Pimpri Nakul Bhoir case : चैतालीच्या प्रियकराच्या मोबाइलमध्ये नेमकं काय?; नकुल भोईरच्या खूनप्रकरणी मोबाइल फोनसाठी आरोपींच्या कोठडीत वाढ, कोर्टात काय घडलं?
Pimpri Nakul Bhoir case : संशयित सिद्धार्थ पवार याचा मोबाइल फोन अद्याप मिळून आलेला नाही. त्याच्या तपासासाठी पुन्हा एकदा दोघांच्याही पोलिस कोठडीमध्ये वाढ करण्यात आली आहे.
पिंपरी : पिंपरी-चिंचवड येथील सामाजिक कार्यकर्ते नकुल भोईर यांच्या खून (Pimpri Nakul Bhoir case) प्रकरणात दोन्ही संशयितांच्या पोलिस कोठडीत आणखी एका दिवसाची वाढ करण्यात आली आहे. नकुल भोईर यांच्या पत्नीच्या (Pimpri Nakul Bhoir case) प्रियकराचा सिद्धार्थ दीपक पवार याचा मोबाइल फोन अद्याप पोलिसांना मिळालेला नाही तो मिळवायचा आहे, असे सांगून पोलिसांनी कोठडी वाढवण्याची मागणी न्यायालयात केली होती. चैताली नकुल भोईर (२८, रा. माणिक कॉलनी, चिंचवड) आणि तिचा प्रियकर सिद्धार्थ दीपक पवार (वय २१, रा. लिंकरोड, चिंचवड) या संशयितांनी संगनमत करून नकुल आनंदा भोईर (४०, रा. माणिक कॉलनी, चिंचवड) यांचा २४ ऑक्टोबरला खून केला होता.(Pimpri Nakul Bhoir case)
Pimpri Nakul Bhoir case :मोबाइल फोनसाठी पोलिस कोठडीत वाढ
चैताली आणि सिद्धार्थ या दोघांनाही पुन्हा शनिवारी (दि. १ नोव्हेंबर) न्यायालयात हजर करण्यात आले. संशयित सिद्धार्थ पवार याचा मोबाइल फोन अद्याप मिळून आलेला नाही. त्यातून गुन्ह्याशी संबंधित महत्त्वपूर्ण माहिती आणि पुरावे मिळण्यास मदत होईल, त्यामुळे मोबाइल फोन हस्तगत करण्यासाठी पोलिस कोठडीत वाढ करण्यात यावी, असे पोलिसांनी न्यायालयात सांगितले. त्यानुसार न्यायालयाने चैताली आणि सिद्धार्थ या दोघांच्या पोलिस कोठडीत रविवारपर्यंत (दि. २ नोव्हेंबर) वाढ केली.
Pimpri Nakul Bhoir case : नेमकं प्रकरण काय?
पिंपरी चिंचवड शहरातील सामाजिक कार्यकर्ते नकुल भोईर यांचा काही दिवसांपूर्वी गळा आवळून खून करण्यात आला. पत्नी चैताली हिने प्रियकर सिद्धार्थ दीपक पवार याच्या मदतीने हे केल्याचं चिंचवड पोलिसांच्या तपासात निष्पन्न झालं आहे. पोलिसांनी अत्यंत वेगात तपासाची चक्रे फिरवून सत्य समोर आणलं असून, याप्रकरणी चैताली आणि तिचा प्रियकर सिद्धार्थ पवार या दोघांनाही बेड्या ठोकल्या आहेत. शुक्रवारी पहाटे नकुल भोईर यांची गळा आवळून हत्या करण्यात आली होती. सुरुवातीला ही घटना संशयास्पद वाटत नव्हती, मात्र पोलिसांनी कसून तपास सुरू केला. तपासादरम्यान पोलिसांना नकुलची पत्नी चैताली हिच्यावर संशय आला. पोलिसांनी तिच्याकडे चौकशी केली असता, तिने हत्येची कबुली दिली आणि धक्कादायक माहिती समोर आली आहे. चैतालीने तिचा प्रियकर सिद्धार्थ दीपक पवार याला सोबत घेऊन नकुलची हत्या केल्याचं उघड झालं आहे.
चिंचवड पोलिसांनी तात्काळ कारवाई करत सिद्धार्थ दीपक पवार यालाही अटक केली आहे. पोलिसांच्या माहितीनुसार, नकुल भोईर हे पत्नी चैताली हिला मद्यपान न करण्याबद्दल, परपुरुषांसोबत फिरू नकोस आणि कर्ज काढू नकोस अशा गोष्टी वारंवार सांगत होते. याच गोष्टींचा राग मनात धरून चैतालीने नकुलच्या हत्येचा कट रचला आणि प्रियकराच्या मदतीने तिने नकुलचा जीव घेतला. चिंचवड पोलिसांच्या या जलद आणि अचूक तपासाने हत्येच्या घटनेमागील सत्य समोर आलं असून, या प्रकरणी पुढील कायदेशीर कारवाई सुरू आहे.
Pimpri Nakul Bhoir case : प्रेमसंबंधावरून नकुलशी वाद
सिद्धार्थ-चैतालीच्या प्रेमसंबंधावरून नकुलशी वाद होत होते. प्रेमसंबंधाच्या आड येत असल्याने दोघांनी नकुलला कायमचं संपवण्याचा निर्णय घेतला. त्यातच चैतालीने अनेकांकडून कर्ज घेतल्याची माहिती नकुल यांना मिळाली होती. त्यावरून भांडणे झाली. यावेळी नकुलने तिला मारहाण केली. तिला मारहाण झाल्याने प्रियकर सिद्धार्थचा राग अनावर झाला. दोघांनी संगनमताने ओढणीने नकुलचा गळा आवळून खून केला.
महत्त्वाच्या बातम्या
