Pune Crime : पुण्यातील (Pune) स्वारगेट (Swargate) परिसरातील दोन आयुर्वेदिक मसाज सेंटरवर (Ayurvedic Massage Center) पोलिसांनी (Police) छापा टाकत वेश्याव्यवसाय उघडकीस आणला आहे. या कारवाईत एकूण 5 महिलांची सुटका करण्यात आली असून, 2 महिलांना अटक करण्यात आली आहे. या घटनांमुळे अशा मसाज सेंटरच्या नावाखाली सुरू असलेल्या बेकायदेशीर व्यवहारांचा पर्दाफाश झाला आहे.
पहिली कारवाई : वसुंधरा आयुर्वेदिक मसाज सेंटर, मार्केट यार्ड (Pune Crime News)
मार्केट यार्ड परिसरातील वसुंधरा आयुर्वेदिक मसाज सेंटरमध्ये देहविक्री सुरू असल्याची माहिती पोलिसांना मिळाली होती. या माहितीनंतर पोलिसांनी त्वरित कारवाई करत छापा टाकला. छाप्यादरम्यान चार महिला तिथे काम करत असल्याचे आढळून आले. या सर्व महिलांची सुटका करण्यात आली, तर छत्रपती संभाजीनगर येथील एका महिलेला अटक करण्यात आली आहे.
दुसरी कारवाई : दिया आयुर्वेदिक मसाज सेंटर, मुकुंदनगर (Pune Crime News)
दुसऱ्या कारवाईत, मुकुंदनगर येथील 'दिया आयुर्वेदिक मसाज सेंटर'मध्येही वेश्याव्यवसाय सुरू असल्याची माहिती पोलिसांना मिळाली. खात्री करण्यासाठी पोलिसांनी एक तोतया ग्राहक पाठवला. माहिती खरी असल्याचे निष्पन्न झाल्यावर पोलिसांनी छापा टाकून एका महिलेची सुटका केली. या प्रकरणात 38 वर्षीय महिलेला अटक करण्यात आली असून, तिच्यावर गुन्हा दाखल करण्यात आला आहे.
पैशाचे आमिष दाखवून देहविक्रीचा व्यवसाय (Pune Crime News)
या दोन्ही प्रकरणांतून हे स्पष्ट झाले आहे की, महिलांना पैशाचे आमिष दाखवून किंवा मजबुरीचा फायदा घेत त्यांच्याकडून देहविक्री करुन घेतली जात होती. पोलिसांनी या प्रकरणी पुढील तपास सुरू ठेवला असून अशा प्रकारच्या बोगस मसाज सेंटरवर लक्ष ठेवून कारवाई केली जाईल, असा इशारा देण्यात आला आहे.
इतर महत्त्वाच्या बातम्या