Sindhudurg Kankavli Crime News: महिला हवालदार स्मिता मानेंचा संशयास्पद मृत्यूने कोकणात खळबळ; पोलीस कॉन्स्टेबल सचिनला अटक, नेमकं काय घडलं?

एप्रिल मे मध्ये उद्धव ठाकरे किंवा आदित्य ठाकरे जेलमध्ये जाणार, मंत्री नितेश राणेंचा दावा, म्हणाले, मुख्यमंत्री फडणवीसच राहणार, आम्ही राज ठाकरेंना नाराज करणार नाही

सदाशिव लाड, एबीपी माझा — Fri, 30 Oct 2026 19:06:15 +0530

Nitesh Rane : राज्याच्या हितासाठी एकनाथ शिंदे आणि उद्धव ठाकरे एकत्र येऊ शकतात असं वक्तव्य शिवसेना (शिंदे गट) नेते रवींद्र धंगेकर यांनी केलं होतं. त्यांच्या या वक्तव्यानंतर राजकीय वर्तुळात विविध चर्चांना उधाण आले आहे. याबाबत मंत्री नितेश राणे यांनी प्रतिक्रिया दिली आहे. आमच्या वरिष्ठांनी नोंद घेतली असून, ते निर्णय घेणार आहेत, आम्ही त्याची वाट पाहू असे मत त्यांन व्यक्त केले. एप्रिल, मे मध्ये उद्धव ठाकरे किंवा आदित्य ठाकरे हे जेलमध्ये असतील असा दावा नितेश राणे यांनी केला.

संजय राऊत यांची आतापर्यंत कुठली भाकित खरी ठरलेली नाहीत

आमचं नरेंद्र मोदींचं सरकार अजून भक्कम होणार आहे. कारण, 2029 ला मोठ्या मतांनी आणि मोठ्या ताकदीने निवडून येईल. महाराष्ट्रात मुख्यमंत्री देवेंद्र फडणवीस यांच्या नेतृत्वाखाली मजबूत होत चाललं आहे. संजय राऊत यांची आतापर्यंत कुठली भाकित खरी ठरलेली नाहीत. कदाचित स्वतःच्या मालकाची तारीख एप्रिल महिन्यात ठरवली असेल असा टोला देखील नितेश राणेंनी राऊतांना लगावला. मुंबईच्या समुद्रकिनारी असली होल्डिंगमध्ये चार स्पॉट असणार आहेत 20 नाही. 20 ठिकाणी समुद्रात सगळीकडे होल्डिंग दिसणार असा अपप्रचार केला जात आहे. मुंबईला पर्यटनाच्या आणि विकासाच्या दृष्टिकोनातून आमचं सरकार सज्ज आहे. मी पण मुंबईकर असल्यामुळे माझ्या मुंबईला मी कुठे गालबोट लावायला देणार नाही. आमचं सरकार कुठेही पर्यावरणाला हानी पोहोचवणार नाही असे राणे म्हणाले.

उद्धव ठाकरे फोटोग्राफी करत राहिले असते तर खूप गोष्टी टाळल्या असत्या

उद्धव ठाकरे फोटोग्राफी करत राहिले असते तर खूप गोष्टी टाळल्या असत्या, हिंदूहृदयसम्राट बाळासाहेब ठाकरे यांच्या पक्षाला गालबोट लागून नसतं, असा टोला देखील नितेश राणेंनी लगावला. मुख्यमंत्र्यांनी दिलेला सल्ला दोन्ही ठाकरे बंधूंनी ऐकावा. जेणेकरून त्यांचे भविष्य उज्वल होईल असेही राणे म्हणाले. दरम्यान, राज ठाकरेंना आम्ही कधीच नाराज केलेलं नाही, पुढेही नाराज करणार नाही. 2029 पर्यंत देवेंद्र फडणवीसंच मुख्यमंत्री राहतील. देवेंद्र फडणवीस महाराष्ट्राचा अभिमान आणि स्वाभिमान आहेत असे नितेश राणे म्हणाले.

मुख्यमंत्र्यांनी लगावला ठाकरे बंधूंना टोला

काल महाराष्ट्राच्या हास्यरेषा या प्रशांत कुलकर्णी संपादीत पुस्तकाचा प्रकाशन सोहळा मुंबईत पार पडला. या सोहळ्यात राज्याचे मुख्यमंत्री देवेंद्र फडणवीस आणि माजी मुख्यमंत्री उद्धव ठाकरे, मनसे प्रमुख राज ठाकरे एकत्र आले होते. याची जोरदार चर्चा राजकीय वर्तुळात रंगल्याचं पाहायला मिळालं. यावेळी बोलताना मुख्यमंत्री देवेंद्र फडणवीस यांनी राज ठाकरे चांगले व्यंगचित्रकार आहेत, उद्धव ठाकरे चांगले छायाचित्रकार आहे. मी चांगला राकारणी आहे, मला राजकारणातलच समजतं, त्यामुळं मी राजकारण करणार, त्यामुळं मला या दोघांनी राजकारणात चांगल काम करुन द्यावं असा टोला मुख्यमंत्र्यांनी ठाकरे बंधूंना लगावला होता.

अरबी समुद्रात कमी दाबाचा पट्टा तयार! एका बाजूला उन्हाचा पारा वाढला, तर दुसऱ्या बाजूला वादळी वाऱ्यासह मुसळधार पाऊस

सदाशिव लाड, एबीपी माझा — Sat, 24 Oct 2026 16:49:32 +0530

Sindhudurg Rain News : राज्यात सध्या दुष्काळी परिस्थिती निर्माण झाली आहे. पावसाळा कोरडा गेल्यामुळं बहुतांश भागात शेतकऱ्यांची पिकं करपली आहेत. पिण्याच्या पाण्याचा जनावरांच्या चाऱ्याचा मोठा प्रश्न निर्माण झाला आहे. त्यामुळं सरकारनं राज्यात दुष्काळ जाहीर केला आहे. अशातच एका बाजूला उन्हाचा तिव्रता वाढत असतानाच दुसऱ्या बाजूला पोऊस कोसळत असल्याचं चित्र पाहायला मिळत आहे. सध्या सिंधुदुर्ग जिल्ह्यात मुसळधार पाऊस कोसळत आहे.

Rain : अरबी समुद्रात कमी दाबाचा पट्टा निर्माण झाला

दरम्यान, मिळालेल्या माहितीनुसार, अरबी समुद्रात कमी दाबाचा पट्टा निर्माण झाल्यानं सिंधुदुर्ग जिल्ह्यात मुसळधार पाऊस कोसळत आहे. वादळी वारा आणि ढगांच्या गडगडाटासह जिल्ह्यातील कुडाळ, सावंतवाडी, दोडामार्ग, वैभववाडी तालुक्यात मुसळधार पाऊस कोसळत आहे. वादळी वाऱ्यासह पाऊस आल्याने उभी भातशेती आडवी झाली आहे. अनेक ठिकाणी कापलेली भातशेती भिजून गेली आहे. या वादळी वाऱ्यासह झालेल्या पावसाने शेतकी पिकांचं नुकसान झाल्यानं शेतकऱ्यांना देखील मोठा फटका बसला आहे.

हवामान बदलामुळे 27 ते 29 ऑक्टोबरदरम्यान महाराष्ट्रातील काही भागांत पाऊस पडण्याची शक्यता

बंगालच्या उपसागरात नव्या हवामान प्रणाली सक्रिय होत असल्याने पुढील दोन आठवड्यांत देशातील अनेक भागांत, विशेषतः दक्षिण द्वीपकल्प आणि पूर्व किनारपट्टीवर मुसळधार ते अतिमुसळधार पावसाचा अंदाज भारतीय हवामान विभागाने वर्तवला आहे. महाराष्ट्रातही पुन्हा एकदा पावसाची शक्यता निर्माण झाली आहे. या संभाव्य हवामान बदलामुळे 27 ते 29 ऑक्टोबरदरम्यान महाराष्ट्रातील काही भागांत पाऊस पडण्याची शक्यता आहे. कोकणासह कोल्हापूर आणि घाटामाथा परिसरात हलका ते मध्यम पावसाचा अंदाज हवामान खात्याने वर्तविला आहे. साताऱ्यातही पावसाचा अंदाज आहे. तर पुणे, सांगली आणि सोलापूर जिल्ह्यांत कोरडे हवामान राहील, असा हवामान खात्याने सांगितलं आहे. विदर्भ आणि मराठवाड्यात पुढील तीन दिवस पावसाचा अलर्ट असून वादळी वारे वाहण्याची शक्यता वर्तवण्यात आली आहे.

रत्नागिरी आणि सिंधुदुर्ग जिल्ह्यात पावसाची शक्यता

रत्नागिरी आणि सिंधुदुर्ग जिल्ह्यांत हलक्या ते मध्यम पावसाची शक्यता वर्तवली आहे. तर उत्तर महाराष्ट्र, मराठवाडा आणि विदर्भातील काही भागात कोरडे हवामान असणार आहे. पालघर, ठाणे, मुंबई आणि रायगड जिल्ह्यांत हवामान उष्ण आणि दमट राहणार असल्याने लोकांनी घराबाहेर पडताना छत्री आणि पाणी जवळ ठेवावे. तर रत्नागिरी आणि सिंधुदुर्ग जिल्ह्यात संध्याकाळच्या वेळी हलक्या ते मध्यम स्वरूपाचा पावसाची शक्यता आहे.

Onkar elephant Sindhudurg: ओंकार हत्ती गावात फिरतफिरत चक्क रिसॉर्टमध्ये पोहोचला, अजस्त्र आकाराचा प्राणी पाहताच कुत्रे घाबरले अन्...

सदाशिव लाड, एबीपी माझा — Sat, 24 Oct 2026 14:28:31 +0530

Onkar elephant Sindhudurg: ओंकार हत्ती गावात फिरतफिरत चक्क रिसॉर्टमध्ये पोहोचला, अजस्त्र आकाराचा प्राणी पाहताच कुत्रे घाबरले अन्...

Damini Palav Death News: एकतर्फी प्रेमातून दामिनी पालवला संपवलं; साहिल धुरीने नको नको ते केलं, कोकणात खळबळ, दुचाकी आणि मोबाईल जप्त

सदाशिव लाड, एबीपी माझा — Tue, 20 Oct 2026 09:51:34 +0530

Damini Palav Death News: सिंधुदुर्ग जिल्ह्यातील कुडाळ तालुक्यातील वर्दे येथे हॉटेल मॅनेजमेंटचे शिक्षण घेणाऱ्या 23 वर्षीय दामिनी पालव (Damini Palav Death News) हिची हत्या एकतर्फी प्रेमातून घडल्याची प्राथमिक तपासात पोलिसांना निष्पन्न झाले आहे. आरोपीवर खूनाचा गुन्हा दाखल करण्यात आला आहे. आज आरोपीला व्यायालयात हजर केलं असता 24 ऑक्टोबरपर्यंत पोलीस कोठडी देण्यात आली आहे. आरोपी साहिल धुरी याला पोलिस कोठडी देण्यात आली असून या प्रकरणी पोलिस अधिक तपास करत आहेत.

खूनात वापरलेला चाकू, दुचाकी आणि मोबाईल जप्त- (Damini Palav Death News)

सिंधुदुर्गच्या कुडाळ तालुक्यातील वर्दे पालववाडी येथील महाविद्यालयीन युवती दामिनी पालव हिच्या निघृण खून प्रकरणात पोलिसांनी महत्त्वाचे पुरावे हस्तगत केले आहेत. तिचा खून करण्यासाठी संशयित आरोपी साहिल धुरी याने वापरेला धारदार चाकू पोलिसांनी जप्त केला आहे. तसेच त्याने गुन्ह्यात वापरलेली दुचाकी आणि दामिनी, साहिल या दोघांचे मोबाईलही जप्त केले आहेत. वर्दे गावातील कुंभारवाडी येथील ओहळानजीक 17 ऑक्टोबरला सायंकाळी 6 वाजताच्या सुमारास ही घटना घडली होती. दामिनी हिच्यावर धारदार शस्त्राने वार करून तिचा खून करण्यात आला. या प्रकरणात एकतर्फी प्रेमातून खून झाल्याचा प्राथमिक निष्कर्ष पोलिसांनी तपासातून वर्तवला आहे. न्यायालयाने त्याला 24 ऑक्टोबरपर्यंत सात दिवसांची पोलीस कोठडी सुनावली. तपासाच्या अनुषंगाने पोलिसांनी संशयिताला घटनास्थळी नेऊन चौकशी केली. दामिनीवर 17 ते 18 वार करून साईलने हत्या केली.

एकतर्फी प्रेमातून वर्दे कडावल येथील दामिनी पालवची निघृण हत्या, नेमकं प्रकरण काय? (Damini Palav Death News)

सिंधुदुर्ग जिल्ह्यातील कुडाळ तालुक्यातील वर्दे कडावल गावातील महाविद्यालयीन युवती दामिनी पालव हिची निघृण हत्या करून फरार झालेल्या आरोपीला सिंधुदुर्ग पोलिसांच्या स्थानिक गुन्हे अन्वेषण विभागाने अटक केली. साहिल धुरी या आरोपीला पोलिसांनी रात्री त्याच्या राहत्या घरातून ताब्यात घेतले. यावेळी आरोपीचे रक्ताने माखलेले कपडे पोलिसांनी ताब्यात घेतले. मात्र महाविद्यालयीन तरुणीच्या हत्येमुळे महिला सुरक्षेचा प्रश्न पुन्हा ऐरणीवर आला आहे. सोशल मीडियावरून ओळखीतून आरोपी साहिल धुरी याचे दामिनी पालव हिच्याबाबत एकतर्फी प्रेम निर्माण झाले होते. दामिनीने त्याच्या प्रेमाला प्रतिसाद दिला नाही आणि तिचे लग्न ठरल्याच्या रागातून त्याने हे टोकाचे पाऊल उचलल्याचा संशय व्यक्त करण्यात येत आहे. आरोपी दामिनीची वाट पाहत घटनास्थळी थांबला होता. महाविद्यालयातून एसटीने प्रवास करून दामिनी आपल्या गावात उतरून घरी जात असताना आरोपीने तिची वाट अडवली. त्याने तिच्याकडे प्रेम स्वीकारण्याचा आग्रह धरला. मात्र, दामिनीने नकार दिल्यानंतर आरोपीने तिच्यावर धारदार शस्त्राने वार केल केले, या हल्ल्यात दामिनीचा मृत्यू झाला.

राज्यासह देश-विदेशातील महत्वाच्या घडामोडी, VIDEO:

Rain in Konkan: दुष्काळामुळे शेतकऱ्यांनी भातशेती कापली अन् आता धो-धो पाऊस आला, सिंधुदुर्गात पावसाचा यलो अलर्ट

रोहित धामणस्कर — Mon, 19 Oct 2026 15:07:10 +0530

Rain in Konkan: दुष्काळामुळे शेतकऱ्यांनी भातशेती कापली अन् आता धो-धो पाऊस आला, सिंधुदुर्गात पावसाचा यलो अलर्ट

Maharashtra Rain Update: कोकणासह राज्यात अवकाळी पावसाची हजेरी; हवामान विभागाकडून 'या' जिल्ह्याला वादळी वाऱ्यासह सतर्कतेचा इशारा, ‘यलो अलर्ट’ जारी

सदाशिव लाड, एबीपी माझा — Mon, 19 Oct 2026 12:09:09 +0530

सिंधुदुर्ग : नैऋत्य अरबी समुद्रामध्ये चक्राकार वाऱ्यांच्या प्रभावामुळे कमी दाबाचे क्षेत्र तयार झाले असून, त्याची हळूहळू तीव्रता वाढतच जाणार आहे. यामुळे सिंधुदुर्ग जिल्ह्यांत (Maharashtra Rain Update) वादळी वाऱ्यासह पावसाची शक्यता असल्याने सतर्कतेचा इशारा येलो अलर्ट देण्यात आला आहे. जिल्ह्यात विजांच्या कडकडाटासह हलक्या ते मध्यम स्वरूपाच्या पावसाची शक्यता वर्तवण्यात आली आहे.(Maharashtra Rain Update)

कोकणातील सिंधुदुर्ग जिल्ह्यातील कणकवली, वैभववाडीसह रत्नागिरी शहर परिसर आणि चिपळूणमध्ये रविवारी विजांच्या कडकडाटासह अवकाळी पावसाने जोरदार हजेरी लावली. रत्नागिरी शहर परिसरात रविवारी पावसाच्या हलक्या सरी कोसळल्या, तर संगमेश्वर तालुक्यातील देवरुखसह अनेक भागांत पावसाने जोरदार जोर धरला. या अचानक आलेल्या पावसामुळे ज्या शेतकऱ्यांची भातकापणी झाली आहे, त्यांची मोठी तारांबळ उडाली; तर जे शेतकरी पीक कापणीच्या उंबरठ्यावर आहेत, त्यांच्या चिंतेत वाढ झाली आहे. मात्र, दुसरीकडे सततच्या उकाड्याने हैराण झालेल्या नागरिकांना या पावसामुळे मोठा दिलासा मिळाला आहे. दरम्यान, पावसामुळे चिपळूण शहर परिसरातील वीज पुरवठा काही काळ खंडित झाला होता.(Maharashtra Rain Update)

विविध जिल्ह्यांत ‘यलो अलर्ट’ जारी

रविवारी कोकणासह कोल्हापूरमध्ये तुरळक ठिकाणी पावसाने हजेरी लावली होती. या पार्श्वभूमीवर हवामान विभागाने आज रायगड, रत्नागिरी आणि सिंधुदुर्ग जिल्ह्यांत मेघगर्जनेसह पावसाचा ‘यलो ॲलर्ट’ दिला आहे. तसेच पुणे, कोल्हापूर, सातारा या जिल्ह्यांतील घाट परिसरासह सांगली, बीड, लातूर, धाराशीव, गोंदिया आणि नागपूर जिल्ह्यांनाही सोमवारी मेघगर्जनेसह पावसाचा सतर्कतेचा इशारा जारी करण्यात आला आहे.(Maharashtra Rain Update)

राज्यात एकीकडे उन्हाचा चटका कायम असतानाच, आता पावसाला पोषक हवामान तयार होत आहे. आज कोकण, पश्चिम महाराष्ट्र, मराठवाडा आणि पूर्व विदर्भात तुरळक ठिकाणी विजांसह वादळी पावसाची शक्यता असल्याने हवामान विभागाने सतर्कतेचा इशारा (यलो अलर्ट) दिला आहे. उर्वरित महाराष्ट्रात मात्र उन्हाचा चटका कायम राहण्याचा अंदाज आहे. आज कोकणातील रायगड, रत्नागिरी, सिंधुदुर्ग, पश्चिम महाराष्ट्रातील पुणे, सातारा, सांगली, कोल्हापूर, मराठवाड्यातील धाराशिव, बीड, लातूर आणि विदर्भातील नागपूर व गडचिरोली जिल्ह्यांत वादळी वाऱ्यासह पावसाची शक्यता वर्तवण्यात आली आहे. याशिवाय, अहिल्यानगर, सोलापूर, परभणी, हिंगोली आणि नांदेड या जिल्ह्यांतही तुरळक ठिकाणी विजांसह पाऊस पडू शकतो. मात्र, उर्वरित राज्यात ऊन आणि उकाडा कायम राहील.

कमी दाबाच्या पट्ट्यामुळे पावसाला अनुकूल वातावरण

नैऋत्य अरबी समुद्रामध्ये चक्राकार वाऱ्यांच्या प्रभावामुळे रविवारी (१८ ऑक्टोबर) या भागात कमी दाबाचे क्षेत्र तयार झाले असून, त्याची तीव्रता क्रमाने वाढत जाणार आहे. तसेच उत्तर कर्नाटकमध्ये ९०० मीटर उंचीवर चक्राकार वाऱ्यांची स्थिती कायम आहे. लक्षद्वीप बेटांपासून कर्नाटक ते आंध्र प्रदेशपर्यंत हवेचा कमी दाबाचा पट्टा सक्रिय झाल्यामुळे राज्यातीस हवामानात हे बदल होत आहेत.

सोशल मीडियातून ओळख, एकतर्फी प्रेम; माझं प्रेम स्वीकार कर म्हणत तरुणाने कॉलेजच्या युवतीला संपवलं

सदाशिव लाड, एबीपी माझा — Sun, 18 Oct 2026 15:02:49 +0530

सिंधुदुर्ग : एकतर्फी प्रेमातून अनेकदा गंभीर गुन्ह्याच्या (Crime News) घटना घडल्याचं पाहायला मिळालं आहे. त्यामध्ये, मुलींवर अन्याय, अत्याचार तर कधी त्यांना जीव देखील गमवावा लागल्याचा संतापजनक प्रकार समोर आला. आता, सिंधुदुर्ग (Sindhudurg) जिल्ह्याच्या कुडाळ तालुक्यातील वर्दे कडावल गावातही असाच धक्कादायक प्रकार समोर आला आहे. एकतर्फी प्रेमातून महाविद्यालयीन युवती दामिनी पालव हिची निर्घृण हत्या करुन फरार झालेल्या आरोपीला सिंधुदुर्ग पोलिसांच्या (Police) स्थानिक गुन्हे अन्वेषण विभागाने अटक केली.

साहिल धुरी या आरोपीला पोलिसांनी रात्री त्याच्या राहत्या घरातून ताब्यात घेतले. त्यावेळी, आरोपीचे रक्ताने माखलेले कपडे पोलिसांनी ताब्यात घेतले. मात्र, महाविद्यालयीन तरुणीच्या हत्येमुळे महिला सुरक्षेचा प्रश्न पुन्हा ऐरणीवर आला आहे. सोशल मीडियावरुन ओळख निर्माण झाल्यानंतर आरोपी साहिल धुरी याचे दामिनी पालव हिच्याबाबत एकतर्फी प्रेम निर्माण झाले होते. दामिनीने त्याच्या प्रेमाला प्रतिसाद दिला नाही, दरम्यानच्या काळात तिचे लग्न ठरल्याच्या रागातून त्याने हे टोकाचे पाऊल उचलल्याचा संशय व्यक्त करण्यात येत आहे.

आरोपी साहिल हा दामिनीची वाट पाहत घटनास्थळी थांबला होता. महाविद्यालयातून एसटीने प्रवास करून दामिनी आपल्या गावात उतरुन घरी जात असताना आरोपीने तिची वाट अडवली. त्याने तिच्याकडे प्रेम स्वीकारण्याचा आग्रह धरला. मात्र, दामिनीने नकार दिल्यानंतर आरोपीने तिच्यावर धारदार शस्त्राने वार केले. या हल्ल्यात दामिनीचा मृत्यू झाला. याप्रकरणी पोलिस अधिक तपास करत असून पुरावे गोळा करत आहेत. दरम्यान, आरोपीला आज न्यायालयात हजर केले जात आहे. मात्र, या घटनेनं कॉलेजमधील तरुणी आणि महिलांच्या सुरक्षेचा प्रश्न पुन्हा एकदा समोर आला आहे. दरम्यान, सोशल मीडियाचा वापर करताना आपण कोणाला मित्र यादीत जोडतो आणि कोणासोबत संवाद साधतो हेही पडताळणे गरजेचं असल्याचं दिसून येतं.

हेही वाचा

निवडणुका EVM वर घ्या किंवा कागदावर, जिंकणार तर आम्हीच; विधानपरिषदेच्या पार्श्वभूमीवर चंद्रकांत पाटलांना विश्वास

Maharashtra Weather Updates Rain Marathi News: पुणे, सोलापूर, कोल्हापूर, नांदेडसह कोकणात वादळी वाऱ्यासह पावसाची शक्यता; 10 जिल्ह्यांना यलो अलर्ट, नेमकं काय घडलं?

मुकेश चव्हाण — Sun, 18 Oct 2026 09:07:01 +0530

Maharashtra Weather Updates Rain Marathi News: राज्यात एकीकडे उन्हाचा चटका आणि उकाडा कायम असताना दुसरीकडे पावसाला पोषक हवामान तयार झाले आहे. भारतीय हवामान विभागाने आज (18 ऑक्टोबर) रोजी कोकण, पश्चिम महाराष्ट्र आणि मराठवाड्यातील काही जिल्ह्यांना वादळी पावसाचा यलो अलर्ट जारी (Rain In Maharashtra) केला आहे. कोकण किनारपट्टीवर पुढील 5 दिवसांत वादळी वाऱ्यासह पावसाची शक्यता हवामान विभागाने वर्तवली आहे. विजांच्या कडकडाटासह हलक्या ते मध्यम स्वरूपाच्या पावसाचा अंदाज व्यक्त करण्यात आला आहे. हवामान खात्याने दिलेल्या माहितीनुसार सिंधुदुर्ग जिल्ह्यांमध्ये 18, 19 आणि 20 ऑक्टोबर दरम्यान वादळी वारे, विजांचा कडकडाट आणि ताशी 40 ते 50 किलोमीटर वेगाने वादळी वारे वाहण्याची शक्यता आहे. (Maharashtra Weather Updates)

हवामान विभागाच्या अंदाजानुसार, आज रत्नागिरी आणि सिंधुदुर्ग या कोकणातील जिल्ह्यांसह पश्चिम महाराष्ट्रातील सांगली, कोल्हापूर आणि सोलापूर येथे वादळी वाऱ्यांसह पाऊस (Rain Marathi News) पडण्याची शक्यता आहे. मराठवाड्यातील धाराशिव, लातूर, नांदेड आणि हिंगोली या जिल्ह्यांनाही यलो अलर्ट देण्यात आला आहे. तसेच पुणे, सातारा, रायगड, बीड आणि परभणी या जिल्ह्यांतील तुरळक ठिकाणी विजांसह पावसाची शक्यता वर्तविण्यात आली आहे. त्यामुळे संबंधित भागांतील नागरिकांनी हवामानाच्या बदलांकडे लक्ष द्यावे, असे आवाहन हवामान विभागाकडून करण्यात येत आहे. पुढील दोन दिवस राज्यात काही ठिकाणी पाऊस पडण्याची शक्यता व्यक्त केली आहे.

उत्तर, पूर्व आणि दक्षिण भारतातील काही भागांत हवामान अस्थिर राहण्याची शक्यता- (Rain Marathi News)

नैऋत्य मान्सून महाराष्ट्राच्या (Maharashtra Rain) उर्वरित सर्व भागांतून तसेच गोवा, कर्नाटक, तेलंगणा व ओडिशाच्या काही भागांतून आणि झारखंड व छत्तीसगडच्या आणखी काही भागांतून मागे फिरला आहे. याबाबत हवामान विभागाने अधिकृतपणे जाहीर केले आहे. मात्र हवामान विभागाने (IMD) दिलेल्या नवीन अंदाजानुसार, येत्या काही दिवसांत उत्तर, पूर्व आणि दक्षिण भारतातील काही भागांत हवामान अस्थिर राहण्याची शक्यता आहे. उत्तर भारत आणि डोंगराळ प्रदेशातील अनेक भागांत विजांचा कडकडाट, वादळी वारे आणि मेघगर्जना होण्याची शक्यता वर्तवण्यात आली आहे. (Maharashtra Weather Updates)

देशातील 16 राज्यांमध्ये मुसळधार पाऊस आणि वादळाचा इशारा- (Rain Updates)

हवामान विभागाच्या अंदाजानुसार, आज 18 ऑक्टोबर रोजी महाराष्ट्र, उत्तर प्रदेश, दिल्ली, बिहार, राजस्थान, उत्तराखंड, हिमाचल प्रदेश, पंजाब, जम्मू-काश्मीर, पश्चिम बंगाल, झारखंड, ओडिशा, कर्नाटक, आंध्र प्रदेश, छत्तीसगड आणि मध्य प्रदेश या राज्यांमध्ये व प्रदेशांमध्ये मुसळधार पाऊस आणि वादळाचा इशारा देण्यात आला आहे. या काळात ताशी 70 ते 80 किलोमीटर वेगाने जोरदार वारे वाहण्याची शक्यता आहे.

राज्यासह देश-विदेशातील महत्वाच्या घडामोडी, VIDEO:

सिंधुदुर्ग जिल्ह्यातील कुडाळ तालुक्यात हॉटेल मॅनेजमेंटचे शिक्षण घेणाऱ्या 24 वर्षीय तरुणीला संपवलं; घराकडे जात असताना प्राणघातक हल्ला करून हल्लेखोर पसार

सदाशिव लाड, एबीपी माझा — Sat, 17 Oct 2026 22:19:00 +0530

Sindhudurg News: सिंधुदुर्ग जिल्ह्यातील कुडाळ तालुक्यातील वर्देमध्ये हॉटेल मॅनेजमेंटचे शिक्षण घेणाऱ्या 24 वर्षीय तरुणीची धारदार शस्त्राने भोसकून निर्घृण हत्या करण्यात आल्याने एकच खळबळ उडाली आहे. नंदिनी किरण पालव (वय 24) असे तिचे नाव आहे. ती नदीत मृतावस्थेत पडून होती. आरोपी वर्दे -कडावल साकवावरून पसार झाल्याचा अंदाज आहे. मिळालेल्या प्राथमिक माहितीनुसार नंदिनी हॉटेल मॅनेजमेंटचे शिक्षण घेत होती. या धक्कादायक घटनेमुळे संपूर्ण परिसरात भीतीचे सावट पसरले असून महिलांच्या सुरक्षेचा प्रश्न पुन्हा ऐरणीवर आला आहे.

वाटेत अडवून धारदार शस्त्राने प्राणघातक वार

दरम्यान, मयत नंदिनी आज (17 ऑक्टोबर) सायंकाळी साडे पाच ते सहाच्या सुमारास कडावलमधी बसस्टॉपवर उतरली. कडावल बसस्टॉपवरून ती पायी वर्दे येथील आपल्या घराकडे जात होती. घरी जात असताना वाटेत अज्ञात हल्लेखोराने तिला अडवून तिच्यावर धारदार शस्त्राने प्राणघातक वार केले. वर्मी घाव झाल्याने नंदिनीचा जागीच मृत्यू झाला. घटनेची माहिती मिळताच पोलीस पथक घटनास्थळी दाखल झाले. नाकेबंदी करून आरोपीचा शोध घेण्यासाठी कसून तपास सुरू करण्यात आला आहे.

स्वतःवर चाकूने वार करून घेतले

दरम्यान, सावंतवाडीमध्ये बाहेरचावाडात भाड्याने राहणाऱ्या बिहार येथील सेंट्रींग कामगार कृष्णा गौंडने रात्रीच्या सुमारास स्वतःवरच चाकूने वार करून घेतल्याची घटना घडली होती. काल (16 ऑक्टोबर) गंभीर स्थितीत अन्य दोघा सहकारी कामगारांनी रुग्णालयात दाखल केले. उपचारादरम्यान डॉक्टरांनी त्याला मृत घोषित केले. पंधरा दिवसांपूर्वीच तो बिहारहून सावंतवाडीत कामासाठी आला होता. कृष्णा गौंड सावंतवाडीतील त्याच्या सहकारी धर्मेद्र आणि अमित यांच्या सोबत राहत होता. घरी कृष्णा हा आत खोलीमध्ये होता. काही वेळातच मोठमोठ्याने त्याच्या ओरडण्याचा आवाज ऐकू आला.

सहकाऱ्यांनी आत जाऊन पाहिले असता कृष्णा रक्तबंबाळ स्थितीत बेशुद्धावस्थेत पडलेला आढळला. त्याच्या गळ्यावर खोलवर वार झाल्याचे दिसत होते. घटनास्थळी कांदा चिरण्यासाठी वापरली जाणारी सुरी आढळून आली. त्या सुरीला रक्त लागले होते. कृष्णाने स्वतःवरच वार केल्याचे त्याच्या अन्य दोघा सहकाऱ्यांनी यावेळी पोलिसांना सांगितले. मात्र, या ठिकाणी नेमके काय घडले? कृष्णाने स्वतःवर वार करून का घेतले? हे अद्याप स्पष्ट झालेलं नाही. पोस्टमॉर्टम रिपोर्टनंतरच यामागचे नेमके काय स्पष्ट होणार असून तूर्त आकस्मिक मृत्यूची नोंद पोलिस ठाण्यात करण्यात आली आहे.

इतर महत्वाच्या बातम्या

Uddhav Thackeray: मग दिल्लीत हजारो पोलिस दांडिया खेळायला आणलेत का? अशी राजवट गाडलीच पाहिजे आणि ती गाडण्यासाठीच आम्ही सगळे उभे आहोत; उद्धव ठाकरेंचं राजनाथ सिंहांना प्रत्युत्तर

Sindhudurg Kankavli Crime News: महिला हवालदार स्मिता मानेंचा संशयास्पद मृत्यूने कोकणात खळबळ; पोलीस कॉन्स्टेबल सचिनला अटक, नेमकं काय घडलं?

सदाशिव लाड, एबीपी माझा — Tue, 13 Oct 2026 10:53:39 +0530

Sindhudurg Kankavli Crime News: कणकवली पोलीस ठाण्याच्या महिला हवालदार स्मिता माने (Smita Mane Death Case) संशयास्पद मृत्यू प्रकरणात अखेर मोठी कारवाई करण्यात आली आहे. स्मिता माने यांचे पती आणि स्वतः पोलीस कॉन्स्टेबल असलेल्या सचिन माने याला कणकवली पोलिसांनी सोमवारी रात्री अटक केली आहे.

दोन दिवसांपासून बेपत्ता असलेल्या स्मिता माने यांचा मृतदेह बिडवाडी–हुंबरणे येथील जंगलात गळफास घेतलेल्या अवस्थेत आढळून आला होता. या घटनेने पोलीस दलासह संपूर्ण परिसरात मोठी खळबळ उडाली होती. स्मिता माने यांच्या बहिणीने दिलेल्या तक्रारीनुसार, पती सचिन माने हा स्मिता यांचा शारीरिक आणि मानसिक छळ करत होता. याच त्रासाला कंटाळून त्यांनी आत्महत्या केली किंवा घातपाताने त्यांची हत्या करण्यात आली, असा संशय नातेवाईकांनी व्यक्त केला आहे.

सचिन मानेला बेड्या, आज न्यायालयात हजर करणार- (Sindhudurg Kankavli Crime News)

मृतदेह शवविच्छेदनासाठी कोल्हापूरच्या सीपीआर रुग्णालयात पाठवण्यात आला असून प्राथमिक तपासानंतर पोलिसांनी सोमवारी रात्री पावणेनऊच्या सुमारास सचिन मानेला बेड्या ठोकल्या. सचिन मानेला आज न्यायालयात हजर केले जाणार आहे. या संपूर्ण प्रकरणाचा पुढील तपास कुडाळ पोलीस ठाण्याचे पोलीस निरीक्षक विकास बडवे यांच्याकडे सोपवण्यात आला आहे. या प्रकरणात शवविच्छेदन अहवालानंतर आणखी काय मोठे खुलासे होतात? यानंतर पोलीस तपासाला वेग येणार आहे.

नेमकं प्रकरण काय? (Smita Mane Death Case)

सिंधुदुर्गातील कणकवली पोलीस ठाण्यात महिला हवालदार म्हणून कार्यरत असलेल्या स्मिता सचिन माने यांचा बिडवाडी हुंबरणे येथील जंगलात गळफास घेतलेल्या अवस्थेत मृतदेह आढळून आला. दोन दिवसांपूर्वीच त्यांचे पती आणि पोलिस शिपाई सचिन माने यांनी पत्नीचे अपहरण झाल्याची तक्रार दाखल केली होती. या संशयास्पद मृत्यूमुळे पोलिस दलासह संपूर्ण जिल्ह्यात मोठी खळबळ उडाली आहे. स्मिता आणि सचिन माने या दोघांचीही नुकतीच कणकवलीतून वैभववाडी पोलिस ठाण्यात प्रशासकीय बदली झाली होती. तेथे जाण्यासाठी सामानाची पॅकिंग करण्यासाठी दोघांनी 8 आणि 9 ऑक्टोबर ला सुट्टी घेतली होती. 9 ऑक्टोबर ला सकाळी 8 वाजता सचिन यांना जाग आली असता पत्नी घरात नव्हती. तिचा मोबाईलही हॉलमध्येच होता. त्यांनी सर्वत्र शोध घेतला. मात्र ती न सापडल्याने अखेर त्यांनी सकाळी 7 ते 8 च्या दरम्यान अज्ञाताने पत्नीचे अपहरण केल्याची तक्रार कणकवली पोलिसांत दिली. या तक्रारीनंतर पोलिस शोध घेत असतानाच दुपारी बिडवाडी हुंबरणे येथील जंगलात स्मिता माने यांचा गळफास घेतलेल्या स्थितीत मृतदेह आढळला. घटनेची माहिती मिळताच पोलिस निरीक्षक आणि कर्मचाऱ्यांनी घटनास्थळी धाव घेतली. अपहरणाची तक्रार आणि त्यानंतर आढळलेला मृतदेह यामुळे या मृत्यूचे गूढ वाढले आहे. या प्रकरणाचा पोलिसांकडून कसून तपास सुरू आहे. सध्या पती सचिन माने याला पोलिसांकडून अटक करण्यात आली आहे.

राज्यासह देश-विदेशातील महत्वाच्या बातम्या, VIDEO:

ही बातमीही वाचा:

Gondia News : ना सीसीटीव्ही, ना प्रत्यक्षदर्शी, अखेर चघळलेल्या सुपारी ठरली वृद्ध महिलेच्या मारेकराऱ्याचा ठोस पुरावा; डीएनए अहवालानंतर घटनेचा खळबळजनक उलगडा

संजय राऊत यांची आतापर्यंत कुठली भाकित खरी ठरलेली नाहीत

उद्धव ठाकरे फोटोग्राफी करत राहिले असते तर खूप गोष्टी टाळल्या असत्या

मुख्यमंत्र्यांनी लगावला ठाकरे बंधूंना टोला

Rain : अरबी समुद्रात कमी दाबाचा पट्टा निर्माण झाला

हवामान बदलामुळे 27 ते 29 ऑक्टोबरदरम्यान महाराष्ट्रातील काही भागांत पाऊस पडण्याची शक्यता

रत्नागिरी आणि सिंधुदुर्ग जिल्ह्यात पावसाची शक्यता

खूनात वापरलेला चाकू, दुचाकी आणि मोबाईल जप्त- (Damini Palav Death News)

एकतर्फी प्रेमातून वर्दे कडावल येथील दामिनी पालवची निघृण हत्या, नेमकं प्रकरण काय? (Damini Palav Death News)

राज्यासह देश-विदेशातील महत्वाच्या घडामोडी, VIDEO:

संबंधित बातमी:

Rain in Konkan: दुष्काळामुळे शेतकऱ्यांनी भातशेती कापली अन् आता धो-धो पाऊस आला, सिंधुदुर्गात पावसाचा यलो अलर्ट

विविध जिल्ह्यांत ‘यलो अलर्ट’ जारी

कमी दाबाच्या पट्ट्यामुळे पावसाला अनुकूल वातावरण

सोशल मीडियातून ओळख, एकतर्फी प्रेम; माझं प्रेम स्वीकार कर म्हणत तरुणाने कॉलेजच्या युवतीला संपवलं

हेही वाचा

उत्तर, पूर्व आणि दक्षिण भारतातील काही भागांत हवामान अस्थिर राहण्याची शक्यता- (Rain Marathi News)

देशातील 16 राज्यांमध्ये मुसळधार पाऊस आणि वादळाचा इशारा- (Rain Updates)

राज्यासह देश-विदेशातील महत्वाच्या घडामोडी, VIDEO:

संबंधित बातमी:

वाटेत अडवून धारदार शस्त्राने प्राणघातक वार

स्वतःवर चाकूने वार करून घेतले

सचिन मानेला बेड्या, आज न्यायालयात हजर करणार- (Sindhudurg Kankavli Crime News)

नेमकं प्रकरण काय? (Smita Mane Death Case)

राज्यासह देश-विदेशातील महत्वाच्या बातम्या, VIDEO:

ही बातमीही वाचा: