मोठी बातमी ! रायगडच्या समुद्रकिनारी 8 जणांचा बुडून मृत्यू; पुण्यातील सहल फिरायला आल्याची माहिती

Mumbai-Goa Car Accident: मुंबई-गोवा महामार्गावर एर्टिगा कारला अपघात; एकाचा मृत्यू, दोनजण गंभीर जखमी

गणेश म्हाप्रळकर — Wed, 7 Oct 2026 14:35:30 +0530

Mumbai-Goa Car Accident: मुंबई-गोवा महामार्गावर एर्टिगा कारला अपघात; एकाचा मृत्यू, दोनजण गंभीर जखमी

Raigad Crime News: 'मी जीवन संपवतोय', पत्नीला शेवटचा मेसेज पाठवला, मोबाईल बंद केला अन्...; विठूरायाच्या भक्ताने टकमक टोकावरून उडी मारून जीवन संपवलं

जयदीप मेढे — Mon, 5 Oct 2026 09:19:37 +0530

Raigad Crime News: ऐतिहासिक किल्ले रायगडावरून (Raigad Fort) एक हृदयद्रावक घटना समोर आली आहे. "मी टकमक टोकावरून उडी मारून जीवन संपवत आहे," असा मेसेज पत्नीला व्हॉट्सॲपवर पाठवून बेपत्ता झालेल्या 37 वर्षीय तरुणाचा मृतदेह आढळून आला आहे. सुयोग सुरेश पांचाळ (वय 37, मूळ रा. बीजघर, खेड, जि. रत्नागिरी; सध्या रा. रामनगर, वागळे इस्टेट, ठाणे) असे मृत तरुणाचे नाव आहे.

Raigad Crime News: पायथ्याशी गाडी लावली अन् पायऱ्यांनी गाठले टकमक टोक

मिळालेल्या माहितीनुसार, सुयोग पांचाळ हा शनिवारी पहाटेच्या सुमारास किल्ले रायगडावर आला होता. त्याने आपली अर्टिगा कार गडाच्या पायथ्याशी पार्क केली आणि पायरी मार्गाने गडावर गेला. सकाळी साडेसातच्या सुमारास तो टकमक टोकावर पोहोचला. तेथे पोहोचल्यानंतर त्याने टकमक टोकाचे फोटो काढून पत्नीला व्हॉट्सॲपवर पाठवले आणि "मी इथून उडी मारून जीवन संपवत आहे," असा मेसेज केला. या मेसेजपाठोपाठ त्याचा मोबाईल फोन बंद झाला.

Raigad Crime News: भावाची धावपळ अन् पोलिसांची शोधमोहीम

या मेसेजची माहिती मिळताच सुयोगचा भाऊ सुवेल पांचाळ याने तातडीने रायगड गाठले. त्याने टकमक टोकासह गड परिसरात सुयोगचा शोध घेतला, मात्र तो कुठेही आढळला नाही. अखेर शनिवारी सायंकाळी महाड तालुका पोलिसांना (Mahad Taluka Police) या घटनेची माहिती देण्यात आली. पोलिसांनी गड परिसरात शोध सुरू केला असता गडाच्या पायथ्याशी सुयोगची कार उभी असलेली आढळली. मात्र, रात्र झाल्याने शनिवारी रात्री शोधमोहीम थांबवावी लागली.

Raigad Crime News: ड्रोनच्या मदतीने दरीत आढळला मृतदेह

रविवार सकाळपासून पोलीस पथक, स्थानिक रेस्क्यू टीम आणि ग्रामस्थांच्या मदतीने पुन्हा मोहीम सुरू करण्यात आली. दरी अत्यंत खोल असल्याने शोध घेण्यास अडचणी येत होत्या. अखेर ड्रोनच्या साहाय्याने दरीत पाहणी केली असता एका ठिकाणी सुयोगचा मृतदेह दिसून आला.

Raigad Crime News: विठूरायाचा भक्त अन् कपाळाला बुक्का...

दरम्यान, मृत सुयोग हा विठूरायाचा भक्त असल्याची माहिती समोर आली आहे. घटनेच्या वेळी त्याच्या कपाळाला काळा बुक्का लावलेला होता. एका हसतमुख आणि वारकरी निष्ठा असलेल्या तरुणाने असे टोकाचे पाऊल का उचलले? याबाबत गूढ निर्माण झाले असून, महाड तालुका पोलीस याप्रकरणी पुढील सखोल तपास करत आहेत.

राज्य आणि देश-विदेशातील महत्त्वाच्या बातम्या; पाहा व्हिडीओ

आणखी वाचा

Pune Crime News: 'त्याला एड्स असल्याचे माहिती असूनही मी...'; कॉलेजला जाते सांगून पुण्यातील तरुणी घरातून निघाली; रात्री ई-मेल आला अन् कुटुंबीयांच्या पायाखालची जमीन सरकली

Raigad Crime: घरच्यांना शेवटचा कॉल अन् 37 वर्षीय तरुणाने किल्ले रायगडाच्या टकमक टोकावरून स्वतःला झोकून दिलं, अथक प्रयत्नांनंतर मृतदेह शोधण्यात बचाव पथकाला यश

गणेश म्हाप्रळकर — Sun, 4 Oct 2026 11:56:42 +0530

Raigad Crime: घरच्यांना शेवटचा कॉल अन् 37 वर्षीय तरुणाने किल्ले रायगडाच्या टकमक टोकावरून स्वतःला झोकून दिलं, अथक प्रयत्नांनंतर मृतदेह शोधण्यात बचाव पथकाला यश

Raigad Crime News: घरी फोन करून टोकाचे पाऊल उचलत असल्याचं सांगितलं, नंतर मोबाईल बंद केला अन्...; किल्ले रायगडावरून तरुणाने उडी मारल्याचा संशय

गणेश म्हाप्रळकर — Sun, 4 Oct 2026 07:29:14 +0530

Raigad Crime News: किल्ले रायगडावरील (Raigad Fort) टकमक टोक (Takmak Tok) परिसरातून एका 37 वर्षीय तरुणाने टोकाचे पाऊल उचलल्याचा संशय व्यक्त करण्यात येत आहे. सुयोग पांचाळ (Suyog Panchal) असे बेपत्ता तरुणाचे नाव असून तो ठाणे येथील रहिवासी आहे. या घटनेची माहिती मिळताच महाड तालुका पोलीस (Mahad Taluka Police), रेस्क्यू टीम (Rescue Team) आणि स्थानिकांच्या मदतीने त्याचा शोध घेण्याची मोहीम सुरू करण्यात आली आहे.

मिळालेल्या माहितीनुसार, सुयोग पांचाळ हा काल शनिवारी किल्ले रायगडावर (Raigad Fort) पोहोचला होता. त्यानंतर त्याने आपल्या घरी फोन करून आपण टोकाचे पाऊल उचलत असल्याचे सांगितल्याची माहिती समोर आली आहे. या फोननंतर त्याचा मोबाईल बंद झाला. त्यामुळे कुटुंबीयांकडून त्याचा शोध घेण्यास सुरुवात करण्यात आली.

Raigad Crime News: भावाने दिली पोलिसांना माहिती

सुयोग याचा भाऊ सुवेल पांचाळ (Suvel Panchal) याने किल्ले रायगडाच्या पायथ्याशी उभी करण्यात आलेल्या त्याच्या मोटारसायकलची पाहणी केली. मात्र सुयोगचा कोणताही ठावठिकाणा लागला नाही. त्यानंतर घडलेल्या प्रकाराची माहिती महाड तालुका पोलिस ठाण्यात (Mahad Taluka Police Station) देण्यात आली.

Raigad Crime News: किल्ले रायगड परिसरात शोधमोहीम

घटनेची माहिती मिळाल्यानंतर पोलिसांनी रेस्क्यू टीम आणि स्थानिकांच्या मदतीने किल्ले रायगड परिसरात शोधमोहीम सुरू केली आहे. विशेषतः टकमक टोक आणि आजूबाजूच्या परिसरात शोध घेतला जात आहे. मात्र अद्याप सुयोग पांचाळ याचा ठावठिकाणा लागलेला नाही. ही घटना काल संध्याकाळी उशिरा समोर आल्याची माहिती आहे. तरुणाने नेमके कोणत्या कारणामुळे हे टोकाचे पाऊल उचलण्याची भाषा केली, याबाबत अद्याप स्पष्ट माहिती समोर आलेली नाही. पोलिसांकडून या प्रकरणाचा तपास सुरू असून त्याच्या कुटुंबीयांकडूनही माहिती घेतली जात आहे. पोलीस, रेस्क्यू पथक आणि स्थानिकांच्या मदतीने बेपत्ता सुयोग पांचाळ याचा शोध घेतला जात असून पुढील तपास सुरू आहे.

राज्य आणि देश-विदेशातील महत्त्वाच्या बातम्या; पाहा व्हिडीओ

इतर महत्त्वाच्या बातम्या

Mumbai Crime News: Free Fire गेमच्या ID चा वाद टोकाला, तरुणाच्या गळ्यावर चाकूने वार; मुंबईतील खळबळजनक घटना

Nagpur Accident: भीषण अपघात! भरधाव ट्रेलरची जबर धडक, दुचाकीवरील पती-पत्नी अन् एका चिमुकल्याचा घटनास्थळीच दुर्दैवी अंत; नागपूरच्या जामठा गावाजवळील घटना

Raigad Diveagar beach Tragedy : समुद्रातून पाच मिनिटात बाहेर काढलं, तरी आळंदीच्या आठ विद्यार्थ्यांचे प्राण कसे गेले? कारण आलं समोर

जयदीप मेढे — Fri, 2 Oct 2026 09:42:12 +0530

पुणे : सहलीचा आनंद लुटण्यासाठी हसत-खेळत घराबाहेर पडलेल्या आळंदीतील आठ विद्यार्थ्यांचा दिवेआगरच्या समुद्रात बुडून मृत्यू झाला आहे. रायगड श्रीवर्धन जिल्ह्यातील तालुक्यातील दिवेआगर (Raigad Diveagar beach death) समुद्रकिनारी काल (गुरुवारी, ता १) सायंकाळी घडलेल्या दुर्घटनेत विनर्स अकॅडमीच्या अकरावी-बारावी विज्ञान शाखेतील आठ विद्यार्थ्यांचा बुडून मृत्यू झाला.(Raigad Diveagar beach death)

आळंदी येथील 'विनर्स अकॅडमी फॉर ११वी-१२वी सायन्स'च्या विद्यार्थ्यांच्या दिवेआगर सहलीवर गुरुवारी दुःखाचा डोंगर कोसळला. समुद्रात भरतीची वेळ असताना पाण्यात उतरलेल्या ८ विद्यार्थ्यांचा नाकातोंडात पाणी आणि वाळू गेल्याने करुण अंत झाला. जीवरक्षक आणि स्थानिकांनी अवघ्या पाच मिनिटांत सर्वांना बाहेर काढले, मात्र तोपर्यंत त्यांची प्राणज्योत मालवली होती. मुख्य पर्यटनस्थळापासून काहीशा आडबाजूला असलेल्या आणि कमी वर्दळ असलेल्या किनाऱ्यावर विद्यार्थी समुद्रात उतरले होते. स्थानिक नागरिकांच्या मते, विद्यार्थ्यांना या भागातील समुद्राच्या पाण्याचा आणि खोलीचा अंदाज नव्हता.(Raigad Diveagar beach death)

घटना घडली तेव्हा काल (गुरुवारी, ता 1) भरतीच्या वेळी समुद्रात उतरलेले सुरुवातीला दोन विद्यार्थी एका खड्ड्यात बुडू लागले. त्यांना वाचवण्यासाठी गेलेले आणखी पाच विद्यार्थी आणि इतर साथीदारही पाण्यात अडकले. विद्यार्थ्यांचा आरडाओरड ऐकून किनाऱ्यावर असलेल्या स्थानिकांनी आणि जीवरक्षकांनी तात्काळ समुद्राकडे धाव घेतली. जीवरक्षक व स्थानिक नागरिकांनी तत्परता दाखवत सुरुवातीला ३० ते ३५ विद्यार्थ्यांना सुरक्षितपणे किनाऱ्यावर आणले.

Raigad Diveagar beach Tragedy: पाच मिनिटांत बाहेर काढले, पण...

इतर ३०-३५ विद्यार्थ्यांना बाहेर काढल्यानंतर आठ विद्यार्थी अद्याप समुद्रात अडकल्याचे लक्षात आले. जीवरक्षकांनी क्षणाचाही विलंब न लावता पाण्यात शोध घेऊन अवघ्या ५ मिनिटांत या आठही जणांना बाहेर काढले. मात्र, नाकातोंडात मोठ्या प्रमाणावर वाळू आणि पाणी गेल्यामुळे या सर्व आठ विद्यार्थ्यांचा मृत्यू झाला होता.

Raigad Diveagar beach Tragedy: नेमकं काय घडलं?

विनर्स अकॅडमीतील ४८ जणांचा ग्रुप रायगड किल्ला आणि दिवेआगरच्या सहलीसाठी काल (गुरुवारी, ता २) पहाटे आळंदीहून रवाना झाला होता. या गटात २५ मुले, १७ मुली व सहा शिक्षकांचा समावेश होता. दिवसभर पर्यटन केल्यानंतर विद्यार्थी दिवेआगर समुद्रकिनारी गेले. सायंकाळी समुद्रात उतरलेल्या काही विद्यार्थ्यांना समुद्राच्या प्रवाहाचा अंदाज आला नाही. त्यातून ८ विद्यार्थी पाण्यात ओढले गेले. बुडून मृत्यू झालेल्या विद्यार्थ्यांची नावे राजवीर वहिले, सोहम भांडवलकर, कौस्तुभ दौंड, यश वानखेडे, कैवल्य वासनकर, तन्मय वहिले, सुमित अहिरे, प्रणव बनसोडे अशी असून, सर्वांचे मृतदेह बाहेर काढण्यात आले आहेत. रायगड जिल्ह्यातील दिवेआगर येथील समुद्रात बुडून आळंदी येथील आठ विद्यार्थ्यांचा गुरुवारी मृत्यू झाला. हे विद्यार्थी सहलीसाठी आले होते. समुद्रात उतरल्यानंतर त्यांना पाण्याची खोली आणि प्रवाहाचा अंदाज आला नाही. त्यामुळे ते समुद्राच्या लाटांसोबत वाहून गेले.

Diveagar beach Tragedy Raigad: दिवेआगर समुद्रकिनाऱ्यावर काळजाचा थरकाप उडवणारं दृश्य, विद्यार्थ्यांचे सात मृतदेह, पोलिसांनी सीपीआर ट्रिटमेंट दिली पण....

गणेश म्हाप्रळकर — Fri, 2 Oct 2026 08:47:41 +0530

Diveagar beach Tragedy Raigad: रायगड जिल्ह्यातील दिवेआगर समुद्रकिनाऱ्यावर गुरुवारी दुपारी मोठी दुर्घटना घडली. यामध्ये आळंदीवरुन सहलीसाठी आलेल्या 8 विद्यार्थ्यांचा बुडून मृत्यू झाला. पुण्यातील आळंदी (Alandi news) येथील विनर्स अकॅडमीमधील अकरावी आणि बारावीचे विद्यार्थी आणि शिक्षक असे मिळून 48 जण दिवेआगर (Diveagar) याठिकाणी सहलीसाठी आले होते. गुरुवारी दुपारी हे सर्व विद्यार्थी दिवेआगर समुद्रकिनाऱ्यावर पाण्यात खेळत असताना ही दुर्घटना घडली. या विद्यार्थ्यांपैकी सर्व मुली या किनाऱ्यावरच खेळत होत्या, कोणीही पाण्यात उतरले नव्हते. तर सर्व मुलं शिक्षकांसोबत पाण्यात होती. यावेळी समुद्राला भरती होती. समुद्राच्या पाण्यात खेळत असताना एकाला वाचवण्याच्या नादात सात विद्यार्थी समुद्राच्या पाण्यात खेचले गेले. त्यावेळी त्यांचे शिक्षक नेमके समुद्रातून बाहेर गेल्याने त्यांना विद्यार्थ्यांच्या मदतीला जाता आले नाही. त्यामुळे आठ जणांचा समुद्रात बुडून मृत्यू झाला. (Diveagar beach 8 students drown in sea)

या दुर्घटनेनंतर दिवेआगर समुद्रकिनाऱ्यावर भयावह दृश्य पाहायला मिळाले. स्थानिकांनी आणि पोलिसांना याबाबत समजल्यानंतर तातडीने सर्वजण मदतीसाठी आले. या सर्वांनी सात विद्यार्थ्यांचे मृतदेह समुद्रातून बाहेर काढले. सात विद्यार्थ्यांचे मृतदेह दिवेआगर समुद्रकिनाऱ्यावर एकमेकांच्या बाजूलाच ठेवण्यात आले होते. यावेळी पोलीस या मुलांचा जीव वाचवण्यासाठी सीपीआर ट्रिटमेंट देत होते. एकाला सीपीआर ट्रिटमेंट दिल्यावर त्याने प्रतिसाद दिला नाही, तर दुसऱ्याकडे जाऊन पोलीस सीपीआर ट्रिटमेंट देत होते. पण सर्व विद्यार्थी निश्चलपणे पडून होते. हे दृश्य अंगावर काटा आणणारे होत. याचा एक व्हिडीओ सोशल मीडियावर व्हायरल होत आहे.

Diveagar beach 8 Students died: आळंदीचे विद्यार्थी समुद्रात का बुडाले?

गुरुवारी दुपारी रायगडच्या दिवेआगार समुद्र किनारी आळंदी येथून फिरण्यासाठी आलेल्या क्लासच्या 8 विद्यार्थ्यांचा बुडून मृत्यू झाला होता.रात्री उशिरा या तरुणांचे मृतदेह शवविच्छेन आणि कायदेशिर प्रक्रिया पूर्ण करून नातेवाईकांच्या ताब्यात देण्यात आले. दिवेआगार समुद्र किनारी पर्यटकांचा मृत्यू होण्याची ही पहिलीच घटना असल्याचे स्थानिकांकडून सांगण्यात येत आहे. महाकाली वॉटर स्पोर्टच्या भाऊ साळुंखे यांनी विद्यार्थ्यांना वाचवण्याचे प्रयत्न केले. मात्र, ते पोहोचेपर्यंत आठ विद्यार्थी समुद्रात बुडाले होते.

भाऊ साळुंखे यांनी या दुर्घटनेबाबत माहिती देताना सांगितले की, काल दिवेआगर समुद्रकिनाऱ्यावर मुलांची सहल आली होती. काल तीन वाजता मुलं पाण्यात उतरली होती. मी साडेतीन वाजता त्यांना, इथे थांबू नका, वॉटर स्पॉर्टस लांब आहे, माझ्याजवळ थांबा. माझे वॉटर स्पोर्टस असलेला पॉईंट इथून दीड किलोमीटर लांब आहे. मी त्यांना म्हणालो की, माझ्याइकडे वॉटर राईड करु नका, पण त्या पॉईंटजवळ थांबा. मी त्यांना हे सांगून माझ्या पॉईंटजवळ आलो. त्यानंतर 20 मिनिटांनी त्या विद्यार्थ्यांपैकी एकजण आला. तो म्हणाला की, आमच्यापैकी एकजण बुडाला आहे. मी लगेच माझी टीम घेऊन तिकडे गेलो. आमच्या टीमने समुद्रात जाऊन पटापट सात मृतदेह बाहेर काढले. त्यानंतर आठव्या विद्यार्थ्याचा मृतदेह सापडायला दीड तास लागला. दोन तास इतके प्रयत्न करुनही आम्हाला एकाही विद्यार्थ्याला वाचवता आले नाही, याचे दु:ख वाटते. ती मुलं समुद्रकिनाऱ्यापासून जवळपास अर्धा किलोमीटर आतमध्ये होती. आम्ही मुलांना वाचवायला भरपूर प्रयत्न केले. पण पावसामुळे समुद्राला खड्डे पडले आहेत. या खड्ड्यांचा मुलांना अंदाज आला नाही आणि एकाला वाचवण्याच्या नादात सगळेजण आत खोल समुद्रात खेचले गेले, असे भाऊ साळुंखे यांनी सांगितले.

आणखी वाचा

Raigad Diveagar beach Tragedy: आळंदीच्या विद्यार्थ्यांसाठी दिवेआगरची सहल ठरली काळी आठवण, आठ मृतदेह रुग्णवाहिकेत ठेवताच पालकांना हुंदका अनावर, बस आळंदीत पोहोचली

Raigad Diveagar beach Tragedy: आळंदीच्या विद्यार्थ्यांसाठी दिवेआगरची सहल ठरली काळी आठवण, आठ मृतदेह रुग्णवाहिकेत ठेवताच पालकांना हुंदका अनावर, बस आळंदीत पोहोचली

गणेश म्हाप्रळकर — Fri, 2 Oct 2026 07:30:40 +0530

Raigad Diveagar beach Tragedy: रायगडच्या दिवेआगर समुद्रकिनाऱ्यावर गुरुवारी आठ विद्यार्थ्यांचा समुद्रात बुडून मृत्यू झाला होता. पुण्यातील आळंदी (Alandi news) येथील विनर्स अकॅडमीमधील अकरावी आणि बारावीचे विद्यार्थी आणि शिक्षक असे मिळून 48 जण दिवेआगर (Diveagar) याठिकाणी सहलीसाठी आले होते. मात्र, ही सहल या सर्वांसाठी आयुष्यातील एक कटू आठवण ठरली. दिवेआगर समुद्रकिनाऱ्यावर भरतीच्या पाण्याचा अंदाज न आल्याने या विद्यार्थ्यांपैकी आठ जणांचा बुडून मृत्यू झाला. (Diveagar beach news)

या सर्वांचे मृतदेह समुद्रातून बाहेर काढून त्यांचे शवविच्छेदन करण्यात आले. हे मृतदेह श्रीवर्धन जिल्हा उपरुग्णालयात ठेवण्यात आले होते. पहाटे 4 वाजेपर्यंत शवविच्छेदन प्रक्रिया पार पडल्यानंतर आठही मुलांचे मृतदेह शुक्रवारी पहाटे आळंदीच्या दिशेने रवाना करण्यात आले होते. हे मृतदेह रुग्णवाहिकेत ठेवताना या मुलांच्या पालकांना अश्रू अनावर झाले. तत्पूर्वी काल रात्रीच सहलीसाठी आलेल्या विद्यार्थ्यांची बसही दिवेआगर येथून आळंदीच्या दिशेने निघाली. आनंदाचे चार क्षण व्यतीत करण्यासाठी याठिकाणी आलेले विद्यार्थी आणि शिक्षक काळ्या आठवणी घेऊन दिवेआगरमधून निघाले. ही बस शुक्रवारी पहाटे आळंदीत दाखल झाली. याठिकाणी अत्यंत शोकाकूल वातावरण आहे. विद्यार्थ्यांचे पालक आणि नातेवाईक एकमेकांच्या गळ्यात पडून रडताना दिसत आहेत.

ही दुर्घटना घडल्यानंतर काल रात्री महिला व बालविकास मंत्री अदिती तटकरे श्रीवर्धनमध्ये गेल्या होत्या. त्यांनी मृत मुलांच्या पालकांची आणि नातेवाईकांची भेट घेऊन त्यांचे सांत्वन केले. या दुर्घटनेबद्दल अदिती तटकरे यांनी शोक व्यक्त केला. दिवेआगर हा सुरक्षित समुद्रकिनारा आहे. याठिकाणी अशी दुर्घटना घडणे दुर्दैवी असल्याचे त्यांनी म्हटले. निसर्ग आणि त्याच्या मर्यादांचे पालन करणे गरजेचे आहे. मृतांच्या कुटुंबासोबत संपूर्ण सरकार पाठीशी असल्याचे अदिती तटकरे यांनी म्हटले.

Aditi Tatkare: अदिती तटकरे पोलिसांवर संतापल्या

काल रात्री आळंदीच्या विद्यार्थ्यांची बस आळंदीच्या दिशेने रवाना झाली. त्यावेळी विद्यार्थ्यांच्या बससोबत पोलिस कर्मचारी न पाठवल्याच्या मुद्द्यावरून मंत्री आदिती तटकरे पोलिस अधिकाऱ्यांवर संतापल्या. दिवेआगार दुर्घटनेतील विद्यार्थ्यांची बस रात्री दिवेआगार येथून ताम्हिणी घाट मार्गे आळंदीला मध्यरात्री निघाली. विद्यार्थ्यांची मनःस्थिती घाबरलेली होती, याचा उल्लेख करीत आदिती तटकरे यांनी पोलिसांना प्रश्न विचारले. ताम्हिणी घाट मार्गे रात्रीचे वेळी बस जाणार असताना सोबत पोलिस कर्मचारी का दिला नाही, असा सवाल आदिती तटकरे यांनी केला. पोलिसांच्या या बेजबाबदारपणावर आदिती तटकरे यांनी स्पष्ट शब्दात नाराजी व्यक्त केली.

Diveagar news: दिवेआगरच्या समुद्रकिनाऱ्यावर नेमकं काय घडलं?

पोलिसांनी दिलेल्या माहितीनुसार, आळंदीच्या विद्यार्थ्यांची सहल दिवेआगर येथे सहलीसाठी आली होती. यामध्ये 25 मुलं, 17 मुली असे 42 विद्यार्थी आणि 6 शिक्षक यांचा समावेश होता. भरतीच्या पाण्यात पोहताना या विद्यार्थ्यांना पाण्याचा अंदाज न आल्यामुळे काहीजण बुडायला लागले. आपल्या मित्रांना वाचवायला काही विद्यार्थी आत गेले. मात्र, त्या नादात सगळ्यांचा पाण्यात बुडून मृत्यू झाला.

मयत मुलांची नावे खालीलप्रमाणे

1) तन्मय दत्तात्रय वहीले
2) सुमित भरत अहिरे
3) प्रणव रामदास बनसोडे
4) कैवल्य सतीश वासनकर
5) राजवीर युवराज वहीले
6) यश किरण वानखेडे
7) सोहम तुकाराम भांडवलकर
8) कौस्तुभ संदीप दौंड

या सर्वांचे वय (16 वर्षे) असून ते पुणे जिल्ह्यातील आळंदीचे रहिवाशी आहेत.

आणखी वाचा

मोठी बातमी ! रायगडच्या समुद्रकिनारी 8 जणांचा बुडून मृत्यू; पुण्यातील सहल फिरायला आल्याची माहिती

जबाबदारी अकादमीची होती, मुलांना खोल पाण्यात का जाऊ दिले? महाजनांचा सवाल, अकादमीची चौकशी करणार, दोषींवर कठोर कारवाई होणार

अभिषेक मुठाळ — Thu, 1 Oct 2026 21:22:03 +0530

Girish Mahajan : रायगड जिल्ह्यात एक धक्कादायक घटना घडली आहे. जिल्ह्यातील दिवेआगर समुद्रकिनाऱ्यावर आळंदीतील (Alandi) एका खासगी अकॅडमीमधील 8 विद्यार्थ्यांचा पाण्यात बुडून मृत्यू झाल्याची दुर्घटना घडली आहे. या घटनेमुळं खळबळ उडाली आहे. स्थानिकांच्या मदतीने मुलांचे मृतदेह पाण्यातून बाहेर काढले असून रुग्णालयात नेण्यात आले आहेत. दरम्यान, या घटनेवर आपत्ती व्यवस्थापन मंत्री गिरीश महाजन यांनी प्रतिक्रिया दिली आहे. अकादमीची जबाबदारी होती, त्या मुलांना खोल पाण्यात का जाऊ दिले? असा सवाल महाजन यांनी उपस्थित केला आहे.

अकादमीची चौकशी करुन दोषींवर कठोर कारवाई केली पाहिजे

दिवेआगर समुद्रकिनारी घडलेली घटना अत्यंत दुर्देवी आणि दुःखद असल्याचे महाजन म्हणाले. आळंदी मधील 48 जण सहलीसाठी गेले होते. काही जण पाण्यातून परत माघारी आले. तर 8 जण यामध्ये बुडाले, यामध्ये त्यांचा मृत्यू झाला आहे. अकादमीची जबाबदारी होती, मुलांना खोल पाण्यात का जाऊ दिले? असा सवाल महाजनांनी उपस्थित केलाय. सखोल चौकशी झाली पाहिजे, जिल्हाधिकाऱ्यांसह एसीपींसोबत चर्चा केल्याची माहिती महाजन यांनी दिली आहे. अकादमीची पण चौकशी करुन दोषींवर कठोर कारवाई केली पाहिजे असे महाजन म्हणाले. विद्यार्थ्यांच्या घरच्यांवर मोठं दुःख आहे. मी या घटनेबद्दल शोक व्यक्त करतो असे महाजन म्हणाले. या संदर्भात काही मार्गदर्शक सूचना शाळा किंवा संस्थांना दिल्या जातील. जबाबदारी निश्चित करु असेही महाजन म्हणाले.

पर्यटनास आले असताना घडली घटना

दरम्यान, रायगडमध्ये पर्यटनास, फिरण्यासाठी आलेले आठजण बुडाल्याची दुर्घटना घडली, पाण्याचा अंदाज न आल्याने आठही जण पाण्यात बुडाल्याची प्राथमिक माहिती आहे. पुण्यातील आळंदी येथून एका खासगी क्लासची सहल पर्यटनासाठी आली होती. त्यातील 8 जण समुद्रकिनारी पाण्यात पोहोण्याचा आनंद घेत असताना ही दुर्घटना घडली. या दुर्घटनेतील सर्व आठही जणांचे मृतदेह बाहेर काढण्यात आले आहेत. दिवे आगार येथे मृत पावलेले विद्यार्थी हे विनर्स अकॅडमीत शिक्षण घेत होते. ही खाजगी शिकवणी असून ते सर्वजण अकरावीचं शिक्षण घेत होते. 42 विद्यार्थी आणि दोन शिक्षक असे 44 जण आज दिवे आगारला ट्रिपसाठी गेले होते. त्यातील आठ विद्यार्थ्यांचा मृत्यू झालाय अशी माहिती आळंदी नगरपरिषदेकडून देण्यात आली. महाकाली वॉटर स्पोर्ट्सच्या कर्मचाऱ्यांनी मृतदेह बाहेर काढण्यासाठी मदत केली, तसेच स्थानिक नागरिकांनीही सहकार्य केले. मात्र, या दुर्घटनेनं समुद्रकिनारी शोककळा पसरली आहे.

रायगड समुद्रकिनारी बुडालेले 8 विद्यार्थी आळंदीचे रहिवाशी; पोलिसांकडून नावे समोर, कुटुंबीयांवर दु:खाचा डोंगर

नाजीम मुल्ला, एबीपी माझा, पिंपरी चिंचवड — Thu, 1 Oct 2026 20:29:07 +0530

रायगड : जिल्ह्यातील दिवेआगर येथे समुद्रकिनाऱ्यावर घडलेल्या घटनेमध्ये आळंदीतील (Alandi) एका खासगी अकॅडमीमधील 8 विद्यार्थ्यांचा पाण्यात बुडून मृत्यू झाल्याची दुर्घटना घडली. पुणे येथील विनर्स अकॅडमी फॉर 11th अँड 12th या अकॅडमीचे 25 मुले, 17 मुली व 06 शिक्षक असे एकूण 48 विद्यार्थी व शिक्षक दिघी सागरी, दिवेआगर येथील समुद्रकिनाऱ्यावर पर्यटनासाठी आले होते. त्यातील, 08 विद्यार्थी समुद्रकिनाऱ्यावर (Sea) पोहत असताना बुडाले असून ते 08 ही विद्यार्थी मिळून आलेले आहेत. स्थानिकांच्या मदतीने मुलांचे मृतदेह पाण्यातून बाहेर काढले असून रुग्णालयात नेण्यात आले आहेत.

रायगडमधील दुर्घटनेत पुणे जिल्ह्यातील विद्यार्थ्यांचा मृत्यू झाल्याची माहिती मिळताच उपमुख्यमंत्री सुनेत्रा पवार यांनी रायगडच्या जिल्हाधिकाऱ्यांशी फोनवरुन संपर्क साधत घटनेची माहिती दिली. तसेच, बचावकार्य, मदतकार्य आणि परिस्थितीवर प्रशासनामार्फत तातडीने लक्ष ठेवण्याच्या सूचना त्यांनी दिल्या. दुर्घटनेतील मृतांच्या कुटुंबीयांप्रती सुनेत्रा पवार यांनी दुःख व्यक्त केले असून, प्रशासनाने आवश्यक ती सर्व मदत आणि कार्यवाही तातडीने करण्याच्या सूचना दिल्या आहेत. तर, राष्ट्रवादीचे प्रदेशाध्यक्ष सुनील तटकरे यांनीही याबाबत प्रतिक्रिया देताना शोक व्यक्त केला. दरम्यान, या दुर्घटनेनं आळंदीत मोठी शोककळा पसरली असून पीडित कुटुंबीयांवर दु:खाचा डोंगर कोसळला आहे.

रायगड दिवे आगार समुद्रकिनारी झालेल्या या दुर्घटनेत 8 विद्यार्थी मयत झालेले आहेत. दिघी पोलिसांकडून पुढील कार्यवाही सुरू असून मृतांची नावे समोर आली आहेत.

मयत मुलांची नावे खालीलप्रमाणे

1) तन्मय दत्तात्रय वहीले
2) सुमित भरत अहिरे
3) प्रणव रामदास बनसोडे
4) कैवल्य सतीश वासनकर
5) राजवीर युवराज वहीले
6) यश किरण वानखेडे
7) सोहम तुकाराम भांडवलकर
8) कौस्तुभ संदीप दौंड

दरम्यान, मृतांमधील सर्वांचे वय (16 वर्षे) असून ते पुणे जिल्ह्यातील आळंदीचे रहिवाशी आहेत.

समुद्रकिनारा सुरक्षित करण्यासाठी प्रयत्न

दिवेआगर मध्ये आळंदी येथील आठ जण बुडाल्याची दुर्घटना वेदनादायी आहे. दिवेआगर मधील समुद्र किनारा सुरक्षित करण्यासाठी आमचे सातत्याने प्रयत्न आहेत. दिवेआगर मधील दुर्घटनेबाबत पुन्हा असे प्रकार घडणार नाही, यासाठी मी प्रयत्न करत असतो. अशा दुर्घटनेमुळे मनात संवेदना व्यक्त होतात. मात्र, अशा दुर्घटना टाळण्यासाठी माझी पांडुरंग चरणी प्रार्थना असल्याचे सुनील तटकरे यांनी म्हटले. दरम्यान, सरकार याबाबतीत उचित निर्णय घेऊन मुलांच्या कुटुंबीयांचा मदतीकरीता विचार करेल, अशी अपेक्षा देखील त्यांनी व्यक्त केली.

हेही वाचा

मोठी बातमी ! रायगडच्या समुद्रकिनारी 8 जणांचा बुडून मृत्यू; पुण्यातील सहल फिरायला आल्याची माहिती

गणेश म्हाप्रळकर — Thu, 1 Oct 2026 19:04:17 +0530

रायगड : कोकणच्या निसर्गसौंदर्याने नटलेला जिल्हा म्हणून रायगडची (Raigad) जगभरात ओळख आहे. त्यामुळे, कोणकचा समुद्रकिनारा, रायगड, रत्नागिरी, सिंधुदुर्ग फिरायला जगभरातून पर्यटक येतात. महाराष्ट्राच्या कानाकोपऱ्यातूनही पर्यटक, विद्यार्थी, मोठ्या संख्येने समुद्रकिनारी पर्यटनाचा आनंदघेण्यासाठी येत असतात. मात्र, आज येथील दिवेआगर समुद्र किनारी मोठी दुर्घटना घडली असून 8 जणांच्या पाण्यात बुडून (Sea) मृत्यू झाल्याची माहिती आहे. सर्वजण पुण्यातील आळंदी येथून सहलीसाठी आले होते, अशी प्राथमिक माहिती आहे.

रायगड पर्यटनास, फिरण्यासाठी आलेले आठजण बुडाल्याची दुर्घटना घडली, पाण्याचा अंदाज न आल्याने आठही जण पाण्यात बुडाल्याची प्राथमिक माहिती आहे. पुण्यातील आळंदी येथून एका खासगी क्लासची सहल पर्यटनासाठी आली होती. त्यातील 8 जण समुद्रकिनारी पाण्यात पोहोण्याचा आनंद घेत असताना ही दुर्घटना घडली. या दुर्घटनेतील सर्व आठही जणांचे मृतदेह बाहेर काढण्यात आले आहेत. दिवे आगार येथे मृत पावलेले विद्यार्थी हे विनर्स अकॅडमीत शिक्षण घेत होते. ही खाजगी शिकवणी असून ते सर्वजण अकरावीचं शिक्षण घेत होते. 42 विद्यार्थी आणि दोन शिक्षक असे 44 जण आज दिवे आगारला ट्रिपसाठी गेले होते. त्यातील आठ विद्यार्थ्यांचा मृत्यू झालाय अशी माहिती आळंदी नगरपरिषदेकडून देण्यात आली.

दरम्यान, महाकाली वॉटर स्पोर्ट्सच्या कर्मचाऱ्यांनी मृतदेह बाहेर काढण्यासाठी मदत केली, तसेच स्थानिक नागरिकांनीही सहकार्य केले. मात्र, या दुर्घटनेनं समुद्रकिनारी शोककळा पसरली आहे. दुर्घटनेतील सर्व मृतदेह बोर्ली पंचतन प्राथमिक आरोग्य केंद्रात आणण्यात आले आहेत. पोलीस आणि प्रशासन घटनास्थळी दाखल झाले असून अधिक तपास सुरू आहे. दरम्यान, मंत्री भरत गोगावले आणि आदिती तटकरे यांनीही प्रशासनाशी संपर्क साधल्याची माहिती आहे.

उपमुख्यमंत्री सुनेत्रा पवारांचा जिल्हाधिकाऱ्यांना फोन

रायगड जिल्ह्यातील दिवेआगर समुद्रकिनाऱ्यावर घडलेल्या अत्यंत दुर्दैवी दुर्घटनेत समुद्रात बुडाल्याने आठ विद्यार्थ्यांचा मृत्यू झाल्याची प्राथमिक माहिती समोर आली आहे. या घटनेची माहिती मिळताच उपमुख्यमंत्री श्रीमती सुनेत्रा अजितदादा पवार यांनी रायगड जिल्हाधिकाऱ्यांशी दूरध्वनीद्वारे संवाद साधून घटनेची सविस्तर माहिती घेतली. तसेच बचावकार्य, मदतकार्य आणि परिस्थितीवर प्रशासनामार्फत तातडीने लक्ष ठेवण्याच्या सूचना त्यांनी दिल्या. दुर्घटनेतील मृतांच्या कुटुंबीयांप्रती उपमुख्यमंत्री सुनेत्रा पवार यांनी दुःख व्यक्त केले असून, प्रशासनाने आवश्यक ती सर्व मदत आणि कार्यवाही तातडीने करण्याच्या सूचना दिल्या आहेत.

हेही वाचा

प्रदीप पूर्णेकर मृत्यू प्रकरण! ठाण्यात समाज विघातक घटना वाढल्या, या प्रकरणाची सखोल चौकशी व्हावी, भाजप आमदाराची मागणी