Phaltan Doctor death: डॉक्टर तरूणीच्या प्रकरणातील आरोपी प्रशांत बनकरला अटक; पहाटे चार वाजता घेतलं ताब्यात, पुण्यातील फार्महाऊसमधून मुसक्या आवळल्या
Satara Crime News: घटनेनंतर पोलिसांची पथके दोन आरोपींच्या शोधासाठी रवाना केली होती. युवतीने हातावर लिहिलेल्या सुसाईड नोटमध्ये प्रशांत बनकर याने मानसिक व शारीरिक छळ केल्याची माहिती लिहिली होती.
सातारा : फलटण येथील डॉक्टर तरूणी आत्महत्या (Phaltan Doctor death case) प्रकरणात एका आरोपीला पोलिसांनी अटक केली आहे. प्रशांत बनकर या आरोपीला पोलिसांनी बेड्या ठोकल्या आहेत. घटनेनंतर पोलिसांची पथके दोन आरोपींच्या शोधासाठी रवाना केली होती. युवतीने हातावर लिहिलेल्या सुसाईड नोटमध्ये प्रशांत बनकर याने मानसिक व शारीरिक छळ (Phaltan Doctor death case)केल्याची माहिती लिहिली होती. सातारा ग्रामीण पोलिसांनी प्रशांत बनकरला अटक केली आहे. प्रशांत बनकरला आज पहाटे चार वाजता अटक करण्यात आली आहे. तो मित्राच्या फार्महाऊसमध्ये लपून बसला होता, सातापा पोलिसांनी ही कारवाई करण्यात आली आहे.(Phaltan Doctor death case)प्रशांत बनकरला पुणे येथून अटक करण्यात आली आहे. प्रशांत बनकरला फलटण शहर पोलीस ठाण्यात येऊन येणार आहेत.
डॉक्टर तरुणीने हातावर लिहिलेलं सुसाईड नोटमध्ये प्रशांत बनकरने शारीरिक आणि मानसिक छळ केल्याचा लिहिलं होतं. घटनेची माहिती मिळताच पोलिसांनी चक्र फिरवली. या घटनेला 24 तास उलटून गेल्यानंतर या प्रकरणातील एका आरोपीला पोलिसांनी बेड्या ठोकल्या आहेत. या प्रकरणातील आणखी एक पोलीस असलेला आरोपी त्याला अटक करण्यात आलेली नाही, तो फरार आहे, त्यामुळे पोलिसांच्या कामावर देखील संशय व्यक्त केला जात होता. या घटनेनंतर मोठ्या तणावाचा वातावरण निर्माण झालं होतं. प्रशांत बनकर याला मित्राच्या फार्महाऊसमधून ताब्यात घेण्यात आला आहे.
Satara Crime News: गोपाळ बदने हा महिलांची छेड काढायचा
दरम्यान या प्रकरणातच आरोपी असलेल्या पोलिस अधिकाऱ्यावरती गंभीर आरोप करण्यात आले आहेत. फलटणच्या उपजिल्हा रुग्णालयात आलेल्या रुग्णांच्या नातेवाईकांकडून पोलीस उपनिरिक्षक गोपाळ बदनेवर गंभीर आरोप करण्यात आले आहेत. गोपाळ बदने हा महिलांची छेड काढायचा, डोळा मारायचा आणि तक्रार केल्यास पैसे मागायचा असं रुग्णांची नातेवाईक असलेल्या एका महिलेने म्हटलं आहे. तो अद्याप फरार असून त्याचाही पोलिस शोध घेत आहेत.
Satara Crime News: नेमकं प्रकरण काय?
सरकारी रुग्णालयातील डॉक्टर तरूणीने एका हॉटेलमध्ये गळफास घेऊन आत्महत्या केली. ही घटना गुरुवारी रात्री साडेदहाच्या सुमारास घडली. या घटनेने संपूर्ण महाराष्ट्र हादरला आहे. आत्महत्येपूर्वी डॉक्टर तरूणीने स्वतःच्या हातावर 'माझ्या मरण्याचे कारण पोलिस उपनिरीक्षक गोपाळ बदने असून, ज्याने चारवेळा माझ्यावर अत्याचार केला, तसेच प्रशांत बनकर याने चार महिने शारीरिक व मानसिक छळ केला,' असे लिहून ठेवले आहे. याप्रकरणी फलटण शहर पोलिस ठाण्यात पोलिस उपनिरीक्षक गोपाळ बदने आणि प्रशांत बनकर यांच्यावर मानसिक व शारीरिक त्रास, तसेच लैंगिक अत्याचार गुन्हा दाखल झाला आहे. याप्रकरणी पोलिस अधिकाऱ्याला निलंबित केले असून, दोघांचा शोध घेतला जात होता. आता प्रशांत बनकरला पोलिसांनी ताब्यात घेतलं आहे.
संबंधित महिला डॉक्टर फलटणमधील एका हॉटेलमध्ये राहत असलेल्या खोलीचा दरवाजा ठोठावूनही तो उघडला गेला नसल्याने कर्मचाऱ्यांना संशय आला. त्यांनी लगेच पोलिसांना याबाबत माहिती दिली. पोलिसांनी दरवाजा उघडून पाहिल्यानंतर महिलेने गळफास घेतल्याचे आढळून आले. फलटण शहर पोलिसांनी मृतदेह ताब्यात घेऊन पंचनामा करून उपजिल्हा रुग्णालयातवशवविच्छेदनासाठी पाठविला.
Satara Crime News: गळफास घेण्यापूर्वी तळहातावर लिहिले आत्महत्येचे कारण
गळफास घेण्यापूर्वी तळहातावर डॉक्टर तरूणीने आत्महत्येचे कारण लिहिले. पोलिस अधीक्षक तुषार दोशी यांनीही या प्रकरणाची गंभीर दखल घेतली असून, याप्रकरणी गुन्हा दाखल करण्याची प्रक्रिया सुरू असल्याचे आणि सखोल तपास केला जाईल, असे सांगितले आहे. हातावरील मजकूर हा महत्त्वाचा पुरावा मानला जात असून, त्या दिशेने पोलिस तपास करीत आहेत.
Satara Crime News: मुख्यमंत्र्यांच्या आदेशानंतर गोपाळ बदने निलंबित
या प्रकरणाची मुख्यमंत्री देवेंद्र फडणवीस यांनी तत्काळ दखल घेतली असून, संबंधित जबाबदार असलेल्या पोलिसांना तत्काळ निलंबित करावे, असे आदेश पोलिसांना दिले. त्या प्रकरणी पोलिसांनी कारवाई करत पोलिस उपनिरीक्षक गोपाळ बदनेला तत्काळ निलंबित केले आहे. तो फरार असून पोलिसांकडून त्याचा तपास सुरू आहे.
महत्त्वाच्या बातम्या
