झाडं तोडली हे मान्यच पण त्यापेक्षा हरित ऊर्जा महत्त्वाची, आपण 300 कोटी झाडं लावणार, प्रकल्पातून पर्यावरणाचे नुकसान नाही : चंद्रशेखर बावनकुळे

सह्याद्रीच्या कुशीत 23 प्रकल्प येतायेत, महाराष्ट्र जर या दोघांच्या हातात गेला तर.... राज ठाकरेंचा पंतप्रधानांसह अमित शाहांवर निशाणा

अजय माने — Wed, 28 Oct 2026 20:31:49 +0530

Raj Thackeray on Amit Shah : कर्जत-भीमाशंकर येथील साई डोंगरात सुरू असलेल्या वृक्षतोडीवरुन (Trees) सध्या राज्यभर संतापाचे वातावरण आहे. येथील वृक्षतोडीला विरोध करत स्थानिकांनी टोरंट प्रकल्पासाठी सरकारने घेतलेल्या निर्णयालाही थेट आपला विरोध दर्शवला आहे. दरम्यान, मनसे प्रमुख राज ठाकरे (Raj Thackeray ) देखील या प्रकल्पाच्या विरोधात मैदानात उतरले आहेत. कर्जतमधील आजच्या सभेत राज ठाकरेंनी सरकारवर जोरदार हल्लाबोल केला. विशेषत: पंतप्रधान नरेंद्र मोदी आणि अमित शाह यांच्यावर जोरदार टीका केली. अमित शाह यांना एकच सांगायचं आहे, मेहता वगैरे असतील तुमचे मित्र. अमित शाह कुऱ्हाडीचा आवाज येतो, पण देवाच्या काठीचा आवाज येत नाही. ती ज्या दिवशी बसेल ना तेव्हा समजेल तुम्हाला असे राज ठाकरे म्हणाले.

सह्याद्रीच्या कुशीत अशाच प्रकारचे एकूण 23 प्रकल्प येतायेत

मी पूर्वीपासून सांगत होतो, हा महाराष्ट्र जर या दोघांच्या हातात गेला तर महाराष्ट्र महाराष्ट्राच्या हातात राहणार नाही. आज तुम्ही रडत बसता आणि निवडणुकीच्या तोंडावर जातीच्या, धर्माच्या नावावर यांना मतदान करता. परत पुढचे पाच वर्ष रडत बसता. किती काळ हे चालू राहणार असे राज ठाकरे म्हणाले. आमच्या लाडक्या बहिणींना 1500 रुपये देतायत. हे 1500 रुपये देऊन तुमची तोंडं बंद केली जात आहेत. त्यादिवशी मी मुख्यमंत्र्यांचं निवेदन ऐकत होतो. मुख्यमंत्री निवेदनात म्हणाले, केंद्राने आणि एका खाजगी कंपनीने ठरवून आम्हाला सांगितलं आणि त्यानंतर हा प्रकल्प सुरू झाला. हे सगळं केंद्रात ठरतं हे मुख्यमंत्र्यांनीच सांगितल्याचे राज ठाकरे म्हणाले. महाराष्ट्रात सह्याद्रीच्या कुशीत अशाच प्रकारचे एकूण 23 प्रकल्प येत आहेत.

सत्तेची भिती, पदाची भिती या भितीमधून या गोष्टी घडतात. हा असा गप्प, शांत राहणारा, मान खाली घालून चालणारा हा महाराष्ट्र? गुजरातमधली 2 माणसं आमचा महाराष्ट्र चालवणार? असा सवाल ठाकरेंनी केला. आज मी जंगलात भेट दिली तेव्हा मला महिला भेटल्या. हात जोडून विनंती करत होत्या, आमचं जंगल वाचवा. तुमच्यावर हात जोडायची वेळ येते? तुमचे कोयते काय करतात अशावेळी ? आज भीमाशंकरचा प्रकल्प आलाय. त्याचं टेंडर वगैरे काही नाही असाच देऊन टाकलाय. महाराष्ट्रात सह्याद्रीच्या कुशीत अशाच प्रकारचे एकूण 23 प्रकल्प येत आहेत.

या महाराष्ट्रातले आमदार काय करत आहेत? पद जाईल म्हणून बोलायला तयार नाहीत

झाडं तोडली तेथील पक्षांची घरटी गेली, पक्षी घिरट्या घालत होते. उद्या ही वेळ तुमच्यावर येईल. कुटे गेले आमचे घर. एके दिवशी येणार हीच मंडळी सांगणार गेट आउट असे राज ठाकरे म्हणाले. हा सगळा प्रकार निवडणुकीला लक्षात ठेवायचा. वेळ जात नव्हता म्हणून मी झाडे बघायला गेलो होतो का? असा सवाल देखील राज ठाकरेंनी केला. हे आतमध्ये तुमच्या टोचणार नाही तोपर्यंत काही होणार नाही. तरुण तरुणींनी कोरुन ठेवा जे चुकीचे वागतील त्यांना तुम्ही सरळ केले पाहिजे. या महाराष्ट्रातले आमदार काय करत आहेत? असा सवाल देखील राज ठाकरेंनी केला. एकजण बोलत नाही आहे. पद जाईल म्हणून बोलायला तयार नाहीत. कशाला निवडून देत आहात. आज इकडे आहे संपूर्ण सह्याद्री भरेल असेही ठाकरे म्हणाले.

वीज निर्मिती झाल्यावर याचे वितरण नेमके कोणाला होणार?

या सगळ्या लोकांचे लक्ष MMR भागावर आहे. मुंबई गुजरातला द्यायची हे लक्ष आहे त्यांचे. बिल्डर पाठवा सगळं त्यांचे आणायचं आणि मग तुम्हाला विचारणार सगळे आमचे आहे तुमचे काय? असे राज ठाकरे म्हणाले. पंप स्टोरेज वीज निर्मिती प्रकल्पात याची नोंद जगात सगळ्यात मोठ्या प्रकल्पात नोंद होईल. यातून वीज निर्मिती झाल्यावर नेमके याचे वितरण कोणाला होणार? याची माहिती आम्हाला हवी आहे असे राज ठाकरे म्हणाले.

महाराष्ट्र खाजगी लोकांच्या हातात द्यायचा आहे का?

महावितरण चा IPO महाराष्ट्र सरकार आणत आहे. संपूर्ण महाराष्ट्राच वितरण हे एक खाजगी कंपनीकडे जाणार आहे. तुम्ही वीज बिल किती भरायचे हे एका खाजगी कंपनीकडे तुम्ही बिल किती भरले जाणार हे ही लोक ठरवणार आहेत. हा महाराष्ट्र खाजगी लोकांच्या हातात द्यायचा आहे का? असा सवाल ठाकरेंनी केला. अमित शाह यांना एकच सांगायचं आहे की, मेहता वगैरे असेल तुमचे मित्र. अमित शाह कुऱ्हाडीचा आवाज येतो पण देवाच्या काठीचा आवाज येत नाही. ती ज्या दिवशी बसेल ना तेव्हा समजेल तुम्हाला असे ठाकरे म्हणाले.

Raj Thackeray : अमित शाह, कुऱ्हाडीचा आवाज येतो, पण देवाच्या काठीचा येत नाही, तो ज्या दिवशी येईल...; कर्जत वृक्षतोडीवरून राज ठाकरे भडकले

एबीपी माझा ब्युरो — Wed, 28 Oct 2026 20:17:06 +0530

रायगड : कर्जतच्या सायडोंगर परिसरातील गुजरातच्या टोरेंट कंपनीच्या प्रस्तावित प्रकल्पावरून मनसे अध्यक्ष राज ठाकरे यांनी केंद्र आणि राज्य सरकारवर टीकेचा भडीमार केला. हे सगळं महाराष्ट्राला लुबाडण्यासाठी सुरू आहे, मुंबई गुजरातला जोडण्याची मनिषा त्यामागे आहे, असा थेट आरोप राज ठाकरे यांनी केला. तसेच या मुद्द्यावरून त्यांनी केंद्रीय गृहमंत्री अमित शाहांना धारेवर धरलं. देवाच्या काठीला आवाज नसतो, ती ज्या दिवशी बसेल त्या दिवशी तुम्ही केलेली पापं आठवतील असं राज ठाकरे म्हणाले. कर्जतमधील जाहीर सभेत राज ठाकरे बोलत होते.

कर्जतमध्ये एवढा मोठा प्रकल्प येत आहे त्याची चर्चा ग्रामसभेत झाली का? ही वीज महाराष्ट्राला मिळणार का? या प्रकल्पामध्ये तयार होणाऱ्या विजेचे वितरण कोणत्या खासगी उद्योगपतीच्या मार्फत केलं जाणार? यासह अनेक प्रश्न राज ठाकरे यांनी विचारले.

राज ठाकरे म्हणाले की, "या सगळ्या लोकांचं लक्ष फक्त एमएमआर परिसरावर आहे. मुंबई गुजरातला मिळवायची ही मनिषा त्यामागे आहे, हे त्यांचं दुखणं आहे. उद्या त्यांचेच खासदार, आमदार ते जिल्हा परिषद आणि ग्रामपंचायत असेल. 2029 साली निवडणुका आहेत. या अडीच तीन वर्षात महाराष्ट्राची काय विल्हेवाट लावतील काय माहिती?"

हा प्रकल्प कुणाच्या भल्यासाठी?

राज ठाकरे म्हणाले की, "पंप स्टोरेज प्रकल्पासाठी, पाणी उचलण्यासाठी वीजच लागते. त्यासाठी वेगळी सोलर उर्जा निर्माण केली आहे का? महाराष्ट्रात डेटा सेंटर येणार आहेत. त्यासाठी मोठ्या प्रमाणात वीज लागते. त्या डेटा सेंटरला वीज पुरवण्याची जबाबदारी सरकारने घेतली आहे का? कर्जतमधील पंप स्टोरेज प्रकल्पात वीज तयार झाल्यानंतर त्याचं वितरण कसं होणार आहे? कुठे होणार आहे? फक्त महाराष्ट्रासाठी होणार आहे का? ते कुणाच्या मार्फत होणार आहे? हे महाराष्ट्राला समजलं पाहिजे. ही सगळी व्यवस्था ही खासगी व्यक्तीच्या मार्फत राबवली जाणार आहे. एकाच व्यक्तीसाठी हे सगळं केलं जात आहे."

इतका मोठा प्रकल्प होत असताना त्याची चर्चा ही ग्रामसभा, ग्रामपंचायत, विधानसभेत झाली होती का? तशी झाली असेल तर ती माहिती मराठीमध्ये उपलब्ध करून दिली आहे का?

केंद्रीय गृहमंत्र्यांवर टीका करताना राज ठाकरे म्हणाले की, मला अमित शाहांना सांगायचं आहे. कुऱ्हाडीचा आवाज येतो, पण देवाच्या काठीचा आवाज येत नाही. ती ज्या दिवशी तुम्हाला बसेल त्या दिवशी कळेल तुम्ही काय काय पापं केलीत.

तुम्ही महाराष्ट्रातल्या चांगल्या जागा आहेत त्या ठिकाणचे व्हिडीओ करून टाकता. ते फक्त महाराष्ट्र बघत नसतो तर ते उद्योगपती बघत असतात. मग त्यावर त्या उद्योगपतींची नजर जाते. त्या जागा उद्योगपती विकत घेतात आणि महाराष्ट्राची वाट लावतात. त्यामुळे आपण हे व्हिडीओ आणि जागा कोणाच्या हातात देतो याचं भान ठेवा असं राज ठाकरे म्हणाले.

2000 कोटी कुठून आणले?

राज ठाकरे म्हणाले की, "50 खोके, एकदम ओक्के याचा अर्थ काय? एक खोका म्हणजे एक कोटी. शिवसेनेचे 40 आमदार फोडले. त्यासाठी जर दोन हजार कोटी खर्च झाले असतील तर ते आले कुठून? तुमची पोरं तुमची लाज काढतील. माझा बाप बेसावध निघाला. जेव्हा त्याने महाराष्ट्राकडे लक्ष द्यायला पाहिजे होतं त्यावेळी लक्ष दिलं नाही."

हे सगळं काही निवडणूक आयोगाच्या जोरावर सुरू आहे. निवडणूक आयोगाच्या माध्यमातून मतांची चोरी करून सत्तेवर कायम राहता येतं हे त्यांना माहिती आहे. ते फक्त एकाच गोष्टीला घाबरतात. जर तुम्ही जिवंत असाल आणि जागे व्हाल तर सरकार घाबरेल. अन्यथा तुमची जंगलं अशीच जाणार, तुमची घरं अशीच जाणार.

मी काही उद्योगधंद्याच्या विरोधात नाही. महाराष्ट्रात प्रगती झालीच पाहिजे, तुमच्या घरात वैभव आलंच पाहिजे. पण हे महाराष्ट्राने ठरवलं पाहिजे, बाहेरच्या लोकानी ठरवू नये. तुम्ही काय केलं पाहिजे, तुम्ही कसं जिवंत राहिलं पाहिजे हे सांगण्यासाठी मी इथे आलो आहे, असं राज ठाकरे म्हणाले.

शिवछत्रपतींचं निधन झालं, त्यानंतर पुढच्या सव्वाशे वर्षापर्यंत संपूर्ण प्रांतावर मराठ्यांचं राज्य होतं. मराठे त्यावेळी लढत होते. मग आज काय झालं? मराठी माणूस आज का थंड बसलाय? असा प्रश्न राज ठाकरे यांनी विचारला.

उद्या, तुमच्याही दरवाज्यावरती टकटक होणार, सावध राहा, असा इशारा राज ठाकरे यांनी दिला. महाराष्ट्र जिवंत आहे की नाही हे तुम्ही ठरवा. महाराष्ट्र राहिला पाहिजे, तो मराठी माणसांचा राहिला पाहिजे. या सगळ्या गोष्टींचं नेतृत्व तरुणांनी हाती घ्यावं, मी तुम्हाला साथ देईन, अशा विश्वासही त्यांनी दिला.

ही बातमी वाचा:

गुजरातचे दोघे आमचा सह्याद्री पोखरणार? केंद्रातल्या दोघांकडून मुख्यमंत्री उपमुख्यमंत्र्यांना शून्य किंमत, कर्जतच्या प्रकल्पावरुन राज ठाकरेंचा हल्लाबोल

गुजरातचे दोघे आमचा सह्याद्री पोखरणार? केंद्रातल्या दोघांकडून मुख्यमंत्री उपमुख्यमंत्र्यांना शून्य किंमत, कर्जतच्या प्रकल्पावरुन राज ठाकरेंचा हल्लाबोल

अजय माने — Wed, 28 Oct 2026 19:23:25 +0530

Raj Thackeray : कर्जतच्या जंगलातील झाडं तोडली, तिथे गेलो होतो, लाकडे रचून ठेवले होती. जंगलाच्या अंतिम संस्कारला आलोय असं वाटलं. इतक्या वर्षांची जुनी झाडं कोणत्या तरी गुजरात्यासाठी म्हणून कापू टाकतायेत असे म्हणत मनसे प्रमुख राज ठाकरे (Raj Thackeray) यांनी सरकारवर टीका केली. या प्रकल्पाची काय गरज आहे? असा सवाल राज ठाकरेंनी केला. या सगळ्या गोष्टींच्या मागचे षडयंत्र समजून घेतल पाहिजे. मुख्यमंत्री उपमुख्यमंत्री असतील यांना केंद्रात जे दोघेजण बसलेत त्यांच्याकडून शून्य किंमत आहे अशी टीका राज ठाकरेंनी नाव न घेता पंतप्रधान नरेंद्र मोदी आणि केंद्रीय गृहमंत्री अमित शाह यांच्यावर केली.

इंटरनेट बंद केलं तर सूर्य उगवायचं थांबतो का? ठाकरेंचा सवाल

इंटरनेट बंद केल म्हणे. इंटरनेट बंद केलं तर सूर्य उगवायचं थांबतो का? मन स्वच्छ असते तर ही करण्याची वेळ आली नसती असी टीका देखील राज ठाकरेंनी केली. 23 प्रकल्पापैकी 3 केंद्र सरकारचे बाकीचे 20 प्रकल्प हे खासगी आहेत. आता एआय डेटा सेंटर येत आहे. त्याला पाणी वीज लागणार आहे. कॉलनी येणार माणसे येणार असे राज ठाकरे म्हणाले. हे तुमच्यासाठी केलं जात नाही असेही राज ठाकरे म्हणाले. छत्रपती शिवाजी महाराष्ट्रातील मावळे म्हणून आम्ही सांगायचे आणि आण्ही उठत नाही. जेवढा विरोध होईल तेवढा हे सरकार वीज बंद करेल, इंटरनेट आता बंद केले आहे. सरकार सांगले या प्रकल्पाची महाराष्ट्राला किती गरज आहे. वीजेची गरज आहे असे सांगतील हे घडवलं जाईल. सगळ्याचं लक्ष महाराष्ट्रावर आहे. हे प्रकल्प दुसऱ्यांसाठी आहेत असे राज ठाकरे म्हणाले.

या प्रकल्पाचे टेंडर नाही, काही नाही अशीच जमिन देऊन टाकलीय

या प्रकल्पाचे टेंडर नाही, काही नाही अशीच जमिन देऊन टाकल्याचे राज ठाकरे म्हणाले. आमचा सह्याद्री पोखरणार? छत्रपती शिवाजी महाराजांचा महाराष्ट्र ते दोन लोक चालवणार असे म्हणत राज ठाकरेंनी पंतप्रधान नरेंद्र मोदी आणि अमित शाह यांच्यावर टीका केली. कशातून हे सगळे येते. आम्ही जे सांगू ते महाराष्ट्रात झालं पाहिजे, हा जमिनीचा तुकडा याला देऊन टाका असेही राज ठाकरे म्हणाले. हे सगळं वरती ठरते. विधानसभेला सांगत होतो महाराष्ट्र यांच्या हातात गेला तर दोन माणसांच्या हातात जाईल, हे दोघे वाटेल ते करतील. एवढी हिंमत येते कुठून? तुमच्यातून येते, जबाबदरीने बोलतो असे म्हणत राज ठाकरेंनी पंतप्रधान मोदींसह अमित शाह यांच्यावर टीका केली.

ऐतिहासिक आणि धार्मिक वारसा असलेलं जंगल वाचवणं काळाजी गरज, कर्जतच्या प्रकल्पाला शेकापचा विरोध, मुख्यमंत्र्यांनाही लगावला टोला

अजय माने — Wed, 28 Oct 2026 18:55:55 +0530

Raigad Karjat Torrent project : कर्जत-भीमाशंकर येथील साय डोंगरात सुरू असलेल्या वृक्षतोडीवरुन (Trees) सध्या राज्यभर संतापाचे वातावरण आहे. येथील वृक्षतोडीला विरोध करत स्थानिकांनी टोरंट प्रकल्पासाठी सरकारने घेतलेल्या निर्णयालाही थेट आपला विरोध दर्शवला आहे. दरम्यान, कर्जतमधील साई डोंगर परिसरात शेकापकडून पाहणी करण्यात आली आहे. राज ठाकरे, मनोज जरांगे पाटील यांच्यानंतर शेकापकडून देखील जंगलतोड परिसराची पाहणी करण्यात आली. शेकापचा राज्य प्रवक्त्या चित्रलेखा पाटील यांनी पाहणी केल्यानंतर मुख्यमंत्री देवेंद्र फडणवीस यांच्यावर टीका केली. ऐतिहासिक आणि धार्मिक वारसा असलेलं जंगल वाचवणं ही काळाची गरज असल्याचे मत चित्रलेखा पाटील यांनी व्यक्त केले.

टोरंटबाबत मुख्यमंत्र्यांनी उत्तरे न देता टोरंट प्रकल्प अधिकाऱ्यांनी या वृक्षतोड बाबत खुलासा द्यावा

रायगडच्या कर्जतमधील सह्याद्री खोऱ्यात बसलेल्या साई डोंगर परिसरात करण्यात आलेल्या वृक्ष तोडीची आज मनसे अध्यक्ष राज ठाकरे, मराठा आंदोलक मनोज जरांगे पाटील यांनी पाहणी करत सरकारवर जोरदार हल्लाबोल केला. मनोज जरांगे पाटील यांनी पाहणी केल्यानंतर येथील स्थानिकांशी संवाद साधला त्यानंतर त्यांनी कर्जत मधून संध्याकाळी आपला मोर्चा बीड कडे वळवला. आज याच परिसरात शेकापकडून देखील या जंगल परिसराची पाहणी करत टोरंट प्रकल्पासाठी कत्तल करण्यात आलेल्या वृक्षतोडीबाबत निषेध व्यक्त केला. शेकापचा राज्य प्रवक्त्या चित्रलेखा पाटील यांच्यासह माजी आमदार बाळाराम पाटील यांनी यावेळी सरकारवर जोरदार हल्लाबोल करत मुख्यमंत्री देवेंद्र फडणवीस यांच्यावर टीका करत टोरंटबाबत मुख्यमंत्र्यांनी उत्तरे न देता टोरंट प्रकल्प अधिकाऱ्यांनी या वृक्षतोड बाबत खुलासा द्यावा असं आवाहन त्यांनी केलं आहे.

18-18 महिने आम्ही लढा देतो तुम्ही 18 दिवसात झाडतोड केली

मला मुख्यमंत्र्यांचे भाष्य ऐकून हसू आले. ते म्हणत आहेत की झाडतोड 20 किमी भीमाशंकर पासून लांब आहे. मला सांगायचे जसे अॅमेझॉन या जगाच लंग्ज आहे तसे हे महाराष्ट्रच लंग्ज आहे. दुसरीकडे बांधा आमच्यासारख्या पक्षांना आम्ही एंटी प्रकल्प आहोत असे म्हटले. आम्ही लढा देतो तो हक्कासाठी असे चित्रलेखा पाटील म्हणाल्या. 18-18 महिने आम्ही लढा देतो तुम्ही 18 दिवसात झाडतोड केली. तुम्ही लोकांन विश्वासात घ्यायला हवे होते. मुंबई आणि आजूबाजूच्या परिसराचा हवेचा इंडेक्स बघा. या रायगडला शेकाप आणि समविचारी पक्षाचा पाठिंबा आहे असेही त्या म्हणाल्या. या महाराष्ट्राची कॉर्पोरेट खोटी होऊ देणार नाही. आमचा पक्ष आमचा विचार आणि व्यक्ती म्हणून आम्ही प्रत्येक झाडाच्या पाठी उभे राहू असे त्या म्हणाल्या. ही सभा आयोजित केली म्हणून आभार. हा लढा स्मार्ट मीटर ला जोडलेला आहे, हा प्रकल्प उभारुन महाग वीज विकली जाणार आहे. आपण एकत्र राहू, एक है तो सेफ है असेही त्या म्हणाल्या.

राज ठाकरे कर्जतच्या डोंगरात, स्थानिकांशी संवाद; साय डोंगरातील वृक्षतोड जवळून पाहिली, जाहीर सभेतून एल्गार

अजय माने — Wed, 28 Oct 2026 15:45:06 +0530

राज ठाकरे कर्जतच्या डोंगरात, स्थानिकांशी संवाद; साय डोंगरातील वृक्षतोड जवळून पाहिली, जाहीर सभेतून एल्गार

Raj Thackeray: 'संध्याकाळी या, कसं कंपलसरी करतात ते बघतो..' राज ठाकरे कर्जत भीमाशंकरच्या झाडांसाठी मैदानात, स्थानिकांची भेट घेत दिला शब्द

अजय माने — Wed, 28 Oct 2026 10:14:24 +0530

Raj Thackeray: कर्जत भीमाशंकरमधील प्रस्तावित जलविद्युत प्रकल्पाविरोधात मनसे अध्यक्ष राज ठाकरे मैदानामध्ये उतरले आहेत. स्थानिकांनी शिवतीर्थवर येऊन या प्रकल्पाने होणारी नासाडी त्यांच्या कानी घातल्यानंतर राज ठाकरे यांनी त्यांना कर्जत भीमाशंकरचा दौरा करत प्रत्यक्ष पाहणी करण्याचा शब्द दिला होता. या सर्व पार्श्वभूमीवर आज (28 ऑक्टोबर) राज ठाकरे सकाळी ज्या ठिकाणी वृक्षतोड मोठ्या प्रमाणात झाली आहे त्या साय डोंगरावर पोहोचले. राज यांनी स्थानिकांशी चर्चा केली. यावेळी स्थानिकांच्या भावना त्यांनी जाणून घेतानाच त्यांना आज संध्याकाळी होत असलेल्या सभेला सुद्धा येण्याचं आवाहन केलं.

संध्याकाळी या आणि हे कसं कंपल्सरी करतो

संध्याकाळी या आणि हे कसं कंपल्सरी करतो ते बघतो म्हणत राज ठाकरे यांनी आता कर्जत भीमाशंकरच्या झाडांसाठी रणशिंग फुंकलं आहे. कर्जत भीमाशंकरमधील झाडांच्या कत्तलीचे व्हिडिओ सोशल मीडियामध्ये व्हायरल झाल्यानंतर संतापाचा उद्रेक झाला आहे. सह्याद्रीच्या पर्वतरांगा अशा पद्धतीने विकासाच्या नावाखाली बोडक्या होत चालल्याने पर्यावरणप्रेमींची मागणी आहे. महाराष्ट्रातून अशा पद्धतीने प्रकल्प राबवण्यात येऊ नये, अशी भावना जोर धरू लागली आहे. या पार्श्वभूमीवर आता राज ठाकरे कर्जत भीमाशंकरसाठी मैदानात उतरले आहेत.

नेमका काय आहे प्रकल्प?

गुजरातच्या टॉरेंट पॉवर कंपनीचा प्रस्तावित जलविद्युत ऊर्जा साठवण प्रकल्प साई डोंगर परिसरात उभारला जाणार आहे. अंदाजे 13 हजार 500 कोटी रुपये खर्च आणि 3 हजार मेगावॅट क्षमतेच्या या प्रकल्पासाठी तीन लाखांवर झाडे तोडली जातील, अशी भीती व्यक्त केली जात आहे. याचे गंभीर पर्यावरणीय परिणाम होऊ शकतात आणि पक्षी व वन्यजीवांचा नैसर्गिक अधिवास नष्ट होऊ शकतो. डोंगर उतारावरील मृदा संवर्धन, नैसर्गिक जलप्रवाह, पारंपरिक शेती आणि पर्यटन यांवरही परिणाम होण्याची शक्यता आहे. विकासाच्या नावाखाली कर्जत-भीमाशंकरची नैसर्गिक संसाधने का नष्ट केली जात आहेत, असा प्रश्न पर्यावरणवाद्यांनी उपस्थित केला आहे.

इतर महत्वाच्या बातम्या

फुटपाथवर चालता येत नाही ,बागा, चांगली मैदान नाहीत आणि सांगायचं आमचा जीडीपी 7.8 टक्के झालाय; महाराष्ट्राची सत्ता माझ्या हातात कधी देतोय याची वाट पाहतोय, शिस्त लावणं राॅकेट सायन्स नाही : राज ठाकरे

Nilesh Chandramuni Mumbai : कबुतरखाना वादानंतर निलेश चंद्रमुनींचा राज ठाकरेंना पाठिंबा : ABP Majha

abp majha web team — Tue, 27 Oct 2026 22:52:46 +0530

Nilesh Chandramuni Mumbai : कबुतरखाना वादानंतर निलेश चंद्रमुनींचा राज ठाकरेंना पाठिंबा : ABP Majha

कर्जत-भीमाशंकर येथील साय डोंगरात सुरू असलेल्या वृक्षतोडीवरुन सध्या राज्यभर संतापाचे वातावरण आहे. येथील वृक्षतोडीला विरोध करत स्थानिकांनी टोरंट प्रकल्पासाठी सरकारने घेतलेल्या निर्णयालाही थेट आपला विरोध दर्शवला आहे. स्थानिकांच्या आंदोलनानंतर येथील वृक्षतोडीला पर्यावरण प्रेमी, निसर्ग मित्र आणि आता राजकीय नेतेही पाठिंबा दर्शवत आहेत. कर्जत-भीमाशंकरच्या डोंगरात होत असलेल्या भूमिकेवरुन सरकारला विरोध वाढत असून त्यांच्या पक्षातील काहींनी विरोध केल्याचं चित्र आहे. कबूतर वाचवण्यासाठी रस्त्यावर उतरलेले निलेश चंद्रमुनी भीमाशंकर कर्जत मध्ये वृक्षतोड सुरू असताना कुठे आहेत, अशा प्रतिक्रिया सोशल मीडियावर येत आहेत. भगवान महावीरांचे म्हणणं आहे, जिओ और जीने दो. त्यामुळे, राज ठाकरे जर जंगल वाचवण्यासाठी आंदोलन करत असतील किंवा तो प्रश्न उपस्थित करत असतील तर मी त्यांना पाठिंबा देतो. राज ठाकरे स्वतः पशुप्रेमी आहेत. कबुतराचा विषय तुम्ही वेगळा ठेवा. राज ठाकरे यांनी जी मोहीम आता सुरू केली, जो विषय हाती घेतला, तो वेगळा आहे. मी सगळ्या शिवप्रेमींना महाराष्ट्रातल्या लोकांना आवाहन करतो की, राज ठाकरे यांना समर्थन द्या. प्राणी, झाड वाचवण्यासाठी हा मुद्दा घेत आहेत, असे जैन मुनींनी म्हटले. राज ठाकरेंच्या या मुद्द्याला माझा पाठिंबा आहे, राज ठाकरे जर मला बोलवत असतील तर मी कर्जतला जाण्याच्या तयारीत आहे. पशुपक्षांसाठी जर राज ठाकरे आंदोलन करत असेल तर त्या आंदोलनामध्ये मी त्यांच्यासोबत सहभागी होईल, असेही जैन मुनींनी म्हटले.

महेंद्र थोरवे हे स्थानिकांना मारणारे प्रकल्प आणतायेत, त्यांची भूमिका संशयास्पद, राष्ट्रवादीच्या सुधाकर घारेंचा हल्लाबोल

गणेश म्हाप्रळकर — Tue, 27 Oct 2026 18:07:36 +0530

Raigad Karjat Torrent project News : कर्जत-भीमाशंकर येथील साय डोंगरात सुरू असलेल्या वृक्षतोडीवरुन (Trees) सध्या राज्यभर संतापाचे वातावरण आहे. येथील वृक्षतोडीला विरोध करत स्थानिकांनी टोरंट प्रकल्पासाठी सरकारने घेतलेल्या निर्णयालाही थेट आपला विरोध दर्शवला आहे. दरम्यान, या प्रकल्पाच्या मुद्यावरुन स्थानिक सत्ताधाऱ्यांमध्ये वाद असल्याचं चित्र पाहायला मिळत आहे. टोरंट प्रकल्पाला शिवसेना शिंदे गटाचे आमदार महेंद्र थोरवेंचा पाठिंबा आहे तर राष्ट्रवादी अजित पवार गटाचे नेते सुधाकर घारे यांचा विरोध आहे. स्थानिक मेले तरी चालतील मात्र स्थानिकांना मारणारे प्रकल्प येऊद्या अशी थोरवेंची भूमिका असल्याची टीका घारेंनी केली.

महेंद्र थोरवे हे स्थानिकांना मारणारे प्रकल्प आणत आहेत

कर्जत मधील साई डोंगर परिसरात येऊ घातलेल्या टोरंट प्रकल्पाला स्थानिक आमदार महेंद्र थोरवे यांनी पाठिंबा देत या प्रकल्पामुळे स्थानिकांना रोजगार निर्मिती होणार असल्याची माहिती दिली आहे. त्यांनी याबाबत आपली भूमिका स्पष्ट केली आहे. मात्र थोरवेंची ही भूमिका दुटप्पी असल्याचा म्हणत राष्ट्रवादीचे जिल्हाध्यक्ष सुधाकर घारे यांनी आमदार थोरवेंवर पलटवार केली आहे. महेंद्र थोरवे हे स्थानिकांना मारणारे प्रकल्प आणत आहेत, त्यांनी एवढ्या मोठ्या प्रकल्पाला विरोध होत असताना पाठिंबा दर्शविला ही त्यांची भूमिका संशयास्पद असल्याचं घारे म्हणाले.

राष्ट्रवादीचा स्थानिकांसह पर्यावरणप्रेमी आणि शेतकऱ्यांच्या भूमिकेला पाठिंबा

विरोधकांसह महायुतीतील राष्ट्रवादीने देखील स्थानिकांसह पर्यावरणप्रेमी आणि शेतकऱ्यांच्या भूमिकेला पाठिंबा दर्शवत आज जंगल भागातील प्रकल्पाला कडाडून विरोध दर्शविला. राष्ट्रवादीचे रायगड जिल्हाध्यक्ष सुधाकर घारे यांच्या नेतृत्वात आजही मोहीम राबविण्यात आली असून या प्रकल्पाच्या जनसुनावणीला येथील स्थानिकांचा 90 टक्के विरोध असताना असे प्रकल्प कसे उभे राहत आहेत असा सवालही सुधाकर घारे यांनी सवाल उपस्थित केला. दुसरीकडे, कबुतर वाचवण्याच्या मुद्द्यावरुन मनसेप्रमुख राज ठाकरेंच्या भूमिकेवर टीका करणाऱ्या निलेशचंद्र मुनी यांनीही वृक्षतोडीला आपला विरोध असल्याचे म्हटले.

टोरंट पॉवर कंपनीचा तीन हजार मेगावॉट क्षमतेचा जलविद्युत ऊर्जा साठवण प्रकल्प उभारण्यात येणार

कर्जत तालुक्यातील साई डोंगर परिसरात टोरंट पॉवर कंपनीचा तीन हजार मेगावॉट क्षमतेचा जलविद्युत ऊर्जा साठवण प्रकल्प उभारण्यात येत आहे. या प्रकल्पाला मोठ्या प्रमाणात विरोध होत आहे. दरम्यान, येथे मोठ्या प्रमाणात वृक्षतोड होत असून, ती जवळपास सहा महिने सुरू राहील, असा दावा केला जात आहे. यावरून स्थानिक ग्रामस्थांसह शिवसेना (उद्धव बाळासाहेब ठाकरे), महाराष्ट्र नवनिर्माण सेना, शेतकरी कामगार पक्ष आणि विविध पर्यावरणवादी संघटना या मुद्द्यावर एकत्र आल्या आहेत.

कर्जत-भीमाशंकरमधील जंगलात कार घेऊन पोहोचला तरुण, गाडीवरच सह्यांची मोहीम; पोवाडे गात वृक्षतोडीचा विरोध

गणेश म्हाप्रळकर — Tue, 27 Oct 2026 17:38:36 +0530

कर्जत-भीमाशंकरमधील जंगलात कार घेऊन पोहोचला तरुण, गाडीवरच सह्यांची मोहीम; पोवाडे गात वृक्षतोडीचा विरोध

झाडं तोडली हे मान्यच पण त्यापेक्षा हरित ऊर्जा महत्त्वाची, आपण 300 कोटी झाडं लावणार, प्रकल्पातून पर्यावरणाचे नुकसान नाही : चंद्रशेखर बावनकुळे

अभिषेक मुठाळ — Tue, 27 Oct 2026 17:09:04 +0530

Chandrashekhar Bawankule : कर्जत-भीमाशंकर येथील साय डोंगरात सुरू असलेल्या वृक्षतोडीवरुन (Trees) सध्या राज्यभर संतापाचे वातावरण आहे. येथील वृक्षतोडीला विरोध करत स्थानिकांनी टोरंट प्रकल्पासाठी सरकारने घेतलेल्या निर्णयालाही थेट आपला विरोध दर्शवला आहे. या प्रस्तावीत प्रकल्पाबात मंत्री चंद्रशेखर बावनकुळे (Chandrashekhar Bawankule) यांनी प्रतिक्रिया दिली आहे. बावनकुळे म्हणाले की, शेकडो पटीनं झाडं लावण्याचा निर्णय घेतला आहे, असे प्रकल्प गेलेत तर विकसित आपण होऊ शकणार नाही असे बावनकुळे म्हणाले. अपारंपरिक प्रकल्पांना विरोध करणे म्हणजे पर्यावरणाला विरोध करणे असंही ते म्हणाले. झाडं तोडली आणि 10 पट लावली तरी मॅनेजेबल आहे असंही ते म्हणाले. झाडं तोडली जातायेत हे मान्यच, मात्र त्यापेक्षा हरित ऊर्जा महत्त्वाची असल्याचे बावनकुळे म्हणाले. किती पट झाडे लावली पाहिजे हे पण बघायला पाहिजे. 300 कोटी झाडं आपण लावणार आहोत असेही बावनकुळे म्हणाले.

गरज पडली तर आमचे अधिकारी राज ठाकरेंना समजावून सांगतील

मनसे प्रमुख राज ठाकरे कर्जतला येणार आहेत, यावर बोलताना बावनकुळे म्हणाले की, प्रकल्पाची व्हायबिलिटी आहे तिथेच होणार ना प्रकल्प, आझाद मैदानात प्रकल्प होऊ शकत नाही असेही बावनकुळे म्हणाले. या प्रकल्पातून पर्यावरणाचे नुकसान होत नाही हे समजून घेतलं पाहिजे. राज साहेबांना विनंती आहे, राजकारण होऊ नये. राज ठाकरे समजून घेतील, गरज पडली तर आमचे अधिकारी त्यांना समजावून सांगतील असेही बावनकुळे म्हणाले. राज्यात कमी रेटने कोण वीज देतं? तर कोणतीही कंपनी असो, राज्याचे हित भले काय? तर हायड्रो प्रकल्प आले पाहिजे. हायड्रो जिथे पाणी आहे तिथेच लागत आहेत असेही ते म्हणाले. मला राजकारणात जायचं नाही, लवासात जमिनी बळकावल्याचे मत चंद्रशेखर बावनकुळे यांनी व्यक्त केले. हा प्रकल्प राज्याला वीज देणारा आहे, विकसित महाराष्ट्रासाठी हा प्रकल्प असल्याचे बावनकुळे म्हणाले.

लोकप्रतिनिधी, सरकारची कर्मचारी आणि इन्कम टॅक्स भरणाऱ्या शेतकऱ्यांना 5 हजार देणार नाही

जनावरांचा चारा उपलब्ध करणे, आवश्यकतेनुसार लागवड करणे आणि आवश्यक बाबी लागतील त्याचे नियोजन करण्याच्या सूचना जिल्हाधिकारी समितीला दिल्या आहेत. राज्य सरकारने एसओपी दिली आहे. ओला चारा 8 रुपये तर सुखा 12 रुपये किलो जाहीर केला आहे. ट्रान्सपोर्टसाठी अतिरिक्त पैसा देणार आहोत. नळयोजना पूर्ण करत आहेत. मात्र वीज कनेक्शन नाहीत, पाणी आहे पण वीज नाही अशात ठिकाणी डीपीडीसीतून पैसे देण्याच्या सूचना देण्यात आल्याचे बावनकुळे म्हणाले. दुष्काळ निवारणाच्या यादीत काही तालुके पुन्हा सामावून घेण्याची शक्यता असल्याचे बावनकुळे म्हणाले. रायगड आणि कोल्हापूर येथील तालुक्यांचा समावेश असू शकेल असंही ते म्हणाले. लोकप्रतिनिधी, सरकारची कर्मचारी आणि इन्कम टॅक्स भरणाऱ्या शेतकऱ्यांना 5 हजार रुपये मिळणार नाहीत असा निर्णय झाल्याची माहिती बावनकुळेंनी दिली.

डीपीडीसीमधून मस्त्य विभागाला पैसे देणार आहोत

रस्त्यांची कामं सुरु आहेत त्यात मुरुम, गिट्टी, गाळ, तलाव खोलीकरण करत गाळ असेल त्यात रस्त्याच्या कामाला वापर झाला तर त्याला रॉयल्टी लागणार नाही असेही बावनकुळे म्हणाले. गाळ निघाला तलाव खोलीकरणातून तर त्याला 31 रुपये क्युबिक मिटर रेट आणि ट्रान्सपोर्टसाठी 35 रुपये क्सुबिक मीटर रेट लावला जाणार आहे. दुष्काळ उपाययोजनेचे निर्णय आदिवासी आणि सामाजिक न्याय विभाग देखील लागू करेल अशात फायदा शेतकऱ्यांना होईल असेही बावनकुळे म्हणाले. सिंधुदुर्ग जिल्ह्यात चारा उपलब्ध आहे, अशात बाजूच्या जिल्ह्यात देखील तो वापरणार आहोत असेही ते म्हणाले. डीपीडीसीमधून मस्त्य विभागाला पैसे देणार आहोत. आज मंत्रिमंडळ आणि देवेंद्र फडणवीस यांनी जिल्हा धुळे येथे 700 एकर जमीन आहे, त्यात एमआयडीसी रावेरला करणार आहोत असेही ते म्हणाले. फक्त 9 कोटी रुपयात महसूल विभागाची जमीन एमआयडीसीला आम्ही दिली आहे. रावेरला चांगली एमआयडीसी होईल, उद्योगाला चालना देण्यासाठी निर्णय झाल्याची माहिती बावनकुळेंनी दिली.