Shambhuraj Desai : पुणे पदवीधरच्या महायुतीच्या उमेदवार स्मिता जाधव शंभूराज देसाईंच्या भेटीला; भेटीनंतरही महायुतीतील धुसफूस कायम, देसाई म्हणाले...

अनुकूल वातावरण असतानाही असा निकाल कसा आला? मोकाट सुटलेल्यांना लवकरच आळा बसेल, जयकुमार गोरेंचा रोख नेमका कुणाकडं?

वैभव बोडके — Wed, 28 Oct 2026 22:22:21 +0530

Jayakumar Gore on Pune Graduate Election Result : राज्याच्या विधान परिषदेतील शिक्षक आणि पदवीधर मतदारसंघाच्या 5 जागांसाठी निवडणूक झाली. यामध्ये काही जागांचा निकाल लागला आहे तर काही ठिकाणी मतमोजणी अद्यापही सुरुच आहे. दरम्यान, पुणे पदवीधरच्या निवडणुकीची जोरदार चर्चा झाली. या निवडणुकीत भाजपने जोरदार तयारी केली होती. तरीदेखील भाजपच्या स्मिता जाधव यांचा पराभव झाला. राष्ट्रवादी काँग्रेस शरद पवार पक्षाच्या हर्षदा देशमुख या विजयी झाल्या आहेत. या निकालावर राज्याचे ग्रामविकास मंत्री जयकुमार गोरे यांनी प्रतिक्रिया दिली आहे.

पुणे पदवीधर निवडणुकांच्या निकालात आलेला जनतेचा कौल मोठ्या मनाने स्वीकारला

मोका सबको मिलता है असे मत भाजप नेते व मंत्री जयकुमार गोरे यांनी व्यक्त केले. पुणे पदवीधर निवडणुकांच्या निकालात आलेला जनतेचा कौल मोठ्या मनाने स्वीकारला आहे. निवडणुकीत महायुतीच्या काही घटकांनी काही गोष्टी केल्याचे खरे असले तरी, यावर नक्कीच विचार केला जाईल असेही गोरे म्हणाले. गेल्या निवडणुकीत दोन्ही जागा गमावल्या होत्या, मात्र या वेळी एक जागा जिंकली तर दुसऱ्या जागेवर अपयश आले. अनुकूल वातावरण असताना असा निकाल कसा आला, याची खात्री करून मुख्य कारण शोधणार असल्याचे त्यांनी सांगितले. काही महायुतीच्या घटकांनी काही गोष्टी केल्याचे खरे असले तरी, यावर नक्कीच विचार केला जाईल आणि मोकाट सुटलेल्यांना लवकरच आळा बसेल, असेही सांगून मौका सबको मिलता है असा इशारा देखील त्यांनी दिला.

पुणे पदवीधरमध्ये होती कांटे की टक्कर, पण हर्षदा देशमुख यांनी मारली बाजी

भाजपकडून पुणे पदवीधर मतदारसंघासाठी स्मिता जाधव यांच्यासारख्या अभ्यासू उमेदवाराची घोषणा करण्यात आल्यानंतर राष्ट्रवादी काँग्रेस शरदचंद्र पवार पक्षाकडून तशाच तगड्या उमेदवाराची घोषणा करण्यात आली. राष्ट्रवादी काँग्रेस शरदचंद्र पवार पक्षाकडून हर्षदा देशमुख-जाधव यांना उमेदवारी जाहीर करण्यात आली. हर्षदा देशमुख-जाधव या महाविकास आघाडीच्या अधिकृत उमेदवार होत्या. या निवडणुकीत कांटे की टक्कर मानली जात होती. मात्र, अखेर महाविकास आघाडीच्या हर्षदा देशमुख यांनी बाजी मारली आहे. हर्षदा देशमुख या शिक्षणतज्ज्ञ, संस्थाचालक आणि सामाजिक कार्यकर्त्या आहेत. त्यांनी शिक्षण, महिला सक्षमीकर आणि ग्रामीण विकास या क्षेत्रांसाठी विशेष कार्य केलं आहे. तसेच त्या माजी सनदी अधिकारी प्रभाकर देशमुख यांच्या कन्या आहेत. या निवडणुकीत त्यांनी देखील जोरदार प्रचार केला होता.

Prithviraj Chavan: डोनाल्ड ट्रम्प यांचा दोन्ही सभागृहात दारुण पराभव, एपस्टीन फाईल्सचा भारताच्या राजकारणावरही परिणाम, तर देशात परिवर्तन अटळ; पृथ्वीराज चव्हाण यांचा खळबळजंक दावा

वैभव बोडके — Sat, 24 Oct 2026 14:25:04 +0530

Prithviraj Chavan On Epstein Files सातारा : काँग्रेसचे ज्येष्ठ नेते आणि माजी केंद्रीय मंत्री पृथ्वीराज चव्हाण (Prithviraj Chavan) यांनी एपस्टीन फाइल्स (Epstein Files) प्रकरणी पुन्हा एकदा मोठा दावा केला आहे. या फाईलमधील (Epstein Files) दोन फोटो समोर आले असून, लवकरच तिसरा फोटो किंवा व्हिडिओ समोर येण्याची शक्यता त्यांनी व्यक्त केली आहे. दरम्यान, येत्या नोव्हेंबरमध्ये अमेरिकेत होणाऱ्या मध्यावधी निवडणुकांमध्ये ट्रम्प यांच्या पक्षाचा दोन्ही सभागृहांत पराभव होईल, असा दावा देखील पृथ्वीराज चव्हाण यांनी व्यक्त केला. तसेच, डोनाल्ड ट्रम्प यांना महाभियोगाला सामोरे जावे लागू शकते, असेही त्यांनी म्हटले आहे.

Prithviraj Chavan: एपस्टीन फाइल्स प्रकरणाचा भारताच्या राजकारणावरही परिणाम, देशात परिवर्तन अटळ

दरम्यान, एपस्टीन फाइल्स प्रकरणातील (Epstein Files) कागदपत्रे सार्वजनिक करण्यासाठी कायदा करणारी अमेरिकेची संसदच आता ही कागदपत्रे समोर आणत असल्याचा दावा करत, या घडामोडींचा परिणाम भारताच्या राजकारणावरही होऊ शकतो आणि देशात परिवर्तन अटळ असल्याचे सूचक विधान देखील पृथ्वीराज चव्हाण यांनी केले आहे.

Prithviraj Chavan and Manoj Jarange Patil: मनोज जरांगे आणि एकनाथ शिंदेंचे नेतृत्व संपवण्याचा डाव?

मनोज जरांगे पाटील यांच्या 500 कोटींच्या ऑडिओ क्लिपवरून महाराष्ट्राच्या राजकारणात खळबळ उडाली असताना काँग्रेसचे ज्येष्ठ नेते आणि माजी मुख्यमंत्री पृथ्वीराज चव्हाण यांनी मनोज जरांगे-पाटील आणि उपमुख्यमंत्री एकनाथ शिंदे यांचे नेतृत्व संपवण्याचा कुटील डाव असल्याचा दावा केला आहे. या ऑडिओ क्लिपचे तांत्रिक आणि फॉरेन्सिक विश्लेषण करण्याची मागणीही त्यांनी केली आहे. दरम्यान, काँग्रेसचे ज्येष्ठ नेते सुशीलकुमार शिंदे यांना भाजपने पक्षप्रवेशाची ऑफर दिली असण्याची शक्यता पृथ्वीराज चव्हाण यांनी व्यक्त केली. मात्र, त्यांनी ही ऑफर स्वीकारली नसल्याचेही चव्हाण म्हणाले.

Prithviraj Chavan: ‘25-0 चा दावा फोल ठरला; गोकुळच्या निकालावरून पृथ्वीराज चव्हाणांचा मुख्यमंत्र्यांना टोला

दुसरीकडे, कोल्हापुरातील गोकुळच्या निकालावर प्रतिक्रिया देताना चव्हाण यांनी सतेज पाटील यांचे अभिनंदन केले. 25-0 असा एकतर्फी निकाल लागेल, या अपेक्षेने मुख्यमंत्री कोल्हापुरात गुलाल खेळण्यासाठी गेले होते. मात्र कोल्हापूरकरांनी त्यांना नाकारल्याची टीका त्यांनी केली. तसेच देशात परिवर्तन अटळ असल्याचा दावाही चव्हाण यांनी केला. आता 500 कोटींच्या ऑडिओ क्लिपबाबतचा दावा, सुशीलकुमार शिंदे यांच्या भाजप प्रवेशाची चर्चा आणि गोकुळच्या निकालावरून झालेली राजकीय टीका यामुळे राज्यातील राजकीय वातावरण पुन्हा तापण्याची शक्यता आहे.

Satara Crime News: सोनसळ घाटात मृतदेह आढळला; तपासाचे धागेदोरे घरापर्यंत पोहोचले; जन्मदात्या आई वडिलांसह भावानं धनाजीला संपवलं, मृतदेह भाजीच्या टेम्पोत भरला अन्..., कारणंही आलं समोर

वैभव बोडके — Sat, 24 Oct 2026 10:29:18 +0530

सातारा- सांगली जिल्हा हद्दीवर असलेल्या सोनसळ घाटात आढळलेल्या मृतदेहाचे गूढ अखेर उकलले आहे. दारू पिऊन त्रास देत असल्याच्या कारणावरून 32 वर्षीय धनाजी आदलिंगे याचा त्याच्याच आई-वडिलांनी आणि सख्या भावाने खून केल्याचे पोलीस तपासात निष्पन्न झाले आहे. 15 ऑक्टोबर रोजी घरातच त्याची हत्या (Satara Crime News) करून मृतदेह सोनसळ घाटात टाकण्यात आला होता. 20 ऑक्टोबर रोजी हा मृतदेह आढळून आल्यानंतर कराड तालुका पोलिसांनी तपासाची चक्रे वेगाने फिरवली. गोपनीय माहिती आणि तपासाच्या आधारे अवघ्या 24 तासांत या गुन्ह्याचा छडा (Satara Crime News) लावण्यात पोलिसांना यश आले. याप्रकरणी वडील सत्यवान आदलिंगे, आई सुरेखा आदलिंगे आणि भाऊ लक्ष्मण आदलिंगे या तिघांना अटक करण्यात आली आहे. धनाजी आदलिंगे यांच्या डोक्यात लाकडी स्टूल घालून त्यांची हत्या करण्यात आली. तर त्यानंतर धनाजीचा मृतदेह तीघांनी मिळून स्वतः च्या भाजी विक्रीच्या टेम्पोतून सोनसळ घाटात टाकला होता.(Satara Crime News)

सातारा-सांगली जिल्हा हद्दीवर असलेल्या सोनसळ घाटात आढळलेल्या मृतदेहाचे गूढ अखेर उकलले आहे. दारू पिऊन त्रास देत असल्याच्या कारणावरून 32 वर्षीय धनाजी आदलिंगे याचा त्याच्याच आई-वडिलांनी आणि सख्ख्या भावाने खून केल्याचे पोलीस तपासात निष्पन्न झाले आहे. 15 ऑक्टोबर रोजी घरातच त्याची हत्या करून मृतदेह सोनसळ घाटात टाकण्यात आला होता. 20 ऑक्टोबर रोजी हा मृतदेह आढळून आल्यानंतर कराड तालुका पोलिसांनी तपासाची चक्रे वेगाने फिरवली. गोपनीय माहिती आणि तपासाच्या आधारे अवघ्या 24 तासांत या गुन्ह्याचा छडा लावण्यात पोलिसांना यश आले. याप्रकरणी वडील सत्यवान आदलिंगे, आई सुरेखा आदलिंगे आणि भाऊ लक्ष्मण आदलिंगे या तिघांना अटक करण्यात आली आहे. धनाजी आदलिंगे यांच्या डोक्यात लाकडी स्टूल घालून त्यांची हत्या करण्यात आली. तर त्यानंतर धनाजीचा मृतदेह तिघांनी मिळून स्वतःच्या भाजी विक्रीच्या टेम्पोतून सोनसळ घाटात टाकला होता.(Satara Crime News)

कराड तालुक्यातील गोळेश्वर येथे कौटुंबिक वादातून डोक्यात स्टूल घातल्याने धनाजी सत्यवान अदलिंगे याचा मृत्यू झाला. मृत्यूनंतर पुरावा लपविण्याच्या उद्देशाने मृतदेह सोनसळ घाटात फेकून दिल्याचे पोलिस तपासात समोर आले आहे. या प्रकरणी मृताची आई, वडील आणि भाऊ यांना पोलिसांनी अटक केली आहे. त्यांना न्यायालयात हजर केले असता न्यायालयाने तिघांना 4 दिवसांची पोलीस कोठडी सुनावली आहे. सत्यवान तुकाराम अदलिंगे, सुरेखा सत्यवान अदलिंगे, लक्ष्मण सत्यवान अदलिंगे अशी पोलीस कोठडी मिळालेल्यांची नावे असल्याची माहिती कराडच्या पोलिस उपअधीक्षक राजश्री पाटील यांनी पत्रकार परिषदेत दिली.(Satara Crime News)

पोलिसांनी माहिती देताना सांगितलं की, गोळेश्वर येथे आठवडाभरापूर्वी धनाजी अदलिंगे याचा आई, वडील आणि भावासोबत कौटुंबिक कारणावरून वाद झाला. या वादाचे रूपांतर मारहाणीत झाले. त्यावेळी धनाजी याच्या डोक्यात स्टूल घालण्यात आला, ज्यामुळे त्याचा मृत्यू झाला. त्यानंतर घाबरलेल्या आई, वडील आणि भावाने मृतदेह सोनसळ घाटात नेऊन टाकल्याची माहिती तपासात पुढे आली आहे. चार दिवसांपूर्वी सोनसळ घाटात पोलिसांना बेवारस मृतदेह आढळून आला होता. मृतदेहाच्या परिस्थितीवरून पोलिसांना मृत्यूबाबत संशय निर्माण झाला. त्यानंतर तपास करीत असताना पोलीसांना गोपनीय माहिती आणि तांत्रिक तपासाच्या आधारे तो मृतदेह गोळेश्वर येथील धनाजी आदलिंगे याचा असल्याचे समजले.(Satara Crime News)

तपासादरम्यान कौटुंबिक वादाचा धागा समोर आला. पोलिसांनी मृताचे आई, वडील आणि भावाला ताब्यात घेऊन चौकशी केली असता, धनाजी हा दारू पिऊनघरातील सदस्यांना त्रास देत असल्याच्या कारणावरून त्यांच्यात वाद झाल्याची माहिती पुढे आली. या त्रासाला कंटाळून आई, वडील आणि भावाने आपसात संगनमत करून धनाजी याच्या डोक्यात स्टूल घातल्याचे चौकशीत समोर आल्याचे सांगण्यात येत आहे. या प्रकरणी गुरुवारी सायंकाळी सत्यवान अदलिंगे, सुरेखा आदलिंगे, लक्ष्मण अदलिंगे यांना अटक करण्यात आली. त्यांना न्यायालयात हजर केले असता न्यायालयाने तिघांना 4 दिवसांची पोलीस कोठडी सुनावली आहे.

Prithviraj Chavan and Manoj Jarange Patil: मनोज जरांगे पाटलांच्या 500 कोटींच्या ऑडिओ क्लीपवर पृथ्वीराज चव्हाणांचा खळबळजनक दावा, म्हणाले...

वैभव बोडके — Sat, 24 Oct 2026 09:45:09 +0530

Prithviraj Chavan and Manoj Jarange Patil: मनोज जरांगे पाटील यांनी समोर आणलेल्या 500 कोटींच्या ऑडिओ क्लीपच्या पार्श्वभूमीवर काँग्रेसचे ज्येष्ठ नेते पृथ्वीराज चव्हाण यांनी एक महत्त्वाचा दावा केला आहे. मनोज जरांगे यांच्या या ऑडिओ क्लीपमुळे महाराष्ट्राच्या राजकारणात खळबळ उडाली होती. काँग्रेसचे ज्येष्ठ नेते आणि माजी मुख्यमंत्री पृथ्वीराज चव्हाण यांनी मनोज जरांगे-पाटील (Manoj Jarange Patil) आणि उपमुख्यमंत्री एकनाथ शिंदे (Eknath Shinde) यांचे नेतृत्व संपवण्याचा कुटील डाव असल्याचा दावा केला आहे. या ऑडिओ क्लिपचे तांत्रिक आणि फॉरेन्सिक विश्लेषण करण्याची मागणीही त्यांनी केली आहे. (Maharashtra Politics)

आता ५०० कोटींच्या ऑडिओ क्लिपबाबतचा दावा, सुशीलकुमार शिंदे यांच्या भाजप प्रवेशाची चर्चा आणि गोकुळच्या निकालावरून झालेली राजकीय टीका यामुळे राज्यातील राजकीय वातावरण पुन्हा तापण्याची शक्यता आहे. दरम्यान, काँग्रेसचे ज्येष्ठ नेते सुशीलकुमार शिंदे यांना भाजपने पक्षप्रवेशाची ऑफर दिली असण्याची शक्यता पृथ्वीराज चव्हाण यांनी व्यक्त केली. मात्र, त्यांनी ही ऑफर स्वीकारली नसल्याचेही पृथ्वीराज चव्हाण म्हणाले.

कोल्हापुरातील गोकुळच्या निकालावर प्रतिक्रिया देताना चव्हाण यांनी सतेज पाटील यांचे अभिनंदन केले. 25-0 असा एकतर्फी निकाल लागेल, या अपेक्षेने मुख्यमंत्री कोल्हापुरात गुलाल खेळण्यासाठी गेले होते. मात्र, कोल्हापूरकरांनी त्यांना नाकारल्याची टीका त्यांनी केली. तसेच देशात परिवर्तन अटळ असल्याचा दावाही पृथ्वीराज चव्हाण यांनी केला.

Chandrakant Khaire: जरांगे पाटलांना मोठं केलं, आता बाजूला का करता? चंद्रकांत खैरेंचा सवाल

मनोज जरांगे पाटील यांना मोठं कुणी केलं आणि आता त्यांनाच बाजूला करण्याचा प्रयत्न का? असा सवाल उपस्थित करत शिवसेना ठाकरे गटाचे नेते चंद्रकांत खैरे यांनी भाजप आणि शिवसेना शिंदे गटावर गंभीर आरोप केले आहेत. मराठा समाजाला न्याय आणि हक्क मिळवून देण्यासाठी जरांगे पाटील यांनी प्रयत्न केले. त्यामुळे समाज त्यांच्या पाठीशी उभा राहिला. मात्र, त्यांच्या वाढत्या प्रभावामुळे राजकीय नेत्यांना आपलं काय होणार, असा प्रश्न पडल्याचा दावा खैरे यांनी केला आहे.

वादग्रस्त ऑडिओ क्लिप फॉरेन्सिक तपासणीसाठी पाठवा आणि सत्य जनतेसमोर आणा, अशी मागणी त्यांनी केली आहे. या प्रकरणात मुख्यमंत्र्यांचं नाव चर्चेत असल्याने त्यांनी स्वतः निर्णय न घेता सरकारने निष्पक्ष चौकशी करून निर्णय घ्यावा, असेही चंद्रकांत खैरे म्हणाले. 500 कोटींच्या कथित व्यवहारावरूनही चंद्रकांत खैरे यांनी सवाल उपस्थित केले आहेत. डॉ. श्रीकांत शिंदे यांचं नाव या व्यवहारासंदर्भात घेतलं जात असेल, तर त्यांचीही चौकशी झाली पाहिजे, अशी मागणी त्यांनी केली. या संपूर्ण प्रकरणामागे भाजप, शिवसेना शिंदे गट आणि केंद्रीय गृहमंत्री अमित शाह यांचा आशीर्वाद असल्याचा दावाही त्यांनी केला आहे. तसेच टायगर शॉप गोळीबार प्रकरण महापौर कार्यालय आणि अमिताभ बच्चन यांचा बंगला बॉम्बने उडवून देण्याची धमकी या मुद्द्यावरून देखील चंद्रकांत खैरे यांनी राज्यातील कायदा सुव्यवस्थेबाबत गंभीर आरोप केले.

आणखी वाचा

मनोज जरांगे पाटलांकडून 500 कोटींचा सनसनाटी आरोप, तरी श्रीकांत शिंदे शांत का?

Satara Crime news: साताऱ्यातील कॉलेज कॅम्पसच्या वसतिगृहात विद्यार्थिनीने संपवलं जीवन; पोलिसांत आकस्मात मृत्यूची नोंद

वैभव बोडके — Fri, 23 Oct 2026 15:14:38 +0530

Satara Crime news: साताऱ्यातील यशोदा टेक्निकल कॅम्पसच्या वसतिगृहात एका विद्यार्थिनीने गळफास घेऊन आत्महत्या केल्याची घटना समोर आली आहे. पूजा माने असे आत्महत्या केलेल्या विद्यार्थिनीचे नाव असून ती खटाव तालुक्यातील मानेवाडी येथील रहिवासी होती. पूजाने वसतीगृहात गळफास घेऊन जीवन का संपवलं याचा तपास सुरू आहे. पूजाच्या आत्महत्या केल्यामागील कारणाचा तपास सुरू असून पोलिसांच्या दप्तरी आकस्मात मृत्यूची नोंद करण्यात आली आहे. दरम्यान, विद्यार्थिनीच्या मृत्यूमुळे यशोदा टेक्निकल कॅम्पसमध्ये हळहळ व्यक्त केली जात आहे. (Satara news)

साताऱ्यात अपघात, 4 जण ठार

साताऱ्यातील कराड शहराजवळ पुणे- बेंगलोर महामार्गावर उड्डाणपूलावर रविवारी रात्री 11 वाजण्याच्या सुमारास स्कॉर्पिओचा आणि ट्रकचा भीषण अपघात झाला होता. यामध्ये साताऱ्यातील (Satara news) चार तरुणांचा जागेवरच मृत्यू झाला आहे. तर तीन जण जखमी झाले आहेत. हे सर्वजण काल कोल्हापूरच्या (Kolhapur news) महालक्ष्मीच्या दर्शनाला गेले होते. तिथून परतत असताना रात्री 11 वाजता त्यांची कार एका ट्रकला धडकली. ही धडक इतकी जोरदार होती की, गाडीतील चार तरुणांनी जागेवरच प्राण सोडले. (Satara Road Accident)

प्राथमिक माहितीनुसार, अपघातातील सर्व युवक कोल्हापूरच्या महालक्ष्मीला दसऱ्यानिमित्ताने दर्शनाला गेले होते. त्यानंतर घरी परत येत असताना हा भीषण अपघात झाला आहे. अपघातातील सर्व युवक साताऱ्यातील खटाव तालुक्यातील कातरखटाव गावचे आहेत. कराड शहराजवळ उभारलेल्या नवा सहापदरी उड्डाणपूल काही दिवसापूर्वीच वाहतुकीस खुला केला असून हा पहिलाच भीषण अपघात आहे.

हा अपघात इतका भीषण होता की, स्कॉर्पिओ कारचा पूर्णपणे चक्काचूर झाला होता. ट्रकच्या जोरदार धडकेमुळे या गाडीचा पुढचा आणि मागचा भाग चेपून छप्परही तुटले होते. पोलीस आणि इतर लोक मृतदेह बाहेर काढण्यासाठी गेले तेव्हा गाडीच्या सीटवर आणि खाली रस्त्यावर रक्ताचा सडा पसरला होता. या दुर्घटनेमुळे कातरखटाव गावावर शोककळा पसरला होता. तेजस देशमुख (चालक, वय 25 वर्षे), सागर निंबाळकर (वय 23 वर्षे), सुयश चिंचकर (वय 20 वर्षे) आणि रोहित धोत्रे (वय 21 वर्षे) अशी अपघातात मृत पावलेल्या चार मित्रांची नावं आहेत. तर ऋतुराज दुबळे (वय 21 वर्षे), शंतनू शिंगाडे (वय 20 वर्षे) आणि अमन तांबोळी (वय 23 वर्षे) अशी जखमी मित्रांची नावे आहेत.

आणखी वाचा

Satara Road Accident: ट्रकच्या धडकेने स्कॉर्पिओचा चेंदामेंदा, सीटवर रक्ताचा सडा, साताऱ्यातील अपघाताचे भयानक फोटो

Satara Bank Election: सातारा जिल्हा बँकेसाठी महायुतीचा फॉर्म्युला ठरला, दोन हॉटेलमध्ये स्वतंत्र बैठकांचा जोर; कोणाला किती जागा अन् किती जागांवर निवडणूक लागणार?

शुभम बोडके — Wed, 21 Oct 2026 13:38:16 +0530

Satara Bank Election: सातारा जिल्हा मध्यवर्ती बँकेच्या निवडणुकीत महायुतीचा जागावाटपाचा तिढा सुटल्याची माहिती समोर येत आहे. 21 संचालक पदांपैकी 10 जागांवर महायुतीत फॉर्म्युला ठरला असून पाच जागा भाजप आणि राष्ट्रवादी, शिवसेनेसाठी पाच जागा देण्यात आल्याची सूत्रांची माहिती आहे. उर्वरित 11 जागांवर निवडणूक पार पडणार आहे. त्याचा अनुषंगाने भाजप प्रमुख पदाधिकारी नेतेमंडळी यांची स्वतंत्र बैठक एका हॉटेलमध्ये झाली. दुसरीकडे दुसऱ्या हॉटेलमध्ये राष्ट्रवादी आणि शिवसेनेच्या प्रमुख नेत्यांची बैठक झाली. सातारा जिल्हा मध्यवर्ती बँकेच्या निवडणुकीमध्ये दहा वर्षांच्या कामकाजाच्या निकषामुळे मंत्री शिवेंद्रराजे भोसले, खासदार उदयनराजे भोसले आणि खासदार नितीन पाटील यांच्यासह अनेक दिग्गज नेते अर्ज माघारी घेण्याची शक्यता वर्तवली जात आहे. दिग्गजांच्या माघारीमुळे कार्यकर्त्यांना संधी मिळणार आहे .अर्ज माघारीच्या अंतिम टप्प्यात साताऱ्याच्या राजकारणात मोठ्या घडामोडी घडू लागले आहेत. या घडामोडींकडे संपूर्ण जिल्ह्याचं लक्ष आता लागलं आहे.

अनिल देसाई, राजेंद्र राजपुरेंना निवडणूक लढवता येणार नाही

दुसरीकडे, बँकेत सलग 10 वर्षे संचालक असल्याने उपाध्यक्ष अनिल देसाई आणि संचालक राजेंद्र राजपुरे यांचा उमेदवारी अर्ज मुंबई उच्च न्यायालयाच्या कोल्हापूर सर्किट बेंचने अवैध ठरवल्यानंतर सर्वोच्च न्यायालयानेही हा निर्णय कायम ठेवला आहे. त्यामुळे देसाई आणि राजपुरे यांना आता जिल्हा बँकेची निवडणूक लढविता येणार नाही. देसाई यांचे नातेवाईक आणि राजपुरे यांच्या पत्नीचा अर्ज अजूनही निवडणुकीत असल्याने संचालकपद कुटुंबातच राहण्याची शक्यता आहे.

सातारा जिल्हा बँकेची पंचवार्षिक निवडणूक जाहीर झाली आहे. 1 नोव्हेंबरला मतदान होणार आहे. तर उमेदवारी अर्ज आज ( 21 ऑक्टोबर) मागे घेता येणार आहेत. या निवडणुकीसाठी पुन्हा मैदानात उतरलेले उपाध्यक्ष अनिल देसाई आणि राजेंद्र राजपुरे यांच्या संचालकपदाला सलग 10 वर्षे झाली आहेत. त्यामुळे त्यांना निवडणुकीत उभे राहता येणार नाही, अशी तक्रार कोल्हापूर सर्किट बेंचमध्ये दाखल झाली होती. यावर बेंचने दोघांबरोबरच राजेंद्र राजपुरे यांच्या पत्नी रुपाली राजपुरे यांचा अर्जही अवैध ठरवला होता. याविरोधात सर्वोच्च न्यायालयात याचिका दाखल केली होती.

इतर महत्वाच्या बातम्या

Satara Politics: पुणे पदवीधरवरून साताऱ्यात राजकीय वातावरण तापलं; शिवसेनेच्या नाराजीनंतर भाजपमध्येही आलबेल नसल्याची चर्चा? नेत्यांची अनुपस्थिती अन् बोलणे टाळलं, नेमकं काय घडलं?

Satara Road Accident: ट्रकच्या धडकेने स्कॉर्पिओचा चेंदामेंदा, सीटवर रक्ताचा सडा, साताऱ्यातील अपघाताचे भयानक फोटो

वैभव बोडके — Wed, 21 Oct 2026 08:55:16 +0530

Satara Accident: साताऱ्यात कार-ट्रकचा भीषण अपघात, महालक्ष्मीच्या दर्शनाला गेलेल्या मित्रांवर काळाचा घाला, चौघांनी जागेवरच प्राण सोडले

वैभव बोडके — Wed, 21 Oct 2026 07:58:54 +0530

Satara Road Accident: साताऱ्यातील कराड शहराजवळ पुणे- बेंगलोर महामार्गावर उड्डाणपूलावर मंगळवारी रात्री 11 वाजण्याच्या सुमारास स्कॉर्पिओचा आणि ट्रकचा भीषण अपघात झाला आहे. यामध्ये साताऱ्यातील (Satara news) चार तरुणांचा जागेवरच मृत्यू झाला आहे. तर तीन जण जखमी झाले आहेत. हे सर्वजण काल कोल्हापूरच्या (Kolhapur news) महालक्ष्मीच्या दर्शनाला गेले होते. तिथून परतत असताना रात्री 11 वाजता त्यांची कार एका ट्रकला धडकली. ही धडक इतकी जोरदार होती की, गाडीतील चार तरुणांनी जागेवरच प्राण सोडले. (Satara Road Accident)

प्राथमिक माहितीनुसार, अपघातातील सर्व युवक कोल्हापूरच्या महालक्ष्मीला दसऱ्यानिमित्ताने दर्शनाला गेले होते. त्यानंतर घरी परत येत असताना हा भीषण अपघात झाला आहे. भरधाव वेगात असलेल्या ट्रकने मागून या तरुणांच्या कारला धडक दिली. अपघातातील सर्व युवक साताऱ्यातील खटाव तालुक्यातील कातरखटाव गावचे आहेत. कराड शहराजवळ उभारलेल्या नवा सहापदरी उड्डाणपूल काही दिवसापूर्वीच वाहतुकीस खुला केला असून हा पहिलाच भीषण अपघात आहे. जखमींवर कराडच्या कृष्णा रूग्णालयात उपचार सुरू आहेत.

हा अपघात इतका भीषण होता की, स्कॉर्पिओ कारचा पूर्णपणे चक्काचूर झाला आहे. जखमींवर कराडच्या कृष्णा रुग्णालयात सध्या उपचार सुरू आहेत. या दुर्घटनेमुळे कातरखटाव गावावर शोककळा पसरला आहे. तेजस देशमुख (चालक, वय 25 वर्षे), सागर निंबाळकर (वय 23 वर्षे), सुयश चिंचकर (वय 20 वर्षे) आणि रोहित धोत्रे (वय 21 वर्षे) अशी अपघातात मृत पावलेल्या चार मित्रांची नावं आहेत. तर ऋतुराज दुबळे (वय 21 वर्षे), शंतनू शिंगाडे (वय 20 वर्षे) आणि अमन तांबोळी (वय 23 वर्षे) अशी जखमी मित्रांची नावे आहेत. ज्या उड्डाणपूलावर हा अपघात झाला तो काही दिवसांपूर्वीच वाहतुकीसाठी खुला करण्यात आला होता. या अपघातामुळे उड्डाणपुलावरील सुरक्षिततेबाबत शंका उपस्थित झाली आहे.

Satara news: कराड अपघातातील मृतांची नावे खालीलप्रमाणे

तेजस देशमुख
सागर निंबाळकर
रोहित धोतरे
सुयश चिंचकर

आणखी वाचा

Nashik Accident News:सप्तश्रुंग गडाच्या पायथ्याला मध्यरात्री अपघात; कार दुचाकीसह एका वाहनाला धडकली, नंतर बंदोबस्तातील पोलीस अधिकारी, कर्मचाऱ्यांनाही उडवलं, एकाचा मृत्यू, 11 जखमी

Satara Politics: पुणे पदवीधरवरून साताऱ्यात राजकीय वातावरण तापलं; शिवसेनेच्या नाराजीनंतर भाजपमध्येही आलबेल नसल्याची चर्चा? नेत्यांची अनुपस्थिती अन् बोलणे टाळलं, नेमकं काय घडलं?

वैभव बोडके — Mon, 19 Oct 2026 09:48:38 +0530

सातारा : पदवीधर मतदार संघाची निवडणूक जाहीर झाल्यानंतर महायुतीकडून उमेदवारी जाहीर झाल्यापासून साताऱ्यात मात्र रोज नवीन घडामोडी घडताना पाहायला मिळत आहेत. एकीकडे शिवसेना आणि राष्ट्रवादीची अद्यापही गुलदस्त्यात असलेली भूमिका तर दुसरीकडे भाजप अंतर्गत असलेली कुरबुर (Satara Politics) यामुळे या निवडणुकीत सातारा जिल्ह्यात (Satara Politics)
महायुतीच्या उमेदवाराबाबत चिंतेचे वातावरण असल्याचे पाहायला मिळत आहे. भाजपचे मंत्री जयकुमार गोरे, आमदार धैर्यशील कदम साताऱ्यात भाजपने घेतलेल्या मेळाव्याला अनुपस्थित होते ; तर खासदार उदयनराजे यांनी मेळाव्यामध्ये बोलणं टाळलं यामुळे या चर्चांना उधाण आलं आहे.(Satara Politics)

पुणे पदवीधर मतदारसंघाच्या निवडणुकीत महायुतीतील जागावाटपाचा तिढा सुटला असला, तरी उमेदवारीवरून निर्माण झालेला संभ्रम अद्याप कायम असल्याचं चित्र आहे. भाजपच्या उमेदवार स्मिता जाधव यांच्या उमेदवारीनंतर साताऱ्यात महायुतीतील अंतर्गत मतभेदांच्या चर्चांना उधाण आलं आहे. त्यातच आता साताऱ्यात भाजपकडून घेण्यात आलेल्या मेळाव्यात भाजप नेत्यांची अनुपस्थिती आणि खासदार उदयनराजेंनी मेळाव्याला बोलणं टाळल्याने भाजपची मोठी कोंडी झाली आहे.(Satara Politics)

साताऱ्यात भाजपने घेतलेल्या मेळाव्याला भाजपचे मंत्री जयकुमार गोरे आणि भाजपचे आमदार धैर्यशील कदम या दोन नेत्यांच्या अनुपस्थितीने चर्चांना उधाण आले आहे. त्यातच भाजपचे खासदार उदयनराजे यांनी देखील या जाहीर मेळाव्यात बोलणे टाळले त्यामुळे नेमकं साताऱ्यात भाजपमध्ये अंतर्गत कुरबुर सुरू आहे का ? असा सवाल मेळावा नंतर उपस्थित केला जात आहे. त्यातच साताऱ्यातील मेळाव्याला भाजपचे मंत्री जयकुमार गोरे आणि आमदार धैर्यशील कदम अनुपस्थित राहिल्याने राजकीय चर्चांना आणखी हवा मिळाली. भाजपच्या प्रमुख नेत्यांच्या अनुपस्थितीमागे उमेदवारीवरून नाराजी आहे का, असा सवाल उपस्थित केला जातो आहे. दुसरीकडे, खासदार उदयनराजे भोसले यांनीही मेळाव्यात बोलणं टाळल्याने पदवीधर आणि कार्यकर्त्यांमध्ये संभ्रमाचं वातावरण निर्माण झाल्याची चर्चा आहे. अशा परिस्थितीत भाजपच्या स्मिता जाधव यांना या अंतर्गत मतभेदांचा फटका बसणार अशा चर्चा सुरू झाल्या आहेत. पुणे पदवीधर मतदारसंघाच्या निवडणुकीत आता महायुतीची एकजूट नसल्यामुळे त्याचा फायदा महाविकास आघाडीच्या उमेदवाराला मिळणार असल्याच्या चर्चा देखील सुरू झाल्या आहेत.त्यामुळे आता साताऱ्यातील राजकीय घडामोडींकडे संपूर्ण महाराष्ट्राचे लक्ष लागून राहील आहे.

Election Schedule: निवडणुकीचे संपूर्ण वेळापत्रक

अधिसूचना जारी (Notification Date): 29 सप्टेंबर 2026

उमेदवारी अर्ज भरण्याची अंतिम तारीख (Nomination Last Date): 6 ऑक्टोबर 2026

अर्जांची छाननी (Scrutiny): 7 ऑक्टोबर 2026

अर्ज मागे घेण्याची अंतिम तारीख (Withdrawal Last Date): 9 ऑक्टोबर 2026

मतदानाची तारीख व वेळ (Poll Date & Time): 23 ऑक्टोबर 2026 (सकाळी 8 ते दुपारी 4)

मतमोजणी व निकाल (Counting Date): 27 ऑक्टोबर 2026

Maharashtra Vidhan Parishad Election: रिक्त झालेल्या जागा

1. औरंगाबाद पदवीधर: सतीश भानुदास चव्हाण (राष्ट्रवादी काँग्रेस - शरद पवारांची राष्ट्रवादी / मविआ)

2. पुणे पदवीधर: अरुण गणपती लाड (राष्ट्रवादी काँग्रेस - शरद पवारांची राष्ट्रवादी / मविआ)

3. नागपूर पदवीधर: अभिजीत गोविंदराव वंजारी (काँग्रेस)

4. अमरावती शिक्षक: किरण रामराव सरनाईक (शिवसेना - शिंदे गट)

5 पुणे शिक्षक: जयंत दिनकर आसगावकर (काँग्रेस)

Shambhuraj Desai : पुणे पदवीधरच्या महायुतीच्या उमेदवार स्मिता जाधव शंभूराज देसाईंच्या भेटीला; भेटीनंतरही महायुतीतील धुसफूस कायम, देसाई म्हणाले...

वैभव बोडके — Sun, 18 Oct 2026 12:45:24 +0530

सातारा: पुणे पदवीधर मतदारसंघाच्या महायुतीच्या उमेदवार डॉ. स्मिता जाधव यांनी काल शिवसेना नेते शंभूराज देसाई (Shambhuraj Desai) यांची भेट टाळल्यानंतर राजकीय वर्तुळात अनेक चर्चा रंगलेल्या पाहायला मिळाल्या. मात्र या बाबतच्या बातम्या प्रसार माध्यमांवर प्रसिद्ध झाल्यानंतर मंत्री शंभूराज देसाई (Shambhuraj Desai) यांची आज डॉ.स्मिता जाधव यांनी भेट घेतली आहे. शिक्षक मतदारसंघातील अपक्ष उमेदवाराला शिवसेनेने पाठिंबा दिल्याने महायुतीमधील अंतर्गत मतभेद चव्हाट्यावर आले आहेत. कार्यकर्त्यांमधील संभ्रम आणि नाराजी दूर करण्यासाठी वरिष्ठ पातळीवर चर्चा होणे गरजेचे असल्याचे शंभूराज देसाई (Shambhuraj Desai) यांनी स्पष्ट केले आहे. संभ्रम दूर झाल्याशिवाय आमच्याकडून पाठिंबा नसल्याचे देखील यावेळी शंभूराज देसाई यांनी स्पष्ट केले. वरिष्ठांकडून सर्व गोष्टी स्पष्ट झाल्यानंतर शिवसेनेचा मेळावा घेऊन पाठिंबा जाहीर करू, असेही त्यांनी सांगितले आहे. त्यामुळे महायुतीमधील समन्वयाचा प्रश्न पुन्हा एकदा ऐरणीवर आला असून, वरिष्ठ नेत्यांच्या भूमिकेकडे सर्वांचे लक्ष लागले आहे.(Shambhuraj Desai)

Shambhuraj Desai : त्यांनी पाठिंबा देण्याची विनंती केली..

तर माध्यमांना प्रतिक्रिया देताना शिवसेना नेते शंभूराज देसाई म्हणाले,"काल काय त्यांनी माझ्या कार्यालयाकडे संपर्क केला नव्हता.नंतर काल संपर्क माझ्याकडे त्यांचा झाला आणि त्यांनी मला भेटीची वेळ मागितली. मी 10 वाजता फलटण, कोरेगाव, कराडच्या या दौरेवरती निघालेलो आहे. मी कालच त्यांना सांगितलं, 10 वाजता मी बाहेर पडणार आहे, त्याच्या अगोदर येऊ शकतात. त्यामुळे त्या प्रमाणे महायुतीच्या उमेदवार भाजप पक्षाच्या स्मिताताई जाधव आज आलेल्या होत्या. त्यांनी माझी भेट घेतली. त्यांनी पाठिंबा देण्याची विनंती केली. मी त्यांना सांगितलं, आम्ही महायुतीमध्येच आहोत. परंतु काही बाबी जिल्ह्यामध्ये यापूर्वी थोड्याशा घडलेल्या आहेत. आम्ही नेते म्हणून नाही, परंतु खाली कार्यकर्त्यांच्या मध्ये त्याच्याबद्दलची पुढची नाराजी आहे. वरिष्ठ पातळीवर एकदा त्या गोष्टी एकदा क्लियर झाल्या की अडचण कुठली येणार नाही, पण त्या गोष्टी क्लियर व्हाव्यात लवकर, अशा पद्धतीची चर्चा आमची झाली, त्या म्हटलेल्या आहेत. मी वरती आमच्या नेतेमंडळींच्या अशी चर्चा करते आणि मग त्यात पण त्यांनी एवढं सांगितलं आम्हाला की, आम्ही महायुतीमधूनच निवडणूक लढवत आहोत. आपल्याला सगळ्यांना माहिती आहे, आम्ही सांगितलेलंच आहे, महायुती म्हणून आम्ही एकत्र आहोत. परंतु खाली कार्यकर्त्यांच्या मध्ये काही पदाधिकाऱ्यांच्या मध्ये संभ्रम थोडासा निर्माण झालेला आहे, तो दूर करणं गरजेचं आहे. त्यामुळे एकदा का या काही गोष्टी क्लियर झाल्या की, ही निश्चितपणे दुरी दूर होईल. आणि त्या जर दूर झाल्या लवकर, तर नक्कीच एक शिवसेनेचा मोठा मेळावा घेऊन, त्याच्यामध्ये मग शिवसेनेचा पाठिंबा सुद्धा या ठिकाणी आम्ही त्याला जाहीर करू. तत्पूर्वी या ज्या गोष्टी पदाधिकाऱ्यांच्या, शिवसैनिकांच्या कार्यकर्त्यांच्या मनामध्ये संभ्रम आणि शंका आहेत, त्या थोड्याशा बाजूला होणं गरजेचं आहे."

पुणे शिक्षकबाबात बोलताना शंभुराज देसाई म्हणाले, "झालाय निर्णय आमचा. पुरस्कृत आहेत ते, नुसता पाठिंबा नाही. प्राध्यापक सचिन सनप हे शिवसेनेचे पुरस्कृत उमेदवार आहेत. मी त्यांच्या प्रचाराला काल सांगलीमध्ये जाऊन आलो, आता फलटणला चाललोय, संध्याकाळी कराडचा कार्यक्रम आहे, उद्या पाटणचा कार्यक्रम आहे आणि त्याच्यानंतर परवा जावळी मेळाव्याचा कार्यक्रम आहे. आम्ही उघडपणानं सगळे शिवसैनिक, हे शिवसेनेचे पुरस्कृत उमेदवार आहेत, प्राध्यापक सचिन सावंत, सचिन सनपांच्या प्रचारासाठी आम्ही सगळे शिवसेना सक्रिय आहोत."