गोपीचंद पडळकरांना डोनाल्ड ट्रम्पही घाबरतात; चंद्रकांत पाटलांकडून दोन चॉकलेट देत आमदारास मोलाचा सल्ला

Sangli Crime News: सांगलीत जादूटोण्याचा धक्कादायक प्रकार; पोलीस कर्मचाऱ्याच्या फोटोसह काळी बाहुली, लिंबू अन् धमकीची चिठ्ठी

कुलदीप माने, एबीपी माझा — Thu, 29 Oct 2026 09:29:36 +0530

Sangli Crime News सांगली: सांगलीत जादूटोण्याचा धक्कादायक प्रकार समोर आला असून पोलिस कर्मचाऱ्याच्या फोटोसह काळी बाहुली, लिंबू अन् धमकीची चिट्ठी (Sangli Black Magic News) दिसून आली आहे. संजयनगर पोलिसात अज्ञात व्यक्तीविरोधात गुन्हा दाखल करण्यात आला आहे. सांगली जिल्हा पोलिस दलात काम करणाऱ्या एका कॉन्स्टेबलचा फोटो रस्त्याच्या कडेला वेताच्या टोपलीमध्ये ठेऊन काळी बाहुली, हळदी-कुंकू, कापलेले लिंबू, बांगड्या आणि धमकीचा मजकूर असलेली चिठ्ठी आढळली. जादूटोणा करण्याच्या या प्रकारामुळे परिसरात खळबळ उडाली.

सदरची घटना बुधवार दि. 21 ऑक्टोबर ते दि. 25 ऑक्टोबर या कालावधीत गरापासून थोड्या अंतरावर घडली. याप्रकरणी अर्चना दत्ता यमगर (वय 32, रा. लक्ष्मीनगर, सांगली) यांनी संजयनगर पोलिसात फिर्याद दिली आहे. त्यांच्या पतीचे नाव दत्ता यमगर असून, ते ड्युटीवर असताना हा प्रकार समोर आला. याबाबत पोलिसांकडून मिळालेली अधिक माहिती अशी कि, अर्चना यमगर या आपल्या कुटुंबियांसह शहरातील जुना बुधगाव रोडवरील लक्ष्मीनगर परिसरात राहतात. त्यांचे पती दत्ता यमगर हे जिल्हा पोलिस दलात कार्यरत आहेत. बुधवार दि. 21 ऑक्टोबर रोजी त्यांच्या शेजारी राहणारे दत्ता लवटे यांनी अर्चना यमगर यांना येऊन या प्रकाराची माहिती दिली. (Sangli Black Magic Marathi News)

तुझी आई, बहीण, बायको रस्त्यावर आणणार,’ अशा आशयाचा मजकूर- (Sangli Crime News)

जुना बुधगाव रोडवरील बिरोबा मंदिराजवळ, आदर्श अकॅडमी क्लासेस परिसरात रस्त्याच्या बाजूला एका वेताच्या टोपलीमध्ये वरील वस्तू ठेवण्यात आल्या होत्या. त्यामध्ये दत्ता यमगर यांचा फोटो आणि धमकीवजा मजकूर असलेली चिठ्ठी आढळली. चिठ्ठीमध्ये, ‘तू माझं वाटोळं केलंय, तुझं पण वाटोळं करणार. तुझी आई, बहीण, बायको रस्त्यावर आणणार,’ अशा आशयाचा मजकूर लिहिल्याचे फिर्यादीत नमूद आहे. या मजकुरातून संबंधित व्यक्तीला धमकावण्याचा आणि त्यांच्या कुटुंबीयांबाबत भीती निर्माण करण्याचा प्रयत्न करण्यात आले. सदर घडलेल्या या प्रकारानंतर अर्चना यमगर यांनी संजयनगर पोलिसात धाव घेत फिर्याद दाखल केली. त्यांच्या फिर्यादीवरून पोलिसांनी अज्ञातांविरोधात महाराष्ट्र नरबळी आणि इतर अमानुष, अनिष्ट व अघोरी प्रथा व जादूटोणा यांना प्रतिबंध करण्याबाबत व त्यांचे समूळ उच्चाटन करण्याबाबत अधिनियम, 2013 मधील कलम 3(2) च्या अन्वये गुन्हा दाखल केला आहे.

राज्यासह देश-विदेशातील महत्वाच्या घडामोडी, VIDEO:

ही बातमीही वाचा:

घरी लेकीच्या साखरपुड्याची लगबग, आनंदोत्सवावर काळाचा घाला; वीजेचा धक्का लागून आई-वडिलांचा मृत्यू

सुकाळातल्या जागा बिनविरोध कशा झाल्या? कार्यकर्त्यांनी विरोधात लढायचं आणि नेत्यांनी सत्तेची भाकरी एकत्र बसून खायची, खोतांचा हल्लाबोल, म्हणाले, गोपीचंद पडळकर विस्थापितांचा आवाज

गणेश लटके — Thu, 22 Oct 2026 22:28:11 +0530

Sadabhau Khot : सांगली जिल्हा मध्यवर्ती सहकारी बँकेच्या निवडणुकीत जवळपास पंधरा जागा बिनविरोध होण्याचं चित्र पाहायला मिळत आहे. निवडणुकीच्या काळात एकमेकांवर भ्रष्टाचाराचे आरोप करायचे, विकासाच्या मुद्द्यावरून संघर्ष करायचा; पण संचालकपदाच्या वाटणीची वेळ आली की सगळ्यांनी एकत्र यायचं! हे चित्र पाहून सामान्य शेतकऱ्याला प्रश्न पडतो, नेत्यांचं भांडण जनतेच्या प्रश्नांसाठी आहे की खुर्चीच्या वाटणीसाठी? असा सवाल आणदार सदाभाऊ खोत यांनी केला आहे.

दुष्काळाच्या नावाखाली एकीकडं बिनविरोधाची भाषा, तर दुसरीकडं काही जागांवर निवडणुकीचा संघर्ष का?

गावातल्या कार्यकर्त्यांनी एकमेकांच्या विरोधात लढायचं आणि नेत्यांनी मात्र सत्तेची भाकरी एकत्र बसून खायची, हा कसला न्याय? मग या राजकारणात सामान्य कार्यकर्त्याच्या आणि शेतकऱ्याच्या वाट्याला नेमकं काय येतं? दुष्काळाचं कारण पुढं, पण राजकारणाची गणितं वेगळी असल्याचे खोत म्हणाले. यंदा दुष्काळ असल्यामुळे निवडणूक बिनविरोध करत असल्याची भूमिका मांडली जात आहे. दुष्काळात नेत्यांनी एकत्र येणं चांगली गोष्ट आहे. पण मग सुकाळातल्या जागा बिनविरोध कशा झाल्या? आणि दुष्काळाच्या नावाखाली एकीकडं बिनविरोधाची भाषा, तर दुसरीकडं काही जागांवर निवडणुकीचा संघर्ष का? असा सवाल खोतांनी केला. विशेषतः आमदार गोपीचंद पडळकर यांच्या विरोधात निवडणूक होत असताना हा प्रश्न अधिक महत्त्वाचा ठरतो. दुष्काळ सगळ्यांसाठी सारखाच असेल, तर निवडणुकीची भूमिका मात्र वेगवेगळी का? हा सवाल आज गावागावांतल्या सामान्य माणसाच्या मनात आहे.

शेतकऱ्याला राजकारणातील डावपेच कळत नाहीत, असं समजू नका. तो काळ्या मातीतून सोनं पिकवतो. पावसाचा अंदाज ओळखतो, बाजारभावाचे चटके सहन करतो आणि कर्जाच्या ओझ्याखाली संसार चालवतो. त्यामुळे कोण कशासाठी एकत्र आलंय, हे समजायला त्याला वेळ लागत नाही. प्रस्थापितांना सोयरे चालतात; बरोबरीचा माणूस नको! आज प्रस्थापितांची मानसिकता अशी झाली आहे की, सत्ता आमच्याच हातात असावी, संस्था आमच्याच ताब्यात असाव्यात आणि बाकीच्यांनी आमच्या दरबारात मुजरे करावेत. आम्ही टाकलेल्या उष्ट्या पत्रावळीवर जेवायला घालू; पण आमच्या शेजारी खुर्ची टाकून बसण्याची हिंमत करू नये! पण गावगाड्यातला माणूस उष्ट्या पत्रावळीवरचं जेवण मागत नाही. त्याला आपल्या कष्टाच्या भाकरीचा मान हवा आहे. कुणाच्या मेहरबानीवर जगायचं नाही, तर स्वतःच्या कर्तृत्वावर उभं राहायचं आहे. प्रस्थापितांना विरोधक चालतात; पण आपल्या बरोबरीने बसणारं नवं नेतृत्व चालत नाही, हीच लोकशाहीची खरी शोकांतिका आहे असे खोत म्हणाले.

गोपीचंद पडळकरांचा संघर्ष एका जागेपुरता नाही

गोपीचंद पडळकरांचा संघर्ष एका जागेपुरता नाही. आज आमदार गोपीचंद पडळकर या निवडणुकीच्या मैदानात उभे आहेत, ते केवळ एका संचालकपदासाठी नाही, तर प्रस्थापितांच्या वर्तुळाबाहेर राहिलेल्या माणसाच्या प्रतिनिधित्वाचा प्रश्न घेऊन ही एक विस्थापितांची लढाई आहे, अशी आमची भावना आहे. माझ्यासारख्या शेतकरी चळवळीत काम करणाऱ्या कार्यकर्त्याला याचा सार्थ अभिमान आहे. कारण वर्षानुवर्षं सत्तेच्या वर्तुळाबाहेर राहिलेल्या माणसाला स्वतःचा आवाज उठवण्याची संधी मिळाली पाहिजे. वाघ कळपाच्या आधारावर नव्हे, तर स्वतःच्या ताकदीवर ओळखला जातो. तसंच, राजकारणात माणूस किती मोठ्या घराण्याच्या पुण्याई मागे उभा आहे, यापेक्षा तो कोणासाठी लढतो, हे महत्त्वाचं आहे. गोपीचंद पडळकर यांचा हा संघर्ष बहुजन समाजातील, शेतकरी समाजातील आणि व्यवस्थेत आपला वाटा शोधणाऱ्या विस्थापितांचा आवाज बनावा, हीच अपेक्षा आहे असे खोत म्हणाले.

जिल्हा मध्यवर्ती सहकारी बँक ही एखाद्या राजकीय घराण्याची खासगी मालमत्ता नाही

बँक शेतकऱ्याच्या उपयोगाची झाली पाहिजे. जिल्हा मध्यवर्ती सहकारी बँक ही एखाद्या राजकीय घराण्याची खासगी मालमत्ता नाही. ती शेतकऱ्याच्या घामातून उभी राहिलेली संस्था आहे. या बँकेतून वेळेवर पीककर्ज मिळालं पाहिजे, ग्रामीण भागात उद्योग उभे राहिले पाहिजेत, तरुणांना रोजगार मिळाला पाहिजे आणि सर्वसामान्य माणसाला आर्थिक आधार मिळाला पाहिजे. बँकेत कोण बसलं, यापेक्षा त्या माणसानं शेतकऱ्यासाठी काय केलं, हा खरा हिशेब आहे.
सहकार म्हणजे नेत्यांनी एकत्र येऊन खुर्च्या वाटून घेणं नव्हे; सहकार म्हणजे संकटात शेतकऱ्याच्या पाठीशी उभं राहणं! आज कोण बिनविरोध झालं, कोण संचालक झालं, याची चर्चा काही दिवस चालेल. पण प्रस्थापितांच्या वर्चस्वाला कुणी आव्हान दिलं आणि विस्थापितांच्या प्रतिनिधित्वासाठी कोण मैदानात उभं राहिलं, याची नोंद मात्र इतिहासात राहील. आमदार गोपीचंद पडळकर यांचा हा संघर्ष शेतकऱ्यांच्या प्रश्नांना न्याय देणारा आणि सामान्य माणसाला सहकारात सन्मानाचं स्थान मिळवून देणारा ठरावा, हीच अपेक्षा.

आजचा लढा एका खुर्चीचा नाही; तो गावगाड्यातल्या माणसाच्या स्वाभिमानाचा, शेतकऱ्याच्या हक्काचा

आजचा लढा एका खुर्चीचा नाही; तो गावगाड्यातल्या माणसाच्या स्वाभिमानाचा, शेतकऱ्याच्या हक्काचा आणि विस्थापितांच्या प्रतिनिधित्वाचा आहे! प्रस्थापितांची सोयरिक सत्तेसाठी असेल, तर गावगाड्यातल्या माणसाची एकजूट स्वाभिमानासाठी असली पाहिजे. कारण शेवटी सहकार कुणाचा, बँक कुणासाठी आणि शेतकऱ्याच्या पदरात न्याय किती, हेच या सगळ्या राजकारणाचं खरं मोजमाप ठरणार आहे असे खोत म्हणाले.

Vishwajeet Kadam: सांगली जिल्हा बँकेतील समझोता एक्स्प्रेसचा पदवीधर आणि शिक्षक मतदारसंघाच्या निवडणुकीवर होणार का? विश्वजीत कदम नेमकं काय म्हणाले?

कुलदीप माने, एबीपी माझा — Thu, 22 Oct 2026 11:35:39 +0530

Vishwajeet Kadam: जिल्हा बँकेची निवडणूक बिनविरोध व्हावी, यासाठी सर्वच पक्षांच्या नेत्यांनी प्रयत्न केले. दुष्काळी परिस्थितीत विनाकारण टीका-टिप्पणी आणि संघर्ष नको, अशी मतदारांची भूमिका होती. त्यामुळे सर्वांनी निवडणूक बिनविरोध करण्यासाठी प्रयत्न केल्याचे डॉ. विश्वजीत कदम यांनी म्हटलं आहे. सांगली जिल्हा मध्यवर्ती सहकारी बँकेच्या संचालकपदी बिनविरोध निवड झाल्यानंतर आमदार डॉ. विश्वजीत कदम यांनी एबीपी माझाशी संवाद साधला. विश्वजित कदम म्हणाले, जिल्हा बँकेच्या निवडणुकीत महायुतीसोबत झालेल्या समझोत्याचा आगामी पदवीधर आणि शिक्षक मतदारसंघाच्या निवडणुकीवर कोणताही परिणाम होणार नसल्याचेही त्यांनी स्पष्ट केले.

जिल्हा बँकेतील मतदारांना संघर्ष नको होता

आमदार विश्वजीत कदम म्हणाले, की कोल्हापूरच्या गोकुळ दूध संघाच्या निवडणुकीत सतेज पाटील यांनी ज्या पद्धतीने महायुतीच्या विरोधात निवडणूक लढवली, त्याचप्रमाणे सांगली जिल्हा बँकेची निवडणूक महाविकास आघाडी आणि समविचारी पक्षांच्या माध्यमातून लढवण्याची आमची तयारी होती. मात्र, जिल्हा बँकेतील मतदारांना संघर्ष नको होता. त्यातच जिल्ह्यात दुष्काळी परिस्थिती असल्याने विनाकारण राजकीय टीका-टिप्पणी होऊ नये, अशी सर्वांची भावना होती. जिल्ह्यातील दुष्काळी तालुक्यांमध्येही निवडणूक लागू नये, यासाठी सर्वच पक्षांच्या नेत्यांनी शेवटपर्यंत प्रयत्न केले. मात्र, दुर्दैवाने काही तालुक्यांमध्ये निवडणूक लागली. दुष्काळाच्या पार्श्वभूमीवर जिल्हा बँकेची निवडणूक बिनविरोध व्हावी, यासाठी सर्वांनी सामंजस्याची भूमिका घेतल्याचे कदम यांनी नमूद केले.

पदवीधर, शिक्षक निवडणुकीवर परिणाम नाही

जिल्हा बँकेच्या निवडणुकीत महायुतीसोबत झालेल्या समझोत्यामुळे आगामी पदवीधर आणि शिक्षक मतदारसंघाच्या निवडणुकीच्या राजकीय समीकरणांवर कोणताही परिणाम होणार नाही, असे कदम यांनी स्पष्ट केले. जिल्हा बँकेची निवडणूक आणि आगामी पदवीधर व शिक्षक मतदारसंघाच्या निवडणुका या वेगळ्या आहेत, असा संदेश त्यांच्या वक्तव्यातून देण्यात आला.

जिल्हा बँक अध्यक्षपदाबाबत सर्वानुमते निर्णय

सांगली जिल्हा बँकेचा अध्यक्ष कोणत्या पक्षाचा असेल, याबाबतही कदम यांनी भूमिका स्पष्ट केली. अध्यक्षपदाचा निर्णय लवकरच सर्वानुमते घेतला जाईल, असे त्यांनी सांगितले. त्यामुळे जिल्हा बँकेच्या निवडणुकीनंतर जिल्ह्यातील राजकीय समीकरणे आणि आगामी स्थानिक स्वराज्य संस्थांमधील सत्तावाटपाबाबतच्या चर्चांना महत्त्व प्राप्त झाले आहे.

इतर महत्वाच्या बातम्या

जयंत पाटलांना मुख्यमंत्र्यांचा फोन, जिल्हा बँक बिनविरोध करण्याचा आग्रह; सांगलीत अखेर शिंदेसेनेचा वरचष्मा

जयंत पाटलांना मुख्यमंत्र्यांचा फोन, जिल्हा बँक बिनविरोध करण्याचा आग्रह; सांगलीत अखेर शिंदेसेनेचा वरचष्मा

कुलदीप माने, एबीपी माझा — Wed, 21 Oct 2026 19:56:19 +0530

सांगली: राज्यातील सांगली (Sangli) आणि सातारा जिल्हा बँकांच्या निवडणुकासाठी आज अर्ज माघारी घेण्याचा शेवटचा दिवस होता. त्यामुळे, अनेकांना आज आपला अर्ज माघारी घेतला असून सांगली जिल्हा बँकेत काही जागांवर निवडणूक (Election) होणार आहे. काही जागांवर बिनविरोध निवडी पार पडल्या असून सांगली जिल्हा मध्यवर्ती बँकेच्या निवडणुकीत अनेक दिग्गजांनी माघार घेतली. मात्र, येथील निवडणुकीत उपमुख्यमंत्री एकनाथ शिंदेंच्या शिवसेनेचा वरचष्मा पाहायला मिळाला. शिंदेच्या शिवसेनेतील तीन नेते बिनविरोध संचालक बनले आहेत. विशेष म्हणजे, मुख्यमंत्री देवेंद्र फडणवीस यांनी जयंत पाटलांनी (Jayant Patil) फोन करुन निवडणुका बिनविरोध होण्यासाठी आग्रह केला होता.

सांगली जिल्हा बँकेसाठी अजित पवारांच्या राष्ट्रवादीचे आमदार इद्रिस नायकवडी यांनी देखील माघार घेतली. तसेच, माजी आमदार सुमनताई पाटील यांचा महिला गटातून अर्ज माघारी घेण्यात आला असून सोसायटी गटातील अर्ज कायम आहे. तर, देवराज पाटील यांची पतसंस्था गटातून माघार, मात्र सोसायटी गटातील अर्ज कायम आहे. तसेच, आर.आर. पाटील यांचे भाऊ सुरेश पाटील यांचाही अर्ज माघारी घेण्यात आला आहे.

एकनाथ शिंदेंची तीन संचालक बिनविरोध

सांगली जिल्हा मध्यवर्ती बँकेच्या निवडणुकीत एकनाथ शिंदे यांच्या शिंदेसेनेचा वरचष्मा राहिल्याचे दिसून आले. आज अर्ज माघारी घेण्याच्या शेवटच्या दिवशी अनेक दिग्गजांनी आपले अर्ज माघारी घेतले. त्यानंतर, एकनाथ शिंदेंच्या शिवसेना पक्षातील तीन नेत्यांची जिल्हा बँकेत संचालकपदावर बिनविरोध निवड झाली. सांगली जिल्हा बँकेसाठी विटामधून अमोल बाबर, आटपाडी मधून तानाजी पाटील, तर दिघंचीमधून नितीन होनराव यांची बँकेच्या संचालक पदी बिनविरोध निवड झाली आहे. या निवडीनंतर शिंदे सेनेच्या या तिन्ही संचालकांचा जयंत पाटील यांच्याकडून सत्कार करण्यात आला.

मुख्यमंत्र्‍यांचा फोन आला

बँकेत पक्षीय राजकारण नको ही आमची पहिल्यापासून भूमिका आहे. काँग्रेस, भाजप, शिंदे शिवसेना, अजित पवारांची राष्ट्रवादी या सर्व पक्षांनी हीच भूमिका घेत बहुतांश जागांवर निवडणूक बिनविरोध करण्यात येत आहे. परवा मुख्यमंत्री यांचा फोन आला होता, बँकेची निवडणूक बिनविरोध करावी असा त्यांचा आग्रह होता, त्यानुसार आम्ही बहुतांश जागा बिनविरोध करण्याचा प्रयत्न केल्याची माहिती जयंत पाटील यांनी पत्रकार परिषदेत दिली. तसेच, जिल्हा बँकेमध्ये झालेल्या हा समाझोता, त्याचा पदवीधर आणि शिक्षक निवडणुकीमध्ये काही संबंध असणार नाही, असे स्पष्टीकरण देखील जयंत पाटील यांनी दिले.

सातारा जिल्हा बँक निवडणूक

सातारा जिल्हा मध्यवर्ती बँकेच्या एकूण 21 जागा यापैकी 12 जागा बिनविरोध तर 9 जागांवर निवडणूक होणार आहे. 10 वर्षांच्या निकषामुळे जिल्हा बँकेतून दिग्गजांनी अर्ज माघारी घेतले. खा. उदयनराजे भोसले, मंत्री शिवेंद्रसिंहराजे भोसले, खासदार नितीन पाटील, माजी सभापती रामराजे नाईक निंबाळकर, माजी आ. प्रभाकर घार्गे, प्रदीप विधाते, कांचन साळुंखे यांचे अर्ज माघारी घेण्यात आले. तसेच, न्यायालयाने अपात्र ठरवलेले अनिल देसाई आणि राजेंद्र राजपुरे यांचेही अर्ज माघारी.

बिनविरोध झालेले उमेदवार

मंत्री मकरंद पाटील, जयकुमार गोरे,माजी खा.रणजीत नाईक निंबाळकर, नंदकुमार मोरे, अनिरुद्ध गाढवे, सत्यजित वीर, सर्जेराव सावंत, चंद्रकांत जाधव,डॉ अतुल भोसले, काका धुमाळ

हेही वाचा

जेलमधून बाहेर काढत फटकवायला पाहिजे; टायगरवरील हल्ला, लॉरेन्स बिष्णोईच्या प्रश्नावर राज ठाकरेंचा सरकारला सवाल

Sangli Bank Election: सांगली जिल्हा बँकेच्या 21 पैकी 18 जागांवर बिनविरोधचे संकेत! जत-तासगाव, कवठेमहांकाळमध्ये संघर्षाची ठिणगी

कुलदीप माने, एबीपी माझा — Wed, 21 Oct 2026 17:14:42 +0530

Sangli Bank Election: सांगली जिल्हा मध्यवर्ती सहकारी बँकेच्या निवडणुकीत बिनविरोधासाठी राजकीय हालचालींना वेग आला असून, जागावाटपाचा पहिला प्रस्ताव चर्चेत आला आहे. बँकेच्या एकूण 21 जागांपैकी 19 जागांवर जवळपास बिनविरोधाचे चित्र निर्माण झालं आहे. जत , तासगाव कवठेमहांकाळ या दोन मतदारसंघांत निवडणुकीची चुरस रंगण्याची शक्यता आहे. सत्ताधारी महाविकास आघाडीतील घटक पक्ष आणि भाजप यांच्यात जागावाटपावरून तडजोडीचे प्रयत्न सुरू आहेत. मात्र, भाजपने चारऐवजी पाच जागांची मागणी केल्याने जागावाटपाचे गणित गुंतागुंतीचे होण्याची शक्यता आहे. दुसरीकडे, राष्ट्रवादी काँग्रेसच्या अजित पवार गटालाही दोन जागा हव्या असल्याची चर्चा असल्याने अंतिम तडजोडीसाठी नेत्यांना कसरत करावी लागणार आहे.

निवडणूक बिनविरोध करण्याचा प्रयत्न

चर्चेतील जागावाटपाच्या प्रस्तावानुसार राष्ट्रवादी काँग्रेस (शरद पवार) गटाला सात, भाजपला चार, काँग्रेसला सहा, शिवसेना (एकनाथ शिंदे) गटाला तीन आणि राष्ट्रवादी काँग्रेस (अजित पवार) गटाला एक जागा देण्याचे गणित मांडले जात आहे. या जागावाटपातून सर्वपक्षीय सहमती साधून निवडणूक बिनविरोध करण्याचा प्रयत्न असल्याचे चित्र आहे. मात्र, भाजपची पाच जागांची मागणी आणि अजित पवार गटाच्या अतिरिक्त जागेची अपेक्षा यामुळे नेमकी कोणत्या पक्षाला किती जागा मिळणार, याबाबत उत्सुकता वाढली आहे. या मागण्यांवर नेत्यांमध्ये चर्चा सुरू असून, अंतिम निर्णय होईपर्यंत जागावाटपात बदल होण्याची शक्यता नाकारता येत नाही.

दरम्यान, बिनविरोध होण्याच्या चर्चेत अमोल बाबर, विश्वजीत कदम, महेंद्र लाड, देवराज पाटील, विराज नाईक, तानाजी पाटील, अण्णासाहेब कोरे, सुमनताई पाटील, राहुल महाडिक, पृथ्वीराज पाटील, सतीश देशमुख, रणधीर नाईक, के. डी. कांबळे, वैभव विलासराव शिंदे, पूजा विशाल पाटील, वर्षा विक्रम सावंत, रेणुका सत्यजित देशमुख, संभाजी कचरे आणि नितीन होणाराव या 19 नावांचा समावेश आहे. या उमेदवारांच्या निवडीबाबत अंतिम अधिकृत घोषणा झालेली आहे, असे गृहीत धरता येणार नाही; जागावाटप आणि उमेदवारी निश्चितीच्या प्रक्रियेनंतरच चित्र स्पष्ट होणार आहे.

दोन मतदारसंघांतील राजकीय समीकरणांकडे विशेष लक्ष

दुसरीकडे, जत आणि कवठेमहांकाळ या दोन मतदारसंघांतील राजकीय समीकरणांकडे विशेष लक्ष लागले आहे. कवठेमहांकाळमध्ये माजी मंत्री अजितराव घोरपडे यांच्या विरोधात टी. डी. पाटील यांच्या गटाकडून लढत होण्याची शक्यता चर्चेत आहे. तर जत मतदारसंघात आमदार गोपीचंद पडळकर यांच्या विरोधात विनोद पवार यांच्यात संघर्ष होण्याची शक्यता वर्तवली जात आहे. त्यामुळे उर्वरित जागांवर बिनविरोधाचा मार्ग मोकळा झाला, तरी या दोन मतदारसंघांतील लढतीमुळे जिल्हा बँकेची निवडणूक राजकीयदृष्ट्या लक्षवेधी ठरण्याची चिन्हे आहेत. सर्वपक्षीय नेत्यांमध्ये अंतिम सहमती होते का, भाजप आणि अजित पवार गटाच्या मागण्यांवर काय तोडगा निघतो आणि 19 जागांवरील बिनविरोधाचे चित्र प्रत्यक्षात उतरते का, याकडे सांगली जिल्ह्याचे लक्ष लागले आहे.

इतर महत्वाच्या बातम्या

Dhananjay Mahadik: गोकुळमध्ये फोडाफोडीचे राजकारण करणार नाही, आम्ही विरोधात बसणार; धनंजय महाडिकांची स्पष्टोक्ती, शौमिकांच्या पराभवावर काय म्हणाले?

Sangli Bank Election: सांगली जिल्हा बँकेत बिनविरोधाच्या हालचाली वाढल्या; भाजप नेते झेडपी अध्यक्षांच्या बंगल्यावर महाविकास आघाडीच्या नेत्यांच्या भेटीला

कुलदीप माने, एबीपी माझा — Wed, 21 Oct 2026 14:14:18 +0530

Sangli Bank Election: सांगली जिल्हा मध्यवर्ती बँकेच्या बिनविरोध निवडणुकीसाठी महायुती आणि महाविकास आघाडीच्या जिल्ह्यातील नेत्यांमध्ये जोरदार हालचाली सुरु झाल्या आहेत. भाजपचे ज्येष्ठ नेते आणि माजी जिल्हाध्यक्ष पृथ्वीराज देशमुख आणि पृथ्वीराज पाटील हे महाविकास आघाडीच्या नेत्यांच्या भेटीला पोहोचले आहेत. महाविकास आघाडी आणि महायुतीचे नेत्यांमध्ये जिल्हा परिषद अध्यक्षांच्या बंगल्यावर बैठक पार पडली. सांगली जिल्हा परिषद अध्यक्षांच्या बंगल्यावर जयंत पाटील, आमदार विश्वजीत कदम, खासदार विशाल पाटील, शिवसेना शिंदे पक्षाचे अमोल बाबर, भाजपचे ग्रामीण जिल्हाध्यक्ष पृथ्वीराज देशमुख यांच्यात बंद खोलीत चर्चा झाली.

सांगली जिल्हा मध्यवर्ती सहकारी बँकेच्या 21 जागांच्या निवडणुकीसाठी 269 उमेदवारी अर्ज दाखल झाले आहेत. महायुती विरुद्ध महाविकास आघाडी अशी थेट लढत होणार की पडद्यामागून निवडणूक बिनविरोध होणार, याकडे संपूर्ण जिल्ह्याचे लक्ष लागले आहे. भाजपकडून आमदार जयंत पाटील यांना बिनविरोध निवडणुकीचा अधिकृत प्रस्ताव देण्यात आल्याची माहिती आहे. या पार्श्वभूमीवर पालकमंत्री चंद्रकांत पाटील हे स्वतः आमदार जयंत पाटील, काँग्रेस नेते आमदार डॉ. विश्वजीत कदम आणि खासदार विशाल पाटील यांच्याशी थेट संपर्कात राहून तोडगा काढण्याचे प्रयत्न करत आहेत.

जत, कवठेमहांकाळ आणि तासगावमध्ये लढतीची शक्यता

जिल्ह्यात बहुतांश जागा बिनविरोध करण्याचा प्रयत्न सुरू असला, तरी जत, कवठेमहांकाळ आणि तासगाव या तीन तालुक्यांतील विविध कार्यकारी सोसायटी गटात निवडणूक होणार का? याची उत्सुकता आहे. जत सोसायटी गटातून भाजप आमदार गोपीचंद पडळकर, कवठेमहांकाळमधून माजी आमदार अजितराव घोरपडे, तर तासगावमधून माजी खासदार संजयकाका पाटील निवडणूक लढवण्यास आग्रही आहेत.

दुसरीकडे, दोन दिवसांपूर्वी मुख्यमंत्री देवेंद्र फडणवीस यांच्या उपस्थितीत कोल्हापूर विमानतळावर महायुतीच्या प्रमुख नेत्यांची महत्त्वपूर्ण बैठक पार पडली. या बैठकीनंतर महाविकास आघाडीतील प्रमुख नेते आमदार जयंत पाटील, खासदार विशाल पाटील आणि आमदार विश्वजीत कदम यांचीही सांगलीत बैठक झाली. त्यामुळे जिल्हा बँकेच्या निवडणुकीसाठी दोन्ही आघाड्यांकडून राजकीय गणिते जुळवण्यास सुरुवात झाल्याचे चित्र आहे.जिल्हा बँकेच्या निवडणुकीत महायुतीने एकजुटीने आणि परस्पर समन्वयाने पुढे जावे, असे निर्देश मुख्यमंत्री फडणवीस यांनी दिल्याची माहिती आहे.तसेच महायुतीच्या पाठीशी ठामपणे उभे राहण्याचा विश्वासही त्यांनी उपस्थित नेत्यांना दिला.

इतर महत्वाच्या बातम्या

Satara Bank Election: सातारा जिल्हा बँकेसाठी महायुतीचा फॉर्म्युला ठरला, दोन हॉटेलमध्ये स्वतंत्र बैठकांचा जोर; कोणाला किती जागा अन् किती जागांवर निवडणूक लागणार?

Sangli Bank Election: सांगली जिल्हा बँकेची निवडणूक लागणार की बिनविरोध होणार? महायुती अन् महाविकास आघाडीत बैठकांचा जोर

कुलदीप माने, एबीपी माझा — Wed, 21 Oct 2026 10:38:57 +0530

Sangli Bank Election: सांगली जिल्हा मध्यवर्ती बँकेची निवडणूक लागणार की बिनविरोध होणार याची उत्सुकता शिगेला पोहोचली आहे. आज (21 ऑक्टोबर) दुपारी 3 पर्यत अर्ज माघार घेण्याची मुदत आहे. त्यामुळे महायुती आणि महाविकास आघाडीच्या नेत्यांचे बैठक सत्र सुरू आहे. दुष्काळाच्या पार्श्वभूमीवर महायुतीकडून आणि महाविकास आघाडी कडूनही निवडणूक बिनविरोधसाठी हालचाली सुरू आहे दोन्ही बाजूंच्या संवादातून जागावाटपाचा सन्मानजनक फॉर्म्युला तयार होणार की काही जागावर निवडणूक लागणार हे काही तासात स्पष्ट होणार आहे. दुसरीकडे, दोन दिवसांपूर्वी मुख्यमंत्री देवेंद्र फडणवीस यांच्या उपस्थितीत कोल्हापूर विमानतळावर महायुतीच्या प्रमुख नेत्यांची महत्त्वपूर्ण बैठक पार पडली. या बैठकीनंतर महाविकास आघाडीतील प्रमुख नेते आमदार जयंत पाटील, खासदार विशाल पाटील आणि आमदार विश्वजीत कदम यांचीही सांगलीत बैठक सुरू झाली. त्यामुळे जिल्हा बँकेच्या निवडणुकीसाठी दोन्ही आघाड्यांकडून राजकीय गणिते जुळवण्यास सुरुवात झाल्याचे चित्र आहे.

मुख्यमंत्री देवेंद्र फडणवीस आणि सांगलीचे पालकमंत्री चंद्रकांत पाटील यांच्या प्रमुख उपस्थितीत झालेल्या महायुतीच्या बैठकीत जिल्हा बँकेच्या निवडणुकीचे नियोजन, पक्षांमधील समन्वय आणि आगामी रणनीती यावर चर्चा झाली. भाजपच्या नेत्यांसह एकनाथ शिंदे यांच्या शिवसेनेचे आणि अजित पवार यांच्या राष्ट्रवादी काँग्रेसचे जिल्ह्यातील नेतेही या बैठकीला उपस्थित होते. जिल्हा बँकेच्या निवडणुकीत महायुतीने एकजुटीने आणि परस्पर समन्वयाने पुढे जावे, असे निर्देश मुख्यमंत्री फडणवीस यांनी दिल्याची माहिती आहे.तसेच महायुतीच्या पाठीशी ठामपणे उभे राहण्याचा विश्वासही त्यांनी उपस्थित नेत्यांना दिला.

आगामी निवडणुकीत एकदिलाने काम करण्याचा निर्धार या बैठकीत व्यक्त करण्यात आला. या बैठकीला आमदार गोपीचंद पडळकर, माजी आमदार शिवाजीराव नाईक, पृथ्वीराज देशमुख, राजेंद्र देशमुख, भाजपचे सांगली ग्रामीण जिल्हाध्यक्ष सम्राट महाडिक, शिवसेनेचे नेते अमोल बाबर, तानाजी पाटील, संग्राम जगताप आणि सुरेंद्र चौगुले यांच्यासह महायुतीचे प्रमुख नेते उपस्थित होते.

महाविकास आघाडीचीही रणनीती आखण्यास सुरुवात

महायुतीच्या बैठकीनंतर महाविकास आघाडीतील जयंत पाटील, खासदार विशाल पाटील आणि आमदार विश्वजीत कदम यांची सांगलीत बैठक झाली. महायुतीकडून एकजुटीचा संदेश दिला जात असताना महाविकास आघाडीचीही पुढील भूमिका आणि निवडणुकीतील रणनीती काय असेल, याकडे राजकीय वर्तुळाचे लक्ष लागले आहे. जिल्हा बँकेची निवडणूक बिनविरोध होणार की महायुती आणि महाविकास आघाडीमध्ये थेट राजकीय संघर्ष रंगणार, तसेच जागावाटपाचे गणित कसे जुळणार, याबाबत आगामी काळात चित्र स्पष्ट होण्याची शक्यता आहे.

इतर महत्वाच्या बातम्या

कोल्हापूरचं राजकारण बंटी पाटलांना विचारुन करायचं;'गोकुळ' जिंकताच विश्वजीत कदमांचा आणखी एक डायलॉग

कोल्हापूरचं राजकारण बंटी पाटलांना विचारुन करायचं;'गोकुळ' जिंकताच विश्वजीत कदमांचा आणखी एक डायलॉग

महेश गलांडे — Mon, 19 Oct 2026 17:54:12 +0530

कोल्हापूर : राज्याचं लक्ष लागलेल्या कोल्हापूरमधील गोकुळ (Gokul) दूध संघाच्या निवडणुकीत यंदा महायुती विरुद्ध माजी मंत्री तथा काँग्रेस नेते सतेज बंटी पाटील यांच्यात थेट सामन रंगला होता. खासदार धनंजय महाडिक, मंत्री हसन मुश्रीफ, मंत्री चंद्रकांत पाटील यांच्यासह दिग्गजांची मादियाळी भाजपा महायुतीकडून (Mahayuti) मैदानात उतरली होती. त्यामुळे, गोकुळच्या 25 पैकी 25 जागांवर आपला विजय होईल, असा विश्वास महायुतीच्या नेत्यांना होता. मात्र, बंटी पाटलांनी (Satej Patil) येथे आपली शिट्टी वाजवली असून काँग्रेसप्रणित राजर्षी शाहू शेतकरी समविचारी आघाडीने 16-9 असा विजय मिळवल्याचे आमदार विश्वजीत कदम यांनी म्हटलं आहे.

गोकुळच्या निवडणुकीतील विजयानंतर बंटी पाटलांचं राज्यभरातून अभिनंदन केलं जात आहे. तर, काही दिवसांपूर्वी पुण्यातील आंदोलनात बोलताना, आमदार विश्वजीत यांनी भाषणामुळे व्हायरल झालेल्या विवेकानंद पाटीलला उद्देशून केलेलं वाक्यही आज चांगलंच चर्चेत आलं आहे. कोल्हापूरचं राजकारण बंटी पाटलाला विचारुन करायचं... असे विश्वजीत कदम यांनी म्हटलं होतं. आता, गोकुळच्या निवडणुकीनंतर विश्वजीत कदम यांचा व्हिडिओ व्हायरल होत आहे. तर, विश्वजीत कदम यांनीही ट्विट करत बंटी पाटलांचे अभिनंदन केले. मात्र, यावेळी त्यांनी दुसराच डायलॉग वापरला आहे. अभिनंदन बंटीदादा, मानलं राव तुम्हाला. शेवटी काय, तो कंडका पाडलाच!.. असे म्हणत विश्वजीत कदम यांनी कोल्हापुरातील या निवडणुकीच्या विजयानंतर प्रतिक्रिया दिली. तसेच, आमदार रोहित पवार यांनीही प्रतिक्रिया दिली आहे.

गोकुळ दूधसंघाच्या निवडणुकीत ‘खटक्यावर बोट जाग्यावर पलटी’ केल्याबद्दल ‘समविचारी आघाडी’ पॅनलचे प्रमुख नेते सतेज पाटील आणि माझे मित्र ऋतुराज पाटील यांचं व त्यांच्या संपूर्ण टीमंचं मनःपूर्वक अभिनंदन. एकदा ठरलं की ‘कंडका पाडल्याशिवाय’ सोडायचं नाही, हेच कोल्हापूरकरांनी या निवडणुकीत दाखवून दिलं. आता, या संस्थेत दूधासारखा शुभ्र सभासदांच्या हिताचाच कारभार होईल आणि दूध उत्पादकांना पुन्हा चांगले दिवस येतील, असा विश्वास असल्याचे आमदार रोहित पवार यांनी म्हटलं. तसेच, असाच निकाल पदवीधर आणि शिक्षक मतदारसंघातही लागेल, त्यासाठी पैसा आणि सत्तेच्या बळावर कितीही अडथळे आणले गेले तरी संघर्ष सुरुच ठेवा, असाच संदेश या निकालाने दिल्याचेही रोहित पवार म्हणाले.

मुश्रीफ-महाडिकांचा पराभव

दरम्यान, गोकुळ दूध संघाच्या निवडणुकीत महायुतीला मोठा धक्का बसला असून दोन बड्या नेत्यांच्या कुटुंबातील सदस्यांचाही पराभव झाला आहे. विशेष म्हणजे, मंत्री हसन मुश्रीफ यांचे चिरंजीव नविद आणि भाजपा महिला आघाडीच्या उपाध्यक्षा तथा माजी संचालिका शौमिका महाडिक यांचाही पराभव झाला आहे. शौमिका महाडिक यांचा 120 मतांनी पराभव झाल्याने हा महाडिक कुटुंबास मोठा धक्का मानला जातो.

हेही वाचा

महायुतीला धक्क्यावर धक्के, हसन मुश्रीफांचे सुपुत्र पराभूत, शौमिका महाडिकही हरल्या; गोकुळमध्ये सतेज पाटलांनी 'शिट्टी' वाजवली!

Maharashtra Weather Updates Rain Marathi News: चिपळूण, सांगलीसह अनेक जिल्ह्यात विजांच्या कडकडाटासह पावसाची हजेरी; आता किती दिवस कोसळणार?

मुकेश चव्हाण — Sun, 18 Oct 2026 06:45:38 +0530

Maharashtra Weather Updates Rain Marathi News: राज्यात सध्या मान्सूनच्या अपुऱ्या पावसामुळे भीषण दुष्काळाचे (Drought In Maharashtra) सावट असून ऑक्टोबर हीटमुळे मुंबई, पुणे आणि नाशिकसह संपूर्ण महाराष्ट्र प्रचंड तापला आहे. मात्र याचदरम्यान काल राज्यातील अनेक जिल्ह्यात विजांच्या कडकडाटासह पावसाने हजेरी लावली. कोल्हापूर, चिपळूण, धुळे, सांगलीतील अनेक भागात पावसाच्या (Chiplun Kolhapur Dhule Sangli Rain) सरी बरसल्या. त्यामुळे उकाड्याने हैराण झालेल्या नागरिकांना हवामानात गारवा निर्माण झाल्यामुळे दिलासा मिळाला. अचानक आलेल्या पावसामुळे नागरिक सुखावल्याचे पाहायला मिळाले. पाण्याची तीव्र टंचाई, जमिनीतील ओलाव्याचा अभाव आणि पिकांसमोरील संकट कायम असल्याने आगामी काळात दमदार पावसाची गरज व्यक्त होत आहे. त्यामुळे कालच्या पावसाने काहीसा दिलासा मिळाला असला, तरी दुष्काळाचे संकट दूर होण्यासाठी आणखी पावसाची प्रतीक्षा कायम आहे. (Rain In Maharashtra Marathi News)

नैऋत्य मान्सून महाराष्ट्राच्या (Maharashtra Rain) उर्वरित सर्व भागांतून तसेच गोवा, कर्नाटक, तेलंगणा व ओडिशाच्या काही भागांतून आणि झारखंड व छत्तीसगडच्या आणखी काही भागांतून मागे फिरला आहे. याबाबत हवामान विभागाने अधिकृतपणे जाहीर केले आहे. मात्र हवामान विभागाने (IMD) दिलेल्या नवीन अंदाजानुसार, येत्या काही दिवसांत उत्तर, पूर्व आणि दक्षिण भारतातील काही भागांत हवामान अस्थिर राहण्याची शक्यता आहे. उत्तर भारत आणि डोंगराळ प्रदेशातील अनेक भागांत विजांचा कडकडाट, वादळी वारे आणि मेघगर्जना होण्याची शक्यता वर्तवण्यात आली आहे. (Maharashtra Weather Updates)

धुळे जिल्ह्यात अडीच महिन्यांच्या खंडानंतर पावसाची हजेरी- (Dhule Rain News)

धुळे जिल्ह्यात तब्बल दोन ते अडीच महिन्यांच्या खंडानंतर पावसाने हजेरी लावली. मात्र साक्री तालुक्यातील पिंपळनेर, कुडाशी, वारसा, मोहगाव, बल्हाणे, सामोडे आणि बारीपाडा परिसराला वादळी पावसाने झोडपले. अचानक आलेल्या पावसामुळे जनजीवन विस्कळीत झाले असून अनेक ठिकाणी झाडे कोसळली आहेत.

चिपळूणमध्येही पावसाची हजेरी- (Chiplun Rain News)

विजांच्या कडकडाटासह चिपळूणमध्येही पावसाची हजेरी पाहायला मिळाली. जवळपास महिनाभराच्या विश्रांतीनंतर चिपळूणमध्ये पाऊस कोसळला. उकाड्याने हैराण झालेल्या नागरिकांना हवामानात गारवा निर्माण झाल्यामुळे दिलासा मिळाला. अचानक आलेल्या पावसामुळे नागरिक सुखावल्याचे पाहायला मिळाले.

कोल्हापूरातही काल पावसाच्या जोरदार सरी- (Kolhapur Rain News)

कोल्हापूरातही काल पावसाच्या जोरदार सरी बरसल्या. कोल्हापुरात अनेक भागात पावासाची हजेरी पाहायला मिळाली. तसेच अंबाबाई मंदिर परिसरातही अचानक पाऊस आल्याने भाविकांची तारांबळ उडाली. सुट्टीचा दिवस असल्याने मंदिरात भाविकांची गर्दी होती.

सांगलीतील तासगाव तालुक्यात दुपारी मुसळधार पावसाची हजेरी; सावळज, मांजर्डे, बलगवडे, गौरगाव परिसरातही पाऊस- (Sangli Rain News)

दुष्काळाच्या तीव्र झळा सोसत असलेल्या तासगाव तालुक्यातील काही गावांमध्ये आज भर दुपारी मुसळधार पावसाने हजेरी लावली. सावळज, मांजर्डे, बलगवडे आणि गौरगाव परिसरात सुमारे अर्धा तास झालेल्या या पावसामुळे शेतकऱ्यांना काहीसा दिलासा मिळाला आहे. तासगाव तालुक्याचा नुकताच दुष्काळी यादीत समावेश झाला आहे. पावसाअभावी खरीप हंगामातील पिकांचे नुकसान झाल्यानंतर शेतकऱ्यांच्या आशा रब्बी हंगामावर केंद्रित झाल्या आहेत. मात्र, परतीच्या पावसानेही ओढ दिल्याने रब्बी पिकांच्या पेरण्या आणि पिकांच्या वाढीसमोर संकट निर्माण झाले आहे. अशा परिस्थितीत आज झालेल्या मुसळधार पावसामुळे या भागातील रब्बी पेरणी केलेल्या पिकांना काही प्रमाणात दिलासा मिळण्याची शक्यता आहे. त्यामुळे शेतकऱ्यांमध्ये काहीशी आशा निर्माण झाली आहे. मात्र, केवळ अर्धा तास झालेल्या या पावसामुळे तालुक्यातील दुष्काळी परिस्थितीत मोठा बदल होण्याची शक्यता नसल्याचे शेतकऱ्यांचे म्हणणे आहे. पाण्याची तीव्र टंचाई, जमिनीतील ओलाव्याचा अभाव आणि पिकांसमोरील संकट कायम असल्याने आगामी काळात दमदार पावसाची गरज व्यक्त होत आहे. त्यामुळे कालच्या पावसाने काहीसा दिलासा मिळाला असला, तरी दुष्काळाचे संकट दूर होण्यासाठी आणखी पावसाची प्रतीक्षा कायम आहे.

गोव्यातही दमदार पाऊस- (Konkan Goa Rain News)

गोवा राज्यात पहाटे पाच वाजता विजांच्या कडकडाटासह पावसाने हजेरी लावली. म्हापसा, धारगळ सह अन्य ठिकाणी हलक्या ते मध्यम स्वरूपाच्या पावसाच्या सरी कोसळल्या. सध्या गोवा राज्यात दमट हवामान असून पुढील चार दिवस 30 ते 40 मी.मी. पाऊस पडेल असा अंदाज हवामान विभागाने वर्तवला आहे. दक्षिण पूर्व अरबी समुद्रात चक्रीवादळ सदृश्य प्रणाली सक्रिय झाली असल्याने किनारपट्टीवरील सर्व राज्यांना अलर्ट देण्यात आला आहे.

राज्यासह देश-विदेशातील महत्वाच्या घडामोडी, VIDEO:

गोपीचंद पडळकरांना डोनाल्ड ट्रम्पही घाबरतात; चंद्रकांत पाटलांकडून दोन चॉकलेट देत आमदारास मोलाचा सल्ला

कुलदीप माने, एबीपी माझा — Sat, 17 Oct 2026 18:04:31 +0530

सांगली : मुंबई उच्च न्यायालयाच्या कोल्हापूर खंडपीठाने आमदार गोपीचंद पडळकर (Gopichand Padalkar) यांचा उमेदवारी अर्ज बाद केल्यानंतर त्यांनी थेट दिल्ली गाठली होती. आता, सर्वोच्च न्यायालयाकडून सांगली (Sangli) जिल्हा बँकेसाठी (DCC) गोपीचंद पडळकरांचा अर्ज मंजूर करण्यात आलाय. त्या पार्श्वभूमीवर सांगलीचे पालकमंत्री तथा मंत्री चंद्रकांत पाटील यांनी त्यांचे अभिनंदन करत त्यांना चॉकलेटही दिले. यावेळी, मिश्कील टिपण्णी करताना, आता बोला कमी आणि काम जास्त करुन दाखवा, असा सल्ला देखील चंद्रकांत पाटलांनी दिला.

सांगली डीसीसी बँक निवडणुकीतील जत सोसायटी गटातून भाजप आमदार गोपीचंद पडळकर यांचा अर्ज बाद करण्यात आला होता. मुंबई हायकोर्टाच्या कोल्हापूर खंडपीठानेही तो निर्णय कायम ठेवला आहे. त्यामुळे, आमदार पडळकरांची जिल्हा बँक निवडणुकीतून एक्झिट झाल्याची चर्चा राजकीय वर्तुळात रंगली होती. मात्र, मुंबई उच्च न्यायालयातील कोल्हापूर खंडपीठाच्या या निर्णयाविरोधात आमची कायदेशीर टीम तातडीने सर्वोच्च न्यायालयात याचिका दाखल करत आहोत. उच्च न्यायालयाच्या कोल्हापूर खंडपीठाने दिलेल्या निर्णयाचा आदर राखत आम्ही याविरोधात सर्वोच्च न्यायालयात (सुप्रीम कोर्ट) दाद मागणार असल्याचे पडळकर यांनी म्हटले होते. त्यानुसार, आता सर्वोच्च न्यायालयाकडून पडळकर यांना दिलासा मिळाला आहे.

सांगली जिल्हा मध्यवर्ती बँकेच्या निवडणुकीत गोपीचंद पडळकर यांची एन्ट्री झाल्याने निवडणुकीत रंगत आले आहे. कोल्हापूर खंडपीठाने त्यांचा उमेदवारी अर्ज अवैध ठरवल्यानंतर त्यांनी सुप्रीम कोर्टात धाव घेतली होती. सुप्रीम कोर्टाने त्यांच्या उमेदवारीचा अर्ज वैध ठरवल्यानंतर पडळकर हे बँकेच्या निवडणुकीच्या रिंगणात पुन्हा उतरले. त्याच पार्श्वभूमीवर आज सांगलीत उच्च व तंत्र शिक्षण मंत्री चंद्रकांत पाटील यांनी कॅडबरी देऊन त्यांचा सत्कार केला. तसेच, पडळकर यांच्या बाबतीत अमेरिकेचे राष्ट्राध्यक्ष डोनाल्ड ट्रम्प सुद्धा घाबरतात अशी स्थिती असल्याचे मिश्कीलपणे त्यांनी म्हटले. बँकेत ते आल्यावर काय होणार आणि कसे? ते बँकेत येतील याबाबत सगळी व्यूव्हरचना झाली आहे. कसलेला पैलवान जसा आठ ते दहा जणांना लोळवतो तसे ते आहेत. परंतु, गोपीचंद पडळकर यांना तू बोल कमी आणि काम जास्त कर असे मुख्यमंत्र्यांनी सांगितलं आहे, असेही चंद्रकांत पाटील म्हणाले. त्यामुळे उन्माद नको, उत्साह हवा अशा शब्दात त्यांनी पडळकरांना कानपिचक्या दिल्या आहेत.

पडळकरांच्या अर्जावर काय होता आक्षेप?

गोपीचंद पडळकर यांच्या कुणीकोणूर सर्वसेवा सहकारी सोसायटीतील सभासदत्वाला आणि निंबवडे ग्रामीण बिगरशेती पतसंस्थेतील संचालक-पदाच्या अनुभवाला याचिकाकर्त्यांनी आक्षेप घेतला आहे. जिल्हा बँकेच्या उपविधीनुसार संबंधित संस्थेचे किमान दोन वर्षांचे सभासदत्व व व्यवस्थापक समितीवर एक वर्ष काम केल्याचा अनुभव आवश्यक आहे. पडळकरांनी 20 फेब्रुवारी 2026 रोजी कुणीकोणूर येथे जमीन खरेदी केली, तर त्यापूर्वी त्यांना सभासदत्व कसे मिळाले? निंबवडे पतसंस्थेचे कार्यक्षेत्र केवळ गावापुरते असल्याने तेथील सभासदत्व आणि संचालकपद निवडणुकीच्या पात्रतेसाठी ग्राह्य धरता येते का, हा मुद्दाही याचिकेत उपस्थित करण्यात आला होता.

हेही वाचा

सांत्वनाला आलेल्या प्रताप सरनाईकांसमोर पूर्णेकर कुटुंबाने आक्रोश मांडला; म्हणाले, मीनाक्षी शिंदेला तात्काळ हटवा

गोपीचंद पडळकरांना डोनाल्ड ट्रम्पही घाबरतात; चंद्रकांत पाटलांकडून दोन चॉकलेट देत आमदारास मोलाचा सल्ला

तुझी आई, बहीण, बायको रस्त्यावर आणणार,’ अशा आशयाचा मजकूर- (Sangli Crime News)

राज्यासह देश-विदेशातील महत्वाच्या घडामोडी, VIDEO:

ही बातमीही वाचा:

दुष्काळाच्या नावाखाली एकीकडं बिनविरोधाची भाषा, तर दुसरीकडं काही जागांवर निवडणुकीचा संघर्ष का?

गोपीचंद पडळकरांचा संघर्ष एका जागेपुरता नाही

जिल्हा मध्यवर्ती सहकारी बँक ही एखाद्या राजकीय घराण्याची खासगी मालमत्ता नाही

आजचा लढा एका खुर्चीचा नाही; तो गावगाड्यातल्या माणसाच्या स्वाभिमानाचा, शेतकऱ्याच्या हक्काचा

जिल्हा बँकेतील मतदारांना संघर्ष नको होता

पदवीधर, शिक्षक निवडणुकीवर परिणाम नाही

जिल्हा बँक अध्यक्षपदाबाबत सर्वानुमते निर्णय

जयंत पाटलांना मुख्यमंत्र्यांचा फोन, जिल्हा बँक बिनविरोध करण्याचा आग्रह; सांगलीत अखेर शिंदेसेनेचा वरचष्मा

एकनाथ शिंदेंची तीन संचालक बिनविरोध

मुख्यमंत्र्‍यांचा फोन आला

सातारा जिल्हा बँक निवडणूक

बिनविरोध झालेले उमेदवार

हेही वाचा

Sangli Bank Election: सांगली जिल्हा बँकेच्या 21 पैकी 18 जागांवर बिनविरोधचे संकेत! जत-तासगाव, कवठेमहांकाळमध्ये संघर्षाची ठिणगी

निवडणूक बिनविरोध करण्याचा प्रयत्न

दोन मतदारसंघांतील राजकीय समीकरणांकडे विशेष लक्ष

जत, कवठेमहांकाळ आणि तासगावमध्ये लढतीची शक्यता

Sangli Bank Election: सांगली जिल्हा बँकेची निवडणूक लागणार की बिनविरोध होणार? महायुती अन् महाविकास आघाडीत बैठकांचा जोर

महाविकास आघाडीचीही रणनीती आखण्यास सुरुवात

कोल्हापूरचं राजकारण बंटी पाटलांना विचारुन करायचं;'गोकुळ' जिंकताच विश्वजीत कदमांचा आणखी एक डायलॉग

मुश्रीफ-महाडिकांचा पराभव

हेही वाचा

Maharashtra Weather Updates Rain Marathi News: चिपळूण, सांगलीसह अनेक जिल्ह्यात विजांच्या कडकडाटासह पावसाची हजेरी; आता किती दिवस कोसळणार?

धुळे जिल्ह्यात अडीच महिन्यांच्या खंडानंतर पावसाची हजेरी- (Dhule Rain News)

चिपळूणमध्येही पावसाची हजेरी- (Chiplun Rain News)

कोल्हापूरातही काल पावसाच्या जोरदार सरी- (Kolhapur Rain News)

सांगलीतील तासगाव तालुक्यात दुपारी मुसळधार पावसाची हजेरी; सावळज, मांजर्डे, बलगवडे, गौरगाव परिसरातही पाऊस- (Sangli Rain News)

गोव्यातही दमदार पाऊस- (Konkan Goa Rain News)

राज्यासह देश-विदेशातील महत्वाच्या घडामोडी, VIDEO:

संबंधित बातमी:

गोपीचंद पडळकरांना डोनाल्ड ट्रम्पही घाबरतात; चंद्रकांत पाटलांकडून दोन चॉकलेट देत आमदारास मोलाचा सल्ला

पडळकरांच्या अर्जावर काय होता आक्षेप?

हेही वाचा