Maharashtra Weather Updates: चीनच्या 'डॉल्फिन'ने महाराष्ट्राचा पाऊस रोखला; आता पुन्हा मान्सूनचा जोर वाढणार, नेमकं काय घडलं?

पुढच्या वर्षी लवकर या... कोकणात दीड दिवसांच्या बाप्पाला निरोप, वाजत गाजत मिरवणूक, चिमुकल्यांसह भक्तगण भावुक

सदाशिव लाड, एबीपी माझा — Tue, 15 Sep 2026 19:17:32 +0530

पुढच्या वर्षी लवकर या... कोकणात दीड दिवसांच्या बाप्पाला निरोप, वाजत गाजत मिरवणूक, चिमुकल्यांसह भक्तगण भावुक

Maharashtra Rain :राज्यभरात लाडक्या बाप्पासोबत पावसाचंही आगमन; मुंबईसह महाराष्ट्राच्या 'या' भागांत मुसळधार पावसाचा इशारा; आज कुठे कसं असेल हवामान? वाचा सविस्तर

एबीपी माझा वेब टीम — Mon, 14 Sep 2026 08:29:09 +0530

Maharashtra Rain Alert: राज्यभरात आज गणेशोत्सवाचा मोठा उत्साह बघायला मिळत असताना पावसानं पुन्हा एकदा जोरदार कमबॅक केलाय. मुंबई ठाणे, कोकणापासून ते विदर्भापर्यंत अनेक भागांमध्ये पावसाच्या सरी (Maharashtra Rain) कोसळत आहे. कुठे रस्ते जलमय झालेत, कुठे गणेश मंडपामध्ये पाणी शिरलं, तर विदर्भ मराठवाड्यामध्ये याच पावसामुळे करपण्याच्या मार्गावर असलेल्या पिकांना जीवदान मिळाल्याने पावसाचं सावट असलं तरी बळीराजासाठी हा पाऊस दिलासा देणारा ठरला आहे. काही दिवसांच्या विश्रांतीनंतर राज्यांमध्ये पावसाने हजेरी लावल्याने उकड्यापासून हैराण नागरिकांनाही दिलासा मिळाला आहे. तर बंगालच्या उपसागरात निर्माण झालेल्या कमी दाबाच्या क्षेत्रामुळे विदर्भ, मराठवाडा, उत्तर महाराष्ट्र आणि कोकणामध्ये पावसासाठी पोषक वातावरण निर्माण झाले आहे. परिणामी आज देखील राज्यात पावसाचा जोर कायम 14 आणि 15 सप्टेंबर रोजी अनेक भागांत मुसळधार ते अतिमुसळधार पावसाची शक्यता हवामान खात्याने वर्तवली आहे. विशेषतः उत्तर कोकण आणि उत्तर मध्य महाराष्ट्रातील काही भागांत अतिमुसळधार ते मुसळधार पाऊस पडण्याचा अंदाज आहे. काही ठिकाणी विजांच्या कडकडाटासह ताशी 40 ते 50 किलोमीटर वेगाने वारे वाहण्याचीही शक्यता आहे.

Maharashtra Rain Alert : भारतीय हवामान विभागाचा अंदाज काय?

भारतीय हवामान विभागाने (IMD) काही ठिकाणी मुसळधार ते अति मुसळधार पावसाचा अंदाज वर्तवल्यामुळे रविवारी (१३ सप्टेंबर २०२६) मुंबईत 'ऑरेंज अलर्ट' कायम होता. त्याच वेळी महाराष्ट्रातील इतर अनेक जिल्ह्यांमध्ये आज (सोमवार 14 सप्टेंबर 2026) रोजी सकाळी 8.30 वाजेपर्यंत मुसळधार पाऊस, मेघगर्जना आणि विजांच्या कडकडाटाचा इशारा देण्यात आला होता.

तर पालघरसाठी अधिक तीव्र हवामानाचा अंदाज वर्तवण्यात आला होता, ज्यामध्ये मेघगर्जना आणि विजांच्या कडकडाटासह एक-दोन ठिकाणी मुसळधार ते अत्यंत मुसळधार पावसाची शक्यता आहे. महाराष्ट्रातील इतर भागांचा विचार करता, नंदुरबार जिल्ह्याला IMD च्या बुलेटिनमधील सर्वोच्च इशारा श्रेणीत (हायएस्ट वॉर्निंग कॅटेगरी) ठेवण्यात आले होते, तिथेही मेघगर्जना, विजांचा कडकडाट आणि एक-दोन ठिकाणी मुसळधार ते अत्यंत मुसळधार पावसाचा अंदाज होता. नाशिकच्या घाटमाथ्यावर मेघगर्जना आणि विजांच्या कडकडाटासह मुसळधार ते अत्यंत मुसळधार पाऊस पडू शकतो, तर धुळे जिल्ह्यात मेघगर्जना आणि ताशी 40-50 किमी वेगाच्या सोसाट्याच्या वाऱ्यांसह मुसळधार ते अति मुसळधार पावसाची शक्यता आहे.

Rain News: जळगाव, नाशिक, पुणे घाटमाथा भागांतही मेघगर्जना, विजांचा कडकडाटासह पावसाच्या सरी

जळगाव, नाशिक, पुणे घाटमाथा, छत्रपती संभाजीनगर आणि जालना येथील काही भागांतही मेघगर्जना, विजांचा कडकडाट आणि ताशी ४०-५० किमी वेगाच्या सोसाट्याच्या वाऱ्यांसह मुसळधार पावसाचा अंदाज वर्तवण्यात आला होता. विदर्भातील अकोला, अमरावती, बुलढाणा आणि वाशीम यांसारख्या भागांतही अशाच प्रकारचा मुसळधार पाऊस आणि मेघगर्जनेचा इशारा देण्यात आला होता.

Dharashiv Rain : धाराशिव जिल्ह्यात दोन दिवसांपासून ढगाळ वातावरण, पावसाचा पत्ता नाही. शेतातील उभं पिक करपून गेलं

भारतीय हवामान विभागाने धाराशिव जिल्ह्यात 12 आणि 13 सप्टेंबर दरम्यान विजांच्या कडकटासह वादळ वाऱ्यासह मुसळधार पावसाचा येलो अलर्ट जारी केला होता. मात्र, हवामान विभागाने अंदाज वर्तवल्यानंतरही प्रत्यक्षात पाऊस झाला नाही. त्यामुळे बळीराजा हवालदिल झाला आहे. दोन दिवस फक्त ढगाळ वातावरण पाहायला मिळालं. पावसाने दडी मारल्याने जिल्ह्यातील लहान मोठे जल प्रकल्प कोरडे पडले असून शेतातील उभे पिक करपून गेल्याने शेतकऱ्यांची चिंता अधिक वाढली आहे.

Sindhudurg Rain: तळकोकणात पावसाच्या सरी

तळकोकणात पावसाच्या सरी कोसळत आहेत. कुडाळ, सावंतवाडी, दोडामार्ग, कणकवली तालुक्यातील बहुतांश भागात पावसाच्या हलक्या सरी कोसळत आहेत. गेले काही दिवस दडी मारलेल्या पावसाच्या हलक्या सरी कोसळत असल्याने बळीराजा सुखावला आहे.

Bhandara Rain News: भंडाऱ्यात पावसामुळं 20 घरांचं मोठं नुकसान

भंडारा जिल्ह्यात शनिवारी आणि रविवारी पावसानं जोरदार हजेरी लावली. त्यामुळं साकोली, मोहाडी आणि तुमसर तालुक्यात घर आणि गोठ्यांची पडझड झाल्याची नोंद जिल्हा प्रशासनानं केली आहे. 17 घरांची तर, 3 गोठ्यांची पडझड होऊन नुकसान झालं आहे. सुदैवानं यात कुठलीही जीवितहानी झाली नसून शीत पिकांचं नुकसान झालं नसल्याचा प्राथमिक अंदाज भंडारा जिल्हा प्रशासनानं व्यक्त केला आहे.

इतर महत्वाच्या बातम्या

दुष्काळ जाहीर करा, हेक्टरी 1 लाख मदत द्या, अन्यथा सत्ताधाऱ्यांना सळो की पळो करुन सोडणार, रविकांत तुपकरांचा इशारा

Konkan Railway : गणेशोत्सवाच्या तोंडावर कोकण रेल्वेचा बोजवारा; मुंबईहून सुटणाऱ्या गाड्या 3 ते 4 तासाने, तर लांब पल्याच्या गाड्या तब्बल 8 तासांनी उशिरा; प्रवाशांचे हाल

सदाशिव लाड, एबीपी माझा — Sun, 13 Sep 2026 12:08:49 +0530

Konkan Railways Traffic Update : गणेशोत्सवाच्या (Ganesh Chaturthi 2026) तोंडावर कोकण रेल्वेचा बोजवारा उडालेला पाहायला मिळत आहे. कोकण रेल्वे मार्गावरील गाड्या उशिराने धावल्याने गणेशभक्तांमध्ये तीव्र नाराजी व्यक्त होत आहे. कोकण रेल्वे मार्गावरील (Konkan Railways Traffic) प्रवाशांच्या हाल होत असून अनेक लांब पल्ल्याच्या आणि विशेष गाड्या विहित वेळेपेक्षा तब्बल 8 तास उशिराने धावत आहेत. ऐन सणाच्या तोंडावर रेल्वे प्रशासनाचा हा अनागोंदी कारभार पाहता, दरवर्षी प्रमाणे यंदाही कोकण रेल्वेच वेळापत्रक कोलमडल्याने प्रवाशांचे हाल होत आहेत.

दरम्यान, मुंबई, ठाणे आणि नवी मुंबई परिसरावरून लाखो चाकरमानी दरवर्षी गणेशोत्सवासाठी कोकणात जातात. यासाठी रेल्वे प्रशासनाकडून विशेष गाड्या सोडण्यात आल्याचा दावा केला जात असला, तरी प्रत्यक्षात बहुतांश गाड्यांचे वेळापत्रक पूर्णपणे कोलमडले आहे. मुंबईहून सुटणाऱ्या कोकण कन्या, तुतारी, जनशताब्दी अशा गाड्या ३ ते ४ तास उशिराने धावत आहेत तर लांब पल्याच्या आणि गणपती विशेष गाड्या 8 तासांपेक्षा उशिराने धावत आहे.

Ganesh Chaturthi 2026: रेल्वेकडून गणेशोत्सवासाठी 386 विशेष रेल्वेगाड्या, तर, मुंबईतील मेट्रो सेवा रात्री उशिरापर्यंत सुरु

यंदा गणेश चतुर्थी 14 सप्टेंबर म्हणजेच उद्या असल्यानं गणपतीच्या उत्सावासाठी लाखो चाकरमानी गावी परतत आहेत. गणेशोत्सवासाठी भारतीय रेल्वे, मुंबई मेट्रोनं मोठे निर्णय घेतले आहेत. भारतीय रेल्वेकडून गणेशोत्सवासाठी 386 विशेष रेल्वेगाड्या चालवण्यात येणार आहेत. तर, मुंबईतील मेट्रो सेवा रात्री उशिरापर्यंत सुरु राहणार आहे. गणेशोत्सवानिमित्त लाखो गणेशभक्त कोकणात दाखल झाले आहेत, तर काही जण प्रवासात आहेत. कोकणात जाणाऱ्या वाहनांना खालापूरमार्गे वळवण्यात आल्याची माहिती देखील समोर आली आहे. तर दुसरीकडे प्रवाशांच्या सेवेसाठी एसटीचा ताफा अधिक सक्षम होणार असल्याची माहिती समोर आली आहे. 5, 000 ‘लालपरी’ बसेसची निविदा प्रक्रिया पूर्ण झाल्याची माहिती आहे.

Pratap Sarnaik : ग्रामीण महाराष्ट्राच्या लोकवाहिनीला मिळणार नवी ताकद; 5,000 ‘लालपरी’ बसेसची निविदा प्रक्रिया पूर्ण

महाराष्ट्राच्या कानाकोपऱ्यातील सर्वसामान्य प्रवाशांच्या जीवनाचा अविभाज्य भाग असलेल्या एसटी अर्थात महाराष्ट्र राज्य मार्ग परिवहन महामंडळाच्या बस ताफ्याला आता आधुनिकतेची नवी झळाळी मिळणार आहे. प्रवाशांना अधिक सुरक्षित, आरामदायी, दर्जेदार आणि विश्वासार्ह सार्वजनिक वाहतूक सेवा देण्याच्या उद्देशाने एसटी महामंडळाने बसताफ्याच्या विस्तारासोबतच आधुनिकीकरणाला वेग दिला आहे. नव्या बसेसच्या माध्यमातून एसटीची सेवा अधिक सक्षम करण्याचा संकल्प करण्यात आला असून, त्याच दिशेने 5,000 ‘लालपरी’ बसेसच्या खरेदीची निविदा प्रक्रिया पूर्ण झाली आहे, अशी माहिती परिवहन मंत्री तथा एसटी महामंडळाचे अध्यक्ष प्रताप सरनाईक यांनी दिली.

Pratap Sarnaik ST Bus : ग्रामीण महाराष्ट्राची ‘लोकवाहिनी’ असलेल्या एसटीला मोठी बळकटी मिळणार

या निविदा प्रक्रियेत सर्वांत कमी दराचा देकार टाटा मोटर्ससारख्या नामांकित आणि विश्वासार्ह संस्थेने सादर केला आहे. त्यामुळे बसेसच्या गुणवत्तेबाबत कोणतीही तडजोड केली जाणार नाही, असा विश्वास मंत्री प्रताप सरनाईक यांनी व्यक्त केला. याबाबत बोलताना मंत्री सरनाईक म्हणाले की, नव्या 5,000 ‘लालपरी’ बसेस एसटीच्या ताफ्यात दाखल झाल्यानंतर ग्रामीण महाराष्ट्राची ‘लोकवाहिनी’ असलेल्या एसटीला मोठी बळकटी मिळणार आहे. नव्या बसेसमुळे जुन्या बसेसवरील ताण कमी होईल, बसफेऱ्यांची उपलब्धता वाढविणे शक्य होईल आणि प्रवाशांना अधिक चांगली सेवा देता येईल. जुन्या व गळक्या बसेस तसेच प्रवासादरम्यान बसेस बंद पडण्याच्या समस्येवरही नव्या ताफ्यामुळे प्रभावीपणे मात करता येणार आहे.

दरम्यान, पुढील सहा महिन्यांत सुमारे 5, 000 हून अधिक बसेस प्रवासी सेवेतून कालबाह्य होऊन भंगारात जाणार आहेत. सध्या महामंडळाला नाईलाजास्तव 12 ते 14 वर्षे जुन्या झालेल्या बसेसची दुरुस्ती करून त्यांचा प्रवासी सेवेसाठी वापर करावा लागत आहे. या बसेस सातत्याने रस्त्यात नादुरुस्त होत असल्याने प्रवाशांना नाहक त्रास सहन करावा लागतो. चालकांनाही अशा जुन्या बसेस चालविताना मोठी कसरत करावी लागते. या सर्व समस्यांना लवकरच पूर्णविराम मिळणार आहे.

Rajmata Jijau Bus: 3,000 ‘राजमाता जिजाऊ’ बसेस ताफ्यात दाखल करण्याची प्रक्रिया सुरू

एसटी महामंडळाने यापूर्वीच बसताफ्याच्या आधुनिकीकरणाला सुरुवात केली आहे. 2 बाय 2 आसन व्यवस्थेच्या 2,640 ‘लालपरी’ बसेस ताफ्यात दाखल झाल्या आहेत. त्याचबरोबर 3 बाय 2 आसन व्यवस्थेच्या 3,000 ‘राजमाता जिजाऊ’ बसेस ताफ्यात दाखल करण्याची प्रक्रिया सुरू आहे. नव्या बसेसच्या समावेशामुळे एसटीचा ताफा अधिक तरुण, सक्षम आणि प्रवाशांच्या गरजांशी सुसंगत होत आहे.

ST Bus: मागेल त्याला बस

सध्या एसटीकडे बसेसची कमतरता असल्याने अनेक शालेय फेऱ्या अचानक रद्द करणे, ग्रामीण भागातील मुक्कामी बसेस उपलब्ध न होणे, अशा कटू प्रसंगांना सामोरे जावे लागत आहे. नव्या 5,000 बसेस ताफ्यात दाखल झाल्यानंतर ‘मागेल त्याला बसफेरी’ उपलब्ध करून देण्याचा प्रयत्न केला जाणार आहे. बसफेरीचा फायदा झाला नाही तरी चालेल; मात्र बसफेरीची मागणी करणाऱ्यांनी ती फेरी तोट्यात चालणार नाही, याची हमी घ्यावी, असे आवाहन परिवहन मंत्री प्रताप सरनाईक यांनी केले आहे.

Kudal News: संतापजनक! शालेय पोषण आहारात मुदत संपलेले मसाले, स्वच्छतागृहाच्या शेजारी धान्याचा साठा; कुडाळच्या नामांकित शाळेत चिमुकल्या विद्यार्थ्यांच्या जीवाशी खेळ

सदाशिव लाड, एबीपी माझा — Thu, 10 Sep 2026 14:02:57 +0530

Sindhudurg Kudal News: सिंधुदुर्गच्या कुडाळमधून एक अत्यंत धक्कादायक आणि चीड आणणारी बातमी समोर येत आहे. एका नामांकित विद्यालयात चिमुकल्या विद्यार्थ्यांच्या जीवाशी थेट खेळ खेळला जात असल्याचा प्रकार उघडकीस आला आहे. शालेय पोषण आहारात (School Mid Day Meal) मुदत संपलेले मसाले वापरले जात असून, धान्याचा साठा थेट स्वच्छतागृहाच्या शेजारी अत्यंत किळसवाण्या स्थितीत ठेवल्याचे समोर आले आहे. या गंभीर प्रकारानंतर शिंदे सेनेच्या कार्यकर्त्यांनी शाळेत धडक देऊन प्रशासनाला चांगलेच धारेवर धरले.

दरम्यान, कुडाळमधील या नामांकित शाळेत तब्बल 400 पेक्षा जास्त विद्यार्थी शिक्षण घेतात, ज्यातील सुमारे 140 मुले दररोज शाळेत शिजणारा पोषण आहार खातात. मात्र, या चिमुकल्यांच्या आरोग्याची आणि जिवाची प्रशासनाला अजिबात पर्वा नसल्याचे विदारक चित्र पाहायला मिळाले.

Sindhudurg Kudal News: पोषण आहारासाठी पूर्णपणे झालेले 'एक्स्पायर' मसाले; शिंदे सेनेचे कार्यकर्ते आक्रमक

दरम्यान, पोषण आहारासाठी वापरण्यात येणारे मसाले पूर्णपणे 'एक्स्पायर' झाले होते. एवढेच नाही तर, लहान मुले जो तांदूळ खातात, तो तांदूळ थेट स्वच्छतागृहाच्या शेजारी अस्वच्छ वातावरणात साठवून ठेवण्यात आला होता. शिक्षकांच्या भोंगळ कारभाराचा कळस म्हणजे, हे शिक्षक विद्यार्थ्यांची रोज हजेरी घेतात, मात्र स्वतः मस्टरवर सही करायलाच विसरतात! या सर्व बेजबाबदार प्रकाराची माहिती मिळताच शिंदे सेनेचे पदाधिकारी आणि कार्यकर्ते आक्रमक झाले. दरम्यान या प्रकरणाची गंभीर दाखल घेऊन दोषींवर कारवाईची मागणी आता करण्यात येत आहे.

Washim Crime: 54 वर्षीय शिक्षकाकडून चिमुकल्या विद्यार्थिनीसोबत संतापजनक कृत्य; ग्रामीण पोलिसात पोस्को अंतर्गत गुन्हा दाखल

वाशिमच्या एका गावाच्या जिल्हा परिषद प्राथमिक शाळेत असाच एक संतापजनक प्रकार समोर आला आहे. यात 54 वर्षीय शिक्षकाने जिल्हा परिषद शाळेत शिक्षण घेणाऱ्या अनेक चिमुकल्या विद्यार्थिनीच विनयभंग केल्याची घटना समोर आलीय. यात 54 वर्षीय शिक्षक दिलीप बोरकर यांनी तिसऱ्या आणि चौथ्या वर्गात शिकणाऱ्या चिमुरडया मुलींना जवळ घेत अश्लील चाळे करत विनयभंग केल्याचं एका विद्यार्थिनी तिच्या पालकांना सांगितलं.

दरम्यान, या गंभीर प्रकरणानंतर गावातील काही महिला-पुरुषांनी विकृत शिक्षकाला एकत्र येत बेदम मारहाण करत पोलिसाच्या स्वाधीन केलंय. सध्या वाशिम ग्रामीण पोलिसात पोस्को अंतर्गत गुन्हा दाखल केला असून घटनेचा तपास वाशिम ग्रामीण पोलीस करत आहे.

इतर महत्वाच्या बातम्या

Jogeshwari Crime: विनातिकीट प्रवास म्हणून दंड ठोठावला, फुकट्या प्रवाशाने रेल्वे कर्मचाऱ्यावरच हल्ला चढवला, गंभीर दुखापतीत 7 टाके लागले, जोगेश्वरी रेल्वे स्थानकावरील घटना

Nilesh Rane: मंत्रालयात विचारा, कुडाळ-मालवणची काय किंमत होती, निलेश राणेंनी वैभव नाईकांना ‘शकुनी मामा’ म्हणत डिवचलं; म्हणाले...

सदाशिव लाड, एबीपी माझा — Tue, 8 Sep 2026 13:33:31 +0530

Nilesh Rane: कुडाळ-मालवण विधानसभा मतदारसंघातील (Kudal-Malvan Assembly Constituency) राजकीय वातावरण पुन्हा एकदा तापण्याची शक्यता आहे. कुडाळ विधानसभा मतदारसंघाचे आमदार (MLA) निलेश राणे (Nilesh Rane) यांनी माजी आमदार वैभव नाईक (Vaibhav Naik) यांच्यावर नाव न घेता जोरदार टीका केली आहे. वैभव नाईक यांची तुलना त्यांनी थेट शकुनी मामाशी केली. ‘शकुनी आपल्या मतदारसंघात होता कामा नये’, अशा शब्दांत निलेश राणे यांनी निशाणा साधला.

निलेश राणे म्हणाले की, “मंत्रालयामध्ये विचारा कुडाळ मालवण मतदारसंघाची काय किंमत होती, मागच्या 10 वर्षामध्ये. 288 पैकी हा मतदारसंघ आहे हे कोणी ओळखत नव्हतं. मी स्वतःचं मोठेपण सांगत नाही, राणे असल्याचा फायदा होतो. मंत्र्यासमोर असेच उभं राहिलं तर कोण किंमत देणारं आपल्याला? मी बघितलं नाही, मी सत्तेच्या कुठल्या बाजूला आहे. त्यासाठी वाटेल ते बोललो आणि खरं आहे ते बोललो,” असे त्यांनी म्हटले.

Nilesh Rane on Vaibhav Naik: ‘शकुनी आपल्या मतदारसंघात होता कामा नये’

दरम्यान, निलेश राणे यांनी माजी आमदार वैभव नाईक यांच्यावर नाव न घेता टीका करताना त्यांना ‘शकुनी मामा’ची उपमा दिली. निलेश राणे म्हणाले, “शकूनींनी आयुष्य नकारात्मक घालवलं, प्रतिशोधाच्या भानगडीत होता. कधी त्याला समाधान मिळालं नाही. कौरवांचं वंश संपवलं. माझ्याबरोबर चांगलं झालं नाही ना. त्यामुळं असे शकूनी आपल्या मतदारसंघामध्ये होता कामा नये,” असे म्हणत त्यांनी वैभव नाईक यांना नाव न घेता डिवचले.

दरम्यान, आपल्या कुटुंबालाही निवडणुकीतील पराभवाचा सामना करावा लागला असल्याचे सांगत निलेश राणे यांनी त्या पराभवाचा राग जनतेवर काढला नसल्याचे म्हटले. यावेळी त्यांनी पुन्हा शकुनीचा संदर्भ देत विरोधकांवर टीका केली. निलेश राणे म्हणाले की, “आमचे पण दोन पराभव झाले, राणे साहेब दोन वेळा हरले. तो राग जनतेवर काढलेला नाही. काहीचं चांगलं होता कामा नये असा शकूनी करायचा. त्यामुळं कधी महाभारताच्या निकालावर परिणाम झाला नाही पांडवचं जिंकले,” असे त्यांनी म्हटले. आता निलेश राणे यांच्या वक्तव्यावर वैभव नाईक काय बोलणार? हे पाहणे महत्त्वाचे ठरणार आहे.

राज्य आणि देश-विदेशातील महत्त्वाच्या बातम्या; पाहा व्हिडीओ

इतर महत्त्वाच्या बातम्या

Shivendraraje Bhosle on Shashikant Shinde: 'जंगल खामोश है इसका मतलब ये मत समझो की...'; शिवेंद्रसिंहराजेंचा शशिकांत शिंदेंना नाव न घेता कडक इशारा

Samadhan Sarvankar On Vishakha Raut: विशाखा राऊत एकनाथ शिंदेंना म्हणाल्या, कारवाईतून वाचवा, मी 20 नगरसेवक फोडून पक्षात आणते; समाधान सरवणकरांचा खळबळजनक दावा

Maharashtra Rain: तळकोकणात पावसाची संततधार; राज्यातील 'या' जिल्ह्यांत मेघगर्जनेचा इशारा; तर धाराशिवमध्ये अवघा 8 टक्के पाणीसाठा शिल्लक; 103 गावांमध्ये पाणीटंचाईची झळ

एबीपी माझा वेब टीम — Wed, 26 Aug 2026 10:33:14 +0530

Maharashtra Rain Alert: सध्या राज्यातील पावसाची (Rain) परिस्थिती चिंताजनक असल्याची स्थिती आहे. राज्याच्या अनेक भागात पावसानं दडी मारल्याची स्थिती आहे. त्यामुळं राज्यातील शेतकऱ्यांची (Farmers) चिंता मोठ्या प्रमाणात वाढली आहे. अशातच मराठवाड्यातील धाराशिवमध्ये फक्त आठ टक्के पाणीसाठा शिल्लक असल्याची माहिती आहे. तर ऑगस्ट संपत आला तरी म्हणावा असा पाऊस पडला नसल्याने आगामी काळात दुष्काळाच सावट चिंतेचं कारण ठरतं आहे. तर दुसरीकडे हवामान विभागाकडून आज (26 ऑगस्ट) महाराष्ट्रातील बहुतांश भागात हलका ते मध्यम स्वरूपाचा पाऊस पडण्याची शक्यता आहे. काही ठिकाणी मेघगर्जनेसह वादळी सरीही होऊ शकतात. तर तिकडे तळकोकणात पावसाची संततधार सुरु असून रायगड जिल्ह्याच्या दक्षिण भागातही पावसाने हजेरी लावली आहे. असे असलं तरी आज राज्यात सर्वदूर जोरदार पावसाची शक्यता कमी असल्याची शक्यता आहे. तर जळगाव, नाशिक, नाशिक घाटमाथा आणि पुणे घाटमाथा या चार भागांना हवामान विभागाने पावसाचा यलो अलर्ट दिला आहे. (Maharashtra Rain News)

हवामान विभागाने दिलेल्या माहितीनुसार, पश्चिम महाराष्ट्रातील पुणे, कोल्हापूर, सातारा, सांगली आणि सोलापूरमध्ये हलका ते मध्यम पाऊस होण्याची शक्यता आहे. उत्तर महाराष्ट्रातील हवामानात काहीसा बदल होण्याची शक्यता आहे. जळगाव, नाशिक आणि नाशिक घाटमाथा परिसरासाठी यलो अलर्ट देण्यात आला आहे. या भागांत मेघगर्जनेसह वादळी पावसाची शक्यता आहे. तर नागपूर प्रादेशिक हवामान विभागाने विदर्भातील चंद्रपूर, गडचिरोली जिल्ह्याला पावसाचा यलो अलर्ट जारी केला आहे. या जिल्ह्यातील काही ठिकाणी अतिशय हलका ते हलका पाऊस पडण्याची शक्यता आहे.

Sindhudurg Rain : तळकोकणात पावसाची संततधार

सिंधुदुर्ग जिल्ह्यात पावसाची संततधार सुरू असून जिल्ह्यातील सर्वच भागात पाऊस कोसळत आहे. गेले काही दिवस पावसाने दडी मारली होती, त्यामुळे बळीराजा चिंतेत होता. मात्र पावसाची संततधार सुरू झाल्याने शेतकऱ्यांमध्ये समाधान आहे. शेतीसाठी उपयुक्त असा पाऊस कोसळत असल्याने बळीराजा सुखावला असला तरी देखील अल निनोचा प्रभाव असल्याने शेतकऱ्याच्या मनात धाकधूक आहे. यावर्षी गेल्या वर्षाच्या तुलनेत 25 टक्के सिंधुदुर्ग जिल्ह्यात तूट आहे. त्यामुळे अल निनोचा प्रभाव आहे. मात्र जिल्ह्यात सिंचनासाठी आणि विनायुक्त पाण्याचा 87 टक्के पाणीसाठा झाला आहे. तर तिलारी धरण 90 टक्के भरलं आहे.

Raigad Rain: रायगडच्या दक्षिण भागात पावसाची रिमझिम

रायगडच्या दक्षिण भागातील महाड, पोलादपूर, म्हसळा, श्रीवर्धन, माणगाव परिसरात पावसाच्या रिमझिम सरी कोसळत असून मागील काही दिवसांपासून विश्रांती घेतलेल्या पावसाने पुन्हा हजेरी लावली आहे. त्यामुळे बळीराजा काहीसा सुखावला आहे.

Bhandara Rain News : ढगाळी वातावरणाचा परिणाम, धान पिकांवर खोडकिडीचा प्रादुर्भाव

भंडारा हा भातपीक उत्पादक जिल्हा आहे. खरीप हंगामाच्या भात पिकाच्या लागवडीचं कामं जवळपास पूर्णत्वास आलं असून आवत्या धानाची पेरणीही आटोपली आहे. मात्र, बदलते हवामान आणि सातत्यानं राहणाऱ्या ढगाळ वातावरणाचा परिणाम धान पिकावर दिसून येत आहे. जिल्ह्यातील अनेक भागातील विविध भागात धान पिकांवर खोडकिडीबरोबरच करपा, कडीकरपा आणि अळींचा प्रादुर्भाव झाल्याचं निदर्शनास येत असल्यानं धान उत्पादक शेतकरी पुन्हा अडचणीत सापडला आहे. यंदाच्या हंगामात सुरुवातीला पेरणीच्या नियोजनापासून ते रोवणीपर्यंत शेतकऱ्यांना विविध अडचणींचा सामना करावा लागला. रोवणी पूर्ण झाल्यानंतर आता धान पिकावर रोग आणि किडींचा प्रादुर्भाव वाढल्यानं शेतकऱ्यांच्या चिंतेत आणखी भर पडली आहे.

Dharashiv : धाराशिवमध्ये फक्त आठ टक्के पाणीसाठा शिल्लक; जिल्हाभरातील 103 गावांमध्ये पाणीटंचाईच्या झळा

धाराशिव जिल्ह्यात फक्त आठ टक्के पाणीसाठा शिल्लक राहिले आहे. ऑगस्ट संपत आला तरी अध्याप म्हणावा असा पाऊस नाही त्यामुळे जिल्हाभरातील 225 प्रकल्पामध्ये पाणी पातळी कमालीची घटली आहे. त्यामुळे सर्व पाणी पिण्यासाठी राखीव ठेवण्यात आला आहे. ऑगस्टमध्ये 103 गावांमध्ये पाणीटंचाईचा जळा आहेत. दुष्काळाच सावट गडद होत असताना आता फक्त परतीच्या पावसावर नजरा लागल्या आहेत. जर परतीच्या पावसाने हुलकावणी दिली तर महाभयंकर दुष्काळाला सामना धाराशिवकरांना करावा लागू शकतो. सध्या विहिरीत पाणी पातळी वाढलेली नाहीये तुरळक पावसावर कशी बशी पीक आहेत ते देखील पावसाची ओढ पडत असल्याने माना टाकत आहेत. धाराशिवलगतच्या हातलाई तलावात पाणी पातळी कमालीची घटली आहे.

पाऊस नाही पाणी नाही! सांगा जनावरांना सांभाळायचं कसं? शेतकरी महिलेला अश्रू अनावर, आष्टी तालुका दुष्काळाच्या छायेत

Sindhudurg News: दहावीच्या विद्यार्थिनीने तलावात उडी मारली; तरूण वाचवायला गेला पण...; दोघांचाही दुर्दैवी अंत, सिंधुदुर्गमधील घटना

सदाशिव लाड, एबीपी माझा — Sat, 22 Aug 2026 15:43:45 +0530

Sindhudurg News: सिंधुदुर्ग (Sindhudurg) जिल्ह्यातील प्रसिद्ध सावंतवाडी (Sawantwadi) शहरातील मोती तलावात (Moti Lake) एक अत्यंत धक्कादायक आणि हृदयद्रावक घटना घडली आहे. इयत्ता दहावीत शिकणाऱ्या एका अल्पवयीन विद्यार्थिनीने मोती तलावात उडी मारून आत्महत्या केली. दरम्यान, या तरुणीला बुडताना पाहून तिला वाचवण्यासाठी एका तरुणाने तात्काळ तलावाच्या पाण्यात उडी घेतली; परंतु दुर्दैवाने या प्रयत्नात त्या तरुणाचाही पाण्यात बुडून करुण अंत झाला आहे.

Sindhudurg News: युवतीला वाचवताना तरुणाचाही दुर्दैवी अंत

याबाबत मिळालेल्या प्राथमिक माहितीनुसार, आत्महत्या करणारी विद्यार्थिनी लीशा गोसावी ही सावंतवाडीजवळील कारिवडे गावाची रहिवासी असून ती इयत्ता दहावीत शिकत होती. तर तिला वाचवण्यासाठी तलावात उडी घेणारा युवक रोहन गोसावी हा वैभववाडी तालुक्यातील नाधवडे येथील रहिवासी होता. रोहन हा कामानिमित्त मुंबई (Mumbai) येथे वास्तव्यास होता. हे दोघेही एकमेकांचे जवळचे नातेवाईक असल्याची माहिती समोर येत आहे.

Sindhudurg News: तलावात शोधकार्य आणि पोलीस तपास सुरू

घटनेची माहिती मिळताच सावंतवाडी पोलीस तात्काळ घटनास्थळी दाखल झाले असून स्थानिक आपत्कालीन पथक व पाणबुड्यांच्या मदतीने तलावात शोधकार्य सुरू करण्यात आले. शोधकार्यादरम्यान तरुणीला वाचवायला गेलेल्या रोहन गोसावी या तरुणाचा मृतदेह पाण्यातून बाहेर काढण्यात यश आले आहे. तर, विद्यार्थिनीचा मृतदेह शोधण्याचे काम तलावाच्या पात्रात युद्धपातळीवर सुरू आहे. दहावीत शिकणाऱ्या मुलीने हे टोकाचे पाऊल का उचलले, याबाबतचे नेमके कारण अद्याप अस्पष्ट असून सावंतवाडी पोलीस या संपूर्ण प्रकरणाचा तपास करत आहेत. एकाच वेळी दोन तरुण जीवांचा असा करुण अंत झाल्याने कारिवडे आणि नाधवडे परिसरात मोठी हळहळ व्यक्त केली जात आहे.

Palghar News: पालघरमध्ये शाळेच्या पटांगणात 12 वर्षीय चिमुकलीला इको कारने चिरडलं

दरम्यान, पालघरच्या मोखाड्यातील आडोशी जिल्हा परिषद शाळेच्या पटांगणात खेळत असलेल्या सोनम खरपडे या 12 वर्षीय विद्यार्थिनीला इको कारने चिरडल्याची दुर्दैवी घटना घडली. सहावीत शिकणाऱ्या सोनमचा या अपघातात जागीच मृत्यू झाला. प्राथमिक माहितीनुसार, एक शिकाऊ चालक शाळेच्या पटांगणात इको कार चालवण्याचा सराव करत होता. यावेळी नियंत्रण सुटल्याने कारने विद्यार्थिनीला धडक दिली. या घटनेनंतर मोखाडा पोलीस ठाण्यात गुन्हा दाखल करण्यात आला असून पोलिसांकडून पुढील तपास सुरू आहे.

राज्य आणि देश-विदेशातील महत्त्वाच्या बातम्या; पाहा व्हिडीओ

इतर महत्त्वाच्या बातम्या

Ratnagiri News: नदीवर कपडे धुण्यासाठी गेलेल्या महिलेवर मगरीचा हल्ला, अवघ्या 10 वर्षांच्या चिमुकलीने आईला मृत्यूच्या दाढेतून बाहेर काढलं; नेमकं काय घडलं?

Chhatrapati Sambhaji Nagar Boy Jumps Down From Mountain: 'दादा, आता राखीसाठी कोणाला कॉल करू रे?’; कुणालच्या आत्यांच्या आक्रोशाने सर्वांचेच डोळे पाणावले

Panjabrao Dakh On Maharashtra Weather Rain Updates: परतीचा पाऊस बॅकलॉग भरणार, विदर्भ आणि मराठवाड्यातील शेतकऱ्यांचीही चिंता मिटणार; ज्येष्ठ हवामान तज्ञ पंजाब डख यांचा अंदाज

उमेश अलोणे, एबीपी माझा, अकोला — Thu, 13 Aug 2026 14:34:58 +0530

Panjabrao Dakh On Maharashtra Weather Rain Updates: राज्यात एकीकडे कोकण आणि पश्चिम महाराष्ट्रात धो-धो पाऊस (Maharashtra Rain) आहे. त्याचवेळी विदर्भ आणि मराठवाड्यात सरासरीपेक्षा कमी पाऊस झाल्याने शेतकरी हवालदिल आणि चिंतातूर झाला आहे. याच 'अस्मानी' संकटाच्या सावटात असलेल्या विदर्भ आणि मराठवाड्यातील शेतकऱ्यांसाठी एक आनंदाची बातमी आहे. सप्टेंबरनंतरचा परतीचा पाऊस विदर्भ आणि मराठवाड्यात चांगलाच बरसणार असल्याचा अंदाज ज्येष्ठ हवामान तज्ञ पंजाबराव डख (Panjabrao Dakh) यांनी एबीपी माझाशी बोलताना व्यक्त केला आहे. (Maharashtra Weather Marathi News)

परतीच्या पावसामुळे विदर्भ आणि मराठवाड्यातील धरणांमधला पाणीसाठा वाढणार असल्याची माहितीही पंजाबराव डख यांनी दिली. परतीच्या पावसाचा फायदा खरीप आणि रब्बी अशा दोन्ही हंगामांना होणार असल्याचं ते म्हणाले. दरम्यान, आज रात्रीपासून 15 ऑगस्टच्या रात्रीपर्यंत विदर्भात चांगला पाऊस होणार असल्याचा अंदाज त्यांनी व्यक्त केलाय. हा पाऊस सोयाबीनच्या पिकाला जीवनदान देणारा असल्याचं ते म्हणालेत. यासोबतच देशभरातील 'एल-निनो'चा धोका टाळण्यासाठी सरकारने जास्तीत जास्त वृक्षारोपण आणि इतर उपायांवर लक्ष केंद्रित करण्याच्या आवश्यकतेवर पंजाबराव डख यांनी भर दिला.

पंजाबराव डख काय काय म्हणाले? (Panjabrao Dakh On Maharashtra Weather )

परतीच्या पावसाने विदर्भ आणि मराठवाड्यात कमी पावसाचा बॅकलॉग भरून निघणार.
सप्टेंबरनंतरचा परतीचा पाऊस विदर्भ आणि मराठवाड्यात चांगलाच बरसणार.
या परतीच्या पावसामुळे विदर्भ आणि मराठवाड्यातील धरणांमधला पाणीसाठा वाढणार.
परतीच्या पावसाचा फायदा खरीप आणि रब्बी अशा दोन्ही हंगामांना होणार.
आज रात्रीपासून 15 ऑगस्टच्या रात्रीपर्यंत विदर्भात चांगला पाऊस होणार.
सदर पाऊस सोयाबीनच्या पिकाला जीवनदान देणारा आहे.
देशभरातील 'अलनिनो'चा धोका टाळण्यासाठी सरकारने जास्तीत जास्त वृक्षारोपण आणि इतर उपायांवर लक्ष केंद्रित करावे.

पुढील काही दिवसांत ढगाळ वातावरण- (Maharashtra Weather Updates)

पुढील काही दिवसांत ढगाळ वातावरण, वादळी वारे आणि काही ठिकाणी पावसाच्या सरी राहण्याचा अंदाज आहे. यवतमाळसह काही जिल्ह्यांसाठी मुसळधार पावसामुळे स्थानिक पाणी साचणे, वाहतूक विस्कळीत होणे आणि झाडे पडण्याचा धोका हवामान विभागाने नमूद केला आहे. मुंबई आणि परिसरातही पावसाची शक्यता कायम असून नागरिकांनी प्रवास करताना आणि सखल भागात जाताना काळजी घ्यावी. मुंबईच्या प्रादेशिक हवामान केंद्राकडून जिल्हानिहाय इशारे आणि अपडेट्स जारी केले जात आहेत.

राज्यासह देश-विदेशातील महत्वाच्या बातम्या, VIDEO:

Maharashtra Weather Updates: राज्यभरात पाऊस पुन्हा सक्रिय, कुठेकुठे मान्सून कोसळणार?, हवामान विभागाची A टू Z माहिती

अभिषेक मुठाळ — Wed, 12 Aug 2026 07:26:42 +0530

Maharashtra Weather Updates: मध्य प्रदेशातील कमी दाबाचे क्षेत्र आणि कोकण किनारपट्टी भागात सक्रिय असलेल्या मान्सून ट्रफचा परिणाम राज्याच्या हवामानावर पाहायला मिळतोय. कोकण, मध्य महाराष्ट्र आणि मराठवाड्यात चांगल्या पावसाची शक्यता असून, मुंबईत आजही पावसाची रिपरिप कायम राहण्याचा अंदाज आहे. घाट परिसरात मुसळधार पावसाचा (Maharashtra Weather Updates) इशारा देण्यात आला आहे. भारतीय हवामान विभागानुसार, 17 ऑगस्टपर्यंत राज्यात पावसाची शक्यता आहे. कोकणात 17 ऑगस्टपर्यंत, तर विदर्भात 17 ऑगस्टला मुसळधार पावसाचा अंदाज वर्तवण्यात आला आहे.

मुंबईसह पूर्व आणि पश्चिम उपनगरांत मुसळधार पावसाची हजेरी पाहायला मिळाली. ठाणे, नवी मुंबई परिसरातही पहाटेपासून जोरदार पावसाची संततधार सुरु आहे. जोरदार पावसामुळे पूर्व आणि पश्चिम द्रुतगती मार्गावर वाहतून धीम्या गतीने सुरु आहे. ठाणे-बेलापूर मार्गावरही ठिकठिकाणी पाणी साचल्याने वाहतुकीचा वेग मंदावल्याचे दिसून येत आहे. सायन-बेलापूर महामार्गावर ठिकठिकाणी खड्ड्यांमुळे वाहनांचा वेग कमी आहे. एलबीएस मार्गावर भांडूप ते विक्रोळी दरम्यान वाहतूक धीम्या गतीने सुरु आहे. तर जेव्हीएलआर आणि एससीएलआरवर वाहतूक सुरळीत सुरू आहे. (Maharashtra Rain Updates)

पुणे घाट परिसरात ऑरेंज अलर्ट- (Pune Nashik Raigad Kolhapur Rain)

पुणे घाट परिसरात ऑरेंज अलर्ट देण्यात आला आहे. पुणे घाट परिसरात मुसळधार ते अति मुसळधार पावसाची शक्यता आहे. तर पालघर, ठाणे, मुंबई, रायगड, रत्नागिरी, सिंधुदुर्ग, नाशिक घाटमाथा, कोल्हापूर घाटमाथा, सातारा घाट परिसरात देखील मुसळधार पावसाचा अंदाज हवामान विभागाने वर्तवला आहे.

पुढील काही दिवसांत ढगाळ वातावरण- (Maharashtra Weather Updates)

कोणत्या भागात अधिक पाऊस? (Mumbai Raigad Pune Konkan Rain)

कोकण आणि घाट परिसर पावसाच्या दृष्टीने महत्त्वाचा राहणार आहे. मुंबई, ठाणे, पालघर, रायगड, रत्नागिरी आणि सिंधुदुर्ग परिसरात पावसाच्या सरींची शक्यता आहे. मध्य महाराष्ट्रातील घाट भागातही पावसाचा जोर वाढू शकतो. मराठवाड्यात हलका ते मध्यम पाऊस आणि काही ठिकाणी मेघगर्जनेसह पावसाची शक्यता आहे.

मुसळधार पावसाचा धोका कुठे? (Rain In Maharashtra)

हवामान विभागाच्या इम्पॅक्ट-बेस्ड फोरकास्टनुसार जोरदार पावसाच्या परिस्थितीत सखल भागात पाणी साचणे, स्थानिक पूर, जुन्या किंवा कमकुवत संरचना कोसळणे, झाडे उन्मळून पडणे आणि वाहतुकीवर परिणाम होण्याची शक्यता असते. घाट परिसरात भूस्खलन आणि दरडी कोसळण्याचा धोका देखील वाढू शकतो.

राज्यासह देश-विदेशातील महत्वाच्या घडामोडी, VIDEO:

Maharashtra Weather Updates: चीनच्या 'डॉल्फिन'ने महाराष्ट्राचा पाऊस रोखला; आता पुन्हा मान्सूनचा जोर वाढणार, नेमकं काय घडलं?

मुकेश चव्हाण — Tue, 11 Aug 2026 09:28:28 +0530

Maharashtra Weather Updates: येत्या 24 तासांत बंगालच्या उपसागरात कमी दाबाचे क्षेत्र निर्माण होण्याचा इशारा दिला आहे. तसेच चालू महिन्यात महाराष्ट्रात पावसाची शक्यता वर्तवण्यात आली आहे. महाराष्ट्रात गेल्या काही दिवसांपासून पावसाचा जोर काहीसा कमी झाल्याचे चित्र आहे. मात्र, मान्सून पुन्हा सक्रिय होण्याची चिन्हे दिसत असून 13 ऑगस्टपासून राज्यातील काही भागांत पावसाचा जोर वाढण्याचा अंदाज आहे. कोकण, घाटमाथा आणि मध्य महाराष्ट्रातील काही भागांना याचा अधिक फटका बसण्याची शक्यता आहे. त्यामुळे नागरिकांनी पुढील काही दिवस हवामान विभागाच्या सूचनांकडे लक्ष देणे आवश्यक आहे. (Maharashtra Rain Marathi News)

चीनच्या किनारपट्टीवर धडकलेल्या डॉल्फिन चक्रीवादळाचा भारतीय मान्सूनवर प्रभाव पडला असण्याची शक्यता आहे. हवामान तज्ज्ञांच्या मते, प्रशांत महासागरात मोठे वादळ किंवा तीव्र हालचाली सक्रिय असतात, तेव्हा ते भारतीय उपखंडाकडे येणाऱ्या बाष्पयुक्त वाऱ्यांची दिशा आणि बंगालच्या उपसागरातील कमी दाबाच्या पट्टवाची निर्मिती तात्पुरती मंदावू शकतात. त्यामुळेच बंगालच्या उपसागरात मान्सूनच्या ढगांचे प्रमाण घटले असून, भारतात पावसाने ब्रेक घेतल्याचं सांगितलं जात आहे.

मुंबई पूर्व आणि पश्चिम उपनगरांत आज पावसाच्या सरी- (Rain In Mumbai)

मुंबई पूर्व आणि पश्चिम उपनगरांत आज सकाळी मुसळधार पावसाची (Rain In Mumbai) हजेरी पाहायला मिळाली. ठाणे, नवी मुंबई परिसरातही पहाटेपासून जोरदार पावसाची संततधार सुरु आहे. मुंब्रा, महापे, ऐरोली भागात पहाटेपासून मुसळधार पावसाची बॅटिंग सुरु आहे. महापे, ऐरोलीमधील सखल भागात पाणी साचण्यास सुरूवात झाली आहे. जोरदार पावसामुळे रस्ते वाहतूक देखील धीम्या गतीने सुरु आहे. पूर्व आणि पश्चिम द्रुतगती मार्गावर वाहतून धीम्या गतीने सुरु आहे. ठाणे-बेलापूर मार्गावरही ठिकठिकाणी पाणी साचल्याने वाहतुकीचा वेग मंदावला आहे. सायन-बेलापूर महामार्गावर ठिकठिकाणी खड्ड्यांमुळे वाहनांचा वेग कमी झाल्याचं पाहायला मिळत आहे. (Mumbai Rain Updates)

Maharashtra Weather Updates: चीनच्या 'डॉल्फिन'ने महाराष्ट्राचा पाऊस रोखला; आता पुन्हा मान्सूनचा जोर वाढणार, नेमकं काय घडलं?

पुढच्या वर्षी लवकर या... कोकणात दीड दिवसांच्या बाप्पाला निरोप, वाजत गाजत मिरवणूक, चिमुकल्यांसह भक्तगण भावुक

Nilesh Rane on Vaibhav Naik: ‘शकुनी आपल्या मतदारसंघात होता कामा नये’

राज्य आणि देश-विदेशातील महत्त्वाच्या बातम्या; पाहा व्हिडीओ

Sindhudurg News: युवतीला वाचवताना तरुणाचाही दुर्दैवी अंत

Sindhudurg News: तलावात शोधकार्य आणि पोलीस तपास सुरू

Palghar News: पालघरमध्ये शाळेच्या पटांगणात 12 वर्षीय चिमुकलीला इको कारने चिरडलं

राज्य आणि देश-विदेशातील महत्त्वाच्या बातम्या; पाहा व्हिडीओ

पंजाबराव डख काय काय म्हणाले? (Panjabrao Dakh On Maharashtra Weather )

पुढील काही दिवसांत ढगाळ वातावरण- (Maharashtra Weather Updates)

राज्यासह देश-विदेशातील महत्वाच्या बातम्या, VIDEO:

संबंधित बातमी:

Maharashtra Weather Updates: राज्यभरात पाऊस पुन्हा सक्रिय, कुठेकुठे मान्सून कोसळणार?, हवामान विभागाची A टू Z माहिती

पुणे घाट परिसरात ऑरेंज अलर्ट- (Pune Nashik Raigad Kolhapur Rain)

पुढील काही दिवसांत ढगाळ वातावरण- (Maharashtra Weather Updates)

कोणत्या भागात अधिक पाऊस? (Mumbai Raigad Pune Konkan Rain)

मुसळधार पावसाचा धोका कुठे? (Rain In Maharashtra)

राज्यासह देश-विदेशातील महत्वाच्या घडामोडी, VIDEO:

संबंधित बातमी:

Maharashtra Weather Updates: चीनच्या 'डॉल्फिन'ने महाराष्ट्राचा पाऊस रोखला; आता पुन्हा मान्सूनचा जोर वाढणार, नेमकं काय घडलं?

मुंबई पूर्व आणि पश्चिम उपनगरांत आज पावसाच्या सरी- (Rain In Mumbai)

पुढील काही दिवसांत ढगाळ वातावरण- (Maharashtra Weather Updates)

कोणत्या भागात अधिक पाऊस? (Mumbai Raigad Pune Konkan Rain)

मुसळधार पावसाचा धोका कुठे? (Rain In Maharashtra)

नवी मुंबई परिसरात पहाटेपासून जोरदार पाऊस, सखल भागात पाणी साचण्यास सुरुवात, VIDEO:

संबंधित बातमी: