Raigad Crime News: गुरु-शिष्याच्या नात्याला काळिमा! खासगी क्लासच्या शिक्षकाकडून दहावीच्या विद्यार्थ्यासोबत नको ते कृत्य; रायगडमधील संतापजनक घटना

Raigad Crime News: महिला पोलिसाशी अश्लील बोलणं भोवलं; रायगडमध्ये दोन पोलिसांचं थेट निलंबन, नेमकं काय घडलं?

गणेश म्हाप्रळकर — Fri, 24 Apr 2026 15:59:10 +0530

Raigad Crime News: महिलांच्या सुरक्षिततेसाठी आणि मदतीसाठी नेमण्यात आलेल्या दक्षता कमिटीच्या महिला सदस्यासोबतच अश्लील वर्तन करणे रायगडमधील दोन पोलीस कर्मचाऱ्यांना चांगलेच महागात पडले आहे. पेण आणि खोपोली पोलीस दलातील या दोन कर्मचाऱ्यांनी मद्यप्राशन करून महिलेशी अश्लील संभाषण केल्याचा प्रकार उघडकीस आला असून, रायगडच्या पोलीस अधीक्षक आंचल दलाल यांनी या दोन्ही पोलिसांवर निलंबनाची (Suspension) कारवाई केली आहे.

Raigad Crime News: नेमके प्रकरण काय?

निलंबित करण्यात आलेल्या पोलिसांची नावे प्रकाश कोकरे (पेण) आणि नितीन मोहिते (खोपोली) अशी आहेत. याबाबत मिळालेल्या माहितीनुसार, महिलांच्या सुरक्षेसाठी स्थापन करण्यात आलेल्या दक्षता कमिटीच्या एका महिला सदस्यासोबत या दोघांनीही अत्यंत खालच्या थराचे वर्तन केले. या दोघांनीही मद्यधुंद अवस्थेत संबंधित महिलेला मोबाईलवर फोन करून अश्लील संभाषण केले.

Raigad Crime News: व्हॉट्सअ‍ॅपवर मेसेजचा भडिमार

केवळ फोनच नव्हे, तर एका व्हॉट्सअ‍ॅप नंबरवरून या महिलेला विनाकारण मेसेज पाठवून त्रास देण्याचा प्रकारही समोर आला आहे. महिलेने या त्रासाला कंटाळून अखेर वरिष्ठ पोलीस अधिकाऱ्यांकडे धाव घेत तक्रार दाखल केली. या तक्रारीचे गांभीर्य लक्षात घेऊन पोलीस अधीक्षकांनी तातडीने चौकशीचे आदेश दिले होते.

Raigad Crime News: पोलीस अधीक्षकांचा दणका

प्राथमिक चौकशीत या दोन्ही पोलिसांकडून कर्तव्यात कसूर आणि गैरवर्तन झाल्याचे निष्पन्न झाले. त्यानंतर पोलीस अधीक्षक आंचल दलाल यांनी प्रकाश कोकरे आणि नितीन मोहिते या दोघांनाही तात्काळ निलंबित करण्याचे आदेश जारी केले. खाकी वर्दीची प्रतिष्ठा धुळीस मिळवणाऱ्या आणि महिलांशी गैरवर्तन करणाऱ्यांची गय केली जाणार नाही, असा इशारा या कारवाईतून देण्यात आला आहे. या कारवाईमुळे रायगड पोलीस दलात मोठी खळबळ उडाली आहे.

इतर महत्त्वाच्या बातम्या

Nagpur Crime News: 'पैसे देऊ शकत नसशील, तर तुझ्या मुलीला माझ्याकडे पाठव', सावकाराची संतापजनक मागणी, बापाने थेट काटा काढला; नागपूर हादरलं!

Ashok Kharat Nashik Court Hearing: अशोक खरातचे वकील कोर्टात संतापले, म्हणाले, एसआयटी सारखं तेच पाणी आणि पेढे करत बसलेय, न्यायाधीशांचा महत्त्वाचा निर्णय

Raigad News: लाडकी बहिणच्या सर्व्हेला आलेला विद्यार्थी बुडाला; कर्जतमधील पळसदरी डॅमजवळ काय घडलं?

गणेश म्हाप्रळकर — Wed, 22 Apr 2026 10:28:34 +0530

Raigad News: कर्जतमधील पळसदरी तलावात एका विद्यार्थी बुडाल्याची घटना समोर आली आहे. भारती विद्यापीठ खारघर या कॉलेजमध्ये बॅचलर ऑफ कॉम्प्युटर एप्लिकेशन्सच्या पहिल्या वर्षात हा विद्यार्थी शिकत होता.

नेमकं काय घडलं? (Raigad News)

आर्यन थापर असं या विद्यार्थ्याचे नाव असून तो 20 वर्षांचा होता. आपल्या कॉलेजच्या पाच मित्रांसोबत लाडकी बहीण योजनेच्या सर्व्हेसाठी पळसदरी येथे आला होता. मात्र भर दुपारी उष्णतेत वाढ होत असताना जवळच डॅम असल्याने आर्यनने डॅमच्या पाण्यात पोहण्याचा प्लॅन केला. मात्र आर्यनला पाण्याचा अंदाज न आल्याने तो या तलावात बुडाला.

आज सकाळी सापडला मृतदेह- (Raigad News)

कर्जत पोलिसांनी खोपोली येथील हेल्प फॉउंडेशनच्या माध्यमातून बचाव आणि शोधकार्य राबवले. मात्र काल संध्याकाळी उशीरापर्यंत आर्यनचा मृतदेह सापडला नव्हता. अखेर आज त्याचा मृतदेह शोधण्यात बचाव टीम ना यश आले आहे. या दुर्दैवी घटनेने हळहळ व्यक्त होत असून उन्हाळी पर्यटनासाठी धरण आणि नद्यांवर जात असताना सावधगीरी बाळगण्याचे अवाहन या निमित्ताने रायगड प्रशासनाकडून करण्यात येत आहे.

राज्यासह देश-विदेशातील महत्वाच्या घडामोडी, VIDEO:

ही बातमीही वाचा:

लोणावळा फिरायला जाताय? ऑनलाईन फसवणुकीपासून सावधान; व्हिला बुकींचा स्कॅम, पर्यटकाची हजारोंना फसवणूक

Raigad Crime news: माणगावच्या लॉजवरील तरुणीच्या मृतदेहाबाबत धक्कादायक खुलासा; प्रेमप्रकरण अन्...; आरोपीला नवी मुंबईतून बेड्या

गणेश म्हाप्रळकर — Tue, 21 Apr 2026 13:19:21 +0530

Raigad Crime News: मुंबई-गोवा महामार्गावरील लोणेरे येथील 'ओमकार रेसिडेन्सी' या लॉजिंगमध्ये काल उघडकीस आलेल्या तरुणीच्या हत्याकांडामुळे रायगड जिल्हा हादरून गेला आहे. याप्रकरणी पोलिसांनी मृत तरुणीची ओळख पटवली असून, पल्लवी मोरे (वय 22, रा. वडगाव बौद्धवाडी, ता. माणगाव) असे तिचे नाव आहे. गोरेगाव पोलिसांनी याप्रकरणी आरोपीविरुद्ध गंभीर कलमान्वये गुन्हा दाखल केला असून, संशयित आरोपीला नवी मुंबईतून ताब्यात घेतले आहे.

Raigad Crime News: नेमकी घटना काय?

याबाबत मिळालेल्या माहितीनुसार, आरोपीने पल्लवीला लोणेरे येथील ओमकार लॉजमध्ये नेले होते. तिथे त्यांच्यात वाद झाला आणि त्याचे पर्यावसान हत्येत झाले. काल पल्लवीचा मृतदेह लॉजमधील खोलीत विवस्त्र अवस्थेत आढळून आला, ज्यामुळे परिसरात खळबळ उडाली. प्रेमप्रकरणातून हा टोकाचा प्रकार घडल्याची प्राथमिक माहिती समोर येत आहे.

Raigad Crime News: पोलिसांनी आरोपीला ठोकल्या बेड्या

घटनेची माहिती मिळताच गोरेगाव पोलीस आणि फॉरेन्सिक तज्ज्ञांच्या टीमने घटनास्थळी धाव घेत पंचनामा केला. तांत्रिक तपासाच्या आधारे पोलिसांनी आरोपीचा माग काढला. आरोपी हा मूळचा रत्नागिरी जिल्ह्यातील असून हत्येनंतर तो फरार झाला होता. मात्र, रायगड पोलिसांनी विशेष पथके तयार करून त्याला नवी मुंबई परिसरातून फिल्मी स्टाईलने अटक केली आहे.

Raigad Crime News: गंभीर कलमान्वये गुन्हा नोंद

केवळ हत्याच नाही, तर या प्रकरणात अत्याचार झाल्याचा संशय असल्याने पोलिसांनी भारतीय न्याय संहितेच्या संबंधित कलमांसह अनुसूचित जाती-जमाती अत्याचार प्रतिबंधक कायदा अंतर्गत देखील गुन्हा दाखल केला आहे. पल्लवीचा मृतदेह शवविच्छेदनासाठी पाठवण्यात आला असून, त्याचा अहवाल प्राप्त झाल्यानंतर अधिक बाबी स्पष्ट होतील. दरम्यान, या घटनेमुळे रायगड जिल्ह्यातील नागरिकांमध्ये भीती आणि असुरक्षिततेची भावना निर्माण झाली आहे. भरदिवसा अशा प्रकारची घटना घडल्याने कायदा-सुव्यवस्थेबाबत चिंता व्यक्त केली जात आहे.

इतर महत्त्वाच्या बातम्या

Nanded Crime News: मोबाईलच्या स्टेटसवरुन पोलिसांना 'कबुतरा'चा माग काढला, नांदेडच्या अर्जितसिंह चव्हाणचा मारेकरी शाहरुखला अटक, बड्या राजकारण्यांशी कनेक्शन

Ahilyanagar Crime News: संगमनेरच्या भोंदू गडगेला महावितरणचा शॉक! दत्तधाम आश्रमात मीटर बायपास करून चोरली वीज; पोलिसांनंतर आता महावितरणची मोठी कारवाई

Maharashtra Weather Updates मोठी बातमी: पुढील 3 तासांत मुंबईसह ठाणे, पालघर रायगडमध्ये पावसाचा इशारा; मंत्रालयाकडून सतर्कतेचा इशारा

मुकेश चव्हाण — Tue, 21 Apr 2026 07:59:43 +0530

Maharashtra Weather Updates: मुंबई: भारतीय हवामान खात्याच्या (आयएमडी) दिनांक 20 एप्रिल 2026 रोजी जाहीर केलेल्या पाच दिवसीय अंदाजानुसार, राज्यातील विविध भागांत 20 ते 24 एप्रिल या कालावधीत वादळी वारे, विजांचा कडकडाट, गारपीट आणि पावसाची शक्यता (Rain In Maharashtra) व्यक्त करण्यात आली आहे.

हवामान विभागाच्या या अंदाजानंतर आता मुंबईतील मंत्रालयाकडूनही सतर्कतेचा इशारा देण्यात आला आहे. पुढील 3 तासांत मुंबई, मुंबई उपनगर, पालघर, रायगड, ठाणे येथील काही भागांमध्ये सोसाट्याच्या वाऱ्यासह हलक्या पावसाच्या सरी बरसण्याची शक्यता आहे. मेघगर्जना आणि विजांचा कडकडाट होण्याची शक्यता मुंबईतील मंत्रालयाकडून वर्तवण्यात आली आहे.

यवतमाळमध्येही वादळी वाऱ्यासह पावसाची हजेरी- (Yavatmal Rain)

यवतमाळमध्येही दिवसभराच्या ढगाळी वातावरण अचानक बदल होऊन रात्री उशिरा अचानक वादळ वाऱ्यासह विजांच्या कडकडाटात अवकाळी पावसाने अनेक भागात हजेरी लावली. या अचानक आलेल्या वादळामुळे नागरिकांची उकड्यापासून सुटका झाली. काही भागात वीज पुरवठा खंडित झाला असून नागरिकांना अंधारात रात्र काढावी लागली. दरम्यान, या वादळी वाऱ्याचा फटका फळपीक आंबा, उन्हाळी तीळ पिकांवर याचा परिणाम होण्याची भीती व्यक्त केली जात आहे.

परभणीत मध्यरात्री वादळी वाऱ्यासह जोरदार अवकाळी पाऊस- (Parbhani Rain)

दिवसभर उकाड्याने हैराण झालेल्या परभणीत मध्यरात्रीच्या सुमारास आकाशात विजांचा प्रचंड कडकडाट,सोबतच वादळी वाऱ्यांसह जोरदार अवकाळी पावसाने हजेरी लावलीय.अचानक बदललेल्या हवामानामुळे सर्वत्र गारवा निर्माण झाला असून उकाड्याने हैराण झालेल्या परभणीकरांना काहीसा दिलासा मिळालाय.जोरदार वाऱ्यामुळे भागांत वीजपुरवठा खंडित झाला.ग्रामीण भागात या अवकाळी पावसाचा फटका शेतीला बसण्याची शक्यता आहे.फळबागांसह भाजीपाला पिकांना या पावसाचा मोठा फटका बसू शकतो. सतत होत असलेल्या वादळी वाऱ्यासह पावसामुळे यंदा गावरान आंब्याचे मोठे नुकसान झाले असून या नुकसानीमुळे गावरान आंबा खायला मिळतो की नाही अशी शक्यता निर्माण झाली आहे.दरम्यान, या वादळी पावसामुळे वातावरणात गारवा निर्माण झाला असून, गेल्या काही दिवसांपासून जाणवणाऱ्या उष्णतेपासून नागरिकांना काहीसा दिलासा मिळाला आहे. मात्र, हवामान खात्याने पुढील काही दिवसांतही विजांच्या कडकडाटासह पावसाची शक्यता वर्तवली असून, नागरिकांनी सतर्क राहण्याचे आवाहन करण्यात आले आहे.

नागरिकांसाठी सूचना- (Maharashtra Weather)

विजेचा कडकडाट ऐकू आला किंवा विज चमकताना दिसताच तात्काळ घरात किंवा सुरक्षित ठिकाणी आश्रय घ्यावा. झाडाखाली, मोकळ्या शेतात, पाण्याजवळ किंवा लोखंडी वस्तूंच्या जवळ उभे राहणे टाळावे. मोकळ्या जागेत मोबाईल फोन किंवा इतर इलेक्ट्रॉनिक उपकरणांचा वापर करू नये. निवाऱ्यापासून दूर असल्यास जमिनीवर आडवे न पडता पाय एकत्र करून खाली बसून राहावे.

प्रशासनासाठी उपाययोजना- (Maharashtra Weather)

ग्रामपंचायत, पोलीस व आरोग्य विभागांनी तातडीने जनजागृती करावी. रुग्णवाहिका, अग्निशमन दल आणि आपत्कालीन पथके सज्ज ठेवावीत. शाळा, सभागृह व सार्वजनिक इमारती सुरक्षित निवाऱ्यासाठी खुल्या ठेवाव्यात. हवामान खात्याचे अद्ययावत इशारे गावपातळीपर्यंत त्वरित पोहोचवावेत.

विशेष सूचना- (Maharashtra Weather)

शेतकरी बांधवांनी विजांच्या इशाऱ्याच्या कालावधीत शेतातील कामे टाळावीत. बांधकाम स्थळांवरील कामकाज तात्पुरते थांबवावे. तसेच यात्रा, धार्मिक कार्यक्रम आणि मोठ्या प्रमाणावरील गर्दीचे आयोजन तातडीने स्थगित करण्याचे आवाहन करण्यात आले आहे. राज्य आपत्कालीन कार्य केंद्राने सर्व संबंधित यंत्रणांना सतर्क राहण्याच्या सूचना दिल्या असून नागरिकांनी अफवांवर विश्वास न ठेवता अधिकृत सूचनांचे पालन करावे, असेही आवाहन करण्यात आले आहे.

राज्यासह देश-विदेशातील महत्वाच्या घडामोडी, VIDEO:

Raigad Crime news: माणगावच्या लॉजवर सफाई कर्मचाऱ्याने दरवाजा उघडताच दिसलं भयानक दृश्य, तरुणीचा मृतदेह आढळल्याने खळबळ

गणेश म्हाप्रळकर — Tue, 21 Apr 2026 07:30:17 +0530

Raigad Crime news: माणगावच्या लॉजवर सफाई कर्मचाऱ्याने दरवाजा उघडताच दिसलं भयानक दृश्य, तरुणीचा मृतदेह आढळल्याने खळबळ

ऑनलाईन जुगारात तरुण कर्जबाजारी! चोरी करुन कर्ज फेडण्याचा प्रकार उघड, रायगड पोलिसांची कारवाई

गणेश म्हाप्रळकर — Mon, 20 Apr 2026 17:04:27 +0530

Raigad Crime News : रायगड जिल्ह्यात एक धक्कादायक घटना घडली आहे. ऑनलाइन जुगारामध्ये तरुण कर्जबाजारी झाला होता. त्यामुळं तो चोरी करून कर्ज फेडण्याचा प्रयत्न करत होता. अखेर रायगड पोलिसांनी या तरुणाला अटक करण्यात आली आहे. महागडे मोबाईल महागडे वाहन वापरण्यावरून पोलिसांना संशय आला होता. दरम्यान, अटक करण्यात आलेल्या तरुणावर नागोठणे पोलिस ठाण्यात अनेक गुन्हे दाखल असल्याचंही समोर आलं आहे.

रमी खेळून त्याने स्वतःवर मोठ कर्ज करून ठेवलं होतं

ऐकावं तर नवलच अशी घटना रायगडमधून समोर येत आहे. रायगडच्या बेनसे परिसरातील एका 23 वर्षीय तरुणाने ऑनलाइन रमी खेळून अंगावर झालेले कर्ज फेडण्यासाठी चक्क घरफोड्या, चोऱ्या करण्याचा मार्ग अवलंबला होता. अखेर रायगड पोलिसांचा ताब्यात तो सापडला आहे. अक्षय कुथे वय वर्ष 23 असं या तरुणाचे नाव असून अक्षय हा सुरुवातीपासून रमी ऑनलाइन जुगार खेळायचा. मात्र रमी खेळून त्याने स्वतःवर मोठ कर्ज करून ठेवलं होत. आता केलेल कर्ज परतफेड कसे करणार? या भीतीने त्याने पेण तालुक्यातील शिहू, बेनसे, मुंढाणी, झोतीरपाडा परिसरातील घरांमध्ये दरोडा टाकून अनेक वेळा चोरी केली आहे. मात्र वाढते चोरीचे सत्र लक्षात घेता स्थानिक नागरिकांना अक्षयच्या कर्ज बाजारी आणि महागड्या गाड्या महागडे मोबाईल वापरण्यावरुन पोलिसांना त्याची भनक लागताच अखेर यशस्वी सापळा रचून पोलिसांनी अक्षय याला ताब्यात घेतलं.

कर्ज असल्याने ही पाऊल उचलल्याची आरोपीनं दिली कबुली

आरोपी अक्षय याने घडलेला संपूर्ण प्रकार पोलिसांना सांगितला. आपण आपल्यावर कर्ज असल्याने ही पाऊल उचलल्याची कबुली दिलीय. त्यानंतर पोलिसांनी अक्षय याच्यावर चोरी प्रकरणी नागोठणे पोलिस ठाण्यात अनेक गुन्हे दाखल केले आहेत.

स्मशानभूमीत अत्यांविधी केलेल्या महीलेची राख चोरीला

धाराशिव जिल्ह्यातील तुलजापुरात देखील एक धक्कादायक प्रकरा घडला आहे. स्मशानभूमीत अत्यांविधी केलेल्या महीलेची राख चोरीला गेल्याची घटना समोर आली आहे. तुळजापूमध्ये हा धक्कादायक प्रकार घडला आहे. तुळजापुरातील आरधवाडी गल्ली भागातील वंदना जाधव यांच 18 एप्रिल रोजी निधन झाल्यानंतर त्यांच्यावर स्मशानभूमीत अंत्यसंस्कार करण्यात आले होते. राख सावडण्यासाठी कुटुंबीय गेले असता राख चक्क चोरी केल्याचा प्रकार उघकीस आला आहे. अंत्यविधी केल्या नंतर राख चोरी केल्याने एकच खळबळ उडाली आहे. सदरील प्रकरणाचा सखोल तपास करण्याची कुटुंबीयांची मागणी, पोलिसात देखील तक्रार देणार

Raigad Crime News: 10 वर्षांपासून प्रेमसंबंध, प्रेयसीचा अचानक लग्नास नकार, नैराश्यात प्रियकराने उचललं टोकाचं पाऊल; मृतदेहाजवळ सापडला तरुणीचा फोटो, रायगड हादरलं

जयदीप मेढे — Sun, 19 Apr 2026 10:57:26 +0530

Raigad Crime News: प्रेमप्रकरणातून निर्माण झालेल्या मानसिक तणावातून एका तरुणाने स्वतःला संपवून घेतल्याची हृदयद्रावक घटना अलिबाग (Alibaug) शहरातील रामनाथ परिसरात उघडकीस आली आहे. अक्षय युवराज निकाळे (वय 30, मूळ रा. नाशिक) असे या युवकाचे नाव असून, या दुर्दैवी घटनेमुळे संपूर्ण शहरात हळहळ व्यक्त केली जात आहे.

Raigad Crime News: लग्नाला नकार ठरला कारणीभूत?

याबाबत मिळालेल्या माहितीनुसार, अक्षय निकाळे याचे अलिबागमधील एका व्यापाऱ्याच्या मुलीसोबत मागील 10 वर्षांपासून प्रेमसंबंध होते. दोघेही एकमेकांसोबत विवाह बंधनात अडकणार होते, अशी चर्चा आहे. मात्र, काही दिवसांपूर्वी प्रेयसीने लग्नासाठी नकार दिल्याने अक्षयला मोठा मानसिक धक्का बसला होता. या घटनेमुळे अक्षय मागील काही दिवसांपासून प्रचंड नैराश्यात होता.

Raigad Crime News: राहत्या घरी टोकाचे पाऊल

नाशिक येथील एका कौटुंबिक कार्यक्रमातून अलिबागला परतल्यानंतर, अक्षयने राहत्या घरी टोकाचे पाऊल उचलत आपली जीवनयात्रा संपवली. घटनेची माहिती मिळताच अलिबाग पोलिसांनी घटनास्थळी धाव घेतली. मृतदेहाजवळ प्रेयसीचा फोटो आढळल्याने प्रेमप्रकरणातून निर्माण झालेल्या मानसिक तणावातून ही घटना घडल्याची चर्चा सध्या परिसरात रंगली आहे. पोलिसांनी मृतदेह ताब्यात घेऊन शवविच्छेदनासाठी जिल्हा रुग्णालयात पाठवला आहे.

Raigad Crime News: पोलीस तपास सुरू

या प्रकरणी अक्षयचा मित्र प्रसाद रमेश गुरव यांनी दिलेल्या माहितीवरून अलिबाग पोलीस ठाण्यात आकस्मिक मृत्यूची नोंद करण्यात आली आहे. पोलीस निरीक्षक किशोर साळे यांच्या मार्गदर्शनाखाली सहाय्यक पोलीस निरीक्षक हनुमंत शिंदे या प्रकरणाचा अधिक तपास करत आहेत. 10 वर्षांचे प्रेम आणि त्यानंतर मिळालेला नकार एका तरुणाच्या जिवावर बेतल्याने अलिबागमध्ये हळहळ व्यक्त केली जात आहे.

इतर महत्त्वाच्या बातम्या

Sangli NCP: सांगलीमध्ये राष्ट्रवादीत 'स्वीकृत'वरून राडा! गटनेत्यांनी पद विकल्याचा ज्येष्ठ नेत्याचा खळबळजनक आरोप, थेट सुनेत्रा पवारांकडे तक्रार करणार, नेमकं काय घडलं?

Bhandhara Crime News: फिरायचा बहाणा अन्...,आपल्या मुलीच्या जीवलग मैत्रिणीसोबत नराधमाने नको ते केलं; पिडीतेनं घटनेनंतर जीवन संपवण्यासाठी उचललं टोकाचं पाऊल, भंडाऱ्यातील संतापजनक घटना

इर्शाळवाडी गडाच्या पायथ्याशी दुचाकी लावून ट्रेकींगला उंच गेला; दरीत कोसळून तरुणाचा मृत्यू

गणेश म्हाप्रळकर — Mon, 13 Apr 2026 16:13:03 +0530

रायगड : सुट्ट्या लागल्यानंतर कुठेतरी धाडसी trekking जाण्यासाठी सध्याची तरुणाई उत्सुक असते, अनेकदा ट्रेकींगची आवड जोपासत वेगवेगळ्या गडांवर, दरी, डोंगररांगात जाऊन भटकंती करण्याचाही छंद तरुणाई जपत आहे. मात्र, याच छंदातून काहीवेळा गंभीर अपघाताच्या घटना घडतात. अनेकदा उंच डोंगरमाथ्यावरुन, दरीतून तोल जाऊन नाहक जीव गमवावा लागतो किंवा कधी कधी कायमचं अपंगत्व देखील येतं. रायगड (Raigad) जिल्ह्याच्या इर्शाळ गडावर अशीच दुर्घटना घडली असून 26 वर्षीय तरुणाचा गडाच्या पायथ्याला मृतदेह आढळून आला.

रायगडच्या इर्शाळ गडावर ट्रेकिंगसाठी आलेल्या पर्यटकाचा दरीत पडून मृत्यू झाला आहे. जिल्ह्याच्या खालापुर तालुक्यातील इर्शाळवाडी येथील ही दुर्घटना असून भिवंडी येथील आकाश वाघमोडे (वय 26) हा तरुण काल रविवारी इर्शाळगडावर सोलो ट्रेकिंगसाठी आला होता. मात्र, एकटाच ट्रेकींगसाठी आला असता तो दरीत कोसळल्याने दुर्दैवी घटना घडली. आकाशची मोटर सायकल इर्शाळगडाच्या पायथ्याशी सापडली, तर त्याचा संपर्क होत नसल्याने पोलिसांनी तपास सुरू केला होता. खालापुर पोलिस आणि खोपोली येथील हेल्प फाऊंडेशन यांनी सोमवारी शोधकार्य सुरु केले असता आकाशचा दरीत कोसळून मृत्यू झाल्याचा प्रकार समोर आला. इर्शाळगडाच्या दरीत पायथ्याशी आकाशचा मृतदेह आढळून आला. त्यानंतर, पोलिसांनी संबंधित घटनेचा पंचनामा केला असून त्याच्या कुटुंबीयांना माहिती दिली.

दरम्यान, ट्रेकींगसाठी उंच गडावर किंवा डोंगरदऱ्यांमध्ये जाताना तरुणांनी काळजी घ्यावी, शक्यतो सोलो ट्रेकींगऐवजी ग्रुप ट्रेकींग करावे, असे आवाहन करण्यात येत आहे.

हेही वाचा

माझा भाऊ इथं आयजी आहे, त्याला मला धर्मसंकटात टाकायचं नाही; नांगरे पाटलांनी सांगितला आशाताईंचा किस्सा

अलिबाग वडखळ मार्गावर भीषण अपघात, आयशर टेम्पोची कंटेनरला जोराची धडक, एकाचा जागीच मृत्यू

गणेश म्हाप्रळकर — Sun, 5 Apr 2026 22:33:33 +0530

Raigad Accident : अलिबाग वडखळ मार्गावर भीषण अपघात झाल्याची घटना घडली आहे. या अपघातात ट्रक मधील किन्नर जागीच ठार झाला आहे. अलिबाग वडखळ मार्गावरील धरमतर खाडीजवळ आयशर टेम्पोनं रस्त्याच्या कडेला उभ्या असलेल्या कंटेनरला जोरदार धडक दिली. या अपघातात संदेश कृष्णा तेलगे (वय 35, रा. फणसापूर, ता. अलिबाग) याचा जागीच मृत्यू झाला आहे. ट्रेलर चालक शिवपूजन बिसेश्वर पासवान राहणार नेरळ रायगड याच्यावर वडखळ पोलिस ठाण्यात गुन्हा दाखल केला आहे.

पुण्यात भीषण अपघात, 18 वर्षीय तरुणाचा मृत्यू

पुण्यातील कोंढवा परिसरात पुन्हा एकदा भीषण अपघात झाला आहे. या अपघातात 18 वर्षीय अरिझ शेख या तरुणाचा जागीच मृत्यू झाला आहे. क्लाउड 9, आनंदवन परिसरात ही घटना घडली आहे. परिसरात हळहळ व्यक्त केली जात आहे. प्रत्यक्षदर्शींच्या माहितीनुसार, टँकरने जोरदार धडक दिल्याने हा अपघात झाला आहे. अपघातानंतर संबंधित चालकाला ताब्यात घेऊन कालेपाडळ पोलीस ठाण्यात नेण्यात आले आहे.

लोखंडी रिंग कोसळून बी. टेकच्या विद्यार्थ्याचा मृत्यू

पुण्यातून एक अतिशय धक्कादायक आणि दुर्दैवी घटना समोर आली आहे. बास्केटबॉलच्या रिंगला पुश-अप मारताना लोखंडी रिंग कोसळून बी. टेकच्या विद्यार्थ्याचा मृत्यू झाल्याची घटना तळेगावातील इंदुरी परिसरात घडली आहे. विपुल वर्मा असं मृत विद्यार्थ्याचं नाव असून तो उत्तर प्रदेशातील अयोध्येचा रहिवासी होता.

महाविद्यालय परिसरात विद्यार्थ्यांमध्ये संतापाची लाट

दरम्यान, या घटनेनंतर महाविद्यालय परिसरात विद्यार्थ्यांमध्ये संतापाची लाट उसळली असून प्रशासनाच्या विरोधात तीव्र नाराजी व्यक्त करण्यात येत आहे. दरम्यान, या प्रकरणात हलगर्जीपणा करणाऱ्यांवर कठोर कारवाई करण्यात येईल, असा इशारा पोलिसांनी दिला आहे. या घटनेमुळे संपूर्ण परिसरात हळहळ व्यक्त होत असून, नेमकी चूक कुणाची याचा तपास सध्या सुरू आहे.

जळगावच्या अमळनेर तालुक्यात पिकअप व्हॅन उलटून अपघात, 11 जण जखमी

जळगावच्या अमळनेर तालुक्यातील जैतपिर गावात पिकअप व्हॅन उलटून अपघात झाल्याची घटना घडली आहे. यामध्ये 11 जण जखमी झाले आहेत. समोरुन ट्रक आल्याने पिकअप व्हॅन वरील चालकाचे नियंत्रण सुटले अन् अचानक व्हॅन उलटून सर्व प्रवाशी खाली कोसळले. चार चाकी वाहन उलटल्यानंतर त्यातील प्रवासी रस्त्यावर पडल्याची घटना सीसीटीव्ही कॅमेरात कैद झाली आहे.

वाहनाच्या मागच्या बाजूस बसलेले आठ ते दहा हजार वाहन उलटल्यानंतर रस्त्यावर पडल्याचं सीसीटीव्ही मध्ये दिसत आहेत. पाच जणांना किरकोळ दुखापत झाली असून गंभीर जखमी असलेल्या सहा जणांना धुळ्याला उपचारासाठी दाखल करण्यात आले आहे.

Raigad Crime News: गुरु-शिष्याच्या नात्याला काळिमा! खासगी क्लासच्या शिक्षकाकडून दहावीच्या विद्यार्थ्यासोबत नको ते कृत्य; रायगडमधील संतापजनक घटना

गणेश म्हाप्रळकर — Sun, 5 Apr 2026 15:45:47 +0530

Raigad Crime News: समाजात गुरु-शिष्याचे नाते अत्यंत पवित्र मानले जाते. मात्र, रायगड (Raigad) जिल्ह्यातील महाडमध्ये (Mahad) या नात्याला काळिमा फासणारी एक अत्यंत संतापजनक घटना समोर आली आहे. एका नामांकित खासगी शिकवणी वर्गाच्या शिक्षकाने आपल्याच विद्यार्थ्यावर वारंवार लैंगिक अत्याचार केल्याचा प्रकार उघडकीस आला असून, याप्रकरणी महाड शहर पोलीस ठाण्यात गुन्हा दाखल करण्यात आला आहे. (Raigad Crime News)

याबाबत मिळालेल्या माहितीनुसार, ही घटना महाड येथील 'गांधी क्लासेस' मध्ये घडली आहे. या प्रकरणातील पीडित मुलगा सन 2024-25 या शैक्षणिक वर्षात इयत्ता दहावीमध्ये शिकत होता. क्लासेसचा मालक आणि शिक्षक सुनील गांधी याने विद्यार्थ्यावर लैंगिक अत्याचार केल्याचा आरोप तक्रारीत करण्यात आला आहे.

Raigad Crime News: बेडरुममध्ये नेऊन अश्लील चाळे

पीडित विद्यार्थ्याने दिलेल्या तक्रारीनुसार, आरोपी शिक्षक सुनील गांधी हा शिकवणीच्या बहाण्याने मुलाच्या गुप्तांगाला स्पर्श करणे आणि अश्लील चाळे करत असे. इतकेच नव्हे तर, क्लासच्या वरच्या मजल्यावर असलेल्या स्वतःच्या बेडरुममध्ये नेऊन त्याने विद्यार्थ्यासोबत अनैसर्गिक आणि अश्लील कृत्य केल्याचेही समोर आले आहे. या सलग होत असलेल्या त्रासामुळे पीडित मुलगा प्रचंड मानसिक तणावाखाली होता. अखेर त्याने धाडस करून हा सर्व प्रकार समोर आणला.

Raigad Crime News: पोक्सो अंतर्गत गुन्हा दाखल

या प्रकरणी पीडित मुलाच्या तक्रारीवरून महाड शहर पोलिसांनी तात्काळ दखल घेतली आहे. आरोपी शिक्षक सुनील गांधी याच्या विरोधात 'बालकांचे लैंगिक अत्याचारापासून संरक्षण' (POCSO Act) आणि भारतीय न्याय संहितेच्या संबंधित कलमान्वये गुन्हा दाखल करण्यात आला आहे. शिक्षकासारख्या जबाबदार व्यक्तीनेच अशा प्रकारचे घृणास्पद कृत्य केल्याने पालकांमध्ये प्रचंड संताप आणि भीतीचे वातावरण आहे.

Raigad Crime News: महाड पोलिसांकडून तपास सुरु

महाड शहर पोलीस या प्रकरणाचा अधिक तपास करत असून, आरोपीने अशा प्रकारे इतरही कोणत्या विद्यार्थ्यांची फसवणूक किंवा छळ केला आहे का? याचा शोध घेतला जात आहे. शैक्षणिक क्षेत्रातील या घटनेने रायगड जिल्ह्यात मोठी खळबळ उडाली असून, आरोपीला कठोर शिक्षा देण्याची मागणी होत आहे.

इतर महत्त्वाच्या बातम्या

Solapur Crime News: नवीन मोबाईलसाठी धरला हट्ट, घरच्यांनी नकार देताच 21 वर्षीय तरुणाने संपवलं जीवन; सोलापूर हादरलं!

Ashok Kharat Nashik Crime News: अशोक खरातच्या बँक खात्यांचे 'ते' गूढ रहस्य काय? विशिष्ट तारखेला उघडली अनेक अकाऊंटस्; पोलीसही चक्रावले!

Raigad Crime News: महिला पोलिसाशी अश्लील बोलणं भोवलं; रायगडमध्ये दोन पोलिसांचं थेट निलंबन, नेमकं काय घडलं?

Raigad Crime News: नेमके प्रकरण काय?

Raigad Crime News: व्हॉट्सअ‍ॅपवर मेसेजचा भडिमार

Raigad Crime News: पोलीस अधीक्षकांचा दणका

Raigad News: लाडकी बहिणच्या सर्व्हेला आलेला विद्यार्थी बुडाला; कर्जतमधील पळसदरी डॅमजवळ काय घडलं?

नेमकं काय घडलं? (Raigad News)

आज सकाळी सापडला मृतदेह- (Raigad News)

राज्यासह देश-विदेशातील महत्वाच्या घडामोडी, VIDEO:

ही बातमीही वाचा:

Raigad Crime News: नेमकी घटना काय?

Raigad Crime News: पोलिसांनी आरोपीला ठोकल्या बेड्या

Raigad Crime News: गंभीर कलमान्वये गुन्हा नोंद

यवतमाळमध्येही वादळी वाऱ्यासह पावसाची हजेरी- (Yavatmal Rain)

परभणीत मध्यरात्री वादळी वाऱ्यासह जोरदार अवकाळी पाऊस- (Parbhani Rain)

नागरिकांसाठी सूचना- (Maharashtra Weather)

प्रशासनासाठी उपाययोजना- (Maharashtra Weather)

विशेष सूचना- (Maharashtra Weather)

राज्यासह देश-विदेशातील महत्वाच्या घडामोडी, VIDEO:

संबंधित बातमी:

Raigad Crime news: माणगावच्या लॉजवर सफाई कर्मचाऱ्याने दरवाजा उघडताच दिसलं भयानक दृश्य, तरुणीचा मृतदेह आढळल्याने खळबळ

ऑनलाईन जुगारात तरुण कर्जबाजारी! चोरी करुन कर्ज फेडण्याचा प्रकार उघड, रायगड पोलिसांची कारवाई

रमी खेळून त्याने स्वतःवर मोठ कर्ज करून ठेवलं होतं

कर्ज असल्याने ही पाऊल उचलल्याची आरोपीनं दिली कबुली

स्मशानभूमीत अत्यांविधी केलेल्या महीलेची राख चोरीला

Raigad Crime News: लग्नाला नकार ठरला कारणीभूत?

Raigad Crime News: राहत्या घरी टोकाचे पाऊल

Raigad Crime News: पोलीस तपास सुरू

इर्शाळवाडी गडाच्या पायथ्याशी दुचाकी लावून ट्रेकींगला उंच गेला; दरीत कोसळून तरुणाचा मृत्यू

हेही वाचा

अलिबाग वडखळ मार्गावर भीषण अपघात, आयशर टेम्पोची कंटेनरला जोराची धडक, एकाचा जागीच मृत्यू

पुण्यात भीषण अपघात, 18 वर्षीय तरुणाचा मृत्यू

लोखंडी रिंग कोसळून बी. टेकच्या विद्यार्थ्याचा मृत्यू

महाविद्यालय परिसरात विद्यार्थ्यांमध्ये संतापाची लाट

जळगावच्या अमळनेर तालुक्यात पिकअप व्हॅन उलटून अपघात, 11 जण जखमी

Raigad Crime News: बेडरुममध्ये नेऊन अश्लील चाळे

Raigad Crime News: पोक्सो अंतर्गत गुन्हा दाखल

Raigad Crime News: महाड पोलिसांकडून तपास सुरु