Pune Crime News : राज्य उत्पादन शुल्क सासवड विभाग पुणे(Pune Crime news) या पथकाने गोवा राज्यात विक्रीसाठी असलेल्या मद्यावर धडक कारवाई केली. या कारवाईत राज्य उत्पादन शुल्क पुणे विभागाने तब्बल 1 कोटी रुपयांचा मद्यसाठा जप्त केला आहे. पुण्याजवळील खेड शिवापूर टोल नाक्याजवळ ही करावाई करण्यात आली. काल रात्री ही कारवाई करण्यात आली असून दोघांना अटक करण्यात आली आहे.
ही कारवाई राज्य उत्पादन शुल्क सासवड विभाग, पुणे यांच्या नेतृत्वाखाली अधीक्षक चरणसिंग राजपूत व उपअधीक्षक संजय आर. पाटील, युवराज शिंदे व एस. बी. जगदाळे यांच्या मार्गदर्शनाखाली करण्यात आली. पथकाला मिळालेल्या खात्रीलायक माहितीनंतर पथकाने 1 जानेवारी 2024 रोजी खेड शिवापूर टोलनाक्यावर वाहन तपासणी सुरू केली. त्यांचे लक्ष दहाचाकी कंटेनरकडे वेधण्यात आलं. तपासणीदरम्यान संशय आल्याने कसून शोध घेण्यात आला. चौकशी केली असता चालकाच्या प्रतिसादामुळे संशय निर्माण झाला आणि पथकाने सविस्तर तपासणी केली. गाडीच्या पुढील बाजूस ठेवण्यात आलेल्या पेंट कॅनमध्ये एक हजारांहून अधिक लपवलेले दारूच्या बाटल्या आढळून आल्याचं पोलिसांनी संगितलं आहे.
जप्त करण्यात आलेली दारू गाडीच्या किमतीसह तब्बल एक कोटी रुपये किमतीची असल्याचा प्राथमिक अंदाज आहे. विशेष म्हणजे चालकाकडे आवश्यक वाहतूक पास, परवाना किंवा मद्याच्या कायदेशीर वाहतुकीशी संबंधित कोणतीही संबंधित कागदपत्रे नव्हती. तस्करीप्रकरणी आतापर्यंत दोघांना अटक करण्यात आली आहे.
डिसेंबरमध्ये 1 कोटी रुपयांपेक्षा जास्त मुद्देमाल जप्त
राज्य उत्पादन शुल्क विभागाकडून पुणे जिल्ह्यात नवीन वर्ष आणि नाताळच्या पार्श्वभूमीवर कारवाई करण्यात आली आहे. डिसेंबर महिन्यात जिल्ह्यात 223 गुन्हे दाखल करत 35 वाहने जप्त करत 1 कोटी रुपयेपेक्षा जास्त मुद्देमाल आतापर्यंत जप्त करण्यात आलाय. काल गोवा राज्यातून आलेला माल पुण्याच्या बिबवेवाडी मधून जप्त करण्यात आला आहे. यामध्ये तीन आरोपींना अटक केली. यामध्ये 1250 बॉटल ज्याची किंमत 5 लाख आहे ते जप्त केल्या आहेत, यामध्ये दोन फरारी आरोपींचा तपास सुरू आहे. त्याच बरोबर नवीन वर्षाच्या पार्श्वभूमीवर विशेष पथक 17 पथक 50 अधिकारी 150 कर्मचारी शहर जिल्ह्यात कार्यरत आहेत. संशय वाहन नागरीक यांच्यावर नजर ठेवणार आहेत.
जानेवारीत अवैध दारू विक्रीवर राज्य उत्पादन शुल्क आणि पोलिस विभागाच्या पथकांचे लक्ष असणार आहे. अवैध दारू विकणाऱ्या वर राज्य उत्पादन शुल्क विभागाच्या पथकाची करडी नजर असणार आहे, अशी माहिती राज्य उत्पादन शुल्क विभागाचे दिली आहे.
इतर महत्वाची बातमी-
Pune Crime News : पुण्यात एका मद्यधुंद तरुणीचा राडा; महिला पोलिसाला मारहाण