Uday Samant on Gokul Election Result 2026: जेव्हा सत्तेचा अहंकार निर्माण होतो तेव्हा गोकुळ होतं, उदय सामंतांचा जयकुमार गोरेंना टोला

उजनी धरण AI डेटा सेंटर! सत्ताधारी आणि विरोधक आमने-सामने येण्याची शक्यता, एका बाजूला विरोधात आंदोलन होणार तर दुसऱ्या बाजूला समर्थनात आंदोलन

आफताब शेख, एबीपी माझा — Fri, 30 Oct 2026 22:13:57 +0530

Solapur Ujani dam AI Data Center News : उजनी धरणावर होणाऱ्या AI डेटा सेंटर प्रकल्पाला (Solapur Ujani dam AI Data Center ) शेतकऱ्यांचा प्रचंड विरोध आहे. कोणत्याही परिस्थितीत हा प्रकल्प आम्हाला नको असी भूमिका शेतकऱ्यांनी घेतली आहे. दरम्यान, या प्रकल्पाच्या विरोधात उद्या म्हणजे 31 ऑक्टोबर रोजी टेंभूर्णीजवळ मोठं आदोलन करण्यात येणार आहे. राष्ट्रवादी काँग्रेस शरदचंद्र पवार पक्षाचे आमदार रोहित पवार (MLA Rohit Pawar) आणि खासदार धैर्यशील मोहिते पाटील (Dhairsheel Mohite Patil) यांच्या नेतृत्वात हे आंदोलन केलं जाणार आहे. दरम्यान, दुसऱ्या बाजूला उजनी धरणावरील AI डाटा सेंटरच्या समर्थनात सोलापुरात आंदोलन केलं जाणार आहे. त्यामुळं उजनी धरणावरील प्रस्तावित AI धरणाच्या मुद्यावरून सत्ताधारी आणि विरोधक उद्या आमने-सामने येण्याची शक्यता निर्माण झाली आहे.

उजनी धरणावरील AI डाटा सेंटरच्या समर्थनाथ सोलापुरात आंदोलन केलं जाणार

उजनी धरणावरील AI डेटा सेंटरच्या विरोधात राष्ट्रवादी शरद पवार गटाकडून उद्या आंदोलन करण्यात येणार आहे. आमदार रोहित पवार यांच्या नेतृत्वात पुणे-सोलापूर महामार्गवर उद्या राष्ट्रवादी शरद पवार गटाचे आंदोलन होणार आहे. तर दुसरीकडे उजनी धरणावरील AI डाटा सेंटरच्या समर्थनाथ सोलापुरात आंदोलन केलं जाणार आहे. सोलापुरात उद्या AI डेटा सेंटर समर्थनाथ जनसमर्थन करण्याचा प्रयत्न केला जाणार आहे. या जनसमर्थन आंदोलनात सत्ताधारी भाजपचे नेते सहभागी होणार असल्याची माहिती मिळत आहे. सोलापूर शहरातील डॉ. बाबासाहेब आंबेडकर चौक येथे AI डेटा समर्थनात एकवटणार आहेत. तर उजनी धरणावरील या AI डेटा सेंटर संदर्भात प्रशासनाने देखील प्रसिद्धी पत्रक जाहीर केलं आहे. या डेटा सेंटरमुळं सोलापूरच्या विकासाला चालना मिळणार असल्याचे जिल्हाधिकारी एस कार्तिकेयन यांनी प्रसिद्धी पत्रकतून सांगितलं आहे.

शेतकऱ्यांशी चर्चा करुनच पुढचा निर्णय घेतला जाईल :कृषीमंत्री

उजनी धरणावर होणाऱ्या AI डेटा सेंटर प्रकल्पाबाबत राज्याचे कृषीमंत्री दत्तात्रय भरणे यांना विचारण्यात आले होते. यावेळी त्यांनी सांगितले की, शासनाच्या वतीने आमच्या अधिकाऱ्यांनी शेतकऱ्यांकडे जावं. प्रकल्पासंदर्भात त्यांच्याशी चर्चा करावी. त्यांच्या सूचना ऐकव्यात त्यांचे समज गैरसमज दूर करावेत. जोपर्यंत शेतकरी तयार होत नाहीत तोपर्यंत अधिकाऱ्यांनी या गोष्टी करु नयेत असी माहिती भरणे यांनी दिली. याबाबतीमध्ये शेतकऱ्यांशी चर्चा करुनच पुढचा निर्णय घेतला जाईल असंही ते म्हणाले.

Solapur DCC Bank Election : सोलापूर जिल्हा बँकेच्या निवडणुकीत भाजपने खाते उघडले; बार्शी, मोहोळ, मंगळवेढ्यातील तीन जागा बिनविरोध, कुणाचा झाला विजय?

आफताब शेख, एबीपी माझा — Fri, 30 Oct 2026 18:43:08 +0530

सोलापूर : सोलापूर जिल्हा मध्यवर्ती सहकारी बँकेच्या (DCC Bank) संचालक मंडळाच्या निवडणुकीत भारतीय जनता पक्षाने (BJP) आपले खाते उघडले आहे. विविध कार्यकारी सोसायटी मतदारसंघातील एकूण 11 जागांपैकी बार्शी, मोहोळ आणि मंगळवेढा या 3 महत्त्वाच्या तालुक्यांतील जागा बिनविरोध झाल्या आहेत. या तिन्ही मतदारसंघांमध्ये केवळ एकाच कुटुंबातील सदस्यांचे उमेदवारी अर्ज दाखल असल्याने अर्ज मागे घेण्याच्या दिवशी औपचारिक घोषणा होणे बाकी आहे.

Solapur DCC Bank Unopposed Candidates : 'या' तीन नेत्यांची बिनविरोध निवड निश्चित

बँकेच्या सोसायटी गटातून बिनविरोध निवड झालेल्यांमध्ये खालील प्रमुख नेत्यांचा समावेश आहे,

बार्शी तालुका: भाजप आमदार राजेंद्र राऊत (पुत्र रणवीर राऊत यांचा अर्ज मागे घेतला जाणार).

मोहोळ तालुका: भाजप नेते विक्रांत उर्फ बाळराजे पाटील (वडील माजी आमदार राजन पाटील यांचा अर्ज मागे घेतला जाणार).

मंगळवेढा तालुका: सिद्धेश्वर अवताडे (बबनराव अवताडे यांच्या कुटुंबातील सदस्यांचे अर्ज मागे घेतले जाणार).

बार्शी गटातून आमदार राजेंद्र राऊत आणि त्यांचे पुत्र रणवीर राऊत यांचेच केवळ दोन अर्ज दाखल होते. त्यामुळे रणवीर राऊत यांचा अर्ज मागे घेऊन आमदार राऊत यांची बिनविरोध निवड निश्चित मानली जात आहे. तसेच मोहोळ तालुक्यात माजी आमदार राजन पाटील आणि त्यांचे पुत्र बाळराजे पाटील या दोघांचेच अर्ज असल्याने वडिलांनी माघार घेतल्यास बाळराजे पाटील यांचा विजय निश्चित आहे.

19 Seats 238 Applications : 19 जागांसाठी 238 जणांचे अर्ज दाखल

सोलापूर जिल्हा मध्यवर्ती बँकेच्या संचालक मंडळाच्या एकूण 19 जागांसाठी तब्बल 238 जणांचे उमेदवारी अर्ज दाखल झाले आहेत. त्यामुळे उर्वरित 16 जागांवर तीव्र चुरस पाहायला मिळण्याची शक्यता आहे.

Dhairyasheel Mohite Patil Statement : बँक निवडणूक बिनविरोध करण्यासाठी प्रयत्न सुरू

दुसरीकडे, शरद पवारांच्या राष्ट्रवादी काँग्रेसचे खासदार धैर्यशील मोहिते पाटील आणि माजी आमदार रणजितसिंह मोहिते पाटील यांनीदेखील बँकेच्या निवडणुकीसाठी आपले उमेदवारी अर्ज दाखल केले आहेत. जिल्ह्यातील सहकार क्षेत्रातील जाणकार नेत्यांशी चर्चा सुरू असून लवकरच बिनविरोध निवडणुकीचा निर्णय होईल, असे खासदार धैर्यशील मोहिते पाटील यांनी स्पष्ट केले.

जिल्ह्यातील दुष्काळाची भीषण परिस्थिती लक्षात घेता ही निवडणूक सर्वपक्षीय संमतीने बिनविरोध करण्यासाठी सर्वच पक्षांच्या प्रमुख नेत्यांचे प्रयत्न सुरू आहेत. "मुख्यमंत्री देवेंद्र फडणवीस आणि पालकमंत्री जयकुमार गोरे या संदर्भात अंतिम निर्णय घेतील," अशी प्रतिक्रिया आमदार राजेंद्र राऊत यांनी दिली.

Uttam Jankar Solapur DCC Bank : उत्तम जानकरांचे माळशिरसमध्ये जोरदार शक्तिप्रदर्शन

माळशिरसचे शरद पवारांच्या गटाचे आमदार उत्तम जानकर यांच्या समर्थकांनी जिल्हा उपनिबंधक कार्यालयात जोरदार शक्तिप्रदर्शन करत उमेदवारी अर्ज दाखल केले. माळशिरस तालुक्यातून त्यांच्यावतीने 04 फॉर्म भरण्यात आले आहेत. "केवळ शेतीलाच नव्हे तर शेतीपूरक व्यवसायांनाही या बँकेच्या माध्यमातून अत्यंत सुलभ पद्धतीने कर्जवाटप झाले पाहिजे," अशी भूमिका आमदार उत्तम जानकर यांनी व्यक्त केली.

ही बातमी वाचा:

Maharashtra MLC Election : शांत राहा, महायुतीतील वाद वाढवू नका; विधानपरिषद निकालांनंतर एकनाथ शिंदेंचे शिवसेना नेत्यांना आदेश

Solapur News: सोलापूर जिल्हा मध्यवर्ती बँकेच्या निवडणुकीची रणधुमाळी, महायुतीत पुन्हा घमासान? भाजप अन् शिवसेना एकमेकांविरोधात उभे राहण्याची शक्यता, आज चित्र स्पष्ट होणार

आफताब शेख, एबीपी माझा — Fri, 30 Oct 2026 10:38:54 +0530

Solapur DCC Bank Election : शिक्षक-पदवीधर विधानपरिषद निवडणुकीनंतर सोलापूर जिल्हा मध्यवर्ती बँकेच्या निवडणुकीत (Solapur DCC Bank Election) ही भाजप आणि शिंदे सेना (BJP-Shivsena) एकमेकांच्या समोर उभे राहण्याची शक्यता आहे. सोलापूर जिल्हा मध्यवर्ती बँकेच्या निवडणुकीसाठी भाजपचे आमदार सचिन कल्याणशेट्टी, आमदार सुभाष देशमुख, भाजप शहराध्यक्ष रोहणी तडवळकर, बाळराजे पाटील, मनीष देशमुख, रणवीर राऊत या नेत्यांनी आपले उमेदवारी अर्ज दाखल केलेत. तर शिवसेना शिंदे गटाचे माजी राज्यमंत्री सिद्धाराम म्हेत्रे आणि जिल्हाप्रमुख अमोल शिंदे यांनी देखील सोलापूर जिल्हा मध्यवर्ती बँकेच्या निवडणुकीत आपले अर्ज दाखल केलेत. त्यामुळे पदवीधर आणि शिक्षक मतदार संघाच्या निकडणुकीत एकमकेंच्या समोर उभे राहिलेले भाजप-शिवसेना पुन्हा एकदा समोर उभं राहणार काय? हे पाहावं लागेल. (Solapur Political Marathi News)

सोलापूर जिल्हा मध्यवर्ती बँकेच्या निवडणूकसाठी अर्ज भरण्यासाठी आज शेवटचा दिवस असल्याने मोठ्या संख्येने अर्ज दाखल होण्याची शक्यता आहे. एकीकडे दुष्काळाच्या पार्श्वभूमीवर ही निवडणूक बिनविरोध करण्यासाठी प्रयत्न सुरु आहेत. मात्र दुसरीकडे सर्वपक्षीय नेत्यांकडून मध्यवर्ती बँकेच्या संचालक पदासाठी अर्ज दाखल केले जातायत. त्यामुळे आज किती अर्ज दाखल होतात आणि निवडणुकीचे चित्र कसे राहणार हे अर्ज छाननी आणि माघार घेण्याच्या प्रक्रियेनंतरच स्पष्ट होणार आहे.

Solapur DCC Bank Election: सत्ताधारी आणि विरोधी पक्षाकडून बैठकींचा धडाका

दरम्यान, सोलापूर जिल्हा मध्यवर्ती बँकेच्या निवडणुकीच्या अनुषंगाने सत्ताधारी आणि विरोधी पक्षाकडून बैठकींचा धडाका सुरु आहे. सोलापुरात भाजप आणि महायुतीची डीसीसी संदर्भात बैठक संपन्न झाली आहे. सोलापुरात पालकमंत्री जयकुमार गोरे यांच्या उपस्थितीत जिल्हा बॅंकेसाठी भाजप आणि महायुतीची बैठक संपन्न झाली. यात भाजपच्या बैठकीमध्ये सचिन कल्याणशेट्टी, राजन पाटील, दीपक साळुंखे-पाटील, राजेंद्र राऊत, दिलीप माने, बाबासाहेब देशमुख, दिग्विजय बागल, रणजितसिंह शिंदे, बबनराव आवताडे उपस्थित होते.तर दुसरीकडे महाविकास आघाडीकडून अकलूजमध्ये खासदार धैर्यशील मोहिते यांनी घेतली शिवरत्न बंगल्यावर बैठक झालीय. या बैठकांच्या माध्यमातून सत्ताधारी आणि विरोधक दोघांकडून मोर्चेबांधणी केली जातेय. त्यामुळे सोलापूर जिल्हा मध्यवर्ती बँकेच्या निवडणुकीतही चुरशीची लढत होण्याची शक्यता आहे.

Ranjitsinh Mohite Patil: बँक सुरक्षित रहावी यासाठी पुन्हा एकदा सर्वांनी एकत्र येण्याचे आवाहन

इकडे दुसऱ्या बाजूला जिल्ह्याचे ज्येष्ठ नेते माजी उपमुख्यमंत्री विजयसिंह मोहिते पाटील यांच्या नेतृत्वाखाली झालेल्या या बैठकीस रणजितसिंह मोहिते-पाटील खासदार धैर्यशील मोहिते पाटील यांच्यासह जिल्ह्यातील अनेक नेते उपस्थित होते. यावेळी अनेक दिवसानंतर रणजीत सिंह मोहिते पाटील हे सक्रिय झाल्याचे समोर आले. आजवर सोलापूर जिल्ह्यातील कोणत्याही सहकार्य क्षेत्राच्या निवडणुकीत पक्षाची बंधने पाळण्यात आली नव्हती. ज्येष्ठांनी घालून दिलेली तीच परंपरा याही वेळी कायम राहावी आणि जिल्ह्यातील अर्थवाहिनी असलेली बँक सुरक्षित रहावी यासाठी पुन्हा एकदा सर्वांनी एकत्र येण्याचे आवाहन रणजितसिंह मोहिते पाटील यांनी केले.

Tanaji Sawant : दुभत्या जनावरांसाठी सरकारी चारा पुरणार नाही, त्यात वाढ करावी; तानाजी सावंतांची मागणी, शेतकऱ्यांना शब्द देत म्हणाले, चारा वाढ केली नाही तर...

Praniti Shinde on Devendra Fadnavis: देवेंद्र फडणवीस, नरेंद्र मोदी म्हणजे अकार्यक्षम नेतृत्व, प्रणिती शिंदेंनी स्वत:च्या नेतृत्त्वाला कोणती उपमा दिली?

रोहित धामणस्कर — Mon, 26 Oct 2026 12:51:32 +0530

Praniti Shinde on Devendra Fadnavis: काँग्रेसच्या खासदार प्रणिती शिंदे यांनी मुख्यमंत्री देवेंद्र फडणवीस आणि पंतप्रधान नरेंद्र मोदी हे नेते म्हणून अकार्यक्षम असल्याचे वक्तव्य केले आहे. 'एबीपी माझा'च्या 'कॉफी विथ कौशिक' या कार्यक्रमात त्यांना रॅपिड फायर राऊंडमध्ये प्रत्येक नेत्याला कोणते विशेषण द्याल, असा प्रश्न विचारण्यात आला होता. तेव्हा देवेंद्र फडणवीस यांच्या नेतृत्त्वाचा उल्लेख येताच प्रणिती शिंदे यांनी प्रश्नार्थक चेहरा करत ते एक नेते म्हणून अकार्यक्षम असल्याचे सांगितले. तसेच पंतप्रधान मोदी यांचे नेतृत्त्वही अकार्यक्षम असल्याचे प्रणिती शिंदे यांनी म्हटले.

Praniti Shinde news: प्रणिती शिंदेंनी रॅपिड फायर राऊंडमध्ये कोणत्या नेत्याविषयी काय म्हटलं?

सोनिय गांधी- खंबीर नेतृत्त्व

राहुल गांधी- दूरदृष्टी असलेला नेतृत्त्व

प्रियांका गांधी- रोखठोक नेतृत्व

सुशीलकुमार शिंदे- संयमी आणि हसमुख नेतृत्त्व

देवेंद्र फडणवीस- अकार्यक्षम नेतृत्त्व

नरेंद्र मोदी- अकार्यक्षम नेतृत्व

प्रणिती शिंदे- तळागाळातील ( ग्रासरुट) नेतृत्व

या कार्यक्रमात एबीपी माझाच्या कार्यकारी संपादक सरिता कौशिक यांनी प्रणिती शिंदे यांना तुम्ही काँग्रेसमधील टीम राहुलचा भाग आहात का, असा प्रश्नही विचारला. तुम्ही दिल्लीतील आंदोलनात होता, राहुल गांधी यांच्यासोबत 'भारत जोडो' यात्रेतही चाललात, अलीकडे सातत्याने आंदोलनात तुमचा सहभाग असतो. काँग्रेस पक्षात टीम राहुल असा स्वतंत्र गट असल्याचे चर्चा आहे. त्या टीम राहुलमध्ये तुमचा समावेश आहे का, असा प्रश्न प्रणिती शिंदे यांना विचारण्यात आला. यावर प्रणिती शिंदे यांनी म्हटले की, तुम्ही स्वत:ला टीम राहुलचा भाग मानता का? असा प्रश्न प्रणिती शिंदे यांना विचारण्यात आला. यावर प्रणिती शिंदे यांनी म्हटले की, मी स्वत:ला काँग्रेसची कार्यकर्ता मानते. स्वत:ला संविधान आणि लोकशाही मानणारी मानते. त्यासाठी काहीही करावं लागलं तरी मी करेन. या देशाच्या संविधानाची शपथ घेऊन मी राजकारणात आले. माझा जन्म शिंदे घराण्यात झाला नसता तरी मी कट्टर काँग्रेसी असते. मी सेक्युलर विचारांची आणि सर्वधर्म समभाव मानणारी आहे. मी तिरंगा आणि देशावर प्रचंड प्रेम करते. मी जाती आणि धर्मावरुन होणाऱ्या विभाजनाची कीड मला मतदान करणाऱ्या लोकांमध्ये कधीच पसरु देणार नाही. मी त्याच्याविरोधात लढेन, त्यासाठी रक्त वाहावं लागलं तरी मी त्यासाठी तयार आहे, असे प्रणिती शिंदे यांनी सांगितले.

MPSC protest in Pune: एमपीएससी विद्यार्थ्यांनी आंदोलन सुरु ठेवायला हवे: प्रणिती शिंदे

एमपीएससीचं जे आंदोलन आहे, ते विद्यार्थ्यांचं आंदोलन होतं. मी तिथेही म्हणाली, हे आंदोलन कोणा एका व्यक्तीचे नव्हते, राज्यकर्त्यांचं तर बिलकूल नव्हतं, ती विद्यार्थी चळवळ होती. जो काही भ्रष्टाचार होत आहे महाराष्ट्रात एमपीएससी परीक्षेबाबत त्याच्याबाबत ते आंदोलन होते. आपण सगळ्यांनी आपल्या मतदारसंघासाठी घाम गाळलाय, रक्त गाळलंय. आपण कष्टाने आपापले मतदारसंघ बांधत असतो. लोकांशी आपले ऋणानुबंध तयार होत असतात. एमपीएससी आंदोलन हे आणखी पुढे न्यायला पाहिजे. अजूनही मुख्यमंत्र्यांनी आपल्याला ठोस असे काहीच सांगितले नाही. मी विद्यार्थ्यांना विनंती करते की, अजून ते आंदोलन सुरु ठेवा. यांच्या आश्वासनाला बळी पडू नका. आम्ही विद्यार्थ्यांच्या खांद्याला खांदा लावून १०० टक्के उभे आहोत. मी आंदोलनाच्या ठिकाणी गेले होते तेव्हा सोलापूरचे खूप जण होते. या विद्यार्थ्यांमध्ये निराशा दिसून आली, त्यांचा संघर्ष दिसून आला. रोहित पवार या आंदोलनाला राजकीय वळण देत होते, असे मला वाटत नाही. ते तरुणांनी तरुणांसाठी केलेले आंदोलन होते, असे प्रणिती शिंदे यांनी म्हटले.

View this post on Instagram

A post shared by ABPmajha (@abpmajhatv)

आणखी वाचा

भाजपमध्ये जाण्यापेक्षा जेलमध्ये जाऊन हिरो बना; प्रणिती शिंदेंचा भाजपवर हल्लाबोल

FDA Actions News: तुकाराम मुंढेंच्या FDAचा भेसळखोरांना दणका; दिवाळीपूर्वी छत्रपती संभाजीनगर, जाधववाडी मोंढ्यासह पंढरपूरच्या चार मोठ्या कंपन्यांवर छापा, लाखोंचा माल जप्त

डॉ. कृष्णा केंडे — Mon, 26 Oct 2026 09:23:06 +0530

Chhatrapati Sambhajinagar FDA Actions News: दिवाळीत अन्नपदार्थामधील भेसळ रोखण्यासाठी तुकाराम मुंढेंच्या (Tukaram mundhe) अन्न व औषध प्रशासन विभागाने (FDA) छत्रपती संभाजीनगरमधील (Chhatrapati Sambhajinagar) चिकलठाणा एमआयडीसी भागातील मसाले निर्मितीचा कारखाना, जाधववाडी मोंढ्यातील (Jadhavwadi Mondha) बॉम्बे ड्राय फ्रूट्स अँड मसाला, पंढरपूर येथील ओम श्रीनाथ इंडस्ट्रीज ऑईल रिपॅकिंग युनिट आणि जुना मोंढा येथील जय मिश्री ट्रेडर्स या चार मोठ्या कंपन्यांवर छापा टाकलाय. या कारवाईत 19 लाख 44 हजार 969 रुपयांचा तेलाचा साठा, तर 2 लाख 27 हजार 700 रुपयांचे मसाले आणि खोबऱ्याची पावडर असा एकूण 21 लाख 72 हजार 669 रुपयांचा माल जप्त करण्यात आला आहे. पथकांनी केलेल्या तपासणीत चिकलठाणा एमआयडीसी परिसरातील एल. एम. स्पायसेस मसाला उत्पादन कारखान्यात अन्न सुरक्षा व मानके कायद्याचे उल्लंघन करणारी धणे पावडर आणि मिरची पावडर दिसून आली. कारखान्यात बनवलेले मसाले भेसळयुक्त आणि चुकीचे ब्रँड लावले असल्याचा संशय आल्याने भेसळयुक्त मसाल्यांचा 246 किलोचा साठा जप्त करण्यात आला. (Chhatrapati Sambhajinagar FDA Actions News)

दरम्यान, या मसाल्याची किंमत 98 हजार 400 रुपये असून तो संबंधित विक्रेत्याच्या सुरक्षित ताब्यात ठेवण्यात आला आहे. मसाल्यांचे नमुने चाचणीसाठी प्रयोगशाळेकडे पाठवण्यात आले असून, अहवाल प्राप्त झाल्यानंतर संबंधितांवर कायद्यानुसार पुढील कायदेशीर कारवाई करण्यात येणार आहे.

Jadhavwadi Mondha: जाधववाडी मोंढ्यातील जय मिश्री ट्रेडर्सवर छापा, 2,820 किलो संशयास्पद खाद्यतेलाचा साठा जप्त

दरम्यान, जाधववाडीतील बॉम्बे ड्राय फ्रूट्स अँड मसाला या दुकानाची तपासणी केल्यानंतर भेसळयुक्त असण्याची शक्यता असल्याने शिखर' ब्रँडची डेसिकेटेड कोकोनट पावडर असलेली 431 पाकिटे जप्त केली. याची किंमत लाख 29 हजार 300 रुपये एवढी आहे. तर जुना मोंढ्यातील जय मिश्री ट्रेडर्सवर छापा टाकून 2,820 किलो संशयास्पद खाद्यतेलाचा साठा जप्त केला. या तेलाची किंमत 5 लाख 36 हजार 329 रुपये आहे. तर दुसरीकडे पंढरपूरच्या ओम श्रीनाथ इंडस्ट्रीज या ऑईल रिपॅकिंग युनिटवर छापा टाकून 14 लाख 8 हजार 640 रुपये किमतीचे 6,280 किलो संशयास्पद व चुकीचे बँडिंग असलेले रिफाइंड सोयाबीन व सूर्यफूल तेल जप्त केले.

Maharashtra FDA Actions News: राज्यातील सहा विभागांत धडक मोहीम

एफडीएचे आयुक्त तुकाराम मुंढे यांच्या मार्गदर्शनाखाली मुंबई, कोकण, पुणे, नाशिक, छत्रपती संभाजीनगर आणि नागपूर या सहाही विभागांत ही मोहीम राबविण्यात आली. यामध्ये नष्ट करायचे अन्न पुन्हा बाजारात आणून ग्राहकांच्या ताटापर्यंत धोका पोहोचवणाऱ्यांवर कारवाईचा बडगा उगारण्यात आला. नवरात्रोत्सवानंतर दिवाळीच्या पार्श्वभूमीवर मिठाई, खवा, खाद्यतेल, सुकामेवा व फराळाच्या पदार्थांची मागणी वाढणार असल्याने एफडीएतर्फे धडक मोहीम राबवण्यात येणार आहे.

Maharashtra FDA Actions News: दिवाळीपूर्वी FDAची राज्यभर ‘फेस्टिव्ह क्रॅकडाउन’ धडक मोहीम, 68 आस्थापनांचे परवाने निलंबित करत 16.92 कोटींचा मुद्देमाल जप्त, 20 आरोपींनाही अटक

सोलापूर जिल्हा बँक निवडणूक! अकलूजच्या शिवरत्नवर बैठक, जिल्ह्यातील सर्व नेत्यांच्या दारात जाणार, रणजितसिंह मोहिते पाटलांचं मोठं वक्तव्य

सुनील दिवाण, एबीपी माझा — Sat, 24 Oct 2026 22:22:34 +0530

Solapur : सोलापूर जिल्हा मध्यवर्ती सहकारी बँकेची रणधुमाळी झाली सुरु झाली आहे. शिवरत्नवर मोहिते पाटलांकडून विचार विनिमय बैठक झाली. या निवडणुकीच्या निमित्ताने जिल्ह्यातील सर्व नेत्यांच्या दारात जाणार असल्याची भूमिका रणजितसिंह मोहिते पाटील यांनी जाहीर केली आहे. माजी उपमुख्यमंत्री विजयसिंह मोहिते पाटील यांच्या नेतृत्वाखाली झालेल्या या बैठकीस रणजितसिंह मोहिते-पाटील खासदार धैर्यशील मोहिते पाटील यांच्यासह जिल्ह्यातील अनेक नेते उपस्थित होते.

सोमवारपासून अर्ज भरण्याला सुरुवात

सोलापूर जिल्हा मध्यवर्ती सहकारी बँकेच्या निवडणुकीचा कार्यक्रम जाहीर झाला असून सोमवारपासून अर्ज भरण्याला सुरुवात होत आहे. अशावेळी जिल्ह्यातील सहकार क्षेत्रातली बडी ताकद अशी ओळख असलेल्या मोहिते पाटलांनी जिल्ह्यातील नेते आणि पदाधिकाऱ्यांची विचार विनिमय बैठक घेतली. विशेष म्हणजे आजच सोलापूर येथे पालकमंत्री जयकुमार गोरे यांनी जिल्हा मध्यवर्ती बँकेच्या निवडणुकी संदर्भात जिल्ह्यातील सर्व नेत्यांची एक बैठक घेतली होती.

बँक सुरक्षित रहावी यासाठी पुन्हा एकदा सर्वांनी एकत्र येण्याचे आवाहन

जिल्ह्याची बँक टिकविण्यासाठी आपण सर्व नेत्यांच्या दारात जाण्यास सुरुवात करणार

जिल्ह्याची बँक टिकविण्यासाठी आपण सर्व नेत्यांच्या दारात जाण्यास सुरुवात करणार असून आज बैठक घेण्यापूर्वीही सर्वांना फोन केल्याचे रणजितसिंह मोहिते पाटील यांनी आपल्या भाषणात सांगितले. आपल्या अध्यक्षपदाच्या कारकिर्दीत बँकेच्या ठेवी दुप्पट म्हणजे जवळपास 3000 कोटी पर्यंत नेल्याचे सांगताना आपल्या कारकिर्दीत आपण कोणत्याही मोहिते पाटील नाव असणाऱ्या किंवा संचालक असणाऱ्या खाजगी संस्थेला एक रुपयाचेही कर्ज दिले नसल्याचे ठणकावून सांगितले. सर्वांनी पुन्हा एकदा एकत्रित बसून जिल्ह्याची विस्कटलेली घडी सुरळीत करावी यासाठी सर्व नेत्यांनी विजयदादा समोर बसून एकत्रित निर्णय घ्यावा असे आवाहनही रणजितसिंह मोहिते पाटील यांनी केले.

रणजितदादा पुन्हा मैदानात यावेत अशी सर्व कार्यकर्त्यांची इच्छा

यावेळी बोलताना खासदार धैर्यशील मोहिते पाटील यांनी या निवडणुकीसाठी इच्छुक असणाऱ्यांनी आपली नावे आणि मतदारसंघ देण्याचे आवाहन करीत रणजितदादा पुन्हा मैदानात यावेत अशी सर्व कार्यकर्त्यांची इच्छा असल्याने त्याचा त्यांनी मान ठेवावा अशी साद घातली. आता सोमवारी ही निवडणूक बिनविरोध होणार की निवडणूक होणार याची स्पष्टता येणार असून जर भाजपकडून समन्वय न साधला गेल्यास जिल्हा बँकेची निवडणूक अटळ असणार आहे. पुढील दोन दिवस सर्व नेत्यांची चर्चा करून पुढची दिशा ठरवली जाईल असे खासदार धैर्यशील मोहिते पाटील यांनी कार्यक्रमानंतर माध्यमांशी बोलताना सांगितले.

सुशीलकुमार शिंदे यांच्या प्रवासाकडे पाहिलं तर अब्राहम लिंकन यांची आठवण येते: राजीव खांडेकर

आफताब शेख, एबीपी माझा — Sat, 24 Oct 2026 21:49:56 +0530

Solapur : मागील 37 वर्षाच्या माझ्या पत्रकारितेच्या काळात विरोधी बातम्या लागल्या तर नेत्यांचे फोन येतात. पण अत्यंत जवळचे संबंध असतानाही कितीही विरोधी बातम्या लागल्या तर असं का केलं असं विचारणारा एकही फोन न केलेला नेता म्हणजे सुशीलकुमार शिंदे असल्याचे मत एबीपी नेटवर्कचे सीनियर एक्झिक्युटिव्ह व्हाईस प्रेसिडेंट राजीव खांडेकर यांनी व्यक्त केले. ज्या खुर्चीवर लोहपुरुष वल्लभभाई होते त्यांचं खुर्चीवर अत्यंत प्रतिकूल परिस्थितीतून आलेला नेता बसणं माझ्यासाठी सुद्धा इमोशनल होतं असे खांडेकर म्हणाले. अब्राहम लिंकन आणि सुशीलकुमार शिंदे यांच्या जीवनात अनेक साम्य आहेत असेही ते म्हणाले. सुशीलकुमार शिंदे यांच्या प्रवाससाकडे जेव्हा बघतो त्यावेळी वाटतं काही गोष्टी आपल्या हातात नसतात, त्या नियती ठरवते. सुशीलकुमार शिंदे यांच्या 'लोभस' या पुस्तकाच्या प्रकाशन कार्यक्रमात ते बोलत होते.

अब्राहम लिंकन आणि सुशीलकुमार शिंदे यांच्या जीवनात अनेक साम्य

सुशीलकुमार शिंदे हे प्रचंड मेहनती आहेत. पण नियतीनेचं ठरवलं होतं सुशीलकुमार शिंदे यांना इथपर्यंत पोहोचवायचं. केसावर फुगे विकणारा मुलगा जेव्हा पट्टेवाला झाला तिथं थांबायला हवं होतं. लाखो लोकांचं स्वप्न असलेलं पोलीस सब इन्स्पेक्टर होतो पण तिथंही ते थांबले नाहीत. वयाच्या 32 वर्षी ते आमदार झाले आणि वर्षभरत मंत्रीही झाल्याचे राजीव खांडेकर म्हणाले. ज्या मुलाचा राजकीय वारसा नाही, असा व्यक्ती वयाच्या 33 वर्षी राज्याचा मंत्री होतो हे सारं विस्मयकारक आहे. सुशीलकुमार यांच्या प्रवसाकडे बघितलं तर अब्राहम लिंकन यांच्या प्रवसाची आठवण येते असे खांडेकर म्हणाले. अब्राहम लिंकन आणि सुशीलकुमार शिंदे यांच्या जीवनात अनेक साम्य आहेत. सुशीलकुमार शिंदे आपल्या दोन आईबद्दल प्रेमाने बोलतात, अब्राहम लिंकन याला सुद्धा दोन आई होत्या. सुशीलकुमार शिंदे यांनी कधीच विरोधकांचा सुद्धा द्वेष केला नाही, अब्राहम लिंकनने सुद्धा विरोध केलेल्या लोकांना सुद्धा मंत्रीमंडळात घेतल्याचे खांडेकर म्हणाले.

सुशीलकुमार शिंदे यांनी आपल्या प्रत्येक मंत्रीपदाच्या काळात वैशिष्ट्यपूर्ण काम केले

सुशीलकुमार शिंदे यांनी आपल्या प्रत्येक मंत्रीपदाच्या काळात वैशिष्ट्यपूर्ण काम केल्याचे राजीव खांडेकर म्हणाले. त्यांच्या आयुष्यातील अनेक प्रसंग आहेत त्याबद्दल जरं ते बोलले तर संपूर्ण महाराष्ट्रला ऐकायला आवडेल. जेव्हा कसाबला फाशी दिली तेव्हा मी म्हणेन जगात पहिल्यांदा आम्ही बातमी ब्रेक केली. माझ्याकडे रात्री 2 वाजता फोन करुन साहेबांना विचारण्याची जबाबदारी माझ्याकडे होती. मध्यरात्री दोन वाजता मी फोन केला आणि पाहिल्या रिंगला साहेबांनी फोन घेतला. मी विचारल फाशी देणार काय? विचारलं तर म्हणाले की सकाळी सांगतो. शिंदे साहेबांच्या मोकळ्या ढाकळ्या वक्तव्यांनी काही वेळा वाद होतात. मी त्यांना म्हटलं कशाला साहेब तुम्ही अशा कार्यक्रमांना येता. साहेबांनी ते ऐकलं, एखाद्याने दिलेला सल्ला ऐकण्याचा त्यांचा स्वभाव आहे असेही खांडेकर म्हणाले.

शिंदे साहेबांची सकारात्मकता लोभस या पुस्तकातून घेतली पाहिजे

विरोधक कुठल्याही पातळीवर गेले तरी त्यांनी त्यांच्या मर्यादा सोडल्या नाहीत. 2004 साली मुख्यमंत्री पदावर पूर्ण अधिकार त्यांचा होता पण चेहऱ्यावर कसलीही कटूता न आणता विलासराव दशमुख यांना ते स्वतः घेऊन आले. त्यांच्यातल्या सकारात्मक गुणामुळे त्यांना यश मिळतं गेलं. लोभस पुस्तकातून अनेक गोष्टी घेण्यासारख्या आहेत, पण शिंदे साहेबांची सकारात्मकता या पुस्तकातून घेतली पाहिजे असे राजीव खांडेकर म्हणाले.

सोलापूरकरांची पाण्याची चिंता मिटणार? उजनीतून 4 टीएमसी पाणी सोडण्यास सुरुवात; 15 बंधाऱ्यांचा वीजपुरवठा बंद!

आफताब शेख, एबीपी माझा — Sat, 24 Oct 2026 10:29:11 +0530

Ujni Dam Water Discharge: दुष्काळामुळे पाणीटंचाईचा फटका बसलेल्या सोलापूर महापालिकेसह (Solapur) पंढरपूर, सांगोला, मंगळवेढा या नगरपालिकांना मोठा दिलासा मिळाला असून उजनी धरणातून (Ujni Dam) रात्री उशिरा भीमा नदीत चार टीएमसी पाणी सोडण्यास सुरुवात झाली आहे. हे पाणी आरळी बंधाऱ्यापर्यंत सोडण्यात येत असून सध्या 4500 क्युसेक विसर्गाने पाणी उजनी धरणातून भीमा नदीमध्ये सोडले जात आहे. यामुळे पाणी कपातीचा फटका बसलेल्या लाखो नागरिकांना मोठा दिलासा मिळणार असून यामुळे पिण्याच्या पाण्याची टंचाई कमी होणार आहे.

सोलापूर महापालिकेसह इतर नगरपालिकांना याचा फायदा होणार असून मार्गातील शेकडो लहान गावांच्या पाणीपुरवठा योजना यामुळे पुन्हा कार्यान्वित होणार आहेत. उजनी धरणातून सोडलेल्या या पाण्यामुळे शहरी भागासह नदीकाठच्या गावांची पाणीटंचाई थोड्या प्रमाणात दूर होणार आहे.

Ujni Dam: चार टीएमसीचे विशेष आवर्तन

पिण्यासाठी सोडण्यात येत असलेले पाणी व्यवस्थित आरळी बंधाऱ्यापर्यंत पोहोचावे यासाठी उजनी धरण ते आरळी बंधारा या मार्गावरील भीमा नदीवर असणारे 15 बंधाऱ्यांची वीज पूर्णपणे खंडित करण्यात आली आहे. ज्यामुळे पिण्याच्या पाण्यासाठी सोडलेले पाण्याचा वापर हा पिण्याच्या पाण्यासाठीच व्हावा ही प्रशासनाची भूमिका आहे. पालकमंत्र्यांनी नदीकाठच्या गावांची पाणीटंचाई दूर करण्यासाठी हे चार टीएमसीचे विशेष आवर्तन सोडण्याबाबत जिल्हाधिकारी एस.कार्तिकेयन यांना सूचना दिल्या होत्या. त्यानुसार हे पाणी काल रात्री उशिरा सोडण्यास सुरुवात झाली आहे. वास्तविक सकाळी दहा वाजता हे पाणी सोडण्यात येणार होते, मात्र उजनीकाठच्या काही गावांनी आपल्या मागण्यासाठी नदीपात्रात आंदोलन सुरू केल्याने कालचा संपूर्ण दिवस या आंदोलकांचे समाधान करण्यात गेल्याने, रात्री दहा वाजता हे पाणी सोडण्यास सुरुवात झाले आहे.

यावर्षी दुष्काळाची दाहकता भीषण असून उजनी धरणात सध्या 77% इतका पाणीसाठा शिल्लक आहे. सध्या उन्हाचा तडाखा वाढल्यामुळे धरणातील पाण्याचे बाष्पीभवनही मोठ्या प्रमाणात होत असून रोज जवळपास 13 ते 14 लाख लिटर पाणी बाष्पीभवनाने कमी होत आहे. अशावेळी धरणात असलेला पाणीसाठा पिण्याबरोबर उद्योगांनी शेतीसाठी राखून ठेवावा लागणार असल्याने प्रत्येक थेंबाचा विचार करून नियोजन करण्यात येत आहे. गेल्या वर्षीच्या तुलनेत यंदा जलसाठ्यात झालेली मोठी घट ही आगामी काळासाठी महत्वाची असणार आहे. आता उपलब्ध पाणी किती काळ पुरणार आणि संभाव्य टंचाई रोखण्यासाठी प्रशासन कोणती पावले उचलणार, याकडे जिल्ह्यातील नागरिकांचे लक्ष लागले आहे.

सुशीलकुमार शिंदेंनी भाजपची ऑफर नाकारली, भाजपमध्ये आलेल्या नवीन माणसांचे काय हाल होतात हे मी बघितलयं

आफताब शेख, एबीपी माझा — Fri, 23 Oct 2026 17:09:38 +0530

Sushilkumar Shinde : काँग्रेसचे जेष्ठ नेते सुशीलकुमार शिंदे (Sushilkumar Shinde) यांनी नातू शिखर पाहारिया यांनी पंतप्रधान नरेंद्र मोदी यांच्या वाढदिवसाच्या निमित्ताने बॅनरबाजी केली होती. या संदर्भात बोलताना सुशीलकुमार यांनी पंतप्रधानांना शुभेच्छा देणारे बॅनर लावले म्हणून काय बिघडलेअसे म्हणत शिखर पाहरिया यांचे समर्थन केले. एक दिवस असं केल्याने काय बिघडलं. मी सुद्धा नुकताच पंतप्रधानांना भेटलो असे शिंदे म्हणाले. तसेच मला देखील अनेकवेळा इकडे (भाजपमध्ये) या असं म्हटलं गेलं. मात्र, मी म्हटलं मी तिकडे (काँग्रेस) आहे तर इकडं (भाजप) मध्ये येऊन परत काय करणार असे वक्तव्य शिंदे यांनी केले.

नेमकं काय म्हणाले सुशीलकुमार शिंदे

परवा बातमी आली माझ्या नातवाने पंतप्रधानांना शुभेच्छा देणारे बॅनर लावले आहेत. एक दिवस असं केल्याने काय बिघडलं, मी सुद्धा नुकताच पंतप्रधानांना भेटलो असे शिंदे म्हणाले. यामुळं काहीही बिघडत नाही आणि आपली फिलोसोफी बदलत नाही. मला देखील अनेकवेळा इकडे (भाजपमध्ये) या असं म्हटलं गेलं मात्र मी म्हटलं मी तिकडे (काँग्रेस) आहे तर इकडं (भाजपमध्ये ) येऊन परत काय करणार असे शिंदे म्हणाले. मी जिथे आहे (काँग्रेसमध्ये) तिथलच काम करणार आहे. इकडं (भाजपमध्ये) येऊन परत तुमच्यात ढवळाढवळ नको असेही शिंदे म्हणाले.

भाजपमध्ये आलेल्या नवीन माणसांचे काय हाल होतात हे सुद्धा मी बघितलंय

भाजपमध्ये आलेल्या नवीन माणसांचे काय हाल होतात हे सुद्धा मी बघितलेल आहे असे सुशीलकुमार शिदे म्हणाले. 25 वर्षांपूर्वी सुद्धा असच होत होते असे ते म्हणाले. त्यावेळी एकत्रित सगळेच पक्ष सोडून गेले पुन्हा 4 ते 5 वर्षात गेलेले सगळे परतल्याचे शिंदे म्हणाले. राजकारणात देखील चुका होत असतात त्यामुळे पत्रकारांनी त्या चुकांचे विश्लेषण केले पाहिजे असेही सुशीलकुमार शिंदे म्हणाले. नकळत एखाद्याकडून जर चूक झाली असेल तर ती समजून घेतली आहे, आपली लोकशाही ही वर चढत जाणारी आहे, त्याला काळिमा लागता कामा नये असे शिंदे म्हणाले.

पंतप्रधान जितकं माझ्याशी बोलतात तितकंच शरद पवारांशीही बोलतात

देशाचे पंतप्रधान हे जितकं माझ्याशी बोलतात तितकंच शरद पवारांशीही बोलतात असेही शिंदे म्हणाले. शरदराव तर त्यांना बारामतीला घेऊन जातात, काय कोणी विचारत नाही असेही शिंदे म्हणाले. उद्घाटनला वगैरे गेले तर काही बिघडत नाही. कितीतरी चांगल्या गोष्टी त्यांच्याकडून (मोदी) होतात, वाईटही घडल्या जातात असे शिंदे म्हणाले. मात्र पत्रकारांनी याच विश्लेषण करुन घेतलं पाहिजे.मध्यंतरी RSS चे एक पुस्तक प्रकाशित झाले होते, मी आवर्जून ते पुस्तक चाळून बघितल्याचे शिंदे म्हणाले. पॉलिटिकलं सायन्सचा विद्यार्थी म्हणून हे सगळं महत्वाचं आहे असेही ते म्हणाले. काल मार्क्सवादी काम्युनिस्ट पक्षाचे मोठे नेते सोलापुरात येऊन गेले, त्यांच्याविषयी ही मी माहिती घेतली. त्यांचही साहित्य मी वाचतो. काम्युनिस्ट पार्टीचा इतिहास देखील किती मोठा आहे असे शिंदे म्हणाले.

Uday Samant on Gokul Election Result 2026: जेव्हा सत्तेचा अहंकार निर्माण होतो तेव्हा गोकुळ होतं, उदय सामंतांचा जयकुमार गोरेंना टोला

रोहित धामणस्कर — Tue, 20 Oct 2026 10:40:44 +0530

Uday Samant on Gokul Election Result 2026: लोकशाहीत सर्वसामान्य उमेदवारालाही खूप हिणवणे योग्य नसते. जेव्हा याचा अतिरेक होतो तेव्हा गोकुळसारखा निकाल लागतो, असा टोला उद्योगमंत्री उदय सामंत (Uday Samant) यांनी भाजपच्या जयकुमार गोरे यांना लगावला. पुणे शिक्षक मतदारसंघातील अपक्ष उमेदवार सचिन सानप (Sachin Sanap) यांच्या प्रचारासाठी उदय सामंत हे सोलापुरात आले होते. यावेळी उदय सामंत यांनी भाजप नेते आणि पालकमंत्री जयकुमार गोरे (Jaykumar Gore) यांच्यावर निशाणा साधला. मी बोलेन तेच खरं असा सत्तेचा अहंकार बाळगू नका, नाहीतर गोकुळ होतं हे लक्षात ठेवा, असे जयकुमार गोरे यांनी म्हटले. (Maharashtra Politics news)

सर्वसामान्यातील सर्वसामान्य असला तरी ज्याला चार मतं मिळणार नसतील तरी तो लोकशाहीतील एक उमेदवार आहे, त्याचा मानसन्मान ठेवला पाहिजे. एवढं हिणवणं चांगलं नाही. हे हिणवलं म्हणजे काय होतं, आपल्याकडे सत्ता आहे, मी बोलेन तेच योग्य आहे, अशा पद्धतीची भावना ज्यावेळी निर्माण होते, तेव्हा गोकुळ होतो, असे उदय सामंत यांनी म्हटले.

पुणे शिक्षक मतदारसंघातील लढत म्हणजे भारत-पाकिस्तानची लढाई नाही, ती मैत्रीपूर्ण लढत आहे. कोणालाही कमी लेखू नका, काहीही घडू शकतं. सत्तेचा अहंकार बाळगल्यास मतदार कसा धडा शिकवतात, याचं जिवंत उदाहरण 'गोकुळ'च्या निकालाने दाखवून दिलंय. आपण सत्तेत एकत्र आहोत, त्यामुळे सबुरीने घेतलं तरच महायुती सर्व ठिकाणी विजयी होईल. कोणाचंही मन दुखावले जाणार नाही याचं भान ठेवलं पाहिजे, असा थेट इशारा सामंत यांनी दिला.

Gokul Election Result 2026: गोकुळ दूध संघाच्या निवडणुकीचा निकाल

गोकुळ दूध संघाच्या निवडणुकीची मतमोजणी सोमवारी पार पडली. यामध्ये सतेज पाटलांच्या (satej Patil) नेतृत्वाखील काँग्रेसप्रणित राजर्षी शाहू शेतकरी समविचारी आघाडीने महायुतीच्या पॅनेलचा 13-12 अशा फरकाने पराभव केला. गोकुळ दूध संघाच्या एकूण 25 जागांपैकी फार तर चार जागांवर सतेज पाटील यांच्या पॅनेलचा विजय होईल, अशी चर्चा होती. महायुतीच्या नेत्यांनी तर 25 पैकी 25 जागा जिंकू असा दावा केला होता. मात्र, सतेज पाटील यांनी सर्वांनाच धक्का देत 13 उमेदवार निवडून आणले होते.

Jaykumar Gore: जयकुमार गोरे काय म्हणाले होते?

दोन दिवसांपूर्वी झालेल्या एका सभेत जयकुमार गोरे यांनी शिंदे सेनेच्या सचिन सानप यांच्याविषयी बोलताना, कोण सचिन सानप? मी त्यांना ओळखत नाही, असे म्हटले होते. यावरुन उदय सामंत यांनी जयकुमार गोरे यांच्यावर पलटवार केला. आपण महायुतीचे घटक आहोत, याचे भान जयकुमार गोरे यांनी ठेवावे. सचिन सानप यांना गोरे ओळखत नसतील तर येत्या 27 तारखेला सानप आमदार म्हणून निवडून येतील, तेव्हा सानप कोण आहेत, हे जयकुमार गोरे यांना कळेल, असा टोला उदय सामंत यांनी लगावला.

आणखी वाचा

Gokul Election Result 2026: गोकुळचा निकाल बाजूने लागला पण अचानक 'अदृश्य' शक्ती सक्रिय, दगाफटक्याची कुणकुण लागताच सतेज पाटील-राजू शेट्टी मतमोजणी केंद्रावर पोहोचले अन्...