Pune Night Party: पुण्यातील खराडीमधील "आफ्टर पार्टी" पूर्वी आरोपींच्या दोन पार्ट्या; कल्याणीनगरमधील पबमध्ये पार्टी नंतर कोंढव्यात अन्...टाईमलाईन आली समोर
Pune Night Party: पुण्यातील खराडी मधील "आफ्टर पार्टी" पूर्वी आरोपींच्या 2 पार्ट्या झाल्याची माहिती समोर आली आहे. पुण्यातील रेव्ह पार्टीची टाईमलाईन "ABP" च्या हाती आली आहे.
पुणे: पुणे शहरातील खराडी परिसरात काल (शनिवारी) रात्री एका फ्लॅटवर सुरु असलेली रेव्ह पार्टी गुन्हे शाखेच्या पोलिसांनी धाड टाकली. यावेळी पोलिसांकडून चार पुरुष आणि दोन महिलांना अटक करण्यात आल्याची माहिती समोर आहे. यामध्ये एकनाथ खडसे (Eknath Khadse) यांचे जावई डॉ. प्रांजल खेवलकर (Pranjal Khewalkar) यांचाही समावेश असल्याची माहिती समोर आली आहे. पुण्यातील खराडी मधील "आफ्टर पार्टी" पूर्वी आरोपींच्या 2 पार्ट्या झाल्याची माहिती समोर आली आहे. पुण्यातील रेव्ह पार्टीची टाईमलाईन "ABP" च्या हाती आली आहे. पुण्यातील खराडी परिसरातील रेव्ह पार्टीपूर्वी 2 ठिकाणी पार्टी झाली होती,अशी माहिती समोर आली आहे.
काय आहे टाईमलाईन जाणून घ्या
-खराडी येथे जाण्यापूर्वी काही जणांनी कल्याणीनगर मधील पबमध्ये पार्टी केल्याची माहिती समोर आली होती.
-कल्याणीनगर मधील पब 1.30 वाजता बंद झाला होता.
-दुसरी पार्टी मुंढवा भागात असलेल्या पंचतारांकित हॉटेलमध्ये झाली होती.
-हॉटेल पंचतारांकित असल्यामुळे 3 वाजेपर्यंत पार्टीला परवानगी होती.
-"आफ्टर पार्टी" करण्यासाठी स्टे बर्डमध्ये बुक केलेल्या सूटमध्ये पार्टी केली.
-स्टे बर्ड खराडीमध्ये असलेले हॉटेल आहे.
-सकाळी 5 ते 6 दरम्यान पुणे पोलिसांच्या गुन्हे शाखेची छापेमारी केली
- घटनास्थळावरून दारूच्या बाटल्या, गांजा आणि हुक्का पॉट पोलिसांनी जप्त केला.
-पुणे पोलिसांनी 7 जणांना ताब्यात घेतलं.
कोण आहेत प्रांजल खेवलकर?
ज्येष्ठ नेते आणि राष्ट्रवादी शरद पवार पक्षाचे नेते एकनाथ खडसे यांचे जावई आहेत. राष्ट्रवादी महिला प्रदेशाध्यक्षा रोहिणी खडसे यांचे ते दुसरे पती आहेत, पहिल्या पतीसोबत घटस्फोट घेतल्यानंतर रोहिणी खडसे यांनी त्यांचा बालपणीचा मित्र असलेल्या प्रांजल खेवलकर यांच्यासोबत लग्न केलं. सध्या खेवलकर आणि खडसे कुटुंबीयांचं मुक्ताईनगरमध्ये वास्तव्य आहे. प्राजंल खेवलकरांचा जमीन खरेदी विक्रीचा व्यवसाय आहे. पत्नी रोहिणी खडसे राजकारणात सक्रिय आहे, पण पती प्रांजल हे राजकारणापासून लांब आहेत. खेवलकर रिअल इस्टेट, इव्हेंट मॅनेजमेंटचे व्यावसायिक आहे. त्यांच्या नावावर साखर आणि ऊर्जा क्षेत्रातील कंपन्या आहेत. याशिवाय प्रांजल यांच्या नावावर एक ट्रॅव्हल कंपनी असल्याची माहितीही समोर आली आहे, पुण्यात या रेव्ह पार्टीमध्ये सापडल्याने मोठ्या प्रमाणावर राजकीय वातावरण तापण्याची शक्यता आहे.
छापेमारीचा पहिला व्हिडीओ आला समोर
खराडीतील ज्या हॉटेलमध्ये ही पार्टी सुरू होती, त्या ठिकाणी मध्यरात्री पोलिसांनी केलेल्या छापेमारीचा व्हिडीओ देखील समोर आला आहेत. ज्यावेळी पोलिसांनी संबंधित फ्लॅटमध्ये छापा टाकला. तेव्हा या पार्टीत एकनाथ खडसेंच्या जावयासह इतर चार पुरुष आणि तीन महिला आढळून आल्या. सर्वजण हाऊस पार्टीच्या नावाखाली रेव्ह पार्टी करत असल्याचं समोर आलं. अमली पदार्थ, हुक्का आणि दारुसाठा सापडला असल्याची माहिती आहे. पोलिसांनी सर्व आरोपींना ताब्यात घेतलं आहे. सविस्तर तपास सुरू आहे. त्यांची वैद्यकीय तपासणी सुरू आहे.
महत्त्वाच्या बातम्या
