Ajit Pawar NCP : दादांच्या पाठीमागे आमदारसाहेबांचा सर्वसामान्य कार्यकत्यांवर अन्याय का? पुण्यात झळकले बॅनर, नेमकं प्रकरण काय?
Chetan Tupe: पक्षाचे वाटेला येणारे स्वीकृत नगरसेवक पद पण त्यांच्याच घरी का? असा सवालही या बॅनरमधून उपस्थित करण्यात आला आहे.
पुणे: पुण्यात हडपसरमध्ये लागलेले बॅनर सध्या चर्चेत आले आहेत. राष्ट्रवादी काँग्रेसचे आमदार चेतन तुपे यांच्या विरोधात हडपसर परिसरामध्ये बॅनर लागले आहेत. दादांच्या पाठीमागे आमदारसाहेबांचा सर्वसामान्य कार्यकत्यांवर अन्याय का? आमदारकी कार्यकर्त्यांच्या कष्टाने पण त्यानंतर कार्यकर्त्यांच्या ऐवजी आपल्याच लाडक्या लेकाला युवक शहराध्यक्ष व त्यानंतर आता स्विकृत नगरसेवक पदासाठी पण घराणेशाहीचाच बालहट्ट व त्यासाठी आमच्यासारख्या कार्यकर्त्यांचा बळी का? राष्ट्रवादी काँग्रेस पार्टीमध्ये जुने कार्यकर्ते असताना पण आमदार साहेबांनी लाडक्या लेकाला युवक शहर अध्यक्ष केले व त्यानंतर युवक शहर अध्यक्ष सारखी सुवर्णसंधी भेटली तरी त्या संधीचं काय सोनं केलं हे पण त्यांनी सिद्ध केले नाही व आता अजून पक्षाचे वाटेला येणारे स्वीकृत नगरसेवक पद पण त्यांच्याच घरी का? असा सवालही या बॅनरमधून उपस्थित करण्यात आला आहे.
आमदारसाहेबांच्या भूमिकेमुळे हडपसरमधील पक्षाची झालेली पिछेहाट बाजूला सारून आता साहेबांच्या लाडक्या लेकासाठी स्विकृत नगरसेवकसाठी चाललेली धडपड कार्यकर्त्यांच्या जखमेवर मीठ चोळण्याची एवढी घाई का? नेत्यांच्या हट्टापायी व त्यांच्या कुटुंबासाठी अजून किती दिवस हडपसर मधील सर्वसामान्य कार्यकर्त्यांचा बळी दिला जाणार ? वहिनीसाहेब व पार्थ दादा तुम्ही या सर्व गोष्टीचे माहिती घ्यावी व आमच्यासारख्या सच्चा कार्यकर्त्यांना पाठबळ द्यावा हीच आमची विनंती व आदरणीय पार्थ दादा आता आम्ही तुम्हाला अजितदादांच्या रूपात बघत आहात व तुम्ही पण अजित दादांसारखंच आम्हाला पण न्याय द्यावा ही विनंती, केली आहे.
बॅनरमध्ये नेमकं काय-काय म्हटलंय?
अजितदादांच्या राष्ट्रवादीमध्ये दादांच्या पाठीमागे आमदारसाहेबांचा सर्वसामान्य कार्यकत्यांवर अन्याय का? आमदारकी कार्यकर्त्यांच्या कष्टाने पण त्यानंतर कार्यकर्त्यांच्या ऐवजी त्यानंतर आता स्विकृत नगरसेवक पदासाठी पण घराणेशाहीचाच बालहट्ट व त्यासाठी आमच्यासारख्या कार्यकर्त्यांचा बळी का? आपल्याच लाडक्या लेकाला युवक शहराध्यक्ष व तरीपण राष्ट्रवादी काँग्रेस पार्टी मध्ये जुने कार्यकर्ते असताना पण आमदार साहेबांनी लाडके लेकाला युवक शहर अध्यक्ष केले व त्यानंतर युवक शहर अध्यक्ष सारखी सुवर्णसंधी भेटली तरी त्या संधीचं काय सोनं केलं हे पण त्यांनी सिद्ध केले नाही व आता अजून पक्षाचे वाटेना येणारे स्वीकृत नगरसेवक पद पण त्यांच्याच घरी का? तसेच आमदारसाहेबांच्या भूमिकेमुळे हडपसर मधील पक्षाची झालेली पिछेहाट बाजूला सारून आता साहेबांच्या लाडक्या लेकासाठी स्विकृत नगरसेवक साठी चाललेली धडपड कार्यकत्यांच्या जखमेवर मीठ चोळण्याची एवढी घाई का? नेत्यांच्या हट्टापायी व त्यांच्या कुटुंबासाठी अजून किती दिवस हडपसर मधील सर्वसामान्य कार्यकर्त्यांचा बळी दिला जाणार? अजितदादांचे कार्यकर्त्यां साठी असणारे प्रेम आणि दादांची काम करण्याची जिद्द बघुनच आमच्यासारखे सर्वसामान्य कार्यकर्ते राजकारणात आले परंतु दादांच्या पाठीमागे असे कार्यकत्यांचे खच्चीकरण करून विधानसभा अध्यक्ष आणि आमदार साहेब काय साध्य करू पाहत आहेत हे समजेना.
दादांच्या जाण्याने आमच्यासारखे सर्वसामान्य कार्यकर्ते आधीच पोरके झालेत आता त्या जखमेवर मीठ चोळण्याचे काम हे लोक करत आहेत. पैसे घेऊन पक्षविरोधी काम करून कार्यकर्त्यांवर अन्याय करण्याचे पाप हे लोक करत आहेत आता यामचे आम्हाला न्याय कोण देणार? पार्थदादा आणि वहिनी तुम्हीच आमची शेवटची आशा आहेत आता ... आदरणीय वहिनीसाहेब व पार्थ दादा तुम्ही या सर्व गोष्टींचे माहिती घ्यावी व आमच्यासारख्या सच्चा कार्यकर्त्यांना पाठबळ द्यावा हीच आमची विनंती व आदरणीय पार्थ दादा आता आम्ही तुम्हाला अजितदादांच्या रूपात बघत आहात व तुम्ही पण अजित दादांसारखंच आम्हाला पण न्याय द्यावा ही विनंती...
महत्त्वाच्या बातम्या
