Mahayuti Crisis: पुणे पदवीधरमध्ये शिवसेनेवर खापर; पण खरी गेम केली राष्ट्रवादीने? पुणे पदवीधरमध्ये भाजपला 'राष्ट्रवादी'ची नाराजी कशी भारी पडली?

धक्कादायक! सहा वर्षाच्या मुलासह आईनं जीवन संपवलं, पिंपरी चिंचवड हादरलं, नेमकं प्रकरण काय?

नाजीम मुल्ला, एबीपी माझा, पिंपरी चिंचवड — Fri, 30 Oct 2026 23:35:45 +0530

Pune Pimpri Chinchwad : पिंपरी-चिंचवडमध्ये (Pimpri Chinchwad) धक्कादायक घटना घडली आहे. माय-लेकाने 18 व्या मजल्यावरून उडी मारुन जीवन संपवलं आहे. पिंपरी चिंचवडमधील डांगे चौक परिसरात ही घटना घडली आहे. सिग्नेचर पार्क सोसायटीमध्ये 18 व्या मजल्यावरून उडी मारुन आई आणि सहा वर्षांच्या मुलाने जीवन संपवले आहे. आज सायंकाळी साडेसहाच्या सुमारास ही घटना घडली. घटनेची माहिती मिळताच पोलीस घटनास्थळी दाखल झाले.

Pimpri Chinchwad : महिलेचा पती आयटी कंपनीत कामाला

पिंपरी-चिंचवडमध्ये माय-लेकाने 18 व्या मजल्यावरून उडी मारुन जीवन संपवलं आहे. एकता मनोज भांगड आणि माधव मनोज भांगड अशी मृत माय-लेकाची नावे आहेत. घटनेची माहिती मिळताच वाकड पोलिसांनी घटनास्थळी धाव घेतली. प्राथमिक पाहणीत दोघेही 18 व्या मजल्यावरून खाली पडल्याचे समोर आले आहे. दरम्यान, फॉरेन्सिक पथकाच्या मदतीने पोलिसांकडून घटनास्थळाचा पंचनामा सुरू असून, या दोघांनी इमारती वरून उडी मारून जीव दिल्याचं आढळून आलं आहे. महिलेचा पती आयटी कंपनीत कामाला आहे. या घटनेबाबत वाकड पोलिसांकडून पुढील तपास सुरू आहे.

चंद्रपूर जिल्ह्यात एकाच दिवशी वाघाचे तीन हल्ले, दोघांचा मृत्यू

चंद्रपूर जिल्ह्यात एकाच दिवशी वाघाचे तीन हल्ले झाले आहेत. यामध्ये दोघांचा मृत्यू झाला आहे तर एक गंभीर जखमी झाला आहे. चंद्रपूर जिल्ह्यात गेल्या एका आठवड्यात तीन जणांचा वाघांच्या हल्ल्यात मृत्यू झाला असतानाच आज वाघाच्या हल्ल्यांच्या घटनांनी पुन्हा एकदा खळबळ उडवली आहे. आज एकाच दिवशी चंद्रपूर जिल्ह्यात तीन वेगवेगळ्या ठिकाणी वाघाने हल्ले केले असून या मधे दोन जणांचा दुर्दैवी मृत्यू झालाय तर एक जण गंभीर जखमी झाला आहे. पहिल्या घटनेत चिमूर तालुक्यातील गरडापार येथील 55 वर्षीय सदाशिव खडसंग यांच्यावर वाघाने हल्ला केला. या हल्ल्यात त्यांचा मृत्यू झाला. तर दुसऱ्या घटनेत सिंदेवाही तालुक्यातील धुमनखेडा येथे शेतात काम करत असताना 70 वर्षीय शेतकरी पत्रुजी मेश्राम यांच्यावर वाघाने हल्ला केला. या हल्ल्यात त्यांचाही दुर्दैवी मृत्यू झाला. तर पोंभुर्णा तालुक्यातील सातारा तुकूम परिसरात गायी चारण्यासाठी जंगलात गेलेल्या 60 वर्षीय राजेश्वर सिडाम यांच्यावर वाघाने हल्ला केला. या हल्ल्यात ते गंभीर जखमी झाले असून चंद्रपूर जिल्हा सामान्य रुग्णालयात त्यांच्यावर उपचार सुरू आहेत. या घटनांमुळे शेतकरी आणि नागरिकांमध्ये भीतीचे वातावरण निर्माण झाले असून वाघाचा तातडीने बंदोबस्त करण्याची मागणी जोर धरत आहे.

SPPU Exam Postponed : सावित्रीबाई फुले पुणे विद्यापीठाच्या 31 ऑक्टोबरच्या सर्व परीक्षा रद्द, राष्ट्रपतींचा दौरा अन् कुंभमेळा ध्वजारोहण सोहळ्यामुळे मोठा निर्णय

एबीपी माझा ब्युरो — Fri, 30 Oct 2026 22:49:52 +0530

पुणे : सावित्रीबाई फुले पुणे विद्यापीठाशी (SPPU) संलग्न असलेल्या महाविद्यालयांमधील विविध अभ्यासक्रमांच्या शनिवार, 31 ऑक्टोबर रोजी होणाऱ्या सर्व परीक्षा अचानक रद्द करण्यात आल्या आहेत. नाशिक जिल्ह्यात राष्ट्रपतींचा दौरा आणि सिंहस्थ कुंभमेळा ध्वजारोहण सोहळा असल्याने शहरात मोठ्या प्रमाणावर वाहतूक कोंडी निर्माण होण्याची शक्यता लक्षात घेऊन विद्यापीठ प्रशासनाने हा तातडीचा निर्णय घेतला आहे. सावित्रीबाई फुले पुणे विद्यापीठाच्या परीक्षा व मूल्यमापन मंडळाचे संचालक डॉ. राजेंद्र तलवारे यांनी अधिकृत परिपत्रकाद्वारे ही माहिती प्रसिद्ध केली आहे.

President Visit Nashik Traffic : नाशिक पालिका आयुक्तांच्या सूचनेनंतर निर्णय

पुणे विद्यापीठाच्या परीक्षा विभागामार्फत पुणे, अहिल्यानगर आणि नाशिक या तिन्ही जिल्ह्यांमध्ये विविध पदवी व पदव्युत्तर अभ्यासक्रमांच्या परीक्षांचे आयोजन करण्यात आले होते. मात्र, नाशिकमध्ये राष्ट्रपतींच्या दौऱ्यासह सिंहस्थ कुंभमेळा ध्वजारोहणाचा भव्य सोहळा पार पडत आहे. या पार्श्वभूमीवर नाशिक शहरातील वाहतूक व्यवस्थेवर मोठा ताण येऊन विद्यार्थ्यांना परीक्षा केंद्रावर पोहोचणे कठीण होईल, असे नाशिक महानगरपालिकेच्या आयुक्तांनी विद्यापीठाला कळवले होते. विद्यार्थ्यांची गैरसोय टाळण्यासाठी विद्यापीठाने 31 ऑक्टोबरचे सर्व पेपर पुढे ढकलण्याचा निर्णय घेतला.

New Exam Date 11 November : आता 11 नोव्हेंबर रोजी होणार परीक्षा

31 ऑक्टोबर रोजी रद्द करण्यात आलेल्या सर्व विषयांच्या परीक्षा आता सोमवार, 11 नोव्हेंबर रोजी घेतल्या जाणार आहेत. परीक्षेचे ठिकाण, सत्र आणि वेळेबाबत डॉ. राजेंद्र तलवारे यांनी स्पष्ट केले की, रद्द झालेल्या विषयांचे सर्व पेपर 11 नोव्हेंबर रोजी मूळ वेळापत्रकातील पूर्वनियोजित वेळेनुसारच पार पडतील. त्यामुळे विद्यार्थ्यांनी नव्या तारखेची नोंद घेऊन परीक्षेची तयारी करावी, असे आवाहन विद्यापीठाकडून करण्यात आले आहे.

ही बातमी वाचा:

Thane Honeytrap Case : मुंबईतील प्रसिद्ध मॉडेलविरोधात 1.39 कोटींच्या खंडणीचा गुन्हा! उद्योगपतीला ब्लॅकमेल करून उकळले कोट्यवधी रुपये

Pimpri Chinchwad : लंडनमध्ये MBA साठी गेली, पण गुप्तपणे भारतात परतली, पिंपरीतील अलिशान फ्लॅटमध्ये 34 वर्षीय मुग्धाचा मृतदेह कुजला, झोमॅटो-ब्लिंकिटमुळे शोध

नाजिम मुल्ला, एबीपी माझा — Fri, 30 Oct 2026 19:56:02 +0530

Pimpri Chinchwad Crime : लंडन येथे उच्चशिक्षणासाठी गेलेल्या छत्रपती संभाजीनगर येथील 34 वर्षीय मुग्धा अविनाश देशमुख या तरुणीचा मृतदेह पिंपरी-चिंचवडजवळील गहुंजे येथील 'लोढा बेलमोंडो' या आलिशान सोसायटीतील एका बंद फ्लॅटमध्ये कुजलेल्या अवस्थेत आढळून आल्याने प्रचंड खळबळ उडाली आहे.

मुग्धा या छत्रपती संभाजीनगर महापालिकेचे निवृत्त मुख्य अभियंता अविनाश देशमुख यांच्या कन्या आहेत. जुलै 2025 मध्ये त्या एमबीएच्या (MBA) शिक्षणासाठी लंडनला गेल्या होत्या. लंडनमध्ये असताना त्या दररोज घरच्यांशी संपर्कात होत्या. मात्र, 23 ऑक्टोबर 2026 रोजी आईशी शेवटचे बोलणे झाल्यानंतर त्यांचा अचानक संपर्क तुटला.

Mugdha Deshmukh Death Case : कुटुंबाला लंडनमध्ये असल्याचे वाटले, पण...

मुग्धा यांच्याशी संपर्क होत नसल्याने कुटुंबीयांनी लंडन येथील त्यांच्या मैत्रिणीमार्फत विचारपूस केली. त्यावेळी मुग्धा यांनी ऑगस्ट 2026 च्या शेवटीच लंडन सोडल्याची धक्कादायक माहिती समोर आली. लंडन सोडून भारतात परतल्यानंतरही त्यांनी कुटुंबीयांना याबाबत कोणतीही कल्पना दिली नव्हती. भारतीय उच्चायुक्तांकडून काही प्रतिसाद न मिळाल्याने चिंतेत असलेल्या पालकांनी उस्मानपुरा (छत्रपती संभाजीनगर) पोलीस ठाण्यात बेपत्ता झाल्याची तक्रार नोंदवली.

Swiggy Zomato Credit Card Track : ऑनलाइन फूड ऑर्डर आणि क्रेडिट कार्डने उलगडले गूढ

तपास दरम्यान पोलिसांनी मुग्धा यांच्या बँक खात्यांचे व्यवहार आणि डिजिटल फुटप्रिंट्स तपासले. त्यात भारतातील झोमॅटो (Zomato), ब्लिंकिट (Blinkit) आणि स्विगी (Swiggy) सारख्या ऑनलाइन फूड ॲप्सवर त्यांच्या क्रेडिट कार्डचा वापर सुरू असल्याचे पोलिसांच्या निदर्शनास आले.

त्यावरून त्या लंडनमध्ये नसून भारतातच असल्याचे निश्चित झाले. तांत्रिक तपासावरून पोलिसांचे पथक गहुंजे येथील लोढा बेलमोंडो सोसायटीत पोहोचले. तेथील फ्लॅटचा दरवाजा बंद असल्याने पोलिसांनी बनावट चावीने दरवाजा उघडून आत प्रवेश केला. त्यावेळी बेडरूममध्ये मुग्धा यांचा कुजलेल्या अवस्थेतील मृतदेह आढळून आला.

Pune Police Investigation Probe : शवविच्छेदन अहवालानंतर मृत्यूचे कारण स्पष्ट होणार

शिरगाव पोलीस ठाण्याचे वरिष्ठ पोलीस निरीक्षक देवेंद्र चव्हाण यांनी दिलेल्या माहितीनुसार, या प्रकरणाचा सर्व बाजूंनी सखोल तपास सुरू आहे. मुग्धा ऑगस्ट 2026 पासून गहुंजे येथील या फ्लॅटमध्ये एकट्याच राहत होत्या. त्यांनी 21 ऑक्टोबर रोजी आपल्या कामावर असलेल्या मोलकरणीलाही काम बंद करण्यास सांगितले होते.

मृतदेहाचे शवविच्छेदन (Post Mortem) करण्यात आले असून व्हिसेरा सुरक्षित ठेवण्यात आला आहे. वैद्यकीय अहवाल आणि मोबाईलच्या फॉरेन्सिक विश्लेषणानंतरच त्यांच्या मृत्यूचे नेमके कारण स्पष्ट होईल, असे पोलिसांनी सांगितले आहे.

ही बातमी वाचा:

Pune Crime News: मित्राची कार घेऊन घरातून बाहेर पडला अन्....; फोन बंद झाला, बेपत्ता झाल्याची तक्रार; सारसबागेसमोर बंद कारमध्ये आढलेल्या मृतदेहाचं गुढ उकललं

महायुतीमध्ये सतत वाद! कृषीमंत्री भरणे म्हणाले, हे वाद खाली, वरती मुख्यमंत्री आणि दोन्हीही उपमुख्यमंत्री भक्कम

जयदीप भगत, बारामती — Fri, 30 Oct 2026 18:23:50 +0530

Dattatray Bharane : महायुतीमध्ये सतत वाद होत आहेत याबाबत कृषीमंत्री दत्तात्रय भरणे यांनी प्रतिक्रिया दिली. हे वाद खाली आहेत. आमच्या लोकांमध्ये वरती मुख्यमंत्री आणि दोन्हीही उपमुख्यमंत्री भक्कम आहेत. कर्जत प्रकल्पासंदर्भात दोन्ही ठाकरे बंधू मोर्चा काढणार आहेत. याबाबत बोलताना भरणे म्हणाले की, यामध्ये आपल्या राज्याचे मुख्यमंत्री देवेंद्र फडणीस साहेब निर्णय घेतील. चांगला निर्णय कोर्टाने दिलेला आहे. 22 जिल्हा परिषदांना अध्यक्ष व पदाधिकारी मिळतील. त्या निर्णयाचे स्वागत असल्याचे ते म्हणाले. मुख्यमंत्री व दोन्ही ठाकरे बंधू एकाच मंचावर आले होते, याबाबत बोलताना भरणे म्हणाले की, हा प्रश्न तुम्ही देवेंद्र बाबूंना विचारला तर बरं होईल असे ते म्हणाले.

उजनी धरणावर होणाऱ्या AI डेटा सेंटर शेतकऱ्यांचा विरोध, भरणे म्हणाले...

उजनी धरणावर होणाऱ्या AI डेटा सेंटर प्रकल्पाला शेतकऱ्यांचा प्रचंड विरोध आहे. याबाबत राज्याचे कृषीमंत्री दत्तात्रय भरणे यांना विचारण्यात आले. यावेळी त्यांनी सांगितले की, शासनाच्या वतीने आमच्या अधिकाऱ्यांनी शेतकऱ्यांकडे जावं. प्रकल्पासंदर्भात त्यांच्याशी चर्चा करावी. त्यांच्या सूचना ऐकव्यात त्यांचे समज गैरसमज दूर करावेत. जोपर्यंत शेतकरी तयार होत नाहीत तोपर्यंत अधिकाऱ्यांनी या गोष्टी करु नयेत असी माहिती भरणे यांनी दिली. याबाबतीमध्ये शेतकऱ्यांशी चर्चा करुनच पुढचा निर्णय घेतला जाईल असंही ते म्हणाले.

शेतकऱ्यांसाठी आंदोलनकर्त्यांसोबत कृषिमंत्री भरणे आंदोलनात उतरणार का? असा सवाल देखील करण्यात आला. त्यावेळी भरणे म्हणाले की, आम्ही शासन आहोत, आम्ही शेतकऱ्यांसोबत आहोत असे ते म्हणाले. उजनी धरणावर होणाऱ्या AI डेटा सेंटर प्रकल्पाला शेतकऱ्यांचा प्रचंड विरोध आहे. गावोगावचे शेतकरी एकत्र होऊन बैठका घेत आहेत. या प्रकल्पाला मोठ्या प्रमाणात विरोध करताना दिसत आहेत. दरम्यान,या प्रकल्पाच्या विरोधात उद्या म्हणजे 31 ऑक्टोबर रोजी मोठं आंदोलन करण्यात येणार आहे. राष्ट्रवादी काँग्रेस शरदचंद्र पवार पक्षाचे आमदार रोहित पवार, खासदार धैर्यशील मोहिते पाटील, माजी आमदार संजयमामा शिंदे यांच्या नेतृत्वात हे आंदोलन होणार आहे.

शेतकऱ्यांना वसुलीचा तगदा लावू नका, बँकांना सूचना

बँकांना आपण सूचना दिलेल्या आहेत की शेतकऱ्यांना वसुलीचा तगदा लावू नका. हे दिवस शेतकऱ्यांच्या दृष्टीने खूप अडचणीचे संकटाचे आहेत. याबाबतीत राज्याचे मुख्यमंत्री आरबीआयशी बोलणार आहेत की फायनान्स कंपनींना सक्त सूचना देण्यात याव्यात. फायनान्स कंपन्यांनी शेतकऱ्यांकडे तगादा लावू नये. एवढे सांगूनही जर कंपन्या ऐकत नसतील तर त्यांच्यावर कठोर कारवाई केली जाईल असे भरणे म्हणाले. आम्ही शेतकऱ्यांच्या बाजूनेच राहणार आहोत. शंभर टक्के कायदा करू परंतु त्या अगोदर त्यांनी कायदा काय केलेला आहे याची माहिती घेणार आहोत. अडचणीच्या काळामध्ये सर्वांनी शेतकऱ्यांच्या पाठीशी उभे राहिले पाहिजे असे ते म्हणाले.

फायनान्स कंपनीला बोलवून आम्ही याबाबतीत कारवाई करु

अकोल्यातील विषयाबाबत मी स्वतः कलेक्टरशी बोललेलो आहोत. फायनान्स कंपनीला बोलवून आम्ही याबाबतीत कारवाई करु असे ते म्हणाले. पदवीधर आणि शिक्षक मतदारसंघ निवडणूक निकालाबाबत देखी भरणे यांनी प्रतिक्रिया दिली. विजय हा विजय असतो. शेवटी परभवातून शिकलं पाहिजे. पराभव मान्य करुन विजयी उमेदवारांचं मी अभिनंदन करतो असे भरणे म्हणाले.

सर्वांनीच महायुतीचा प्रामाणिकपणे प्रचार केला

पुणे पदवीधर निवडणुकीत राष्ट्रवादीचे कार्यकर्ते दिसले नाहीत याबाबत बोलताना भरणे म्हणाले की, हा तुमचा आरोप अत्यंत चुकीचा आहे. जिल्ह्यामध्ये राष्ट्रवादी काँग्रेस पक्ष पूर्णपणे सक्रिय होते. आमच्या प्रमुख सुनेत्रा वहिनी पवार यांनी आम्हाला आदेश दिले होते. सर्वांनीच महायुतीचा प्रामाणिकपणे प्रचार केलेला आहे. कोण काय म्हणता याकडे लक्ष देण्याची गरज नाही असे भरणे म्हणाले.

दुष्काळाच्या काळामध्ये वायफळ खर्च टाळावा आणि कमीत कमी खर्चामध्ये कार्यक्रम करावेत

संजय गायकवाड यांनी केलेल्या वादग्रस्त वक्तव्याबाबत भरणे म्हणाले की, कोणीच असं विधान करु नये. कारण शेतकरी अडचणीमध्ये आहे. अशी विधान कोणीच करु नयेत, हे मी आपल्या माध्यमातून सांगतो असे भरणे म्हणाले. या दुष्काळाच्या काळामध्ये वायफळ खर्च टाळावा आणि कमीत कमी खर्चामध्ये कार्यक्रम करावेत. एकनाथ शिंदे साहेब हे त्यांच्या पक्षाचे प्रमुख आहेत ते निर्णय घेतील असे भरणे म्हणाले.

Pune Crime News: मित्राची कार घेऊन घरातून बाहेर पडला अन्....; फोन बंद झाला, बेपत्ता झाल्याची तक्रार; सारसबागेसमोर बंद कारमध्ये आढलेल्या मृतदेहाचं गुढ उकललं

शिवानी पांढरे — Fri, 30 Oct 2026 16:25:59 +0530

पुणे : पुण्यातील स्वारगेट परिसरातील जैन मंदिराच्या जवळ एका कारमध्ये 25 वर्षीय तरुणाचा मृतदेह आढळून आला. शुभम बनसोडे असे या मृत तरुणाचे नाव आहे. गेल्या दोन ते तीन दिवसांपासून ही गाडी रस्त्यावर उभी होती. कारला काळ्या(Pune Crime News) काचा (डार्क ग्लास) लावलेल्या होत्या. कारमधून तीव्र दुर्गंधी (Pune Crime News) येऊ लागल्याने नागरिकांनी पोलिसांना माहिती दिली, त्यानंतर पोलिसांनी गाडी उघडून पाहिले असता शुभम मृत अवस्थेत आढळून आला. पोलिसांनी मृतदेह विच्छेदनासाठी (पोस्टमार्टम) ससून रुग्णालयात पाठवला आहे. शवविच्छेदन अहवाल आल्यानंतरच त्याच्या मृत्यूचे नेमके कारण स्पष्ट होईल. तरुण काळेपडळ हद्दीतून बेपत्ता होता त्याची ओळख पटली आहे. त्याचं नाव शुभम बनसोडे असे आहे.(Pune Crime News)

Pune Crime News: कालपासून मिसिंग होता

शुभम बनसोडे हा सोमवारी आपल्या मित्राची कार घेऊन घरातून बाहेर पडला होता. त्यानंतर त्याचा फोन बंद येत होता. त्यामुळे कुटुंबीयांनी तो बेपत्ता झाल्याची (मिसिंग) तक्रार दाखल केली होती. मित्राच्या सांगण्यानुसार, शुभमने सोमवारी रात्री त्याच्याकडे कार मागितली होती. मात्र, तो कुठे जात आहे हे त्याने सांगितले नव्हते. त्यानंतर त्याचा संपर्क होऊ शकला नाही. आज सकाळी पोलिसांनी फोन करून या घटनेची माहिती दिली. ही कार गेल्या काही दिवसांपासून रस्त्यावर उभी होती. आज सकाळी गाडीतून अचानक दुर्गंधी येऊ लागल्याने स्थानिक नागरिकांनी पोलिसांना कळवले. गाडी आतून बंद होती आणि काचा काळ्या असल्यामुळे आतमध्ये कोण आहे हे कोणालाही कळू शकले नाही. सध्या पोलीस या प्रकरणाचा कसून तपास करत आहेत. ही आत्महत्या आहे की घातपात (हत्या), हे शवविच्छेदन अहवालानंतरच समोर येईल.(Pune Crime News)

पोलिसांनी दिलेल्या माहितीनुसार, "सारसबागच्या जवळ एका अज्ञात गाडीमध्ये मृतदेह आढळला आहे. एक मारुती कार MH12 SF 5471 त्यामध्ये डेड बॉडी मिळालेली आहे. डेडबॉडी पुरुषाची आहे. साधारण वय अंदाजे 25 ते 30 वय असावं आणि लोणी काळभोरचा राहणार आहे असं आता प्राथमिक माहिती मिळते आणि पुढचं इन्वेस्टीगेशन चालू आहे. सकाळी माहिती मिळाली की दादाची वाडी जैन मंदिरमधील एका व्यक्तीने त्यांनी कंट्रोलला कॉल केला होता. याचा बॉडीचा वास येत होता म्हणून, गाडीतून वास येत होता म्हणून, त्यानंतर आमच्या स्टाफ वगैरे सर्व या ठिकाणी आलेत, प्राथमिक सगळे इन्व्हेस्टिगेशन केल्यानंतर बॉडीचे पुढचे ससूनला नेऊन पोलीस कारवाई करत आहोत. साधारण ती बॉडी एक-दोन दिवसापूर्वीची असण्याची शक्यता आहे. त्याचे भाऊ येतात, बॉडी कन्फर्म त्यांनी बघितल्यानंतर आम्ही नाव कन्फर्म करू अशी सध्या तरी प्राथमिक माहिती एवढीच आहे."

Pune Crime News: मृत्यूचे कारण अस्पष्ट, पोलिसांकडून तपास सुरू

तरुणाचा मृत्यू नेमका कशामुळे आणि कसा झाला, हे शवविच्छेदन (Post-mortem) अहवाल आल्यानंतरच स्पष्ट होणार आहे. कार त्या ठिकाणी नक्की कोणी आणून उभी केली? या घटनेमागे घातपात आहे का? या सर्व बाजूंचा तपास करण्यासाठी खडक पोलीस परिसरातील सीसीटीव्ही (CCTV) फुटेजची पाहणी करत असून या प्रकरणाचा कसून शोध घेत आहेत.

Pune Solapur Highway Accident: महामार्गाच्या कामादरम्यान मातीचा ढिगारा अचानक खाली कोसळला; दोघं अडकले, गावकरी बचावासाठी गेले पण एकाचा अंत, एक जखमी, इंदापुरातील घटना

जयदीप भगत, बारामती — Fri, 30 Oct 2026 15:51:03 +0530

इंदापूर : पुणे-सोलापूर महामार्गावरील बिजवडी(ता. इंदापूर) येथे आज (शुक्रवारी,ता 30) सकाळी राष्ट्रीय महामार्गाच्या पुलाचे काम सुरु असताना भीषण दुर्घटना घडली. कामादरम्यान (Pune Solapur Highway Accident) रस्त्याची माती अचानक कोसळल्याने ढिगाऱ्याखाली दोन मजूर अडकले. एका मजुराला बाहेर काढण्यात यश आले तर या घटनेत एकाचा मृत्यू झाला. घटनेनंतर परिसरात एकच गोंधळ निर्माण झाला.(Pune Solapur Highway Accident)

बिजवडी येथे महामार्गाच्या सर्व्हिस रस्त्याचे काम सकाळी नेहमीप्रमाणे सुरू होते. त्यावेळी लगतच्या रस्त्याचा भाग अचानक खचून खाली आला. माती खाली घसरली या घटनेमुळे कामाच्या ठिकाणी एकच गोंधळ उडाला. भरावाखाली मजूर अडकल्याचे लक्षात येताच स्थानिक नागरिकांनी तातडीने मदतीसाठी धाव घेतली. एका मजुराची सुटका करण्यात आली. तो किरकोळ जखमी झाला आहे. तर दुसऱ्या मजूराचा मृत्यू झाला. दुर्घटनेची माहिती समजताच घटनास्थळी मदतकार्य सुरू करण्यात आले. या दुर्घटनेमुळे कामगारांच्या सुरक्षेचा प्रश्न पुन्हा ऐरणीवर आला आहे.(Pune Solapur Highway Accident)

तर या दुर्घटनेनंतर कृषिमंत्री दत्तात्रय भरणे यांनी महामार्गावर काम करताना ठेकेदाराने आवश्यक ती खबरदारी घेणे गरजेचे होते. राष्ट्रीय महामार्गावर काम करताना सुरक्षेच्या दृष्टीने निश्चित केलेल्या नियमांचे पालन झाले आहे की नाही, याची तपासणी होणे आवश्यक आहे. संबंधित ठेकेदाराने सुरक्षेची काळजी घेतली होती का, याची चौकशी करून दोषींवर कारवाई करण्यात येईल. घटनेबाबत माहिती मिळाल्यानंतर अंकिता पाटील ठाकरे यांनी सोशल मीडियावर प्रतिक्रिया दिला. यात त्यांनी सर्व संबंधित अधिकारी, सरकारी यंत्रणा, कार्यालयातील कर्मचाऱ्यांना तातडीने बचावकार्यात सहकार्य करण्याच्या सूचना दिल्या आहे.(Pune Solapur Highway Accident)

इंदापूर तालुक्यातील राजवडी पाटी या ठिकाणी पुणे सोलापूर राष्ट्रीय महामार्गाच्या सर्विस रस्त्याचं काम सुरू होतं, यावेळी पुण्याकडून सोलापूर कडे जाणाऱ्या लेनचा मातीचा ढिगारा अचानक खाली कोसळला गेला यामध्ये दोन मजूर अडकले गेले होते. यापैकी एकाला वाचवण्यात यश आलं तर एकाचा मृत्यू झाला आहे. हे कामगार पश्चिम बंगाल मधील असल्याचं सांगितले जातंय. पुणे सोलापूर राष्ट्रीय महामार्गावर झालेल्या राजवडी येथे झालेल्या अपघातामध्ये एक जण मृत्युमुखी पडला असून त्याचे नाव मश्रपुर शेख असून तर एक जण सुदैवाने बचावला.जो बचावला आहे त्याचे नाव नईम अख्तर असून त्याला इंदापुरातील उपजिल्हा रुग्णालय या ठिकाणी उपचारासाठी दाखल करण्यात आले आहे. त्याची प्रकृती स्थिर असून त्याच्या उजव्या पायाला जखम झाली आहे. याबाबत त्या ठिकाणी काम करत असताना सुरक्षा नसल्याचे जखमीने सांगितले आहे.या घटनेवरून ठेकेदाराचा हलगर्जीपणा दिसून येत आहे.

तर या घटनेत जखमी झालेल्या नईम अख्तर याने घटनेबाबत माहिती देताना सांगितलं की, "आम्ही तिकडे काम करत असताना अचानक माती ढासळली. आम्ही दोन जण होतो,. रस्त्याच्या वरून, पूर्ण १० ते १२ फूट माती खाली कोसळली. सुरक्षेसाठी तिथे काहीच ठेवले नव्हते, आमचा ठेकेदार गणेश होता. आता ठेकेदार इकडे आला होता. तो आमच्या मिस्त्रीचा साथीदार आहे आणि आमचा मिस्त्री त्याच्यासोबत होता. सुरक्षेसाठी तिथे काहीही ठेवले नव्हते", असंही पुढे जखमी कामगाराने माहिती देताना सांगितलं आहे.

Ravindra Dhangekar On Shivsena : बन टार्गेटवर, दोन्ही शिवसेनेवर रवींद्र धंगेकरांची मोठी प्रतिक्रिया

abp majha web team — Fri, 30 Oct 2026 14:48:48 +0530

शिवसेना ठाकरे गट आणि एकनाथ शिंदे यांच्या शिवसेनेच्या एकत्र येण्याच्या चर्चांना रवींद्र धंगेकर यांनी सकारात्मक प्रतिक्रिया दिली आहे. राजकारणात कधीही काहीही होऊ शकतं. शिवसेनाप्रमुखांना अभिप्रेत असलेलं काम व्हावं, ही उद्धव ठाकरे आणि एकनाथ शिंदे यांचीही इच्छा असल्याचं धंगेकर म्हणाले. ठाकरे आणि शिंदे भविष्यात एकत्र आले, तर महाराष्ट्राचं भलं होईल आणि आपल्याला आनंदच होईल, अशी भूमिका त्यांनी मांडली. दरम्यान, भाजपचे प्रवक्ते नवनाथ बन यांच्यावरही धंगेकर यांनी जोरदार टीका केली. बन यांना भाजपच्या वरिष्ठांनी औषध-मलम करण्याची गरज असल्याचा टोला त्यांनी लगावला. मित्रपक्षांसोबत अशाच प्रकारे वागणूक सुरू राहिली, तर महायुतीत स्फोट होणारच, असा इशाराही त्यांनी दिला. दोन महिन्यांपूर्वी पालकमंत्र्यांना गचांडी धरून आणतानाही पाहिलं असल्याचं सांगत, मित्रपक्षांसोबत कसं वागायचं याचा विचार भाजपने करावा, असं धंगेकर म्हणाले.

Pune Crime News: सारसबागेसमोर 3 दिवसांपासून उभ्या असलेल्या कारमधून दुर्गंधी, नागरिकांना संशय, पोलिसांनी दार उघडलं, कुजून फुगलेला मृतदेह बघून सगळेच हादरले

शिवानी पांढरे — Fri, 30 Oct 2026 13:30:33 +0530

पुणे : पुण्यातील सारसबाग परिसरात एका कारमध्ये तरुणाचा मृतदेह आढळून आल्याने खळबळ उडाली आहे. घटनास्थळी पोलिस दाखल झाले असून तपास सुरू केला आहे. अल्टो गाडीत मृतदेह (Pune News) आढळला आहे. सदर व्यक्तीचा खून झाल्याचा पोलिसांना संशय आहे. तीन दिवसापूर्वी मृत्यू झाला असून, आज गाडी असलेल्या परिसरात दुर्गंधी (Pune News) येऊ लागल्याने घटना उघड झाली आहे. मृत्यू झालेल्या व्यक्तीच्या अंगावर मारहाणी खूणा आहेत. गेल्या दोन-तीन दिवसांपासून नेहरू स्टेडियमसमोरील रस्त्यावर एक चारचाकी वाहन उभे होते. संबंधित कारमधून अचानक तीव्र दुर्गंधी येऊ लागल्याने परिसरातील नागरिकांना संशय आला. (Pune News)

पुण्यातील अत्यंत गजबजलेल्या सारसबाग परिसरातील नेहरू स्टेडियमसमोर ही घटना उघडकीस आली आहे. एका बंद कारमध्ये ३० ते ३५ वयोगटातील तरुणाचा मृतदेह आढळल्याने परिसरात मोठी खळबळ उडाली आहे. तो काळेपडळ पोलीस ठाण्याच्या हद्दीतून बेपत्ता असल्याची माहिती समोर आली आहे. (Pune News)

पोलिसांनी दिलेल्या माहितीनुसार, "सरसबागच्या जवळ एका अज्ञात गाडीमध्ये मृतदेह आढळला आहे. एक मारुती कार MH12 SF 5471 त्यामध्ये डेड बॉडी मिळालेली आहे. डेडबॉडी पुरुषाची आहे. साधारण वय अंदाजे २५ ते ३० वय असावं आणि लोणी काळभोरचा राहणार आहे असं आता प्राथमिक माहिती मिळते आणि पुढचं इन्वेस्टीगेशन चालू आहे. सकाळी माहिती मिळाली की दादाची वाडी जैन मंदिरमधील एका व्यक्तीने त्यांनी कंट्रोलला कॉल केला होता. याचा बॉडीचा वास येत होता म्हणून, गाडीतून वास येत होता म्हणून, त्यानंतर आमच्या स्टाफ वगैरे सर्व या ठिकाणी आलेत, प्राथमिक सगळे इन्व्हेस्टिगेशन केल्यानंतर बॉडीचे पुढचे ससूनला नेऊन पोलीस कारवाई करत आहोत. साधारण ती बॉडी एक-दोन दिवसापूर्वीची असण्याची शक्यता आहे. त्याचे भाऊ येतात, बॉडी कन्फर्म त्यांनी बघितल्यानंतर आम्ही नाव कन्फर्म करू अशी सध्या तरी प्राथमिक माहिती एवढीच आहे."

Pune Crime News: नक्की काय घडलं?

स्थानिकांनी दिलेल्या माहितीनुसार, नेहरू स्टेडियमसमोरील रस्त्यावर गेल्या २ ते ३ दिवसांपासून एक चारचाकी बेवारस अवस्थेत उभी होती. बुधवारी या कारमधून अचानक तीव्र दुर्गंधी येऊ लागल्याने परिसरातील नागरिकांना संशय आला. त्यांनी लागलीच याची माहिती खडक पोलीस ठाण्याला दिली. घटनेची माहिती मिळताच पोलिसांनी तातडीने घटनास्थळी धाव घेतली. कारचा दरवाजा उघडून पाहिला असता, आतील सीटवर तरुणाचा मृतदेह फुगलेल्या अवस्थेत आढळून आला. २ दिवसांपासून बंद कारमध्ये पडलेला असल्यामुळे मृतदेहाचा तीव्र वास सुटला होता. (Pune News)

Pune Crime News: मृत्यूचे कारण अस्पष्ट, पोलिसांकडून तपास सुरू

Navnath Ban and Nilesh Rane: अरे नवनाथ बन, याद राख, तुला रडायला पण वेळ देणार नाही, तू काय माझा मित्र नाहीस, निलेश राणे यांचा निर्णायक इशारा

रोहित धामणस्कर — Fri, 30 Oct 2026 12:53:09 +0530

Navnath Ban and Nilesh Rane: राज्यातील पदवीधर आणि शिक्षक मतदारसंघाच्या निवडणुकीत मविआकडून 3-2 असा पराभव स्वीकारावा लागल्यानंतर आता महायुतीमधील शिंदे सेना आणि भाजपमध्ये वादाची ठिणगी पडली आहे. भाजपचे प्रवक्ते नवनाथ बन (Navnath Ban) यांनी गुरुवारी पत्रकारपरिषद घेऊन पुणे पदवीधर मतदारसंघातील पराभवाचे खापर एकनाथ शिंदे (Eknath Shinde) यांच्या शिवसेनेवर फोडले होते. या पार्श्वभूमीवर शिंदे सेनेचे आमदार निलेश राणे (Nilesh Rane) यांनी नवनाथ बन यांना फटकरले आहे. पदवीधर लढत होता तुम्ही आम्हाला एकही संदेश पाठवला नाही. तरीही आम्ही सहकार्य केले. आम्हाला नवनाथ बनने शिकवू नये, काम कसे करायचे. अरे नवनाथ बन, याद राख, तुला रडायला पण वेळ देणार नाही, असा इशारा निलेश राणे यांनी दिला. (Maharashtra Politics news)

आमच्या मित्रपक्षाचा पराभव झाला असला तरी तो आमचाच पराभव आहे, असे मी समजतो. नियोजन कुठे चुकले, ते दुरुस्त कसे करायचे, यावर आपल्याला विचारमंथन करायचे आहे. शिंदे साहेबांवर तुम्ही जे खापर फोडत आहात, मग पदवीधरला तुम्ही उमेदवार द्यायला नको पाहिजे होता. मग आमचा शिक्षक मतदारसंघातील माणूस निवडून आला असता. पदवीधरला कोणी आलंच नाही आमच्याकडे. आमच्या जिल्हाप्रमुखाला माहिती नाही की, पदवीधरसाठी भाजपचा नियोजन अधिकारी किंवा निरीक्षक कोण आहे. आरोप-प्रत्यारोप मला करायचे नाहीत, असे निलेश राणे यांनी सांगितले.

मी परवापासून त्यांची वक्तव्यं ऐकत आहे. ते सातत्याने शिवसेनेवर विनाकारण निराधार आरोप करत आहेत. शिंदे साहेबांवर बोलायचा अधिकार नवनाथ बनला नाही. तू प्रवक्ता आहे, प्रवक्त्यांचं काम कर. आम्ही कधीही भाजपच्या नेत्याला कुठल्याही निवडणुकीच्या पराभवासाठी जबाबदार धरलेले नाही. शिंदे साहेबांचे नाव घेताना तुला भाजपमधून कोणाची संमती आहे, हे आधी स्पष्ट कर. तू फालतू आरोप करतो. शिक्षक मतदारसंघात आम्ही उमेदवार सानप उमेदवार दिले होते, त्याच्यामुळे म्हणे पुणे पदवीधर गेली, असे बन म्हणतो. आम्ही म्हणायचं का, तुम्ही पदवीधर दिला म्हणून आमची शिक्षक मतदारसंघाची जागा केली. नियोजन कुठे चुकलं, याचं आत्मपरीक्षण तुम्हाला करायचे आहे. एखादा पराभव झाला म्हणून तू शिंदे साहेबांचं नाव घेणार, एवढा मोठा झालास का तू? परत शिंदे साहेबांवर बोललास तर आम्ही करायच्या तयारीत असतो. आता कुठे तुझं करिअर सुरु झाले आहे. लक्षात ठेव, नको त्या वाटेला जाऊ नका. अंगाशी आल्यावर नंतर रडायलाही वेळ मिळत नाही, असा इशारा निलेश राणे यांनी दिला.

नवनाथ बन काही माझा मित्रबित्र नाही. तो माझा ज्युनिअर आहे. मी 2009 साली खासदार झालो आहे, तेव्हा तो चड्डीत होता. मी ऐऱ्यागैऱ्यांना मित्र बनवत नसतो. धंगेकरांचा विषय आला कुठून? नवनाथ बन म्हणतो, शिवसेनेने पुणे पदवीधरला आम्हाला मदत केली नाही. मी साताऱ्यात होतो. वाई आणि फलटणची जबाबदारी माझ्यावर होती. माझ्या जिल्हाप्रमुखाला माहिती नव्हते, पदवीधरचं काम करायचे आहे, भाजपचा कोणताच माणूस आला नाही. पदवीधर लढत होता तुम्ही आम्हाला एकही संदेश पाठवला नाही. तरीही आम्ही सहकार्य केले. आम्हाला नवनाथ बनने शिकवू नये, काम कसे करायचे. याला उत्तर द्यायच्या नादी मी कुठे लागू, आम्ही आमच्या नेत्यांना, फडणवीसांना उत्तर देऊ, तू कोण आहेस?, असा सवाल निलेश राणे यांनी उपस्थित केला.

भाजपसाठी आम्ही मेहनत घेतली आहे. कोणीतरी येणार आणि आम्हाला जाब विचारणार, तू कोण आम्हाला जाब विचारणारा. सगळी पुस्तकं उघडायची असतील तर प्रत्येक निवडणुकीचे पुस्तक उघडावे लागेल. त्याचा फायदा विरोधकांना होतो, ही अक्कल नवनाथ बनला असली पाहिजे. पत्रकारिता सोडून आताच कुठे निवडणूक जिंकलाय,ती कशी जिंकला, हे नंतर सांगेन. मी नको त्या विषयात जात नाही. आम्हगी सगळ्यांना मानतो. पण उगाच शिंदे साहेबांवर चिखलफेक केली तर आम्ही शब्द जपून वापरणार नाही.

आणखी वाचा

Navnath ban and Nilesh Rane: तुझी लायकी किती तू बोलतो किती! नवनाथ बन शिंदे साहेबांवर बोलताना लायकीत राहायचं: निलेश राणे

Mahayuti Crisis: पुणे पदवीधरमध्ये शिवसेनेवर खापर; पण खरी गेम केली राष्ट्रवादीने? पुणे पदवीधरमध्ये भाजपला 'राष्ट्रवादी'ची नाराजी कशी भारी पडली?

मंदार गोंजारी, एबीपी माझा, पुणे — Fri, 30 Oct 2026 11:59:55 +0530

पुणे : पुणे पदवीधरची जागा गमवावी लागल्याने भाजपचे नेते एकनाथ शिंदेंच्या शिवसेनेला दोष (Mahayuti Crisis) देत असल्याचं दिसून येत आहे. मात्र महायुतीतील तिसरा घटक पक्ष असलेल्या राष्ट्रवादी काँग्रेसने (NCP) शांतपणे पदवीधरची जागा गमावल्याचा वचपा काढल्याची चर्चा निकालानंतर आता राजकीय वर्तुळात सुरू आहे. गेल्या वेळी ही जागा राष्ट्रवादीच्या अरुण लाड यांनी जिंकली होती, त्यामुळे ही जागा राष्ट्रवादी काँग्रेसला (NCP) लढवायची होती. कार्यकर्त्यांनी पक्षाच्या नेतृत्वाला त्यासाठी गळ देखील घातली. पण पक्षाचं नेतृत्व त्यासाठी भाजपसमोर उभं राहू शकलं नाही. राष्ट्रवादीची ही नाराजी भाजपच्या लक्षात आल्यावर चंद्रकांत पाटील आणि भाजप नेते ही नाराजी दूर करण्यासाठी राष्ट्रवादीच्या (NCP) पुण्यातील कार्यालयात बैठकीसाठी पोहोचले. मात्र नाराजी दूर झाली नाही.

महायुतीमधल्या भाजप आणि शिवसेना या दोन घटक पक्षांमधल्या भांडणांची आपसातल्या कुरघोडींची चर्चा होते आणि कालपासून दोन्ही बाजूंचे नेते एकमेकांवरती तुटून पडलेत, मात्र या महायुती मधला तिसरा घटक पक्ष असलेला राष्ट्रवादी काँग्रेस, या राष्ट्रवादी काँग्रेसच्या नाराजीची चर्चा आता सुरू आहे, मात्र शिवसेनेपेक्षा देखील सर्वाधिक परिणाम पुणे पदवीधरच्या संदर्भात
खास करून झाला तो या राष्ट्रवादी काँग्रेसच्या नाराजीचा, शांतपणे राष्ट्रवादी काँग्रेसने त्यांच्या नाराजीची परतफेड केली असल्याची चर्चा सुरू आहे, कारण ही जागा राष्ट्रवादी काँग्रेसला लढवायची होती, मागील वेळी अरुण लाड यांच्या माध्यमातून राष्ट्रवादी काँग्रेनेच पुणे पदवीधरची ही जागा जिंकली सुरुवातीला या पक्षाच्या कार्यकर्त्यांनी जागा मागितली, आपण ही लढवायला हवी असं सांगितलं, मात्र राष्ट्रवादी काँग्रेसच नवखं नेतृत्व भारतीय जनता पक्षाच्या समोर उभं राहू शकलं नाही, ही जागा स्वतःकडे घेऊ शकलं नाही, त्यानंतर पडद्यामागच्या हालचालींना सुरुवात झाली, आणि ज्या हर्षदा देशमुख आणि त्यांचे वडील प्रभाकर देशमुख अगदी निवडणुकांच्या आधीपर्यंत राष्ट्रवादी काँग्रेस अजित पवार पक्षामध्ये म्हणजे ज्या पक्षाचे नेतृत्व सुनेत्रा पवार करतायत, त्या पक्षामध्ये सक्रिय होते ते अचानक शरद पवारांच्या राष्ट्रवादी काँग्रेसचे उमेदवार बनल्याचं दिसून आलं.

हर्षदा देशमुख सुनेत्रा पवारांच्या राष्ट्रवादी काँग्रेसच्या कार्यक्रमांना दिसत होत्या, सहभागी होत होत्या. मात्र त्यांनी शरद पवारांच्या राष्ट्रवादी काँग्रेसची उमेदवारी घेतली आणि याला अर्थातच दोन्ही राष्ट्रवादी मधल अंडरस्टँडिंग कारणीभूत ठरल्याचं बोललं जातंय, राष्ट्रवादी काँग्रेस सुनेत्रा पवारांच्या नेतृत्वातील पक्ष अडचणीत आला आणि त्यांनी मदतीसाठी पुन्हा मागे वळून पाहिलं ते शरद पवारांकडे आणि या दोन्ही राष्ट्रवादीच्या अंडरस्टँडिंग मधून या हर्षदा देशमुख या पुणे पदवीधरसाठीचे उमेदवार असतील हे त्यांच्यामध्ये ठरलं आणि त्यानंतर या निवडणुकीला सुरुवात झाली. भारतीय जनता पक्षाच्या ही गोष्ट लक्षात आल्यानंतर सुनेत्रा पवारांची किंवा राष्ट्रवादी काँग्रेसची नाराजी दूर करण्याचा प्रयत्न झाला, ज्या भाजपच्या उमेदवार स्मिता जाधव होत्या त्यांनी या सगळ्या प्रचारादरम्यान किमान एकदा तरी सुनेत्रा पवारांना भेटता यावं यासाठी शर्थीचे प्रयत्न केले, सुनेत्रा पवारांना भेटण्यासाठी अगदी दिल्लीमध्ये देखील त्यांनी प्रयत्न केले, मात्र ही भेट होऊ शकली नाही आणि त्यातून जो संदेश जायचा होता तो राष्ट्रवादी काँग्रेसच्या कार्यकर्त्यांमध्ये नेत्यांमध्ये तो गेला स्वतः चंद्रकांत पाटील यांनी पुण्यातील भाजपच्या नेत्यांना सोबत घेऊन पुण्यातील राष्ट्रवादी काँग्रेसच पक्ष कार्यालय गाठलं, तिथे त्यांनी बैठक घेतली आणि ही नाराजी दूर करण्याचा प्रयत्न केला, मात्र त्याचाही उपयोग झाला नाही. राष्ट्रवादी काँग्रेस पक्ष या निवडणुकीमध्ये सक्रिय होता असं कुठेही दिसलं नाही, मात्र पडद्या आडून काय घडलं हे निवडणुकीच्या निकालाच्या माध्यमातून सगळ्यांनी पाहिलं आणि या हर्षदा देशमुख या महाविकास आघाडीकडून उभारलेल्या उमेदवार तुतारी या चिन्हावरती म्हणजे शरद पवार यांच्या पक्षाकडून निवडून आल्या.