SRH VS KKR Score IPL 2026 : हैदराबादच्या 'गडावर' कोलकाताचा झेंडा; SRH ला घरच्या मैदानावर पराभवाचा धक्का

Sunrisers Hyderabad vs Kolkata Knight Riders Live Update : दुपारच्या सामन्यात सनराइजर्स हैदराबाद और कोलकाता नाइट राइडर्स यांच्यात जोरदार लढत होणार आहे.

पार्श्वभूमी

Sunrisers Hyderabad vs Kolkata Knight Riders Live Update In Marathi : आयपीएल 2026 मध्ये आज (3 मे, रविवार) सुपर संडेचा धमाका पाहायला मिळणार आहे. डबल हेडरमुळे क्रिकेट चाहत्यांची मेजवानी रंगणार असून चार ताकदवान संघ मैदानात आमनेसामने येणार आहेत. स्पर्धा आता निर्णायक टप्प्यात पोहोचली असून प्लेऑफची शर्यत दिवसेंदिवस अधिकच रंगतदार होत चालली आहे. प्रत्येक सामन्याचं महत्त्व प्रचंड वाढलं आहे, एक पराभव म्हणजे थेट बाहेर पडण्याचा धोका येऊ शकतो.दुपारच्या सामन्यात सनराइजर्स हैदराबाद और कोलकाता नाइट राइडर्स यांच्यात जोरदार लढत होणार आहे. हैदराबाद सध्या जबरदस्त फॉर्ममध्ये असून सलग पाच विजयांसह ते विजयाच्या रथावर स्वार आहेत. त्यांच्या खेळात आत्मविश्वास ओसंडून वाहताना दिसतोय. दुसरीकडे, कोलकातानेही मागील दोन सामने जिंकून पुनरागमन केलं आहे.

03/05/2026 19:05:10

SRH VS KKR Score IPL 2026 : हैदराबादच्या 'गडावर' कोलकाताचा झेंडा; SRH ला घरच्या मैदानावर पराभवाचा धक्का

आयपीएल 2026 च्या 45 व्या सामन्यात, कोलकाता नाइट रायडर्सने आपल्या घरच्या मैदानावर सनरायझर्स हैदराबादचा 7 गडी राखून पराभव केला.

नाणेफेक जिंकल्यानंतर, सनरायझर्स हैदराबादचा संघ 19 षटकांत 10 गडी गमावून 165 धावांवर सर्वबाद झाला.

कोलकाता नाइट रायडर्सने 16.3 षटकांत 3 गडी गमावून 169 धावा करत हे लक्ष्य गाठले आणि 7 गडी राखून विजय मिळवला.

03/05/2026 17:24:32

SRH VS KKR Live Score IPL 2026 : 105 धावांवर 1 विकेट, त्यानंतर काव्या मारनची हैदराबाद 165 वर ऑलआऊट! कोलकाता नाईट रायडर्ससमोर 166 धावांचे लक्ष्य

आयपीएल 2026 च्या 45 व्या सामन्यात सनरायझर्स हैदराबाद आणि कोलकाता नाईट रायडर्स (KKR) यांच्यात राजीव गांधी आंतरराष्ट्रीय स्टेडियमवर चुरशीची लढत पाहायला मिळत आहे. 

नाणेफेक जिंकून प्रथम फलंदाजी करण्याचा हैदराबादचा निर्णय आज काहीसा अंगलट आला असून, पूर्ण 20 षटके खेळण्यापूर्वीच त्यांचा डाव 165 धावांवर संपुष्टात आला. 

हैदराबादची सुरुवात नेहमीप्रमाणे वादळी झाली.

ट्रॅव्हिस हेडने फक्त 28 चेंडूत 61 धावांची स्फोटक खेळी करत मैदानावर चौकार आणि षटकारांचा पाऊस पाडला. 

त्याला अभिषेक शर्माने (15 धावा) चांगली साथ दिली. या जोडीने पहिल्या विकेटसाठी 44 धावांची भागीदारी केली.

मात्र, अभिषेक बाद झाल्यानंतर हैदराबादच्या डावाला गळती लागली.

इशान किशनने एका बाजूने किल्ला लढवत 29 चेंडूत 42 धावा केल्या.

मात्र, मधल्या फळीतील इतर फलंदाजांनी निराशा केली.

हेनरिक क्लासेन (11), स्मरण रविचंद्रन (4) आणि अनिकेत वर्मा (6) स्वस्तात तंबूत परतले. केकेआरच्या फिरकीने हैदराबादच्या फलंदाजांना आपल्या जाळ्यात अडकवले.

कोलकाता नाईट रायडर्सच्या गोलंदाजांनी आज अत्यंत शिस्तबद्ध मारा केला.

वरुण चक्रवर्तीने 3 महत्त्वाचे बळी घेतले. त्याला अनुभवी सुनील नरेन याने चोख साथ दिली. नरेनने 2 गडी बाद केले.

वेगवान गोलंदाज कार्तिक त्यागीने पण 3 बळी मिळवले आणि 

एकवेळ 8.6 षटकांत 105 धावांवर 1 गडी बाद अशा मजबूत स्थितीत असलेला हैदराबादचा संघ 19 व्या षटकापर्यंत 165 धावांत गारद झाला. 

03/05/2026 15:11:39

SRH VS KKR Live Score IPL 2026 : KKR मध्येही मोठे बदल

कोलकाता नाईट रायडर्सचा कर्णधार अजिंक्य रहाणेने सांगितले की, त्यांनाही प्रथम फलंदाजी करायची होती, मात्र आता धावांचा पाठलाग करण्याचे आव्हान त्यांच्यासमोर असेल. केकेआरने देखील संघात दोन बदल केले आहेत. यष्टीरक्षक टिम सेफर्टच्या जागी फिन ॲलन (Finn Allen) याला संधी मिळाली आहे, तर रमणदीप सिंगच्या जागी अनुभवी मनिष पांडे या मोसमातील आपला पहिला सामना खेळणार आहे.

03/05/2026 15:11:15

SRH VS KKR Live Score IPL 2026 : नितीश कुमार रेड्डी बाहेर, नेमकं काय झालं?

हैदराबादच्या संघात आज दोन महत्त्वाचे बदल करण्यात आले आहेत. अष्टपैलू खेळाडू नितीश कुमार रेड्डी आजारपणामुळे हा सामना खेळू शकणार नाही, त्याच्या जागी युवा खेळाडू स्मरण (Smaran) याला पदार्पणाची संधी देण्यात आली आहे. तसेच हर्ष दुबेच्या जागी अनुभवी हर्षल पटेल संघात परतला आहे.

03/05/2026 15:10:53

SRH VS KKR Live Score IPL 2026 : पॅट कमिन्सचा फॉर्मवर विश्वास

टॉस जिंकल्यानंतर बोलताना हैदराबादचा कर्णधार पॅट कमिन्स म्हणाला, "पीच दिसायला चांगलं आहे आणि सध्या खूप उष्णता आहे. त्यामुळे आम्ही प्रथम फलंदाजी करून मोठा धावसंख्या उभारण्याचा प्रयत्न करू. आमची आक्रमक शैली आमच्यासाठी फायदेशीर ठरत आहे. आम्ही एकदा वगळता प्रत्येक वेळी 220 धावांचा टप्पा ओलांडला आहे."

03/05/2026 15:10:06

SRH VS KKR Live Score IPL 2026 : हैदराबादने जिंकला टॉस; कोलकात्याविरुद्ध प्रथम फलंदाजीचा निर्णय

आयपीएल 2026 च्या 45 व्या सामन्यात आज सनरायझर्स हैदराबाद आणि कोलकाता नाईट रायडर्स आमनेसामने येत आहेत.

हैदराबादच्या राजीव गांधी आंतरराष्ट्रीय स्टेडियमवर होणाऱ्या या सामन्यात सनरायझर्स हैदराबादने नाणेफेक (टॉस) जिंकून प्रथम फलंदाजी करण्याचा निर्णय घेतला आहे.