Husain Dalwai : टिपू सुलतान आणि महाराष्ट्राचा संबंध काय? त्याचा फोटो लावणं चुकीचं; काँग्रेसच्या ज्येष्ठ नेत्याची मोठी प्रतिक्रिया
Husain Dalwai On Tipu Sultan : राजकारण करताना त्यामध्ये धर्म कशाला आणता? धर्माचं राजकारण सोडून राज्यातील महत्त्वाच्या मुद्द्यांवर चर्चा करावी असं मत काँग्रेसचे ज्येष्ठ नेते हुसेन दलवाई यांनी मांडलं.
रत्नागिरी : काँग्रेसचे प्रदेशाध्यक्ष हर्षवर्धन सपकाळ यांनी टिपू सुलतानवरुन केलेल्या वक्तव्यावरुन वाद निर्माण झाल्यानंतर आता काँग्रेसचे ज्येष्ठ नेते हुसेन दलवाई (Husain Dalwai) यांनी प्रतिक्रिया दिली आहे. टिपू सुलतान आणि महाराष्ट्राचा संबंध नसताना त्याचा फोटो दालनात लावणं हे अत्यंत चुकीचं आहे असं हुसेन दलवाई म्हणाले. असं कृत्य करून काही लोक भाजपला मदत करत असल्याचा आरोपही त्यांनी केला.
राज्यात टिपू सुलतानच्या मुद्द्यावरून आता राजकीय वातावरण चांगलंच तापल्याचं चित्र आहे. आधी मालेगावच्या उपनगराध्यक्षांनी त्यांच्या दालनात टिपू सुलतानचा फोटो लावला. हिंदुत्वादी संघटना आणि भाजपने विरोध केल्यानंतर तो फोटो काढण्यात आला. काँग्रेसचे प्रदेशाध्यक्ष हर्षवर्धन सपकाळांनी टिपू सुलतानची तुलना थेट छत्रपती शिवाजी महाजारांशी केली. त्यानंतर मात्र या मुद्द्यावरून राजकारण तापल्याचं दिसून आलं.
Husain Dalwai On Tipu Sultan : टिपू सुलतानच्या नावाने राजकारण सुरू
या सगळ्या प्रकरणी काँग्रेसचे ज्येष्ठ नेते हुसेन दलवाई यांनी प्रतिक्रिया दिली आहे. ते म्हणाले की, टिपू सुलतानचा फोटो दालनात लावणे हे अत्यंत चुकीचं आहे. असं कृत्य करून मुस्लिम समाजातली काही मंडळी ही भाजपला मदत करत आहेत. टिपू सुलतान आणि महाराष्ट्राचा संबंध नसताना त्याचा फोटो लावणे चुकीचं आहे. ज्यांनी महाराष्ट्र घडवला त्यांचे फोटो लावा.
मालेगावच्या उपमहापौरांना टिपू सुलतान प्रकरणी राजकारण करायचं आहे असा आरोप हुसेन दलवाई यांनी केला. समाजवादी पक्ष जरी इंडिया आघाडीत असला तरी निवडणूक काळात ती धर्मांध पक्षांना मॅनेज झाल्याचा आरोपही त्यांनी केला.
राजकारण करताना त्यामध्ये धर्म कशाला आणता असा प्रश्न हुसेन दलवाई यांनी विचारला. धर्माचं राजकारण सोडून राज्यातील इतर प्रलंबित प्रश्नावर चर्चा का केली जात नाही असाही प्रश्न दलवाईंनी विचारला.
Tipu Sultan Photo Controversy : काँग्रस-भाजप आमने सामने
महाराष्ट्रात काँग्रेस विरुद्ध भाजप पुन्हा आमनेसामने आले आणि त्याला निमित्त ठरलंय काँग्रेसचे प्रदेशाध्यक्ष हर्षवर्धन सपकाळ यांचं एक वक्तव्य. टिपू सुलतान आणि छत्रपती शिवाजी महाराज यांची तुलना सपकाळांनी केल्यानंतर भाजप आक्रमक झाला. राज्यभरात भाजपनं आंदोलन करत सपकाळांच्या वक्तव्याचा निषेध केला.
भाजप राज्यात हिंदू-मुस्लिम दंगे भडकवत आहे असा आरोप खासदार संजय राऊत यांनी केला. केवळ हिंदू-मुस्लिम वादात ठिणगी टाकायची आणि विषय पेटता ठेवायचा हेच भाजपचं काम असल्याचीही टीका संजय राऊतांनी केली.
ही बातमी वाचा:
महत्त्वाच्या बातम्या
