भिवंडीत गादी व पेपर रोलच्या गोदामाला भीषण आग, आगीत दहा ते बारा गोदामं जळून खाक

 भिवंडी तालुक्यातील मानकोली येथील हरिहर कंपाऊंड परिसरात गादी व पेपर रोलच्या गोदामाला भीषण आग लागल्याची घटना घड़ली आहे.

Bhiwandi fire News

Source : Getty Images

Bhiwandi fire News :  भिवंडी तालुक्यातील मानकोली येथील हरिहर कंपाऊंड परिसरात गादी व पेपर रोलच्या गोदामाला भीषण आग लागल्याची घटना घड़ली आहे. या आगीत 10 ते 12 गोदामे जळून खाक झाली आहेत. शॉर्टसर्किटने आग लागल्याची प्राथमिक माहिती मिळाली आहे. पहिला मजला व दुसरा मजला आगीच्या भक्षस्थानी आहे. आगीवर नियंत्रण मिळवण्यासाठी भिवंडी अग्निशमन दलाच्या तीन गाड्या दाखल झाल्या आहेत. आगीवर नियंत्रण मिळवण्यासाठी शर्थीचे प्रयत्न सुरु आहेत. 

भिवंडी तालुक्यात धक्कादायक घटना घडली आहे. मानकोली येथील हरिहर कंपाऊंड परिसरात गादी व पेपर रोलच्या गोदामाला भीषण आग लागली आहे. यामुळं तीन ते चार गोदामे जळून खाक झाली आहे. यामुळं मोठं नुकसान झालं आहे. शॉर्टसर्किटने आग लागल्याची माहिती मिळत आहे. अग्निशामक दल्याच्या गाड्या घटनास्थळी दाखल झाल्या आहेत. आगीवर नियंत्रण मिळवण्याचे प्रयत्न सुरु करण्यात आले आहेत. 

प्राथमिक माहितीनुसार शॉर्टसर्किटमुळे आग लागल्याचा अंदाज व्यक्त करण्यात येत आहे. टोरंट पावर या वीज वितरण कंपनीला माहिती दिल्यानंतर त्यांना पोहोचण्यास उशीर झाला आणि तोपर्यंत ही आग मोठ्या प्रमाणात पसरली व या आगीत सुमारे 10 ते 12 गोदाम पूर्णतः जळून खाक झाली असून इमारतींच्या पहिल्या व दुसऱ्या मजल्यालाही आगीचा मोठा फटका बसला आहे. आगीची तीव्रता लक्षात घेता भिवंडी अग्निशमन दलाच्या तीन गाड्या घटनास्थळी दाखल झाल्या असून आग नियंत्रणात आणण्यासाठी शर्थीचे प्रयत्न सुरू आहेत. सुदैवाने या घटनेत कोणतीही जीवितहानी झालेली नसली तरी मोठ्या प्रमाणात आर्थिक नुकसान झाल्याची माहिती समोर येत आहे. आग पूर्णपणे कधी नियंत्रणात येते याकडे लक्ष लागले असून अग्निशमन दलाच्या जवानांकडून शर्तीचे प्रयत्न सुरू आहे

महत्वाच्या बातम्या: