परिसरातील कॅनन हॉटेल येथे मंगळवारी (4 ऑगस्ट) पहाटे एका व्यक्तीने धारदार चॉपर हातात घेऊन प्रवेश करत मोठा धुडगूस घातल्याची धक्कादायक घटना समोर आली आहे. हॉटेलच्या व्यवस्थापकाला जीवे मारण्याची धमकी देत आरोपीने हॉटेलमध्ये तोडफोड केली. या घटनेत सुमारे सव्वा लाख रुपयांचे नुकसान झाल्याची नोंद पोलिसांकडे करण्यात आली आहे.

पोलिसांनी दिलेल्या माहितीनुसार, आरोपीने सुरुवातीला हॉटेलबाहेर उभ्या असलेल्या कर्मचाऱ्याकडे दोन हजार रुपयांची मागणी केली. मात्र कर्मचाऱ्याने पैसे देण्यास नकार दिल्यानंतर आरोपी संतापला. त्यानंतर त्याने हॉटेलच्या व्यवस्थापकाला फोन करून पैशांची मागणी केली आणि काही वेळातच थेट हॉटेलमध्ये दाखल झाला.

Thane Crime News: चॉपर हातात घेत हॉटेलमध्ये निर्माण केली दहशत

हॉटेलमध्ये आल्यानंतर आरोपी अधिक आक्रमक झाला. त्याने हातात धारदार चॉपर घेत हॉटेलमध्ये दहशतीचे वातावरण निर्माण केले. यावेळी तो मोठ्याने ओरडत, "रिंकू कुठे आहे? त्याला कापून टाकतो, आज त्याला संपवून टाकतो," अशा शब्दांत धमक्या देत होता. आरोपीच्या या आक्रमक वर्तनामुळे हॉटेलमधील कर्मचारी आणि ग्राहकांमध्ये एकच भीतीचे वातावरण पसरले.

Thane Crime News: एसी विभागासह हॉटेलची तोडफोड

यानंतर आरोपीने हॉटेलच्या एसी विभागात तोडफोड सुरू केली. हॉटेलमधील काचेचे साहित्य, फर्निचर आणि इतर वस्तूंची मोठ्या प्रमाणात मोडतोड करण्यात आली. तक्रारीनुसार, या तोडफोडीत हॉटेलचे अंदाजे सव्वा लाख रुपयांचे नुकसान झाले आहे.

Thane Crime News: गुन्हा दाखल

या घटनेत फुटलेल्या काचा खाली पडल्याने हॉटेलमध्ये उपस्थित कर्मचारी आणि ग्राहकांच्या जीवाला गंभीर धोका निर्माण झाला होता. फुटलेल्या काचा कोणाच्या अंगावर पडल्या असत्या तर गंभीर दुखापत किंवा जीवितहानी होण्याची शक्यता होती. त्यामुळे ही घटना अधिक गंभीर मानली जात आहे. या प्रकरणी ठाणेनगर पोलीस ठाण्यात आरोपीविरुद्ध विविध कलमान्वये गुन्हा दाखल करण्यात आला आहे. या गुन्ह्याचा पुढील तपास पोलीस उपनिरीक्षक सोनाली दिलीप आहिरे करत आहेत. दरम्यान, रेल्वे स्थानकासारख्या गर्दीच्या परिसरात भर पहाटे चॉपर घेऊन हॉटेलमध्ये घुसून दहशत निर्माण केल्याने नागरिकांच्या सुरक्षेचा प्रश्न पुन्हा ऐरणीवर आला आहे. आरोपीचा नेमका उद्देश काय होता, तसेच त्याने पैशांची मागणी का केली, याचा तपास पोलीस करत आहेत.

राज्य आणि देश-विदेशातील महत्त्वाच्या बातम्या; पाहा व्हिडीओ

आणखी वाचा

Air India Flight Turbulence: एअर इंडियाचे विमान थांबले, उलटे-सुलटे झाले; अचानक भीषण टर्ब्युलन्स, अनेकजण जखमी, प्रवाशाने सांगितला थरारक प्रसंग

Ulhasnagar Municipal Corporation: उल्हासनगर महापालिकेचे मुख्यालयच अतिधोकादायक! महापौर, 78 नगरसेवकांसह अधिकाऱ्यांवर भीतीची टांगती तलवार

विकास माने — Tue, 4 Aug 2026 06:59:25 +0530

Ulhasnagar Municipal Corporation ठाणे : उल्हासनगर शहराच्या महापौर यांच्यासह 78 नगरसेवक आणि जवळपास एक हजार अधिकारी कर्मचारी कामकाज करत असलेल्या उल्हासनगर महापालिकेचे मुख्यालयच (Ulhasnagar Municipal Corporation building) धोकादायक अवस्थेत असल्याची बाब समोर आलीय. तर सध्या सुरू असलेल्या पावसात महापालिका इमारतीची अधिकच दुरावस्था आणि धोकादायक अवस्था दिसून येतेय. मागील आठवड्यात भिवंडीत घडलेल्या घटनेनंतर पुन्हा एकदा धोकादायक इमारतीचा (Dangerous Building) प्रश्न ऐरणीवर आलाय. उल्हासनगर शहरातील धोकादायक इमारतीची माहिती घेतली असता महापालिकेने पावसाळ्यापूर्वी 427 इमारती धोकादायक म्हणून जाहीर केल्या आणि यात पालिकेची मुख्य इमारतच धोकादायक असल्याचं पुन्हा उघड झालं. गेल्या दोन वर्षांपासून महापालिका मुख्यालयासाठी पर्यायी जागा शोधली जातेय. परंतु महापालिका प्रशासनाला यश आलेले नाही.

दरम्यान, खरंच ही इमारत धोकादायक अवस्थेत आहे का? हे जाणून घेण्याचा प्रयत्न केला असाता यावेळी दुसऱ्या मजल्यावरील उपआयुक्तांच्या दालना बाजूलाल धक्कादाययक वास्तव समोर आलं आहे. त्यामुळे प्रशासन या गंभीर प्रकरणाची वेळीच दखल घेणार का? हे पाहणं महत्वाचे आहे.

Ulhasnagar Municipal Corporation: मुख्यालयच धोकादायक स्थितीत असल्याचं सत्ताधारी शिवसेनेने केलं मान्य

उल्हासनगर महापालिकेचे मुख्यालयच धोकादायक स्थितीत असल्याचं सत्ताधारी शिवसेनेने मान्य केलं. मात्र सरकारी निधीची महापालिकेकडून वाट पाहिली जातेय. दुसऱ्या जागी व्यवस्था झाल्यास लवकरच तिथे स्थलांतर होईल, अशी माहिती सत्तेतील शिवसेनेच्या ज्येष्ठ नगरसेवक महेश सुखरामानी यांनी दिली आहे. मागील वर्षभरापासून आमदार कुमार आयलानी यांच्याकडून महापालिकेच्या इमारतीसाठी जिल्हा नियोजन समितीसह मुख्यमंत्री आणि उपमुख्यमंत्र्यांकडे पाठपुरावा केला जातोय. उल्हासनगरमध्ये ज्या पद्धतीने धोकादायक इमारती कोसळण्याच्या घटना घडतात. तशी घटना इथे होऊ नये अशी भीती स्वतः आमदारांनी व्यक्त केली. अधिकाऱ्यांसह 78 नगरसेवकांच्या जीवाला धोका असताना देखील हे गंभीरतेने का घेतले जात नाही. असा सवाल उल्हासनगरचे भाजपचे आमदार कुमार आयलानी यांनी उपस्थित केलाय.

Ulhasnagar Municipal Corporation: 427 इमारती धोकादायक म्हणून जाहीर

नुकतेच भिवंडी शहरातील गंगारामवाडी परिसरातील कोहिनूर इमारत कोसळून 10 जणांचा मृत्यू आणि तीन जण जखमी झाल्याची घटना घडली होती. या दुर्घटनेप्रकरणी अखेर निझामपूर महानगरपालिकेच्या तक्रारीवरून बिल्डिंग मालक आणि दुरुस्तीचे काम करणाऱ्या कंत्राटदाराविरुद्ध गुन्हा दाखल करण्यात आला आहे. या प्रकरणी कोणतीही आवश्यक परवानगी न घेता निकृष्ट दर्जाचे बांधकाम केल्याचा आरोप बिल्डिंग मालक बिलाल अहमद अबूबकर खान याच्यावर ठेवण्यात आला आहे. तसेच इमारतीच्या पिलरच्या दुरुस्तीचे काम करणारा कंत्राटदार अशोक यालाही आरोपी करण्यात आले आहे. दरम्यान या प्रकरणानंतर उल्हासनगर शहरातील धोकादायक इमारतीची माहिती घेतली असता महापालिकेने पावसाळ्यापूर्वी 427 इमारती धोकादायक म्हणून जाहीर केल्या आणि यात पालिकेची मुख्य इमारतच धोकादायक असल्याचं पुन्हा उघड झालं.

इतर महत्वाच्या बातम्या

Nashik Land Scam : शेतकऱ्याने पूर्ण कर्ज फेडले, तरीही बँकेने जमीन परस्पर विकली; पोलिसांनीही माणुसकी सोडली, जबरदस्तीने जमिनीचा ताबा

दोन वर्षांपूर्वी लग्न, 2 जुळ्या मुली; ठाण्यातील मृत TDRF जवानाच्या कुटुंबीयांचा आक्रोश, ठाणे महापौरांकडून आश्वासन

अनिल वर्मा, एबीपी माझा — Mon, 3 Aug 2026 19:11:30 +0530

ठाणे : जिल्ह्याच्या शहापूर (Bhiwandi) तालुक्यातील बामणे गावातील रहिवासी विकास लहू गोरे याचा मुंबई नाशिक महामार्गावरील भारंगी नदीच्या पुलाजवळ खड्ड्यामुळे अपघात झाला. टीडीआरएफ जवान विकास गोरे (३१) वर्ष असे त्याचे नाव असून दोन वर्षांपूर्वीच त्याचं लग्न झालं होतं. त्यांना एक वर्ष तीन महिन्याच्या दोन जुळ्या मुलीही आहेत. दररोज प्रमाणे ते आपले कर्तव्य बजावण्यासाठी कामावर निघाले होते. मात्र, मुंबई नाशिक महामार्गावर ठाण्याचे दिशेने जात असताना शहापूर येथील भारंगी नदीच्या पुलाजवळ खड्ड्यामध्ये त्यांची दुचाकी आदळली आणि ते घसरत डिव्हायडरला जाऊन धडकले. या अपघातात (Accident) त्यांना गंभीर दुखापत झाली स्थानिकांनी तात्काळ त्यांना रुग्णालयात नेलं. परंतु, उपचारादरम्यान त्यांचा मृत्यू झाला, या घटनेमुळे परिसरात हळहळ व्यक्त केली जात आहे.

अपघातानंतर बोलताना मृत विकास गोरे यांच्या पत्नी कविता गोरे यांनी म्हटले की, माझ्या पतीचा जीव खड्ड्याने घेतला मला अजून काही समजत नाही. या दोन लहान मुलींना मी कसं सांभाळू, प्रशासनाने या दोन मुलींसाठी काहीतरी मदत केली पाहिजे. विकास म्हणाले होते की मुलीची तब्येत बरोबर नाही, आपण तिला दवाखान्यात घेऊन जाऊ, मी काम करून येतो मग मुलीला दवाखान्यात घेऊन जाऊ. परंतु, त्याआधीच त्यांच्या अपघाताची बातमी घरात आली. या घटनेने गोरे कुटुंबीयांवर दुःखाचा डोंगर कोसळला आहे. तर, विकासच्या आई कुंदाबाई यांनी प्रशासनाला दोषी ठरवत या खड्ड्यामुळेच माझ्या मुलाचा मृत्यू झाल्याचं म्हटलं. तसेच, प्रशासनाने तात्काळ हे खड्डे दुरुस्त करावे, त्यांच्या मुलींचा भविष्याचा विचार करावा व नोकरी द्यावी अशी मागणीही त्यांनी केली आहे. या दुर्दैवी घटनेमुळे कुटुंबीयांचे रडून हाल झाले आहेत.

स्थानिक व वर्ग मित्रांकडून हळहळ

विकास हा सर्वांना सांभाळून घेणारा होता, तो लहान मुलांना प्रोत्साहन द्यायचा. घडलेली घटना ही अतिशय दुःखद असून सरकार खड्ड्यांमुळे अजून किती जणांचा बळी घेणार आहे. शहरात किंवा ग्रामीण भागात जिथे आपात्कालीन परिस्थिती असेल तिथे प्रथम मदत करण्यास पोहोचत असे. एवढेच नव्हे तर त्याच्या वर्ग मित्रांनी सांगितले की, तो सगळ्यांना चांगली शिकवण द्यायचा, त्याच्यासमोर गावातील तरुण मुलं व्यसन करत नसत. त्याने आतापर्यंत अनेकांचे जीव वाचवले आहेत. परंतु, प्रशासनाच्या भोंगळ कारभार आणि हलगर्जीपणामुळे आज आमच्या जिवलग मित्राला गमावला आहे, अशी प्रतिक्रिया विकासच्या वर्गमित्रांनी दिली.

विकास हा ठाणे आपत्ती प्रतिसाद दलामध्ये 2019 पासूनचा कार्यकर्ता आहे. 2024 साली परमनंट झाला असून त्याची कामगिरी अतिशय चांगली होती. नुकताच भिवंडी येथे झालेल्या इमारत दुर्घटनेत 10 मृतदेह ढिगाऱ्याखालून काढण्यात त्याने मोलाची कामगिरी केली होती. मात्र, मुंबई नाशिक महामार्गावर पडलेल्या खड्ड्यांमुळे झालेल्या अपघात अतिशय दुर्दैवी असल्याचे TDRF ऑफिसर ऑफिसर सचिन दुबे यांनी सांगितले.

महापौर शर्मिला पिंपळोलकर काय म्हणाल्या

विकास लहू गोरे हे टीडीआरएफचे जवान होते, ते शहापूरवरुन ठाण्यात कामावर येत असताना खड्ड्यांमुळे त्यांचा दुर्दैवी अपघात झाला. ठाणे महानगरपालिकेकडून अशा ज्या घटना होतात, त्या कर्मचाऱ्यांसाठी उपाययोजना केलेली आहे. त्यानुसार, इन्शुरन्सच्या अंतर्गत 25 लाख रुपये देणार आहोत, त्याबद्दलची चर्चा आयुक्त आणि माझ्यासोबत होणार आहे. तसेच, त्यांच्या कुटुंबातील एका व्यक्तीला कामावर रुजू करण्यात येईल, असे महापौर शर्मिला पिंपळोलकर यांनी सांगितले. ठाणे महानगरपालिकेत खड्या संदर्भात पुन्हा एकदा महापालिकेच्या अधिकाऱ्यांना सूचना केल्या आहेत. दोन-तीन महिने अजून पाऊस संततधार असणार आहे. त्यामुळे लवकरात लवकर या सर्व खड्ड्यांची पाहणी करून सगळे खड्डे भरण्याच्या आदेश दिले आहेत. या खड्ड्यांमुळे कोणाचा मृत्यू होऊ नये. यासाठी महानगरपालिका खबरदारी घेत आहोत, असेही महापौरांनी म्हटले.

हेही वाचा

मुंबईच्या SRA कार्यालयातील भेटीनंतर रोहित पवार ब्रीच कँडी रुग्णालयात; त्रास जाणवू लागल्याने उपचारासाठी दाखल

मोठी बातमी : श्रीकांत शिंदेंविरुद्ध लढलेल्या ठाकरेंच्या वैशाली दरेकरांनी पद सोडलं, राजीनामा पत्रात म्हणाल्या...

वेदांत नेब — Mon, 3 Aug 2026 17:02:40 +0530

मुंबई : ठाकरेंच्या शिवसेना (Shivsena) पक्षातील गळती काही केल्या कमी होताना दिसून येत नाही. गेल्याच महिन्यात ऑपरेशन टायगरच्या अंतर्गत ठाकरेंच्या सहा खासदारांनी आपला स्वतंत्र गट स्थापन करत उद्धव ठाकरेंना जय महाराष्ट्र केला. त्यानंतर, या सहाही खासदारांनी एकनाथ शिंदेंच्या उपस्थितीत शिवसेना पक्षात प्रवेश केला. तर, इतरही ठिकाणी जिल्हास्तरावर पक्षात काही बदल होत असल्याचं सातत्याने दिसून येतं. आता, ठाकरेंच्या शिवसेनेकडून लोकसभा (Kalyan) निवडणूक लढवलेल्या वैशाली दरेकर यांनी आपल्या पदाचा राजीनामा दिला आहे. त्यामुळे, वैशाली दरेकर आता कोणत्या पक्षात प्रवेश करणार याची चर्चा राजकीय वर्तुळात होत आहे.

शिवसेना उद्धव बाळासाहेब ठाकरे पक्षाच्या कल्याण लोकसभा जिल्हा महिला संघटक वैशाली दरेकर राणे यांनी आपल्या पदाचा राजीनामा दिला आहे. वैशाली दरेकर यांनी कल्याण लोकसभा मतदारसंघात उबाठामधून उमेदवारी घेत खासदार श्रीकांत शिंदे यांच्या विरोधात निवडणूक लढवली होती. मात्र, आता वैयक्तिक कारणास्तव आपण पक्षाच्या कामाला वेळ देऊ शकत नसल्याने पदाचा राजीनामा दिल्याचे त्यांनी म्हटले आहे.

''साहेब, मी वैशाली दरेकर राणे, महिला जिल्हासंघटक या पदावर दोन वर्षापासून कार्यरत आहे. परंतु, सध्या माझ्या वैयक्तिक कर्तव्यांमुळे मी सदर पदाला न्याय आणि वेळ देऊ शकत नाही. म्हणून, माझ्या महिला जिल्हा संघटक या पदाचा मी स्वेच्छेने राजीनामा देत आहे, त्याचा स्विकार करावा ही विनंती,'' असा मजकूर वैशाली दरेकर यांनी आपल्या राजीनामा पत्रात लिहिला आहे.

उद्धव ठाकरेंचा पारा चढला

ठाणे जिल्ह्यात शिवसेना (उद्धव बाळासाहेब ठाकरे) पक्षसंघटन मजबूत करण्यासाठी आणि नवीन पदाधिकाऱ्यांच्या नियुक्तीसंदर्भात 'मातोश्री'वर बोलावण्यात आलेल्या बैठकीत जोरदार राडा झाला. शिवसेना पक्षप्रमुख उद्धव ठाकरे यांच्या उपस्थितीतच ठाण्यातील दोन गटांच्या पदाधिकाऱ्यांमध्ये तीव्र शाब्दिक बाचाबाची झाली. हा प्रकार पाहून उद्धव ठाकरे अत्यंत संतापले आणि त्यांनी सर्व पदाधिकाऱ्यांची चांगलीच कानउघाडणी केली. ठाण्यातील कळवा आणि कल्याण मतदारसंघातील पक्षसंघटनेचा आढावा घेण्यासाठी या महत्त्वपूर्ण बैठकीचे आयोजन करण्यात आले होते. त्यावेळी कल्याणमधील काही पदाधिकाऱ्यांच्या हकालपट्टीवरून हा वाद झाल्याची माहिती सूत्रांनी दिली.

हेही वाचा

Uddhav Thackeray : 'मातोश्री'वरील बैठकीत पदाधिकाऱ्यांत जुंपली, उद्धव ठाकरेंचा पारा चढला अन्...