ठाकरे बंधू महाराष्ट्राची करमणूक करतायेत, रामदास कदमांचा टोला, म्हणाले, एक दिवस दूध का दूध पाणी का पाणी होईल

Maharashtra Rain Weather updates: वाऱ्यांचा वेग वाढला, वातावरण बदलायला सुरुवात, 13 राज्यांत पाऊस पडणार, महाराष्ट्रात काय स्थिती?

रोहित धामणस्कर — Mon, 26 Oct 2026 07:43:38 +0530

Maharashtra Rain Weather updates: बंगालच्या उपसागरात गेल्या काही तासांमध्ये सुरु असलेल्या हालचालींमुळे येत्या काही तासांमध्ये देशातील 10 राज्य आणि 3 केंद्रशासित प्रदेशांमध्ये पावसाची (Rain news) शक्यता वर्तवण्यात आली आहे. यामध्ये तामिळनाडू, केरळ, तेलंगणा, आंध्र प्रदेश, कर्नाटक, ओडिशा, नागालँड, मणिपूर, मिझोराम आणि त्रिपुरा या राज्यांचा समावेश आहे. तर येत्या तीन दिवसांमध्ये महाराष्ट्रातील काही भागातही पावसाची शक्यता वर्तविण्यात आली आहे. गेल्या काही दिवसांपासून पूर्व-मध्य बंगालच्या उपसागरात तयार झालेले कमी दाबाचे क्षेत्र निर्माण होण्यास सुरुवात झाली आहे. हे कमी दाबाचे क्षेत्र पश्चिम-वायव्य दिशेने सरकत असून त्याचे चक्रीवादळात (Cyclone) रुपांतर होण्याची शक्यता आहे. या संभाव्य चक्रीवादळाचे नाव 'अर्णव' असे ठेवण्यात आले होते. (Weather updates in Maharashtra)

या सगळ्या वातावरणीय बदलांमुळे पुढील काही तासांत देशाच्या विविध भागात पाऊस पडू शकतो. तामिळनाडू आणि पद्दुचेरीत 50 ते 60 किमी प्रतितास वेगाने वारे वाहण्याची शक्यता आहे. तर बंगालच्या खाडीतील वाऱ्याचा वेग ताशी 90 ते 100 किमीपर्यंत असण्याची शक्यता आहे. या सगळ्याचा परिणाम महाराष्ट्रावर होण्याची शक्यता आहे. दोन दिवसांपूर्वी हवामान खात्याने याविषयी भाकीत वर्तविताना सांगितले होते की, 27 ते 29 ऑक्टोबरदरम्यान महाराष्ट्रातील काही भागांत पाऊस (Maharashtra Rain Updates) पडण्याची शक्यता आहे. विशेषतः विदर्भ आणि मराठवाड्यात ढगाळ वातावरण निर्माण होऊन पावसाच्या सरी कोसळू शकतात, असा अंदाज हवामान खात्याने वर्तवला होता. हवामान खात्याच्या नव्या अंदाजानुसार, महाराष्ट्रात पुढचे दोन दिवस तर कोरडे हवामान राहू शकते. 27 ऑक्टोबरला गडचिरोली जिल्ह्यासाठी पावसाचा यलो अलर्ट जारी करण्यात आला आहे. यावेळी वाऱ्याचा वेग हा 30 ते 40 किमी प्रतितास राहण्याची शक्यता आहे.

28 ऑक्टोबरला महाराष्ट्रात 9 जिल्ह्यांमध्ये पावसाची शक्यता आहे. यापैकी गडचिरोली जिल्ह्याला पावसाचा ऑरेंज अलर्ट जारी करण्यात आला आहे. त्यामुळे गडचिरोलीत या दिवशी मुसळधार ते अतिमुसळधार पावसाची शक्यता आहे. तसेच कोल्हापूर घाट परिसर, हिंगोली, नांदेड, चंद्रपूर, गोंदिया, नागपूर, वर्धा, यवतमाळ या जिल्ह्यांना पावसाचा यलो अलर्ट जारी करण्यात आला आहे. तसेच कोकणातही पावसाच्या सरी बरसण्याची शक्यता आहे. 29 ऑक्टोबरला रत्नागिरी, नाशिक घाट परिसर, पुणे घाट परिसर, सातारा घाट परिसर, जालना, भंडारा, गडचिरोली, गोंदिया या जिल्ह्यांमध्ये पावसाची शक्यता आहे. हवामान विभागाकडून या जिल्ह्यांना पावसाचा यलो अलर्ट जारी करण्यात आला आहे.

आणखी वाचा

Maharashtra Rain Update : बंगालच्या उपसागरातील चक्रीवादळ महाराष्ट्राला फलदायी ठरणार? पुढील आठवड्यात मराठवाडा, विदर्भात जोरदार पाऊस कोसळणार?

बॅलेट पेपर हवा होता तर मग राजीव गांधींच्या काळात EVM मशीन का आणली? आठवलेंचा काँग्रेसला सवाल, म्हणाले चुकीचा प्रचार करु नका, तुम्हीही सत्तेवर या

स्वप्नील घाग — Sun, 25 Oct 2026 23:26:29 +0530

Ramdas Athawale : तुम्हाला बॅलेट पेपर हवा होता तर मग राजीव गांधींच्या काळात EVM मशीन का आणली? असा सवाल करत केंद्रीय राज्यमंत्री रामदास आठवलेंनी (Ramdas Athawale) काँग्रेसला टोला लगावला. कर्नाटकमध्ये सरकार आलं, तेलंगणामध्ये तुमचं सरकार आलं, तामिळनाडूमध्ये तुमचं सरकार आलं, हिमाचल प्रदेशमध्ये काँग्रेसचे सरकार आलं, त्यावेळेला वोट चोरी होते असे आम्ही म्हणालो नाही. ज्याला बहुमत मिळतं त्याला सत्तेवर येण्याचा अधिकार आहे. तुम्ही चुकीचा प्रचार करू नका तुम्हीही सत्तेवर या असे आठवले म्हणाले. रत्नागिरी जिल्ह्यातील खेडमध्ये रिपब्लिकन पार्टी ऑफ इंडियाच्या तालुका मेळाव्याचे आयोजन करण्यात आले होते. यावेळी केंद्रीय मंत्री रामदास आठवले बोलत होते.

मनोज जरांगे पाटील यांना 500 कोटी दिले असे म्हणणे योग्य नाही

मराठा आरक्षण आंदोलक मनोज जरांगे पाटील यांनी केलेल्या 500 कोटी रुपयांच्या कथित आर्थिक व्यवहाराच्या आरोपामुळे महाराष्ट्राच्या राजकारणात मोठा वाद निर्माण झाला आहे. दरम्यान, या प्रकरणावर मराठा आंदोलक मनोज जरांगे पाटील यांनी देखील प्रतिक्रिया दिली आहे. आपण एकही पैसा घेतलेला नाही, हा मराठा आरक्षण आंदोलन बदनाम करण्याचा कट असून या प्रकरणाची सखोल आणि निष्पक्ष चौकशी झाली पाहिजे, अशी मागणी त्यांनी केली आहे

मनोज जरांगे पाटील यांना 500 कोटी दिले असे म्हणणे योग्य नाही. त्या ऑडिओ क्लिपची चौकशी झाली पाहिजे असे आठवले म्हणाले. मनोज जरांगे पाटील यांचे आंदोलन संपवण्यासाठी भाजपने ने पैसे दिले अशा खोट्या चर्चा आहेत. अशा पद्धतीने कोणाला बदनाम करणे योग्य नाही असे आठवले म्हणाले. .

संविधान बदलण्याचा प्रयत्न करणाऱ्यांचा सत्यानाश केल्याशिवाय राहणार नाही

संविधान बदलण्याचा प्रयत्न करणाऱ्यांचा सत्यानाश केल्याशिवाय राहणार नाही असेही रामदास आठवले म्हणाले. संविधान बदलणे इतके सोपे नाही; बाबासाहेबांचे संविधान बदलण्याचा प्रयत्न करणाऱ्यांना सोडणार नाही. आंदोलन करून संविधान बदलता येत नाही, ना देशाची सत्ता बदलता येते असे आठवले म्हणाले. सत्ता हवी असेल तर 2029 मध्ये जनतेत जा, मतपरिवर्तन करा आणि मते मिळवा असेही ते म्हणाले. भारताचे बांगलादेश होऊ देणार नाही; देशात बाबासाहेबांचे संविधान कायम राहील असेही ते म्हणाले. गेल्या 12 वर्षांत देशाचा कायापालट करण्याचे काम मोदी सरकारमुळे झाल्याचा दावा आठवलेंनी केला. खेडमध्ये रिपब्लिकन पार्टी ऑफ इंडियाच्या तालुका मेळाव्याला केंद्रीय मंत्री रामदास आठवले बोलत होते.

Rain in Konkan: दुष्काळामुळे शेतकऱ्यांनी भातशेती कापली अन् आता धो-धो पाऊस आला, सिंधुदुर्गात पावसाचा यलो अलर्ट

रोहित धामणस्कर — Mon, 19 Oct 2026 15:07:10 +0530

Rain in Konkan: दुष्काळामुळे शेतकऱ्यांनी भातशेती कापली अन् आता धो-धो पाऊस आला, सिंधुदुर्गात पावसाचा यलो अलर्ट

तुझं काम करुन देतो, मी मंत्र्यांचा पीए आहे; आर्थिक लूट करणाऱ्या आरोपीविरुद्ध फसवणुकीचा गुन्हा दाखल

स्वप्नील घाग — Mon, 19 Oct 2026 14:55:26 +0530

रत्नागिरी : अनेकदा मंत्र्‍यांचे किंवा आमदार, खासदारांचा पीए (PA) असल्याचे सांगून सर्वसामान्य नागरिकांची फसवणूक केली जाते. तुमचं काम करुन देतो, माझ्या मंत्रालयात ओळखी आहेत, असे भासवून आर्थिक लुबाडणूकही केली जाते. आता, रत्नागिरी (Ratnagiri) जिल्ह्याच्या खेड तालुक्यातूनही असाच प्रकार उघडकीस आला असून आरोपीविरुद्ध गुन्हा दाखल करण्यात आलाय. राज्याचे गृहराज्य मंत्री योगेश कदम यांचा स्वीय सहाय्यक (पीए) असल्याचे भासवून एका सामाजिक कार्यकर्त्याकडून 5 हजार रुपये घेतल्याप्रकरणी रविराज चिखले याच्याविरोधात खेड पोलीस ठाण्यात गुन्हा दाखल करण्यात आला आहे. मंत्र्यांची भेट घडवून देण्यासह काम करून देण्याचे आश्वासन देऊन फसवणूक केल्याचा आरोप फिर्यादीने केला आहे.

पोलिसांनी दिलेल्या माहितीनुसार, विद्याधर दत्ताराम साळुंखे (वय 56, रा. बोरगाव-साळुंखेवाडी, ता. चिपळूण, सध्या मुंबई) यांनी याप्रकरणी फिर्याद दिली आहे. चिपळूण तालुक्यात सुरू असलेल्या कथित अनधिकृत चिरा-दगड खाणींमुळे शासनाचा कोट्यवधी रुपयांचा महसूल बुडत असल्याची बाब मंत्री योगेश कदम यांच्या निदर्शनास आणून देण्यासाठी साळुंखे प्रयत्नशील होते. याचदरम्यान, रविराज चिखले याने आपण मंत्री योगेश कदम यांचा स्वीय सहाय्यक असल्याचे भासवून मंत्र्यांची भेट घडवून देण्याचे आणि संबंधित काम करून देण्याचे आश्वासन दिल्याचा आरोप आहे. या आश्वासनापोटी 17 सप्टेंबर 2026 रोजी खेड येथे चिखले याने साळुंखे यांच्याकडून 5 हजार रुपये रोख घेतल्याचे फिर्यादीत नमूद करण्यात आले आहे. मात्र, पैसे घेतल्यानंतर मंत्र्यांची भेट घडवून देण्यात आली नाही किंवा आश्वासन दिलेले कामही झाले नाही, असा दावा साळुंखे यांनी केला आहे. आपली फसवणूक झाल्याचे लक्षात आल्यानंतर त्यांनी पोलिसांत तक्रार दाखल केली.

दरम्यान, या प्रकरणी 18 ऑक्टोबर 2026 रोजी रात्री 7.29 वाजता खेड पोलीस ठाण्यात गुन्हा क्रमांक ३४२/२०२६ नोंदवण्यात आला आहे. भारतीय न्याय संहिता 2023 मधील कलम 318 (2), 318 (4) आणि 319 (2) अन्वये गुन्हा दाखल करण्यात आला असून, पोलिसांकडून पुढील तपास सुरू आहे. मंत्र्यांचा स्वीय सहाय्यक असल्याचे भासवून पैसे घेतल्याच्या या कथित प्रकारामुळे खेड परिसरात चर्चा सुरू झाली आहे.

हेही वाचा

आधी जित्याला गोळ्या घालेन, नंतर तुला; आमदार जितेंद्र आव्हाडांना जीवे मारण्याची धमकी, पोलिसांत तक्रार दाखल

Ratnagiri Crime News: जवळच्या मित्राला अन् मैत्रिणीला मेसेज पाठवला; मध्यरात्री दोघं घरी आले, शोध घेतला पण..., घराजवळच बांधकामाच्या ठिकाणी आढळला मृतदेह, नेमकं काय घडलं?

अंकिता खाणे — Sun, 18 Oct 2026 11:58:31 +0530

देवरूख: संगमेश्वर तालुक्यातील ओझरेखुर्द-गवळीवाडी येथील २१ वर्षीय तरुणाने गळफास घेऊन आपली जीवनयात्रा संपवल्याची अतिशय दुर्दैवी घटना (Ratnagiri Crime News) समोर आली आहे. 'मी आत्महत्या करत (Ratnagiri Crime News) आहे,' असा मेसेज आपल्या मित्र व मैत्रिणीला पाठवून या तरुणाने टोकाचे पाऊल उचलले. मंदार अनिल केदारी (वय २१) असे मृत तरुणाचे नाव असून, या घटनेमुळे देवरूख आणि परिसर हळहळला आहे. (Ratnagiri Crime News)

Ratnagiri Crime News: मित्रांच्या सतर्कतेने प्रकार आला समोर

मिळालेल्या सविस्तर माहितीनुसार, मंदार केदारी याने शुक्रवारी रात्री उशिरा आपला मित्र नेहान मालगुंडकर आणि मैत्रिण चैत्राली गेल्ये यांना मोबाईलवर "मी आत्महत्या करत आहे," असा मेसेज पाठवला होता. हा मेसेज वाचून दोन्ही मित्र प्रचंड (Ratnagiri Crime News) भयभीत झाले. त्यांनी कोणतीही वेळ न घालवता रात्री दोन वाजण्याच्या सुमारास ओझरेखुर्द गवळीवाडी येथील मंदारचे घर गाठले. तिथे जाऊन त्यांनी घडलेला प्रकार मंदारच्या कुटुंबीयांच्या निदर्शनास आणून दिला. त्यानंतर वडील अनिल केदारी, मनोहर केदारी व इतर कुटुंबीयांनी मंदारचा तातडीने शोध सुरू केला.(Ratnagiri Crime News)

Ratnagiri Crime News: बांधकाम सुरू असलेल्या नवीन घरात आढळला मृतदेह

शोध घेत असताना, मनोहर केदारी यांच्या सुरू असलेल्या नवीन घराच्या बांधकामाच्या ठिकाणी जाऊन पाहिले असता, मागील भिंतीच्या लेंटलला मंदार नायलॉनच्या दोरीने गळफास (Ratnagiri Crime News) घेतलेल्या अवस्थेत आढळला. हा भयानक प्रकार पाहून कुटुंबीयांच्या पायाखालची जमीन सरकली. तातडीने देवरूख पोलिसांना या घटनेची माहिती देण्यात आली. पोलिसांनी घटनास्थлі धाव घेत मंदारला खाली उतरवून उपचारासाठी देवरूख ग्रामीण रुग्णालयात दाखल केले. मात्र, रुग्णालयातील वैद्यकीय अधिकाऱ्यांनी तपासणी करून मंदारला मृत घोषित केले.(Ratnagiri Crime News)

Ratnagiri Crime News: आत्महत्येचे कारण अद्याप गुलदस्त्यात

या आकस्मिक आणि दुर्दैवी घटनेमुळे केदारी कुटुंबावर दुःखाचा डोंगर कोसळला आहे. मंदारच्या पश्चात आई, वडील आणि भाऊ असा परिवार आहे. शनिवारी सायंकाळी शोकाकूल वातावरणात त्याच्या पार्थिवावर अंत्यसंस्कार करण्यात आले. मात्र, तरुण वयात मंदारने आत्महत्येसारखे टोकाचे पाऊल नेमके का उचलले, याचे कारण अद्याप समजू शकलेले नाही. याप्रकरणी अनिल रामचंद्र केदारी यांनी देवरूख पोलीस ठाण्यात फिर्याद दिली असून, पोलिसांनी आकस्मिक मृत्यूची नोंद केली आहे. पोलीस या प्रकरणाचा सखोल तपास करत आहेत.(Ratnagiri Crime News)

Maharashtra Weather Updates Rain Marathi News: पुणे, सोलापूर, कोल्हापूर, नांदेडसह कोकणात वादळी वाऱ्यासह पावसाची शक्यता; 10 जिल्ह्यांना यलो अलर्ट, नेमकं काय घडलं?

मुकेश चव्हाण — Sun, 18 Oct 2026 09:07:01 +0530

Maharashtra Weather Updates Rain Marathi News: राज्यात एकीकडे उन्हाचा चटका आणि उकाडा कायम असताना दुसरीकडे पावसाला पोषक हवामान तयार झाले आहे. भारतीय हवामान विभागाने आज (18 ऑक्टोबर) रोजी कोकण, पश्चिम महाराष्ट्र आणि मराठवाड्यातील काही जिल्ह्यांना वादळी पावसाचा यलो अलर्ट जारी (Rain In Maharashtra) केला आहे. कोकण किनारपट्टीवर पुढील 5 दिवसांत वादळी वाऱ्यासह पावसाची शक्यता हवामान विभागाने वर्तवली आहे. विजांच्या कडकडाटासह हलक्या ते मध्यम स्वरूपाच्या पावसाचा अंदाज व्यक्त करण्यात आला आहे. हवामान खात्याने दिलेल्या माहितीनुसार सिंधुदुर्ग जिल्ह्यांमध्ये 18, 19 आणि 20 ऑक्टोबर दरम्यान वादळी वारे, विजांचा कडकडाट आणि ताशी 40 ते 50 किलोमीटर वेगाने वादळी वारे वाहण्याची शक्यता आहे. (Maharashtra Weather Updates)

हवामान विभागाच्या अंदाजानुसार, आज रत्नागिरी आणि सिंधुदुर्ग या कोकणातील जिल्ह्यांसह पश्चिम महाराष्ट्रातील सांगली, कोल्हापूर आणि सोलापूर येथे वादळी वाऱ्यांसह पाऊस (Rain Marathi News) पडण्याची शक्यता आहे. मराठवाड्यातील धाराशिव, लातूर, नांदेड आणि हिंगोली या जिल्ह्यांनाही यलो अलर्ट देण्यात आला आहे. तसेच पुणे, सातारा, रायगड, बीड आणि परभणी या जिल्ह्यांतील तुरळक ठिकाणी विजांसह पावसाची शक्यता वर्तविण्यात आली आहे. त्यामुळे संबंधित भागांतील नागरिकांनी हवामानाच्या बदलांकडे लक्ष द्यावे, असे आवाहन हवामान विभागाकडून करण्यात येत आहे. पुढील दोन दिवस राज्यात काही ठिकाणी पाऊस पडण्याची शक्यता व्यक्त केली आहे.

उत्तर, पूर्व आणि दक्षिण भारतातील काही भागांत हवामान अस्थिर राहण्याची शक्यता- (Rain Marathi News)

नैऋत्य मान्सून महाराष्ट्राच्या (Maharashtra Rain) उर्वरित सर्व भागांतून तसेच गोवा, कर्नाटक, तेलंगणा व ओडिशाच्या काही भागांतून आणि झारखंड व छत्तीसगडच्या आणखी काही भागांतून मागे फिरला आहे. याबाबत हवामान विभागाने अधिकृतपणे जाहीर केले आहे. मात्र हवामान विभागाने (IMD) दिलेल्या नवीन अंदाजानुसार, येत्या काही दिवसांत उत्तर, पूर्व आणि दक्षिण भारतातील काही भागांत हवामान अस्थिर राहण्याची शक्यता आहे. उत्तर भारत आणि डोंगराळ प्रदेशातील अनेक भागांत विजांचा कडकडाट, वादळी वारे आणि मेघगर्जना होण्याची शक्यता वर्तवण्यात आली आहे. (Maharashtra Weather Updates)

देशातील 16 राज्यांमध्ये मुसळधार पाऊस आणि वादळाचा इशारा- (Rain Updates)

हवामान विभागाच्या अंदाजानुसार, आज 18 ऑक्टोबर रोजी महाराष्ट्र, उत्तर प्रदेश, दिल्ली, बिहार, राजस्थान, उत्तराखंड, हिमाचल प्रदेश, पंजाब, जम्मू-काश्मीर, पश्चिम बंगाल, झारखंड, ओडिशा, कर्नाटक, आंध्र प्रदेश, छत्तीसगड आणि मध्य प्रदेश या राज्यांमध्ये व प्रदेशांमध्ये मुसळधार पाऊस आणि वादळाचा इशारा देण्यात आला आहे. या काळात ताशी 70 ते 80 किलोमीटर वेगाने जोरदार वारे वाहण्याची शक्यता आहे.

राज्यासह देश-विदेशातील महत्वाच्या घडामोडी, VIDEO:

Maharashtra Weather Updates Rain Marathi News: चिपळूण, सांगलीसह अनेक जिल्ह्यात विजांच्या कडकडाटासह पावसाची हजेरी; आता किती दिवस कोसळणार?

मुकेश चव्हाण — Sun, 18 Oct 2026 06:45:38 +0530

Maharashtra Weather Updates Rain Marathi News: राज्यात सध्या मान्सूनच्या अपुऱ्या पावसामुळे भीषण दुष्काळाचे (Drought In Maharashtra) सावट असून ऑक्टोबर हीटमुळे मुंबई, पुणे आणि नाशिकसह संपूर्ण महाराष्ट्र प्रचंड तापला आहे. मात्र याचदरम्यान काल राज्यातील अनेक जिल्ह्यात विजांच्या कडकडाटासह पावसाने हजेरी लावली. कोल्हापूर, चिपळूण, धुळे, सांगलीतील अनेक भागात पावसाच्या (Chiplun Kolhapur Dhule Sangli Rain) सरी बरसल्या. त्यामुळे उकाड्याने हैराण झालेल्या नागरिकांना हवामानात गारवा निर्माण झाल्यामुळे दिलासा मिळाला. अचानक आलेल्या पावसामुळे नागरिक सुखावल्याचे पाहायला मिळाले. पाण्याची तीव्र टंचाई, जमिनीतील ओलाव्याचा अभाव आणि पिकांसमोरील संकट कायम असल्याने आगामी काळात दमदार पावसाची गरज व्यक्त होत आहे. त्यामुळे कालच्या पावसाने काहीसा दिलासा मिळाला असला, तरी दुष्काळाचे संकट दूर होण्यासाठी आणखी पावसाची प्रतीक्षा कायम आहे. (Rain In Maharashtra Marathi News)

धुळे जिल्ह्यात अडीच महिन्यांच्या खंडानंतर पावसाची हजेरी- (Dhule Rain News)

धुळे जिल्ह्यात तब्बल दोन ते अडीच महिन्यांच्या खंडानंतर पावसाने हजेरी लावली. मात्र साक्री तालुक्यातील पिंपळनेर, कुडाशी, वारसा, मोहगाव, बल्हाणे, सामोडे आणि बारीपाडा परिसराला वादळी पावसाने झोडपले. अचानक आलेल्या पावसामुळे जनजीवन विस्कळीत झाले असून अनेक ठिकाणी झाडे कोसळली आहेत.

चिपळूणमध्येही पावसाची हजेरी- (Chiplun Rain News)

विजांच्या कडकडाटासह चिपळूणमध्येही पावसाची हजेरी पाहायला मिळाली. जवळपास महिनाभराच्या विश्रांतीनंतर चिपळूणमध्ये पाऊस कोसळला. उकाड्याने हैराण झालेल्या नागरिकांना हवामानात गारवा निर्माण झाल्यामुळे दिलासा मिळाला. अचानक आलेल्या पावसामुळे नागरिक सुखावल्याचे पाहायला मिळाले.

कोल्हापूरातही काल पावसाच्या जोरदार सरी- (Kolhapur Rain News)

कोल्हापूरातही काल पावसाच्या जोरदार सरी बरसल्या. कोल्हापुरात अनेक भागात पावासाची हजेरी पाहायला मिळाली. तसेच अंबाबाई मंदिर परिसरातही अचानक पाऊस आल्याने भाविकांची तारांबळ उडाली. सुट्टीचा दिवस असल्याने मंदिरात भाविकांची गर्दी होती.

सांगलीतील तासगाव तालुक्यात दुपारी मुसळधार पावसाची हजेरी; सावळज, मांजर्डे, बलगवडे, गौरगाव परिसरातही पाऊस- (Sangli Rain News)

दुष्काळाच्या तीव्र झळा सोसत असलेल्या तासगाव तालुक्यातील काही गावांमध्ये आज भर दुपारी मुसळधार पावसाने हजेरी लावली. सावळज, मांजर्डे, बलगवडे आणि गौरगाव परिसरात सुमारे अर्धा तास झालेल्या या पावसामुळे शेतकऱ्यांना काहीसा दिलासा मिळाला आहे. तासगाव तालुक्याचा नुकताच दुष्काळी यादीत समावेश झाला आहे. पावसाअभावी खरीप हंगामातील पिकांचे नुकसान झाल्यानंतर शेतकऱ्यांच्या आशा रब्बी हंगामावर केंद्रित झाल्या आहेत. मात्र, परतीच्या पावसानेही ओढ दिल्याने रब्बी पिकांच्या पेरण्या आणि पिकांच्या वाढीसमोर संकट निर्माण झाले आहे. अशा परिस्थितीत आज झालेल्या मुसळधार पावसामुळे या भागातील रब्बी पेरणी केलेल्या पिकांना काही प्रमाणात दिलासा मिळण्याची शक्यता आहे. त्यामुळे शेतकऱ्यांमध्ये काहीशी आशा निर्माण झाली आहे. मात्र, केवळ अर्धा तास झालेल्या या पावसामुळे तालुक्यातील दुष्काळी परिस्थितीत मोठा बदल होण्याची शक्यता नसल्याचे शेतकऱ्यांचे म्हणणे आहे. पाण्याची तीव्र टंचाई, जमिनीतील ओलाव्याचा अभाव आणि पिकांसमोरील संकट कायम असल्याने आगामी काळात दमदार पावसाची गरज व्यक्त होत आहे. त्यामुळे कालच्या पावसाने काहीसा दिलासा मिळाला असला, तरी दुष्काळाचे संकट दूर होण्यासाठी आणखी पावसाची प्रतीक्षा कायम आहे.

गोव्यातही दमदार पाऊस- (Konkan Goa Rain News)

गोवा राज्यात पहाटे पाच वाजता विजांच्या कडकडाटासह पावसाने हजेरी लावली. म्हापसा, धारगळ सह अन्य ठिकाणी हलक्या ते मध्यम स्वरूपाच्या पावसाच्या सरी कोसळल्या. सध्या गोवा राज्यात दमट हवामान असून पुढील चार दिवस 30 ते 40 मी.मी. पाऊस पडेल असा अंदाज हवामान विभागाने वर्तवला आहे. दक्षिण पूर्व अरबी समुद्रात चक्रीवादळ सदृश्य प्रणाली सक्रिय झाली असल्याने किनारपट्टीवरील सर्व राज्यांना अलर्ट देण्यात आला आहे.

राज्यासह देश-विदेशातील महत्वाच्या घडामोडी, VIDEO:

मन हेलावणारी घटना, खाडीतील पाण्यात बुडून 4 मुलांचा मृत्यू; 2 दिवसापासून एकाच्या मृतदेहासाठी शोधमोहीम सुरू

अमोल मोरे, एबीपी माझा — Wed, 14 Oct 2026 20:44:41 +0530

रत्नागिरी : जिल्ह्यातील राजापूर (Ratnagiri) तालुक्यात अत्यंत ह्रदयद्रावक घटना घडली असून 4 मुलांचा पाण्यात (Sunk) बुडून मृत्यू झाल्याची माहिती आहे. राजापूरच्या नाणार गावातील इंगळवाडी येथे खाडीत आईसोबत कालवे काढण्यासाठी गेलेल्या चार मुलांचा बुडून मृत्यू झाला. त्यापैकी एक मृतदेह अद्यापही सापडला नाही. या मृतदेहाचा शोध घेण्यासाठी पोलीस दलातर्फे तटरक्षक दलाच्या मदतीने आज दिवसभर शोध मोहीम राबवले गेले. मात्र, या मन हेलावणाऱ्या घटनेनं अख्ख्या गावावर शोककळा पसरली आहे.

नाणार येथील इंगळवाडी परिसरात राहणारे जुनेद भाटकर यांच्या पत्नी हिना भाटकर आपल्या मुलांसह दुपारी साडेतीनच्या सुमारास खाडीमध्ये मुळे आणि कालवे काढण्यासाठी गेल्या होत्या. आई-वडील खाडीपात्रात कालवे काढत असताना मुले पाण्याजवळ होती. दरम्यान, सायंकाळी साडेचारच्या सुमारास खाडीपात्रातील खोल खड्ड्याचा अंदाज न आल्याने पाचही मुले एकापाठोपाठ पाण्यात बुडू लागली. या दुर्घटनेत बुडालेली सर्व मुले 4 ते 15 वयाची असल्याची माहिती आहे. सुदैवाने दुर्घटनेत एका मुलीला वाचविण्यात यश आलं. मात्र, या घटनेनं कुटुंबीयांसह संपूर्ण गावावर शोककळा पसरली आहे.

दरम्यान, बुडालेल्या 4 जणांपैकी एका मुलाचा मृतदेह अद्याप सापडला नसून प्रशासनाकडून शोधमोहीम सुरू आहे. त्याच पार्श्वभूमीवर येथील खाडीत स्कुबा डायव्हर्स, काया किंग बोटी, तटरक्षक दलाचे हेलिकॉप्टर आणि तज्ञ यांच्या मदतीने ही शोधमोहीम दिवसभर राबवली गेली. पण, मृतदेह काही हाती लागला नाही. रत्नागिरी जिल्ह्याचे पोलीस अधीक्षक नितीन बगाटे हे स्वतः या शोध मोहिमेमध्ये सहभागी झाले होते.

हेही वाचा

नाशिक हादरले! 13 वर्षांच्या चिमुकलीवर अत्याचार; धर्मांतरासाठी दबाव, नमाज पठणाचा व्हिडीओ करून...

Ramdas Kadam: रत्नागिरीच्या दापोलीतील 621 गुंठे वक्फ जमीन वादाला नवा ट्विस्ट, रामदास कदमांचा मोठा दावा; म्हणाले, धर्मादाय आयुक्तांच्या परवानगीनेच व्यवहार

स्वप्नील घाग — Sun, 4 Oct 2026 09:53:07 +0530

Ratnagiri Dapoli Waqf Land Case: रत्नागिरी जिल्ह्यातील दापोलीत वक्फ जमीन व्यवहाराचा मुद्दा ऐरणीवर आला असतानाच या प्रकरणात आता नवा ट्विस्ट आला आहे. दापोलीच्या 621 गुंठे वक्फ जमिनींच्या व्यवहारांवरून (Waqf Land Case) राजकारण तापलं असतानाच शिवसेना शिंदे गटाचे ज्येष्ठ नेते रामदास कदम (Ramdas Kadam) यांनी मोठा दावा केला आहे. महसूल चौकशीत जमीन वक्फ बोर्डाची नसल्याचा अहवाल सादर करण्यात आला असून धर्मादाय आयुक्तांच्या परवानगीनेच हा व्यवहार झाल्याचा रामदास कदमांचा दावा आहे. तर संबंधित खरेदी-विक्री व्यवहार धर्मादाय आयुक्तांच्या परवानगीने रीतसर झाल्याचे देखील रामदास कदमांचे म्हणणे आहे. एकीकडे माजी नगरसेवक संजय सावंत (Sanjay Sawant) यांच्या दाव्याने दापोलीसह राज्याच्या राजकीय वर्तुळात खळबळ उडवल्यानंतर आता ज्येष्ठ नेते रामदास कदम (Ramdas Kadam) यांनी केलेल्या दाव्याने या प्रकरणाला नवा ट्विस्ट आला आहे. (Ramdas Kadam on Ratnagiri Dapoli Waqf Land Case)

Dapoli Waqf Land Case: कथित वक्फ बोर्डाच्या जमीन विक्री व्यवहाराला आता ‘क्लीन चिट’ मिळणार?

दरम्यान, जमीन वक्फ बोर्डाची असल्याचा दावा करणारे संजय सावंत यांनी ठोस कागदपत्रे सादर करावीत, असं थेट आव्हान रामदास कदम यांनी दिलं आहे. सावंत यांचे आरोप बिनबुडाचे आणि बदनामीकारक असल्याचा रामदास कदमांचा आरोप आहे. तर महसूल अहवालामुळे कथित वक्फ बोर्डाच्या जमीन विक्री व्यवहाराला आता ‘क्लीन चिट’ मिळणार का? असा प्रश्न विचारला आहे. तसेच महसूल अहवाल आणि अधिकृत नोंदींनंतर व्यवहाराला दिलासा मिळणार का, याकडे लक्ष लागलं आहे. अशातच 'समझनेवाले को इशारा काफी हैं' म्हणत रामदास कदम यांनी संजय सावंत यांना सल्ला दिला आहे.

Sanjay Sawant: माजी नगरसेवक संजय सावंत यांचा दावा काय?

कोकणातल्या जमिनींच्या व्यवहारांवरून राजकारण तापलं असतानाच दापोलीतल्या काझी रहमान काझी इसा या वक्फ संस्थेच्या सुमारे 621 गुंठे जमिनीच्या व्यवहारावर महाराष्ट्र राज्य वक्फ मंडळानं आक्षेप नोंदवलाय. या प्रकरणी सत्ताधारी पक्षातील एका राजकीय नेत्यासह 44 जणांना कारणे दाखवा नोटीस बजावण्यात आल्याचा दावा माजी नगरसेवक संजय सावंत यांनी केलाय. वक्फ बोर्डाच्या परवानगीशिवाय जमीन विक्री आणि हस्तांतरण झाल्याचा आरोप आहे. संबंधितांना सात दिवसांत खुलासा करण्याचे निर्देश देण्यात आलेत असं सांगण्यात येत आहे. जमीन वक्फच्या ताब्यात का घेऊ नये, आणि संबंधितांवर कायदेशीर कारवाई का करू नये, याबाबतही नोटिशीत विचारणा करण्यात आली आहे. दरम्यान, या जमिनीवर इमारती आणि बंगले उभारण्यात आल्याचा दावाही माजी नगरसेवक संजय सावंत यांनी केला आहे. दापोलीमधील या जमीन घोटाळ्यामुळं मोठी खळबळ उडाल्याचं पाहायला मिळत आहे. आता प्रशासन काय कारवाई करणार याची उत्सुकता आहे. दरम्यान या प्रकरणावर अल्पसंख्याक विभागाच्या मंत्री सुनेत्रा पवार यांना चौकशी करण्याची विनंती करणार असल्याचं सुनील तटकरेंनी म्हटलंय.

ठाकरे बंधू महाराष्ट्राची करमणूक करतायेत, रामदास कदमांचा टोला, म्हणाले, एक दिवस दूध का दूध पाणी का पाणी होईल

स्वप्नील घाग — Sat, 3 Oct 2026 19:08:29 +0530

Ramdas Kadam on Raj Thackeray and Uddhav Thackeray : मुख्य निवडणूक आयुक्त ज्ञानेश कुमार आणि मतदारयादी पुनर्रनिरीक्षण प्रक्रियेतील (SIR) कथित गैरप्रकाराच्या मुद्यावरुन राजकीय वातावरण चांगलच तापलं आहे. याच मुद्यावरुन उद्या म्हणजे 4 ऑक्टोबरला राज ठाकरे आणि उद्धव ठाकरे हे मुंबईत मोर्चा काढणार आहेत. या मोर्चात सर्वच राजकीय पक्षांनी सहभागी व्हावं असं आवाहन देखील ठाकरे बंधूंनी केलं आहे. यावर आता शिवसेना शिंदे गटाचे नेते आणि माजी मंत्री रामदास कदम यांनी प्रतिक्रिया दिली आहे.

स्वतःचे अपयश लपवण्यासाठी निवडणूक आयोगाला बदनाम करण्याचे काम

ठाकरे बंधूंच्या आंदोलनात किती पक्ष सहभागी होणार, हे पाहणे महत्त्वाचे असल्याचे रामदास कदम म्हणाले. उद्धव ठाकरेंनी आत्मपरीक्षण करावे. निवडणूक आयोगाला बदनाम करून अपयश लपवण्याचा आरोप कदम यांनी केला. मुख्य निवडणूक आयुक्त ज्ञानेश कुमार यांच्या विरोधात ठाकरे बंधू आंदोलन करत आहेत. काँग्रेसचे अधिक खासदार निवडून आले तेव्हा ज्ञानेश कुमार यांनी गडबड केली नाही, असे उद्धव ठाकरेंना वाटते का? असा सवाल कदम यांनी केला. स्वतःचे अपयश लपवण्यासाठी निवडणूक आयोगाला बदनाम करण्याचे काम उद्धव ठाकरे करत असल्याचा आरोप कदम यांनी केला. या प्रवृत्तीचा आपण धिक्कार करत असल्याचे कदम म्हणाले.

बूंद से जाती है, वो हौद से नहीं आती, हे उद्धव ठाकरेंनी लक्षात ठेवावे,

जनतेच्या न्यायालयात जाण्याची भूमिका उद्धव ठाकरेंनी घेतली होती. निवडणुकीत जनतेने काय कौल दिला, हे लक्षात ठेवावे, असे कदम म्हणाले. बूंद से जाती है, वो हौद से नहीं आती, हे उद्धव ठाकरेंनी लक्षात ठेवावे, असा टोला देखील कदमांनी लगावला. जवळची माणसे का सोडून गेली, याचे आत्मपरीक्षण करण्याचा सल्ला देखील कदमांनी दिला. राज ठाकरे आणि उद्धव ठाकरे महाराष्ट्राची करमणूक करत असून नौटंकीच्या माध्यमातून दिशाभूल करण्याचा प्रयत्न करत असल्याचा आरोप देखील त्यांनी केला. एक दिवस दूध का दूध पाणी का पाणी होईल, असेही कदम यावेळी म्हणाले.

राजकीय विषयात विद्यार्थ्यांना सहभागी करुन घेणे योग्य नाही

CJP ने निवडणूक आयुक्तांचा विषय हातात घेणे योग्य नसल्याचे रामदास कदम यांनी म्हटले आहे. विद्यार्थ्यांनी विद्यार्थ्यांचे प्रश्न हातात घ्यावेत; त्यासाठी आपण त्यांच्यासोबत राहू, असे कदम यांनी सांगितले. राजकीय विषयात विद्यार्थ्यांना सहभागी करुन घेणे योग्य नसल्याचे मत देखील त्यांनी व्यक्त केले. विद्यार्थ्यांच्या खांद्यावर बंदूक ठेवून महाराष्ट्राला बदनाम करण्याची राजकीय खेळी सुरू असल्याचा आरोप देखील त्यांनी केला. CJP ला कोणीतरी चालवत असल्याचे विद्यार्थ्यांनी लक्षात घ्यावे, असे आवाहन देखील रामदास कदम यांनी केले. विद्यार्थी हुशार असून त्यांनी आपले प्रश्न केंद्रस्थानी ठेवावेत, असेही कदम यावेळी म्हणाले.

आदित्य ठाकरे यांच्याकडे पर्यावरण विभागाची जबाबदारी दिल्यानंतर आपले निर्णय थांबवले

पर्यावरण मंत्री असताना मिठी नदीसाठी मोठ्या प्रमाणात काम केल्याचा दावा रामदास कदम यांनी केला आहे. मिठी नदीच्या दोन्ही बाजूंना रस्ते करण्यासह अनधिकृत बांधकामे हटवली आणि नदीची खोली वाढवून रुंदीकरण केल्याचे त्यांनी सांगितले. नदीच्या दोन्ही बाजूंना सांडपाणी वाहिन्या टाकून पाणी एकत्रित करणे, त्यावर प्रक्रिया करुन खाडीत सोडणे, असा प्रस्ताव तयार केल्याचे कदम यांनी सांगितले. उद्धव ठाकरे मुख्यमंत्री झाल्यानंतर आदित्य ठाकरे यांच्याकडे पर्यावरण विभागाची जबाबदारी दिल्यानंतर आपले निर्णय थांबवण्यात आल्याचा आरोप कदमांनी केला. आपल्या प्रस्तावानुसार काम झाले असते तर मिठी नदीचा सुमारे 20 किलोमीटरचा भाग स्वच्छ झाला असता आणि पर्यटनाच्या दृष्टीनेही विकास झाला असता, असा दावा त्यांनी केला. मिठी नदीशी संबंधित अनेक प्रश्नही त्यातून मार्गी लागले असते, असे रामदास कदम यांनी सांगितले.

ठाकरे बंधू महाराष्ट्राची करमणूक करतायेत, रामदास कदमांचा टोला, म्हणाले, एक दिवस दूध का दूध पाणी का पाणी होईल

Maharashtra Rain Weather updates: वाऱ्यांचा वेग वाढला, वातावरण बदलायला सुरुवात, 13 राज्यांत पाऊस पडणार, महाराष्ट्रात काय स्थिती?

मनोज जरांगे पाटील यांना 500 कोटी दिले असे म्हणणे योग्य नाही

संविधान बदलण्याचा प्रयत्न करणाऱ्यांचा सत्यानाश केल्याशिवाय राहणार नाही

Rain in Konkan: दुष्काळामुळे शेतकऱ्यांनी भातशेती कापली अन् आता धो-धो पाऊस आला, सिंधुदुर्गात पावसाचा यलो अलर्ट

तुझं काम करुन देतो, मी मंत्र्यांचा पीए आहे; आर्थिक लूट करणाऱ्या आरोपीविरुद्ध फसवणुकीचा गुन्हा दाखल

हेही वाचा

Ratnagiri Crime News: मित्रांच्या सतर्कतेने प्रकार आला समोर

Ratnagiri Crime News: बांधकाम सुरू असलेल्या नवीन घरात आढळला मृतदेह

Ratnagiri Crime News: आत्महत्येचे कारण अद्याप गुलदस्त्यात

उत्तर, पूर्व आणि दक्षिण भारतातील काही भागांत हवामान अस्थिर राहण्याची शक्यता- (Rain Marathi News)

देशातील 16 राज्यांमध्ये मुसळधार पाऊस आणि वादळाचा इशारा- (Rain Updates)

राज्यासह देश-विदेशातील महत्वाच्या घडामोडी, VIDEO:

संबंधित बातमी:

Maharashtra Weather Updates Rain Marathi News: चिपळूण, सांगलीसह अनेक जिल्ह्यात विजांच्या कडकडाटासह पावसाची हजेरी; आता किती दिवस कोसळणार?

धुळे जिल्ह्यात अडीच महिन्यांच्या खंडानंतर पावसाची हजेरी- (Dhule Rain News)

चिपळूणमध्येही पावसाची हजेरी- (Chiplun Rain News)

कोल्हापूरातही काल पावसाच्या जोरदार सरी- (Kolhapur Rain News)

सांगलीतील तासगाव तालुक्यात दुपारी मुसळधार पावसाची हजेरी; सावळज, मांजर्डे, बलगवडे, गौरगाव परिसरातही पाऊस- (Sangli Rain News)

गोव्यातही दमदार पाऊस- (Konkan Goa Rain News)

राज्यासह देश-विदेशातील महत्वाच्या घडामोडी, VIDEO:

संबंधित बातमी:

मन हेलावणारी घटना, खाडीतील पाण्यात बुडून 4 मुलांचा मृत्यू; 2 दिवसापासून एकाच्या मृतदेहासाठी शोधमोहीम सुरू

हेही वाचा

ठाकरे बंधू महाराष्ट्राची करमणूक करतायेत, रामदास कदमांचा टोला, म्हणाले, एक दिवस दूध का दूध पाणी का पाणी होईल

स्वतःचे अपयश लपवण्यासाठी निवडणूक आयोगाला बदनाम करण्याचे काम

बूंद से जाती है, वो हौद से नहीं आती, हे उद्धव ठाकरेंनी लक्षात ठेवावे,

राजकीय विषयात विद्यार्थ्यांना सहभागी करुन घेणे योग्य नाही

आदित्य ठाकरे यांच्याकडे पर्यावरण विभागाची जबाबदारी दिल्यानंतर आपले निर्णय थांबवले