उद्धव ठाकरेंचा शिवसेना गट अदृश्य होत जाणं हा संजय राऊतांचा भीम पराक्रम, मंत्री जयकुमार गोरेंचा टोला

Jejuri Warkari Accident: जेजुरीतील वारकऱ्यांच्या अपघाताला पोलीस प्रशासनाचा नियोजन शून्य कारभारच जबाबदार; वारकरी साहित्य परिषदेच्या अध्यक्षांचा गंभीर आरोप

कुलदीप माने, एबीपी माझा — Mon, 13 Jul 2026 13:28:37 +0530

Sant Dnyaneshwar Maharaj Palkhi Warkari Accident सांगली: जेजुरी मधील वारकऱ्यांच्या अपघाताला पोलीस प्रशासनाचा नियोजन शून्य कारभार जबाबदार असल्याची प्रतिक्रिया वारकरी साहित्य परिषदेचे अध्यक्ष विठ्ठल पाटील यांनी दिली आहे. येतील तशी वाहने आणि दिंड्या सोडल्याने हा अपघात (Jejuri Accident news) घडला असल्याचेही ते म्हणाले. वारीत वाहने एका बाजूला आणि दिंडी एका बाजूला सुरू ठेवायला हवी होती, मात्र तसं न झाल्याने हि दुर्दैवी घटना घडल्याचे विठ्ठल पाटील म्हणाले. (Ashadhi Vari 2026 Accident)

जेजुरीत संत ज्ञानेश्वर महाराज यांच्या पालखीतील (Sant Dnyaneshwar Maharaj Palkhi) ट्रकचा आज (13 जुलै) सकाळी भीषण अपघात झाल्याची घटना घडली आहे. या दुर्दैवी घटनेत तीन महिला वारकऱ्यांचा मृत्यू झाल्याचे समोर आले आहे. तर 7 ते 8 जण जखमी असल्याची माहिती आहे. (Jejuri Accident news) यावर बोलताना वारकरी साहित्य परिषदेचे अध्यक्ष विठ्ठल पाटील यांचा जेजुरी अपघात प्रकरणी आरोप गंभीर आरोप करत अपघाताला पोलीस प्रशासनाचा नियोजन शून्य कारभार जबाबदार असल्याचे म्हटलं आहे. पोलिसांनी वाहने एका बाजूला आणि दिंडी एका बाजूला सुरू ठेवायला हवी होती, हा नियम पोलिसांनी का ठेवला नाही? हा नियम किमान इथून पुढच्या प्रवासात तरी पाळला जावा, याची पोलिसांनी काळजी घेण्याचीही विनंती त्यांनी केली आहे.

Jejuri Accident News: अपघातात 7 वारकरी जखमी, तर 3 जण ठार आहेत

ज्ञानेश्वर माऊली पालखी दरम्यान पुरंदर तालुक्यातील बेलसर फाटा येथे राजवाडा लॉज समोर हा अपघात झाला. तर या अपघातात नंदा बाबुराव पवार, (वय 60 वर्षे, रा. कवलापूर ता. मिरज जि.सांगली.), माधवी राजाराम सलगरे, (वय 55 वर्षे, रा. मालगाव ता. मिरज जि. सांगली), राजश्री शंकर भोसले, (वय 55 वर्षे, रा. कसबे डिग्रज ता. मिरज जि. सांगली) यांचा मृत्यू झाला आहे. तर अपघातातील जखमी जखमींवर आनंदी हॉस्पिटल जेजुरी येथे उपचार चालू आहेत. त्यांची नावे खालील प्रमाणे आहे.

▪️1) शांता शिवाप्पा अलकोपर, वय 70 वर्षे रा. मिरजवाडी ता. मिरज जि. सांगली

▪️2) कासाबाई जगन्नाथ गस्ते वय 70 वर्षे रा. आष्टा ता. वाळवा जि. सांगली

▪️3) लक्ष्मी विठ्ठल गडदे वय 45 वर्षे रा. नांगोळे ता. कवठेमहांकाळ जि. सांगली

▪️4) अक्काताई बबन कोळी वय 60 वर्षे रा. शिरगाव ता. तासगाव जि. सांगली

▪️5) शैलजा दिनकर जगताप वय 58 वर्षे रा.कवलापूर ता. मिरज जि. सांगली

▪️6) गिताबाई सदाशिव हंकारे वय 65 वर्षे रा. कसबेडिग्रस ता. मिरज जि. सांगली

▪️7) मंगल विलास पाटील वय 65 वर्षे रा. कवलापूर ता. मिरज जि. सांगली

इतर महत्वाच्या बातम्या

Sant Dnyaneshwar Maharaj Palkhi Warkari Accident: ताप आल्याने गोळ्या खाल्ल्या, ग्लानी आली अन् हादरवणारं घडलं; वारीतील ट्रक 20 वारकऱ्यांना धडकला, 3 महिलांचा जागीच मृत्यू

सांगलीत शरद पवार गटाला मोठा धक्का, ईश्वरपूरच्या नगराध्यक्षांवर अपात्रतेची कारवाई, नेमकं प्रकरण काय?

कुलदीप माने, एबीपी माझा — Sat, 11 Jul 2026 22:46:03 +0530

Sangli Ishwarpur News : राष्ट्रवादी काँग्रेस शरद पवार गटाचे ईश्वरपूरचे (Ishwarpur) नगराध्यक्ष आनंदराव संभाजी मलगुंडे हे अपात्र ठरले आहेत. सांगली जिल्हाधिकाऱ्यांनी त्यांच्यावर ही कारवाई केली आहे. पेठ-सांगली राज्य महामार्गालगत अतिक्रमण करुन बांधकाम केले असल्याने नगराध्यक्ष आनंदराव मलगुंडे यांना अपात्र ठरवण्यात आले आहे. सांगलीचे जिल्हाधिकारी यांच्याकडे काही महिन्यापासून याबाबतची सुनावणी सुरु होती. अखेर आज याबाबत निर्णय झाला आहे.

पेठ सांगली रोडला बसस्थानकाजवळ लॉजिंग व शॉपिंग सेंटर इमारत

महाराष्ट्र नगर परिषद, नगरपंचायती व औद्योगिक नागरी अधिनियम कलम 44(1) (e) मधील तरतुदीनुसार मलगुंडे यांना अपात्र ठरवण्यात आले आहे. भूमापन क्र. 8/1अ, 8/१अ/12, 8/1अ/13, 8/1ब व 8/2 या मिळकतीमध्ये अतिक्रमण करुन बांधकाम केले असल्याने नगराध्यक्ष आनंदराव मलगुंडे यांना अपात्र ठरवण्यात आले आहे. आनंदराव मलगुंडे व त्यांचे बंधू सुनील मलगुंडे यांची एकत्रित मालकीची पेठ सांगली रोडला बसस्थानकाजवळ लॉजिंग व शॉपिंग सेंटर इमारत आहे. ही इमारत ही पेठ सांगली राज्यमार्गाला अगदी खेटून उभी आहे. या इमारतीच्या बांधकाम परवानगी व नियमितीकरणाबाबतची माहिती व बांधकाम नियमितीकरणाबाबतची सर्व माहिती जाधव यांनी माहिती अधिकारात मागवली होती. नंतर ही माहिती जिल्हाधिकाऱ्यांना देत आनंदराव मलगुंडे यांचे नगराध्यक्षपद रद्द करावे, यासाठी अर्ज देण्यात आला होता. आनंदराव मलगुंडे हे गेली कित्येक वर्षे नगरपालिकेत नगरसेवक, नगराध्यक्ष व सध्याही नगराध्यक्ष आहेत. त्यांनी आपल्या पदाचा दुरुपयोग करून ही इमारत बांधली आहे असा आरोप जाधव यांनी केला होता.

शरद पवार गटाला सांगलीत मोठा धक्का

राष्ट्रवादीचे ज्येष्ठ नेते आणि आमदार जयंत पाटील यांना मोठा धक्का बसला आहे. ईश्वरपूर नगराध्यक्षांचं पद रद्द करण्यात आलं आहे. लोकनियुक्त नगराध्यक्ष आनंदराव मलगुडे यांचं नगराध्यक्ष पद रद्द झाल्याने राष्ट्रवादीला मोठा धक्का बसला आहे. जिल्हाधिकारी मैनाक घोष यांच्याकडून मलगुडे यांच्यावर अपात्रतेची कारवाई करण्यात आली आहे. त्यामुळे इश्वरपूरच्या राजकारणात मोठी खळबळ उडाली आहे. मिळालेल्या माहितीनुसार अतिक्रमण व बांधकाम अनियमित प्रकरणी शिवसेनेच्या घनश्याम उर्फ जयकुमार जाधव यांनी याचिका दाखल केली होती. आता या याचिकेवर निर्णय देताना जिल्हाधिकारी मैनाक घोष यांनी हा निर्णय दिला आहे. त्यामुळे राष्ट्रवादीला मोठा धक्का बसला आहे. आता आगामी काळात नगराध्यक्ष पदासाठी पुन्हा निवडणूक होण्याची शक्यता आहे.

Jayant Patil: 'आमदाराची बायको संपादकाना फोन करून धमकी देते, त्यामुळे मुख्यमंत्र्यांनी चौकशी करून पुढील अधिवेशनात ..' जयंत पाटलांचा रोख नेमका कोणाकडे?

राजू सोनावणे — Fri, 10 Jul 2026 16:07:41 +0530

Jayant Patil: आमदाराची बायको संपादकाना फोन करून धमकी देते, मुख्यमंत्र्यांनी चौकशी करून ती कोणत्या आमदाराची बायको आहे हे पुढच्या अधिवेशनात पहिल्या दिवशी सांगावं, अशी खोचक प्रतिक्रिया राष्ट्रवादी काँग्रेस शरदचंद्र पवार पक्षाचे ज्येष्ठ नेते जयंत पाटील यांनी दिली आहे. त्यामुळे हा रोख नेमका कोणाकडे होता? याची चर्चा रंगली आहे. दूध भेसळ मुद्द्यावर बोलताना जयंत पाटील यांचा रोख कोणत्या आमदाराकडे? अशी चर्चा रंगली आहे.

विकास कसा वाहून गेला ते आपण पाहिलं

जयंत पाटील म्हणाले की, या अधिवेशनात आपण काय बघितलं? तर सभागृहात मंत्री बसत नाहीत. अधिवेशनात अधिकारी येत नाही. सभागृहात काही देणघेण नाही, असं सगळं सुरु आहे. विकास कसा वाहून गेला ते आपण पाहिलं. एक नगरसेवक वैद्यकीय कर्मचाऱ्यांना कसं मारतो हे ही पाहिलं.

महाराष्ट्र आता बिहार झालाय का?

त्यांनी सांगितले की, अजित पवार यांच्या अपघाताचा तपास कुठपर्यंत पोचला हे तुम्ही सांगावं. त्यांच्या तपासात नेमकं काय काय झालं हे कुठे येत नाही. अजित पवार यांचं स्मारक करणार असं बोलले पण त्यांचं पुढं काय झालं ते माहिती नाही. ते पुढे म्हणाले, कायदा आणि सुव्यवस्था राखली जाईल असं वाटलं होतं कारण खातं मुख्यमंत्र्यांकडे आहे, पण तसं घडलं नाही. माझ्या मतदारसंघात एकाला गोळी घालून ठार केलं. पोलिसांनी गुन्हा दाखल केला नाही. तो कोण आमदार आहे ज्याने पोलिसांना गुन्हा दाखल होण्यापासून थांबवलं याची माहिती घ्या, कॅाल रेकॅार्ड तपासा. महाराष्ट्र आता बिहार झालाय का?

लोकांचा पोलिसांवरचा विश्वास उडाला

ते पुढे म्हणाले की, ठाण्यात जमील शेख यांची गोळ्या घालून हत्या झाली. या हत्याकांडाचा तपास करण्यासाठी विशेष तपास अधिकारी नेमणूक करू असं सांगितलं. नागपूरबद्दल काही बोलले की परत म्हणाल की नागपूरची बदनामी करतोय, पण कोट्यवधी रूपयांची तडजोड करून पोलिस बुकींना सोडून देतात. 500 रूपयांसाठी 9 पोलिसांवर निलंबित कारवाई होती. ते म्हणाले, लोकांचा पोलिसांवरचा विश्वास उडाला आहे. टेबलावर ३ पत्ता खेळायचा फोटो मी पाठवले पण पोलिसांची हप्तेखोरी सुरू आहे. सगळीकडे हप्तेखोरी चालू आहे. साताऱ्यात काय झालं हे सगळ्यांना माहिती आहे. शंभुराजे यांना पोलिसांनी उचलून बाजूला केलं गेलं, पण तरीही खुर्चीसाठी खाली मान घालून बसायला लागत असल्याचे ते म्हणाले. ते म्हणाले की, शंभुराजे यांच्या हाताला दुखापत झाली तेव्हा ते हात वर करून सांगत होते. आता, मात्र कमी झाले आहेत वरून दम दिल्याच कळलं. पोलिसांना हाताशी धरण्याचा हा प्रकार असल्याचा हल्लाबोल पाटील यांनी केला.

इतर महत्वाच्या बातम्या

Tukaram Mundhe : तुकाराम मुंढे यांच्यामुळं अवैध कामं करणाऱ्यांचे धाबे दणाणलेत, निवृत्त होईपर्यंत त्यांची बदली करु नका, शिवसेनेच्या आमदाराची इच्छा

सांगलीत संतापजनक घटना! मध्यरात्री घरात घुसून दागिने लुटत नात जावयानेच वृद्ध महिलेला पेटवलं, उपचारादरम्यान महिलेचा मृत्यू

कुलदीप माने, एबीपी माझा — Thu, 9 Jul 2026 18:02:11 +0530

Sangli Crime News : सांगली जिल्ह्यातील आटपाडी तालुक्यात धक्कादायक घटना घडली आहे. शेटफळे गावातील एका वृद्ध महिलेला नात जावयाने आर्थिक कारणातून पेटवून दिले आहे. यामध्ये संबंधित महिलेचा मृत्यू झाला आहे. या प्रकरणी सांगली पोलिसांकडून आव्हानात्मक गुन्ह्याचा छडा लावला आहे. या प्रकरणी एकाला अटक केली आहे.

संशयित राजेश दिलीप गायकवाड या नात जावयास पोलिसांनी अटक केली

आटपाडी तालुक्यातील शेटफळे येथे 83 वर्षीय मालन दिलीप जाधव या महिलेच्या घरात मध्यरात्री घुसून दागिने लुटत पेटवून दिले होते. गंभीर जखमी झालेल्या जाधव यांचा शासकीय रुग्णालयात उपचारादरम्यान मृत्यू झाला होता. संशयित राजेश दिलीप गायकवाड या नात जावयास पोलिसांनी अटक केली आहे. गायकवाड याने प्रॉपर्टीच्या आर्थिक फायद्यासाठी खून करून लुटीचा बनाव केल्याचे उघड झाले आहे.

राष्ट्रवादीला दे धक्का, महापालिकेतील नगरसेविका अश्विनी कोळींचे पद धोक्यात; जात प्रमाणपत्र जप्त करण्याचे आदेश

कुलदीप माने, एबीपी माझा — Tue, 7 Jul 2026 19:30:50 +0530

सांगली : स्थानिक स्वराज्य संस्थांच्या निवडणुकानंतर पुन्हा एकदा महापालिकांमध्ये (sangli) नगरसेवकांची रेलचेल पाहायला मिळत आहे. मात्र, सांगली-मिरज आणि कुपवाड महानगरपालिकेमध्ये (mahapalika) राष्ट्रवादी अजित पवार पक्षाला मोठा हादरा बसला आहे. मिरजेतील प्रभाग 20 मधील राष्ट्रवादीच्या नगरसेविका अश्विनी कोळी यांचे जात प्रमाणपत्र अवैध ठरवण्यात आले आहे. पूर्वाश्रमीच्या अश्विनी दत्तात्रय कांबळे या नावाने त्यांना यापूर्वी देण्यात आलेले अनुसूचित जमातीचे जात प्रमाणपत्र (cast certificate) तात्काळ जप्त करण्याचे आदेश पुणे विभागाच्या अनुसूचित जमाती प्रमाणपत्र समितीने दिले आहेत. या आदेशाचे प्रत सांगली मिरज आणि कुपवाड महानगरपालिकेचे आयुक्त आणि निवडणूक निर्णय अधिकारी यांनाही पाठवण्यात आली आहे.

पुणे विभागाच्या अनुसूचित जमाती समितीच्या या निर्णयामुळे नगरसेविका अश्विनी कोळी यांचे नगरसेवक पद रद्द केले जाणार आहे. सांगली मिरज आणि कुपवाड महानगरपालिकेच्या 2026 च्या सार्वत्रिक निवडणुकीमध्ये राष्ट्रवादी अजित पवार पक्षाकडून प्रभाग 20 मधून अनुसूचित जमाती प्रवर्गाच्या गटामध्ये अश्विन कोळी यांनी निवडणूक लढवली होती आणि त्या निवडून देखील आल्या आहेत. येथे अश्विनी कोळी या विजयी झाल्या होत्या आणि शिवसेनेचे उमेदवार विकास सूर्यवंशी यांना दोन नंबरची मते मिळाली होती. मात्र नगरसेविका अश्विनी कोळी यांचे जात प्रमाणपत्र बोगस असल्याची तक्रार माजी नगरसेविका स्वाती पारधी यांनी केली होती. या तक्रारीच्या अनुषंगाने सखोल चौकशी केल्यानंतर अश्विनी कोळी यांचे जात प्रमाणपत्र बोगस असल्याचे आता स्पष्ट झाले आहे.

महानगरपालिका निवडणूक 2026 मध्ये प्रभाग क्रमांक 20 हा अनुसूचित जमाती (ST) प्रवर्गासाठी राखीव होता. या प्रभागातून राष्ट्रवादी काँग्रेस (अजित पवार) पक्षाकडून अश्विनी कोळी यांनी निवडणूक लढवली होती आणि त्या विजयी झाल्या होत्या. त्यांच्याविरुद्ध जनसुराज्य शक्ती पक्षाकडून लढलेल्या माजी नगरसेविका स्वातीताई पारधी यांचा या निवडणुकीत पराभव झाला होता. परंतु, अश्विनी कोळी यांनी सादर केलेले अनुसूचित जमातीचे जात प्रमाणपत्र बनावट आणि संशयास्पद असल्याचा आक्षेप स्वातीताई पारधी यांनी घेतला होता. लोकशाही आणि कायद्याचा आदर राखत पारधी यांनी याविरोधात 'अनुसूचित जमाती प्रमाणपत्र तपासणी समिती, पुणे' यांच्याकडे रीतसर तक्रार दाखल केली होती. गेल्या काही महिन्यांपासून या प्रकरणाची सखोल चौकशी आणि सुनावणी समितीसमोर सुरू होती. स्वातीताई पारधी यांनी सादर केलेले पुरावे, कागदपत्रे आणि युक्तिवाद ग्राह्य धरून पुणे जात पडताळणी समितीच्या संचालकांनी आज अखेर आपला अंतिम निकाल घोषित केला.

जात प्रमाणपत्र तात्काळ रद्द

समितीने आपल्या आदेशात स्पष्ट केले आहे की, "अश्विनी दत्तात्रय कांबळे यांचा 'कोळी महादेव' अनुसूचित जमातीचा दावा अवैध घोषित करण्यात येत आहे. तसेच उपविभागीय अधिकारी, पंढरपूर, जि. सोलापूर यांनी दिनांक 23/01/2025 अन्वये निर्गमित केलेले जात प्रमाणपत्र तात्काळ रद्द आणि जप्त करण्यात येत आहे." जात पडताळणी समितीच्या या निकालामुळे आता महापालिका प्रशासकीय पातळीवर आणि राजकीय वर्तुळात मोठी खळबळ उडाली असून, अश्विनी कोळी यांच्या नगरसेवकपदावर अपात्रतेची टांगती तलवार निर्माण झाली आहे.

हेही वाचा

Supriya Sule: जयंत पाटील-विनोद तावडेंची गुपचूप भेट, शरद पवारांची राष्ट्रवादी महायुतीत? सुप्रिया सुळे, रोहित पवारांची प्रतिक्रिया

हायकोर्टाचा पडळकर-खोत यांना दणका, सांगली DCC बँकेतील 444 पदांच्या भरतीवरील स्थगिती उठवली, सरकारला आदेश

कुलदीप माने, एबीपी माझा — Tue, 7 Jul 2026 14:00:56 +0530

सांगली : राज्यातील विधानपरिषद निवडणुकांच्या पार्श्वभूमीवर आचारसंहितेचं कारण देत सांगली (Sangli) जिल्हा मध्यवर्ती बँकेच्या लिपिक पदांच्या भरतीला शासनाने स्थगिती दिली होती. मात्र, निवडणुकांच्या निकालानंतर देखील ही भरती प्रक्रिया सुरू करण्यात न आल्याने शासनाच्या आदेशाला न्यायालयात आव्हान देण्यात आले होते. अखेर, सांगली जिल्हा मध्यवर्ती बँकेतील नोकर (Job) भरती चालू ठेवण्याचे आदेश मुंबई उच्च न्यायालयाने (Highcourt) दिले आहेत. सरकारने आपले म्हणणे मांडावे, त्यासाठी नोकर भरती थांबवता येणार नाही, असे न्यायालयाने आपल्या आदेशात म्हटले. त्यामुळे, येथील 444 कनिष्ठ लिपिक पदांच्या भरतीचा मार्ग मोकळा झाला आहे.

मुंबई हायकोर्टाच्या कोल्हापूर सर्किट बेंचने सांगली जिल्हा मध्यवर्ती बँक म्हणजेच डीसीसी बँकेतील स्थगिती उठवली असून शासनाला म्हणणे मांडण्यासाठी 15 दिवसांची मुदत दिली आहे. सांगली जिल्हा मध्यवर्ती सहकारी बँकेतील 444 कनिष्ठ लिपिक पदांच्या बहुचर्चित नोकरभरती प्रक्रियेला मागील आठवड्यात राज्य शासनाने स्थगिती दिली होती. मात्र, न्यायालयाने भरतीवर असणारी स्थगिती उठवल्याने सांगली जिल्हा मध्यवर्ती बँकेतील नोकरभरतीचा मार्ग मोकळा झाला आहे. दरम्यान, रयत क्रांती संघटनेचे नेते आमदार सदाभाऊ खोत आणि आमदार गोपीचंद पडळकर यांनी भरती प्रक्रियेवर आक्षेप घेतला होता.

सांगली जिल्हा बँकेने 24 जूनपासून 'आयबीपीएस' मार्फत नोकरभरतीसाठी ऑनलाइन अर्ज प्रक्रिया सुरू केली आहे. त्यासाठी, अर्ज स्वीकारण्याचे काम अद्याप सुरू आहे. दुसरीकडे, बँकेच्या विद्यमान संचालक मंडळाची मुदत 22 नोव्हेंबर 2026 रोजी संपत आहे. निवडणूक कार्यक्रम जाहीर होण्यापूर्वी संस्थांच्या ठरावांची प्रक्रिया 1 जुलैपासून सुरू झाली. त्याच पार्श्वभूमीवर राज्याच्या सहकार विभागाने 2 जुलै रोजी भरती प्रक्रियेला स्थगिती दिली. त्यानंतर, बँक व्यवस्थापनाने उच्च न्यायालयात धाव घेतली होती.

स्थगितीमागे राजकीय वादाची किनार

जिल्हा बँकेतील नोकरभरती आणि कारभारावरून गेल्या दोन वर्षापासून भाजप आमदार गोपीचंद पडळकर व आमदार सदाभाऊ खोत आक्रमक भूमिका घेत आहेत. चार महिन्यांवर बँकेची निवडणूक असताना भरती प्रक्रिया राबविण्यात येत असल्याची तक्रार त्यांनी मुख्यमंत्री देवेंद्र फडणवीस यांच्याकडे केली होती. त्यानंतर, सहकार आयुक्तांनी भरतीला स्थगिती देण्याचा आदेश काढल्याने हा वाद अधिकच चिघळला आहे.

हेही वाचा

Harshvardhan Sapkal on Devendra Fadnavis: आमचं आंदोलन मोठं होऊ नये म्हणून सरकारने नाशिकच्या ढगफुटीची अफवा पसरवली, हर्षवर्धन सपकाळांचा फडणवीसांवर गंभीर आरोप

Sangli Crime News: प्रेमविवाह केला तरी दुसऱ्यात जीव अडकला; एका वर्षांनी लहान प्रियकराच्या मदतीनं पतीला झोपेतच संपवलं, बनाव रचला पण..., पोलिसांची चक्र फिरली अन् खरं आलं समोर

अंकिता खाणे — Sun, 28 Jun 2026 12:38:20 +0530

सांगली: सांगली येथील विठ्ठलनगरमधील पोळ मळा परिसरात एक खळबळजनक घटना समोर आली आहे. पती घरात अचानक बेशुद्ध पडल्याचे भासवून पोलिसांची दिशाभूल करण्याचा पत्नीचा आणि तिच्या प्रियकराचा (Sangli Crime News) डाव पोलिसांनी अत्यंत चातुर्याने उधळून लावला आहे. आनंद हणमंत सर्जे (वय ३८) असे मृत पतीचे नाव आहे. या निर्घृण हत्या (Sangli Crime News) प्रकरणी विश्रामबाग पोलिसांनी मृत आनंद यांची पत्नी पल्लवी आनंदा सर्जे (वय २२) आणि तिचा प्रियकर दीपक आप्पासाहेब आजमाने (वय २१) या दोघांना बेड्या ठोकल्या आहेत. अटक करण्यात आलेल्या दोन्ही संशयितांना न्यायालयासमोर हजर केले असता, न्यायालयाने त्यांना मंगळवारपर्यंत पोलीस कोठडी सुनावली आहे.(Sangli Crime News)

Sangli Crime News: हॉस्पिटलमध्ये आणलं, पण डॉक्टरांच्या संशयाने 'गेम' उलटला

पोलिसांनी दिलेल्या माहितीनुसार, २५ जून रोजी रात्रीच्या सुमारास आनंद सर्जे हे घरात अचानक बेशुद्ध पडल्याचे सांगत पत्नी पल्लवी आणि तिच्या नातेवाईकांनी त्यांना तातडीने शासकीय रुग्णालयात दाखल केले होते. मात्र, डॉक्टरांनी तपासणी अंती त्यांना मृत घोषित केले. आनंद यांच्या मृत्यूबाबत संशय आल्यामुळे त्यांचा मृतदेह अधिक सखोल तपासणीसाठी मिरज सिव्हिल हॉस्पिटलमध्ये पाठवण्यात आला. तिथे झालेल्या उत्तरीय तपासणीत (पोस्टमॉर्टम) आनंद यांच्या गळ्यावर संशयास्पद खुणा असल्याचे डॉक्टरांच्या निदर्शनास आले आणि प्रकरणाला वेगळे वळण मिळाले.(Sangli Crime News)

Sangli Crime News: ओढणीने पाय बांधले अन् झोपेतच संपवलं; पोलिसांसमोर गुन्ह्याची कबुली

या संपूर्ण प्रकारानंतर विश्रामबाग पोलीस ठाण्याचे पोलीस निरीक्षक सुधीर भालेराव यांना तीव्र संशय आला. त्यांनी तातडीने विश्रामबाग पोलीस आणि स्थानिक गुन्हे अन्वेषण शाखेच्या (LCB) पथकाला तपासाचे आदेश दिले. पोलिसांनी संशयाच्या आधारे पत्नी पल्लवी आणि तिचा मित्र दीपक आजमाने या दोघांना ताब्यात घेऊन त्यांची कसून चौकशी सुरू केली. पोलिसांच्या खाक्या दाखवताच त्यांनी गुन्ह्याची कबुली दिली. "आनंद हा सतत दारू पिऊन छळ करायचा, या त्रासाला कंटाळून आम्ही दोघांनी त्याचा काटा काढायचा प्लॅन केला. २५ जूनच्या रात्री आनंद गाढ झोपेत असताना आम्ही ओढणीने त्याचे पाय घट्ट बांधले आणि त्यानंतर हाताने गळा दाबून त्याला जीवे मारले," अशी धक्कादायक कबुली त्यांनी दिली. यानंतर शुक्रवारी रात्री उशिरा या दोघांविरुद्ध हत्येचा गुन्हा दाखल करण्यात आला. विशेष म्हणजे, संशयित आरोपी दीपक हा मृत आनंद यांचा जवळचा नातेवाईक असून ते दोघेही सांगलीतील एका नामांकित कपड्याच्या दुकानात एकत्र काम करत होते.

Sangli Crime News: ३ महिन्यांचे निष्पाप बाळही आईसोबत पोलीस ठाण्यात

आरोपी पल्लवीला दोन लहान मुले आहेत; ज्यामध्ये एक तीन वर्षांचा मुलगा असून दुसरे अवघ्या तीन महिन्यांचे लहान बाळ आहे. पल्लवीला अटक झाल्यानंतर तिच्या तीन वर्षांच्या मोठ्या मुलाला सांभाळण्यासाठी तिच्या बहिणीकडे पाठवण्यात आले आहे. मात्र, अवघ्या तीन महिन्यांचे लहान बाळ आईचे दूध पीत असल्याने सध्या त्याला पोलीस ठाण्यात आईसोबतच ठेवण्यात आले आहे. आईच्या गुन्ह्याची शिक्षा या निष्पाप जिवाला भोगावी लागत असल्याने पोलीस ठाण्यात हळहळ व्यक्त होत आहे.

Sangli Crime News: पतीच्या अंत्यविधीला गेली, तिथूनच पोलिसांनी उचललं!

मृत आनंद सर्जे हे मूळचे जत तालुक्यातील गुड्डापूर गावचे रहिवासी होते. मिरज सिव्हिलमधील उत्तरीय तपासणीची प्रक्रिया पूर्ण झाल्यानंतर नातेवाईक आनंद यांचा मृतदेह अंत्यसंस्कारासाठी गुड्डापूर येथे घेऊन गेले. पतीचा खून करूनही पल्लवी अत्यंत शांतपणे नातेवाईकांसोबत अंत्यविधीसाठी गुड्डापूरला गेली होती. मात्र, इकडे सांगलीत डॉक्टरांचा अहवाल आणि खुनाचा प्रकार उघडकीस येताच विश्रामबाग पोलिसांच्या पथकाने थेट गुड्डापूर गाठले आणि अंत्यविधीच्या ठिकाणाहूनच पल्लवीला ताब्यात घेतले. या घटनेमुळे सांगली आणि जत परिसरात तीव्र संताप व्यक्त होत आहे.

Sangli Crime News: प्रेमविवाह केल्यानंतरही प्रियकराच्या मदतीने पत्नीनं पतीचा बळी घेतला; झोपेतच मृत्यू झाल्याचा बनावही रचला, पण....; घटनेनं सांगली हादरली

कुलदीप माने, एबीपी माझा — Sun, 28 Jun 2026 08:55:17 +0530

Sangli Crime News : पुण्यातील केतन अग्रवाल (Ketan Agrawal Pune Lohagadh Case) हत्या प्रकरण ताजे असतानाच सांगलीच्या विश्रामबागमध्ये पत्नीने आपल्या प्रियकराच्या मदतीने पतीचा छातीवर बसून गळा घोटून खून (Sangli Crime News) केल्याची धक्कादायक घटना घडली आहे. विशेष म्हणजे पतीचा झोपेतच मृत्यू झाल्याचा बनावही पत्नीने रचला होता. प्रेमविवाह केल्यानंतर दोन मुले असताना पत्नीने हे कृत्य केल्यानं सर्वत्र मोठी खळबळ उडाली आहे. दरम्यान पती झोपेतच मृत्यू (Crime News) झाल्याचा बनाव देखील रचला होता, परंतु विश्रामबाग पोलिसांनी संशयावरून कसून तपास करत खुनाचा छडा लावलाय.

Sangli Crime News : ...मात्र रुग्णालयात पोहोचण्यापूर्वीच मृत्यू झाल्याचे डॉक्टरांनी केले घोषित

मिळालेल्या माहितीनुसार, आनंद हणमंत सर्जे (वय 28, रा. पोळमळा, सांगली) असे खून झालेल्या पतीचे नाव आहे. पोलिसांनी पत्नी व प्रियकरास चौकशीसाठी ताब्यात घेतले आहे. सांगली शहरातील एका ब्रँडेड कपड्याच्या दुकानात सेल्समन म्हणून काम करणारा आनंद हणमंत सर्जे (वय 28) हा पत्नी आणि दोन मुलांसह पोळ मळ्यात राहत होता. गुरुवारी पहाटे त्यास पत्नी आणि मेहुण्याने शासकीय रुग्णालयात दाखल केले. मात्र, रुग्णालयात पोहोचण्यापूर्वीच त्याचा मृत्यू झाल्याचे डॉक्टरांनी घोषित केले.

Sangli Crime News : मृतदेहाच्या गळ्यावर ओरखडे, संशय बळावल्याने अधिक तपास सुरू

दरम्यान, डॉक्टरांनी कळविताच विश्रामबाग पोलिसांनी तत्काळ धाव घेऊन मृतदेहाची बारकाईने पाहणी केली. त्यावेळी मृतदेहाच्या गळ्यावर ओरखडे दिसत होते. संशय बळावल्याने अधिक तपास सुरू केला. पत्नीकडे चौकशी केली असता, आनंद यांना मारहाण झाली होती. त्यानंतर घरी झोपल्यानंतर मृत्यू झाल्याचे तिने सांगितले. परंतु तिच्या बोलण्यात विसंगती आढळल्याने पोलिसांचा संशय बळावला. त्यानंतर मृतदेह मिरजेतील शासकीय रुग्णालयात उत्तरीय तपासणीसाठी नेला. त्यावेळी खुनाचा उलगडा झाला.

Sangli Crime: पत्नीसह प्रियकरास ताब्यात घेतलं, खुन केल्याची कबुली

त्यानंतर पोलिसांनी पत्नीसह प्रियकरास ताब्यात घेतले, त्यावेळी तिने खुनाची कबुली दिली. पती आपल्याला दारू पिऊन मारहाण करतो, शिवीगाळ करून सतत त्रास देत होता. याच कारणातून पत्नी आणि तिच्या 23 वर्षीय प्रियकराने हे कृत्य केल्याचे उघडकीस आले आहे. गुरुवारी पहाटे पती-पत्नीमध्ये किरकोळ वाद झाला. त्यानंतर तिने प्रियकराला बोलावून घेतले. सर्जे याचे पाय ओढणीने बांधल्यानंतर दोघांनी छातीवर बसून त्याचा जीव घेतला. याप्रकरणी पोलिसांनी मृताची पत्नी आणि तिच्या प्रियकराला ताब्यात घेतले असून गुन्हा दाखल करण्यात आला आहे. अशी माहिती विश्रामबाग पोलिस स्टेशनचे पोलिस निरीक्षक सुधीर भालेराव यांनी दिली.

मोठी बातमी! आमदार सुधीर गाडगीळांच्या कारचा भीषण अपघात, एअर बॅग उघडल्याने अनर्थ टळला, किरकोळ दुखापत

कुलदीप माने, एबीपी माझा — Sat, 27 Jun 2026 18:41:57 +0530

सांगली : राज्यातील रस्ते अपघाताच्या घटनांमध्ये वाढ होत असून वाहन सुरक्षेचा प्रश्न महत्त्वाचा आणि चिंताजनक बनला आहे. सांगली (Sangli) विधानसभा मतदारसंघाचे भाजप आमदार सुधीर गाडगीळ (MLA) यांच्या चारचाकी वाहनाला रत्नागिरी-नागपूर राष्ट्रीय महामार्गावर अपघात (Accident) झाल्याची दुर्दैवी घटना घडली. या अपघातात आमदार सुधीर गाडगीळ यांच्या बोटाला किरकोळ दुखापत झाली असून, त्यांच्यावर खासगी रुग्णालयात उपचार सुरू आहेत. वाहनातील एअरबॅग वेळेत उघडल्यामुळे सुदैवाने आमदार गाडगीळ व त्यांचे सहकारी मोठ्या अनर्थातून बचावले आहेत. अपघातात त्यांच्या कारचे मोठे नुकसान झाल्याचं दिसून येतं आहे, त्यावरुन अपघाताची तीव्रता लक्षात येईल.

आमदार सुधीर गाडगीळ हे आपले स्वीय सहाय्यक (PA), अंगरक्षक, फोटोग्राफर आणि वाहनचालक यांच्यासह चारचाकी वाहनातून उगार येथे एका कार्यक्रमासाठी गेले होते. तेथून परतत असताना, रत्नागिरी-नागपूर राष्ट्रीय महामार्गावरून अंकलीच्या दिशेने जात असताना 'वडडी आणि कृष्णा घाट' रस्त्यादरम्यान हा अपघात झाला. कृष्णा घाट सर्व्हिस रोडजवळ अचानक एक दुचाकी वाहन आमदार गाडगीळ यांच्या कारसमोर आडवे आले. या दुचाकीला वाचवण्याच्या प्रयत्नात दोन्ही वाहनांची धडक झाली. धडक इतकी भीषण होती की कारमधील सुरक्षेसाठी असलेल्या एअरबॅग्ज तात्काळ उघडल्या. त्यामुळे आमदार गाडगीळ यांच्या हाताच्या बोटाला लागलेली किरकोळ दुखापत वगळता मोठा अनर्थ टळला.

कारमधील अंगरक्षक नागेश भोकरे, फोटोग्राफर विकास गुंडप आणि चालक गणपती दरेकर हे सर्वजण सुदैवाने सुरक्षित असून त्यांना कोणतीही दुखापत झालेली नाही. या अपघातात दुचाकी चालकही जखमी झाला असून, त्याला तातडीने 108 रुग्णवाहिकेतून 'मिरज शासकीय रुग्णालयात उपचारासाठी दाखल करण्यात आले आहे. अपघातानंतर आमदार सुधीर गाडगीळ यांना तातडीने दुसऱ्या वाहनातून खासगी रुग्णालयात नेण्यात आले, जिथे त्यांच्यावर प्राथमिक उपचार करण्यात आले. घटनेची माहिती मिळताच महामार्ग पोलीस तात्काळ घटनास्थळी दाखल झाले असून त्यांनी वाहतूक सुरळीत केली आहे.

हेही वाचा

टीईटी परीक्षेच्या पेपरफुटीची घटना अत्यंत संतापजनक, या प्रकरणातील सूत्रधारांवर मकोका लावावा, एकनाथ शिंदेंची मागणी, मुख्यमंत्र्यांची घेणार भेट

उद्धव ठाकरेंचा शिवसेना गट अदृश्य होत जाणं हा संजय राऊतांचा भीम पराक्रम, मंत्री जयकुमार गोरेंचा टोला

कुलदीप माने, एबीपी माझा — Mon, 22 Jun 2026 16:50:29 +0530

Jaykumar Gore on Sanjay Raut : उद्धव ठाकरे यांचा शिवसेना गट अदृश्य होत जाणे हा खासदार संजय राऊत यांचा भीम पराक्रम असल्याचा टोला मंत्री जयकुमार गोरे यांनी लगावला. आपण काय काय काम केलं आहे आणि त्याची काय फळ मिळणार आहे याची संजय राऊत यांना कल्पना असल्याचे गोरे म्हणाले. आमची किती मते फुटली यापेक्षा आमचा विजयाचा आनंद साजरा करण्याचा इरादा आहे, निवडणुकीत एकमेकांचे उट्टे काढले जातात असे गोरे म्हणाले.

स्थानिक स्वराज्य संस्थेच्या विधान परिषद निवडणुकीत महायुतीचा बोलबाला

कुठल्याही परिस्थितीत विधानपरिषदेची निवडणूक जिंकायचीच म्हणून आम्ही ही निवडणूक लढलो आणि जिंकलो होतो असे गोरे म्हणाले. स्थानिक स्वराज्य संस्थेच्या विधान परिषद निवडणुकीत (Vidhan Parishad Election Result 2026) महायुतीचा बोलबाला राहिला. तर महाविकास आघाडीची पिछेहाट पाहायला मिळाली. राज्यातील 17 पैकी 16 जागांवर महायुतीचे उमेदवार विजयी झाले आहेत. तर एका जागेवर अपक्ष आणि भाजप बंडखोराचा विजय झाला. भाजप, 11, शिवसेना 3, राष्ट्रवादी काँग्रेस 2 आणि अपक्ष 1 असा विधान परिषदेचा निकाल लागला आहे. विधान परिषदेच्या 17 जागांसाठी 18 जून रोजी निवडणूक पार पडली होती. मात्र या निवडणुकीआधीच 17 पैकी 6 ठिकाणी महायुतीचे उमेदवार बिनविरोध विजयी झाले होते. त्यामुळे आज उरलेल्या 11 जागांचा निकाल समोर आला. (Vidhan Parishad Election Result 2026 Winner Candidate List)

नाशिकमध्ये बंडखोर गोकुळ गीते विजयी

17 जागांसाठी भाजप 11, शिवसेना 4 आणि राष्ट्रवादी 2 असा महायुतीचा फॉर्म्युला ठरला होता. त्यानूसार भाजपने 11, शिवसेनेने 4 आमि राष्ट्रवादी काँग्रेसने 2 जागांवर निवडणूक लढवली. यापैकी भाजपने 11 पैकी 11 जागा जिंकल्या. राष्ट्रवादी काँग्रेसने 2 पैकी 2 जागा जिंकल्या. तर शिवसेनेने 4 पैकी 3 जागा जिंकल्या. नाशिकची जागा महायुतीमधील शिवसेनेला सुटली होती. परंतु गोकुळ गीते यांनी बंडखोरी केली आणि त्याचाच फटका शिवसेनेला बसला. नाशिकमधील शिवसेनेचे अधिकृत उमेदवार नरेंद्र दराडे यांचा अपक्ष आणि भाजपचे बंडखोर उमेदवार गोकुळ गीते यांनी पराभव केला. (Vidhan Parishad Election Result 2026 Winner Candidate List)

विधान परिषदेच्या 17 जागांवर झालेल्या निवडणुकीत सर्वाधिक चर्चेत ठरला तो नाशिक मतदारसंघ...नाशिकमध्ये अपक्ष उमेदवार गोकुळ गीते यांनी महायुतीचे अधिकृत उमेदवार असलेल्या शिवसेनेच्या नरेंद्र दराडेंना पराभवाची धूळ चारली.. महायुतीत नाशिकची जागा शिवसेनेच्या वाट्याला गेली होती.. तिथे नरेंद्र दराडेंना उमेदवारी मिळाली. मात्र, तिथे गिरीश महाजन समर्थक आणि भाजपचे नेते गणेश गीते यांच्यासह त्यांचे बंधू गोकुळ गीतेंनी अर्ज भरून बंडखोरी केली. त्यामध्ये गणेश गीतेंनी मुदतीच्या आधीच अर्ज मागे घेतला. मात्र, त्यांचे बंधू गोकुळ गीते यांनी मुदत संपली तरी अर्ज मागे घेतला नाही. या गोकुळ गीतेंची समजूत काढण्यासाठी गिरीश महाजन, उदय सामंत नाशिकमध्ये तळ ठोकून राहिले. चर्चेच्या डझनभरापेक्षा जास्त फेऱ्या झाल्यानंतर मतदानाच्या काही दिवस आधी गोकुळ गीतेंनी प्रचार थांबवत असल्याचं जाहीरही केलं. पण अर्ज मागे न घेतल्यानं त्यांचं नाव मतपत्रिकेत कायम होतं. त्यांनी त्यांची छुपी रणनीती सुरूच ठेवत या निवडणुकीत विजय मिळवलाय. गोकुळ गींतेच्या विजयानंतर त्यांच्या कार्यकर्त्यांनी गुलाल उधळत एकच जल्लोष केला.