Sangli News: विशाल पाटील पुढचे खासदार नसणार, जीवाचं रान करू!; पडळकरांच्या आव्हानावर खासदारांचं प्रत्युत्तर, 'तुमचं स्वप्न धुळीस मिळेल'!

El Nino Effect: राज्यावर एल निनोच्या संकटांचे ढग, मुख्यमंत्री देवेंद्र फडणवीसांकडून महत्वाच्या सूचना, अवकाळीनेही पुन्हा झोडपलं,अस्मानी संकटानं बळीराजाच्या तोंडचा घास हिरावला

एबीपी माझा वेब टीम — Wed, 22 Apr 2026 09:45:14 +0530

El Nino Effect: राज्यावर यंदा एल निनोचे संकट घोंगावत आहे. जूनमध्ये हजेरी लावून पावसाला ऑगस्टपर्यंत खंड पड् शकतो, अशी चिन्हे आहेत. म्हणून सरकारने एल निनोशी लढण्याची तयारी सुरू केली आहे. त्याचाच एक भाग म्हणून जलसंपदा विभागाने राज्यातील सर्वच मनपांना पत्र पाठवून 31 ऑगस्टपर्यंत पाणी पुरवण्यासाठी पाणी जपून वापरण्याच्या सूचना दिल्या आहेत. 'एल निनो'चा परिणाम शेती, उद्योग आणि बांधकामावर होऊ शकतो. त्या दृष्टीनेही मुख्यमंत्री देवेंद्र फडणवीसांच्या (Devendra Fadnavis) सूचनेवरून उपाययोजना सुरू झाल्या आहेत. परिणामी भविष्यात कदाचित पाणी कपातीची शक्यता नाकारता येत नाही. (Maharashtra Unseasonal Rain)

Unseasonal Rain: रत्नागिरी जिल्ह्यात पावसाचा इशारा, ताशी 30 ते 40 किमी वेगाने वारे वाहण्याचा अंदाज

दरम्यान, हवामान विभागाने रत्नागिरी जिल्ह्याला पावसाचा इशारा दिला आहे. रात्रीपासून (21 एप्रिल) जिल्ह्यात पावसाला पूरक वातावरण तयार झाले आहे. तर आगामी काळात ताशी 30 ते 40 किमी वेगाने वारे वाहण्याचा अंदाज वर्तविण्यात आला आहे. तर मागील 4 दिवसापासून जिल्ह्यात ढगाळ वातावरण असलं तरी अद्याप कुठंही मुसळधार पाऊस झालेला नाही.

सांगली जिल्ह्यातील अनेक भागात मध्यरात्री पाऊस, पावसामुळे आंब्याचे मोठे नुकसान

सांगली जिल्ह्यातील अनेक भागांमध्ये मध्यरात्री विजांच्या कडकडाटासह मुसळधार पाऊस झालाय. यात पलूस तालुक्यातील भिलवडी परिसरामध्ये देखील मध्यरात्री मुसळधार पाऊस झाला. मध्यरात्री झालेल्या पावसाने या भागात शेतात तर काही ठिकाणी पिकात पाणी साचून राहिले आहे. उसाच्या शेतामध्ये पाणी साचून राहिले आहे, तर जोरदार वारा आणि पावसामुळे आंब्याचे मोठे नुकसान झाले आहे.

धाराशिवमध्ये विजांच्या कडकडाट्यासह गारांचा जोरदार पाऊस; वीज पडून 55 वर्षीय शेतकऱ्याचा मृत्यू

अवकाळी पावसात वीज पडून धाराशिवच्या विठ्ठलवाडी येथील शेतकऱ्याचा दुर्दैवी मृत्यू झाला. आठ दिवसानंतर ज्या घरात लग्न सोहळा होता, त्या घरात आज दुःखाचा डोंगर आहे. बबन लांडगे असे या शेतकऱ्याच नाव असून शेतात कडब्याची गंज रचायला गेलेले लांडगे यांचा वीज पडून दुर्दैवी मृत्यू झाला. त्यांच्या पश्चात दोन मुलं व एक मुलगी असा परिवार आहे एकुलत्या एक मुलीचं पुढील आठवड्यात लग्न होत. लग्नाची तयारी ही पूर्ण झाली होती. मात्र त्या अगोदरच वडिलांचा दुर्दैवी मृत्यू झाला. त्यामुळे कुटुंबावर दुःखाचा डोंगर कोसळला असून या घटनेने परिसरात हळहळ व्यक्त केली जात आहे.

लातूर जिल्ह्यात अवकाळी पावसाची हजेरी; औसा परिसरात गारपीट, आंबा पिकाला फटका

लातूर जिल्ह्यात अनेक ठिकाणी अवकाळी पावसाने अचानक हजेरी लावली. औसा शहरासह शिवारामध्ये जोरदार पाऊस पडला असून काही भागांत गारपीटही झाली आहे. अचानक सुरू झालेल्या या पावसामुळे औसा शहरातील जनजीवनावर तात्पुरता परिणाम झाला. मागील काही दिवसांपासून जिल्ह्यात तापमानाचा पारा 41 ते 42 अंश सेल्सिअसपर्यंत पोहोचला होता. मात्र नुकत्याच झालेल्या पावसामुळे वातावरणात काहीसा गारवा निर्माण झाला असून नागरिकांना उष्णतेपासून दिलासा मिळाला आहे. लातूर शहर आणि परिसरातील संध्याकाळच्या सुमाराला अतिशय हलक्या पावसाच्या सरी पडून गेल्या आहेत. यावेळी जोरदार वारेही सुरू होते.

एका बाजूला तापमानाचा पारा 44 अंशावर, तर दुसऱ्या बाजूला वादळी वाऱ्यासह जोरदार पाऊस, शेतकऱ्यांची चिंता वाढली

कुलदीप माने, एबीपी माझा — Sun, 19 Apr 2026 17:44:25 +0530

Maharashtra Weather News : राज्यातील वातावरणात सातत्यानं बदल होत असल्याचं चित्र पाहायला मिळत आहे. सध्या राज्याच्या अनेक भागात तापमानाचा पारा 40 अंशाच्या पुढे गेला आहे. तर विदर्भात तापमाने 44 अंशाचा उच्चांक गाठला आहे. तर काही भागात पाऊस देखील झाल्याचं चित्र पाहायला मिळत आहे. सांगली जिल्ह्याच्या अनेक भागामध्ये सोसाट्याच्या वाऱ्यासह पावसाला सुरुवात झाली आहे. तासगाव तालुक्यातील गोटेवाडी या ठिकाणी गारासह अवकाळी पावसानं हजेरी लावली आहे. तासगाव, कवठेमहांकाळ भागासह सांगली शहरांमध्ये जोरदार पावसाला सुरुवात झाली आहे.

गारांच्या पावसामुळे शेतकऱ्यांच्या पिकांचे मोठ्या प्रमाणात नुकसान

सांगली जिल्ह्याच्या अनेक भागामध्ये सोसाट्याच्या वाऱ्यासह पावसाला सुरुवात झाली आहे. तासगाव तालुक्यातील गोटेवाडी या ठिकाणी गारासह अवकाळी पावसाने हजेरी लावली आहे. तासगाव, कवठेमहांकाळ कुपवाड भागासह सांगली शहरांमध्ये पाऊसास सुरुवात झाली आहे. गारांच्या पावसामुळे शेतकऱ्यांच्या पिकांचे मोठ्या प्रमाणात नुकसान झाले आहे. तसेच तासगाव तालुक्यात द्राक्ष शेतीला मोठा फटका बसला आहे.

गडचिरोलीत उष्णतेचा कहर; 44 डिग्री तापमानात

विदर्भात तापमानाचा पारा वाढला आहे. गडचिरोली जिल्ह्यातील उष्णतेचा पारा 44 अंशांवर पोहोचला आहे. या कडाक्याच्या उन्हाचा फटका आता वीज यंत्रणेलाही बसतोय. आल्लापल्ली येथील 132 केव्ही उपकेंद्रातील मुख्य ट्रान्सफॉर्मर ओव्हरहिट होऊ नये म्हणून महावितरणने चक्क कुलरचा वापर सुरू केला आहे. वाढत्या लोडमुळे आणि उष्णतेमुळे ट्रान्सफॉर्मरचे तापमान नियंत्रणात ठेवण्यासाठी ही अनोखी शक्कल लढवण्यात आली आहे. त्यामुळे भर उन्हात माणसांसोबत आता यंत्रांनाही कुलरची गरज भासू लागल्याचं चित्र गडचिरोलीत पाहायला मिळतंय.

नांदेड जिल्ह्यातील भोकर तालुक्यात जोरदार पाऊस

नांदेड जिल्ह्यातील भोकर तालुक्यात आज अचानक सोसाट्याच्या वाऱ्यासह पावसाने हजेरी लावली. कडक उन्हाने त्रासलेल्या भोकर वासियाना या पावसामुळे काही वेळ का असेना दिलासा मिळाला आहे. उमरी हिमायतनगर देगलूर या तालुक्यात आता ढगाळ वातावरण तयार झाल्याने पावसाची शक्यता वर्तवण्यात येत आहे. अशा पावसानंतर उन्हाचा त्रास जास्त होतो.

वाशिम जिल्ह्यात तापमान वाढले, शाळांच्या वेळेत बदल

वाशिम जिल्ह्यात सध्या उन्हाची तीव्रता मोठ्या प्रमाणावर वाढली असून, उन्हाचा पारा44 ℃ पर्यंत गेल्याने उष्णतेच्या लाटेचा फटका लहान मुलांच्या आरोग्यावर बसू नये यासाठी जिल्हा प्रशासनाने शाळेच्या वेळेत बदल केला आहे. 29 एप्रिल पासून शाळा सकाळी 7ते 11 या वेळेत भरविण्याचे आदेश देण्यात आले आहेत. जिल्हा परिषदेच्या प्राथमिक शिक्षण विभागाने दिले आहे.

NCP Sangli News: राष्ट्रवादी काँग्रेसमधील पक्षांतर्गत संघर्ष उफाळला; 35 पदाधिकाऱ्यांनी शहर जिल्हाध्यक्षांकडे दिले राजीनामे, नेमकं प्रकरण काय?

कुलदीप माने, एबीपी माझा — Sun, 19 Apr 2026 15:31:59 +0530

सांगली: सांगलीत राष्ट्रवादी अजित पवार (NCP Ajit Pawar) पक्षांतर्गत संघर्ष आणखी उफाळला आहे. महापालिका गटनेत्याच्या विरोधात संताप व्यक्त करत तब्बल ३५ पदाधिकाऱ्यांनी शहर जिल्हाध्यक्षांकडे राजीनामे दिले आहेत. अजितदादांच्या (NCP Ajit Pawar) निधनानंतर धाक राहिला नाही, मनमानी कारभार केल्याचा गंभीर आरोप थेट शहर जिल्हाध्यक्षांनी केला आहे. त्याचबरोबर मैनुद्दीन बागवान यांच्यावर कारवाईची मागणी केली आहे. (NCP Ajit Pawar)

Sangli NCP: संतप्त झालेल्या ३५ शहर जिल्ह्याच्या पदाधिकाऱ्यांनी....

सांगली महापालिकेमध्ये स्वीकृत नगरसेवक पदाच्या निवडीवरून राष्ट्रवादी अजित पवार पक्षांतर्गत संघर्ष आणखी चिघळला आहे. पक्षाच्या प्रदेशकडून दिगंबर जाधव आणि स्नेहल सावंत यांचे नाव अधिकृत लेटरहेडवर आले असताना ऐनवेळी गटनेते मैनुद्दीन बागवान यांनी जाधव यांचे नाव काढून अशोक मासाळ यांचे नाव घातले. या कारभारामुळे संतप्त झालेल्या ३५ शहर जिल्ह्याच्या पदाधिकाऱ्यांनी शहर अध्यक्ष जगदाळे यांच्याकडे राजीनामे सुपूर्त केले आहेत.

Sangli NCP: पक्षाचा आदेश डावलून अधिकृत...

प्रदेशकडून दोन जणांची नावे आली. त्या पत्रावर असलेले एक नाव गट नेत्याने परस्पर बदलले. यामुळे पक्षाची बदनामी होईल असा मेसेज जाईल असे सांगितले. मात्र, अजितदादा पवार यांच्या निधनानंतर धाक राहिला नसल्यासारखे वागून त्यांनी मनमानी कारभार करून पक्षाचा आदेश डावलून अधिकृत नाव न घालता दुसरे नाव घालण्याचे धाडस केले आहे. त्यामुळे गटनेते मैनुद्दीन बागवान यांची पदावरून हकालपट्टी करावी. याविरोधात पक्षात संतापाची लाट आहे. पदाधिकाऱ्यांनी माझ्याकडे राजीनामे दिले आहेत. याबाबत प्रदेश पातळीवर वरिष्ठ नेत्यांशी आम्ही चर्चा करणार असल्याची प्रतिक्रिया पद्माकर जगदाळे यांनी दिली आहे.

Sangli NCP: अशोक मासाळे यांच्या निवडीवर आक्षेप

ज्या अशोक मासाळे यांना स्वीकृत नगरसेवक म्हणून संधी देण्यात आली, त्यांच्यावरही जाधव यांनी निशाणा साधला. मासाळे यांनी राष्ट्रवादी आणि काँग्रेस अशा दोन्ही पक्षांकडे अर्ज केला होता. त्यांचा पक्षाशी कोणताही जुना किंवा थेट संबंध नाही. अशा व्यक्तीला संधी देऊन निष्ठावान कार्यकर्त्यांवर अन्याय केल्याची भावना जाधव यांनी व्यक्त केली आहे. मोठी आर्थिक उचल घेऊन आपले नाव कापले गेल्याची चर्चा महापालिका वर्तुळात सुरू असल्याचे सांगत, त्यांनी बागवान यांच्यावर कारवाई करण्याची मागणी केली आहे.

Sangli NCP: वरिष्ठ नेत्यांकडे धाव घेणार

या प्रकारानंतर दिगंबर जाधव कमालीचे आक्रमक झाले असून त्यांनी वरिष्ठ स्तरावर दाद मागण्याचा निर्णय घेतला आहे. या प्रकरणाची रितसर तक्रार दोन्ही जिल्हाध्यक्ष, नेते संजयकाका पाटील, प्रदेशाध्यक्ष सुनील तटकरे, सुनेत्रा पवार आणि पार्थ पवार यांच्याकडे करण्यात येणार आहे. गटनेत्यांनी पक्षाची शिस्त मोडल्याबद्दल त्यांच्यावर कठोर कारवाई करण्याची मागणी जाधव यांनी केली आहे. निवड प्रक्रियेच्या तोंडावर राष्ट्रवादीतील ही गटबाजी आणि भ्रष्टाचाराचे आरोप चव्हाट्यावर आल्याने पक्षश्रेष्ठी आता काय भूमिका घेतात? याकडे सर्वांचे लक्ष लागले आहे.

आणखी वाचा - Sangli NCP: सांगलीमध्ये राष्ट्रवादीत 'स्वीकृत'वरून राडा! गटनेत्यांनी पद विकल्याचा ज्येष्ठ नेत्याचा खळबळजनक आरोप, थेट सुनेत्रा पवारांकडे तक्रार करणार, नेमकं काय घडलं?

Vishwas Nangare Patil : 5 मिनिटात प्रेरणादायी विचार नांगरे पाटलांचे कोकरूडमधील भाषण

abp majha web team — Sun, 19 Apr 2026 13:33:15 +0530

Vishwas Nangare Patil : 5 मिनिटात प्रेरणादायी विचार नांगरे पाटलांचे कोकरूडमधील भाषण

Follow AI generated Transcription - (खालील डिस्क्रिप्शन AI जनरेटेड आहेत. त्यामध्ये त्रुटी असू शकतात)

विपरीत परिस्थितियों में कुछ लोग टूट जाते हैं और कुछ लोग रिकॉर्ड तोड़ देते हैं। डॉक्टर नरेंद्र जाधव सरांनी त्यांच्या आयुष्याचा जो समर प्रवास सांगितलेला आहे तो इतका प्रेरणादायी आहे आणि एका विशिष्ट उंचीवर कारण सत्यजीत भाऊंनी सुरुवात केली आणि ते एका अत्युच्च उंचीवर गेलेलं असं एक मंत्रलेलं वातावरण या ठिकाणी आहे हे ज्ञानदेवे रचिला पाया तुका झालासे कळस कळसावरती गेल्यानंतर माझ्यासारखा पामर काय बोलणार आहे? नरेंद्र नावच जादुमयी आहे आणि तीन नरेंद्र यांची उपमा बरीच गुरुजींनी सरांना दिली. त्यात नरेंद्र हे स्वामी विवेकानंदांचं नाव आहे आणि त्यांच्या जीवन प्रवासाचं आणि आपल्या जीवन प्रवासाचं कारण जेवढे मोठे संकट तेवढं मोठं यश जेवढा मोठा संघर्ष तेवढं मोठं यश आणि एकदा ध्येय निश्चित केल्यानंतर उठ जागा हो आणि जोपर्यंत ध्येय मिळत नाही तोपर्यंत मार्गक्रमण करत रहा. सर आपण डॉक्टर बाबासाहेब आंबेडकरांनी जो विचार दिला देणाऱ्याने देत जावे घेणाऱ्याने घेत जावे आणि घेता घेता एक दिवस देणाऱ्याचे हात घ्यावे ते विचार घेऊन आपण ते विचार त्या त्या विचारांचे सगळे सगळी रत्न माणकं ही लोकांमध्ये पसरवताय सर ती खूप महत्त्वाची आहेत. आपल्याला सगळ्यांना एक नम्रपणे मी नमूद करू इच्छितो की आयुष्यात सगळ्यात महत्त्वाचं पुस्तक कुठलं वाचायचं असेल तर या देशाची राज्यघटना हे सगळ्यात महत्त्वाचं पुस्तक आहे आणि त्याच्यावर खगोल चिंतन सरांनी त्यांच्या पुस्तकात केलेलं आहे समग्र साहित्य त्यांचं डॉक्टर बाबासाहेब आंबेडकरांच्या जीवनावर पण आहे आणि घटनेवरती सुद्धा आहे. वी द पीपल ऑफ इंडिया हॅविंग सोलेमली रिसॉल्व्ड टू कॉन्स्टिट्यूट आवरसेल्फ्स इनटू सोवरिन सोशलिस्ट सेक्युलर डेमोक्रॅटिक रिपब्लिक अँड टू अचीव टू ऑल इट्स सिटीजन्स सोशल इकॉनॉमिक अँड पॉलिटिकल जस्टिस फ्रीडम ऑफ स्पीच बिलीफ एक्सप्रेशन फेथ इक्वालिटी ऑफ स्टेटस अँड अपॉर्चुनिटी आणि फ्रॅटर्निटी हे घटनेचा मूलभूत गाभा जो आहे सरनामा ज्याला म्हणतो आपण त्यात सगळं सार आहे आणि ते आपल्याला कळत नाही आम्ही भारताचे लोक भारताचे एक सार्वभौम समाजवादी धर्मनिरपेक्ष लोकशाही गणराज्य बनव बनवणार आहोत या पाच वेगवेगळ्या शब्दांची व्याख्या अफाट आहे सगळ्यांना सामाजिक आर्थिक आणि राजकीय न्याय मिळेल सगळ्यांना बोलण्याचं राहण्याचं विचार व्यक्त करण्याचं स्वातंत्र्य मिळेल आणि दर्जाची आणि संधीची समानता मिळेल सगळ्यात महत्त्वाचं जे आहे ते दर्जाची आणि संधीची समानता खरा बाप तो बाबासाहेब आंबेडकर ज्यांनी सगळ्या समाजाचं उत्थापन केलं आणि एक दिशा दाखवली आणि त्या दिशेतनं चाशी रत्न माणकं घडली ना सरांचा प्रवास कुठं शब्द फुटत नव्हते नाशिकच्या ओझरची भाषा त्यांच्या शाळेत बोलताना त्यांना लाज वाटत होती आणि ते कुठे गेले आयएमएफचं प्रतिनिधित्व करायला राज्यसभेवर खासदार म्हणून आरबीआयचे डायरेक्टर म्हणून लोक पुणे विद्यापीठासारख्या विद्यापीठाचे कुलगुरु म्हणून किती किती उदाहरणं आहेत मग यातलं शिकायचं आहे बाबांनो हे तुमच्यासाठी एक मोठं मोठं तुम्हाला एक ब्रेनस्टॉर्मिंग आहे की आपण कुठून कुठपर्यंत जाऊ शकतो मोठ्या घरात जन्म घेतला दैवायतम तु कुले महायतम तु पौरुषम कोणत्या कुळात जन्म घ्यावा हे माझ्या हातामध्ये नाहीये परंतु पुरुषार्थ काय दाखवणं ते माझ्या मनगटामध्ये आहे ते डॉक्टर नरेंद्र जाधव सरांनी दाखवलेला आहे त्यामुळे समाजात म्हणजे गौतम बुद्ध यांचे एक जातककथा मी वाचलेली होती सर बौद्ध गौतम बुद्ध नदीत आंघोळ करत होते आणि आंघोळ करताना त्यांना एक विंचू चावला विंचू किती चावल्यानंतर वेदना होतील माहिती आहे ते चावला तर त्यांनी तो विंचू नाही त्यांनी पाहिलं एक तो विंचू बुडतोय विंचू बुडतोय म्हणून त्याला उचलून घेतलं आणि तो विंचू चावला त्यांना त्यांना चावल्यानंतर त्यांनी फेकून दिला परत बुडायला लागला परत उचलून घेतला परत चावला परत तो दंश एकदम वेदना झाली आणि परत फेकून दिला परत उचलला ते काळे निळे पडायला लागले शेजारी एक वाटसरू जात होता तो म्हटला की अहो बुद्ध महाराज तुम्ही वेडे झालेत काय तुम्हाला अजून दोन तीनदा तो विंचू चावला तर तुमचा जीव जाईल तुम्ही मरून जाल त्यावेळेस शांतपणे त्यांनी उत्तर दिलं दिलं अरे विंचवाचा चावणं आणि दंश करणं हा त्याचा धर्म आहे त्याला वाचवणं हा माझा माणसाचा धर्म आहे तो जर आपला धर्म सोडत नसेल तर मी माझा धर्म का सोडू त्यामुळे आपल्याला समाजात अनेक दंश होतात कधी मृदू व्हायचं कधी कठीण व्हायचं घरामध्ये भावाभावांची भांडणं शेजारची भांडणं भावकीतली भांडणं दुसऱ्याचं आम्हाला चांगलं बघवत नाही शेजारचं पोरगं मोठं झालं तरी बघवत नाही आपण सगळ्यांना मोठं करूयात ना आपल्यात याच्यातनं शिवाजीराव देशमुख साहेब घडलेले आहेत नरेंद्र जाधव साहेब घडलेले आहेत कुठल्यातरी एका ओझर सारख्या गावातनं अशी आपल्या गावातली नवीन पिढी घडवूयात असा संकल्प आपण सगळेजण कारण भाऊंचं तेच मत आहे आता शाळेत तेच विचार त्यांनी दाखवलं ते एक विजन ते स्वप्न आम्ही उडू शकलो नाही आम्ही पळू आम्ही पळू शकलो नाही मी चालू आम्ही चालू नाही शकलो तर क्रॉलिंग करून रांगत रांगत जाऊ पण त्या एक्सलन्सच्या दिशेने म्हणजे गेला तर टपला जायचं सर हेच उद्दिष्ट आपण आपल्या मुलांसाठी ठेवू असा प्रण करूयात आणि पुन्हा एकदा जाधव सरांचे खूप खूप आभार आपल्या सगळ्यांना शुभेच्छा धन्यवाद

Sangli NCP: सांगलीमध्ये राष्ट्रवादीत 'स्वीकृत'वरून राडा! गटनेत्यांनी पद विकल्याचा ज्येष्ठ नेत्याचा खळबळजनक आरोप, थेट सुनेत्रा पवारांकडे तक्रार करणार, नेमकं काय घडलं?

कुलदीप माने, एबीपी माझा — Sun, 19 Apr 2026 08:38:45 +0530

Sangli NCP: सांगली महानगरपालिकेच्या (Sangli Municipal Corporation) स्वीकृत नगरसेवक निवडीवरून अजित पवार यांच्या राष्ट्रवादी काँग्रेसमध्ये (NCP Ajit Pawar Faction) अंतर्गत वादाचा मोठा स्फोट झाला आहे. पक्षाचे ज्येष्ठ नेते दिगंबर जाधव यांनी गटनेते मैनुद्दीन बागवान यांच्यावर गंभीर आरोप करत, स्वीकृत सदस्य पदासाठी मोठी आर्थिक देवाणघेवाण झाल्याचा दावा केला आहे. या प्रकरणामुळे राजकीय वर्तुळात मोठी खळबळ उडाली आहे.

Sangli NCP: पक्षश्रेष्ठींचा आदेश धाब्यावर?

दिगंबर जाधव यांच्या दाव्यानुसार, त्यांच्या नावासाठी सांगली जिल्ह्यातील सर्व वरिष्ठ पदाधिकारी आणि राष्ट्रवादी काँग्रेसच्या प्रदेश कार्यालयाकडून अधिकृत शिफारस पत्र आले होते. असे असतानाही गटनेते मैनुद्दीन बागवान यांनी पक्षश्रेष्ठींचा आदेश डावलून ऐनवेळी दुसऱ्या नावाचा प्रस्ताव दिला. "केवळ आर्थिक उलाढालीतून माझे नाव कापण्यात आले," असा थेट आरोप जाधव यांनी केला आहे.

Sangli NCP: अशोक मासाळे यांच्या निवडीवर आक्षेप

Sangli NCP: वरिष्ठ नेत्यांकडे धाव घेणार

इतर महत्त्वाच्या बातम्या

Bhendwal Bhavishyvani 2026: रशिया युक्रेनमधील युद्ध शमणार की भडकणार? साडेतीनशे वर्षाची परंपरा असलेल्या भेंडवळची आज होणार घट मांडणी, भाकितांकडे साऱ्याचं लक्ष

PM Modi and Nana Patole: मी मोदींचं भाषण मोबाईलवर ऐकत होतो, अनेकजण त्यांना 'फेकू' बोलत होते; नाना पटोलेंची बोचरी टीका

मुलगी पळवून नेल्याचा आरोप, 8 दिवस जेलमध्ये होतो, मंत्री चंद्रशेखर बावनकुळेंनी सांगितला मजेशीर किस्सा

एबीपी माझा वेब टीम — Sat, 18 Apr 2026 19:35:07 +0530

Chandrashekhar Bawankule : राज्याचे महसूलमंत्री चंद्रशेखर बावनकुळे (Chandrashekhar Bawankule ) यांनी सांगली आयोजीत करण्यात आलेल्या एक मजेशीर किस्सा सांगितला आहे. मी 20 वर्षांचा असताना पत्नीसोबत चित्रपट पाहायला गेलो होतो. त्यावेळी माझी पत्नी अल्पवयीनं होती. यावेळी चित्रपट गृहातून बाहेर आल्यावर पोलिसांनी आम्हाला पडकल्याचा मजेशीर किस्सा चंद्रशेखर बावनकुळे यांनी सांगितला आहे. माझी पत्नी अल्वयीन आहे हे सांगून देखील माझ्यावर मुलगी पळवून नेल्याचा आरोप करण्यात आला आणि पोलिसांनी मला तुरुंगात टाकल्याचे बावनकुळे म्हणाले.

मुलगी पळवून नेल्याचा गुन्हा दाखल झाला आणि मला पोलिसांनी तुरुंगात टाकले

मंत्री चंद्रशेखर बावनकुळेंनी सांगलीच्या एका कार्यक्रमात मजेशीर किस्सा सांगितला आहे. मी 20 वर्षांचा असताना पत्नीसोबत चित्रपट पाहायला गेलो होतो. तेव्हा माझी पत्नी अल्पवयीन होती. चित्रपटगृहातून बाहेर आल्यावर पोलिसांनी आम्हाला पकडलं माझी पत्नी त्यावेळी अल्पवयीन असल्यामुळे तिने सांगून देखील माझ्यावर मुलगी पळवून नेल्याचा गुन्हा दाखल झाला आणि मला पोलिसांनी तुरुंगात टाकले असा किस्सा त्यांनी सांगितला. तब्बल दीड वर्ष ही केस सुरू होती असंही बावनकुळे यांनी यावेळी सांगितलं. मी आठ दिवस जेलमध्ये होतो असेही ते म्हणाले. दरम्यान. चंद्रशेखर बावनकुळे यांच्या या वक्तव्याने सभागृहात एकच हशा पिकल्याचं पाहायला मिळालं.

आमचं प्रेम जुळलं तेव्हा पत्नी 16 वर्षाची होती आणि मी 20 वर्षाचा

आमचं प्रेम जुळलं तेव्हा पत्नी 16 वर्षाची होती आणि मी 20 वर्षाचा होता. आम्ही दोघेही अल्पवयीन होतो. त्यावेळी आम्ही कयामत से कयामत चित्रपट पाहायला गेलो होतो. चित्रपट पाहून बाहेर आल्यावर पोलिसांनी आम्हाला पकडलं. आम्ही दोघेही छोटे छोटे होतो. पण आम्हाला कोणालाच काही सांगता येत नव्हते. काही कारण नसतना पोलीस मला पोलीस स्टेशनला घेऊन गेले. अल्वयीन मुलगी पळवून नेली म्हणून माझ्यावर केस लावल्याचे बावनकुळे म्हणाले.

Sangli Crime News: किरकोळ वादनं संतापाचं टोक गाठलं; पोटच्या लेकाने आईला संपवलं, सांगली जिल्ह्यातील मानमोडी गाव हादरलं

कुलदीप माने, एबीपी माझा — Fri, 17 Apr 2026 07:44:47 +0530

Sangli Crime News : पत्नीला घरात ठेवण्यावरून झालेल्या वादात पोटाच्या मुलानेच तोंडावर उशी दाबून आईचा खून (Crime News) केल्याची घटना सांगली (Sangli Crime News) जिल्ह्यातील कुपवाडनजीक मानमोडी या गावी उघडकीस आली आहे. या प्रकरणी संशयित तरूणाला पोलीसांनी ताब्यात घेतले आहे. मात्र या घटनेने परिसरात मोठी खळबळ (Sangli Crime) उडाली आहे. पत्नीला घरात ठेवण्यावरून झालेल्या वादात आणि काही अन्य कारणातून ही घटना घडल्याचे प्राथमिक तपासातून समोर येत आहे.

Sangli Crime News: वैद्यकीय पासणीत समोर आलं मृत्यूचे कारण, लेकांनच संतापाचं टोक गाठलं

कुपवाडमधील औद्योगिक वसाहत पोलीस ठाण्यातून मिळालेल्या माहितीनुसार, मिरज तालुक्यातील मानमोडी येथे गुरूवारी संगीता जीवन झेंडे (वय 48) या महिलेचा संशयास्पद मृत्यू झाल्याचे निदर्शनास आले. पोलीसांनी मृतदेह तात्काळ सांगलीतील जिल्हा सामान्य रूग्णालयात शवविच्छेदनासाठी पाठवला. वैद्यकीय तपासणीमध्ये महिलेचा मृत्यू श्‍वास कोंडल्यामुळे झाला असल्याचे निदर्शनास आले. मृत्यूचे कारण वैद्यकीय पासणीत समोर आल्यानंतर पोलीसांनी मुलगा जगदीश झेंडे (वय 28) याला चौकशीसाठी ताब्यात घेतले असता, त्यानेच हा खून केल्याचे स्पष्ट केले. मुलानेच रात्री आई झोपी गेली असताना तिच्या तोंडावर उशीने दाबून तिचा खून केला असल्याची प्राथमिक माहिती समोर आली आहे. या प्रकरणी संशयितास ताब्यात घेण्यात आल्याचे सहायक पोलिस निरीक्षक आनंदराव घाडगे यांनी सांगितले.

आमदार चषकाच्या अंतिम सामना सुरू असताना मद्यपीने थेट खेळपट्टीवर नांगर फिरवला

जळगाव ग्रामीण आमदार चषकाच्या अंतिम सामना सुरू असताना एका मद्यपी ट्रॅक्टर चालकाने थेट खेळपट्टीवर नांगर चालविण्याची खळबळजनक घटना धरणगावातील क्रीडा मैदानावर घडली आहे. क्रिकेटची मॅच सुरू असताना थेट नांगर फिरवले जात असल्याचा व्हिडिओ सोशल मीडियात मोठ्या प्रमाणात व्हायरल होत आहे. धरणगाव येथील क्रिकेट मैदानावर आमदार चषक क्रिकेट स्पर्धेचा अंतिम सामना सुरू असतानाच खेळपट्टीवर नागर चालविण्याची घटना घडल्यामुळे काही वेळ तणावाचे वातावरण निर्माण झाले होते. अंतिम सामना रंगात असताना एका मद्यपीने ट्रॅक्टरवर थेट मैदानात प्रवेश केला आणि चक्क खेळपट्टीवर नांगर चालवायला सुरुवात केली. विशेष म्हणजे अनेक राजकीय आणि सामाजिक कार्यकर्ते मैदानावर असताना ही घटना घडल्यामुळे घटनेचे गंभीर्य वाढले. कुणाला काही कळण्याच्या आतच खेळपट्टीचे पूर्ण नुकसान झाल्यामुळे सामना रद्द करावा लागला. आयोजक आणि स्पर्धक यांच्या मधील मानापमान नाट्यातून ही घटना घडली असल्याची प्राथमिक माहिती समोर आली आहे.

दरम्यान, क्रीडाप्रेमी आणि क्रीडा रसिकांची या घटनेमुळे मोठी निराशा झाली असून राजकीय दिग्गज मैदानात उपस्थित असताना ही घटना घडल्यामुळे गांभीर्य वाढले असल्याची प्रतिक्रिया क्रीडा प्रेमी ॲड. हरिहर पाटील यांनी दिली आहे. दरम्यान यासंदर्भात अद्यापपर्यंत धरणगाव पोलीस स्थानकात कुठल्याही प्रकारची नोंद नव्हती.

इतर महत्वाच्या बातम्या

धक्कादायक! नागपुरात जुन्या वादातून तरुणाला संपवलं, 11 अल्पवयीन आरोपींना अटक

हळद उत्पादक शेतकरी संकटात, दरात घसरण झाल्यानं मोठा फटका, राजू शेट्टीं आक्रमक, आंदोलनाचा इशारा

गणेश लटके — Mon, 13 Apr 2026 21:25:12 +0530

Raju Shetti : सध्या हळद उत्पादक शेतकरी संकटता आहेत. कारण हळदीच्या दरात मोठी घसरण झाली आहे. याचा मोठा फटका शेतकऱ्यांना बसत आहे. सांगली जिल्ह्यातील हळद उत्पादक शेतकऱ्यांसमोरील गंभीर आर्थिक परिस्थितीच्या पार्श्वभूमीवर स्वाभिमानी शेतकरी संघटनेचे नेते राजू शेट्टी यांनी आज सांगली जिल्हाधिकारी कार्यालयात जिल्हाधिकाऱ्यांची भेट घेतली. शेतकऱ्यांच्या विविध मागण्यांसंदर्भात सविस्तर चर्चा करून हळदीच्या दरात होत असलेली कृत्रिम घसरण, व्यापाऱ्यांकडून होणारी कथित लूट आणि बाजारातील अनियमितता याकडे लक्ष वेधत तातडीने हस्तक्षेप करण्याची मागणी करण्यात आली.

सध्या हळदीचे दर सुमारे 14000 रुपये प्रति क्विंटलवर घसरले

सांगली जिल्ह्यातील एनसीडीएक्स (NCDEX) मान्यताप्राप्त गोडाऊनमध्ये सुमारे बाराशे टन हळद साठवून ठेवण्यात आली आहे. NCDEX चे बाजार सदस्य उंच दरांत एक्सचेंज वर माल विकून खालच्या दर्जाचा आणि दराचा जुना माल डिमेंट वेअरहाऊस मध्ये चुकीच्या पद्धतीने जमा करत असल्याची शंका व्यक्त करण्यात येत आहे. ज्यामुळे दर पडून शेतकऱ्यांचे दरात खूप नुकसान होते. NCDEX प्रमाणित NCCL वेअरहाऊस मध्ये मोठ्या प्रमाणात खालच्या दर्जाचा माल मोठ्या प्रमाणात जमा केल्यामुळे, बाजारात मोठ्या प्रमाणात आवक झाली असे आभासी / कृत्रिम चित्र निर्माण झाले आणि त्यामुळे सांगली सह संपूर्ण महाराष्ट्राच्या बाजारातील दरात घसरण झाली आहे. या कृत्रिम परिस्थितीचा परिणाम म्हणून सध्या हळदीचे दर सुमारे 14000 रुपये प्रति क्विंटल इतके खाली आले आहेत, जे शेतकऱ्यांच्या दृष्टीने अत्यंत तोट्याचे ठरत आहेत.

बियाणे, खते, कीटकनाशके, मजुरी, सिंचन, वाहतूक खर्च वाढला, मात्र हळदीचे दर कमी झाले

राजू शेट्टी यांनी मांडलेल्या माहितीनुसार, हळद उत्पादनासाठी लागणारा खर्च गेल्या काही वर्षांत प्रचंड वाढला आहे. बियाणे, खते, कीटकनाशके, मजुरी, सिंचन, वाहतूक यांसह सर्वच घटकांचा खर्च वाढलेला असताना, हळदीला मिळणारा दर मात्र वाढण्याऐवजी कमी झाल्याचे दिसून येत आहे. सन 2010 मध्ये हळदीला सुमारे 16000 रुपये प्रति क्विंटल दर मिळत होता. मात्र तब्बल 16 वर्षांनंतरही आज हा दर केवळ 14000 रुपयांवर येऊन ठेपला आहे. म्हणजेच, उत्पादन खर्च वाढूनही शेतकऱ्यांना मिळणाऱ्या दरात घट झाली असून, यामुळे त्यांचे मोठ्या प्रमाणात आर्थिक नुकसान होत आहे.

व्यापारी व साठेबाजांकडून संगनमताने हळदीचे दर खाली आणण्याचा प्रयत्न

यावेळी संघटनेच्या वतीने असा आरोप करण्यात आला की, काही व्यापारी व साठेबाज यांनी संगनमताने हळदीचे दर खाली आणण्याचा प्रयत्न सुरू केला आहे. एनसीडीएक्स गोडाऊनमधील कमी दर्जाच्या साठ्याचा वापर करून बाजारात अधिक पुरवठा असल्याचा भास निर्माण केला जात आहे आणि त्याद्वारे शेतकऱ्यांना कमी दरात हळद विकण्यास भाग पाडले जात आहे. ही परिस्थिती शेतकऱ्यांसाठी अत्यंत अन्यायकारक असून, यावर तात्काळ नियंत्रण आणण्याची आवश्यकता असल्याचे मत व्यक्त करण्यात आले.

हळदीच्या बाजारभावावर कृत्रिम परिणाम करणाऱ्यांवर तातडीने उपाययोजना कराव्या

राजू शेट्टी यांनी जिल्हाधिकाऱ्यांकडे केलेल्या निवेदनात या प्रकरणाची सखोल चौकशी करून दोषींवर कठोर कारवाई करावी, अशी मागणी केली आहे. तसेच हळदीच्या बाजारभावावर कृत्रिम परिणाम करणाऱ्या घटकांवर नियंत्रण ठेवण्यासाठी प्रशासनाने तातडीने उपाययोजना कराव्यात, असेही नमूद करण्यात आले. बाजार समित्यांमध्ये पारदर्शकता वाढवणे, NCDEX गोदामातील साठ्यावर नजर ठेवणे आणि शेतकऱ्यांना योग्य दर मिळावा यासाठी शासनाने सक्रिय भूमिका घ्यावी, अशी अपेक्षा व्यक्त करण्यात आली. याव्यतिरिक्त, एप्रिल 2026 च्या करारासाठी गोदामात जमा करण्यात आलेल्या हळदीच्या साठ्याची तपासणी आणि निरीक्षण करावे, तसेच NCDEX च्या निकषांनुसार सरकारी संस्थांमार्फत (उदा. FSSAI) प्रथम गुणवत्तेची खात्री करून घ्यावी; आणि त्यानंतरच NCCL व NCDEX ‌द्वारे एप्रिल २०२६ च्या करारासाठी 'डी-मॅट' स्वरूपातील व्यापारा‌द्वारे होणाऱ्या वितरणास (delivery) मंजुरी द्यावी अशीही मागणी करण्यात आली आहे.

हळदीला किमान 18000 ते 20000 रुपये प्रति क्विंटल दर मिळावा

शेतकऱ्यांच्या हितासाठी संघटनेने एक महत्त्वाचे आवाहनही केले आहे. जोपर्यंत हळदीला किमान 18000 ते 20000 रुपये प्रति क्विंटल दर मिळत नाही, तोपर्यंत शेतकऱ्यांनी घाईघाईने हळद बाजारात विक्रीस आणू नये. बाजारातील सध्याची परिस्थिती ही शेतकऱ्यांच्या विरोधात असून, अशा वेळी संयम राखणे आवश्यक आहे, असे मत संघटनेने व्यक्त केले आहे. एकत्रितपणे निर्णय घेतल्यासच शेतकरी आपल्या उत्पादनाला योग्य दर मिळवू शकतील, असा विश्वास व्यक्त करण्यात आला.

शासनाने हळदीसाठी हमीभाव जाहीर करण्याबाबतही सकारात्मक भूमिका घ्यावी

याशिवाय, शासनाने हळदीसाठी हमीभाव जाहीर करण्याबाबतही सकारात्मक भूमिका घ्यावी, अशी मागणी करण्यात आली आहे. हळद ही एक महत्त्वाची नगदी पिक असून, तिच्या दरातील अस्थिरतेमुळे शेतकऱ्यांच्या उत्पन्नावर मोठा परिणाम होतो. त्यामुळे हळदीसाठी स्थिर आणि हमीदार किंमत व्यवस्था उभी करणे ही काळाची गरज असल्याचे मत व्यक्त करण्यात आले. या संपूर्ण प्रकरणामुळे सांगली जिल्ह्यासह राज्यातील हळद उत्पादक शेतकऱ्यांमध्ये तीव्र नाराजीचे वातावरण निर्माण झाले आहे. प्रशासनाने तात्काळ योग्य निर्णय घेतला नाही, तर शेतकरी आंदोलनाचा मार्ग अवलंबू शकतात, असा इशाराही संघटनेच्या वतीने देण्यात आला आहे. शेतकऱ्यांना न्याय मिळवून देण्यासाठी संघटना कटिबद्ध असून, गरज पडल्यास पुढील तीव्र आंदोलन छेडण्यात येईल, असा इशारा देत शासनाने शेतकऱ्यांच्या हितासाठी तातडीने ठोस पावले उचलावीत, असे आवाहन करण्यात आले.

Sangli Crime: अनैतिक संबंधात अडसर ठरत असलेल्या पतीचा पत्नीनंच काटा काढला, प्रियकराच्या मदतीने संपवलं, मात्र सत्य समोर आलंच, घटनेनं कवठेमहांकाळ हादरलं!

कुलदीप माने, एबीपी माझा — Fri, 10 Apr 2026 07:49:37 +0530

Sangli Crime News : अनैतिक संबंधात पती अडसर ठरत असल्याने पत्नीने आपल्या प्रियकराच्या मदतीने पतीलाच संपवल्याची खळबळजनकघटना कवठेमहांकाळ (Kavathe Mahakal Crime) तालुक्यातील करोली( टी )गावात घडलीय. याप्रकरणी पोलिसांनी मयताची पत्नी, तिचा प्रियकर तसेच मयताची दोन्ही मुले या चार जणांवर गुन्हा (Crime News) दाखल केला आहे. भारत इराप्पा कर्पे (वय 58) असे खून झालेल्या पतीचे नाव आहे. तर पत्नी निलाबाई भारत कर्पे (वय 50) आणि तिचा प्रियकर बाबाजी गोविंद कर्पे (वय 42), मनोज भारत कर्पे ,अनिकेत भारत कर्पे असे संशयित आरोपींची नावे आहेत.

Sangli Crime वडिलांचा मृत्यू दारू पिऊन झाल्याचा खोटा बनाव रचला, मात्र सत्य समोर आलंच

मिळालेल्या माहितीनुसार, निलाबाई कर्पे आणि बाबाजी कर्पे यांचे अनेक दिवसापासून संबंध होते. दोघांच्या संबंधासाठी भारत कर्पे हे अडथळा ठरत होते. या रागातून 28 मार्च रोजी रात्री नऊच्या सुमारास निलाबाई कर्पे आणि बाबाजी कर्पे यांनी भारत कर्पे यांना काठीने बेदम मारहाण करत कायमचा काटा काढला. आपल्या कृत्यांचा कोणालाही सुगावा लागू नये या हेतूने भारत कर्पे यांचा मृतदेह मारुती इराप्पा कर्पे यांच्या घरासमोरील खिडकीस ठिबकच्या पाईपने गळफास घेतलेल्या अवस्थेत अडकून ठेवला. या घटनेची कल्पना मनोज कर्पे व अनिकेत कर्पे या त्यांच्या दोन्ही मुलांना झाली. दोन्ही मुलांनी भारत कर्पे यांचा मृतदेह उतरून कवठेमंकाळ उपजिल्हा रुग्णालयात आणला. वडिलांचा मृतदेह गळफास घेतलेल्या अवस्थेत काढून आल्याचे डॉक्टरांच्या पासून लपवून ठेवले, आणि वडिलांचा मृत्यू दारू पिऊन झाला, असं खोटं त्यांनी डॉक्टरांना सांगितले.

Kavathe Mahakal Crime : डॉक्टरांनी विच्छेदन करण्याचा सल्ला दिला, पण...

दरम्यान, डॉक्टरांनी विच्छेदन करण्याचा सल्ला दिला. मात्र त्यांनी तो न ऐकता वडिलांचा मृतदेह करोली (टी) येथे घेऊन गेले. त्यांनतर नातेवाईकांना बोलावून मृतदेह जाळून अंत्यविधी उरकण्यात आला. प्रकरणी पोलिसांनी मयताची पत्नी तिचा प्रियकर व दोन्ही मुलांच्यावर खून करून मृतदेह नष्ट केल्याप्रकरणी गुन्हा दाखल केला आहे. सध्या या घटनेचा अधिक तपास सहाय्यक पोलीस निरीक्षक दत्तात्रय कोळेकर करीत आहेत. याप्रकरणी पोलिसांनी मयताची पत्नी, तिचा प्रियकर तसेच मयताची दोन्ही मुले या चार जणांवर गुन्हा (Crime News) दाखल केला आहे.

इतर महत्वाच्या बातम्या

Sangli Crime News: सांगली जिल्हा गुन्ह्यांच्या मालिकेने हादरला; 10 किलोमीटरच्या अंतरातील घटना, कवलापूरला वेटरचा, कुपवाडला बांधकाम कामगाराचा अन् तरुणाला संपवलं

Sangli News: विशाल पाटील पुढचे खासदार नसणार, जीवाचं रान करू!; पडळकरांच्या आव्हानावर खासदारांचं प्रत्युत्तर, 'तुमचं स्वप्न धुळीस मिळेल'!

कुलदीप माने, एबीपी माझा — Tue, 7 Apr 2026 09:12:49 +0530

सांगली : 2029च्या लोकसभा निवडणुकीवरून (Loksabha Election) भाजपचे आमदार गोपीचंद पडळकर (Gopichand Padalkar) आणि खासदार विशाल पाटील (Vishal Patil) यांच्यात पुन्हा जुंपली आहे. विशाल पाटील (Vishal Patil) पुढचे खासदार नसणार त्यासाठी आपण जीवाचं रान करू असे म्हणत आमदार गोपीचंद पडळकर (Gopichand Padalkar) यांनी विशाल पाटील (Vishal Patil) यांना आव्हान दिले आहे, तर माझ्याविरुद्ध एक लोकसभा निवडणुक लढवून माझ्यापेक्षा कमी मते मिळणारे खासदारकीची स्वप्ने पाहत असतील तर ते स्वप्न धुळीस मिळेल असे म्हणत खासदार विशाल पाटील (Vishal Patil) यांनी गोपीचंद पडळकर (Gopichand Padalkar) यांना प्रत्युत्तर दिले आहे.

Gopichand Padalkar VS Vishal Patil : जतचे अध्यक्षपद ज्यांनी-ज्यांनी घालवलं आहे, त्यांचा-त्यांचा कार्यक्रम होणार

विशाल पाटील पुढचे खासदार नसणार त्यासाठी आपण जीवाचं रान करू आणि 2029 मध्ये सगळ्यांचा कार्यक्रम करू, असा गर्भित इशारा भाजपचे आमदार गोपीचंद पडळकर यांनी खासदार विशाल पाटील यांना दिला आहे. तसेच जतचे अध्यक्षपद ज्यांनी-ज्यांनी घालवलं आहे, त्यांचा-त्यांचा कार्यक्रम होणार, हे जाहीरपणे सांगतो असे म्हणत सांगली जिल्हा परिषदेतल्या पराभवानंतर आमदार गोपीचंद पडळकर यांनी खासदार विशाल पाटील आणि आमदार जयंत पाटलांनी हा इशारा दिला आहे.

Gopichand Padalkar VS Vishal Patil : मोठ्या लोकांच्यावर बोलून मते मिळतील हे स्वप्न धुळीस मिळेल

ज्यांनी माझ्याविरुद्ध एक लोकसभा निवडणुक लढवली आणि माझ्यापेक्षा कमी मते मिळाली ते आता खासदारकीची स्वप्ने पाहत असतील. पण जातीवाद करून एखादी निवडणूक जिंकली असेल पण त्यांनी विसरू नये की तुमचा कितीतरी वेळा पराभव झाला आहे. जिल्ह्यातील मोठ्या लोकांच्यावर बोलून मते मिळतील हे स्वप्न धुळीस मिळेल असे म्हणत खासदार विशाल पाटील यांनी पडळकर यांच्या टीकेला प्रत्युत्तर दिले आहे. पण ज्या ज्या मतदारसंघात भाजपचा पराभव होऊ शकतो त्या ठिकाणी भाजप राखीव मतदारसंघ करण्याचा प्रयत्न करू शकेल. ज्या वेळी याबतबतचे चित्र स्पष्ट होईल त्यावेळी निर्णय घेऊ असेही खासदार विशाल पाटील म्हणालेत.

Gopichand Padalkar VS Vishal Patil : 2029 मध्ये सांगली जिल्ह्यात भाजपाचे खासदार झाले पाहिजे

2029 मध्ये सांगली जिल्ह्यात भाजपाचे खासदार झाले पाहिजे. दोन्ही ठिकाणी भाजपचे खासदार झाले पाहिजे,अशी शपथ घ्या,असे आवाहन भाजप आमदार गोपीचंद पडळकर यांनी कार्यकर्त्यांना केले आहे. सांगलीमध्ये पालकमंत्री चंद्रकांत पाटील यांच्या उपस्थितीमध्ये पार पडलेल्या भाजपच्या वर्धापनदिनानिमित्ताने आयोजित मेळाव्यात ते बोलत होते.

आणखी वाचा - Parth Pawar Congress: 'कुटुंबीयांच्या पुण्याईने खासदार झालेल्या मुलाने काँग्रेसच्या डाऊनफॉलबद्दल बोलणं अतीच झालं'; काँग्रेसचं पार्थ पवारांना सणसणीत प्रत्युत्तर