Sangli Crime: सांगलीत बँक मॅनेजरच्या घरात 6 लाखांची चोरी, सीसीटीव्ही फुटेजमध्ये माजी सरपंच चोरी करताना दिसताच सगळेच थक्क झाले

Rohit Patil Sangli : दुष्काळाचं सावट दूर होऊ दे, रोहित पाटलांचं बाप्पाकडे साकडं

abp majha web team — Tue, 15 Sep 2026 23:05:29 +0530

Rohit Patil Sangli : दुष्काळाचं सावट दूर होऊ दे, रोहित पाटलांचं बाप्पाकडे साकडं

Rohit Patil: 'दुष्काळाचे संकट दूर होऊ दे अन्...', अंजनी ते तासगाव पायी प्रवास करत तासगावच्या गणरायाच्या चरणी रोहित पाटलांचं साकडं

कुलदीप माने, एबीपी माझा — Tue, 15 Sep 2026 12:22:44 +0530

तासगाव : तासगाव-कवठेमहांकाळसह संपूर्ण महाराष्ट्रावरील दुष्काळाचे संकट दूर व्हावे, शेतकऱ्यांच्या शेतात पुन्हा हिरवाई फुलावी आणि बळीराजाच्या जीवनात सुख-समृद्धी नांदावी, यासाठी तासगावचे आमदार रोहित पाटील (Rohit Patil) अंजनी ते तासगाव हा जवळपास 25 किलोमीटरचा पायी प्रवास करायला सुरुवात केली आहे. पायी प्रवास करत तासगावच्या गणरायाच्या चरणी आमदार रोहित पाटील साकडे घालणार आहेत. या पायी प्रवासादरम्यान दुष्काळाच्या वेदना घेऊन रोहित पाटील तासगावच्या गणरायाच्या चरणी साकडे घालणार आहेत. शेतकऱ्यांना मुबलक पाणी मिळावे, मुक्या जीवांच्या वाट्याला चारा-पाणी यावे आणि प्रत्येक शेतकरी कुटुंबाच्या आयुष्यात सुख-समृद्धी नांदावी, अशी प्रार्थना ते गणरायाकडे करणार आहेत. दरम्यान, तासगाव संस्थानचा रथोत्सवही आज होत असल्याने आमदार रोहित पाटील यांच्या या पायी पदयात्रेला विशेष महत्त्व प्राप्त झाले आहे. (Rohit Patil)

देवाकडे काहीतरी मागणं घालत असताना कष्ट घेत गेलं पाहिजे...

दुष्काळाच्या पार्श्वभूमीवर हे गणरायाला साकडं घालत आहात, काय आणखी मागणं आहे देवाकडे यावर बोलताना आमदार रोहित पाटील (Rohit Patil) म्हणाले, आज तासगावचा रथोत्सव आहे. आणि तासगावच्या रथोत्सवाला एक मोठी परंपरा आहे, गेली २५० पेक्षा अधिक वर्षं ही परंपरा तासगाव आणि या सांगली जिल्ह्यातील लोकांनी जपलेली आहे. आणि आज दुष्काळ असेल, शेतकऱ्यांवर आलेलं संकट असेल, या सगळ्याला कुठेतरी मदत व्हावी, सर्वसामान्य शेतकऱ्यांना आधार मिळावा, एवढीच विनंती आम्ही सर्व सहकारी मिळून गणपतीला घालतोय. आज तासगावचा रथोत्सव मोठ्या दिमाखात साजरा आम्ही सगळे मिळून करत असतो. आणि त्याच निमित्ताने अंजनी ते तासगाव आपण देवाला साकडं घालायला जात असताना काहीतरी प्रायश्चित्त असेल किंवा कष्ट असेल हे घ्यावं लागतं, आणि ते घेण्याची जिद्द आम्हा सर्वांची होती. आणि त्यामुळे आपण देवाकडे काहीतरी मागणं घालत असताना कष्ट घेत गेलं पाहिजे असं आम्हाला सर्वांना वाटलं, म्हणून आम्हा सर्वांनीच हा निर्णय घेतला, असंही पुढे रोहित पाटील यांनी म्हटलं आहे.

या प्रश्नांची जाणीव आम्ही सरकारला करून द्यायचा प्रयत्न करतोय

जसं गणपतीला देवाच्या रूपामधून तुम्ही मागणं करताय, तसं महाराष्ट्राचे मुख्यमंत्री देवाभाऊ आहेत. त्यांच्याकडे या एकूण सांगली जिल्ह्यातील आणि तासगाव-कवठे महांकाळच्या दुष्काळी परिस्थितीबाबत काही कल्पना दिलीय का? या पत्रकाराच्या प्रश्नावर उत्तर देताना रोहित पाटील म्हणाले, मुळातच हा जो एकूण आम्ही कार्यक्रम घेतलेला आहे, याची जाणीव सरकारला करून देण्यासाठीच आम्ही घेतलेला आहे की, सामान्य शेतकऱ्यांना आज अडचणी काय आहेत. पाण्याची अडचण आहेच, पण त्याचबरोबर विजेची सुद्धा अडचण आहे. आणि या सगळ्यावर कुठेतरी मार्ग निघाला पाहिजे, म्हणून जसं देवाकडे साकडं घालतोय, तशी या प्रश्नांची जाणीव आम्ही सरकारला करून द्यायचा प्रयत्न करतोय, असंही पाटील म्हणालेत.

पुढे बोलताना रोहित पाटील म्हणाले की, आता मुळातच आम्ही ज्यावेळेस ही पदयात्रा काढली, दुष्काळावरती काम करत असताना मतदारसंघामध्ये चारा किती शिल्लक आहे, इथपासूनची आमची सगळी तयारी आहे. आणि उद्याच्या काळामध्ये भीषण परिस्थिती उद्भवली, तर त्यावरती आपण कसा काम करायचं हेही आमचं ठरलेलं आहे. आता ७५ वर्ष झाले, किंबहुना महाराष्ट्र राज्य स्थापन झाल्यापासनं यशवंतराव चव्हाण साहेबांपासून आज अखेर विठ्ठलाला साकडं घालण्याची परंपरा या राज्यामध्ये आहे आणि आता गणपती तर आमच्या तासगावचा आहे, आम्ही तासगावकर साकडं घालताना गणपतीलाच घालणार, यामध्ये अंधश्रद्धा किंवा असं म्हणायचं काही हरकत नाही. पण बोलणारे बोलत असतात, मी प्रत्येकालाच उत्तर देत बसलो तर काम कधी करणार? अशी परिस्थिती आहे. पण मी एक गोष्ट सांगतो, आज माझ्या शेजारी बरेच तालुके आहेत. या सगळ्या तालुक्यांमध्ये आमच्या तालुक्यातल्या तलावांमध्ये पाण्याचा साठा अगदी योग्य पद्धतीने शिल्लक आहे. आणि त्याच्या पुढे जाऊन आम्ही अजून चांगली परिस्थिती आणि अजून चांगलं नियोजन करण्याचा प्रयत्न प्रशासनाला हाताला धरून करतोय, असंही रोहित पाटलांनी म्हटलं आहे.

Sangali News: अभिनेत्री राजकन्या भाग्यश्रीनं बाप्पाची आरती केल्यानं वाद, गणपती पंचायतन संस्थानाचा खरा उत्तराधिकारी कोण? यावरुन वातावरण तापलं, नेमकं घडलं काय?

कुलदीप माने, एबीपी माझा — Tue, 15 Sep 2026 07:40:31 +0530

Sangli Ganpati Panchayatan Sansthan Aarti Controversy: सांगलीच्या (Sangli) राजघराण्यातील वाद ऐन गणेशोत्सवात (Ganeshotsav) चव्हाट्यावर आला आहे. सांगली गणपती पंचायतन संस्थानाच्या (Sangli Ganpati Panchayatana Sansthan) उत्तराधिकारी पदावरून आता सांगलीचे राजे पटवर्धन कुटुंबातील वाद उफळण्याची शक्यता आहे. श्रीमंत विजयसिंह राजे पटवर्धन (Shrimant Vijaysinh Raje Patwardhan) यांच्या कन्या आणि बॉलिवूडच्या स्टार अभिनेत्री राजकन्या भाग्यश्री पटवर्धन-दासानी (Bhagyashree Patwardhan-Dasani) यांनी चार वर्षांनंतर सांगलीत येऊन मंदिरात उत्सव मूर्तीची आरती केली. नूतन युवराज आदित्यराजे यांना डावलून आरतीचा मान घेतल्यानं वादाला सुरुवात झालीय. यामुळे मंदिर परिसरात एकच खळबळ उडाली असून सांगली गणपती पंचायतन संस्थानाच्या उत्तराधिकारी कोण? यावरून पटवर्धन कुटुंबातील वाद उफळण्याची शक्यता निर्माण झाली आहे.

अभिनेत्री राजकन्या भाग्यश्री (Bhagyashree Patwardhan-Dasani) यांनी आरतीचा मान घेतला, पण त्यावेळी संस्थानचे युवराज आदित्यराजे पटवर्धन उत्तराधिकारी असताना आरतीचा मान घेतल्यानं व्यवस्थापक जयदीप अभ्यंकर आणि अभिनेत्री भाग्यश्री यांच्यात शाब्दिक बाचाबाची झाल्याचं पाहायला मिळालं. यानंतर श्रीमंत विजयसिंहराजे पटवर्धन यांनी भाग्यश्री आणि पती हिमालय दासानी यांनी गैरकारभार केल्यानं त्यांना संस्थानातून काढून टाकण्याचा निर्णय घेतलाय. तर, दत्तकपुत्र आदित्यराजे हेच कायदेशीर उत्तराधिकारी असल्याचं सर्वांसमोर नव्यानं जाहीर केलंय.

नेमकं घडलं काय?

गणेश चतुर्थीच्या दिवशी सांगली गणपती पंचायतन संस्थानाच्या उत्सव मूर्तीची प्रतिष्ठापना करण्यासाठी आरतीची तयारी करण्यात आली आणि यासाठी नूतन युवराज आदित्यराजे पटवर्धन यांना बोलावण्यात आलं. पण, त्यांना थांबवत भाग्यश्री यांनी थेट मंदिराच्या गाभाऱ्यात प्रवेश केला आणि उत्सव मूर्तीची आरती केली. या घटनेमुळे मंदिर परिसरात खळबळ उडाली. त्यानंतर आरती करण्याचा अधिकार आपल्याला असल्याचा दावा भाग्यश्री पटवर्धन यांनी केला. पण, त्यांनी थेट आरतीचा मान घेतल्यानं त्यांचे वडील विजयसिंह राजे पटवर्धन यांनी यावर तीव्र नाराजी व्यक्त केली. तसेच, आरतीचा मान आदित्यराजे यांनाच आहे, असंही स्पष्ट केलं.

विजयसिंह राजे पटवर्धन यांनी आदित्यराजे यांना आपण राजकुमार म्हणून जाहीर केलं असून तेच संस्थानाचे पुढील उत्तराधिकारी असतील, असं स्पष्ट केलं. भाग्यश्री आणि त्यांचे पती हिमालय दासानी यांच्याशी संस्थानच्या मालमत्तेबाबत व्यवहार करू नये, असंही त्यांनी खडसावून सांगितलंय.

वादाची ठिणगी पडली कुठून?

काही वर्षांपूर्वी सांगली गणपती पंचायतन संस्थानाच्या कारभाराची जबाबदारी भाग्यश्री यांचे पती हिमालय दासानी यांच्याकडे होती. पण, संस्थानाच्या जमिनी परस्पर विकल्याचा आरोप झाल्यानंतर खळबळ माजली आणि हिमालय दासानी यांच्याकडून सर्वच्या सर्व अधिकार काढून घेण्यात आले.

2016 ते 2021 या काळात विजयसिंह राजे यांनी कारभार पाहिला. 2021 मध्ये त्यांनी जयदीप अभ्यंकर यांच्याकडे संस्थानची सूत्रं सोपवली. त्यानंतर 2023-24 मध्ये जयदीप अभ्यंकर यांचा मुलगा आदित्य याला विजयसिंह राजे यांनी दत्तक घेतलं आणि उत्तराधिकारी म्हणून नियुक्त केलं. सध्या आदित्यराजे यांचं वय 16 वर्ष आहे. अशातच आता अभिनेत्री आणि राजकन्या भाग्यश्री पटवर्धन-दासानी यांनी थेट आरतीचा मान घेत, आपल्याकडेच अधिकार असल्याचं जाहीर केल्यानं वादाला चांगलीच फोडणी बसलीय.

महत्त्वाच्या इतर बातम्या :

सांगलीच्या श्री गणपती पंचायतन संस्थानच्या उत्तराधिकारीवरून पटवर्धन कुटुंबात वादाची ठिणगी; राजकन्या भाग्यश्रीनं आरतीचा मान बजावल्यानं वादाची ठिणगी, वडिलांना लेकीच्या त्या वक्तव्यानं अश्रू अनावर

Sangli Sansthan Dispute : अभिनेत्री भाग्यश्रीने गणपतीची आरती केल्याने वाद, सांगलीच्या पटवर्धनांच्या संस्थानमधील गृहकलह नेमका काय?

कुलदीप माने, एबीपी माझा — Mon, 14 Sep 2026 23:04:31 +0530

Sangli Ganpati Sansthan Dispute : सांगलीच्या ऐतिहासिक श्री गणपती पंचायतन संस्थानमध्ये ऐन गणेशोत्सवात उत्तराधिकारी पदावरून आणि पूजेच्या मानावरून कौटुंबिक वाद उफाळून आला आहे. प्रसिद्ध हिंदी चित्रपट अभिनेत्री भाग्यश्री पटवर्धन-दासानी यांनी चार वर्षांनंतर सांगलीत येऊन गणपती मंदिरातील उत्सव मूर्तीची आरती केली. मात्र, संस्थानचे सध्याचे कायदेशीर उत्तराधिकारी युवराज आदित्यराजे पटवर्धन असताना भाग्यश्री यांनी आरती केल्याने मंदिर व्यवस्थापक आणि भाग्यश्री यांच्यात जोरदार शाब्दिक खडाजंगी झाली. या घटनेमुळे गणेशोत्सवाच्या सुरुवातीलाच संस्थानच्या ऐतिहासिक मंदिरात तणावाचे वातावरण निर्माण झाले.

Sangli Patwardhan Family Dispute : पटवर्धन घराण्यातील नेमका वाद काय आहे?

सांगली संस्थानचा हा कौटुंबिक आणि प्रशासकीय वाद अनेक वर्षांपासून सुरू आहे. काही वर्षांपूर्वी, सन 2013 ते 2016 या दरम्यान श्रीमंत विजयसिंह राजे पटवर्धन यांनी संस्थानच्या कारभाराची जबाबदारी भाग्यश्री यांचे पती हिमालय दासानी यांच्याकडे दिली होती. मात्र, जावयाने संस्थानच्या जमिनी परस्पर विकल्याचा आरोप करत विजयसिंह राजे यांनी त्यांच्याकडील सर्व अधिकार काढून घेतले. यानंतर भाग्यश्री आणि हिमालय यांनी सांगलीत येणे बंद केले होते.

सन 2016 ते 2021 या दरम्यान स्वतः विजयसिंह राजे यांनी संस्थानचा कारभार पाहिला. 2021 मध्ये त्यांनी राणीसाहेबांच्या भाच्याकडे (जयदीप अभ्यंकर) कारभार सोपवला. पुढे 2023-24 मध्ये जयदीप अभ्यंकर यांचा 16 वर्षांचा मुलगा आदित्य याला दत्तक घेऊन विजयसिंह राजे यांनी त्याला अधिकृत उत्तराधिकारी (युवराज आदित्यराजे पटवर्धन) घोषित केले.

Bhagyashree Patwardhan Statement : "परंपरा पुढे चालू ठेवण्यासाठी आले"

चार वर्षांनंतर सांगलीत आलेल्या भाग्यश्री पटवर्धन यांनी मंदिरात आरती करण्यावरून झालेल्या वादावर स्पष्टीकरण दिले. "वडिलांची तब्येत सध्या ठीक नाही. त्यामुळे गणपती उत्सवाची जुनी परंपरा पुढे चालू ठेवण्यासाठी त्यांच्या तिन्ही मुलींपैकी कोणीतरी येथे उपस्थित असणे गरजेचे होते," असे त्या म्हणाल्या. मात्र, दत्तकपुत्र आदित्यराजे यांच्या उत्तराधिकारी पदाला विरोध करण्याबाबत त्यांनी थेट बोलणे टाळले.

Vijaysinh Raje Patwardhan Reaction : "मृत्यूनंतर हे सगळं आमचंच..." वडिलांना अश्रू अनावर

आपल्याच कन्येच्या वर्तनावर बोलताना श्रीमंत विजयसिंह राजे पटवर्धन अत्यंत भावूक आणि आक्रमक झाले. माध्यमांशी बोलताना त्यांना अश्रू अनावर झाले. भाग्यश्री आणि तिच्या पतीने संस्थानात मोठा गैरकारभार केला होता, म्हणूनच त्यांना कारभारातून हटवण्यात आले, असे त्यांनी स्पष्ट केले. उद्या म्हातारा-म्हातारी मेल्यानंतर हे सगळं आमचंच आहे, असे वक्तव्य स्वतःच्या कन्येने केले होते, असा गंभीर आरोप विजयसिंह राजे यांनी केला.

नियमानुसार दत्तक विधान करून आदित्यराजे पटवर्धन यांना उत्तराधिकारी घोषित करण्यात आलं आहे. भाग्यश्रीने माझ्या उत्तराधिकाऱ्याला मान्य करून त्यांना विनाकारण त्रास देऊ नये, असे आवाहन त्यांनी केले.

गणेशोत्सवाच्या काळातच सांगलीच्या या ऐतिहासिक घराण्यातील कौटुंबिक आणि संस्थानचा अंतर्गत वाद चव्हाट्यावर आल्याने संपूर्ण महाराष्ट्रात याची जोरदार चर्चा सुरू आहे.

ही बातमी वाचा:

सांगलीच्या श्री गणपती पंचायतन संस्थानच्या उत्तराधिकारीवरून पटवर्धन कुटुंबात वादाची ठिणगी; राजकन्या भाग्यश्रीनं आरतीचा मान बजावल्यानं वादाची ठिणगी, वडिलांना लेकीच्या त्या वक्तव्यानं अश्रू अनावर

सांगलीच्या श्री गणपती पंचायतन संस्थानच्या उत्तराधिकारीवरून पटवर्धन कुटुंबात वादाची ठिणगी; राजकन्या भाग्यश्रीनं आरतीचा मान बजावल्यानं वादाची ठिणगी, वडिलांना लेकीच्या त्या वक्तव्यानं अश्रू अनावर

कुलदीप माने, एबीपी माझा — Mon, 14 Sep 2026 16:31:47 +0530

Shri Ganpati Panchayatan Sansthan in Sangli: सांगलीच्या श्री गणपती पंचायतन संस्थानमध्ये ऐन गणपती उत्सवाच्या सुरुवातीला वाद उफाळला आहे. गणपती पंचायतन संस्थानच्या श्री ची उत्सव मूर्तीची आरती श्रीमंत विजयसिंह राजे पटवर्धन यांच्या कन्या आणि प्रसिद्ध हिंदी चित्रपट अभिनेत्री भाग्यश्री पटवर्धन-दासानी चार वर्षांनंतर सांगलीत येत मंदिरात जाऊन गणपतीची आरती केली. यामुळे सध्या संस्थांनचे सध्याचे युवराज आदित्यराजे पटवर्धन असताना भाग्यश्री पटवर्धन यांनी संस्थांनच्या श्री ची उत्सव मूर्तीची आरती करण्यावरून संस्थांनच्या मॅनेजर आणि भाग्यश्री पटवर्धन यांच्यामध्ये वादावादी देखील झाली. श्रीमंत विजयसिंह राजे पटवर्धन यांनी उत्तराधिकारी म्हणून युवराज आदित्यराजे पटवर्धन यांची निवड केली असताना उत्सव मूर्तीच्या आरतीचा मान भाग्यश्री पटवर्धन यांनी बजावला. भाग्यश्री पटवर्धन या श्रीमंत विजयसिंह राजे पटवर्धन यांच्या कन्या आहेत. सांगलीच्या श्री गणपती पंचायतन संस्थानच्या श्री ची उत्सव मूर्तीच्या आगमन सोहळ्याच्या अगोदर मुख्य मंदिरात भाग्यश्री पटवर्धन यांनी आरतीचा मान बजावल्याने सांगलीच्या श्री गणपती पंचायतन संस्थानच्या गणपती उत्सवाच्या सुरुवातीलाच संस्थानचा उत्तराधिकारी नेमल्यावरून वाद झाल्याचे दिसते.

सांगलीत श्री गणपती पंचायतनच्या संस्थानिकांमध्ये वाद

राज्यात सगळीकडे श्री गणरायाचे आगमन जल्लोषात सुरू असताना सांगलीत श्री गणपती पंचायतनच्या संस्थानिकांमध्ये वाद पहायला मिळाला. आराध्य दैवत असलेल्या संस्थान गणपती मंदिरातच आज या वादाचा अंक पाहायला मिळाला. प्रसिद्ध हिंदी चित्रपट अभिनेत्री भाग्यश्री पटवर्धन-दासानी चार वर्षांनंतर सांगलीत आल्यावर त्यांनी मंदिरात जाऊन गणपतीची आरती केली. मात्र, याच वेळी मंदिराचे व्यवस्थापक जयदीप अभ्यंकर आणि भाग्यश्री यांच्यात शाब्दिक खडाजंगी रंगली. चार वर्षांनंतर सांगलीत येऊन आरती करताना त्यांना रोखण्याचा प्रयत्न झाल्याने व्यवस्थापक जयदीप अभ्यंकर यांच्याशी त्यांची थेट बाचाबाची झाली, ज्यामुळे मंदिर परिसरात काही काळ तणावाचे वातावरण निर्माण झाले होते.

भाग्यश्रींचा थेट बोलण्यास नकार

या सगळ्या पार्श्वभूमीवर भाग्यश्री पटवर्धन- यांनी विजयसिंहराजे पटवर्धन यांची सध्या तब्येत ठीक नसल्याने ही गणपती उत्सवाची परंपरा पुढे चालू ठेवण्यासाठी त्यांच्या तीन मुली पैकी कोणी ना कुणी या ठिकाणी उपस्थित असणे गरजेचे आहे असे म्हणत आज आपण गणेशोत्सवादरम्यान आरतीसाठी उपस्थित असल्याचे भाग्यश्री पटवर्धन यांनी सांगितलं. मात्र श्रीमंत विजयसिंहराजे पटवर्धन यांनी उत्तराधिकारी म्हणून नेमलेल्या युवराज आदित्यराजे पटवर्धन यांना विरोध करत आपण मंदिरात श्री ची आरती केली यावर मात्र त्यांनी थेटपणे बोलण्यास नकार दिला.

दरम्यान, भाग्यश्री पटवर्धन यांनी मंदिरात येऊन आरती केल्याच्या विषयावर सांगली संस्थानचे श्रीमंत विजयसिंहराजे पटवर्धन यांनी अत्यंत आक्रमक आणि भावूक भूमिका मांडली. "भाग्यश्री आणि तिचे पती हिमालय दासानी यांनी संस्थानात मोठा गैरकारभार केला होता, त्यामुळेच त्यांना संस्थानातून काढून टाकण्यात आले आहे," असे स्पष्ट करत त्यांनी दत्तकपुत्र आदित्य पटवर्धन हेच संस्थानचे कायदेशीर उत्तराधिकारी असल्याचे जाहीर केले. तसेच भाग्यश्री पटवर्धन यांनी देखील मी नेमलेल्या उत्तराधिकारी यांना मान्य करून त्यांना त्रास देऊ नये असं आवाहनही विजयसिंह राजे पटवर्धन यांनी केले आहे.

आपल्याच कन्येच्या वर्तनाबद्दल बोलताना विजयसिंहराजे अत्यंत भावूक झाले. "उद्या म्हातारा-म्हातारी मेल्यानंतर हे सगळं आमचंच आहे," अशा शब्दांत स्वतःच्या कन्येनं वक्तव्य केले होते, हे सांगत विजयसिंहराजे यांना अश्रू अनावर झाले. याच कारणामुळे आणि संस्थानातील हस्तक्षेपामुळे त्यांना हटवून दोन वर्षांपूर्वी नियमानुसार दत्तक विधान करत आदित्य पटवर्धन यांना उत्तराधिकारी घोषित केल्याचे त्यांनी स्पष्ट केले. गणेशोत्सवाच्याच काळात सांगलीच्या या ऐतिहासिक घराण्यातील कौटुंबिक आणि संस्थानाचा वाद चव्हाट्यावर आल्याने सांगलीसह संपूर्ण महाराष्ट्रात या घटनेची जोरदार चर्चा सुरू आहे.

इतर महत्वाच्या बातम्या

Sangli Crime: जत तालुक्यात ट्रकसमोर अचानक स्कार्पिओ आडवी लावून व्यापाऱ्यांवर सशस्त्र दरोडा; बंदुकीचा धाक दाखवत 20 लाखांची रोकड, 2 तोळे सोनं लुटलं

Sangli Crime: जत तालुक्यात ट्रकसमोर अचानक स्कार्पिओ आडवी लावून व्यापाऱ्यांवर सशस्त्र दरोडा; बंदुकीचा धाक दाखवत 20 लाखांची रोकड, 2 तोळे सोनं लुटलं

कुलदीप माने, एबीपी माझा — Fri, 11 Sep 2026 16:54:08 +0530

Sangli Crime: सांगली जिल्ह्यातील जत तालुक्यात असलेल्या उमदीजवळ संख विजापूर रोडव भीवर्गी फाट्यावर तामिळनाडूमधून माडग्याळमध्ये मेंढ्यांच्या बाजारात व्यापारासाठी निघालेल्या व्यापाऱ्यांवर सशस्त्र दरोडा टाकल्याची धक्कादायक घटना घडली. जत तालुयातील माडग्याळ येथे मेंढी खरेदीसाठी तामिळनाडूमधील सेलम येथून काही व्यापारी ट्रकमधून (केएस-51-एएस-7279) मधून येत होते. आज (11 सप्टेंबर) सकाळी साडेचार ते पाच वाजणेच्या सुमारास भिवर्गी फाटा येथे आल्यानंतर व्यापार्‍यांच्या ट्रकसमोर अचानक स्कार्पिओ मोटार आडवी लावण्यात आली.

20 लाख रूपयांची रोकड चोरट्यांच्या हाती लागली

कार आडवी लागल्याने ट्रक चालकाने ट्रक थांबवला. या दरम्यान, स्कार्पिओतून खाली उतरलेल्या सात ते आठ जणांनी ट्रकमध्ये असलेल्या व्यापार्‍यांना जवळ असलेला ऐवज तत्काळ द्या अन्यथा, मारले जाल अशी धमकी देत धक्काबुक्कीही केली. मारहाणीच्या भीतीने मेंढ्या खरेदीसाठी आलेल्या काही व्यापार्‍यांनी जवळ असलेली रक्कम चोरट्यांच्या हाती सुपुर्द केली. ट्रकमधील व्यापार्‍याकडून सुमारे 20 लाख रूपयांची रोकड चोरट्यांच्या हाती लागली. यानंतर बंदुकीचा धाक दाखवत व्यापार्‍यांकडे असलेली दोन तोळे वजनाची सोनसाखळी आणि दोन मोबाईलही लंपास केले.

चोरट्यांनी स्कार्पिओतून धूम ठोकली

या दरोड्यात सुमारे 30 लाख रूपयांचा ऐवज लंपास केल्यानंतर चोरट्यांनी स्कार्पिओतून धूम ठोकली. पहाटेच्या सुमारास ही घटना घडल्यानंतर परिसरात खळबळ माजली असून लुटले गेलेल्या व्यापार्‍यांनी तात्काळ उमदी पोलीस ठाण्यात जाउन याबाबत माहिती दिली आहे. पोलीसांना माहिती मिळताच उमदी पोलीसांचे पथकाने घटनास्थळी धाव घेत पाहणी केली असून संशयितांच्या शोधासाठी पथक नियुक्त केले आहे. याचबरोबर स्थानिक गुन्हे अन्वेषण विभागाचे एक विशेष पथकही यासाठी जतसह कर्नाटकातील विजयपूर परिसरात संशयितांच्या शोधासाठी रवाना करण्यात आले आहे.

अज्ञाताविरूध्द दरोड्याचा गुन्हा उमदी पोलीस ठाण्यात दाखल

याबाबत पोलीस अधिक्षक तुषार दोशी यांनी सांगितले, चोरट्यांनी कोणालाही मारहाण केलेली नसली तरी बंदुकीचा धाक दाखवून लुटले असल्याने अज्ञाताविरूध्द दरोड्याचा गुन्हा उमदी पोलीस ठाण्यात दाखल करण्यात येत आहे. या घटनेतील संशयित आरोपींचा शोध घेण्यासाठी उमदी पोलीस ठाणे आणि स्थानिक गुन्हे अन्वेषण विभागाची दोन स्वतंत्र पथके तैनात करण्यात आली असल्याचे अधिक्षक दोशी यांनी सांगितले.

इतर महत्वाच्या बातम्या

Gokul Election: 'ज्या अदृश्य शक्तीने गेल्या तीन महिन्यांपासून त्रास दिला, त्यांना जागा दाखवणार, अन्यायाची परतफेड करणार..' गोकुळ निवडणुकीसाठी पात्र 1400 दूध संस्थांचा अदृश्य शक्तीविरोधात एल्गार

Sangli Wrestling Competition: 3 लाखांची कुस्ती 30 सेकंदात निकाली; सांगलीतील बलवडीमध्ये महिलांच्या कुस्तीत नेमकं काय घडलं?

कुलदीप माने, एबीपी माझा — Thu, 10 Sep 2026 08:13:12 +0530

Sangli Wrestling Competition: सांगलीमधील खानापूर तालुक्यातील बलवडीमध्ये महिलांच्या कुस्तीची स्पर्धा आयोजित करण्यात आली होती. यामध्ये प्रथम क्रमांकाची 3 लाखांच्या कुस्तीचा 30 सेकंदात निकाल लागला. हरियाणाच्या सोनम मलिकने दिल्लीच्या वेदिका सासणेला चितपट केले. (Sangli Wrestling News)

नेमकं काय घडलं? (Sangli Wrestling Competition)

खानापूर तालुक्यातील बलवडीमध्ये भवानी देवीच्या यात्रेनिमित्त भवानी स्पोर्ट्स क्लबकडून महिलांच्या कुस्तीचे खास मैदान आयोजित करण्यात आले होते. आंतरराष्ट्रीय स्तरावरच्या अनेक महिला कुस्तीपटूनी या कुस्ती मैदानात हजेरी लावली. या मैदानात दिल्लीची राष्ट्रीय पदक विजेती पैलवान वेदिका सासणे विरुद्ध हरियाणाची वर्ल्ड चॅम्पियन पैलवान सोनम मलिक यांच्यात 3 लाखांची प्रथम क्रमांकाची कुस्ती पार पडली. 3 तीन लाखाची पहिल्या क्रमांकाची ही कुस्ती अवघ्या 30 सेकंदामध्ये हरियाणाच्या सोनम मलिकने दुहेरी पटातून एकेरी पट काढत वेदिका सासणेला चितपट करत जिंकली. डोळ्याची पापणी लवते न लवते तोवर ही कुस्ती निकाली निघाली. तर दुसऱ्या क्रमांकाची कुस्ती ही सृष्टी भोसले विरुद्ध रितिका हुड्डा आणि प्रतिक्षा बागडी विरुद्ध खुशी दलाल यांच्यात 2लाख 75 हजाराची तर धनश्री फंड विरुद्ध मुस्कान नांदल यांच्या 2 लाख 51 हजाराची कुस्ती पार पडली.

राज्यासह देश-विदेशातील महत्वाच्या घडामोडी, VIDEO:

Ganeshotsav DJ News : उत्सवांचा थाट, पण निर्बंधांमुळे वाद! नागपूर, सोलापूरपासून ते सांगली साताऱ्यापर्यंत राज्यात कुठे-कुठे डीजे बंदीचा आदेश? वाचा सर्व अपडेट्स

एबीपी माझा वेब टीम — Fri, 4 Sep 2026 10:19:29 +0530

Ganeshotsav DJ Ban News : आगामी गणेशोत्सवाला (Ganeshotsav) आता अवघ्या काही दिवसांचा अवधी उरला आहे. राज्यासह देशभरात गणेशोत्सवाची मोठी तयारी सर्वत्र सुरू असल्याचं दिसून येत आहे. अशातच यंदाही राज्यात गणेशोत्सवाच्या अनुषंगाने डीजे, ध्वनीक्षेपक आणि लेझर लाईट, धांगडधिंगा हा प्रश्न प्रामुख्याने समोर आला आहे. तर दुसरीकडे पुण्यातील विद्यानंद बापट (Vidyanand Bapat) यांची सध्या महाराष्ट्रभर चर्चा सुरु आहे. गणेशोत्सवातील डीजेच्या मोठ्या आवाजाला विरोध केल्यामुळे विद्यानंद बापट सध्या चर्चेत आले आहेत. याचदरम्यान, नागपुरात गणेश मिरवणुकीत वापरल्या जाणाऱ्या डीजे (DJ) आणि डॉल्बी साऊंड सिस्टीमवर नागपुरात पूर्णपणे बंदी घालण्यात आली आहे. नागपूरचे पोलीस आयुक्त विश्वास नांगरे पाटील यांनी याबाबतची अधिकृत अधिसूचना जारी केली आहे. ही बंदी 3 सप्टेंबर मध्यरात्री 12 वाजेपासून ते 1 नोव्हेंबरच्या मध्यरात्रीपर्यंत लागू राहणार आहे. यामुळे आगामी सणांमध्ये डीजेच्या दणदणाटाला आळा बसणार आहे. अशातच या डीजे (DJ) आणि डॉल्बी साऊंड सिस्टीमवरील बंदीचं लोण आता राज्यभरात पसरत असल्याचे दिसत आहे. राज्यात कुठे कुठे डीजे (DJ) आणि डॉल्बी साऊंड सिस्टीमवरील बंदी घालण्यात आली आहे, हे जाणून घेऊ.

Sangli : सांगलीत डॉल्बीच्या आवाजाची प्रशासन, पोलीस दलाकडून चाचपणी, नियमांचं उल्लंघन केल्यास गुन्हे आणि साहित्य जप्त होणार

सांगलीत गणेशोत्सवात डीजे ध्वनिवर्धकांचा नियमबाह्य वापर कोणत्याही परिस्थितीत चालणार नाही. सर्वोच्च न्यायालय आणि शासनाने ठरवून दिलेल्या ध्वनी प्रदूषणाच्या नियमांचे उल्लंघन करणाऱ्यांवर कोणतीही दयामया न दाखवता कडक कारवाई केली जाईल, तसेच संबंधित डीजे चालकांचे साहित्य थेट जप्त करण्यात येईल, असा सज्जड इशारा पोलिस अधीक्षक तुषार जोशी यांनी दिला आहे. सांगलीत डॉल्बीच्या आवाजाची जिल्हाधिकारी, पोलीस अधीक्षक यांनी चाचपणी केली. पोलिस यंत्रणेकडे उपलब्ध असलेल्या ध्वनिमापक यंत्रांद्वारे आवाजाची मर्यादा तपासली जाईल. कोणत्याही मनाई आदेशाचे उल्लंघन केल्यास कायदेशीर गुन्हे दाखल केले जातील, असा इशारा प्रशासनाने दिला आहे.

Tushar Doshi Sangli SP: डीजे ऐवजी पारंपरिक वाद्यांना प्राधान्य द्या, डीजे डॉल्बी ही हिंदू धर्माची संस्कृती नाही

आगामी गणेशोत्सवामध्ये डीजे ऐवजी पारंपरिक वाद्यांना प्राधान्य द्या, असे आवाहन सांगलीचे पोलीस अधीक्षक तुषार दोषी यांनी गणेश मंडळाना केले आहॆ. याचबरोबर डीजे, डॉल्बी ही हिंदू धर्माची संस्कृती नाही, असे सांगायला सुद्धा दोषी विसरले नाहीत.

सांगलीतील खरे क्लब हाऊसमध्ये जिल्ह्यातील गणेश मंडळाचे प्रतिनिधी, शांतता मोहल्ला समिती समिती सदस्यांची बैठक आयोजित करण्यात आली होती. या बैठकीत बोलताना एसपी दोषी बोलत होते. बैठकीच्या अध्यक्षस्थानी जिल्हाधिकारी मैनाक घोष होते. यावेळी महापौर धीरज सूर्यवंशी, महापालिका आयुक्त संजिता महापात्र, वीज मंडळाचे अधीक्षक अभियंता अनिल बोकील, पोलीस उपधीक्षक अजय कोकाटे, परिवहन विभागाचे राहुल जगदाळे आदी उपस्थित होते. यावेळी बोलताना आवाज मर्यादेचे उल्लंघन झाल्यास कारवाई ही होणारच, असे सांगत यंदाच्या उत्सवात एक मंडळ एक अंमलदार ही संकल्पना राबविली जाणार असल्याचेही एसपी तुषार दोषी यांनी सांगलीत गणेश मंडळ आढावा बैठकीत सांगितले.

Kolhapur Police : गणेश आगमन आणि विसर्जना दिवशी दोन बेस आणि दोन टॉप लावण्यास परवानगी

सर्वोच्च न्यायालयाच्या नियमानुसार गणपती बाप्पाच्या आगमनादिवशी आणि विसर्जना दिवशी दोन बेस आणि दोन टॉप लावण्यास कोल्हापूर पोलिसांची परवानगी असेल. मात्र ध्वनी मर्यादा ओलांडल्यास संबंधित सार्वजनिक गणेश मंडळावर कारवाई केली जाणार आहे.

Solapur: सोलापुरात गणेशोत्सवात डॉल्बी व लेझरवर बंदी; जिल्हाधिकाऱ्यांनी दिले आदेश

सोलापुरात गणेशोत्सव मिरवणुकीत डॉल्बी सिस्टीम आणि लेझर लाईटला बंदी घालण्यात आल्याची माहिती समोर आली आहे. नागपूर नंतर आता सोलापुरात (Solapur News) देखील डॉल्बी आणि लेजर लाईटवर बंदी घालण्यात आल्याचे आदेश जिल्हाधिकाऱ्यांनी जारी केले आहेत. 13 ते 26 सप्टेंबर दरम्यान सोलापूर जिल्ह्यात डॉल्बी आणि लेजर लाईट वापरावर बंदीचे आदेश जिल्हाधिकारी एस. कार्तिकेयन यांनी दिले आहेत. सोलापुरात यंदाच्या गणेशोत्सवात ही डिजे आणि लेजर लाईट्स वापरावर बंदी घालण्यात आली आहे. ध्वनीप्रदूषण कायद्याचे उललंघन झाल्यास स्पीकर थेट जप्त करणार, अशा सूचना पोलीस आयुक्त एम. राजकुमार यांच्या साउंड आणि लाईट्स व्यावसायिकांना देण्यात आल्या आहेत.

Navi Mumbai DJ Ban: नवी मुंबईतही गणेशोत्सव काळात डीजे लावण्यास बंदी

नवी मुंबई- गणेशोत्सव काळात डीजे लावण्यास नवी मुंबई पोलीसांकडून परवानगी दिली जाणार नाही. नवी मुंबई आणि पनवेल या दोन्ही शहरात ही नियमावली लागू असेल. डी जेच्या आवाजामुळे होणारे ध्वनी प्रदूषण आणि लेझर लाईट मुळे डोळ्यांना होणारी इजा लक्षात घेता गणेश उत्सव मंडळांनी डीजे लावू नयेत, असे आवाहन नवी मुंबई पोलीसांकडून करण्यात आले आहे.

Nagpur News: नागपुरात 1 नोव्हेंबरपर्यंत डॉल्बी साऊंड सिस्टमवर बंदी

नागपूर शहरात मिरवणुकीत वापरल्या जाणाऱ्या डॉल्बी साऊंड सिस्टमवर बंदी घालण्यात आली आहे. काल (3 सप्टेंबर) मध्यरात्री 12 वाजेपासून ते 1 नोव्हेंबर माध्यरात्रीपर्यंत डॉल्बी साऊंड सिस्टमवर बंद राहणार आहे. आमदार आणि माजी महापौर संदीप जोशी यांनी या निर्णयाचे स्वागत केलं असले तरी भाजपमधील इतर नेत्यांनी या निर्णयावर नाराजी व्यक्त केली आहे.

Dhule: धुळ्यातही डीजे बंदीचा निर्णय, निर्णयाविरोधात डीजे व्यावसायिक आक्रमक

धुळ्यातही डीजे बंदीचा निर्णय झालाय. डीजे बंदीच्या निर्णयाविरोधात डीजे व्यावसायिक आक्रमक झालेत. तब्बल 400 ते 500 डीजे व्यावसायिकां समोर आर्थिक संकट उभं ठाकलं आहे. गणेशोत्सवाच्या पार्श्वभूमीवर धुळे जिल्ह्यात डीजे आणि साऊंड सिस्टीमवर बंदीचा निर्णय घेण्यात आला आहे. मात्र, या निर्णयामुळे डीजे चालक-मालकांमध्ये नाराजी पसरली आहे. जिल्ह्यातील सुमारे 400 ते 500 डीजे व्यावसायिक आणि त्यांच्यावर अवलंबून असलेल्या शेकडो कुटुंबांच्या रोजगाराचा प्रश्न निर्माण झाल्याचा दावा संघटनेने केला आहे. यावर तोडगा काढण्यासाठी डीजे चालक-मालकांनी पालकमंत्री जयकुमार रावल यांची भेट घेतली. प्रशासनाने घालून दिलेल्या नियम आणि कायद्याच्या चौकटीत राहूनच डीजेचा आवाज ठेवला जाईल, अशी ग्वाही संघटनेने दिली.

दरम्यान, पालकमंत्री जयकुमार रावल यांनी डीजे व्यावसायिकांचं म्हणणं ऐकून घेतलं असून, पोलीस अधीक्षकांशी चर्चा करून लवकरच सकारात्मक निर्णय घेण्याचं आश्वासन दिलं आहे. पालकमंत्र्यांच्या या आश्वासना नंतर डीजे व्यावसायिकांना आता परवानगी मिळण्याची आशा निर्माण झाली आहे

Konkan Ganeshotsav: रायगड, रत्नागिरी आणि सिंधुदुर्ग जिल्ह्यात डीजे बंदीबाबत अद्याप कोणताही निर्णय नाही

दुसरीकडे, कोकणातील रायगड, रत्नागिरी आणि सिंधुदुर्ग जिल्ह्यात गौरी गणपतीच्या सणात डीजे बंदीबाबत अद्याप कोणताही निर्णय झाला नाहीये. तीनही जिल्ह्याच्या जिल्हाधिकारी किंवा जिल्हा प्रशासन या संदर्भात अद्याप कुठलाही निर्णय घेतलेला नाहीये. याबाबत काही निर्णय झाल्यास तो कळवला जाईल, अशी माहिती प्रशासनाने दिली आहे. मुंबईतील गणेशोत्सव मंडळांनी ‘डीजे’ वाजवल्यास कायदेशीर कारवाईला त्यांना सामोरे जावे लागेल, असे आदेश आधीच देण्यात आले आहेत. न्यायालयाच्या निर्देशांचे उल्लंघन झाल्यास संबंधित मंडळांवर कायदेशीर कारवाई केली जाईल, अशी माहिती प्रशासनाने दिली आहे. त्यामुळे, गणेशोत्सव काळात डीजेचा वापर टाळण्याचे आवाहन करण्यात येत आहे. गणेशोत्सवाच्या दरम्यान लाऊड स्पीकरला दहा पैकी चार दिवस रात्री बारा वाजेपर्यंत परवानगी असणार आहे.

Palghar: गणेशोत्सवात डीजेवर संपूर्ण बंदी नाही; मात्र आवाजाची मर्यादा निश्चित

गणेशोत्सवाच्या पार्श्वभूमीवर पालघर जिल्ह्यातील सर्व गणेश मंडळे तसेच विविध मंडळांच्या पदाधिकाऱ्यांची 2 सप्टेंबर रोजी पोलीस विभागाच्या वतीने बैठक घेण्यात आली. या बैठकीत गणेशोत्सव काळात ध्वनिक्षेपक, साऊंड सिस्टिम आणि डीजेच्या वापराबाबत महत्त्वाच्या सूचना देण्यात आल्या आहेत. गणेशोत्सवात डीजेवर संपूर्ण बंदी घालण्यात आलेली नसली, तरी डीजेचा आवाज शासनाने आणि न्यायालयाने निर्धारित केलेल्या मर्यादेतच ठेवण्याच्या सूचना पोलीस विभागाकडून करण्यात आल्या आहेत. साऊंड सिस्टिमलाही ठराविक डेसिबल मर्यादेपर्यंतच आवाज ठेवता येणार आहे.

विशेषतः सार्वजनिक ठिकाणी ध्वनिप्रदूषण होणार नाही, तसेच नागरिकांना त्रास होणार नाही याची काळजी गणेश मंडळांनी घ्यावी, अशा सूचना पोलिसांनी बैठकीत दिल्या. त्यामुळे यंदाच्या गणेशोत्सवात डीजे बंद नाही, मात्र त्याच्या आवाजावर मर्यादा असणार हे पोलिसांच्या सूचनांमधून स्पष्ट झाले आहे.

इतर महत्वाच्या बातम्या

Sangli Crime News : पांढऱ्या द्रवाचा अंश व उग्र वास, तोंडातून फेस, घरी पतीचा तर रूग्णालयात पत्नीचा संशयास्पद मृत्यू, सांगलीतील घटनेचं गूढ कायम, नेमकं काय घडलं?

कुलदीप माने, एबीपी माझा — Wed, 2 Sep 2026 14:08:26 +0530

सांगली : पलूस शहरातील गंजीखाना परिसरात पती-पत्नीने घरगुती वादातून विषारी औषध प्राशन करून जीवन संपवल्याने एकच खळबळ उडाली आहे. बाळासाहेब मुरलीधर कदम (वय 58) यांचा सोमवार, दि. 31 ऑगस्ट रोजी राहत्या (Sangli Crime News) घरी दुपारी 2.30 च्या सुमारास मृत्यू (Sangli Crime News) झाला, तर त्यांच्या पत्नी उषा बाळासाहेब कदम (वय 46) यांचा उपचार सुरू असताना मंगळवारी, दि. 1 सप्टेंबर रोजी सकाळी 6.45 च्या सुमारास सांगली येथील सिव्हिल रुग्णालयात मृत्यू झाला. याबाबत त्यांचा मुलगा अजय कदम (वय 28, व्यवसाय : एमआयडीसीतील खासगी नोकरी, सध्या रा. कागल, जि. कोल्हापूर) यांनी माहिती दिली.(Sangli Crime News)

घटनेबाबत मिळालेल्या प्राथमिक माहितीनुसार, दोघांनी विषारी औषध प्राशन केल्याचा संशय असून, या दुहेरी मृत्यूमागचे नेमके कारण अद्याप समोर आलेले नाही. मात्र, घरगुती वादातून त्यांनी आत्महत्या (Sangli Crime News) केल्याचा प्राथमिक निष्कर्ष काढण्यात आला आहे. मुलगा अजय कदम हा आई-वडिलांपासून विभक्त होऊन कागल येथे राहतो. बाळासाहेब कदम व त्यांची पत्नी उषा हे दोघेच पलूस येथे राहत होते. 30 ऑगस्ट रोजी दोघांमध्ये घरगुती कारणावरून वाद झाला असावा. यातूनच पत्नी उषा यांनी विषारी औषध प्राशन केले. त्यानंतर स्थानिकांच्या मदतीने त्यांना पलूस येथील ग्रामीण रुग्णालयात उपचारासाठी दाखल करण्यात आले. यानंतर बाळासाहेब कदम यांनी पत्नीची प्रकृती गंभीर बनत असल्याचे लक्षात येताच, 31 ऑगस्ट रोजी स्वतःही विषारी औषध प्राशन केले. ही बाब त्यांचा मुलगा अजय कदम याच्या निदर्शनास आली.(Sangli Crime News)

बाळासाहेब हे बेशुद्ध अवस्थेत असून, त्यांच्या तोंडातून फेस येत असल्याचे मुलगा अजय यांना दिसले. त्यांना तात्काळ नातेवाईकांच्या मदतीने शासकीय रुग्णालयात दाखल करण्यात आले. मात्र, डॉक्टरांनी त्यांना मृत घोषित केले. दरम्यान, उषा कदम यांची प्रकृतीही गंभीर बनत चालली होती. हे डॉक्टरांच्या लक्षात आल्यानंतर सोमवारी, दि. 31 ऑगस्ट रोजी दुपारी 12.22 वाजता पुढील उपचारासाठी त्यांना सांगली सिव्हिल रुग्णालयात दाखल करण्यात आले. मात्र, उपचार सुरू असतानाच मंगळवारी, दि. 1 सप्टेंबर रोजी सकाळी 6.45 वाजता त्यांचा मृत्यू झाल्याचे डॉक्टरांनी घोषित केले.(Sangli Crime News)

Sangli Crime News : एकाच कुटुंबातील दोघांचा मृत्यू; अनेक प्रश्न अनुत्तरित

पतीचा घरात मृत्यू आणि त्यानंतर पत्नीचाही उपचारादरम्यान मृत्यू झाल्याने या घटनेबाबत परिसरात चर्चेला उधाण आले आहे. दोघांनी एकाच काळात विषारी औषध प्राशन करण्यामागे कौटुंबिक, आर्थिक, वैयक्तिक अथवा अन्य कोणते कारण होते का, याबाबत अद्याप अधिकृत माहिती उपलब्ध झालेली नाही.

विशेष म्हणजे, बाळासाहेब कदम यांच्या मृत्यूच्या ठिकाणी आढळलेला पांढऱ्या द्रवाचा अंश व उग्र वास, तसेच उषा कदम यांनी विषारी औषध घेतल्याची नोंद यामुळे दोन्ही मृत्यूंचा परस्पर संबंध आहे का, याचा तपास आता महत्त्वाचा ठरणार आहे. शवविच्छेदन अहवाल तसेच आवश्यक वैद्यकीय व पोलिस तपासातून मृत्यूचे नेमके कारण स्पष्ट होण्याची शक्यता आहे. दोन्ही मृत्यूंची नोंद पलूस पोलिस ठाण्यात करण्यात आली असून, सहाय्यक पोलिस निरीक्षक जयसिंग पाटील यांच्या मार्गदर्शनाखाली पोलिस हवालदार रूपाली कुरणे या तपास करीत आहेत.

Sangli Crime News : पती-पत्नीने विषप्राशन करून आत्महत्या केली का?

त्यांनी विषारी पदार्थ कोणत्या परिस्थितीत घेतला आणि त्यामागे नेमके कारण काय होते, या प्रश्नांची उत्तरे पोलिस तपासानंतरच स्पष्ट होणार आहेत. त्यामुळे या घटनेकडे केवळ आत्महत्या म्हणून न पाहता सर्व शक्यता तपासणे आवश्यक ठरणार आहे. पोलिसांच्या तपासाकडे आता पलूस शहराचे लक्ष लागले आहे.

Sangli Crime: सांगलीत बँक मॅनेजरच्या घरात 6 लाखांची चोरी, सीसीटीव्ही फुटेजमध्ये माजी सरपंच चोरी करताना दिसताच सगळेच थक्क झाले

कुलदीप माने, एबीपी माझा — Mon, 31 Aug 2026 12:48:34 +0530

Sangli Crime Robbery: सांगलीच्या मिरज तालुक्यातील अंकली येथील माजी सरपंच राहुल अनिल पाटील याने विश्रामबाग परिसरात राहणाऱ्या एका बँक व्यवस्थापकाच्या (Bank घरात घरफोडी केल्याचा खळबळजनक प्रकार उघडकीस आला आहे. राहुल पाटील याला अटक केल्यानंतर त्याचा तात्काळ जामिनही मंजूर झाला असल्याचे सांगण्यात आले. दरम्यान, याप्रकरणाची पोलखोल एलसीबीच्या पथकाने केली असून स्वतःच तपास हाती घेतला आहे. मात्र, गावातील लोकप्रतिधीच अट्टर चोर निघाल्याने पंचक्रोशीत एकच खळबळ उडाली आहे. (Maharashtra Crime news)

आरोपी असलेला माजी सरपंच हा भाजप पक्षाशी संबंधित असल्याचं सांगण्यात येते. विश्रामबाग येथील एसटी कॉलनीत अश्‍विन शिवकुमार पिल्ले यांचे घर आहे. पिल्ले हे राष्ट्रीयकृत बँकेत सहायक व्यवस्थापक म्हणून कार्यरत आहेत. 19 ऑगस्ट रोजी त्यांचे बंद घरातून तब्बल सहा लाखांचा मुद्देमाल चोरीला गेला. याची फिर्याद विश्रामबाग पोलिस ठाण्यात दाखल झाली. त्यानंतर पोलिसांनी तपास सुरू केला. एलसीबीच्या पथकानेही तपास सुरू करताच काही सीसीटीव्ही फुटेज हाती लागले. यामध्ये पिल्ले यांच्या घरातील चोर दुसरा तिसरा कोणी नसून माजी सरपंच राहुल पाटील असल्याचे निष्पन्न झाले. त्यानुसार त्याला चौकशीसाठी ताब्यात घेण्यात आले. पोलीस खाक्या दाखवताच त्याने गुन्ह्याची कबुली दिली. एलसीबीच्या पथकाने राहुल पाटील याच्याकडून चोरी केलेला मुद्देमालही वसुल केला. त्याला अटक करण्यात आली होती. मात्र, काही वैद्यकीय कारणाने त्याला सध्या जामीनावर सोडण्यात आले आहे.

Sangli news: कवठेमहांकाळ मध्ये मेंढपाळांनी अडवला जिल्हाधिकाऱ्यांच्या गाडीचा ताफा

कवठेमहांकाळमध्ये मेंढपाळांनी जिल्हाधिकाऱ्यांच्या गाडीचा ताफा अडवल्याचा प्रकार घडला आहे. मेंढपाळांच्या कळपातील मेंढ्या व बकऱ्या चोरीला जातात पण त्याचा तपास होत नसल्याच्या निषेधार्थ मेंढपाळांनी कवठेमहांकाळ पोलीस ठाण्यावर मेंढ्यासह मोर्चा काढला होता. कवठेमहांकाळ पोलीस स्टेशन समोरून जिल्हाधिकाऱ्यांचा ताफा जाताना मेंढपाळांनी ताफ्यासमोर मेंढ्या उभ्या करत मेंढ्यांच्या चोरीचा तपास होत नसल्याची मांडली व्यथा , शिवसेनेचे उपजिल्हाप्रमुख हरिदास लेंगरे यांनी जिल्हाधिकार्‍यांसमोर आपली व्यथा मांडली. आतापर्यंत जवळपास 60 मेंढ्या चोरीला गेल्या असून, याबाबत तक्रारी करूनही चोरीच्या घटनांचा तपास होत नसल्याने मेंढपाळांमध्ये तीव्र नाराजी पसरली आहे.

आणखी वाचा

Solapur Crime news: माळशिरसमध्ये ACB ची मोठी कारवाई, डीवायएसपीच्या नावाने 25 लाखांची लाच मागितल्याप्रकरणी दोन दलालांना अटक, पोलीस हवालदारांसह चौघांवर गुन्हा