Israel Vs Iran War: दोन दिवस पुणे ते दुबई अन् दुबई ते पुणे विमानसेवा बंद राहणार, दुबईत अडकलेल्या नागरिकांसाठी हेल्पलाईन नंबर जारी
Israel Vs Iran War: पुणे ते दुबई विमानसेवा आज आणि उद्या बंद ठेवण्यात आले आहेत. पुण्यातून दुबईला जाणारे दोन विमान रद्द करण्यात आले आहेत.
पुणे: अमेरिका आणि इस्रायलने इराणवर केलेल्या हल्ल्यानंतर मध्यपूर्वेत तणाव तीव्र झाला आहे. या संघर्षाचा विस्तार झाल्यास त्याचे परिणाम संपूर्ण मध्यपूर्वेत जाणवू शकतात. इराणने (Israel Vs Iran War) प्रत्युत्तरादाखल काही देशांवर हल्ले केल्याचे वृत्त समोर आले असून परिस्थिती अधिक चिघळण्याची चिन्हे दिसत आहेत. याचा थेट परिणाम अनेक देशांवर होण्याची शक्यता व्यक्त केली जात आहे.(Israel Vs Iran War) अशातच पुणे ते दुबई विमानसेवा आज आणि उद्या बंद ठेवण्यात आले आहेत. पुण्यातून दुबईला जाणारे दोन विमान रद्द करण्यात आले आहेत.
तसेच दुबईवरून पुण्याला येणारे विमाने दोन दिवस रद्द करण्यात आलेले आहेत. पुणे दुबई, तसेच दुबई पुणे या विमानसेवा देणाऱ्या दोन कंपन्यांचे विमान सेवा बंद ठेवण्यात आली आहे. दुबई मध्ये झालेल्या हल्ल्यानंतर तेथील विमानतळ बंद ठेवण्यात आले आहेत. दुबईमध्ये अडकलेल्या नागरिकांनी भारतीय दूतावासाशी संपर्क करण्याचे आवाहन करण्यात आले आहेत. इराणमध्ये अडकलेल्या नागरिकांनी दूतावासाशी संपर्क करून नाव नोंदणी करावी, असे आवाहन परराष्ट्र मंत्रालयाने केले आहे. टोल फ्री नंबर (800-46342) किंवा या व्हॉट्सॲप नंबर वर (+971543090571) नाव नोंदवण्याचे आवाहन करण्यात आले आहे. दूतावासाकडून रेस्क्यू ऑपरेशन तसेच इतर बाबींबाबत अपडेट मिळणार आहेत.
नामांकित विद्यालयाचे ८४ जणं दुबईमध्ये अडकले
पुण्यातील नामांकित विद्यालयाचे ८४ जणं दुबईमध्ये अडकले असल्याची माहिती समोर आली आहे. ८४ जणांमध्ये ८० विद्यार्थी आणि ४ शिक्षकांचा समावेश आहे. पुण्यातील नामांकित विद्यालयाचे सर्व विद्यार्थी सुरक्षित (Israel Iran US War) असल्याची माहिती समोर आली आहे. परराष्ट्र मंत्रालयाकडून पुण्यातील विद्यार्थ्यांना लवकरात लवकर भारतात आणण्यासाठी प्रयत्न सुरू आहेत. पुण्यातील नामांकित विद्यालयाचे विद्यार्थी "स्टडी व्हिसिट" साठी दुबई (Israel Iran US War) येथे गेले होते. कृपया कोणी ही घाबरून जाऊ नये, विद्यार्थ्यांना लवकरात लवकर मायदेशात आणले जाणार आहे असं आवाहन महाविद्यालयाकडून करण्यात आलं आहे. नागरी विमान वाहतूक मंत्रालयाकडून सुद्धा विद्यार्थ्यांना परत आणण्यासाठी प्रयत्न सुरू आहेत.(Israel Iran US War)
महाविद्यालयाचे डीन जनार्दन पवार, यांनी यासंदर्भात माहिती देताना सांगितलं की, सगळे विद्यार्थी सुखरूप आणि सुरक्षित आहेत. 42 मुलं आणि 42 मुली असा 84 जणांचा विद्यार्थ्यांचा समूह दुबई येथे गेला होता. आम्ही या विद्यार्थ्यांच्या पालकांशी आणि दुबईमध्ये असलेल्या सगळ्या शिक्षकांशी सुद्धा संपर्कात आहोत. विद्यार्थ्यांना आणि पालकांना घाबरून न जाण्याचा आवाहन आहे. परराष्ट्र मंत्रालय तसंच भारतीय दूतावासासोबत महाविद्यालयाशी बोलणी सुरू आहे.(Israel Iran US War)
महत्त्वाच्या बातम्या
