Satish Bhosale : खोक्याचं डोकं बर्फाच्या थंडगार पाण्यात बुडवलं; काही जणांची नावं घेण्यासाठी अधिकाऱ्यांकडून बळजबरी; वकिलाचा खळबळजनक आरोप
Satish Bhosale : घरात प्राण्यांचे मांस आणि शिकारीचे साहित्य सापडल्याप्रकरणी वन विभागाने सतीश उर्फ खोक्या भोसलेला ताब्यात घेतले होते.
Satish Bhosale : घरात प्राण्यांचे मांस आणि शिकारीचे साहित्य सापडल्याप्रकरणी काल वन विभागाने सतीश उर्फ खोक्या भोसलेला (Satish Bhosale) ताब्यात घेतले होते. मात्र या दरम्यान त्याला वनविभागाचे (Forest Department) अधिकाऱ्याने मारहाण केल्याचा आरोप खोक्याच्या वकिलाने केला होता. मारहाण झाल्यानंतर खोक्याचे फोटो देखील समाज माध्यमांवर वायरल झाले होते. आता खोक्याचे वकील शशिकांत सावंत यांनी मारहाणीबाबत सविस्तर माहिती दिली आहे.
एका शेतकऱ्याला मारहाण केल्याप्रकरणी खोक्या भोसले याच्यावर गुन्हा दाखल करण्यात आला होता. त्यानंतर पोलिसांकडून त्याला अटक करत न्यायालयीन कोठडी सुनावली होती. यादरम्यान, खोक्या भोसलेच्या घराच वन्य जीवाचं मांस आढळून आलं होतं. त्यामुळे त्याच्यावर वन्य जीवाची शिकार केल्याचा आरोप करण्यात आला होता. याप्रकरणानंतर वनविभागाच्या पथकाकडून खोक्या भोसलेची चौकशी करण्यासाठी त्याला ताब्यात घेण्यात आलं होतं. मात्र वनविभागाच्या अधिकाऱ्यांनी खोक्या भोसलेला टॉर्चर केल्याचा आरोप त्याच्या वकिलांनी केला आहे.
खोक्याच्या वकिलांचा खळबळजनक आरोप
याबाबत वनविभागाच्या अधिकाऱ्यांविरोधात तक्रार देखील दाखल करण्यात येणार असल्याचे त्याच्या वकिलाने सांगितले. खोक्याला मारहाण करून त्याचे डोके बर्फाच्या पाण्यात बुडवण्यात आले. यावेळी अधिकाऱ्यांनी त्याला काही जणांचे नाव घेण्याची बळजबरी देखील केली, असे खळबळजनक आरोप शशिकांत सावंत यांनी केला आहे. दरम्यान, मारहाणीचा प्रकार समोर आल्यानंतर खोक्याचे मेडिकल केल्यानंतर ही मारहाण झाल्याचे निष्पन्न झाले आहे. त्यानंतर न्यायालयाने खोक्याला 14 दिवसाची न्यायालयीन कोठडी सुनावणी आहे.
कोण आहे सतीश भोसले उर्फ खोक्या?
सतीश भोसले हा मागील पाच वर्षापासून राजकारणात सक्रिय असून तो शिरूर कासार तालुक्यातील झापेवाडीचा रहिवासी आहे. त्याच्याकडे भाजपच्या महाराष्ट्र भटके विमुक्त आघाडीचे पद आहे. सामाजिक कार्यातून ओळख निर्माण केली आहे. तसेच पारधी समाजासाठी सामाजिक कार्य केले. याआधीही सतीश भोसलेवर गंभीर गुन्हे दाखल असल्याची माहिती मिळत आहे. अलीकडच्या काळात सुरेश धस यांच्याशी संपर्क आल्याने जवळीक वाढली. सुरेश धस यांचा कार्यकर्ता असल्याची ओळख निर्माण झाल्याने परिसरात दबदबा निर्माण झाला आहे. एका शेतकऱ्याला मारहाण केल्याप्रकरणी खोक्या भोसले याच्यावर गुन्हा दाखल करण्यात आल्यानंतर त्याला पोलिसांनी अटक केली.
इतर महत्त्वाच्या बातम्या
महत्त्वाच्या बातम्या
